ПЄ́РВЫИ КНИ́ГИ ПАРАЛИПОМЄ́НОн̑

ГЛАв̑҇· А҃

Ада́мъ, си́фъ, е҆но́съ, каи҆на́нъ, малелеи́лъ, і҆а҆ре́дъ.
е҆но́хъ, маѳесаи́лъ, ламе́хъ.
но́е, сим̑, ха́мъ, и҆а҆фе́тъ·

Сн҃овеж̑ а҆фетовы.
геме́ръ, и҆ маго́гъ, и҆ мада́и, і҆ѻ҆и҆а́нъ.
е҆ли́са, и҆ ѳовал̑҇.
и҆ мосо́хъ, ѳира́съ·

Сн҃ове же геме́ровы, а҆схана́зъ, и҆ рива́ѳъ, и҆ ѳор꙽магъ·

Сн҃ове же і҆ѻ҆и҆а́ни, е҆ли́са, и҆ ѳар꙽си́съ, и҆ хет꙽ти́мъ, и҆ додани́нъ·

Сн҃ове же ха́мови, хꙋ́съ, и҆ мерсаи́мъ, фꙋдъ.
и҆ ханаа́нъ·

Сн҃ове же хꙋ́совы, сава̀, і҆ е҆вила, и҆ сава́та.
и҆ регъма́, и҆ саваѳа́ка·

Сн҃ве же регма́новы, сваа̀ и҆ даданъ·

Хꙋ́с же родѝ невро́да, и҆ се́и нача̀ бы́ти си́ленъ лове́цъ на землѝ·

Месраи҆м꙽ же родѝ людїи́ма и҆ е҆номи́ма, и҆ лавѷи҆ма, и҆ нефѳосе́имы·

И҆ фаѳерои́мы, и҆ персонїимы, и҆ хаслои́мы ѿ ни́х же и҆зыидо́ша филисти́ми, и҆ кафѳорїими·

Ханаа́нъ же родѝ сидона прьве́нца свое҆го и҆ хетѳе́ѧ·

И҆ е҆вꙋсе́ѧ, и҆ а҆м꙽море́ѧ, и҆ гергесе́ѧ·

И҆ е҆ве́ѧ, и҆ а҆рꙋке́ѧ, и҆ а҆сене́ѧ·

І҆ а҆радїѧ, и҆ самаре́ѧ, и҆ е҆м꙽маѳїѧ·

Сн҃ове же си́мовы, е҆лам̑, и҆ а҆с꙽сꙋръ, и҆ а҆рфаѯадъ, и҆ людъ, и҆ а҆ра́мъ, и҆ ѹ́зъ, и҆ л́ꙋдъ, и҆ а҆рам̑·

Кеи҆ же родѝ кена́на, и҆ е҆ѹ́лъ, и҆ е҆ѳе́ръ , и҆ мосо́хъ·

А҆рфаѯа́дъ же род̑и̑ са́лꙋ.
и҆ са́ла родѝ е҆вера·

Є҆верꙋ же роди́шасѧ дв̂а сн҃а.
и҆́мѧ е҆ді́номꙋ фалекъ.
ꙗ҆ко во́ дн҃и е҆го раздѣле́на бы́сть землѧ̀.
і҆ и́мѧ бра́тꙋ е҆го и҆е҆кта́нъ·

Є҆кта́н же родѝ е҆лмода́да и҆ салефъ.
и҆ а҆термоѳа, і҆ и҆а҆де́ра·

І҆ и҆дора́ма, и҆ ѹ҆за́ла, и҆ де́клꙋ, и҆ гамаа́ла.
и҆ а҆вимеи́ла, и҆ савꙋ·

И҆ ѹ҆фира, и҆ е҆вила́та, і҆ ѻ҆а́ва.
вс̂и сїѝ сн҃ове е҆кта́новы·

Сн҃ове же си́мовы а҆рфаѯад̑.
каи҆на́нъ, сала·

Є҆веръ фалекъ, рꙋгаѹ҆̀·

Серꙋ́хъ, нахор̑҇ ѳа́ра·

А҆врам̑ то́й е҆сть а҆враа́мъ.
сн҃ове же а҆враа́мли.
і҆саа́къ, і҆ и҆змаи́лъ·

Сїѧ же ро́ди и҆хъ.
прьве́нецъ и҆змаи́ловъ навеѻ́ѳъ, и҆ сида́ръ, и҆ а҆вдїи́лъ.
и҆ мавса́мъ·

И҆ масе́ма, і҆ и҆дꙋма.
и҆ мас꙽са.
и҆ а҆дадъ, и҆ ѳеман̑҇ и҆ е҆тꙋръ, и҆ нафи́съ, и҆ кедъма.
сїи сꙋть сн҃ове и҆змаи́ли·

Сн҃ове же хет̑тꙋры под̑ложницы а҆враа́мовы роди́ же е҆мꙋ земра́ма.
и҆ е҆ѯа́на, и҆ мадама, и҆ мадїа́ма, е҆свока и҆ сꙋе́ѧ.
сн҃ове же е҆ѯа́ни, сава̀, и҆ деда́нъ·

Сн҃ове же деда́новы, рагꙋи́лъ, и҆ навдеи́лъ, а҆сꙋели́мъ, и҆ латесїи́мъ, и҆ лоѻ҆мим̑ сн҃ове же мадїа́мли, гефа́ръ, и҆ ѻ҆фер̑҇ и҆ е҆но́хъ, и҆ а҆вїа́да, и҆ е҆лда́дъ.
всѣ же тїи сн҃ове хет̑тꙋрини·

Роди́ же а҆враам̑ і҆саа́ка, сн҃ове же і҆саа́ковы, и҆са́въ і҆и҆л҃ь.
сн҃ове же и҆са́вовы, и҆е҆лифаз̑, и҆ рагꙋи́лъ, и҆ е҆вꙋлъ, и҆ е҆гломъ, и҆ коре́и·

Сн҃ове же е҆лифа́ровы, ѳеман̑҇, і҆ и҆ѻ҆ма́ръ, и҆ сфа́ръ, и҆ гоѳа, и҆ кенез̑, ѳа́м꙽на же подло́жница е҆лифазова, роди е҆мꙋ а҆мади́ка·

Сн҃ове же рагꙋи҆левы, нахе́ѳъ, и҆ зара, и҆ сам꙽мез̑, и҆ мазе́и·

Сн҃ове же сїировы, лотан̑҇ сꙋва́ль, и҆ севего́нъ, и҆ а҆нанъ.
и҆ дисїѻ́нъ, и҆ а҆са́ръ, и҆ рисо́нъ·

Сн҃овеж̑ лота́ни, хор꙽рѝ, і҆ и҆ма́нъ.
сестра̀ лота́нѧ, ѳа́мна·

Сн҃ове же сꙋва́ли а҆дꙋа́ръ, и҆ манала́ѳъ, и҆ ѹ҆ва́лъ, и҆ са́пфи, и҆ ѻ҆на́нъ.
сн҃ве же севегони а҆́гла, и҆ а҆нанъ·

Сн҃ове же а҆нани, дисон̑҇, и҆ е҆лїама дщ̂и а҆на́нѧ втора́ѧ, сн҃ове же дисо́новы, а҆мада́нъ, и҆ е҆сева́нъ.
и҆ е҆ѳра́нъ, и҆ хар꙽ра́нъ.
сн҃овеж̑ а҆саръ, валаам̑, и҆ зана́нъ, и҆ лакан̑҇.
и҆ сн҃ове диго́ни, ѹ҆́съ, и҆ а҆ра́нъ·

И҆ тїи сꙋть цр҃и і҆ и҆же црс̑҇твова́ша въ зе́мли е҆до́мли, прежде неже бы́сть цр҃ь над̑ сн҃ы і҆и҆л҃евы·

Вала́къ сн҃ъ сеп̑҇фо́ровъ, і҆ и́мѧ гра́дꙋ е҆го дена́ва·

Ѹ҆́мре же валакъ и҆ црс̑҇твова въ е҆го мѣсто и҆ѻ҆ва́в꙽, сн҃ъ зарин̑҇ ѿ воси́ры·

И҆ е҆гда̀ ѹ́мре и҆ѻ҆гававъ.
и҆ црс̑҇твова̀ въ е҆го мѣсто хꙋса́мъ ѿ землѧ̀ ѳемано́ни·

И҆ ѹ́мре а҆со́мъ.
и҆ црс̑҇твова̑ въ е҆го мѣсто, а҆да́дъ сн҃ъ валъдад̑·

и҆же порази мадїа́мꙋ в селѣ̀ моа́вли.
і҆ и́мѧ гра́дꙋ е҆го е҆виѳ̑҇·

И҆ ѹ́мре валдад̑ и҆ црс̑҇твова въ е҆го мѣ́сто сема́ѧ ѿ месери́ка·

И҆ ѹ́мре сама́ѧ, и҆ црс̑҇твова въ е҆го мѣсто саѹ́лъ ѿ рово́ѳа, и҆же бли́зъ рѣкѝ·

Ѹ҆́мре же саѹ́лъ.
и҆ црс̑҇твова въ е҆го мѣ́сто валае҆но́нъ сн҃ъ а҆ховоровъ·

И҆ ѹ́мре валае҆нон̑҇.
и҆ црс̑҇твова въ е҆го мѣсто а҆дад̑, вараѳ̑҇, е҆гоже гра́дꙋ и҆́мѧ б̂ѣ фаѹ́л꙽.
і҆ и́мѧ женѣ̀ е҆го метавель дщ̂и мезаа́дова·

И҆ ѹ́мре а҆дад̑, и҆ нача́ша бы́ти кнѕ҃и е҆домли за цр҃и во е҆до́мѣ.
кн҃ѕь ѳема́н꙽ кн҃ѕь а҆лꙋѧ кн҃ѕь и҆е҆ѳафъ·

Кнѧз̑ е҆ливема кн҃ѕь и҆л꙽ла.
кн҃ѕь финон̑҇·

Кн҃ѕь крїезъ.
кнѧ́ѕь ѳема́нъ.
кнѧ́ѕь вамаи́лъ.
кнѧ́ѕь гамеси́лъ.
кнѧ́ѕь а҆рерама́нъ сїи бы́ша кнѧ́ѕи и҆е҆домъстїи·

Глв̑҇а, в҃·

Сн҃ове же і҆и҆л҃еви сїи сꙋть рꙋви́мъ, симеѻ́нъ, левїи, і҆ѹ́да, и҆саха́ръ, заѹ҆ло́н꙽ данъ, і҆ и҆ѻ́сифъ, вениа҆ми́нъ.
неѳали́мъ, гад̑.
и҆ а҆сиръ·

Сн҃ове же і҆ѹ́дины, и҆́ръ, и҆ а҆на́нъ, и҆ сило́мъ.
сїи трїе роди́шасѧ е҆мꙋ ѿ дще́ри сꙋрѧса́ны ханани́тѧныни.
бы́сть же и҆́ръ пръве́нец̑҇ і҆ѹ́динъ лꙋка́въ пред̑ гм҃ъ, и҆ ѹ҆бѝ е҆го·

Ѳама́р же невѣстъка е҆го родѝ е҆мꙋ фаре́са, и҆ за́ра.
всѣхъ сихъ сн҃овъ і҆ѹ́динъ пѧ́ть·

Сн҃ове же фаре́совы, е҆сро́мъ, и҆ а҆мꙋи́лъ·

Сн҃ове же за́рины зам꙽врїи, і҆ и҆ѳа́мъ и҆ е҆ма́нъ.
и҆ кал̑҇ха́дъ, и҆ дарале́и всх̑ѣ си́хъ, е҃·

Сн҃ове же харамїины.
а҆ха́ръ, и҆же смꙋтѝ і҆и҆л҃ѧ и҆же сложи́сѧ въ проклѧ́тїе·

И҆ сн҃ове и҆ѳа́мли, а҆зарїѧ́съ·

Сн҃ове же е҆сро́мовы и҆же роди́шасѧ е҆мꙋ и҆е҆ремеи́лъ, и҆ ѻ҆а҆ра́мъ, и҆ халовїа·

А҆ра́м꙽ же родѝ а҆минада́ва.
а҆минода́в же родѝ наа҆с꙽со́на кнѧ́ѕѧ домꙋ і҆ѹ́динꙋ·

Наа҆с꙽со́н же родѝ сал꙽мо́на, и҆ сал꙽мо́нъ родѝ воѻ́за·

И҆ воѻ́зъ родѝ ѻ҆ви́да.
и҆ ѻ҆ви́дъ родѝ і҆ес꙽се́ѧ·

І҆ е҆с꙽се́и же род̑и̑ прьве́нца свое҆го е҆лїа́ва, и҆ втора́го а҆минада́ва, и҆ тре́тїѧ҆го салъма́ѧ·

И҆ четвертаго наѳанаи́ла.
и҆ пѧ́таг̑҇ реи́ла·

И҆ ше́стаго а҆са́ка.
и҆ сед̑ма́го дв҃да·

И҆ сестры̀ и҆хъ бы́ша сарꙋ́и҆ѧ и҆ а҆виге́ѧ·

Сн҃ове же сарꙋ́ины а҆вес̑҇, и҆ѻ҆а́въ, и҆ а҆саи́лъ трїе сїи·

А҆виге́ѧ же родѝ а҆маса́ю.
е҆гоже ѿц҃ъ бы́сть и҆е҆ѳе́ръ і҆и҆л҃ьтѧни́нъ·

А҆халов же ѹ҆бо сн҃ъ е҆сро́мовъ прїѧ́тъ женꙋ̀ и҆́менемъ а҆зꙋвꙋ.
и҆ е҆рїѻ́ѳꙋ, и҆ сїи сн҃ове е҆ѧ̀ и҆а҆са́ръ, и҆ сꙋва́въ, и҆ а҆вдо́мъ·

И҆ е҆гда̀ ѹ́мре а҆зꙋ́ва.
и҆ взѧ́тъ себѣ хале́въ женꙋ̀ е҆фра́ѳꙋ ꙗ҆́же родѝ е҆мꙋ ѹ́ра·

Ѹ́р же родѝ ѹ́рїю и҆ ѹ́рїи роди веселеи́ла·

Посе́м꙽ же вни́де е҆сро́нъ къ дще́ри махи́ровѣ ѿц҃а галаа́дова и҆ се́и прїѧ́тъ ѧ҆̀ сы́и въ лѣтехъ, ѯ҃ тихъ и҆ родѝ е҆мꙋ гесꙋ́ва·

Гесꙋ́в же родѝ и҆а҆ира.
и҆ бѣша е҆мꙋ, к҃г, гра́ды, въ зем̑ли галаа́дъстеи·

Прїѧ́т꙽ же гесꙋръ и҆ а҆ра́мъ ве́си и҆а҆и́ровы.
и҆ кана́дъ и҆ се́ла е҆го.
ѯ҃, гра́довъ.
всѝ тыѝ сн҃ове махи́ровы ѿц҃а галаа́дова·

И҆ по ѹ҆мрътвїѝ е҆серона.
вше́лъ е҆сть хале́въ къ е҆фра́ѳѣ.
жена̀ е҆серо́млѧ а҆вїѧ.
родѝ е҆мꙋ а҆сдо́ма ѿц҃а ѳекꙋе҆ва·

И҆ бѣша сн҃ове е҆рамае҆лы.
прьвенца е҆серо́млѧ.
ра́мъ прьве́цъ е҆го, и҆ ваа́на.
и҆ а҆ра́мъ, и҆ а҆сом̑ брат̑ е҆го·

И҆ бѣ̀ жена̀ и҆на е҆рамее́лꙋ и҆́менемъ а҆та́ра.
и҆же бы́сть мт҃и ѹ҆нꙋмлѧ·

И҆ бѣша сн҃ове а҆ра́мли пръворожени и҆е҆рамеи́лю бы́ша маа́съ.
і҆ и҆а҆вим̑, и҆ а҆ко́ръ·

И҆ бѣша сн҃ы ѹ҆нам̑ са́м꙽мѣ и҆ е҆дъда́ю.
семе́и, и҆а҆да́нъ.
сн҃ове ж̑ сам꙽менава́вовы, надав̑҇ и҆ а҆висꙋръ·

І҆ и́мѧ женѣ̀ а҆висꙋрѣ а҆виге́ѧ, и҆же родѝ е҆мꙋ а҆сва́ѧ, и҆ моѳъдїѧ́.
сн҃ве ж̑ нада́вовы сала́дъ, и҆ а҆фъфꙋнъ.
и҆ ѹ́мре сала́дъ не и҆мы́и ча́дъ·

И҆ сн҃ъ ѹ҆бо а҆фъфе́новъ и҆е҆сїи.
и҆ сн҃ъ ие҆сїевъ соса́нъ.
и҆ сн҃ове соса́ни, даде́и·

Сн҃ове же даде́ины бра́та семе́ева, и҆е҆ѳе́ръ, и҆ѻ҆наѳа́нъ, н̂о и҆е҆ѳе́ръ ѹ́мрѣ не и҆мы́и ча́дъ.

Сн҃ове же и҆ѻ҆наѳа́ни, фале́дъ, и҆ за́за, тїи бы́ша сн҃ове и҆е҆ромаи́ли·

Соса́м꙽ же не и҆мѣ̀ сн҃овъ н̂о дще́ри, і҆ и҆мѣѧ́ше соса́мъ раба̀ е҆гѷптѧнина и҆́менемъ и҆е҆раа́и·

И҆ дасть е҆мꙋ а҆пи́сꙋ дще́рь свою̀ въ женꙋ̀.
и҆же род̑и̑ е҆мꙋ е҆ѳъѳе́ѧ·

И҆ е҆ѳ꙽ѳе́ѧ же родѝ наѳа́на и҆ наѳан̑҇ родѝ зава́да·

Завад̑ же родѝ ѻ҆фла́ла.
и҆ ѻ҆фла́л꙽ же родѝ ѻ҆ви́да<.>

И҆ ѻ҆ви́дъ родѝ і҆ѹ́ѧ.
і҆ѹ́е родѝ а҆за́рїю·

А҆за́рїѧ же родѝ хел꙽ли́са, и҆ хел꙽ли́съ родѝ е҆леа́са·

И҆ е҆леа́са родѝ сосама́и҆ѧ, и҆ сосама́и҆мъ родѝ сал꙽лꙋма·

Сал꙽лꙋм꙽ же родѝ и҆е҆комїю, и҆е҆комїѧ родѝ е҆лиса́ма·

Сн҃ове же хале́ва бра́та и҆е҆рамеи́лѧ, ме́са, прьве́нецъ е҆го.
то́и е҆сть ѿц҃ъ зи́ѳов̑҇ и҆ сн҃овъ мариса́нїих̑ ѿц҃а хевро́нова·

Сн҃ове же хевро́ни.
коре́и, и҆ ѳаф̑҇фꙋ́и и҆ реко́мъ, и҆ са́м꙽ма·

Са́м꙽ма же родѝ рае́ма ѿц҃а и҆еркаа́нова.
и҆ е҆ръкаа́нъ родѝ сам꙽ма́ю·

Сн҃ъ же сам꙽ма́инъ маѻ́нъ, и҆ маѻн̑҇ ѿц҃ъ веѳъсꙋровъ·

Ге́фа же подло́жница хале́фова родѝ а҆рама, и҆ маса́ѧ и҆ газе́ра посе́мъ а҆ра́нъ родѝ и҆е҆зе́мъ.
сн҃ве же а҆́дъдины, реи́ма, и҆ѻ҆а҆ѳа́мъ.
и҆ гирсо́мъ, и҆ фале́тъ, и҆ ге́фа, и҆ сега́въ·

И҆ подло́жница хале́вова моѻ́ха, родѝ сиве́ра, и҆ ѳарха́на·

Роди́ же се́фа ѿц҃а мад꙽минаева и҆ саѹ́ла ѿц҃а маде́винѧ.
и҆ ѿц҃а а҆гевда́е҆ва.
и҆ дщ̂и ѹ҆бо хале́вова а҆́сха·

Сїи бѧ́хꙋ сн҃ове хале́вови сн҃ове гꙋри пръве́нца е҆фра́ѳа.
сова́лъ ѿц҃ъ кариа҆ѳїа҆ри́мовъ·

И҆ солманъ ѿц҃ъ веѳлее́мовъ, и҆ мари́ѳъ ѿц҃ъ веѳъгедо́мовъ·

Бы́ша же сн҃ове сова́ль ѿц҃ꙋ карїа҆ѳїа҆ри́млю.
а҆ра́а, и҆ е́си и҆ а҆м꙽мани́ѳъ, и҆ ѹ҆мас꙽фа́е, и҆ кариа҆ѳїа҆ри́мъ.
и҆ миѳиѳи́мъ, и҆ самаѳи́мъ, и҆ самареи́мъ.
ѿ тѣхъ и҆зыдо́ша.
сараи҆ѳе́и, и҆ е҆сѳаголе́и·

Сн҃ове же солма́ни ѿц҃а веѳлее́млѧ.
и҆ нетофа́ти, и҆ а҆таро́тъ, домꙋ и҆ѻ҆а́вова.
и҆ полови́на поко́ищ̑҇ сара́и·

ѿч҃ества же пи́сареи ѻ҆бита́ющихъ въ і҆а҆и́се пою́щи и҆ възглаша́ющи, и҆ въ жи́лищихъ живꙋщи.
сїи сꙋть кине́и.
и҆же прїидо́ша ѿ теплоты ѿч҃а до́мꙋ реи҆лъса́вова·

Глв̑҇а, г҃·

Сїи же бы́ша сн҃ове двд҃вы и҆же роди́шасѧ е҆мꙋ въ хевро́нѣ.

Первороже́ныи а҆мно́нъ.
ѿ схина́мы і҆и҆л҃ьтѧны́ни.
вторы́и же дани́лъ ѿ а҆виге́и карми́льскїѧ.
тре́тїи а҆весало́мъ сн҃ъ моа҆хи дще́ре ѳоломѣ́и цр҃ѧ гессꙋр꙽ска.
четве́ртыи а҆до́нїа сн҃ъ а҆г꙽гиѳ̑҇·

Пѧ́тыи сафатїѧ ѿ а҆вита́ли.
ше́стыи е҆ѳрага́мъ ѿ е҆лга́и жены̀ е҆го·

ше́сть б̂о роди́шасѧ е҆мꙋ въ хевро́нѣ.
и҆дѣж́е црс̑҇твова̀ з҃, лѣтъ, и҆ ѕ҃, мцс̑҇ъ.
и҆ л҃, и҆ г҃ лѣта црс̑҇твова̀ въ і҆ерс̑҇лимѣ·

И҆ сїи сн҃ове въ і҆ерс̑҇лимѣ роди́шасѧ е҆мꙋ.
сама́ѧ, и҆ сова́въ, и҆ наѳа́нъ, и҆ соло́монъ.
четы́ре ѿ вир꙽савїи дщи а҆мїи҆ловы·

И҆ е҆ва́ръ б̂о и҆ е҆лиса́ма, и҆ е҆лиѳалетъ·

И҆ наго́съ, и҆ нафе́тъ, и҆а҆фїе·

И҆ е҆лиса́ма, и҆ е҆лиа҆да́къ, и҆ е҆лифале́тъ.
ѳ҃, всѣхъ сн҃овъ двд҃выхъ кро́мѣ сн҃овъ подло́жницъ, и҆ ѳама́ры сестры и҆хъ·

Сн҃ы же соло́мони ровоам̑ и҆ а҆вїа сн҃ъ е҆го и҆ а́са сн҃ъ е҆го.
и҆ѻ҆сафат̑ сн҃ъ е҆го·

И҆ѻ҆рамъ сн҃ъ е҆го, и҆хозїа сн҃ъ е҆го, и҆ а҆масїѧ сн҃ъ е҆го, ѻ҆зїѧ сн҃ъ е҆го·

И҆ѻ҆а҆ѳа́мъ сн҃ъ е҆го.
а҆хаз̑ сн҃ъ е҆го, е҆зекїѧ сн҃ъ е҆го.
е҆манасїѧ сн҃ъ е҆го·

А҆мо́нъ сн҃ъ е҆го, и҆ѻ҆сїѧ сн҃ъ е҆го·

Сн҃ове же и҆ѻ҆сїи҆ны первенецъ и҆ѻ҆хана́нъ.
вторы́и и҆ѻ҆а҆ким̑.
тре́тїи седекїѧ.
четве́ртыи селълꙋмъ·

Сн҃ове же ѿ и҆ѻ҆а҆ки́мовы и҆ехонїѧ сн҃ъ е҆го, и҆ седекїѧ сн҃ъ е҆го·

Сн҃ове же и҆е҆хонїе҆вы а҆си́ръ, и҆ салаѳїи҆ль сн҃ъ е҆го, мелхира́мъ, фад̑де́ѧ и҆ а҆несаръ, и҆е҆зекїѧ, ѻ҆само́нъ.
и҆ савадїѧ·

Сн҃ы же фад̑дѣѻ҆вы сꙋть зороваве́ль, и҆ сем꙽ме́и·

Сн҃ове же зороваве́левы мосол꙽ла́мъ, а҆на́нїа.
и҆ салами́нъ сестра̀ е҆го·

И҆ а҆сꙋве́а.
и҆ ѻ҆е́лъ, и҆ варахїѧ, и҆ а҆садїѧ, и҆ ѻ҆саведъ.
е҃, сихъ·

Сн҃ы же а҆на́нїи҆ны фалтїѧ́съ.
е҆се́и҆е сн҃ъ е҆го.

Рафаѧ сн҃ъ е҆го.
томꙋ же сн҃ъ а҆рна́вꙋ, ѿ него́же роди́сѧ а҆вдїѧ.
е҆мꙋже сн҃ъ бы́сть сехенїа·

И сн҃ъ сехенїи҆нъ, саме́ѧ, е҆мꙋже сн҃ове лат꙽тꙋсъ.
и҆ е҆ѻ҆и́лъ, и҆ вер꙽рїа, и҆ ноа҆дїа, и҆ сафъ.
ше́сть си́хъ·

И҆ сн҃ы ноа҆рїѧ, е҆лиѻ҆не́и, и҆е҆зекїѧ, и҆ е҆зрика́мъ, трїе си́хъ·

Сн҃ове е҆лиѻ҆не́евы, ѹ҆а҆дїа и҆ е҆лиꙗ҆сево́нъ, и҆ фаде́ѧ, и҆ а҆каѹм̑, і҆ и҆ѻ҆на́нъ, и҆ далеѧ а҆и҆а҆на́нъ седмь си́хъ·

Глв̑҇а, д҃·

Сн҃ове же і҆ѹ́дины фаре́съ, е҆сро́мъ и҆ хар꙽мїи, и҆ ѻ́ръ, и҆ сꙋваль·

И҆ сада́и сн҃ъ сꙋваль роди и҆еѳа и҆е́ѳъ роди а҆химе́ѧ и҆ л꙽ла́да.
сїѧ же ро́ды а҆рїадїи҆ны·

И҆ сїи сн҃ы е҆та́новы и҆раи́лъ и҆ е҆сма́нъ, и҆ е҆вда́нъ.
и҆мѧ же сестрѣ и҆хъ е҆сїѧ·

десфо́нъ, и҆ фанаѹ҆и҆лъ ѿц҃ъ гадо́нъ и҆ е҆зе́ръ ѿц҃ъ ѻ҆́синъ.
сїи же сн҃ове ѻ҆́ровы первенца е҆фра́ѳа ѿц҃а веѳлеѻ́млѧ·

А҆ссꙋрꙋ же ѿц҃ꙋ текꙋе҆вꙋ бѣхꙋ дв̂ѣ жены̀ ха́лла, и҆ маа́ра·

Роди же е҆мꙋ маа́ра, а҆ха́за, и҆ е҆ѳе́ра, и҆ ѳема́на, и҆ а҆а҆с꙽ѳира.
тїи сꙋть вс̂и сн҃ове ноѻ҆ра́совы·

И҆ сн҃ове хелаа҆ сере́ѳъ, и҆ соѻ́ръ, и҆ е҆гъѳа́нъ·

Хꙋсъ же роди е҆но́ва и҆ сосива.
и҆ роже́нїе бра́та риха́влѧ, сн҃а а҆ри́мова·

Бы́сть же и҆а҆ви́съ честнѣ́ишїи бра́тїѧ свое҆ѧ.
и҆ мати е҆го нарече и҆мѧ е҆го и҆а҆ви́лъ гл҃ющи, ꙗ҆́ко родихъ е҆го въ болѣзни·

Сїи ѹ҆бо а҆вил̑҇ възва б҃а і҆и҆л҃ева гл҃ющи.
а҆ще блс̑҇вѧ блс̑҇виши мене и҆ распространиши предѣлы моѧ, и҆ бꙋ́детъ рꙋка̀ твоѧ со мно́ю, и҆ сътвори́ши мѧ вразꙋмѣнїе е҆же не смири́ти мѧ, и҆ възда́сть е҆мꙋ б҃ъ вс̂ѧ е҆ли́ко проси́лъ е҆сть·

Кале́фъ же ѿц҃ъ а҆ха́нь роди махи́ра, се́и ѿц҃ъ бы́сть а҆саѳоновъ·

И а҆саѳо́нъ роди саѳрефꙋ, и҆ фес꙽сїа, и҆ ѳа́нꙋ ѿц҃а гра́да наа́с꙽сова бра́та селомлѧ кенезїа и҆хазо́ва, сїи сꙋть мꙋжи рифы·

Сн҃ове же кенезины, гоѳонїи҆ль, и҆ сараи҆ѧ, сн҃ове же гоѳонїи҆левы а҆ѳаѳъ·

Манаѳа́и же роди гофрꙋ, и҆ сараи҆а́съ роди и҆ѻ҆ра́ма ѿц҃а гисасарїи҆м꙽ занѐ хꙋдо́жницы бѧ́хꙋ·

Сн҃ове же хале́вовы сн҃а и҆е҆фони́рова, и҆ра лаа́и, и наа́мъ, сн҃ове ж̑ и́лы кене́зъ·

Сн҃ове же а҆мели́мъли, зи́фъ, и҆ зефа и҆ фирїѧ и҆ е҆сери́ль·

Сн҃ове же е҆во́ры, и҆е҆ѳе́ръ, и҆ мора́дъ, и҆ ѻ҆феръ, и҆ а҆мо́нъ же роди и҆е҆ѳеда, маро́на и҆ сема́ю е҆сва ѿц҃а гедо́рова и҆ а҆вера ѿц҃а съхо́и҆на, и҆ е҆хѳїи҆лѧ ѿц҃а зано́нѧ, сїи сн҃ове веѳ꙽ѳїевы дще́ре фараѻ́новы ю҆́же поѧ́тъ мори́лъ·

И сн҃ове жены̀ и҆дꙋмѣѧны́ни сестры ханаѻ́ни и҆ далїѧ ѿц҃ъ і҆и́лѧ и҆ симеѻ́нъ ѿц҃ъ и҆ѻ҆ма́мовъ·

И҆ сн҃ове не́мовы ѿц҃а кеи́лова, гармїева, и҆ е҆сѳемое҆ва, и҆же бы́сть ѿ ма ха́ѳи·

Сн҃ове же симеѻ́ни, а҆мнонъ, и҆ рамно́нъ, сн҃ъ а҆на́нъ, е҆ѳимно́нъ·

И҆ сн҃ове е҆зоха́ѳовы, и҆ сн҃ове зоха́ѳовы·

Сн҃ове е҆ломли сн҃а і҆ѹ́дина и҆ръ.
ѿц҃ъ лива́ковъ.
и҆ лаа҆да ѿц҃ъ марисанъ, и҆ племѧ до́мꙋ дѣ́лателїи, льнѧныхъ въ домꙋ клѧтве́немъ·

І҆ и҆же стати сътворил̑҇ слн҃це.
мꙋжи̑ лжи́вїи и҆ безъбо́ѧзненїи и҆ дород̑ни.
и҆же кнѧ́ѕи быша въ моа́вѣ.
і҆ и҆же ѻ҆брати и҆хъ а҆веди́дꙋ въ маѳꙋкеим̑.
сїѧ же словеса̀ ве́тха·

Сїи же сꙋть скꙋде́лницы ѻ҆бита́ющїи въ садѣхъ и҆ ѻ҆плотѣхъ пред̑ цр҃емъ.
и҆ во црс̑҇твѣ е҆го ѹ҆крѣпи́шасѧ въ дѣлехъ е҆го, живѧхꙋ т̂ꙋ·

Сн҃ове же симеѻ́ни, намꙋиль, и҆ ꙗ҆минъ, и҆а҆ри́въ, заре, саѹ́лъ·

Салемъ сн҃ъ е҆го, масанъ сн҃ъ е҆го.
масъма сн҃ъ е҆го.
савꙋдъ сн҃ъ е҆го, самад̑ сн҃ъ е҆го.
закъхꙋръ селїи сн҃ъ е҆го·

Сн҃ове же сем꙽меи҆ны ѕ҃і, и҆ дщере́и, ѕ҃, и҆ братїѧм̑ же е҆го не бѣша сн҃овъ мно́гих̑.
и҆ вс̂е племѧ и҆хъ не возмо́же поровна́тисѧ мно́жествꙋ сн҃омъ і҆ѹ́динымъ·

И҆ ѻ҆бита́хꙋ въ вирсавїи, и҆ савадѣ, и҆ монаде, и҆ въ е҆серсꙋа́лѣ·

И҆ въ ва́лѣ, и҆ въа҆семе, и҆ въ ѳоладе·

И҆ въ ваѳꙋи҆ле, и҆ въ е҆рмѣ.
и҆ въ сикелаи·

И҆ во вее҆хархавоѳѣ.
и҆ во мисꙋсеѻ́синѣ и҆ в домꙋ варꙋсеѻ҆римли.
сїѧ гра́ды их̑ даже до цр҃ѧ дв҃да·

И҆ села их̑, и҆там̑, и҆ а҆е҆нъ.
рам꙽монъ, гоѳъха́нъ.
и҆ а҆санъ гра́довъ пѧ́ть·

И҆ вс̂и дворы̀ и҆хъ по ѻ҆́крс̑҇тъ гра́дом̑ тѣмъ.
да́же до ваа́ла.
сїе е҆сть ѻ҆бита́нїе и҆хъ.
и҆ сѣдѣнїем̑ раздѣленїе·

Мосовав꙽ же и҆ а҆млеѳъ и҆ ѻ҆сїѧ сн҃ъ а҆масїевъ·

І҆ и҆ѻ҆и́ль, и҆ е҆вꙋ́е сн҃ъ и҆а҆савїевъ, сн҃а сара́ева сн҃а а҆сїилева.
и҆ е҆лиѻ́на, і҆ и҆ꙗ҆ка́ва, і҆ и҆е҆сꙋи҆ѧ, и҆ а҆се́ѧ, и҆ дигель, и҆ е҆симель, и҆ ванаи́ѧ·

Зѷза сн҃ъ сафеи҆е҆въ сн҃а а҆мо́нѧ, сн҃а и҆е҆дїина сн҃а сем꙽вии҆на, сн҃а семеи҆ѧ·

Тїѝ сꙋть и҆менова́ни кнѧ́ѕи, въ племе́нехъ своих̑, и҆ въ домо́хъ бли́жнихъ своихъ, ѹ҆мно́жишасѧ ѕѣ́ло·

И҆ ходи́ша да вни́дꙋтъ въ и҆е҆ра́рꙋ даже на въсто́къ слн҃ца до де́бри.
възыщꙋще па́ствъ ста́домъ свои҆мъ.
ѻ҆брѣто́ша же па́ствы ѻ҆билны́и ѕѣло бл҃ги.
и҆ землю пространѣ́ишꙋ пред̑ ни́ми и҆ поко́инꙋ и҆ молчани́вꙋ занѐ прежде ѻ҆бита́хꙋ ѿ колѣ́на ха́мова т̂ꙋ·

Тїи ѹ҆бо прїидо́ша и҆хже вы́ше ѻ҆писа́хомъ и҆менемъ въ дн҃и е҆зекїѧ цр҃ѧ і҆ѹ́дина.
и҆ поби́ша жи́тель и҆хъ, и҆ ѻ҆бита́нїе и҆же ѻ҆брѣто́ша т̂ꙋ, і҆ и҆скорени́ша и҆хъ даже до дн҃е сего.
и҆ всели́шасѧ сами въ мѣ́сто и҆хъ ꙗ҆́ко ѻ҆бил꙽нѣ́иша па́ствы т̂ꙋ ѻ҆брѣто́ша ско́томъ·

ѿ си́хъ же сн҃овъ симеѻ́нь.
и҆до́ша въ горꙋ сеи́рю мꙋжїи.
пѧ́ть сот̑.
и҆же и҆мѣѧ́хꙋ кн҃ѕи ѳалтїа и҆ неа҆дїѧ и҆ рафаи҆ѧ.
и҆ ѻ҆зїель сн҃ове.
и҆е́сы старѣ́ишины и҆хъ·

И҆ поби́ша ѻ҆ста́н꙽ки и҆же ѻ҆ста́ша ѿ а҆малеи҆ка.
і҆ и҆ всели́шасѧ т̂ꙋ даже до дн҃е сего̀·

Глв̑҇а, е҃·

Сн҃ове же рꙋви́мовы пръвен꙽ца і҆и҆л҃ева ꙗ҆́ко то́и бы́сть пръвенецъ е҆го·

И҆ внегда е҆мꙋ възыитѝ на ло́же ѿц҃а е҆го.
дано̀ бы́сть прьве́нъство е҆го сн҃омъ і҆ѻ́сифовымъ сн҃а і҆и҆л҃ева.
и҆ нѣ́сть то́и вмѣнен̑҇ в꙽ перве́н꙽ство·

Ꙗ҆́ко і҆ѹ́да си́ленъ бы́сть крѣпостїю въ бра́тїи свое́и.
и҆ во́ждъ в꙽мѣни́сѧ ѿ него и҆зрастѐ прьве́нъство и҆ѻ́сифово·

Сн҃ове б̂о рꙋви́мовы прьве́нца і҆и҆л҃ева, е҆но́хъ, и҆ фамꙋсъ, а҆сром̑, и҆ харми·

Сн҃ове и҆ѻ҆и́левы.
семе́и, и҆ ване́ѧ сн҃ъ е҆го.
сн҃ове го́говы сн҃а семе́и, сн҃ъ е҆го·

Ми́ха сн҃ъ е҆го.
риси́нъ сн҃ъ е҆го ве́кра сн҃ъ е҆го·

Ве́ра сн҃ъ е҆го, е҆гоже плѣне́на и҆зведѐ ѳаглафаласа́ръ цр҃ь а҆сѷрїискїи.
се́и бы́сть кнѧ́ѕь в колѣ́нѣ рꙋви́мовѣ·

Є҆гда́ же сочета́хꙋсѧ бра́тїѧ же е҆го и҆ все племѧ̀ е҆го по семъѧ́мъ свои́мъ и҆ по ро́дꙋ и҆хъ, и҆мѣѧ҆хꙋ ѿ бра́тїа е҆го кн҃ѕѧ.
и҆ѻ҆и́лѧ и҆ заха́рїю·

И҆ ва́леж̑ сн҃ъ а҆зꙋ́зовъ сн҃ъ сам꙽мы, сн҃ъ и҆ѻ҆и́лева то́и ѻ҆бита̀ въ а҆рои́рѣ да́же до нава́на, и҆ веел̑҇маѻ́на·

И҆ проти́вꙋ въсто́чныѧ страны̀ ѻ҆бита̀ да́же до в꙽хо́дꙋ пꙋсты́ни и҆ рѣкѝ е҆фра́та.
мно́го б̂о число̀ скота̀ держа́хꙋ в зем̑ли галаа́дъстеи·

Въ дн҃и же саѹ́ла възведо́ша бра́нь проти́въ а҆гарѧ́ном̑ и҆ поби́ша и҆хъ.
и҆ ѻ҆бита́ша в жи́лищихъ и҆хъ въ все́и странѣ̀ пред̑ лицем̑ въсто́кꙋ галаа́дъскомꙋ·

Сн҃ве же га́довы ѿ страны̀ и҆хъ ѻ҆бита́ша въ землѝ васа́ни до селха·

И҆ѻ҆и́ль главо́ю бы́сть и҆ сафа́мъ в꙽торы́и.
и҆а҆нїи кни́жникъ васа́ньскїи·

И҆ бра́тїѧ и҆хъ по домо́мъ и҆ племе́немъ свои҆мъ.
и҆хаи́ль мосол꙽лам̑, и҆ сове́и, и҆ ѻ́ра.
и҆ ѻ҆ханъ, и҆ ѻ҆вїѧ́, и҆ ѻ҆ви́дъ се́дмь·

Тїи сн҃ове а҆вихаи́левы·

сн҃ове рꙋвїины, и҆а҆га́ди, сн҃ове галаа́довы, сн҃ове махаи́левы.
сн҃ове і҆е҆с꙽се́и, сн҃ове и҆е҆даи, сн҃а вꙋ́зова·

Бра́та сн҃ꙋ а҆вдїи́лева, сн҃а гꙋнїи́на бы́ша кнѧ́ѕи до́мꙋ ѿч҃ества и҆х꙽·

И҆ ѻ҆бита́ша въ галаа́дѣ и҆ въ васа́нѣ и въ мѣста и҆хъ, и҆ въ всѣхъ под̑град̑ныхъ саро́ньскихъ даже до предѣл꙽·

Вс̂и сїи сочте́ны бы́ша въ дн҃и и҆ѻ҆а҆ѳа́ма цр҃ѧ і҆ѹ́дина, и҆ въ дн҃и і҆е҆ровоа́ма цр҃ѧ і҆и҆л҃ева·

Сн҃ове же рꙋви́мовы, и҆ га́довы, и҆ по́лъ пле́мени манасїи́на.
бы́ша сн҃ове си́лни и҆ мꙋжїе носѧ́ще щи́ти и҆ ме́чи, и҆ напрѧза́ющи лꙋ́ки.
ѹ҆че́ни же къ ѻ҆полче́нїемъ, и҆ бы́сть их̑.
҂м҃, и҆ ҂д҃, и҆ з҃. со́тъ, и҆ ѯ҃. и҆же и҆схожда́хꙋ къ бра́ни·

Брани́шасѧ проти́въ а҆гарѧ́номъ.
и҆ е҆ѳꙋро́мъ.
и҆ нафисом̑.
и҆ наваѻ҆номъ·

И҆ ѹ҆крѣпи́шасѧ над̑ ни́ми, и҆ преда́шасѧ в рꙋцѣ и҆хъ а҆гарѧ́не.
и҆ вс̂ѧ ѻ҆бита́нїѧ и҆хъ.
занѐ г҃а възва́ша е҆гда ѻ҆плъча́хꙋсѧ.
и҆ ѹ҆слы́ша их̑.
занѐ ѹ҆пова́хꙋ на́нь·

И҆ плени́ша коры́сти и҆хъ.
вельблю́довъ.
҂н҃, и҆ ѻ҆ве́цъ, ҂с҃, и҆ ҂н҃, и҆ ѻ҆сло́въ, ҂в҃. и҆ дш҃ъ чл҃ческихъ, ҂р҃·

Ра́ненїи же мно́ѕи падо́ша.
занѐ бы́сть ѿ г҃а бра́нь.
и҆ въ мѣсто и҆хъ да́же до пресе́ленїѧ·

Сн҃ове же полъ пле́мени манасїе́ва всели́шасѧ въ землѝ ѿ васа́на да́же до ваа́л꙽е҆рмо́на и҆ саи́ръ.
и҆ горꙋ̀ а҆е҆рмо́ньскꙋ.
и҆ сїи въ лива́нѣ ѹ҆мно́жишасѧ·

И҆ тїѝ бы́ша кнѧ́ѕи до́мꙋ племе́ни и҆хъ.
говеръ и҆ е҆си, и҆ е҆лии҆ль.
и҆ газрїель.
і҆ е҆ремїѧ и҆ ѻ҆дꙋи҆ѧ.
и҆ е҆дїе́ль, мꙋж́и си́лни въ крѣ́пости.
и҆ мꙋж́и и҆мени́ти въ домꙋ ѿц҃ъ свои҆хъ·

Ѡ҆ста́виша же б҃а ѿц҃ъ свои҆хъ.
и҆ поплъзнꙋшасѧ по бо́ѕѣхъ люд̑ских̑ землѧ̀ ѻ҆́ноа.
и҆хже бы́сть потреби́лъ г҃ь пред̑ ни́ми·

И҆ възд̑ви́же б҃ъ і҆и҆л҃евъ дх҃ъ фꙋла цр҃ѧ асѷрїиска.
и҆ дх҃ъ ѳеглаѳафаласа́ръ цр҃ѧ а҆с꙽сѷрьска.
и҆ плѣни рꙋви́ма и҆ га́да и҆ по́лъ племе́ни манасїи҆на.
и҆ въведе и҆хъ въ а҆л꙽ла́нъ и҆ въ а҆во́ръ и҆ а҆ра́и.
и҆ на рѣкꙋ гоиза́ню да́же до дн҃е сего·

Глв̑҇а, ѕ҃·

Сн҃ове левїи, герсо́нъ, каа́ѳъ, и҆ мера́ри, сн҃ове же каа́ѳовы, а҆мра́мъ и҆ саа́ръ, и҆ хевро́нъ, и҆ ѻ҆зїи҆ль·

Сн҃ове же а҆мра́мли.
а҆а҆рон̑҇, моѷсїи, и҆ марїѧмъ.
сн҃ове же а҆а҆ро́новы нада́въ, и҆ а҆виѹ́дъ, е҆леа҆за́ръ и҆ ѳама́ръ·

И҆ е҆леа҆заръ роди финее́са и҆ финее́съ роди а҆виѹ́да·

И҆ а҆виѹ́дъ роди кевок꙽хе́ѧ, и҆ кевок̑҇хе́и роди ѻ҆зи·

ѻ҆зи же роди саре́ѧ, и҆ саре́ѧ роди мерии҆ѻ́ѳа·

Мерии҆ѻ́ѳъ же роди а҆марїа, и҆ а҆марїѧ роди а҆хито́ва·

А҆хитов̑҇ же роди садо́ка, и҆ садок̑҇ роди а҆химаа́са·

А҆химаа́съ же роди а҆за́рїю.
и҆ а҆за́рїѧ роди и҆ѻ҆на́са.
и҆ѻ҆на́съ роди а҆за́рїю.
то́и е҆сть а҆за́рїѧ и҆же сщ҃енъство сътвори́лъ е҆сть, в домꙋ̀ ꙗ҆́же създа̀ соло́монъ въ і҆ерс̑҇лимѣ·

Роди же а҆за́рїа а҆марїю.
и҆ а҆марїа роди а҆хито́ва·

А҆хито́въ же роди садо́ка.
и҆ садо́къ роди сел꙽лꙋма·

И҆ сел꙽лꙋмъ роди е҆лъкїю.
и҆ е҆лкїѧ роди а҆за́рїю·

И҆ а҆за́рїѧ роди сареа́на.
и҆ саре́ѧ роди и҆ѻ҆седе́ка·

И҆ѻ҆седе́къ же из̑ше́лъ е҆сть, е҆гда̀ преведе г҃ь і҆ѹ́дꙋ.
і҆ерс̑҇лимъ рꙋко́ю навходоносо́ра въ вавѷло́нъ·

Сн҃ове же левѷины, геѳъсо́нъ, каа́ѳъ, и҆ мера́ри, и҆ сїѧ и҆мена̀ сн҃овъ геѳъсо́нь, лꙋве́ни, и҆ семе́и·

Сн҃ове же каа́ѳовы, а҆мрамъ, и҆ саа́ръ, и҆ хевро́нъ, и҆ ѻ҆зїи́ль·

Сн҃ове же мерарїи҆ны, моѻ҆ли, и҆ мꙋси.
сїе е҆сть роже́нїе левѷ.
по ѻ҆те́чествїамъ их̑, геѳ꙽сонови, лова́нїи сн҃ъ е҆го, и҆а́ѳъ сн҃ъ е҆го, семна сн҃ъ е҆го·

И҆ѻ́ла сн҃ъ е҆го, а҆д꙽до сн҃ъ е҆го, за́ра сн҃ъ е҆го, и҆е҆ѳри́нъ сн҃ъ е҆го·

Сн҃ове же каа́ѳови.
и҆саа́ръ сн҃ъ е҆го, а҆минада́въ сн҃ъ е҆го, коре́и сн҃ъ е҆го, а҆си́ръ сн҃ъ е҆го·

Є҆л꙽ка́на сн҃ъ е҆го.
а҆виса́фъ сн҃ъ е҆го, а҆си́ръ сн҃ъ е҆го·

Каа́ѳъ сн҃ъ е҆го, ѹ҆рїи́лъ сн҃ъ е҆го, ѻ҆зїа сн҃ъ е҆го, саѹ́лъ сн҃ъ е҆го·

Сн҃ове же е҆л꙽ка́на, а҆масїи сн҃ъ е҆го, а҆миѻ́ѳъ сн҃ъ е҆го.
е҆лка́на сн҃ъ е҆го, сꙋфїи сн҃ъ е҆го, наа́ѳъ сн҃ъ е҆го·

Є҆лїа́въ сн҃ъ е҆го.
и҆е҆рмеи́ль сн҃ъ е҆го, е҆л꙽ка́на сн҃ъ е҆го, самꙋи҆лъ сн҃ъ е҆го·

Сн҃ове же самои́ли, пер꙽венецъ е҆го, и҆ѻ҆ви́лъ.
и҆ вторы́и е҆го́вїа·

Сн҃ове же мера́ри, моѻ́ли сн҃ъ е҆го, лове́ни сн҃ъ е҆го, семе́и сн҃ъ е҆го, ѻ҆зїа сн҃ъ е҆го·

Самъма́ѧ сн҃ъ е҆го, а҆н꙽на́нїи сн҃ъ е҆го.
а҆саи҆ѧ сн҃ъ е҆го·

Сїи же сꙋть и҆хже поста́ви дв҃дъ на пѣвцы до́мꙋ гн҃ѧ.
и҆де́же поста́ви кѷѻ́тъ·

И҆ слꙋжа́хꙋ пред̑ сѣнїю до́ма завѣта пою́ще, до́ндеже създа соло́монъ до́мъ гн҃ь въ і҆ерс̑҇лимѣ, и҆ стоа́хꙋ по чи́нꙋ свое҆мꙋ въ слꙋже́нїи и҆хъ·

Сїи же сꙋть пред̑стоѧ́щїи сн҃ы и҆хъ ѿ сн҃овъ каа́ѳов꙽.
е҆ма́нъ пѣве́цъ сн҃ъ и҆ѻ҆сїевъ, сн҃а самꙋи́лева·

Сн҃а е҆л꙽ка́нова, сн҃а е҆ремеи́лева, сн҃а и҆е҆лига́влѧ, сн҃а наа́ѳова·

Сн҃а сꙋфїи҆на, сн҃а е҆лкана́е҆ва, сн҃а а҆миѻ́ѳова, сн҃ове а҆масїи҆на·

Сн҃а и҆ѻ҆и́лева, сн҃а а҆за́рїева, сн҃а сафанїева·

Сн҃а маа́ѳова, сн҃а а҆серова, сн҃а а҆виса́фова е҆лка́нова сн҃а а҆си́рова, сн҃а крое́ѻ҆ва·

Сн҃а а҆минада́вова сн҃а а҆сорова, сн҃а каа́ѳова, сн҃а левѷи҆на, сн҃а і҆и҆л҃ева·

Сн҃а ѳаа́ѳова, и҆ бра́тъ е҆го а҆са́фъ, и҆же стоѧ́ше ѻ҆деснꙋ́ю е҆го, а҆са́фъ же быс̑҇ сн҃ъ парахїи, сн҃а самаа́ева·

Сн҃а михае҆лева, сн҃а мисилева, сн҃а мельхїева·

Сн҃а и҆ѳанїева, сн҃а зарае҆ва, сн҃а а҆даи́лѧ, сн҃а и҆ѳамо́ва, сн҃а зем꙽ми́на, сн҃а семеи҆е҆ва·

Сн҃а и҆а҆ѳова, сн҃а веѳсо́нова, сн҃а левѷи҆на·

Сн҃ове же мера́рины бра́тїѧ их̑ ста́ша ѻ҆шꙋ́юю е҆ѳа́мъ, сн҃ъ хꙋсїев̑҇, сн҃а а҆вдїина, сн҃а малохова·

Сн҃а савїева, сн҃а а҆масїева, сн҃а хелкїе҆ва·

Сн҃а а҆маса́ева, сн҃а ванїина, сн҃а съми́рова·

Сн҃а моѻ҆лїева, сн҃а мꙋсїева, сн҃а мерарїина, сн҃а левѷи҆на·

Бра́тїѧ же их̑ по до́мꙋ ѿч҃ества и҆хъ да́ны левѷтомъ въ вс̂е слꙋже́нїе скѷнїи до́мꙋ гн҃ѧ·

И҆ а҆а҆ро́нъ и҆ сн҃ове е҆го кадѧ́хꙋ над̑ ѻ҆л꙽таремъ всегосъж꙽же́нїѧ, и҆ на ѻ҆́лтарь ѳимїѧ́ма въ всѧ́ко дѣ́ло ст҃ыхъ ст҃ымъ, и҆ да мо́лѧтсѧ за і҆и҆л҃ѧ по всемꙋ̀ и҆же повелѣ̀ моѷсїи ра́бъ бж҃їи·

Сїи же сꙋть сн҃ове а҆а҆ро́ни, е҆лиа҆за́ръ сн҃ъ е҆го, финее́съ сн҃ъ е҆го, а҆виѹ́дъ сн҃ъ е҆го·

Боѯи сн҃ъ е҆го, ѻ҆́зи сн҃ъ е҆го, сареа́съ сн҃ъ е҆го, мерїѻ́ѳъ сн҃ъ е҆го, а҆варїѧ сн҃ъ е҆го, а҆хито́въ сн҃ъ е҆го·

Садок̑҇ сн҃ъ е҆го, а҆хїа҆ма́съ сн҃ъ е҆го·

И҆ сїѧ ѻ҆бита́нїѧ и҆хъ, по ѹ́лицамъ их̑, и҆ въ предѣ́лехъ сн҃овомъ, а҆а҆ро́нимъ племе́ни кааѳовꙋ, тѣмъ б̂о въ жре́бїи пер꙽вїе слꙋчи́сѧ·

И҆ даша и҆мъ гевро́нъ в꙽ землѝ і҆ѹ́дине и҆ под̑градїа и҆хъ по ѻ҆́крс̑҇тъ·

И҆ се́ла града, и҆ дворы даша хале́вꙋ сн҃ꙋ и҆е҆фонїи҆нꙋ·

Сн҃ом̑ же а҆а҆роним̑ даша грады, къ ѹ҆бѣжанїю хевро́на, и҆ под̑градїа е҆го, и҆ ловинꙋ̀ и҆ под̑градїѧ е҆го, и҆ а҆ло́мъ, и҆ ѻ҆ко́лнее града е҆го·

И҆ кело́мъ и҆ под̑градїа е҆го, и҆ а҆санъ и҆ под̑градїѧ е҆го, и҆ вес꙽ѳъсомос̑҇ и҆ под̑градїѧ и҆хъ, и҆ веѳъсꙋръ и҆ под̑градїѧ е҆го·

ѿ колѣна же венїа҆минова гаваѻ́нъ, и҆ под̑градїа е҆го, и҆ а҆наѳо́ѳ꙽ и҆ под̑градїѧ е҆го, и҆ е҆лам꙽ве́и под̑градїѧ е҆го, всѣх꙽ же градовъ, г҃і, съ под̑гражаны своими, по племе́немъ и҆хъ.

И҆ сн҃омъ же каа҆ѳовымъ ѻ҆ставшимъ ѿ племе́не ро́да, ѿ по́лъ племе́не манасїе҆ва даша въ ѻ҆держанїе градов̑҇, і҃·

И҆ сн҃омъ геѳ꙽со́нимъ по племе́нем̑ и҆хъ ѿ колѣна и҆сирова, и҆ ѿ колѣна а҆си́рова.
и҆ ѿ колѣ́на неѳали́мова.
и҆ ѿ колѣ́на манасїева въ васа́нѣ, гра́ды, г҃і·

И҆ сн҃омъ мера́рїиномъ по племе́немъ ихъ, ѿ колѣ́на рꙋви́мова.
и҆ ѿ колѣна га́дова, и҆ ѿ колѣна заѹ҆ло́нѧ.
да́ша въ жре́бїи гра́довъ, в҃і·

да́ша же сн҃ове і҆и҆л҃еви левѷтомъ гра́ды, и҆ под̑гра́дїѧ и҆х꙽·

да́ша же и҆хъ по жре́бїю ѿ колѣ́на сн҃овъ і҆ѹ́дин꙽.
и ѿ колѣ́на сн҃овъ симеѻ́нь.
и҆ ѿ колѣ́на сн҃овъ венїами́нь.
гра́ды сїи и҆хже назва́ша и҆ме́ны свои́ми·

І҆ и́же бѧ́хꙋ ѿ племе́не сн҃овъ каа́ѳов̑҇.
бы́ша же гра́ды въ предѣ́лехъ и҆хъ ѿ колѣ́на е҆фрѣмова·

да́ша б̂о и҆мъ гра́ды на ѹ҆бѣжа́нїе, сихе́мъ съ под̑гра́дїѧми е҆го.
в꙽ горѣ е҆фрѣмовѣ и҆ газе́ра с под̑гра́дїѧми е҆го·

И҆ е҆к꙽маа́нъ с под̑граже́ными е҆го.
и҆ веѳоро́нъ и҆ под̑гра́дїе е҆го·

И҆ е҆ло́нъ с под̑граже́ными е҆го.
и҆ геѳремо́нъ с под̑гра́дїемъ е҆го·

И҆ ѿ полови́ны колѣ́на манасїина и҆нер꙽ и҆ под̑гра́днаѧ е҆го, и҆ е҆влаа́мъ и҆ под̑гра́днаѧ е҆го.
сїе племе́ни сн҃омъ каха́ѳовымъ ѻ҆ста́вшимъ·

Сн҃ом꙽ же геѳсо́нимъ ѿ племе́ни по́лъ племе́ни манасїева.
да́ша гаѹ҆ло́нъ въ васа́нѣ, и҆ под̑гра́днаѧ е҆го.
и҆ а҆старо́ѳъ съ под̑гража́ны е҆го·

И҆ ѿ колѣ́на и҆саха́рова кеде́съ съ под̑гража́ны е҆го.
и҆ нада́ръ съ под̑гража́ньми е҆го.
и҆ рамо́ѳъ и҆ под̑гра́днаѧ е҆го.
и҆ е҆на́нъ с под̑граже́ньми е҆го·

И҆ ѿ колѣ́на а҆си́рова масїю под̑граже́ньми е҆го.
и҆ раво́ѳъ, и҆ под̑гра́дїе е҆го·

И҆ а҆коа́къ и҆ под̑гра́дїе е҆го·

И҆ роѻ́въ с под̑граже́н꙽ными е҆го.

И҆ ѿ колѣ́на неѳали́млѧ, кади́съ в галиле́и, и҆ под̑гра́днаѧ е҆го.
хамо́ѳ꙽ съ под̑гража́ньми е҆го, и҆ канаѳемъ и҆ под̑гра́днаѧ е҆го·

И҆ сн҃омъ мера́рїи҆ном̑ ѻ҆ста́вшим̑ да́ша ѿ колѣ́на заѹ҆ло́нѧ рем꙽мо́на и҆ под̑гра́днаѧ е҆го.
и҆ кади́съ и҆ ремо́нъ съ под̑гража́ными е҆го.
и҆ за і҆ѻ҆рда́номъ е҆рихо́нъ проти́вꙋ въсто́ка і҆ѻ҆рда́нова.
ѿ колѣ́на рꙋви́мова.
и҆ въсоръ в꙽ пꙋсты́ни съ под̑гража́ными е҆го.
и҆ е́с꙽са съ под̑гража́ными е҆го·

И҆ кадимо́ѳъ и҆ под̑гра́днаѧ е҆го.
и҆ моѱа́ѳъ съ под̑гра́жными е҆го·

И҆ ѿ колѣ́на га́дова.
рама́ѳъ въ галаа́дѣ и҆ под̑гра́днаѧ е҆го, и҆ наи҆мъ с под̑гража́ными е҆го·

И҆ е҆сево́нъ съ под̑гража́ны е҆го.
і҆ и҆а҆зе́ръ съ под̑гража́ны е҆го·

Глв̑҇а, з҃·

И сїи сн҃ове и҆саха́ровы.
ѳо́ла, и҆ фꙋ́а.
и҆ ꙗ҆сꙋвъ, и҆ а҆сомъвра́мъ четы́ре·

Сн҃ове же ѳо́лы.
ѻ҆́зи, и҆ рафеа́съ.
і҆ и҆а҆рꙋи́ль, и҆ а҆ми́н꙽ и҆ а҆фѳа́мъ, и҆ самꙋи́ль, сїи бы́ша кнѧ́ѕи по домо́хъ племе́нъ свои҆хъ.
и҆же ѿ колѣна ѳола мꙋжїи крп̑҇ѣча́иши сочте́ни сꙋть въ дн҃и двд҃вы, ҂к҃. и҆ ҂в҃, и҆ ѕ҃ сот̑·

Сн҃ове же ѻ҆зїины и҆ сн҃ове и҆е́зры и҆е́зра.
михаи́лъ, и҆ а҆влїа́съ, і҆ и҆ѻ҆и́ль, и҆ ѻ҆сїа́съ.
пѧ́ть всѣхъ кнѧѕе́и·

И҆ с ни́ми по ро́дом꙽ и҆хъ и҆ по домо́мъ ѿчества и҆хъ.
препоѧ́сани и҆ си́лни къ ѻ҆полче́нїю на́ брань, ҂л҃, и҆ ҂ѕ҃, мно́ѕи б̂о и҆мѣша же́ны и҆ сн҃ы·

Бра́тїѧ же и҆хъ та́кож̑ по всемꙋ̀ пле́мени и҆саха́ровꙋ мꙋжїе, крѣпча́иши къ бра́ни, ҂п҃, и҆ ҂з҃. сочте́нїе и҆хъ·

Сн҃ове же венїами́новы, е҆влаи, и҆ хово́ръ, и҆ е҆дїи́лъ трїе·

Сн҃ове же е҆вла́евы.
е҆сево́нъ и҆ ѻ҆зїа́съ, и҆ ѻ҆зїи́лъ и҆ е҆римꙋѳъ и҆ ѹ́раѧ, пѧ́ть кнѧѕе́и до́мꙋ ѿч҃ества и҆хъ, и҆ къ бра́немъ крѣпча́иши.
и҆ сочте́нїе их̑, ҂к҃, и҆ ҂в҃. и҆ л҃, и҆ д҃·

Сн҃ове же ховоровы, самарїа́съ, і҆ и҆ѻ҆а́въ, и҆ е҆лїе҆зе́ръ, и҆ е҆лїа́на, и҆ а҆марїѧ, и҆ е҆римо́ѳъ, и҆ а҆вїѧ, и҆ а҆наѳо́ѳ꙽ и҆ е҆лмеѳем̑.
вс̂и сїи сн҃ове хово́ровы·

Сочте́нїе же и҆хъ по рожед̑нїю и҆хъ.
кнѧѕе́и пле́менъ ѿч҃ествъ и҆хъ мꙋжїи къ бра́ни крѣпча́ишихъ, ҂к҃. и҆ с҃·

Сн҃ове же и҆е҆дїи́левы валаа́м꙽ і҆ и҆е҆ѻ́съ.
и҆ венїа҆ми́нъ, и҆ а҆ѻ́ѳ꙽.
и҆ а҆ханаа́нъ.
і҆ и҆ѻ҆ѳа́нъ и҆ ѳарси́съ, и҆ а҆саи́ръ·

Вси сїи сн҃ове, и҆е҆дїи́левы кнѧ́ѕи пле́менемъ своим̑ крѣпча́иши мꙋжи, ҂з҃і, и҆ с҃, къ ѻ҆полче́нїю сходѧ́щїи·

И҆ сафа́н꙽ же, и҆ а҆фа́нъ.
сн҃ове и҆е҆римꙋѳовы.
е҆сꙋдъ сн҃ъ е҆го, неѳали́мъ сн҃ъ е҆го, и҆е҆сїи́лъ и҆ гои́ни і҆ и҆е҆се́ръ.
и҆ селаим̑, сн҃ове, валалаам̑·

Сн҃ове же манасїе, е҆зрїи́ль.
е҆гоже роди нало́жница е҆го си́ра, и҆ родѝ и҆ махи́ра ѿц҃а галаа́дова·

Махир̑҇ же поꙗ҆́тъ женꙋ̀ а҆фи́рꙋ.
и҆ а҆фи́нꙋ і҆ и́мѧ сестрѣ е҆го мааха.
и҆́мѧ же второ́и салѳаа́дъ, роди́ша же сѧ салѳаа́де дще́ри·

И҆ породѝ маа́ха жена̀ махирова сн҃а, и҆ нарече и҆́мѧ е҆го фарес̑҇ і҆ и́мѧ бра́тꙋ е҆го соѻ҆ро́ръ и҆ сн҃ъ е҆го ѹ҆ла́мъ.
и҆ сн҃ове е҆го и҆ла́м꙽, и҆ ракам̑·

Сн҃ове же и҆ла́мовы, валаа́мъ, сїи сꙋть сн҃ове галаа́довы сн҃а махи́рова сн҃а манасі́ева·

Сестра же е҆го мельхе́дъ.
роди́ же и҆е҆сꙋ́да.
и҆ а҆вие҆зе́ра.
и҆ малаа́да·

Бѣхꙋ же сн҃ове семи́ра.
і҆и́мъ, и сихе́мъ, и҆ дочїим̑ и҆ е҆нїа́мъ·

Сн҃ове же е҆фрѣмли ѳꙋсала́мъ.
и҆ ра́мъ сн҃ы е҆го, и҆ ѳаа́мъ сн҃ъ е҆го.
и҆ е҆лаа́дъ сн҃ъ е҆го.
и҆ ѳаа́д꙽ сн҃ъ е҆го·

И҆ зава́дъ сн҃ъ е҆го, и҆ сꙋѳа́ла сн҃ъ е҆го.
и е҆зе́ръ, и҆ е҆з꙽ла́да.
ѹ҆би́ша же и҆хъ мꙋжи ге́ѳъ и҆же роди́шасѧ въ землѝ то́и занѐ и҆зыидо́ша взѧ́ти ѻ҆держа́нїе их̑·

И҆ скор̑҇бѧ́ше е҆фре́мъ ѿц҃ъ и҆хъ мно́ги дн҃и и҆ прїидо́ша бра́тїѧ е҆го да ѹ҆тѣшат̑ е҆го·

Пото́мъ вни́де к женѣ̀ свое́и и҆ зача и҆ родѝ сн҃а, и҆ нареч̑҇ и҆́мѧ е҆го варїе сего ра́ди и҆же въ злых̑ до́мꙋ е҆го роже́нъ е҆сть·

дщи́ же е҆го бы́сть сара́а въ ѻ҆ныхъ прочїихъ и҆ сїѧ созда веѳорон̑҇ ни́жнїи и҆ вы́шнїи, и҆ са́дрꙋ·

Рафа́и же сн҃ъ е҆го ресеѳъ.
и҆ ѳа́лаи, сн҃ъ е҆го.
и ѳанаа́нъ сн҃ъ е҆го·

И҆ лаа҆да́нъ сн҃ъ е҆го.
и҆ а҆м꙽миѹ́дъ сн҃ъ е҆го.
е҆лиса́ма сн҃ъ е҆го·

Рꙋ́нъ сн҃ъ е҆го и҆ѻ҆сїе сн҃ъ е҆го·

И҆ дръа́нїеж̑ и҆хъ и҆ ѻ҆бита́нїе веѳи́ль, и҆ ве́си их̑, проти́вꙋ восто́ка ноа҆ра́нѧ.
и҆ къ запад̑нѣи стра́нѣ газе́ра и҆ ве́си и҆хъ.
и҆ сихе́мъ съ прилежа́щими е҆мꙋ.
и҆ гага́и съ прилежа́щими е҆мꙋ даже до го́ръ·

И҆ магед꙽до́нъ и҆ прилежа́щїи е҆мꙋ, до́ръ прилежа́щїе е҆мꙋ.
в꙽ тѣхъ в꙽сели́шасѧ сн҃ове и҆ѻ́сифовы сн҃а і҆ил҃ева·

Сн҃ове а҆си́ровы, і҆ам̑на и҆ е҆сꙋдъ, и҆ е҆сꙋе, и҆ варїа.
и҆ сар꙽ре́ѧ сестра̀ и҆хъ·

Сн҃ове же варїе́вы и҆хеве́ръ.
и҆ мелхїи́ль се́и бы́сть ѿц҃ъ заве́довъ·

И҆е҆хове́ръ же родѝ и҆а҆фле́та.
и҆ соми́ръ и҆ хоѳана и҆ сꙋ́а сестрꙋ̀ и҆хъ·

И҆ сн҃ове и҆а҆фле́товы фасе́хъ, и҆ а҆мамаа́ѳъ и҆ асоа́ѳъ, сїи сн҃ове и҆а҆фле́товы·

Сн҃ове же соми́ровы.
и҆хиѹ́ръ, ран꙽го́ѧ, и҆ а҆ва, и҆ а҆ра́мъ·

Сн҃ове же а҆сꙋдовы братїѧ е҆го сꙋфа.
и҆ а҆мна.
і҆ и҆е҆ли́мъ.
и҆ а҆ламъ·

Сн҃ове же сои҆фовы а҆рїафе́ръ, и҆ сꙋанъ, и҆ вори́нъ иже въ вравасаре·

І҆ и҆ю́дъ и҆ сам꙽ма и҆ сели́мъванъ, і҆ и҆ѳран꙽, и҆ е҆фо́ни и҆ фасфа, и҆ аре́и·

Сн҃ове же ѻ҆ли́ни а҆нїи́ль.
и҆ расїѧ·

Вс̂и сїѝ сн҃ове а҆сѷровы, вс̂и кнѧ́ѕи племе́нъ и҆ ѿч҃ествъ и҆збрани.
и҆ крѣпки си́лою кнѧ́ѕи вое҆во́дамъ.
сочте́нїе же и҆х꙽ въ вре́мѧ брани на вополче́нїе, ҂к҃, и҆ ҂ѕ҃, мꙋжїи·

Глв̑҇а, и҃·

Венїа҆ми́н꙽ же родѝ ва́ла прьве́нца свое҆го, и҆ а҆а҆саи́лѧ, в꙽тора́го, и҆ дїе́ра, а҆ре́ѳа, тре́тїѧ҆го·

И҆ нагꙋи́ла, четве́ртаго, и ра́фꙋ, пѧ́таго·

Бы́ша же сн҃ове ва́ле.
и҆а҆софа́нъ, и҆ ахиранъ і҆ и҆ѻ҆а́нъ·

А҆висꙋ́е же и҆ наманъ и҆ а҆хїѧ·

Сїи сꙋть сн҃ове а҆года ги́ры, и авиѹ́дъ, и҆ а҆висꙋе, и҆ намѝ, и҆ сїѝ сн҃ы а҆ѻ́ди, гирам̑ сапфа́нъ, и҆ а҆рꙋа́мъ.
сїи сꙋть кнѧ́ѕи пле́менемъ ѻ҆бита́юща въ гава́и.
и҆́хже пресели́ша въ манꙋа́ѳ꙽<.>

И҆ наа҆ма́нъ, и҆ акїѧ, і҆ и҆ра́мъ то́и приведе и҆́хъ, и҆ родѝ ги́ра, а҆за́на.
и҆ нꙋѧ·

И сеѻ҆ри́мъ роди́въ въ странѣ моа́вли, по ѿпꙋще́нїи е҆го, и҆ ѻ҆сима́симъ и҆ ва́ла же́ны своѧ̀·

Роди ж̑ ѿ ва́лы жены̀ свое́а и҆ѻ҆ва́ва, и҆ самїю и҆ ми́сꙋ и҆ мел꙽хо́ма·

І҆ и҆ѻ҆а҆са и҆ сехїю и҆ мармїю.
сїи сꙋть сн҃ове е҆го кн҃ѕи ѿч҃ествъ свои҆хъ·

ѿ е҆нъси́мы же роди а҆мито́ва.
и҆ е҆лифаа́да.
сн҃ове ж̑ е҆лифадовы.
е҆ве́ръ, и҆ мисоа́мъ.
и҆ самии́лъ, то́и созда а҆но́нъ.
и҆ а҆до́на и҆ дворы̀ е҆го.
и҆ е҆ѻ́дъ дворы̀ е҆го·

Вара же и҆ самасїи кнѧ́ѕи племе́немъ живꙋщимъ въ а҆и҆ла́мѣ, и҆ тїи и҆зъгнаша живꙋщихъ въ ге́ѳꙋ·

И҆ братїѧ и҆хъ сосиль, и҆ е҆римо́ѳъ·

И завадїѧ и҆ а҆рад̑.
и҆ а҆вадъ·

Мисолам же и҆ е́сфа, и҆ е҆зїѧ, сн҃ове варїѧ·

И҆ завадїи, и҆ месома́ни.
и҆ езекїи, и҆ аве́ръ·

І҆ и҆а҆сїевы, и҆ марїи, і҆ и҆е҆зелїѧ, и҆ ѻ҆ва́въ.
сн҃ове е҆лифа́ли·

И҆ ꙗ҆ки́м꙽, и҆ хезрїи, и҆ зе́вди·

І҆ и҆лиѻ҆и҆наи, и салаѳїи, и҆ е҆лии́ль·

И҆ а҆данѧ, и҆ варе́ѧ, и҆ самараѳъ, сн҃ове семеи́совы·

И҆ е҆сфанъ, и҆ а҆вер̑҇ и҆ е҆ли́лъ·

И҆ а҆дрїѧ, и҆ а҆вдо́нъ, и҆ зе́хри, и҆ а҆на́нъ·

И҆ а҆нанїѧ, і҆ и҆хам꙽ и҆ наѳаѳїѧ·

И҆ е҆фаѳїѧ, и҆ фанꙋи́ль сн҃ове и҆са́ковы·

И҆ самоа́съ, и҆ саре́а и҆ е҆ѳнїѧ·

И҆ е҆рси́лъ, і҆ и҆лїѧ, и҆ зехрїѧ, сн҃ове же и҆е҆ремои́мъли сїѝ патрїа́рхи сїѝ бы́ша пле́менем̑ свои҆м꙽ нача́лницы, сїѝ ѻ҆бита́ша въ і҆ерс̑҇ли́мѣ·

Въ гаваѻ́нѣ же всели́сѧ і҆и́ль ѿц҃ъ е҆гаваѻ́нь, і҆ и́мѧ женѣ̀ е҆го маа́ха·

Сн҃ъ же е҆го прьве́нецъ, а҆вдон̑҇ и҆ сꙋръ, и҆ ки́съ, и҆ вае҆лъ.
и҆ надав̑҇·

И҆ ни́ръ, гед꙽да́ръ, и҆ а҆н̂ѹ́и, и҆ бра́тїѧ же е҆го, заѹ́ръ·

И҆ махае҆ло́д꙽ и҆же родѝ сама́ѧ.
сїи же ѻ҆бита́ша по бра́тїи свое́и въ і҆ерс̑҇ли́мѣ съ бра́тїею свое́ю·

Ни́р же родѝ ки́са, и҆ ки́съ родѝ саѹ́ла, саѹ́лъ же родѝ и҆ѻ҆наѳа́на, и҆ мелхисꙋе, и҆ а҆минада́ва, и҆ е҆зваа́ла·

Сн҃ъ же и҆ѻ҆наѳа́новъ, мемъфивал꙽ме́и.
и҆ ме́мъѳивосте́и, и҆ мемъфива́л же, родѝ ми́хꙋ·

Сн҃ове же ми́ха, фиѳо́ѳъ и҆ мало́хъ.
и҆ ѳаре́съ, и҆ хаи҆а́съ·

И҆ хаа́съ же родѝ и҆ѻ́да, и҆ѻ́да родѝ салеме́ѳа, и҆ а҆смо́ѳа, и҆ зам꙽врїю, зам꙽врїи же родѝ мо́сꙋ·

И҆ мо́са родѝ лаа́нꙋ, е҆мꙋже сн҃ъ бы́сть а҆ра́а, ѿ а҆ра́и, роженъ е҆сть е҆лъла́са, и҆же родѝ а҆саи́ла·

А҆се́лю же бѣша прьвенецъ е҆го.
ѕ҃ сн҃овъ.
сїѧ же и҆мена̀ и҆хъ, е҆зрика́мъ, і҆ и҆змаи́ль.
и҆ зарїѧ, а҆вдїѧ, и҆ сара́а, и҆ а҆на́нъ, вси́ же тїи сн҃ове а҆саи́левы·

Сн҃ове ж̑ е҆се́ха бра́та е҆го, и҆ ѹ҆ла́мъ прьвенец̑҇ е҆го, и҆ е҆сꙋсъ вторы́и, и҆ е҆лифа́съ, тре́тїи·

Бы́ша же сн҃ове и҆ѹ҆дам̑ли мꙋжи крѣпча́ишїи вели́кою крѣпостїю напрѧза́юще лꙋкъ.
и҆ мно́ги и҆мѣ́юще сн҃ове.
и҆ сн҃ы сн҃овъ, р҃н·

всѝ сїѝ ѿ сн҃овъ венїа҆ми́нихъ·

Глв̑҇а, ѳ҃·

И весь же і҆и҆л҃ь сочте́нъ е҆сть по пле́менемъ и҆хъ, и҆ с̂е сꙋть пи́саны в꙽ъ кни́ѕѣ цр҃еи і҆и҆л҃евыхъ, і҆ и҆ѹ́диныхъ.
по преселе́нїи въ вавѷло́нъ ради безако́нїѧ и҆хъ·

И҆́мже безаконова́ша.
і҆ и҆же ѻ҆бита́ша первѣ́и въ ѻ҆держа́нїихъ, и҆ въ градѣхъ своих̑ і҆и҆л҃ь, и҆ сщ҃енницы и҆ левѷты, и҆ прида́нїи·

И҆же ѻ҆ста́ша въ і҆ерс̑҇ли́мѣ съ сн҃ъми і҆ѹ́диными ѿ сн҃овъ вениа҆ми́нь, и҆ ѿ сн҃овъ е҆фрѣмль и҆ манасїинъ·

ѻ҆ѳи́и сн҃ъ а҆миѹ́довъ сн҃а е҆мврїи҆на.
сн҃ове ѿ сн҃овъ фаре́съ сн҃въ і҆ѹ́да·

И҆ ѿ сило́ма а҆са́иѧ прьвенец꙽ е҆го и҆ сн҃ове е҆го.
ѿ сн҃овъ же за́ра, и҆е҆и́ль и҆ бра́тїѧ и҆хъ, и҆́хже бы́сть, х҃, и҆ ч҃·

И҆ ѿ сн҃овъ венїа҆ми́нь сахом̑ сн҃ъ въсол꙽ламовъ.
сн҃а ѻ҆дꙋи́ева сн҃а санꙋ́ѻва·

И҆ е҆вна́а сн҃ъ і҆е҆ровоа́мовъ и҆ е҆ла́въ, и҆ сїи сн҃ы и҆ѻ҆зи́ю, и҆ сн҃ове махе́ровы, и҆ мосол꙽ла́мовы сн҃а сафатїева, сн҃а рагꙋи́лева.
сн҃а и҆а҆ва́ни братїѧ же и҆хъ по роже́їѧ҆мъ и҆хъ ѳ҃ со́тъ, и҆ н҃ и҆ ѕ҃, вс̂и сїи мꙋжи кнѧ́ѕи племе́немъ по домо́мъ ѿц҃ъ свои҆хъ·

ѿ сщ҃енникъ же и҆ѻ҆да́їѧ и҆ ѻ҆а҆ри́мъ, и҆ ѻ҆а҆ки́мъ·

И҆ а҆за́рїѧ сн҃ъ хелкїевъ сн҃а мосол꙽ла́мова.
сн҃а садꙋкова.
сн҃а марарїѻ́ѳъ, сн҃а а҆хи́това а҆рхїе҆ре́ѧ до́мꙋ бж҃їѧ·

И҆ а҆дїамъ сн҃ъ е҆роа́мль сн҃а ѳазо́ръ сн҃а мелхїа́ева и҆ маа҆сїѧ, сн҃ъ а҆дии́ль, сн҃а а҆зе́ра, сн҃а мосола́млѧ.
сн҃а самелимо́ѳова сн҃а е҆м꙽ма́рова·

Бра́тїѧ же и҆хъ кнѧ́ѕи по домо́мъ ѿч҃ествъ свои҆хъ, ҂а҃, и҆ з҃ со́тъ, и҆ ѯ҃, силнѣ́иши крѣпостїю къ сотворе́нїю дѣла слꙋже́нїѧ в꙽ домꙋ̀ бж҃їи·

ѿ левѷтъ же саме́їѧ сн҃ъ а҆сꙋвовъ сн҃а а҆зрика́мова, сн҃а савїева, сн҃а въ мерарїи́нѣ·

Вак꙽вака́р же, и҆ а҆рис̑҇ и҆ гаре́ѧ, и҆ меѳанїа҆съ сн҃ъ михаев̑҇·

сн҃а зе́хри сн҃а а҆са́фова·

И҆ а҆вдїѧ сн҃ъ саме́ѧ.
сн҃а го́лила, сн҃а и҆диѳꙋнѧ, и҆ варахїѧ сн҃ъ а҆́сы, сн҃а е҆а҆лка́нова и҆же ѻ҆бита̀ въ дво́рѣхъ нетофа́ѳовыхъ·

две́рницы же сел꙽лꙋмъ и҆ а҆кꙋмъ, и҆ тел꙽мо́нъ, и҆ е҆м꙽ма́нъ и҆ бра́тъ и҆хъ, сел꙽лꙋмъ же бы́сть кнѧ́ѕь, даже того вре́мени въ вра́тѣхъ црс̑҇ких̑ къ восто́кꙋ въздержа́хꙋ по силахъ своих̑ въ сн҃ѣхъ левѵи҆ных̑·

И҆ сел꙽лꙋмъ сн҃ъ къре́ѻвъ сн҃а а҆вїа҆сафо́вова сн҃а коре́ѻва.
и҆ бра́тїѧ е҆го по домо́мъ ѿц҃ъ и҆хъ.
сїи сꙋть зри́тели над̑ дѣлы слꙋже́нїѧ стрегꙋще стражбы̀, скѵ́нїи, и҆ ѿц҃ъ и҆хъ над̑ пол꙽комъ гн҃имъ.

Стрегꙋще въхо́да·

Ѳинее҆съ же сн҃ъ е҆леаза́ровъ бысть во́ждъ и҆хъ пред̑ гм҃ъ·

И҆ посем̑ зак꙽ха́рїѧ сн҃ъ мосолла́мїевъ дверник̑҇ вра́тъ скѷнїи свѣдѣнїѧ·

Сїи вс̂и и҆збра́ннїи въ дверницѣхъ и҆же въ чи́слѣ, с҃, и҆ в҃і, сїи в селѣхъ и҆хъ по племе́немъ и҆хъ сочте́но, и҆ си́хъ поста́ви дв҃дъ и҆ само́илъ ви́дѧщїи въ вѣрѣ свое́и·

И҆ та́ко тїи и҆ сн҃ове и҆хъ быша въ две́рехъ до́мꙋ гн҃ѧ.
в꙽ домꙋ скѷнїѧ стрещи, по всѧ̀ дн҃и·

По четы́ремъ вѣтром꙽ бѣша две́рницы стрегꙋщеи.
и҆же къ восто́кꙋ и҆ къ западꙋ, и҆ къ сѣ́верꙋ, и҆ къ ю́гꙋ·

Бра́тїѧ же их̑ и҆же живѧ́хꙋ въ селах̑ своих̑, и҆ прихожда́хꙋ въ сꙋбо́тах̑ своих̑ ѿ вре́мени даже до вре́мени на премѣнꙋ тм̑ѣ·

Четы́рем̑ б̂о две́рником̑ старѣишим̑ върꙋче́но бысть левѷтов̑҇.
и҆ бѣхꙋ стрегꙋще собо́ровъ и҆ скровищъ до́мꙋ гн҃ѧ·

По ѻ҆́крс̑҇тъ же цр҃кви гн҃ѧ живѧхꙋ въ стра́жбахъ своих̑.
да е҆гда̀ времѧ бы́сть тїи и҆ ѹ҆трѣ ѿтворѧют̑ две́ри цр҃кви·

ѿ того же ро́да бѧ́хꙋ и҆ над̑ сосꙋды слꙋже́нїа.
по чи́слꙋ б̂о вноша́хꙋ сосꙋ́ды, і҆ и҆зноша́хꙋ.
ѿ тх̑ѣ же і҆ и҆же врꙋче́н꙽на и҆мѣѧ́хꙋ рꙋ́хла ст҃ительствомъ.
та́коже и҆ надъ мꙋко́ю пшени́чною и҆ виномъ и҆ е҆леѻм̑ и҆ ѳимїамом̑ и҆ а҆рома́ты·

Сн҃ове же сщ҃ен꙽никовъ ма́сти ѿ рама́тъ съдѣлахꙋ·

И҆ мат꙽таѳїасъ левѷтъ.
се́й прьвенецъ сел꙽лꙋмъ крылошани́н꙽ прьвыи бы́сть, е҆мꙋже ѹ҆вѣ́рени жер̑҇твы.
і҆ и҆же на сковрадѣ прѧжахꙋсѧ вели́кого жерца̀·

Паки ѿ сн҃овъ каа́ѳовых̑ бра́тїа их̑ бѧхꙋ над̑ хлѣбы пред̑ложе́нїѧ въ сꙋбо́ты и҆ сꙋбо́ты ꙗ҆́же ѹ҆гото́вати·

И҆ сїи быша кнѧѕи пѣвцем̑ по семъꙗ҆́хъ левѷтъскихъ и҆же въ събра́нїю поста́влени, повседн҃евное, ꙗ҆́ко да дн҃ь и҆ но́щъ все́гда своѐ слꙋженїе ѿслꙋжива́ютъ·

Сїи главы̀ ѿч҃ествомъ левѷтомъ по племе́немъ их̑, нача́лницы же сїи вс̂и пребыва́хꙋ въ і҆ерс̑҇ли́мѣ·

И҆ въ гаваѻ́нѣ же ѻ҆ста̀ ѿц҃ъ гаваѻ́нь і҆е҆и҆е҆левъ.
и҆́мѧ женѣ̀ е҆го маа́ха·

И҆ сн҃ъ прьвенецъ е҆го а҆вдо́нъ, и҆ а҆сꙋръ, и҆ ки́съ, и҆ ва́ель, и҆ ни́ръ, и҆ нада́въ, и҆ гедо́ръ.
и҆ бра́тїѧ и҆хъ.
и҆ а҆гїѹ́нъ, и҆ зе́хрїѧ·

И҆ макеллодъ и҆же родѝ сем̑маѧ.
и҆ сїи всели́шасѧ среди бра́тїи свои҆хъ въ і҆ерс̑҇ли́мѣ со бра́тїами свои́ми·

Нир же родѝ ки́са.
и҆ ки́съ родѝ саѹ́ла.
и҆ саѹ́лъ родѝ і҆а́ѻ҆наѳа.
и҆ мелхисꙋ́ѧ.
и҆ а҆минада́ва, и҆ сва́е҆лѧ·

Сн҃ы же і҆ѻ҆а҆наѳа́ни мем꙽фиваа́лъ.
и҆ мемъфиваа́лъ род̑и̑ ми́хꙋ·

Сн҃ове же ми́ха фило́ѳъ, и҆ мелхїилъ, и҆ ѳара́ѧ, и҆ а҆за́еръ·

И҆ хаза́зъ же родѝ и҆ѻ҆дꙋ, і҆ и҆ѻ́да родѝ а҆лефа, и҆ а҆змо́ѳа, и҆ зам̑врїѧ, зам꙽врїи же родѝ маса́ѧ·

И҆ ма́са же родѝ ваа́на, е҆гоже сн҃ъ рафаїѧ е҆ласа сн҃ъ е҆го, а҆саи́ль сн҃ъ е҆го·

Ѹ҆ а҆саи́лѧ же б̂ѣ, ѕ҃, сн҃овъ, и҆ сїѧ и҆мена̀ и҆хъ.
и҆ е҆зри́ка прьве́нецъ е҆го і҆ и҆смаи́ль, и҆ а҆зарїѧ, и҆ а҆вдїѧ, и҆ а҆на́нъ, сїи сн҃ове а҆саи́левы·

Глв̑҇а, і҃·

Филисти́ми же вое҆ва́ша проти́вꙋ і҆и҆л҃ю.
и҆ бѣжа́ша мꙋжи і҆и҆л҃еви ѿ лица̀ и҆ноплеме́нническа, и҆ падо́ша ра́нени въ горѣ̀ гелвꙋ́и·

Єгда же приближи́шасѧ и҆ноплеме́нницы погонѧ́ющи саѹ́ла и҆ сн҃овъ е҆го.
и҆ ѹ҆би́ша і҆ѻ҆а҆наѳа́на и҆ а҆минада́ва и҆ мельхисꙋ́е сн҃овъ саѹ́ловых̑·

И҆ ѻ҆тѧжасѧ бра́нь проти́вꙋ саѹ́ла.
и҆ ѻ҆брѣто́ша̑ е҆го стрѣлцы и҆ ꙗ҆́зви́ша е҆го стрѣлами и҆ въскорбѣ ѿ стрѣленїѧ·

И҆ рече саѹ́лъ къ носѧ́щемꙋ ѻ҆рꙋжїе е҆го.
и҆зъвлецы ме́чъ тво́и и҆ прободи́ мѧ и҆мъ.
да не пото́м꙽ прїидꙋтъ неѻ҆брѣ́занїи сїи и҆ посмѣ́ютсѧ мн̂ѣ.
и҆ не хотѣ же носѧ̀ ѻ҆рꙋ́жїе е҆го ꙗ҆́ко воз̑боѧ́сѧ ѕѣло.
въсхити же саѹ́лъ ме́чъ и҆ нападѐ на́нь·

И҆ е҆гда̀ ви́дѣ носѧ́и ѻ҆рꙋжїе е҆го, ꙗ҆́ко мр҃твъ бы́сть саѹ́лъ.
нападе же и҆ ѻ́нъ на меч̑҇ сво́и и҆ ѹ́мре·

И҆ ѹ́мре саѹ́лъ и҆ тр̂и сн҃ы е҆го въ дн҃ь ѻ́нъ, и҆ ве́сь домъ е҆го та́коже падѐ·

И҆ е҆гда ви́дѣша мꙋжи і҆и҆л҃еви и҆же бѣша въ полех̑.
ꙗ҆́ко бѣ́жаша, и҆ саѹ́ла и҆ сн҃ы е҆го ѹ҆мерша.
и҆ ѻ҆ста́виша гра́ды своѧ̀ и҆ побѣжа́ша.
и҆ прїидо́ша же и҆ноплемен̑҇ницы и҆ всели́шасѧ в ни́хъ·

И҆ дн҃и ѹ҆́тренего прїидо́ша и҆ноплеме́н꙽ницы съвлачати пад̑ших̑ кори́сти и҆ ѻ҆брѣто́ша саѹ́ла и҆ сн҃овъ е҆го лежа́щихъ въ горѣ̀ гел꙽вꙋе.
и҆ съвлеко́ша е҆го и҆ ѹ҆сѣкнꙋша главꙋ̀ е҆го.
и҆ ѻ҆рꙋжїе е҆го взѧ́ша.
и҆ посла́ша и҆ноплеме́нницы въ землю свою̀ да ѻ҆бно́сит꙽сѧ и҆ пока́жетсѧ и҆́доломъ цр҃квам꙽ и҆ лю́дем̑·

ѻ҆рꙋжїе же е҆го положи́ша въ цр҃кви б҃а свое҆го, и҆ главꙋ̀ пот꙽кнꙋша въ црк҃ви даго́на·

Тогда ѹ҆слы́шаша мꙋ́жи и҆а҆ве́са галаа́дъскаго вс̂ѧ.
и҆же филисти́ми сътвори́ша саѹ́лꙋ и҆ сн҃ом꙽ е҆го і҆и҆л҃ю.
воста́вше ѿ галаа́да вс̂и мꙋ́жи и҆ крѣпкїи.
и҆ прїидо́ша и҆ взѧ́ша трꙋпъ саѹ́ловъ и҆ трꙋпы сн҃овъ е҆го.
и҆ принесо́ша и҆хъ въ и҆а҆ви́съ, и҆ погребо́ша ко́сти их̑ под̑ дꙋбомъ и҆же б̂ѣ въ и҆а҆висъ.
и҆ пости́шасѧ, з҃, дн҃їи·

И҆ та́ко ѹ́мре саѹ́лъ ради безако́нїи свои҆хъ.
и҆́мже престꙋпѝ гв҃и по словесѝ гн҃ю е҆гоже не съхранѝ.
и҆ къ семꙋ̀ въпросѝ саѹ́лъ во влъшве́нїи е҆же възыскати.
и҆ ѿвѣща е҆мꙋ само́илъ про̑҇ркъ, и҆ не вопросѝ г҃а.
и҆ сего ради ѹби е҆го.
и҆ ѿдастъ црс̑҇тво е҆го дв҃дꙋ сн҃ꙋ і҆ѻ҆сїинꙋ·

Глв̑҇а, а҃і·

Собра́ же сѧ ѹ҆бо ве́сь і҆и҃ль къ дв҃дꙋ, въ хевро́нъ гл҃ющи, с̂е ко́сть твоѧ е҆смы̀ и҆ плоть твоа̀·

Вчера же и҆ прежде третїѧ́го.
е҆гда е҆ще црс̑҇твоваше саѹ́лъ.
т̂ы бѣа́ше и҆же и҆зводѧше и҆ въводѧ́ше і҆и҃лѧ.
и҆ тебѣ̀ реч̑҇ г҃ь б҃ъ тво́и.
т̂ы ѹ҆пасе́ши лю́ди моѧ̀ і҆и҆л҃ѧ.
и҆ т̂ы бꙋ́деши кнѧ́ѕь над̑ люд̑ми мои́ми і҆и҃лемъ·

И҆ прїидо́ша вс̂и ста́рцы і҆и҃леви къ цр҃ю въ хеврон̑҇.
и҆ ѹ҆твръди дв҃дъ с ни́ми миръ пред̑ гм҃ъ.
и҆ пома́заша е҆го цр҃емъ надъ і҆и҃лем̑ по словесѝ гн҃ю, ꙗ҆́же гл҃а въ рꙋкꙋ само́ила·

І҆ и҆дѐ цр҃ь двд̑ъ и҆ весь і҆и҃ль въ і҆ерс̑҇лим̑.
и҆ сїѧ е҆сть е҆в꙽вꙋкъ.
гдѣ̀ бѣхꙋ е҆вꙋсе́и жи́тель землѝ.
реко́ша же, и҆же ѻ҆бита́ша въ е҆вꙋсѣ къ дв҃дꙋ не вни́деши здѣ̀.
и҆ взѧ̀ преди дв҃дъ ѻ҆бъдръжащее҆сѧ сїѻ́на ꙗ҆́же е҆сть град̑ дв҃двъ·

Реч̑҇ же дв҃дъ всѧкъ и҆же ѹ҆бїе҆тъ е҆вꙋсеѧ въ прьвыхъ бꙋдетъ кнѧ́ѕь и҆ вое҆во́да.
и҆ възы́иде на́нь прежде і҆ѻ҆а́въ сн҃ъ сарꙋ́ие҆въ.
и҆ бы́сть кнѧ́ѕемъ.
ѻ҆бита́ше же дв҃дъ въ ѻ҆бъдръжа́нїи с̂е.
и҆ сего рад̑и̑ и҆менова́нъ е҆сть град̑ двд҃въ·

Созда ж̑ град̑ въ ѻ҆́крꙋгъ ѹ҆глꙋбле́нъ да́же до ѻ҆крꙋженїа.
і҆ѻ҆а́въ же про́чее гра́да състро́и, и҆ вое҆ва и҆ взѧ̀ гра́дъ·

Преспѣва́ше же двд̑ъ і҆дꙋщи и҆ растꙋщи и г҃ь вседръжи́тель б̂ѣ с ним̑·

Сїи же кнѧ́ѕи мꙋж́їи си́лныхъ двд҃выхъ, и҆же помага́хꙋ е҆мꙋ да цр҃ь бꙋ́детъ над̑ всѣмъ і҆и҆л҃емъ, по словесѝ гн҃ю ꙗ҆́же гл҃а къ і҆и҆л҃ю·

И҆ сїе сочте́нїе крѣпъкимъ двд҃вымъ.
и҆сваа́лъ сн҃ъ а҆хама́нъ, нача́лник̑҇ ме́ждꙋ тридесѧти.
то́й въздвизаше сꙋлицꙋ свою̀, на три́ста.
и҆ поби их̑ е҆ді́нокра́тъ·

И҆ по немъ е҆леа҆за́ръ сн҃ъ додаи́ѧ, ѻ҆хахїева, се́й б̂ѣ по́средѣ трех̑ си́лных̑.

Се́й бы́сть съ двд҃омъ в꙽ фасадоми́не и҆дѣже и҆ноплеме́ницы събра́ны бы́ша̑ к꙽ мѣ́стꙋ томꙋ на ѻ҆пол̑҇ченїе.
и҆ б̂ѣ по́ле страны̀ то́ѧ по́лно ꙗ҆чме́ни.
побѣго́ша же лю́дїе ѿ лица̀ и҆ноплемен̑҇ник꙽·

Сїи же ста́ша посредѣ по́лѧ, и҆ ѻ҆щити́ша е҆го, і҆ и҆зби́ша и҆ноплеме́нник̑҇ и҆ дасть г҃ь сп҃сенїе ве́лїе лю́дем̑ своим̑·

Сїи же трїе ѿ тридесѧ́ти кнѧ́ѕь снїидо́ша къ ка́меню къ дв҃дꙋ въ пеще́рꙋ ѻ҆дол꙽ла́млю.
и҆ноплеме́нницыж̑ быша ѻ҆бъстоа́ще в до́лꙋ гигантов̑҇·

дв҃дъ же б̂ѣ въ ѻ҆блеже́нїи па́ки.
стра́жа же и҆ноплемен̑҇ническа во виѳлее́ме·

И҆ въжа́жде дв҃дъ и҆ реч̑҇.
ѽ кт̂о да́сть мн̂ѣ во́дꙋ ѿ кла́дѧзѧ и҆же въ виѳлїемѣ и҆же е҆сть въ вра́тх̑ѣ·

И҆ трїе тїи прои҆до́ша по́средѣ ѻ҆бъстоа́нїѧ и҆ноплеме́нническа.
и҆ почръпъше во́дꙋ ѿ кла́дѧзѧ и҆же въ виѳлїемѣ, и҆же б̂ѣ во вратх̑ѣ.
и҆ принесо́ша къ дв҃дꙋ да пїетъ.
и҆ не хотѧ́ше дв҃дъ пи́ти е҆ѧ̀ и҆ возлїѧ ю҆̀ гв҃и·

И҆ реч̑҇ сохрани́ мѧ г҃и да не сътворю̀ гл҃ъ се́й, а́ще кровь мꙋжїи тх̑ѣ пїю.
и҆же въ бѣдѣ дш҃ъ свои҆хъ принесоша ю҆̀.
и҆ сїѧ рад̑и̑ ве́щи не хотѣ̀ пи́ти еѧ̀.
сїе сътвори́ша трїе крѣп꙽ча́ишїе·

А҆ве́са и҆же брат̑ і҆ѻ҆а́вовъ то́й б̂ѣ прьвыи въ трїехъ.
и҆ то́й въздвиѕа́ше сꙋ́лицꙋ свою проти́вꙋ, тре́юсо́тъ мꙋж́їи, въ е҆дин̑҇ ча́съ и҆ ѹ҆би и҆х꙽.
и҆ то́й б̂ѣ по́средѣ трехъ и҆менитъшїи·

ѿ трїехъ ме́ждꙋ двѣма пресла́вныи, бѣ б̂о им̑ нача́лникъ.
ѻ҆баче даже къ тремъ прьвымъ не пришелъ·

И҆ ванѣѧ сн҃ъ и҆ѻ҆да́евъ мꙋжа крѣ́пкаго и҆же мно́га дѣ́ла сътворѝ ѿ васаи́лѧ то́и ѹ҆бѝ дво́ю, а҆рїи́лево моа́въскихъ.
и҆ то́й сни́де и҆ ѹ҆бѝ льва̀ ѹ҆ кла́дѧзѧ въ времѧ снѣ́га·

И҆ то́и ѹ҆би мꙋжа е҆гѷптѧнина е҆мꙋже во́зрастъ бѣ̀, е҃, лако́тъ.
и҆мѣа́ше сꙋ́лицꙋ е҆гѷптѧнинъ се́й ꙗ҆́ко врати́ло ткꙋщ́ихъ.
сни́де ѹ҆бо к немꙋ ванѣѧ съ же́злом̑ и҆ въсхитѝ ра́тище е҆же ношаа́ше въ рꙋцѣ.
и҆ ѹ҆бѝ е҆го ра́тищемъ е҆го·

Сїе сътворѝ ванѣѧ́ сн҃ъ и҆ѻ҆да́евъ, и҆ б̂ѣ и҆мени́тъ по́средѣ трехъ крѣп꙽ча́ишихъ·

Посредѣ тридесѧ́ти пр́ьвыхъ сихъ и҆мени́тшїи.
ѻ҆баче къ трои́мъ не прїиде.
положи же е҆го дв҃дъ къ ѿч҃ествꙋ е҆го·

Па́ки крѣпча́иши мꙋжи въ вои҆нѣ.
а҆саи́лъ брат̑ і҆ѻ҆а́въ.
и҆ е҆леа́нанъ сн҃ъ додїевъ ѿ виѳлее҆ма·

Сам꙽моѳъ а҆д꙽ди́тѧнинъ.
хелкїи а҆фело́ни·

ѻ҆ре́и сн҃ъ ѿ ки́са ѳекꙋйскїи.
и҆ а҆вїезеръ, а҆наѳоѳьскїи·

Сохова́и, а҆саѳїи, и҆ли ѻ҆ а҆хо́и, воѻ҆ра́и сн҃ъ нетофаѳїевъ, е҆лїаѳъ сн҃ъ ваи҆на́ковъ, неѻ҆фа́ѳи·

И҆ра́и сн҃ъ риваи, ѿ горы̀ венїами́нѧ.
вениса́съ сн҃ъ фараѳонїев̑҇·

Ѹ҆́рїи, ѿ неа́ли, галъс авїи́лъ и҆же ѿ а҆раве́ѳи·

А҆зъмо́ѳъ, а҆рсамїевъ, е҆лиа́ва салавонїевъ, и҆ра́съ гои҆ни, і҆ѻ҆наѳа́нъ сн҃ъ сагїевъ, ѻ҆ра́ри, а҆хикаа́мъ, сн҃ъ саха́ровъ, а҆ра́рїи.
зифаа́лъ сн҃ъ соро́въ, а҆фер̑҇, мехꙋра́ѳи, а҆хїа, а҆фелонїи, а҆зра́и ѻ҆марме́ли, ноѻ҆ра́и, сн҃ъ а҆вдїевъ, и҆ѻ҆и́ль, бра́тъ наѳа́новъ, и҆варъ сн҃ъ таи҆е҆въ.
сего̀ли́къ а҆м꙽мо́ни, наа҆ра́и, ѿ виро́ѳи, и҆же носилъ ѻ҆рꙋжїе і҆а́вово, сн҃а рꙋи҆е҆ва, и҆расъ, и҆ѳе́ри, гари́ѳъ, ѳерїи, ѹ҆́рїѧ хет꙽ѳе́искїи, ваза́ѳъ, сн҃ъ ѻ҆ѻ҆лїевъ, а҆дина̀, са́ха, рови́мовъ кнѧ́ѕь.
и҆ ѹ҆ не́го, л҃, а҆но́нъ сн҃ъ маа҆ха́евъ и҆сафа́тꙋ.
фаѳа́ни, ѻ҆зїѧ, а҆сѳаро́ѳе, са́м꙽ма, и҆е҆ѻ́ль.
сн҃ы хоѳа́ни а҆рарїи, и҆е҆дїилъ, сн҃ъ самери, і҆ и҆ѻ҆за́е бра́тъ е҆го.
ѳоса́и, е҆лїилъ, маѻ҆и҆нъ, и҆а҆ри́ва.
и҆ѻ҆соі҆ѧ сн҃ъ е҆го и҆е҆наа́мъ, и҆е҆ѳе́ма, моа҆ви́тъскїи, а҆лїи́лъ, и҆ а҆видъ, и҆ е҆сїи́лъ, месофїѧ·

Глв̑҇а, в҃і·

Тїи же прїидо́ша къ дв҃дꙋ въ сикела́и е҆гда е҆щѐ бѣ́гаше саѹ́ла сн҃а ки́сова, и҆ сїи бѣхꙋ крѣп꙽ча́иши помага́юще і҆ и҆збран꙽нїи бои́цы·

Напрѧза́юще лꙋ́къ.
и҆ ѻ҆бѣ́ю же рꙋкꙋ пращами ка́менїе мета́юще.
и҆ ѹ҆правлѧ́юще стрѣ́лы.
и҆ бы́ша ѿ бра́тїи саѹ́ловыхъ, ѿ колѣна венїами́нѧ·

Кнѧ́ѕь и҆хъ а҆хїезе́ръ.
і҆ и҆ѻ҆а́съ сн҃ъ сама́ѧ, гаваѳи́та, и҆ а҆зїи҆ль.
и҆ фали́ѳъ сн҃ове замо́ѳъ.
и҆ вараха́и, і҆ и҆ѹ́ѧ и҆ а҆наѳоѳити́съ·

Самаи҆а́съ же гаваѻ҆ни́тисъ силнѣ́ишїи посредѣ три́десѧти.
и҆ над̑ тридесѧти.
і҆е҆ремїѧ і҆ и҆е҆зекиль і҆ и҆ѻ҆а́н꙽на́нъ, і҆ и҆зава́ѳъ гадираѳитис̑҇·

И҆ е҆лиѻ҆ѳїи, і҆ и҆е҆римꙋ́ѳъ.
и҆ ваа҆лїа, и҆ самарїа, и҆ саѳатїа, арꙋфꙋтис̑҇·

И҆л꙽кана, и҆ е҆сїѧ, і҆ и҆е҆лїи́лъ.
і҆ и҆е҆зааръ, и҆ е҆зваа́мъ, ѿ кареи́ма·

И҆ ѻ҆и́ла, и҆ зава́дїѧ, сн҃ове и҆роа́мъ ѿ хедо́ра·

И҆ ѿ гад̑ди прибѣго́ша къ дв҃дꙋ, е҆гда таѧ҆шесѧ въ пꙋсты́ни мꙋ́жїе крѣп꙽ча́иши и҆ бойцы нарочи́ти дер꙽жа́щїи щи́тъ, и҆ ко́пїе.
лица же и҆хъ, ꙗ҆́ко лица льво́ва.
и҆ ско́ры ꙗ҆́ко ко́зы въ гора́хъ·

А҆зе́ръ въ первых̑ а҆в꙽дїѧ вторыи, а҆лїадъ тре́тїи·

Мазманъ четве́ртыи, и҆е҆рмїа пѧ́тыи·

И҆е҆ѳ꙽фїѧ ше́стыи.
е҆лїи́лъ сед̑мы́и·

Иѻ҆нанъ, и҃. е҆льзеве́ль, ѳ҃·

И҆е҆ремїѧ, і҃. махавенаи, а҃і·

Сїи бы́ша ѿ сн҃овъ гадовъ кнѧ́ѕи во́искїе послѣ́днїи и҆ ме́ншїи, ҂р҃. и҆ бо́лши над꙽ ты́сащїю·

Сїи сꙋть и҆же преидо́ша і҆ѻ҆рда́нъ мцс̑҇а перваго и҆ се́и напол꙽ненъ, въ всеи си́лѣ е҆го.
і҆ и҆згнаша всѣхъ и҆же живѧ́хꙋ в꙽ долх̑ѣ къ въсто́чнѣи странѣ и҆ запад꙽нѣи·

Прїидо́ша же ѿ венїами́на и҆ ѿ і҆ѹ́ды на по́мощъ дв҃дꙋ·

І҆ и҆з꙽шед̑ дв҃дъ сꙋпроти́въ и҆мъ.
и҆ рече и҆мъ, а҆́ще ми́рно прїидо́сте къ мнѣ.
да бꙋдет̑ срд̑це моѐ по семꙋ́ же къ вамъ.
и҆ а́ще предати м̂ѧ сꙋпоста́томъ мои҆мъ е҆гда и҆́зъ безако́нїѧ в рꙋкахъ мои҆хъ не и́мамъ.
да ви́дитъ б҃ъ ѿц҃ъ нашихъ и҆ сꙋ́дитъ·

И҆ ѻ҆блече дх҃ъ гн҃ь а҆масїю кнѧ́ѕѧ над̑ тридесѧтїю и҆ реч̑҇.
и҆ди дв҃де сн҃ꙋ и҆ес꙽се́ѻ҆въ и҆ лю́дїе твоѝ въ ми́рѣ.
ми́ръ тебѣ.
и҆ ми́ръ помо́щникомъ твои҆мъ.
тебѣ б̂о помага́етъ б҃ъ твои.
и҆ въспрїѧ́тъ их̑ дв҃дъ и҆ положи и҆хъ кн҃ѕеи си́лных̑·

И҆ па́ки ѿ манасїѧ прибѣго́ша къ дв҃дꙋ, е҆гда и҆дѧ́ше съ и҆ноплеме́н꙽ники на саѹ́ла на́ брань и҆ не помо́же и҆мъ дв҃дъ·

Ꙗ҆́ко совѣтова́вше ѻ҆тосла́ша е҆го кнѧ́ѕи и҆ноплеме́нничестїи, гл҃юще.
съ глава́ми на́шими ѻ҆братит̑сѧ къ господи́нꙋ свое҆мꙋ саѹ́лꙋ·

И҆ е҆гда б̂о възврати́сѧ въ сикела́гъ.
прибѣго́ша к немꙋ ѿ манасїѧ, е҆дънай.
и҆ ѻ҆зава́ѳъ, и҆ е҆дїи́ль, и҆ михаи́лъ.
и҆ ѻ҆сафа́ѳъ и҆ е҆лиѹ҆̀, и҆ сала́ѳи.
кн҃ѕи ты́сꙋщникомъ сꙋть ѹ҆ манасїю·

Сїи възда́ша по́мощъ дв҃дꙋ на разбо́иничиковъ вс̂и б̂о тїи мꙋжїи крѣпча́иши.
и҆ бѣша крѣ́пки нача́лницы въ во́инахъ·

Занѐ ко́ждо дн҃и прихожда́хꙋ къ дв҃дꙋ.
на пособле́нїе е҆го.
да́же сътвори́сѧ ве́лїе съчте́нїе ꙗ҆́ко во́и бж҃їи·

Тоже е҆сть съчте́нїе кн҃ѕемъ во́искимъ и҆же прїидо́ша къ дв҃дꙋ въ хевро́нѣ да възвратѧ́тъ црс̑҇тво саѹ́лово к немꙋ по словеси гн҃ю·

Сн҃ове і҆ѹ́дини носѧ́щїи щи́тъ и҆ ко́пїе.
҂ѕ҃, и҆ и҃, со́тъ.
ѹ҆правле́ны къ ѻполче́нїю.
и҆ ѿ сн҃овъ симеѻ́нь мꙋже́и силнѣ́ишихъ къ бра́ни.
҂з҃, и҆ р҃·

И҆ ѿ сн҃овъ лев꙽вѷи.
҂д҃. и҆ х҃·

І҆ и҆ѻд̑да же кн҃ѕь ѿ колѣ́на аа҆ро́нѧ.
и҆ с ни́мъ.
҂г҃, и҆ з҃ со́тъ·

И҆ садо́къ ѻ҆́трокъ и҆збра́нъ преспѣва́ющїи, и҆ до́мъ ѿц҃а е҆го кн҃ѕи, к҃в·

ѿ сн҃ов꙽ же венїами́нь бра́тїи саѹ́лѧ.
҂г҃. и҆ е҆ще бо́лшїѧ ча́сть их̑ въслѣдова́ше до́мꙋ саѹ́лю·

И҆ па́ки ѿ сн҃овъ е҆фрѣмль.
҂к҃, и҆ и҃, со́тъ.
крѣпча́и҆ши хра́бростїю мꙋж́и и҆менова́нїи по племе́немъ ѿч҃ествъ и҆хъ·

И҆ ѿ по́лꙋ племе́ни манасїи҆на, ҂и҃. кожд̑о по и҆мене́мъ свои҆мъ прїидоша.
да поста́вѧтъ цр҃ѧ дв҃да·

И҆ ѿ сн҃овъ и҆саха́ръ мꙋж́и ѹ҆че́ни и҆же познава́хꙋ въ времен на размышле́нїю чт̂о сътвори́ти и҆́мать і҆и҆л҃ь.
въ нача́ла и҆хъ, с҃, и҆ бра́тїа их̑ с ни́ми·

Па́ки ѿ заѹ҆ло́на прїидо́ша къ ѻ҆полче́нїю, бра́ни, съ всѧ́кими ѻ҆рꙋж́їи бра́н꙽ными.
҂н҃. въ по́мощъ дв҃дꙋ не съ пра́зными рꙋка́ми·

И҆ ѿ неѳали́ма кн҃ѕе́и, ҂а҃. и҆ с ни́ми ѹ҆чени щит̑цы, и҆ сꙋ́лицами, ҂л҃, и҆ ҂з҃·

И҆ ѿ да́на ѹ҆гото́вани къ ѻ҆полченїю.
҂к҃, и҆ ҂и҃ и҆ х҃. и҆ ѿ а҆си́ра сходѧ́щїи помощѝ къ бра́ни.
҂м҃·

И҆ съ ѻ́ныѧ страны̀ і҆ѻ҆рда́на ѿ сн҃овъ рꙋви́мовъ и҆ ѿ гад̑довыхъ, и҆ ѿ по́лꙋ племе́ни манасїи҆на.
наѹ҆ченїи ѻ҆рꙋж́їи бра́нїи.
҂р҃, и҆ ҂к҃·

Всѣ сїи мꙋ́жи бра́ннїи ѹ҆правле́ни къ ѻ҆полче́нїю срд̑цемъ съвръше́номъ.
прїидо́ша въ хевро́нъ.
да поста́вѧт̑ цр҃ѧ дв҃да над̑ всѣмъ і҆и҆л҃емъ.
н̂о и҆ вс̂и про́чїи ѿ і҆и҆л҃ѧ е҆ді́но срд̑це бѧ́хꙋ да цр҃ь бꙋ́детъ дв҃дъ·

Бы́ша же т̂ꙋ съ дв҃дом̑ трїе дн҃и.
ꙗ҆дꙋще, и҆ пїю́ще.
ѹ҆гото́ваша б̂о и҆мъ бра́тїѧ и҆хъ·

Но и҆же бли́зъ и҆хъ бѧ́хꙋ до и҆саха́ра.
и҆ заѹ҆ло́на и҆ неѳали́ма.
принесо́ша и҆мъ хлѣ́бы на ѻ҆́слѣхъ и҆ вельбꙋдѣхъ и҆ м꙽ска́хъ и҆ во́лѣхъ на ꙗ҆де́нїе мꙋкꙋ̀ перевѧсла смо́кви и҆ гро́здїе сꙋхо́е вино, і҆ е҆ле́и.
и҆ волы̀ и҆ ѻ́вны.
къ всемꙋ̀ мно́жествꙋ.
ра́дость б̂о бы́сть въ і҆и҆л҃и·

Глв̑҇а, г҃і·

Нача́ же совт̑ѣ дв҃дъ съ кн҃ѕи, и҆ ты́сꙋщники.
и҆ со́тники и҆ всѣми нача́лники·

И҆ реч̑҇ дв҃дъ къ всемꙋ̀ събра́нїю і҆и҆л҃евꙋ.
а҆ще ѹ҆го́дно вам̑, и҆ ѿ г҃а б҃а на́шего ѹ҆лꙋчи́тсѧ.
да по́слемъ къ бра́тїѧмъ на́шим̑, про́чим̑ въ все́и стра́нѣ і҆и҆л҃евѣ съ сщ҃енники и҆ лев꙽вѷтами, и҆же живѧ́хꙋ под̑ гра́дныхъ гра́да.
да съберꙋтсѧ к нам̑·

І҆ и҆знесе́мъ кїѻ́тъ б҃а нашего к на́м꙽·

не и҆ска́хомъ б̂о е҆го въ дн҃и саѹ́лѧ·

И҆ ѿвѣща̀ вс̂е събра́нїе да та́ко бꙋдет̑, занѐ ѹ҆го́дно бы́сть сло́во с̂е всѣмъ лю́демъ·

И҆ събра ѹ҆бо дв҃дъ всего і҆и҆л҃ѧ, ѿ предѣ́лъ е҆гѷпет꙽скихъ, да́же до и҆схо́да и҆маѳо́ва, е҆же внести кїѻ́тъ бж҃їи ѿ гра́да и҆а҆ри́ма·

И сни́де дв҃дъ и҆ вс̂ѧ мꙋж́и і҆и҆л҃евы възы́иде въ́ гра̑ двд҃въ, и҆же е҆сть въ і҆ѹ҆дѣ, принести ѿтꙋ́дꙋ кїѻ́тъ г҃а б҃а сѣдѧ́ща на херꙋви́мѣхъ, и҆дѣж́е назва́но е҆сть и҆мѧ е҆го·

Положи́ша же кїѻ́т꙽ бж҃їи на колесни́цꙋ но́вꙋ і҆ и҆знесо́ша ѿ до́мꙋ а҆минода́ва, ѻ҆́за же и҆ бра́тїѧ е҆го ведѧ́хꙋ колесни́цꙋ·

дв҃дъ же и҆ ве́сь і҆и҆л҃ь и҆гра́хꙋ пред̑ бм҃ъ всею си́лою и҆ в꙽ пѣснехъ и҆ в гꙋслех̑, и҆ ѱал꙽ты́ри, и҆ тим꙽па́нѣхъ, и҆ кѷм꙽ва́лѣхъ, и҆ трꙋ́бы·

И҆ прїидо́ша къ гꙋмнꙋ̀ хидоню и҆ простре ѻ҆за́нъ рꙋ́кꙋ свою̀, да въздержитъ кїѻ́тъ ю҆́нецъ б̂о пот꙽кнꙋсѧ и҆ ма́ло ѹ҆клони е҆го·

И҆ прогнѣва́сѧ того ради г҃ь на ѻ́зꙋ, и҆ порази е҆го т̂ꙋ того ради ꙗ҆́же простре рꙋ́кꙋ и҆ прикоснꙋсѧ кїѻ́тꙋ, и҆ ѹ́мре т̂ꙋ пред̑ бм҃ъ·

Приско́рбенъ же бы́сть дв҃дъ того ради ꙗ҆́же разлꙋчи г҃ь ѻ҆за́на, нарече же мѣ́сто т̂о разлꙋче́нїе ѻ҆за́не даже и҆ до сего дн҃е·

И ѹ҆боꙗ҆́сѧ дв҃дъ б҃а в т̂о вре́мѧ гл҃ющи, ка́ко могꙋ̀ къ мнѣ възвести кїѻт̑ бж҃їи·

И ѿ тоѧ ве́щи не възведе е҆го к꙽ себѣ, т̂о е҆сть въ́ градъ двд҃ъ, н̂о възврати и҆̀ въ до́мъ ѻ҆вад̑даровъ геѳе́ина·

Пребыва́ше кїѻ́тъ въ домꙋ̀ ѻ҆вад̑да́рове тр̂и мцс̑҇ы, и҆ блс̑҇ви г҃ь до́мъ а҆вед̑да́ровъ и҆ вс̂ѧ ꙗ҆́же и҆мѣа́ше·

Глв̑҇а, д҃і·

Посла же хирам̑ цр҃ь тѷрьскїи послы̀ ко дв҃дꙋ и҆ древа ке́дрова, и҆ ѹ҆модѣ́лникъ стѣнамъ и҆ дре́водѣлѧ.
да соѕи́ждт̑ꙋ е҆мꙋ до́мъ·

И҆ позна двд̑ъ ꙗ҆́ко ѹ҆крѣпи е҆го г҃ь цр҃емъ над̑ і҆ил҃ем̑·

і҆ и҆же въздви́жено е҆сть црс̑҇тво е҆го на лю́ди е҆го і҆и҆л҃ѧ·

Поѧ́тъ же дв҃дъ и҆́ныѧ же́ны въ і҆ерс̑҇лимѣ.
роди же е҆щѐ сн҃ы и҆ дще́ри·

И҆ сїѧ и҆мена и҆хъ, и҆же роди́шасѧ въ і҆ерс̑҇ли́мѣ.
самаѹ҆̀ и҆ совавъ и҆ наѳанъ, и҆ соло́монъ.
и҆ е҆веа́съ, и҆ е҆лисꙋ, и҆ е҆лифаа́ѳъ·

и҆ нафагъ, и҆ е҆лисама, и҆ валїада, и҆ ельфалетъ·

Слы́шаша же и҆ноплеме́нницы и҆же пома́занъ бысть дв҃дъ въ цр҃ѧ над̑ всѣмъ і҆ил҃емъ.
і҆ и҆зыидо́ша вс̂и и҆ноплеме́нницы да възы́щꙋтъ дв҃да.
и҆ е҆гда слы́ша дв҃дъ и҆зы́иде проти́вꙋ и҆хъ·

И҆ноплеме́нницы же грѧдꙋщїи разлїѧшасѧ въ ѹ҆до́лъ гига́нтовъ·

И҆ въпросѝ дв҃дъ б҃а гл҃ѧ.
а҆́ще сни́дꙋ на и҆ноплеме́нники.
и҆ а́ще предасѝ их̑ въ рꙋкꙋ мою̀.
и҆ реч̑҇ е҆мꙋ б҃ъ, сни́ди и҆ дам̑ и҆хъ въ рꙋ́кꙋ твою·

И҆зы́иде въ ваал̑҇фарасїнъ.
и҆ пораѕи и҆хъ т̂ꙋ дв҃дъ, и҆ реч̑҇ дв҃дъ раздѣли б҃ъ враги моа̀ под̑ рꙋкꙋ мою̀.
ꙗ҆́ко раздѣлѧ́ютсѧ во́ды и҆ сего ради наречено бы́сть и҆́мѧ мѣстꙋ томꙋ̀, раз꙽сѣченїе фараи́ма·

И҆ ѻ҆ста́виша т̂ꙋ бо́ги своѧ и҆ноплеме́нницы, и҆хже дв҃дъ повелѣ сожещи, и҆ приложи́ша е҆щѐ и҆ноплеме́нн꙽ицы, и҆ ста́ша е҆щѐ въ ѹ҆до́ли гига́нтовъ·

И҆ вопросѝ паки дв҃дъ б҃а, и҆ рече е҆мꙋ б҃ъ не и҆сходи за ни́ми ѿврати́сѧ ѿ них̑ и҆ прїидеши проти́вꙋ и҆мъ ѿ сꙋпротив̑҇ грꙋше́и·

Є҆гда же ѹ҆слы́шиши шм̑ꙋ вер꙽сѣхъ грꙋше́и, тогда̀ и҆зы́идеши къ брани.
ꙗ҆́ко и҆зы́идетъ б҃ъ предъ тобо́ю да поразитъ пол꙽ки и҆ноплеме́н꙽нически·

И҆ сътвори дв҃дъ ꙗ҆ко повелѣ е҆мꙋ б҃ъ.
и҆ порази полки филисти́мом̑ ѿ гаваѻ́на даже до гази́ра·

И҆ прослави́сѧ и҆́мѧ двд҃во въ всх̑ѣ странах̑, и҆ г҃ь дас̑҇ страх̑ е҆го на всх̑ѣ ꙗ҆зыцх̑ѣ·

Глв̑҇а, е҃і·

Сътвори́ же себѣ̀ дом̑ въ гра́дѣ двд҃вѣ.
и҆ созда̀ мѣсто кїѻ́тꙋ бж҃їю.
и҆ сътвори е҆мꙋ жили́ще·

Тогда реч̑҇ двд̑ъ.
неподобно е҆сть да ѿ всѧ́кого но́ситисѧ кїѻ́тꙋ бж҃їю токмо ѿ левѷтъ, и҆хже и҆збра̀ г҃ь къ ноше́нїю кїѻ́та е҆го, и҆ къ слꙋженїю себѣ даждь въ вѣ́ки·

Собра же дв҃дъ весь і҆и҆л҃ь въ і҆ерс̑҇ли́мъ, да внесе́тъсѧ кїѻ́тъ бж҃їи въ мѣсто своѐ ꙗ҆же ѹ҆гото́ва е҆мꙋ·

И҆ собра̀ дв҃дъ сн҃овъ а҆а҆ро́новъ левѷты·

И҆ ѿ сн҃овъ каа́ѳовъ, ѹ҆рїель нача́лникъ бысть и҆ бра́тїа е҆го, р҃к, и҆ ѿ сн҃овъ мерари́нъ.
а҆саїѧ нача́лник̑҇ и҆ бра́тїѧ е҆го, с҃н, и҆ ѿ сн҃ов̑҇ гер꙽соних̑ і҆ѻ҆и҆ль нача́лник̑҇ и҆ бра́тїа е҆го, р҃л·

И҆ ѿ сн҃ов̑҇ е҆лисафан̑҇ семе́їѧ нача́лник̑҇ и҆ братїѧ е҆го, с҃·

И҆ ѿ сн҃овъ хевромов̑҇.
е҆лїиль нача́лникъ, и҆ бра́тїѧ е҆го п҃·

И҆ ѿ сн҃овъ ѻ҆зїилевъ, а҆минада́въ, нача́лникъ и҆ бра́тїа е҆го, рв҃і·

И҆ призва̀ дв҃дъ садо́ка и҆ а҆вїаѳара сщ҃енницы, и҆ левѷты.
ѹ҆рїилѧ, а҆гаі҆анъ и҆ѻ҆и́ль, семеи҆а҆нъ, и҆ е҆лїиль, и҆ а҆минада́ва·

И҆ рече к ни́мъ.
в̂ы е҆сте нача́лницы ѻби́телемъ левѷт꙽ским̑, ѻ҆ст҃и́тесѧ в̂ы съ бра́тїею ва́шею.
и҆ принесете кїѻ́тъ г҃а б҃а і҆и҆л҃ева.
на мѣсто и҆же ѹ҆гото́вано е҆сть е҆мꙋ·

Ꙗ҆́ко въ прь́вое в̂ы не бѣсте готовы.

Раздѣли насъ г҃ь.
въ на́съ ꙗ҆́ко не възыскахом̑ е҆го по раз̑сꙋжде́нїю·

И҆ ѻ҆ст҃ишасѧ сщ҃ен꙽ницы и҆ левѷти.
да внесꙋтъ кїѻ́тъ г҃а б҃а і҆и҆л҃ева·

И҆ взѧ́ша сн҃ове левѷтинїе кїѻ́тъ бж҃їи.
ꙗ҆́ко повелѣ моѷсїи по словесѝ гн҃ю, по зако́нꙋ раме́ны свои́ми на носи́лахъ·

Рече же дв҃дъ нача́лником̑ левѷтомъ.
да поста́вѧт̑ ѿ бра́тїи свои҆хъ пѣв꙽цовъ въ ѻ҆рганѣхъ, пѣснехъ мꙋсикїискихъ.
Ѱалтырехъ.
въ гꙋ́сли.
и҆ кѷм꙽валы.
да воз꙽гласѧт̑ въ вы́шнихъ глас̑҇ веселїѧ·

Поста́виша же левѷти е҆м꙽мана сн҃а и҆ѻ҆и҆лева.
и҆ ѿ бра́тїѧ е҆го а҆сафа сн҃а варахїи҆на.
и҆ ѿ сн҃въ мера́ри и ѿ бра́тїи их̑, е҆ѳа́на сн҃а кисеѻ́ва·

И҆ с ни́ми бра́тїѧ и҆хъ.
въ втором̑ чи́нꙋ заха́рїѧ·

і҆е҆и҆и́ль, и҆ семерамо́ѳъ.
и҆ ѻ҆зїѧ две́рницы·

Паки пѣвцы, е҆м꙽манъ, а҆са́ѳъ, и҆ е҆ма́ѳъ.
въ кѷм꙽валы мѣдѧны въз꙽глаша́ющи въ слꙋша́нїе·

Заха́рїѧ же и҆ ѻ҆зїиль.
и҆ семирамоѳ̑҇, е҆і҆и҆ль, и҆ а҆нанїѧ, и҆ е҆лїа́въ.
и҆ масїа҆съ, и҆ макенїѧ.
съ ѱалъты́рѧми ти́хо гла́сно поѧ́хꙋ·

Па́ки маѳаѳїасъ, и҆ е҆лифа́лꙋ, и҆ макенїѧ, и҆ а҆вдедом꙽, і҆ еи҆и҆ль.
и҆ ѻ҆зїѧ врат̑ницы, ѱалмопѣ́вци·

Є҆манасаф̑҇.
и҆ е҆ѳан̑҇, въ кѷм꙽валы мѣ́дѧны да сътвори́т꙽ слы́шано·

Заха́рїѧ, и҆ ѻ҆зїиль, и҆ семирамо́ѳъ, и҆ е҆и҆ль, и҆ а҆нани, и҆ е҆лїа́въ, а҆мосїѧ, и҆ ванаїѧ, въ ѱал̑҇тыри, тихо гла́сно·

И҆ маѳаѳїѧ е҆лифалеа́съ, и҆ макенїѧ, и҆ а҆вдедом̑, і҆ и҆еи́ль, и҆ ѻ҆зїѧ, в꙽ кини́ры шꙋмѧще под̑тверди́ти·

А҆хонїѧ же нача́лник̑҇ левѷтомъ кнѧ́ѕь пѣва́ющихъ слад̑кимъ гла́сом̑, бы́сть б̂о ѕѣ́ло мꙋдръ и҆ варахїѧ, и҆ е҆лка́на, дверницы кїѻ́та·

Паки саве́нїѧ, і҆ѻ҆сафатъ и҆ наѳанаи́ль, и҆ а҆масїѧ, и҆ захарїа и҆ вана́и.
и҆ е҆лїазаръ сщ҃енницы трꙋбѧхꙋ трꙋба́ми пред̑ кїѻ́томъ бж҃їим̑, и҆ а҆ведо́мъ, і҆ е҆їѧ, бѣхꙋ двер꙽ницы кїѻ́та гн҃ѧ·

дв҃дъ же б̂ѣ и҆ вс̂и старѣ́ишїи і҆и҆л҃еви и҆ тысꙋщники.
и҆дꙋщїѝ ко вношенїю кїѻ́та завѣта гн҃ѧ, ѿ до́мꙋ, а҆вдонѧ съ веселїем̑·

И҆ бысть е҆гда помага́ше б҃ъ левѷтом̑ и҆же ношахꙋ кїѻ́тъ завѣта гн҃ѧ.
и҆ жрѧхꙋ, з҃ ю́нецъ.
и҆ з҃, ѻ҆́венъ·

дв҃дъ же бѧ́ше ѻ҆дѣѧн̑҇ ри́зою синею.
и҆ вс̂и левѷти и҆же ношахꙋ кїѻ́тъ завѣта гн҃ѧ.
пѣвцы же і҆ и҆ хоненїѧ началникъ пѣ́снеи пою́щихъ.
на дв҃дѣ же б̂ѣ е҆фꙋдъ лнѧныи·

Весь же і҆и҆л҃ь и҆звожа́хꙋ кїѻ́тъ завѣта гн҃ѧ съ восклицанїмъ и҆ шꙋмомъ ди́вным̑, и҆ трꙋбнымъ.
и҆ кѷм꙽валы и҆ въ гꙋсли глаша́ющи·

И҆ е҆гда прїиде кїѻ́тъ завѣта гн҃ѧ даже до града дв҃два.
и҆ мельхола дщ̂и саѹ́лѧ смотрѧше во ѻ҆кно, и҆ видѣ цр҃ѧ дв҃да скачꙋща і҆ и҆гра́юща.
и҆ поноси е҆го въ срд̑ци свое҆мъ·

Глв̑҇а, ѕ҃і·

Принесо́ша же ѹ҆бо кїѻ́тъ бж҃їи и҆ поставиша е҆го посредѣ жи́лища и҆же въздвиж̑ е҆мꙋ дв҃дъ.
и҆ принесо́ша вс̂есъж꙽же́нїѧ и҆ мирнаѧ предъ гм҃ъ·

И҆ съверши дв҃дъ въздающи вс̂есъж꙽же́нїѧ и҆ ми́рнаѧ, и҆ блс̑҇ви люд̑и̑ въ и҆мѧ гн҃е·

И҆ раздѣлѝ в꙽сѣмъ по е҆ді́номꙋ ѿ мꙋжъ даже до же́нъ хлѣбъ е҆ді́нъ.
и҆ часть пече́на мѧ́са воло́ва, и҆ прѧже́на ѻ҆ле́ѧ симидал̑҇·

Постави же пред̑ кїѻ́томъ гн҃имъ ѿ левѷтъ, и҆же слꙋжи́ти и҆ поминати дѣла е҆го і҆ и҆сповѣдати и҆ хвали́ти г҃а б҃а і҆и҆л҃ева·

А҆сафъ же началник̑҇ и҆ дрꙋгїи по немꙋ̀ захарїѧ паки і҆е҆и́ль и҆ самирамо́тъ.
и҆ а҆і҆и́ль.
и҆ маѳаѳиа҆съ, и҆ е҆лїа́въ, и҆ ване́ѧ, и҆ а҆вдедом̑, і҆ и҆и́ль сїи въ ѻ҆рга́ны и҆ ѱалты́ри и҆ гꙋсли и҆гра́ша, а҆са́ф же въ ким꙽ва́лехъ въз꙽глаша́ѧ·

И҆ ванѣа, и҆ ѻ҆зїи́ль сщ҃енницы трꙋбиша вы́нꙋ въ трꙋбꙋ̀ пред̑ кїѻ́томъ завѣта гн҃ѧ·

В то́иж̑ дн҃ь ѹ҆строѝ дв҃дъ въ нача́лѣ аса́фа и҆сповѣда́ти г҃а и҆ братїю е҆го·

И҆сповѣда́итесѧ гв҃и, и҆ призыва́ите и҆́мѧ е҆го, зна́емы сътвори́те гл҃ы творе́нїи е҆го·

По́ите е҆мꙋ и въспо́ите е҆мꙋ.
и҆сповѣдите всѧ̀ чюдеса̀ е҆го ꙗ҆́же сътворѝ г҃ь·

Хвали́те и҆мѧ ст҃ое е҆го.
да възвесели́тсѧ срд̑це и҆́щꙋщихъ бл҃говоле́нїѧ е҆го·

Взы́щете г҃а и҆ ѹ҆крѣпи́тесѧ.
в꙽зы́щите лица е҆го вы́нꙋ·

Помѧни́те чюдеса̀ е҆го ꙗ҆́же сътворѝ, зна́менїѧ и҆ сꙋдбы̀ ѹ҆стъ е҆го·

Сѣмѧ і҆и҆л҃ево рабѝ е҆го сн҃ове і҆а́ковли и҆збра́н꙽нїи е҆го.
то́и г҃ь б҃ъ на́шъ въ все́и землѝ сꙋдбы̀ е҆го·

Помѧне́мъ въ вѣкъ завт̑ѣ е҆го словеса̀ е҆го ꙗ҆же повелѣ̀ въ ты́сѧща ро́дъ·

Ꙗ҆́же завѣща̀ съ а҆враа́мом̑.
и҆ клѧ́твы е҆го съ і҆саа́комъ·

И҆ поста́ви е҆̀ і҆а́ковꙋ въ повеле́нїе, і҆и҆л҃ю въ завѣтъ вѣченъ·

Гл҃ющи, тебѣ да́мъ зе́млю ханаа́ню, жре́бїи достоѧ́нїѧ ва́шего·

Є҆гда бы́ти ва́мъ ма́ломъ число́мъ, до́ндеж̑ бы́ша и҆ живꙋщїи е҆го и҆ пресели́шасѧ в ню̀·

И҆ преи҆до́ша ѿ ꙗ҆зы́ка въ ꙗ҆зык̑҇ и҆ ѿ црс̑҇твїѧ к лю́демъ и҆́нымъ·

Не ѻ҆ста́ви никомꙋ́же ѻ҆би́дѣти и҆хъ.
и҆ запрѣтѝ про и́хъ цр҃и·

Не прикаса́итесѧ хрс̑҇томъ мои́мъ, и҆ въ проро́цѣхъ мои҆хъ не лꙋкавнꙋ́ите·

Поите гв҃и всѧ землѧ̀, възвѣсти́те ѿ дн҃е на́ дн҃ь сп҃сенїе е҆го·

Възвѣсти́те въ ꙗ҆зы́цѣхъ сла́вꙋ е҆го.
и҆ въ всѣхъ лю́дехъ чюдеса̀ е҆го.
Ꙗ҆́ко ве́лїи г҃ь и҆ хваленъ ѕѣло.
и҆ стра́шенъ е҆сть над̑ всѣми бо́ги·

Всѝ бо бо́ѕи лю́дъстїи и҆́доли.
и҆ г҃ь же нб҃са сътворѝ, сла́ва и҆ вели́чество пред̑ ним̑ и҆ крѣпость и҆ похва́ла въ мѣстѣ е҆го ст҃омъ·

Принесѣте гв҃и ѿч҃ествїѧ ꙗ҆зы́комъ.
принесѣте гв҃и сла́вꙋ и҆ крѣпость·

дади́те гв҃и сла́вꙋ и҆́мени е҆го.
въздвигнѣте жрътвꙋ и҆ прїидѣте пред̑ лице е҆го, и҆ поклони́тесѧ гв҃и въ дворѣ̀ ст҃ѣмъ е҆го·

да ѹ҆бои́тсѧ ѿ лица̀ е҆го всѧ землѧ̀.
и҆ да и҆спра́витсѧ землѧ̀, и҆ да не подвижи́тсѧ·

да веселѧт̑сѧ нб҃са и҆ ра́дꙋетсѧ землѧ̀, и҆ да рекꙋтъ въ ꙗ҆зы́цехъ г҃ь црс̑҇твꙋ́етъ·

да възъгласит̑ мо́ре і҆ и҆сполне́нїе е҆го.
и҆ дре́ва по́льскаѧ и҆ всѧ̀ ꙗ҆́же на ни́хъ сꙋть·

Тогда̀ въсхва́лѧт̑ дре́ва дꙋбра́внаѧ пред̑ лице́мъ гн҃имъ.
ꙗ҆ко прїидетъ сꙋди́ти землѝ.
и҆сповѣда́итесѧ гв҃и ꙗ҆́ко бл҃гъ, ꙗ҆ко въ вѣкъ млс̑҇ть е҆го·

И҆ гл҃ите сп҃си н̂ы бж҃е сп҃сителю нашъ.
и҆ съберѝ насъ, і҆ и҆змѝ на́съ ѿ ꙗ҆зы́къ.
да хва́лимъ и҆́мѧ ст҃ое твоѐ, и҆ ра́дꙋемсѧ въ хвале́нїихъ твои҆хъ·

Блс̑҇венъ г҃ь б҃ъ і҆и҆л҃евъ, ѿ вѣка да́же и҆ до́ вѣка.
и҆ рекꙋтъ всѝ лю́дїе а҆ми́нь, и҆ въсхвали́ша г҃а.

И҆ ѻ҆стави́ша т̂ꙋ пред̑ кїѻтом̑ завѣта гн҃ѧ а҆са́фа и҆ бра́тїю е҆го.
да слꙋжат̑ пред̑ кїѻ́томъ вы́нꙋ по всѧ̀ дн҃и·

И а҆вдедо́мъ и҆ бра́тїѧ е҆го, ѯ҃и·

И а҆вдедо́мъ сн҃ъ и҆а҆ѳо́мовъ.
и҆ ѻса́и.
поста́виша две́рницы·

Садо́ка же сщ҃енника и҆ бра́тїю е҆го сщ҃ен꙽никами пред̑ жили́щемъ гн҃имъ въ вы́шнихъ и҆же бѣ̀ въ гаваѻ́нѣ·

да въздают̑ вс̂есъж꙽же́нїѧ гв҃и, на ѻ҆лтарѝ вс̂есъж꙽же́нїѧ вы́нꙋ ѹ́тро и҆ ве́черъ.
по всѣхъ и҆же пи́сана сꙋть въ зако́нѣ гн҃и, ꙗ҆́же повелѣ сн҃омъ і҆и҆л҃евомъ рꙋко́ю моѷсїѧ раба̀ бж҃їѧ·

И҆ по нем̑ е҆м꙽ма́нъ и҆ диѳꙋмъ и҆ про́чїи и҆збран̑҇нїи е҆ді́нъ ко́ждо зва́нїемъ свои҆мъ къ и҆сповѣда́нїю г҃ꙋ, ꙗ҆́ко въ вѣки млс̑҇ть е҆го·

И҆ с нимѝ трꙋб꙽ницы и҆ бїю́щїи кѷм꙽ва́лы и҆ вс̂ѧ мꙋсикїѧ а҆рга́номъ къ пѣнїю бж҃їю, сн҃ове же и҆дифꙋмли въ вра́тех̑ стоѧ́хꙋ·

ѻ҆брати́ша же сѧ вс̂и лю́дїе в домы своѧ̀, и҆ дв҃дъ ѻ҆брати́сѧ да блс̑҇ви́тъ до́мъ свои·

Глв̑҇а, з҃і·

Єгда́ же ѻ҆бита́ше дв҃дъ въ домꙋ̀ свое҆мъ, рече къ наѳа́нꙋ про̑҇ркꙋ, сѐ а҆зъ живꙋ̀ в домꙋ̀ ке́дровѣ.
кїѻ́тъ же завѣта гн҃ѧ подъ ко́жами е҆́сть·

И҆ рече наѳа́нъ къ дв҃дꙋ.
вс̂ѧ и҆же сꙋть въ срд̑ци твое҆мъ сътворѝ, г҃ь б̂о с тобо́ю е҆сть·

Сего ра́ди но́щи тоѧ̀ бы́сть сло́во гн҃е къ наѳа́нꙋ гл҃ющи·

Поидѝ и҆ гл҃и дв҃дꙋ рабꙋ̀ мое҆мꙋ, сїѧ рече г҃ь.
не съѕи́ждеши т̂ы мн̂ѣ до́мꙋ на ѻ҆бита́нїе·

Не пребы́хъ б̂о в домꙋ̀ ѿ того̀ вре́мени въ не́же и҆зведо́хъ і҆и҆л҃ѧ ѿ землѧ̀ е҆гѷпет꙽скїѧ даже до дн҃е сего̀.
н̂о бы́хъ всегда̀ премѣнѧ́ющи мѣ́ста жили́щъ.
и҆ в꙽ шатрѣхъ пребыва́ю҆щи·

І҆ и҆дѣже ходи́хъ съ всѣмъ і҆и҆л҃емъ.
а҆ще гл҃ахъ кое҆мꙋ̀ сꙋдїѝ колѣнꙋ і҆и҆л҃евꙋ и҆́мже повелѣхъ.
да пасꙋтъ лю́ды моѧ̀ гл҃ющи.
чт̂о рад̑и̑ не съзи́ждеши мн̂ѣ до́мꙋ ке́дрова·

Нн҃ѣ б̂о та́ко гл҃еши рабꙋ̀ мое҆мꙋ двд̑ꙋ сїѧ рече г҃ь вседръжи́тель.
а҆зъ и҆зѧх̑ т̂ѧ е҆гда в꙽ па́ствѣ въслѣдова́лъ е҆си ста́дꙋ.
да бы́лъ е҆си во́ждъ лю́дем꙽ мои҆мъ і҆и҆л҃ю·

И҆ бы́хъ с тобо́ю и҆деже когда̀ походи́лъ е҆си.
и҆ потреби́хъ вс̂ѧ врагѝ твоѧ̀ пред̑ тобо́ю.
сътвори́хъ же тебѐ и҆мени́та ꙗ҆́ко е҆ді́наго вели́ких꙽, и҆же и҆менꙋ́ютсѧ на землѝ·

И҆ дахъ мѣ́сто лю́демъ мои҆мъ і҆и҆л҃ю.
и насади́хъ ѧ҆̀ и҆ ѻ҆бита́ютъ в꙽ немъ.
и҆ да не въскорбѧ́т꙽ ктомꙋ̀.
н̂и сн҃ове безако́нїѧ приложа́тъ попра́ти и҆хъ ꙗ҆́ко ѿ нача́ла·

И҆ ѿ дн҃їи и҆хже да́хъ сꙋдїѧ̀ лю́демъ мои҆мъ і҆и҆л҃ю, смири́хъ вс̂ѧ врагѝ твоѧ̀.
и҆ възвѣща́ю т̂и ꙗ҆́ко съзи́ждетъ т̂и г҃ь до́мъ·

Єгда́ же и҆спо́лниши дн҃и твоѧ̀ да и҆де́ши къ ѿц҃емъ твои҆м꙽.
въздви́гнꙋ сѣмѧ твое по тебѣ̀ и҆же бꙋдетъ ѿ сн҃овъ твои҆хъ.
и҆ въста́влю црс̑҇тво е҆го·

И҆ се́и съзи́ждетъ мн̂ѣ до́мъ, и҆ а́з꙽ ѹ҆крѣплю̀ прс̑҇тлъ е҆го да́же до́ вѣка·

А҆зъ бꙋдꙋ е҆мꙋ въ ѿц҃а и҆ то́и бꙋдет꙽ мн̂ѣ въ сн҃а.
и҆ млс̑҇ть мою̀ не ѿи҆мꙋ̀ ѿ него.
ꙗ҆́ко ѿѧх̑ ѿ сего̀ и҆же прежде тебѐ бы́сть·

И҆ ѹ҆вѣрю̀ е҆го в домꙋ̀ мое҆мъ.
и҆ въ црс̑҇твїи мое҆мъ даже до́ вѣка, и҆ прс̑҇толъ е҆го бꙋдетъ и҆справле́нъ въ вѣки·

По всѣхъ словесех꙽ сихъ.
и҆ по всемꙋ̀ видѣнїю семꙋ̀.
тако гл҃алъ е҆сть наѳа́нъ къ дв҃дꙋ·

И҆ прїиде цр҃ь дв҃дъ, и҆ сѣде пред̑ гм҃ъ и҆ рече.
кт̂о а҆зъ е҆смь г҃и бж҃е мо́и, и҆ чт̂о до́мъ мои ꙗ҆́ко възлюбѝ м̂ѧ въ вѣки, да подасѝ мн̂ѣ такова́ѧ.
н̂о и҆ то̀ ма́ло ви́дѣно бы́сть пред̑ тобо́ю бж҃е.
и҆ гл҃ал̑҇ е҆си на до́мъ раба̀ твое҆го е҆щѐ въ бꙋдꙋщее, и҆ сътвори́лъ м̂ѧ е҆си честна над̑ всѣми чл҃ки, г҃и бж҃е мо́и·

Чт̂о бо́лѣе приложи́тъ двд̑ъ гл҃ати тебѣ̀.
е҆гда̀ та́ко просла́виши раба̀ твое҆го и҆ позна́еши е҆го·

Ги҃ раба̀ твое҆го ради по срд̑цꙋ твое҆мꙋ сътвори́лъ е҆си вс̂ѧ вели́чествїѧ сїа.
и҆ зна́ема бы́ти сътвори́лъ е҆си вс̂ѧ вели́чїѧ твоѧ·

Ги҃ нѣ́сть подо́бен̑҇ тебѣ, и҆ нѣ́сть б҃а ра́звѣ тебе по в꙽сѣхъ же и҆же слы́шахомъ ѹ҆ши́ма на́шима·

И҆ нѣсть ꙗ҆́ко лю́дїе твоѝ і҆и҆л҃ь ꙗ҆зы́къ е҆ді́нъ на землѝ, е҆гоже ради про́иде б҃ъ да и҆зба́витъ и҆ сътвори́тъ лю́ди себѣ, и҆ вели́чеством̑ свои҆мъ и҆ стра́шнымъ и҆згонѝ ро́ды ѿ лица̀ людїи их̑же и҆зба́ви ѿ е҆гѷпта·

И҆ положи́лъ е҆си люди твоѧ̀ і҆и҆л҃ь тебѣ̀ в лю́ди даже до́ вѣка, и҆ ты̀ г҃и бы́сть б҃ъ и҆хъ·

И҆ нн҃ѣ г҃и сло́во и҆мъже гл҃алъ е҆си рабꙋ твое҆мꙋ, и҆ на до́мъ е҆го, да ѹ҆вѣрит̑сѧ въ вѣки и҆ сътворѝ ꙗ҆́ко гл҃алъ е҆си·

И҆ ѹ҆вѣри́тсѧ и҆ възвели́читсѧ и҆́мѧ твое даже въ вѣки, гл҃ющихъ г҃и г҃и вс̂едръжи́телю б҃ъ і҆и҆л҃евъ, и҆ до́м꙽ раба̀ е҆го да бꙋдет̑ и҆справле́нъ пред̑ тобо́ю·

Ты́ бо г҃и бж҃е мо́и ѿвръзлъ е҆си ѹ́хо раба̀ твое҆го, създа́ти е҆мꙋ до́мъ, и҆ сего ради ѻ҆брѣте ра́бъ твои ѹ҆вѣре́нїе, да мо́литсѧ пред̑ лицем̑ твоим̑·

И҆ нн҃ѣ г҃и ты̀ е҆си са́мъ б҃ъ и҆ гл҃алъ е҆си къ рабꙋ̀ твое҆мꙋ.
толи́ка добро̀творе́нїѧ сїѧ·

И҆ нн҃ѣ начнѝ блс̑҇вити до́мъ раба̀ твое҆го да бꙋдет̑ въ вѣки пред̑ тобо́ю.
ꙗ҆́ко ты̀ г҃и блс̑҇вилъ е҆си и҆ блс̑҇венъ бꙋдетъ въ вѣки·

Глв̑҇а, и҃і·

Бысть же посе́мъ поразѝ двд̑ъ и҆ноплеме́нники и҆ смирѝ их̑.
и҆ взѧ̀ ге́ѳъ и҆ предѣлы е҆го ѿ рꙋкꙋ и҆ноплеме́нникъ·

И҆ поразѝ дв҃дъ моа́ва, и҆ бѧ́хꙋ моа҆ви́ти рабѝ дв҃дꙋ приносѧ́ще е҆мꙋ да́нь·

И҆ поразѝ дв҃дъ е҆ще а҆драза́ра цр҃ѧ сꙋ́вска страны̀ е҆ма́ѳъ когда про́иде да распространит̑ црс̑҇тво свое даже до рѣки е҆фра́та·

И прїѧт̑ ѿ него дв҃дъ ты́сѧщꙋ колесни́цъ.
и҆ ҂з҃, ко́н꙽никъ.
и҆ ҂к҃, мꙋже́и пѣшецъ.
и҆ разбѝ дв҃дъ вс̂ѧ колесница ѻ҆ста́ви же ѿ ни́хъ.
р҃, колесни́цъ, и҆хъже въздержа̀ себѣ·

И҆ прїиде а҆сѷръ ѿ дама́ска да по́мощъ въздас̑҇ а҆драза́рю цр҃ю сꙋ́вскꙋ.
и҆ поразѝ двд̑ъ и҆ сѷровыхъ, ҂к҃, и҆ ҂в҃, мꙋжъ·

И҆ постави тысѧщ꙽ники въ сѷрїи и҆же бли́зꙋ дама́скꙋ, и҆ бѧхꙋ дв҃дꙋ въ рабы̀ приносѧ́ще да́ни, и҆ помо́же дв҃дꙋ г҃ь въ всѣхъ на не́же и҆зы́иде·

Прїѧ́т же дв҃дъ тꙋ́лы златы и҆же и҆мѣша рабѝ а҆драза́ровы, и҆ принесѐ ѧ҆̀ въ і҆ерс̑҇ли́мъ·

Та́коже ѿ метавеѳ̑҇ і҆ и҆збра́нныхъ гра́довъ а҆драза́ровых꙽ мѣ́ди множество в꙽зѧ̀, и҆з неѧ́же сътворѝ соло́монъ мо́ре мѣ́дѧно, и҆ столпы̀ и҆ съсꙋды мѣденыѧ·

Є҆гда слы́ша ѳеѹ́и цр҃ь е҆ма́ѳъскїи ꙗ҆ко поразѝ дв҃дъ вс̂ѧ во́и а҆драза́ра цр҃ѧ сꙋ́вска·

И҆ посла̀ а҆дꙋра́ма сн҃а свое҆го къ цр҃ꙋ дв҃дꙋ, да въпро́ситъ ꙗ҆же ѻ҆ ми́рѣ, и҆ блс̑҇вити е҆го, сего рад̑и̑ ꙗ҆же сътворѝ а҆драза́рю и҆ поразѝ е҆го.
сꙋпроти́вникъ бо бысть ѳеѹ́и а҆драза́рь.
и҆ принесѐ вс̂ѧ сосꙋды зла́тыа и҆ сре́бреныѧ и҆ мѣ́дѧныѧ и҆ ѻ҆ст҃и ѧ҆̀ дв҃дъ цр҃ь г҃ꙋ съ сребро́мъ и҆ зла́томъ ꙗ҆́же взѧ̀ ѿ всѣхъ ꙗ҆зы́къ, ѿ и҆дꙋме́ѧ и҆ моа́ва, и҆ сн҃овъ а҆м꙽мо́нь и҆ ѿ и҆ноплеме́нник̑҇ и҆ а҆мм꙽али́ка·

А҆ви́сай же сн҃ъ сарꙋ́ие҆въ поразѝ и҆дꙋме́ѧне въ ѹ҆долѣ и҆ноплеме́нникъ, ҂и҃і·

И҆ поста́ви въ е҆до́мѣ нача́лники въево́ды и҆ бѣша вс̂и и҆дꙋме́ѧне рабѝ дв҃дꙋ.
и҆ сп҃се г҃ь дв҃да въ в꙽сѣхъ нанеж̑ и҆зы́иде·

Црс̑҇твова́ же дв҃дъ над̑ всм̑ѣ і҆и҆л҃емъ.
и҆ бѣ творѧ̀ сꙋдъ и҆ пра́вдꙋ в꙽сѣмъ лю́демъ свои҆мъ·

И҆ѻ҆а́в же сн҃ъ сарꙋ́ие҆въ бы́сть над̑ во́и.
і҆ и҆ѻ҆сафа́тъ сн҃ъ а҆л꙽хилꙋ́довъ паметопи́сца·

И҆ садокъ же сн҃ъ а҆хи́товъ и҆ а҆вимеле́хъ сн҃ъ а҆вїа҆ѳа́рь сщ҃ен꙽ницы і҆ сꙋса книгочїй·

И҆ ванѣѧ же сн҃ъ і҆ѻ҆да́евъ, над̑ копѣйниками, и҆ надъ стрелца́ми.
сн҃ове же двд҃вы прь́вїи ѿ рꙋкꙋ цр҃ѧ·

Глв̑҇а, ѳ҃і·

И бы́сть пото́мъ ѹ́мре наас̑҇ цр҃ь сн҃ов꙽ ам̑мо́нь, и црс̑҇твова̀ ананъ сн҃ъ е҆го в꙽ него мѣсто.

Рече же дв҃дъ сътворю̀ млс̑҇ть съ а҆на́номъ сн҃омъ наа́совымъ.
ꙗ҆́коже сътворѝ мн̂ѣ ѿц҃ъ е҆го млс̑҇ть·

Посла́ же дв҃дъ послы̀ на ѹ҆тѣше́нїе е҆мꙋ смр҃ти рад̑и̑ ѿц҃а е҆го<.>

И҆ прїидо́ша ѻ҆́троцы двд҃вы в꙽ зе́млю сн҃овъ а҆м꙽мо́нь, да ѹ҆тѣшат̑ а҆но́на·

И҆ реко́ша нача́лницы сн҃овъ а҆м꙽мо́нь къ а҆но́нꙋ.
не мни и҆же дв҃дъ честь въздаѧ̀ ѿц҃ꙋ твое҆мꙋ пред̑ тобо́ю.
посла̀ ѹ҆тѣшити тебѐ н̂о да и҆спыта́ютъ і҆ и҆звѣ́даютъ и҆ согледѧ́тъ землѧ̀ твое҆ѧ прїидо́ша к тебѣ̀ ѻ҆́троцы е҆го·

И҆ пои҆ма́лъ а҆на́нъ ра́бъ двд҃выхъ и҆ ѻ҆стрижѐ и҆хъ и҆ побри́лъ.
и҆ прерѣ́за ри́зы и҆хъ ѿ лѧ́двїи да́же до но́гъ и҆ ѿпꙋстѝ и҆хъ·

И҆ прїидо́ша възвѣсти́ти дв҃дꙋ и҆ посла̀ въ срѣте́нїе и҆хъ.
вели́кꙋю б̂о срамотꙋ̀ претерпѣша·

И҆ повелѣ̀ цр҃ь да пребꙋдꙋтъ въ е҆рихо́нѣ до́нде̑ възрастꙋтъ бра́ды и҆хъ.
и҆ тогда̀ възврати́тесѧ·

Ви́дѣша же сн҃ве а҆м꙽мони.
и҆же без꙽че́стїе сътвори́ша лю́демъ двд҃вымъ.
и҆ посла̀ а҆на́нъ и сн҃ы а҆м꙽мо́ны.
ты́сѧщꙋ тала́нтъ сребра̀ да на́имꙋтъ е҆мꙋ ѿ сѷрїи месопота́м꙽ски и҆ ѿ сѷрїи маа́ха.
и҆ ѿ сꙋ́вы колесни́ца и҆ ко́н꙽ники·

И҆ наꙗ҆́ша и҆мъ.
҂л҃, и҆ ҂в҃, колесни́цъ.
и҆ цр҃ѧ маа́ха съ людмѝ е҆го.
и҆ прїидоша.
и҆ ѻ҆полчи́шасѧ ѿ противъ страны̀ мида́в꙽ски.
сн҃ове же ам̑мони събра́шасѧ ѿ гра́довъ своих̑.
прїидо́ша къ бра́ни·

И҆ е҆гда же ѹ҆слы́ша дв҃дъ посла̀ і҆ѻ҆а́ва и҆ вс̂и во́и мꙋже́и си́лныхъ·

І҆ и҆зыидо́ша сн҃ве а҆м꙽мо́ни ѹ҆пра́вишасѧ на́ брань при вра́тахъ гра́дныхъ.
цр҃и же и҆же на по́мощъ е҆го прїидо́ша разлꙋче́ни ѻ҆ себѣ̀ на́ поли ста́ша·

И҆ разꙋмѣю҆щи и҆ѻ҆а́въ ꙗ҆́ко бра́нь ѿ сꙋпротивъ лица̀, и҆ зади сътвори́сѧ вое҆ва́ти на́нь, і҆ и҆збра̀ мꙋжїи крѣпча́иших꙽ ѿ всего̀ і҆и҆л҃ѧ.
и҆ въполчи́сѧ противꙋ сѷра·

Про́чꙋю же часть лю́дїи дас̑҇ под̑ рꙋкꙋ а҆веса́ѧ бра́та свое҆го.
и҆ въполчи́шасѧ против̑҇ сн҃овъ а҆м꙽мо́нь·

И҆ рече а҆ще ѻ҆долѣ́етъ м̂ѧ сѷрь по́мощъ бꙋдеши мн̂ѣ.
а҆ще же премо́гꙋтъ тебе сн҃ове а҆м꙽мо́ни.
бꙋдꙋ тебѣ въ пособле́нїе·

Ѹ҆крѣпим̑сѧ и҆ съдѣла́емъ мꙋжестве́нѣ за лю́ди на́ша.
и҆ за гра́ды б҃а нашего.
г҃ь же и҆же пред ним̑ бл҃го е҆сть, да сътворит̑·

По́иде же і҆ѻ҆а҆въ и҆ вс̂и лю́дїе и҆же с ним̑ бѣхꙋ против̑҇ сѷра къ ѻ҆полче́нїю.
и҆ побѣго́ша ѿ него·

Сн҃ве же ам̑мо́ни ви́дв̑҇ѣше ꙗ҆́ко побѣго́ша сѷрѧ́не и҆ побѣго́ша и҆ ѻ҆нѝ ѿ лица̀ а҆весаѧ и҆ ѿ лица̀ и҆ѻ҆а́са брата е҆го, и҆ вни́доша въ́ град̑.
и҆ѻ҆ав̑҇ же възврати́сѧ въ і҆ерс̑҇ли́мъ·

Ви́дѧше же сѷрь и҆же паде пред̑ і҆и҆л҃емъ, посла̀ послы̀ и҆зведѐ сѷра и҆же бѣ̀ за рѣко́ю.
а҆софа́к же нача́лник̑҇ тысѧщ꙽никомъ а҆драза́римъ бѣ̀ вое҆во́да их̑·

И҆ възвѣщено бы́сть с̂е дв҃дꙋ.
и҆ събра̀ ве́сь і҆и҆л҃ь и҆ пре́иде і҆ѻ҆рда́нъ.
и҆ прїиде на них̑ и҆ въполчи́сѧ противꙋ и҆́хъ, и҆ въполчи́вшесѧ двд̑ъ противꙋ сѷра на́ брань и҆ вое҆ва на нихъ·

И҆ ѿбѣж́е сѷръ ѿ лица̀ і҆ерс̑҇лимлѧнъ, и҆ ѹ҆бѝ двд̑дъ ѿ сѷрь, ҂з҃, колесницъ ҂м҃, пѣшецъ, и҆ сава́ка во́емъ нача́лника ѹ҆бѝ·

Ви́дѣша же рабѝ а҆драза́рови и҆же побїе́ни ѿ і҆и҆л҃ѧ и҆ ѻ҆долѣ́нны и҆ прибѣго́ша къ дв҃дꙋ и҆ слꙋжа́хꙋ е҆мꙋ.
не хотѣ же бо́лее сѷрїѧ по́мощи възда́ти сн҃омъ а҆м꙽мо́ним̑·

Глв̑҇а, к҃·

Бысть же по лѣтѣ въ времѧ и҆схоже́нїѧ цр҃їи къ бра́ни.
събра̀ і҆ѻ҆а́въ вс̂ѧ во́и и҆ си́лныѧ ты́сѧщники.
и҆ ѻ҆пꙋстѣ̀ землѧ̀ сн҃овъ а҆м꙽мо́нь прїидоша же и҆ ѻ҆бсѣдо́ша рам꙽ма̀.
дв҃дъ же пребыва́ше въ і҆ерс̑҇лимѣ и҆ѻ҆а́въ же побѝ рам꙽ма̀ и҆ разорѝ е҆го·

Взѧ́ же дв҃дъ вѣнецъ молхо́новъ цр҃ѧ и҆хъ ѿ главы̀ е҆го, и҆ ѻ҆брѣте́сѧ в немъ зла́та в꙽ мѣрꙋ тала́нтъ и҆ в не́мъ ка́мень драгїи.
и҆ бѣ̀ на главѣ̀ двд҃вѣ.
плѣны же град̑ски мно́ги взѧ̀·

Лю́дїе же и҆же бѣхꙋ в не́мъ и҆зведѐ и҆ расто́рга ѧ҆̀ въ растръза́нїе сосꙋды желѣзными въ сокрꙋше́нїе, та́ко сътворѝ дв҃дъ всѣмъ рабо́мъ сн҃овъ а҆м꙽мо́нь, и҆ възврати́сѧ съ всѣми людмѝ свои́ми въ і҆ерс̑҇лимъ·

И҆ бы́сть посе́мъ нача́тсѧ бра́нь е҆ще въ газе́рѣ съ и҆ноплеме́нники.
тогда̀ поразѝ сова́ха и҆ ѹ҆саѳїѧ, сафꙋѧ́, ѿ сн҃овъ щꙋдьскихъ и҆ смирѝ и҆хъ·

И҆́на ꙗ҆же брань сътворе́нна е҆сть проти́вꙋ и҆ноплеме́нникъ.
не и҆́же ѹ҆бѝ е҆леа҆но́нъ сн҃ъ и҆а҆и́ръ лаѻ҆мїѧ бра́та голїа́ѳова хет̑ѳе́искаго е҆мꙋже ра́тище древѧ́ное бы́сть ꙗ҆́ко врати́ло т꙽кꙋщихъ·

Но и́наѧ слꙋчи́сѧ бра́нь в꙽ геѳѣ в не́иже бы́сть чл҃къ дол꙽жа́ишїи, ше́сть и҆мѣ́ющи прьстовъ, и҆же е҆сть в꙽кꙋпѣ, к҃д, и҆же то́и бѣ̀ ѿ колѣ́на гига́н꙽това·

И҆ поносѝ і҆и҆л҃ѧ, и҆ поразѝ е҆го и҆ѻ҆а҆ѳам̑ сн҃ъ сама́евъ брата двд҃ва·

Сїи роди́шасѧ рафа́ю, гига́н꙽тꙋ въ ге́ѳѣ и҆ всѣ́хъ и҆хъ б̂ѣ, д҃, гига́н꙽ты.
и҆же падо́ша в рꙋ́цѣ дв҃дꙋ и҆ в рꙋкꙋ рабо́мъ е҆го·

Глв̑҇а, к҃а·

Воста же дїа́волъ на і҆ил҃ѧ.
раздражѝ дв҃да да сочтетъ і҆ил҃ѧ·

И҆ рече цр҃ь дв҃дъ къ і҆ѻ҆а́вꙋ, и҆ къ нача́лникомъ си́лы.
и҆дѣте и҆ съчти́те і҆ил҃ѧ, ѿ вер꙽савѣи до да́на, и҆ принеси́те мн̂ѣ число̀ да зна́ю е҆̀·

ѿвѣща же і҆ѻ҆а́въ.
да ѹ҆мно́жит̑ г҃ь лю́ди своѧ̀ стори́цею не́же сꙋть.
и҆ ѻ҆чи господи́на мое҆го цр҃ѧ ви́дѧтъ.
и҆ не вс̂и ли господи́нꙋ мое҆мꙋ цр҃ю рабѝ ст̑ꙋ про что и҆́щетъ сего г҃ь мо́и.
да не въмѣни́тсѧ въ грѣхъ і҆и҆л҃ю·

Но ѻ҆баче сло́во цр҃ево премо́же і҆ѻ҆а́ва.
по́иде же і҆ѻ҆а́въ и҆ ѻ҆бы́иде весь і҆и҆л҃ь.
и҆ ѻ҆братисѧ къ і҆ерс̑҇ли́мꙋ.
да́сть і҆ѻ҆ав̑҇ дв҃дꙋ сочте́нїе и҆хже ѻ҆бы́иде.
и҆ ѻ҆брѣте́сѧ вс̂е сочтенїе і҆и҆л҃ѧ, ты́сѧща тысѧщъ, и҆ ҂р҃, мꙋже́и, носѧщих꙽ ѻ҆рꙋж́їѧ.
ѿ іѹ́ды же бысть, у҃, и҆ ҂о҃, бра́нникъ·

Левѷи же и҆ венїами́на не почтѐ среди и҆хъ.
того рад̑и̑ и҆же наси́ленъ послѣдоваше цр҃евымъ повеле́нїемъ·

Не ѹ҆годи же б҃ꙋ чт̂о повеле́но бысть и҆ побѝ і҆и҆л҃ѧ·

Реч̑҇ же дв҃дъ б҃ꙋ, съгрѣшихъ ѕѣло ꙗ҆́ко сътвори́хъ вещь сїю.
и҆ нн҃ѣ молю̀ ѿи҆мѝ безако́нїѧ раба̀ твое҆го, и҆же безꙋмнѣ сътвори́хъ ѕѣ́ло·

И҆ гл҃а г҃ь къ гадꙋ про̑҇ркꙋ двд҃вꙋ гл҃ѧ·

И҆дѝ и҆ гл҃и къ дв҃дꙋ и҆ рц̂и е҆мꙋ.
сїѧ рече г҃ь тр̂и тебѣ и҆збра́нїѧ даю̀.
е҆ді́но коѐ хо́щеши и҆збери себѣ да сътворю тебѣ·

Є҆гда же прїиде га́дъ къ дв҃дꙋ, рече е҆мꙋ.
сїѧ рече г҃ь, и҆зберѝ себѣ̀ е҆же хо́щеши·

И҆ли тр̂и лѣта глад̑.
ил тр̂и мс̑҇ць бѣ́гати тебѣ̀ ѿ лица вра́гъ твоих̑.
и҆ ѻ҆рꙋжїе вра́гъ твоих̑ иметъ т̂ѧ.
и҆л̂и тр̂и дн҃и ме́чъ гн҃ь и҆ смр҃ть на́ землю.
и҆ а҆гг҃лъ гн҃ь ѹ҆би́ти въ всѣмъ наслѣ́дїи і҆и҆л҃вѣ.
нн҃ѣ ѹ҆бо расмотрѝ чт̂о ѿвѣща́ю и҆же посла̀ мѧ·

И҆ рече дв҃дъ къ га́дꙋ жесто́ка м̂и и҆ вс̂ѧ тро́ѧ сїѧ.
н̂о лꙋчше м̂и е҆сть да въпа́сти въ рꙋцѣ гн҃и.
занѐ мно́ги сꙋть щедроты е҆го ѕѣло въ рꙋцѣ же чл҃комъ да не въпадꙋ̀·

И҆ посла̀ г҃ь смр҃ть въ і҆и҆л҃ь и҆ падо́ша ѿ і҆и҆л҃ѧ, ҂о҃, мꙋж́їи·

Посла же г҃ь а҆гг҃ла въ іерс̑҇ли́мъ да побїетъ е҆го.
е҆гда же побїаше ви́дѣ г҃ь ѹ҆млрс̑҇ди́сѧ на вели́чество ѕло́бы.
и҆ рече а҆гг҃лꙋ и҆же побїаше.
довлѣе҆тъ т̂и ѿи҆мѝ рꙋкꙋ твою, а҆гг҃лъ же гн҃ь ста̀ близ̑ гꙋмна̀ ѻ҆рнанѧ е҆ѹ҆се́ѧнина·

И҆ въздви́же двд̑ъ ѻ́чи своѝ, и҆ ви́дѣ а҆гг҃ла гн҃ѧ стоа́ща междꙋ земле́ю и҆ нб҃ом꙽ і҆ и҆звлеченъ ме́чъ въ рꙋкꙋ е҆го.
и҆ простренъ на і҆ерс̑҇ли́мъ.
и҆ падѐ дв҃дъ и҆ ста́рцы і҆и҆л҃еви ѻ҆блечены въ власѧни́цы, на лица своѧ̀·

И҆ рече дв҃дъ къ б҃ꙋ.
не а́зъ ли е҆смь и҆же повелѣхъ да почтт̑ꙋ лю́ди.
а́зъ е҆смь и҆же съгрѣшихъ.
и҆ ѕл̂о сътвори́хъ.
а҆ сїе ста́до чт̂о сътворѝ.
г҃и б҃е мо́и да бꙋ́детъ рꙋка̀ твоѧ на́ мѧ.
и҆ на дом̑ ѿц҃а мое҆го.
лю́дїе же твоѝ да не ѹ҆бїю҆тсѧ на погꙋбленїе·

А҆гг҃лъ же гн҃ь рече га́дꙋ е҆же гл҃ати къ дв҃дꙋ.
да възы́идетъ и҆ соѕи́ждетъ ѻ҆лта́рь г҃ꙋ б҃ꙋ на гꙋмнѣ ѻ҆рна́ни е҆ѹ҆се́анина·

Възы́иде же дв҃дъ по словесѝ га́довꙋ е҆же гл҃алъ е҆мꙋ ѻ҆ и҆мени гн҃и·

И҆ ѻ҆брати́сѧ ѻ҆рнанъ и҆ ви́дѣ цр҃ѧ и҆ четыри сн҃ы е҆го с ним̑ съкровени.
и҆ ѻ҆рнан же бѣ в то̀ вре́мѧ трѧ на гꙋмнѣ п꙽шени́цꙋ·

И҆ прїиде дв҃дъ къ ѻ҆рна́нꙋ, и҆ ѻ҆братисѧ ѹ҆зрѣ е҆го ѻ҆рна́нъ и҆ пои́де к немꙋ̀ проти́вꙋ ѿ гꙋмна.
и҆ поклони́сѧ е҆мꙋ ни́цъ на землѝ·

Рече же е҆мꙋ дв҃дъ да́и мн̂ѣ мѣсто гꙋмна̀ твое҆го, да соѕи́ждꙋ на не́мъ ѻ҆лта́рь гв҃и.
въ сребрѣ достои́нѣ да́и ми е҆̀ и҆ да ста́нет̑ ра́на ѿ лю́дїи·

Рече же ѻ҆рна́нъ къ дв҃дꙋ.
возмѝ себѣ̀ и҆ да сътвори́тъ господи́нъ мо́и цр҃ь елика же е҆мꙋ ѹ҆год̑на.
н̂о и҆ воло́ве дамъ на всѐсож꙽же́нїе, и҆ плꙋ́гъ на дрова̀ и҆ пшени́цꙋ въ жертвꙋ.
вс̂е добро̀во́лно въздаю̀·

Рече же е҆мꙋ цр҃ь дв҃дъ, не тако бꙋ́дет̑ н̂о сребром̑ кꙋплю̀ коли́ка достои́тъ.
н̂и бо ѿ тебѐ в꙽зѧ́ти и҆́мам̑.
и҆ та́ко принестѝ гв҃и вс̂есож꙽же́нїѧ да́ръ,<.>

И҆ да́сть дв҃дъ ѻ҆рна́нꙋ за мѣсто т̂о сикль зла́тых̑ правѣи́шею тѧ́гостїю х҃·

И҆ созда̀ т̂ꙋ ѻ҆л꙽та́рь гв҃и.
и҆ възнесѐ вс̂есож꙽же́нїѧ, и҆ ми́рныѧ·

И҆ възва̀ къ г҃ꙋ и҆ ѹ҆слы́ша е҆го въ ѻ҆гнѝ ѿ нб҃си на ѻ҆лта́рь вс̂есож꙽же́нїѧ, и҆ потребѝ вс̂есож꙽же́нїѧ·

И҆ рече г҃ь а҆гг҃лꙋ, възврати́ти ме́чъ свои въ но́жницы во вре́мѧ ѻ҆́но·

Є҆гда̀ ви́дѣ дв҃дъ ꙗ҆́ко ѹ҆слы́ша е҆го г҃ь на гꙋмнѣ ѻ҆рна́ни е҆вꙋсе́ина, пожре т̂ꙋ же́рътвы·

И҆ скѷнїю гн҃ю и҆же сътворѝ моѷсїи въ пꙋсты́ни, и҆ ѻ҆лта́рь вс̂есож꙽же́нїѧ въ вре́мѧ ѻ҆́но бысть въ вы́шнемъ въ гаваѻ́нѣ·

И҆ не воз̑мо́же дв҃дъ и҆тѝ къ ѻ҆лтарю̀ да т̂ꙋ помо́литъ б҃а.
ѕѣло б̂о бысть ѹ҆страшенъ ви́дѧщи ме́чъ а҆гг҃ла гн҃ѧ·

Глв̑҇а, к҃в·

Рече же дв҃дъ с̂е е҆сть до́мъ бж҃їи.
и҆ с̂е ѻ҆лта́рь на всѐсож꙽же́нїѧ і҆и҆л҃ю·

И҆ заповѣда да соберꙋтсѧ вс̂и пришел̑҇цы ѿ землѧ̀ і҆и҆л҃евы.
и҆ да поста́ви ѿ них̑ ка́менно сѣ́чецъ къ сѣченїю ка́менїѧ ѹ҆краше́нїѧ да соѕи́ждетсѧ до́мъ бж҃їи·

Желѣ́зо же мно́го на гво́зди две́ремъ и҆ вра́томъ на спое́нїе, ѹ҆гото́ва дв҃дъ.
и҆ мѣ́ди та́коже мно́го без꙽ числа̀·

И҆ дре́вом̑ же ке́дровомъ не бѣ числа̀.
ꙗ҆́ко сидо́ни и҆ тѷри принесо́ша дре́въ ке́дровыхъ мно́го дв҃дꙋ·

И҆ рече дв҃дъ.
соломон̑҇ сн҃ъ мо́и ма́лъ.
до́мъ же е҆же съзида́ти гв҃и въ вели́чество вы́соко, и҆ во и́мѧ, и҆ въ сла́вꙋ въ всю̀ зе́млю, ѹ҆гото́влю е҆мꙋ.
и҆ вс̂е мно́жество ѹ҆гото́ва двд̑ъ прежде скон꙽ча́нїа свое҆го гв҃и·

Возва же соло́мона сн҃а свое҆го.
и҆ заповѣ́да е҆мꙋ да соѕи́ждетъ до́мъ г҃ꙋ б҃ꙋ і҆и҆л҃евꙋ·

Рече же дв҃дъ къ соло́монꙋ, сн҃ꙋ мо́и.
во́лѧ моа бы́сть да соѕи́ждꙋ дом̑ и҆́мени г҃а б҃а мое҆го·

Но бы́сть слово гн҃е къ мнѣ̀ гл҃ющи.
мно́гы кро́ви пролїѧлъ е҆си.
и҆ мно́ги бра́ни сътвори́лъ е҆си.
не мо́жеши соѕида́ти до́мꙋ и҆́мени мое҆го.
ꙗ҆́ко мно́ги пролїѧвъ кро́ви предо мно́ю·

Се сн҃ъ и҆же ро́дит̑сѧ тебѣ̀, се́и бꙋ́дет̑ мꙋ́жъ поко́инъ.
и҆ ѹ҆поко́ю е҆го ѿ всх̑ѣ вра́гъ е҆го по ѻ҆́крс̑҇тъ.
занѐ соло́монъ и҆́мѧ е҆го наречетсѧ.
и҆ ми́ръ и҆ поко́и да́мъ е҆мꙋ въ і҆и҆л҃и вс̂ѧ дн҃и е҆го·

То́й соѕи́ждет̑ до́мъ и҆́мени мое҆мꙋ.
и҆ то́й бꙋ́детъ мн̂ѣ въ сн҃а, и҆ а́зъ бꙋдꙋ е҆мꙋ въ ѿц҃а.
і҆ и҆спра́влю прс̑҇тол̑҇ црс̑҇тва е҆го на і҆и҆л҃и въ вѣ́ки·

Нн҃ѣ ѹ҆бо сн҃ꙋ мо́и бꙋ́детъ г҃ь с тобою, и҆ преспѣва́и и҆ соѕиждѝ до́мъ г҃ꙋ б҃ꙋ твое҆мꙋ.
ꙗ҆́ко гл҃алъ е҆сть ѻ҆ тебѣ̀·

дасть же тебѣ̀ ра́зꙋмъ и҆ ѹ҆мъ г҃ь, да ѹ҆пастѝ мо́жеши і҆и҆л҃ѧ.
и҆ съхрани твори́ти зако́нъ г҃а б҃а твое҆го·

Тогда̀ б̂о пред̑спѣва́ти мо́жеши.
а҆́ще съхрани́ши за́повѣди и҆ сꙋдбы и҆́хже повелѣ г҃ь моѷсїѻ́ви да ѹ҆чи́тъ і҆и҆л҃ь.
ѹ҆крѣпи́сѧ и҆ мꙋжественѣ сътворѝ.
не ѹ҆бо́исѧ ни страши́сѧ·

Се аз̑ въ ѹ҆бо́жествѣ мое҆мъ ѹ҆гото́вах̑ до́мꙋ гн҃ю.
зла́та, талан̑҇тъ.
҂р҃. и҆ сребра̀ ты́сѧща ти́сѧщъ талан꙽тъ.
мѣ́ди же и҆ желѣзꙋ нѣсть възвѣше́нїѧ, побѣди́ша б̂о число̀ вели́чествомъ.
и҆ древа и҆ ка́менїѧ ѹ҆гото́вах̑ и҆ к си́мъ да приложи́ши·

И с тобо́ю г҃ь.
и҆ приложиши къ мно́жествꙋ творѧ́щихъ дѣ́ла, хꙋдо́жъницы, на всѣ̀ расходы.
ѹ҆модѣ́лницы.
ка́мен꙽носѣчецъ, и҆ рꙋкодѣлницы дре́вомъ, и҆ всѣхъ ѹ҆мѣ́лыхъ, к сотворе́нїю дѣ́ла, разꙋмнѣ́иших̑·

Въ зла́тѣ и҆ сребрѣ̀.
въ мѣ́ди и҆ желѣзѣ.
и҆м꙽же нѣ́сть числа̀.

Въста́ни б̂о и҆ сътворѝ.
и҆ бꙋ́детъ г҃ь с тобо́ю·

И҆ повелѣ же дв҃дъ всѣмъ начал꙽ни́комъ і҆и҆л҃евымъ, да помагают̑ соло́монꙋ сн҃ꙋ е҆го·

Ви́дите гл҃юще да е҆сть г҃ь б҃ъ ва́шъ с ва́ми, и҆ дасть вамъ поко́и по ѻ́крс̑҇тъ.
занѐ да́сть вс̂ѧ врагы̀ ваша въ рꙋ́ки ва́ша.
и҆ пови́н꙽на бꙋ́детъ землѧ̀ пред̑ гм҃ъ.
и҆ пред̑ люд̑ми е҆го·

Нн҃ѣ ѹ҆бо да́ите срд̑ца ва́ша и҆ дш҃а ва́ша.
да възы́щете г҃а б҃а ва́шего.
и҆ воста́ните и҆ соѕида́ите ст҃ительство г҃ꙋ б҃ꙋ ва́шемꙋ да въведет̑сѧ кїѻ́тъ завѣта гн҃ѧ·

и҆ сосꙋ́ды ѻ҆сщ҃ен꙽ны домꙋ̀ бж҃їѧ и҆же соѕи́ждетсѧ и҆́мени гн҃ю·

Глв̑҇а, к҃г·

И двд҃ъ ста́ръ и҆спо́лнь дн҃їи, и҆ цр҃емъ поста́ви соло́мона сн҃а свое҆го над̑ і҆и҆л҃емъ·

И҆ собра̀ всѣхъ кнѧѕе́и і҆и҃левых̑, и҆ сщ҃ен꙽никовъ и҆ левѷтовъ·

Почте́ни же сꙋть левѷти, ѿ тридесѧ́ти лт̑ѣ и҆ вы́ш꙽ше.
и҆ ѻ҆брѣтена сꙋть по глава́хъ и҆хъ, ҂л҃, и҆ ҂и҃, мꙋже́и·

ѿ тѣхъ и҆збра́ни сꙋть, и҆ раздѣ́лени въ слꙋжбꙋ до́мꙋ гн҃ѧ.
҂к҃, и҆ ҂д҃. и҆ кни́жник̑҇, и҆ сꙋде́и, ҂ѕ҃·

И ҂д҃, две́рниковъ.
и҆ ҂д҃, пѣвцевъ пою́щихъ гв҃и, въ арганы и҆же сътворѝ ко хва́ленїю гн҃ю·

И҆ разлꙋчѝ и҆хъ дв҃дъ на всѐдн҃е́внꙋю слꙋж́бꙋ, сн҃омъ левѷиномъ.
геѳсо́нъ, и҆ ка́аѳъ, и҆ мера́ри·

Сн҃ове геѳсо́ни, леа҆да́нъ, и҆ семе́и·

Сн҃ове леа҆да́ни нача́лники, і҆и҆и́ль, и҆ зеѳо́ѳъ, і҆ и҆ѻ҆и́ль трїе·

Сн҃ове же семеѻ́вы, саламиѳ̑҇, и҆ а҆заи́ль, и҆ а҆ра́мъ трїе, тїѝ нача́лницы ѿч҃ествомъ леа҆дани́мъ·

И҆ сн҃омъ семе́ѻ҆вым̑, и҆е́ѳъ, и҆ зиза́н, і҆ и҆ѻ҆а́съ, и҆ верїѧ.
тїѝ сн҃ове семе́евы четы́ре·

Бѣ же и҆е҆ѳъ пе́рвыи.
и҆ зи́за вто́рыи.
і҆ и҆ѻ҆а́съ, и҆ верїѧ, не и҆мѣша мно́гихъ сн҃овъ, и҆ того ради въ е҆ді́нꙋ ѻ҆би́тель и҆ въ е҆ді́нъ дн҃ь почте́ни сꙋть·

Сн҃ове каа́ѳовы, а҆м꙽ра́мъ і҆ и҆а҆са́ръ и҆ хеврон̑҇, и҆ ѻ҆зїи́ль четы́ре·

Сн҃ове а҆м꙽мрам̑ли а҆а҆ро́нъ, и҆ моѷсїи.
ѿлꙋчен꙽ же е҆сть а҆аро́нъ да слꙋжитъ въ ст҃аѧ ст҃ых꙽ тои и҆ сн҃ове е҆го въ вѣки, и҆ да ка́дит̑ ѳемїа́мом̑ гв҃и по чинꙋ свое҆мꙋ, и҆ блс̑҇вит̑ и҆́мѧ е҆го въ вѣки·

Моѷсїѧ же чл҃ка бж҃їѧ сн҃ове е҆го почте́ни сꙋть въ колѣ́но левѷино·

Сн҃ове моѷсїѻ҆вы гирса́мъ, и҆ е҆лїезе́ръ·

Сн҃ове гиръса́м꙽ли сꙋваи́ль прь́выи·

Бы́ша же сн҃ове е҆лїезе́рꙋ равїѧ прь́выи.
и҆ не бѣша е҆лїезе́рꙋ сн҃ове и҆́нїи·

Сн҃ове ж̑ равїины ѹ҆множе́ни сꙋть ѕѣло·

Сн҃ове и҆саа́ри, сал꙽лꙋмо́ѳъ прь́выи.

Сн҃ове хевро́мли, и҆е҆рїа́въ прь́выи.
а҆марїѧ вторы́и, и҆е҆зезїи́ль тре́тїи и҆е҆зекїѧ четве́ртыи·

Сн҃ове же ѻ҆зїи́ль, ми́ха прь́выи, и҆сїѧ̀ в꙽торы́и·

Сн҃ове мера́рины, моѻ́ли, и҆ мꙋ́си, сн҃ове моѻ҆лїевы е҆леа҆за́ръ, ки́съ·

Ѹ҆́мре же е҆леа҆за́ръ.
и҆ не бѣхꙋ е҆мꙋ сн҃ове н̂о дще́ри.
поѧ́ша ж̑ и҆хъ сн҃ове ки́совы.
бра́тїѧ и҆хъ·

Сн҃ове мꙋсїи́ны, моѻ́ли, и҆ е҆деръ, и҆ а҆римоѳ̑҇ трїе·

Сїи сн҃ове левѷины, въ племе́нехъ и҆ ѻ҆би́телехъ свои҆хъ.
нача́лницы ѿч҃ествъ и҆хъ, по съгледа́нїю и҆хъ, и҆ числꙋ̀ и҆ме́нъ и҆хъ, и҆ по глава́хъ и҆хъ, и҆же творѧ́хꙋ дѣла слꙋже́нїѧ до́мꙋ гн҃ѧ·

ѿ двадесѧти лѣтъ и҆ вы́ш꙽ше.
рече б̂о дв҃дъ, поко́и дасть г҃ь б҃ъ і҆и҆л҃ю лю́демъ своим̑, и҆ всели́сѧ въ і҆ерс̑҇лі́мѣ даже до́ вѣка·

И҆ нѣсть чи́нꙋ левѷтомъ да да́лѣи но́сѧтъ скѷнїю.
и҆ вс̂ѧ сосꙋды е҆го къ слꙋже́нїю еѧ̀·

По повелѣнїю б̂о двд҃вꙋ послѣднемꙋ почита́етсѧ число̀ сн҃овомъ левѷиномъ.
ѿ к҃, лѣтъ и҆ вы́ш꙽ше·

И҆ ꙗ҆́ко пода́сть под̑ рꙋкꙋ сн҃омъ а҆а҆ро́ним̑ въ слꙋжбꙋ до́мꙋ гн҃ѧ въ притво́рѣх꙽ и҆ въ собо́рѣ и҆ въ мѣ́ста числе́на всх̑ѣ ст҃ынь, и҆ въ всѣхъ дѣлех̑ слꙋже́нїѧ цр҃кви гн҃ѧ·

И҆ въ нача́лники надъ хлѣбы пред̑ложенїѧ, и҆ мꙋкѝ пшенич̑҇ныѧ жрътвы, и҆ ко зе́лїю, и҆ къ ѻ҆прѣснокомъ и҆ на сковра́дна и҆ къ пече́нїю и҆ над̑ всею̀ тѧ́гостїю и҆ мѣрою·

И҆ е́же ста́ти ѹ́тро е҆же хвали́ти і҆ и҆сповѣда́ти пѣнїѧ гн҃ѧ та́коже и҆ къ ве́черꙋ·

И҆ на възноше́нїе вс̂есъж꙽же́нїѧ гн҃ѧ и҆же въ сꙋбо́тахъ, и҆ въ новомѣсѧчїи и҆ пра́зницѣхъ по числꙋ̀.
и҆ чи́номъ е҆ѧ вы́нꙋ гв҃и·

И҆ да хранѧ́тъ стражбы̀ скѷнїи свѣдѣнїѧ и҆ чи́нъ ст҃льства и҆ стражбы̀ сн҃овъ а҆аро́нихъ братїи их̑ да слꙋжат̑ в домꙋ̀ гн҃и·

Глв̑҇а, к҃д·

И сн҃омъ а҆а҆ро́ним и҆ ѹ҆ча́стїе сн҃овъ а҆а҆ро́нихъ.
нада́въ, и҆ а҆виѹ́дъ. и҆ е҆лиа҆за́ръ и҆ѳама́ръ·

И҆ ѹ҆мро́ша же нада́въ, и҆ а҆виѹ́дъ предъ ѿц҃емъ свои҆мъ.
а҆ сн҃ове не бѧ́хꙋ и҆мъ.
сщ҃ен꙽ствова́ же и҆е҆лиа҆за́ръ и҆ ѳама́ръ сн҃ове а҆а҆ро́ни·

И҆ раздѣли и҆хъ дв҃дъ.
садо́къ б̂о бы́сть ѿ сн҃овъ и҆е҆лиа҆за́ровых̑.
и҆ а҆химеле́хъ ѿ сн҃овъ и҆ѳама́ръ по созренїю и҆хъ.
и҆ по слꙋже́нїю и҆хъ, и҆ по домо́мъ ѿч҃ества и҆хъ·

И҆ ѻ҆брѣто́шасѧ сн҃ве мно́жаиши е҆лїаза́ри нача́л꙽ныхъ мꙋже́и.
неже сн҃овъ ѳама́рих̑.
и раздѣли́ же и҆хъ т̂о е҆сть сн҃овъ е҆лїаза́ровыхъ, въ нача́лники въ домы̀ ѿч҃ества, ѕ҃і.
и҆ сн҃овомъ и҆ѳама́рим̑ по ѻ҆би́телехъ и҆ домо́хъ и҆хъ, и҃·

Раздѣли́ же и҆хъ по жре́бїю проме́жъ их̑ и҆ бѧ́хꙋ нача́лницы ст҃ительства, и҆ нача́лницы до́мꙋ бж҃їѧ ѿ сн҃овъ е҆лїаа҆за́ръ и҆ ѿ сн҃овъ ѳама́ръ·

ѿписа же и҆мъ сема́їа сн҃ъ наѳанаи́ль пи́саръ левѷтомъ пред̑ цр҃емъ.
и҆ кн҃ѕїи, и҆ садо́ка сщ҃ен꙽ника, и҆ а҆химеле́ха сн҃а а҆вїаѳа́рь и҆ нача́лницы ѻби́телеи сщ҃енъствомъ и҆ левѷтомъ до́мꙋ ѿч҃ества, и҆же про́чїих̑ пре́же б̂ѣ е҆лїаза́ръ е҆ді́нъ.
і и́ныи дом̑ и҆же под̑ собо́ю и҆́мать про́чїих̑ и҆ѳама́ръ е҆ді́нъ·

І҆зы́иде же жре́бїи пе́рвыи и҆вари́мовъ, съ и҆е҆дїе҆ю.
вторы́и хари́вовъ, тре́тїи сеѻ҆рим̑, четве́ртыи мельхїѧ.
пѧ́тыи венїами́нъ.
ше́стыи е҆ко́съ, мам̑ма·

Седмы́и а҆рїе҆въ.
ѻ҆смы́и е҆и҆сꙋе́въ.
девѧ́тыи сехе́нїѧ.

Десѧ́тыи е҆лиѹ́вовъ и҆а҆ки́мовъ.
дванад̑цатыи ѻ҆фа́е҆въ.
г҃і, и҆е҆сваа́ловъ.
д҃і.
влегал̑҇·

е҃і, е҆ми́ръ.
ѕ҃і, е҆́ѳ꙽ѳи.
з҃і, а҆фесїевъ.
и҃і, феѳ꙽ѳїевъ.
ѳ҃і, и҆е҆зїи́левъ.
к҃, а҆хи́нь.
к҃а, и҆ гамꙋл̑҇.
к҃в, дале́їа.
к҃г, и҆е҆и́ли.
к҃д, мазїа́въ·

Сїе съглѧда́нїе и҆хъ по слꙋже́нїемъ и҆хъ.
входи́ти в домъ гн҃ь.
и҆ по чи́нꙋ свое҆мꙋ, под̑ рꙋ́кꙋ а҆а҆ро́ню ѿц҃а и҆хъ.
ꙗ҆́ко повелѣ г҃ь б҃ъ і҆и҆л҃евъ·

И сн҃ом꙽ же левѷи҆номъ про́чїимъ ѿ сн҃ов̑҇ амра́мъ съваи́ль сн҃омъ съваи́лем̑, и҆а҆да́їѧ съ роѻ҆вїею нача́лникъ, и҆а҆са́ри сн҃ъ саломо́ѳъ.
сн҃омъ же саломо́ѳимъ, и҆а́ѳъ·

Сн҃ы же е҆дїѹ́ю а҆мадїѧ вторы́и а҆зїи́ль.
тре́тїи, е҆к꙽моа́мъ.
четве́ртыи сн҃ъ ѻ҆зїи́лъ и҆ ми́ха.
сн҃ы ми́ха сами́ръ.
бра́тъ ми́ха, и҆сїѧ.
сн҃ы и҆сїи́ны.
заха́рїѧ·

Сн҃ове заха́рїины моѻ́ли и мꙋси.
сн҃ъ, ѻ҆зїи́ сн҃ы вони́ѻ҆вы·

Сыны же мера́ри.
ѻ҆зїе́ви, сн҃ы е҆го и҆е҆со́и҆ма и҆ закхꙋ́ръ.
и҆ ѻ́в꙽ди моѻ́лїю е҆леа҆за́рꙋ.
и҆ ѳама́рꙋ не бѣша сн҃ы и҆м꙽·

Сн҃ъ ѻ҆ки́съ, и҆е҆рамеи́ль·

Сн҃ове мꙋ́си.
моѻ́ли, и҆ е҆де́ръ, и҆ е҆римо́ѳ꙽.
тїи сн҃ове левѷины по домо́мъ ѻ҆би́телїи своих̑·

Прїа́ша же и҆ тїи жре́бїи, ꙗ҆́коже и҆ бра́тїѧ и҆хъ, сн҃ове а҆а҆ро́ни пред̑ дв҃домъ цр҃емъ, и҆ садо́хомъ.
и҆ а҆химеле́хом.
и҆ нача́лники ѿч҃ествъ сщ҃ен꙽ническихъ, и҆ левѷтъскихъ.

Патрїа́рхи а҆а҆ро́нъ, ꙗ҆́коже и҆ бра́тїа е҆го ю҆нѣ́ишїи·

Глв̑҇а, к҃е·

И въста́въ дв҃дъ и҆ кн҃ѕи си́лные.
и҆ ѿлꙋчи́ша въ слꙋж꙽бꙋ сн҃овъ а҆са́ѳовъ и҆ е҆ма́нь, и диѳꙋ́мъ, и҆же провѣща́хꙋ съ гꙋ́сльми, и҆ ѱалты́рми, и҆ кѷмъва́лами, и҆ бы́сть число̀ и҆хъ по глава́хъ мꙋ́жескихъ творѧ́щихъ въ дѣлехъ и҆хъ·

ѿ сн҃овъ аса́фовъ захꙋ́ръ, і҆ и҆ѻ́сифъ, и҆ наѳанїа́съ, и҆ а҆сїила, сн҃ове а҆сафовы дер꙽жащесѧ а҆сафа прро̑҇ка бли́зъ цр҃ѧ, съ и҆дидꙋмомъ·

Сн҃ове же и҆диѳꙋ́мъ, годо́лїѧ, и҆ сꙋ́ри, и҆ сеа҆съ, и҆ а҆виа҆се́ѧ, и҆ маѳаѳїѧ, ше́сть под̑ рꙋ́кꙋ ѿц҃а свое҆го и҆дидꙋ́ма, въ гꙋсли брецающе, и҆сповѣдающе и҆ хвалѧ́ще б҃а съ е҆м꙽маномъ·

Сн҃ове е҆м꙽мани вол꙽кїѧ, и҆ маѳанїѧ, и҆ ѻ҆зїиль, и҆ сꙋваи́лъ, и҆ е҆римꙋ́ѳъ, и҆ ананїѧ, а҆нанъ, и҆ е҆лиа҆ѳа, годолаѳи, и҆ роме́ѳ꙽ѳи и҆ е҆зе́ръ, и҆ савахъ, а҆лалимаѳїи́, ѻ҆ѳи́ръ, и҆ меа҆зоѳъ·

Всѣ тїи сн҃ове е҆м꙽мани, въсхвалѧ́юще црѧ, въ словессе́хъ бж҃їихъ да възнесе́сѧ ро́гъ·

дастъ же б҃ъ е҆м꙽манꙋ сн҃овъ, д҃і, и҆ г҃ дще́ри·

Вс̂и сїи под̑ рꙋко́ю ѿц҃а свое҆го въспѣвающїи въ цр҃кви гн҃и, въ кѷм꙽валехъ и҆ въ ѱал꙽ты́рѧхъ, и҆ гꙋ́слехъ, въ слꙋже́нїе до́мꙋ гн҃ѧ бли́зъ цр҃ѧ, и҆ а҆сафа, і҆ и҆диѳꙋ́ма, и҆ е҆мана·

Быс̑҇ же число̀ и҆хъ съ братїею и҆хъ наѹ҆че́ни пѣнїю гн҃ю, и҆ всѣхъ разꙋмѣ́ющих̑ пѣнїѧ, ѻ҆смь сот̑, и ѻ҆смьдесѧт̑ и҆ и҃·

Взѧ́ша же жре́бїи сво́и, въ вс̂ѧ дн҃и по мало́мꙋ, и҆ по вели́комꙋ, по съвръше́номꙋ, и҆ неѹ҆че́номꙋ·

І҆ и҆зы́иде жре́бїи пе́рвыи а҆сафови и҆же б̂ѣ и҆ѻ́сифъ, и҆ сн҃овъ е҆го и҆ братїи е҆го, и҆а҆саровъ, и҆ѻ́сифовъ, годо́лїевъ·

Вторы́и и҆ні́ѧ, и сн҃овъ е҆го и҆ братїи его, в҃і·

Тре́тїи закхꙋ́ръ, и҆ снов̑҇ е҆го и҆ братїи е҆го, в҃і·

Четве́ртыи е҆́зри сн҃овъ е҆го и҆ братїи е҆го, в҃і·

Пѧ́тыи наѳанъ сн҃овъ и҆ братїи е҆го, в҃і·

ше́стыи вок꙽кїѧ, сн҃овъ и҆ братїи е҆го, в҃і·

Седмы́и и҆е҆реи́ль сн҃ов꙽ и҆ братїи е҆го, в҃і·

ѻ҆́смыи и҆ѻ҆сїа сн҃ов̑҇ и҆ бра́тїи е҆го, в҃і·

девѧ́тыи маѳъѳанїѧ сн҃овъ и҆ бра́тїи е҆го, в҃і·

десѧ́тыи меи́ѧ, сн҃овъ и҆ бра́тїи е҆го, в҃і·

Пе́рвыинадесѧтъ а҆зрїи́ль, сн҃овъ и бра́тїи е҆го, в҃і·

Вторы́ина́десѧть а҆севїѧ, сн҃овъ и҆ бра́тїи е҆го, в҃і·

И҆ г҃і, сꙋваи́ль, сн҃овъ и҆ бра́тїи е҆го, в҃і·

д҃і, матаѳїа, сн҃овъ и҆ бра́тїи е҆го, в҃і·

И҆ е҃і, и҆е҆римꙋ́ѳъ, сн҃овъ и҆ бра́тїи е҆го, в҃і·

И҆ ѕ҃і, а҆на́нїа, сн҃овъ и҆ бра́тїи е҆го, в҃і·

з҃і и҆е҆сва́къ, сн҃овъ и҆ бра́тїи е҆го, в҃і·

и҃і, а҆нанїи, сн҃овъ и҆ бра́тїи е҆го, в҃і·

ѳ҃і, мелиѳѝ, сн҃овъ и҆ бра́тїи е҆го, в҃і·

к҃, а҆лїаѳа̀, сн҃овъ и҆ бра́тїи е҆го, в҃і·

к҃а, и҆ѳи́ръ, сн҃овъ и҆ бра́тїи е҆го, в҃і·

к҃в, гедела́ѳи, сн҃овъ и҆ бра́тїи е҆го, в҃і·

к҃г, мазамо́ѳъ, сн҃овъ и҆ бра́тїи е҆го, в҃і·

к҃д, ромемїезе́ръ, Сн҃овъ и҆ бра́тїи е҆го, в҃і·

Глв̑҇а, к҃ѕ·

Раздѣле́нїе же две́рниковъ.
сн҃ы кореѻ҆вы мосел꙽лимїа.
сн҃ъ коре́ѻвъ, ѿ сн҃овъ а҆са́фовъ·

Сн҃ове же мосел꙽лемїѧ, заха́рїѧ перве́нецъ, и́а҆дїи́ль, в҃, завадїѧ, г҃. и҆а҆ѳанаи́ль, д҃·

ѻ҆ла́мъ, е҃. и҆ѻ҆а҆наѳа́нъ, ѕ҃. е҆лиѻ҆нїѧ, з҃. а҆вдедом̑, и҃. а҆вдедомꙋ же сн҃ы, самїѧ, прьвыи.
и҆ѻ҆зада́въ вторы́и.
и҆ѻ́да тре́тїи.
хала́дъ четве́ртыи, рамꙋи́лъ пѧ́тыи·

А҆мїи́лъ ше́стыи, и҆саха́ръ сед̑мыи, фалаѳѝ.
ѻ҆смыи, ꙗ҆ко блс̑҇ви е҆го б҃ъ·

Семі́ю же сн҃ꙋ е҆го роже́ни сꙋть, сн҃ове пе́рвенца е҆го.
бѣхꙋ б̂о мꙋж́їе крѣпча́ишїи·

Сн҃ове семеи҆е҆вы.
ѻ҆ѳїе, и҆ раѳаи́ль, и҆ ѻ҆бид̑ и҆ е́лъ, зава́дъ, и҆ а҆хаїа.
сн҃ы си́лны, е҆леѹ́и, и҆ савохїѧ, и҆ къвахо́мъ·

Вс̂и тыѝ ѿ сн҃овъ е҆дедо́млих̑, сїи и҆ сн҃ове е҆го, и҆ бра́тїа и҆хъ крѣпча́ишїи къ слꙋже́нїю въ дѣ́лѣ, ѯ҃в.
съ а҆ве́д꙽до́момъ.
ѿ мос꙽саламїѧ, сн҃ове и҆ бра́тїѧ и҆хъ, крѣпча́иши.
и҃і·

А҆́с꙽са же и҆же е҆сть ѿ сн҃овъ мерарїи́нъ, сн҃ы е҆го стра́жбы.
а҆ще и҆ не бы́сть перве́нецъ.
поста́ви ѿц҃ъ е҆го в нача́л꙽ника, разлꙋче́нїѧ втора́го.
хелъкїѧ, в҃. тавлїѧ, г҃. заха́рїѧ, д҃. вс̂и сїи сн҃ове и҆ бра́тїѧ.
а҆ сн҃ы г҃і·

Тїи раздѣле́ни сꙋть въ две́рницы, да бꙋ́дꙋтъ в꙽сегда̀ нача́лницы стра́жемъ, ꙗ҆́ко и҆ бра́тїѧ и҆хъ слꙋжи́ти в домꙋ̀ гн҃и·

Поста́влены б̂о сꙋть жре́бїи ко́ждо и҆хъ, малы́хъ и҆ вели́кихъ, по семъѧ́хъ свои҆хъ.
на е҆ді́ны коꙗ҆́ждо вра́та·

Паде же жре́бїи въсто́чныи селемїю.
заха́рїю же сн҃ꙋ е҆го мꙋжꙋ премꙋдрѣишꙋ.
паде жре́бїи страны̀ сѣверныѧ·

А҆вдедо́мꙋ же и҆ сн҃омъ е҆го къ ю́гꙋ противꙋ до́мꙋ севи́ма в꙽тора́го·

Сеѳи́мꙋ и а҆са́ю, къ запа́дꙋ, близъ вра́тъ и҆же веде́тъ к пꙋтѝ въсхоже́нїѧ, стра́жа проти́вꙋ стра́жи·

Къ восто́кꙋ по ѕ҃, на́ дн҃ь.
и҆ къ сѣверꙋ, д҃ на дн҃ь, и҆ к꙽ полꙋдни та́коже на дн҃ь, д҃·

И҆ гдѣ̀ б̂ѣ совѣтъ, дв̂а, и҆ дв̂а, ѹ҆че́ни, и҆ѻ́са, къ за́падꙋ, съ враты сре́дними по́ три на дн҃ь, стражба̀ противꙋ страж̑бы̀ къ восто́комъ а҆е҆рнымъ.
по ѕ҃, на дн҃ь.
и҆ на сѣверъ по д҃, и҆ къ ю́гꙋ д҃. и҆ къ е҆севи́мꙋ в҃. пременѧ́ющесѧ вратницы же дв̂а пременѧ́ющесѧ на дн҃ь къ западꙋ.
сїѧ сꙋть раздѣле́нїѧ две́рникомъ сн҃омъ коре́ѻвым̑, и҆ сн҃омъ мерарїи́номъ·

Левѷты же братїѧ и҆хъ бѣша надъ сокровищем̑ до́мꙋ гн҃ѧ, и҆ надъ сосꙋды ст҃ыхъ·

Сн҃ове ж̑ да́ни, и҆ сн҃ове герсо́ни, ѿ дана же началницы ѿч҃еством̑.
ладан̑҇ и҆ герсо́н꙽ни, и҆е҆и́ли·

Сн҃ове и҆е҆и́ли земе́ѳъ, и҆ ѻ҆е́ль, и҆ братїѧ е҆го надъ сокровищемъ до́мꙋ гн҃ѧ·

А҆м꙽ра́ми, и҆ съсаа́ри, хеврони́ти, и҆ ѻ҆зїи҆ли́ти·

Сꙋваи́ль же сн҃ъ гир꙽са́нь сн҃овъ, моѷсїи пред̑ста́тель съкро́вищемъ·

Бра́тꙋ же е҆го е҆лее҆зе́рꙋ е҆мꙋже сн҃ъ и҆а҆а҆ви́ѧ и҆ сего сн҃ъ і҆ѻ҆сїѧ и҆ сего сн҃ъ і҆ѻ҆рам̑, сего́же сн҃ъ зехри.
и҆ сего сн҃ъ саломо́ѳъ·

То́и салемоѳ̑҇, и҆ бра́тїѧ е҆го надъ всѣми сокро́вищи ст҃ыми.
и҆же ѻ҆ст҃и дв҃дъ цр҃ь.
и҆ нача́лницы ѿч҃ествъ, ты́сѧщники.
и҆ со́тницы и҆ во́жды во́емъ·

Ꙗ҆́же плѣни́ша.
ѻ҆пол꙽че́нїемъ, и҆хже ѻ҆ст҃и на пособле́нїе зда́нїѧ цр҃кви гн҃и.
и҆ надъ всѧ ст҃аѧ бж҃їѧ ꙗ҆́же ѻ҆ст҃и само́илъ про̑҇ркъ.
и҆ саѹ́лъ сн҃ъ ки́совъ, и҆ а҆вени́ръ сн҃ъ ни́ровъ.
і҆ и҆ѻ҆а́въ сн҃ъ сарꙋ́евъ.
вс̂е ꙗ҆же ѻ҆ст҃иша под꙽ рꙋкꙋ саламо́ѳовꙋ и҆ братїи е҆го·

И҆ ѿ саа҆рипа хоненїй, и҆ сн҃ове е҆го на дѣла внѣюдꙋ дал꙽нѣи́ше над̑ і҆и҆л҃емъ.
къ ѹ҆ченїю и҆ сꙋженїю и҆хъ·

Паки ѿ хеврони́тъ а҆сафи́ѧ и҆ братїа е҆го мꙋжїи крѣпчаи́ших̑ ҂а҃. и҆ з҃ сотъ при созиранїю.
і҆и҆л҃ѧ.
за иѻ҆рда́ном̑ противъ за́пада.
въ всѧ дѣла гн҃ѧ и҆ въ слꙋжбꙋ цр҃вꙋ·

Хеврони́том же нача́лни́къ бы́сть, и҆ѹ́рїѧ по родꙋ и҆хъ, и҆ по ѿч҃ествꙋ и҆хъ.
въ м҃ е, лѣто црс̑҇тва двд҃ва почте́ни сꙋть, и҆ ѻ҆брѣте́ни сꙋть мꙋжи крѣп꙽ча́иши в нихъ.
въ е҆зерѣ галаа́д꙽скомъ·

Братїѧ же и҆хъ храбрѣ́иши, ҂в҃. и҆ з҃, со́тъ, началникъ ѿч҃ествъ пред̑ста́ви же и҆хъ дв҃дъ цр҃ь над̑ рꙋви́момъ и҆ га́д꙽домъ, и҆ над̑ полови́ною колѣна манасїи́на.
въ всѐ повеле́нїе гн҃е и҆ сло́во слꙋж꙽бꙋ цр҃евꙋ·

Глв̑҇а, к҃з·

Сн҃ове же і҆и҆л҃еви по числꙋ̀ и҆хъ нача́лницы ѿч҃ествъ.
ты́сѧщники, и҆ со́тники, и҆ кни́гочїѧ, и҆же слꙋжа́хꙋ съ люд̑ми въ всѐ дѣ́ло цр҃ю, по разлꙋченїю и҆хъ.
въходѧ́щи і҆ и҆сходѧ́щи, мс̑҇ць ѿ мс̑҇ца.
по всх̑ѣ мс̑҇цехъ в лѣто раздѣле́нїе е҆ді́но.
к҃д, ты́сѧщи, и҆ въ пр́ьвое разлꙋче́нїе.
въ пр́ьвыи мс̑҇цъ бысть, и҆своа́зъ сн҃ъ задїи́левъ.
над̑ раздѣленїе҆мъ е҆го, к҃д, ты́сѧщи·

ѿ сн҃овъ ѳаре́совых̑.
нача́лникъ всѣмъ кнѧѕем̑ въ воинꙋ̀ мс̑҇ца пр́ьваго·

И҆ въ в꙽торы́и мс̑҇ць, дода́и, е҆хо́т꙽скїи.
над̑ по́лкомъ е҆го.
и҆ под̑ нимъ макельло́ѳъ.
во́жъ во́и҆ном̑ и҆ раздѣле́нїѧ е҆го.
к҃д, ты́сѧщи·

Нача́лникъ си́лных̑ по́лка тре́тїаго.
въ мс̑҇ць тре́тїи.
бы́сть ванѣѧ сн҃ъ и҆ѻда́евъ сщ҃ен꙽ника нача́лнаго.
и҆ раздѣленїѧ е҆го, к҃д, ты́сѧщи·

Сїи ванѣѧ крѣпча́иши проме́ждꙋ, л҃. и҆ над̑ по́лкомъ е҆го зада́въ сн҃ъ е҆го·

И҆ четвертыи нача́лник̑҇ мс̑҇ца четвер̑҇таго, бы́сть а҆заи́ль брат̑ і҆ѻ҆а́вль.
и҆ завадїѧ сн҃ъ е҆го по не́мъ.
и҆ бра́тїа е҆го над̑ по́лки е҆го, к҃д, ты́сѧща·

Пѧтыи нача́лникъ мс̑҇ца пѧ́таго, самаѻ́ѳъ сн҃ъ и҆е҆зра́евъ и҆ въ по́л꙽кꙋ е҆го, ҂к҃ и҆ ҂д҃·

Ше́стыи нача́лникъ мс̑҇ца шестаго, бысть а҆дꙋ́иѧ сн҃ъ кисовъ, ѿ ѳеко́и.
и҆ въ по́лкꙋ е҆го, ҂к҃, и҆ ҂д҃·

Сед̑мыи нача́лникъ мс̑҇ца седъмаго хе́льлис̑҇, ѿ фалꙋса, ѿ сн҃ов꙽ е҆фремль.
и҆ въ по́лкꙋ е҆го.
҂к҃, и҆ ҂д҃·

ѻ҆́смыи нача́лникъ мс̑҇ца ѻсмаго, совъва́ха и҆ саѳасат̑скїи ѿ колѣна зара́и и҆ въ полкꙋ е҆го, ҂к҃, и҆ ҂д҃·

девѧ́тыи нача́лникъ мс̑҇ца девѧтаго а҆вїезеръ ѿ а҆ноѳо́ѳа ѿ сн҃овъ венїами́нихъ.
и҆ въ по́лкꙋ е҆го, ҂к҃, и҆ ҂д҃. десѧтыи нача́лникъ, мс̑҇ца десѧтаго неи҆ра́и.
и҆ то́й ѿ нетофаѳи́са ѿ колѣна зара́и и҆ въ пол꙽кꙋ е҆го.
҂к҃, и҆ ҂д҃·

Пр́ьвыинадесѧтъ началникъ мс̑҇ца пр́ьвогонадесѧтъ, вана́їѧ ѿ фараѳо́на, ѿ сн҃овъ е҆фрѣмль.
и҆ въ по́лкꙋ е҆го, ҂к҃ и҆ ҂д҃·

Вторыинаде́сѧте нача́лник̑҇ мс̑҇ца в꙽торогонадесѧте.
хол꙽дїѧ́и, ѿ нетофаѳи́са.
ѿ колѣна годонїи҆лева.
и҆ в покꙋ е҆го ҂к҃, и҆ ҂д҃·

и҆ надъ племенемъ и҆зраи́левымъ ѿ рꙋви́ма вождъ е҆лїе҆зе́ръ.
сн҃ъ зехри́е҆въ, и҆ ѿ симиѻ́на вождъ сафатїѧ.
сн҃ъ маа́ха·

ѿ левѷи а҆са́виѧ сн҃ъ камꙋ́илевъ.
ѿ а҆а҆ро́на садох̑·

ѿ и҆ѹ́ды е҆ли́ѧ братїи дв҃двы и҆ ѿ а҆сахара́ти а҆мрѝ сн҃ъ михаи́левъ.
ѿ заѹ҆ло́на.

Самаи҆а́съ, сн҃ъ а҆вдие҆въ, ѿ неѳали́ма, и҆еримо́ѳъ сн҃ъ ѻ҆зїи́ль·

ѿ е҆фре́ма, ѻ҆сѝ сн҃ъ ѻ҆зазїев̑҇ ѿ полови́ны колѣна манаси́ина.
и҆ѻ҆и́ль сн҃ъ фраде́е҆въ·

И҆ ѿ половины колѣна маси́ина въ землѝ галаад̑стеи.
ꙗ҆́д꙽да́и сн҃ъ завадии҆нъ сн҃омъ венїа́минимъ.
и҆а҆сии́ль, сн҃ъ а҆вени́ровъ·

данꙋ а҆зарии҆ль сн҃ъ и҆ѻ҆ра́мовъ.
сїи быша начал̑҇ницы сн҃ъ и҆и҆лв҃омъ·

Не хотѣ же дв҃дъ съчести и҆хъ.
ѿ к҃. лѣтꙋ.
и҆ ниже.
зане реклъ г҃ь ѹ҆мно́жити і҆и҆л҃ѧ.
ꙗ҆ко ѕвѣзды нбс̑҇ныѧ·

І҆ѻ҆а́въ сн҃ъ сар꙽рꙋи҆е҆въ нача̀ почита́ти лю́ди, и҆ не съвръши.
сего ради и҆же бы́сть ꙗ҆́рость бж҃їѧ въ і҆и҆л҃и.
и҆ сего ра́ди число́мъ не бы́сть разлꙋче́но въ лѣтопи́сци сло́въ цр҃ѧ дв҃да·

Над̑ сокрови́щем̑ же цр҃ьским̑ бысть а҆смоѳъ сн҃ъ ѻ҆дїилевъ и҆ на́дъ сокро́вищемъ и҆же бѣхꙋ по посадомъ, и҆ в꙽ кострѣхъ и҆ над̑ пола́тами.
і҆ѻ҆наѳа́нъ сн҃ъ ѻ҆зїевъ·

И҆ над̑ дѣ́латели землѧ̀, и҆же настоѧ́хꙋ рабо́тающе е҆зра́и сн҃ъ хелꙋ́въ·

И҆ над̑ се́лы семе́и а҆рмаѳе́искїи·

И҆ над̑ сокровищами ви́нными зам̑вдїѧ сн҃ъ сефамїевъ·

Над̑ маслина́ми же, и҆ над̑ чръничїемъ и҆же бѣхꙋ на полехъ.
валана́нъ е҆дорїевъ.
и҆ над̑ сокрови́щиж̑ ѻ҆ле́ѧ і҆ѻ҆а́съ·

Над̑ ско́ты же и҆же па́сѧхꙋсѧ въ паствинах̑.
пред̑ста́тель бысть сатирїѧ сн҃ъ сарани́тинъ.
и҆ над̑ во́лы и҆же въ дворехъ.
софа́тъ сн҃ъ а҆да́инъ·

Над̑ вельблю́ды же, ѹ҆вїа́съ и҆змаи҆литеѧ́нинъ, и҆ надъ ѻ҆слы̀, и҆а҆да́ѧ ѿ мераѳо́на·

И҆ над̑ ѻ҆вца́ми же і҆ѻ҆а́съ а҆гари́тинъ вс̂и тїи нач̀а́лницы, ѹ҆каза́нїѧ бы́ша цр҃ѧ дв҃да·

И҆ѻ҆на́ѳанъ же ѹ҆́й двд̑ꙋ бысть совѣтникъ, мꙋ́жъ мꙋ́дръ и҆ кни́женъ сы́и, і҆ и҆и́ль сн҃ъ а҆хаманїевъ б̂ѣ съ сн҃ы цр҃евы.
а҆хитофе́ль е҆ще совѣтникъ цр҃евъ, и҆ хꙋсїи.
первѣ́ишїи дрꙋгъ цр҃евъ·

И҆ по нем̑ а҆хитофе́ль бысть под̑ле и҆ѻ҆даѧ сн҃а ванеи҆на.
и҆ а҆вїаѳа́ръ, і҆ и҆ѻ҆а́въ, нача́лники во́иномъ цр҃евымъ·

Глв̑҇а, к҃и·

Собра же дв҃дъ вс̂ѧ нача́лницы і҆и҆л҃евы.
нача́лниковъ сꙋдїи и҆ колѣнъ.
и҆ всѣхъ пред̑ста́телїи по́л꙽ковъ, и҆же слꙋжа́хꙋ по всѧ̀ д҃ни стрегꙋще цр҃ѧ и҆ начал̑҇никовъ ты́сѧщеи, и҆ со́тников̑҇ и҆ постелниковъ.
і҆ и҆же над̑ сꙋщимъ е҆го и҆ над̑ всѣмъ въздръжа́нїемъ цр҃евымъ.
и҆ сн҃овъ свои҆хъ со е҆внꙋ́хами и҆ си́лныхъ, и҆ храбрѣиших̑, въ во́инов̑҇ въ і҆ерс̑҇лимъ·

Воста́ же дв҃дъ цр҃ь и҆ рече.
слы́шите м̂ѧ бра́тїа моѧ̀, и҆ лю́дїе моѝ.
помы́слихъ на срд̑цꙋ моем̑ да съзи́ждꙋ до́мъ.
въ не́мже поко́и҆тсѧ кїѻ́тъ завѣта гн҃ѧ, и҆ под̑но́жїе нога́мъ г҃а б҃а нашего.
и҆ къ съзиданїю вс̂ѧ ѹ҆готовахъ потре́бнаѧ·

Бг҃ъ же речѐ мнѣ.
не сози́ждеши до́мꙋ и҆меновати и҆́мени мое҆го в не́мъ.
зане е҆си мꙋжъ бра́н꙽никъ, и҆ кро́ви пролїѧлъ е҆си·

Но и҆збра̀ г҃ь б҃ъ і҆и҃лев̑҇ менѐ ѿ всего̀ до́мꙋ ѿц҃а мое҆го.
да бꙋ́дꙋ цр҃ь над̑ і҆и҆л҃емъ во вѣ́ки.
и҆ ѿ і҆ѹ́ды и҆збра̀ нача́лника дом̑ ѿц҃а мое҆го.
и҆ ѿ сн҃овъ ѿц҃а мое҆го ѹ҆годѝ е҆мꙋ да м̂ѧ и҆збере цр҃ѧ надо всѣмъ і҆и҆л҃ем꙽·

ѿ сн҃овъ же мои҆хъ всѣхъ.
сн҃ы б̂о мн̂ѣ мно́ги да́сть г҃ь.
и҆збра̀ соло́мона сн҃а мое҆го.
да сѣдѣтъ на престолѣ црс̑҇тва гн҃ѧ над̑ і҆и҆л҃емъ·

Реч̑҇ же мнѣ б҃ъ.
соло́монъ сн҃ъ тво́и соѕи́ждетъ домъ мо́и, и҆ дво́ръ мо́и.
занѐ того и҆збрах̑ мн̂ѣ въ сн҃а бы́ти, и҆ а́зъ бꙋдꙋ е҆мꙋ въ ѿц҃а·

И҆ ѹ҆крѣплю̀ црс̑҇тво е҆го даже до́ вѣка.
а́ще ѹ҆крѣпит̑сѧ съхрани́ти за́повѣди моа и҆ сꙋдбы̀ моѧ.
ꙗ҆́ко и҆ днес̑҇·

И҆ нн҃ѣ ѹ҆бо пред̑ лицемъ всего̀ събра́нїѧ гн҃ѧ, въ ѹ́ши б҃а нашего.
съхра́ните и҆ в꙽зыщите вс̂ѧ за́повѣди г҃а б҃а на́шего.
да наслѣди́те зе́млю бл҃гꙋ, и҆ ѻ҆ста́вите ѧ҆̀ сн҃омъ ва́шимъ по вас̑҇ даже до́ вѣка·

И҆ нн҃ѣ соло́моне сн҃е мо́и.
да зна́еши б҃а ѿц҃ъ твои҆хъ, и҆ слꙋжи е҆мꙋ срд̑цемъ съвръше́нымъ, и҆ дш҃евною во́лею.
всѣхъ б̂о срд̑цъ възыска́тель г҃ь.
и҆ всѣхъ ѹ҆мне́нїи помышле́нїѧ разꙋмѣе҆тъ·

А҆́ще възы́щеши е҆го ѻ҆брѧ́щетъ ти сѧ·

а҆́ще же ѻ҆ста̂виши е҆го, ѻ҆ста́витъ т̂ѧ въ вѣ́ки·

Нн҃ѣ ѹ҆бо ви́ждь, и҆же и҆збра̀ т̂ѧ г҃ь, да соѕи́ждеши е҆мꙋ дом̑ ст҃ител̑҇ства.
крѣпи́сѧ и҆ съвръши·

дасть же дв҃дъ соло́монꙋ сн҃ꙋ свое҆мꙋ.
ѻ҆писа́нїѧ притворов̑҇ и҆ цр҃кве и҆ кама́ръ и҆ го́рницъ, и҆ полага́лищъ в꙽нꙋтрънихъ, и҆ до́мꙋ ѻ҆чище́нїѧ·

Є҆щѐ и҆ вс̂ѧ подо́бїѧ и҆же помы́сли дх҃омъ е҆го дворо́мъ до́мꙋ гн҃ѧ и҆ комарам̑ по ѻ҆́крс̑҇тъ въ сокро́вищи до́мꙋ гн҃ѧ, и҆ въ волага́лища ст҃ыхъ·

Раздѣле́нїѧ же по всѧ дн҃и сщ҃енъствомъ.
и҆ левѷтом̑, въ всѧ̀ дѣла слꙋже́нїѧ до́мꙋ гн҃ѧ.
и҆ всѣхъ кадил̑҇ницъ, и҆ сосꙋдовъ слꙋже́бныхъ цр҃кви гн҃ѧ.
и҆ мѣрꙋ тѧ́гости златыхъ, и҆ сре́бреныхъ на вс̂ѧ сосꙋды сщ҃енныа даде е҆мꙋ, и҆ на всѧ сосꙋды сщ҃енныѧ даде е҆мꙋ подо́бнꙋ вагꙋ̀ трапе́зы пред̑ложе́нїѧ.
ко́ждо трапе́за зла́та да е҆сть·

На ѹ́дицы сре́брены, и҆ на възлїѧ́л꙽ницы.
и҆ на фїѧ́лы зла́тые и҆ важе́нїе зла́тыхъ, и҆ сре́бреныхъ.
и҆ кади́лницъ, и҆ подо́бїе ко́ждо подъ вагꙋ̀·

И жръто́вникъ ѳимїѧм̑ныи ѿ зла́та пречи́ста вагꙋ̀ ѻ҆казꙋ́ емꙋ и҆ подо́бїе въѻ҆рꙋже́нїѧ.
херꙋви́момъ простира́ющимъ кри́лѣ, и҆ ѻ҆сѣнѧ́юще къ кїѻ́тꙋ завѣта гн҃ѧ·

Вс̂ѧ писан꙽наѧ рꙋко́ю гн҃ею да́сть дв҃дъ соло́монꙋ по бы́в꙽шемꙋ къ немꙋ ра́зꙋмꙋ по дѣлꙋ ѻ҆браже́нїѧ·

И҆ рече двд̑ъ соло́монꙋ сн҃ꙋ свое҆мꙋ.

Мꙋжествен̑҇нѣ творѝ, и҆ ѹ҆крѣпи́сѧ и҆ сътворѝ.
не бойсѧ и҆ не страши́сѧ.
г҃ь б̂о б҃ъ мои с тобо́ю бꙋдетъ.
и҆ не ѿстꙋпит̑ ѿ тебе.
н̂и ѻ҆ста́витъ тебѐ.
до́нъдеже съврърши́ши т̂ы всѐ дѣло слꙋже́нїѧ до́мꙋ гн҃ѧ, с̂е подобїе цр҃кви и҆ до́мꙋ е҆го, и҆ кама́ръ е҆го, и҆ го́рницъ и҆ положе́нїи внꙋтрънихъ, и҆ до́мꙋ ѻ҆цѣще́нїѧ, и҆ подо́бїе домꙋ гн҃ѧ.
с̂е раздѣле́нїе по всѧ̀ дн҃и сщ҃ен꙽ником, и҆ левѷтомъ въ всѐ слꙋже́нїе до́мꙋ гн҃ѧ·

И҆ да пред̑стои҆тъ тебѣ̀.
и҆ всѧ́кїи любѧ́и мꙋдрость, по всѧк̑҇ хꙋдожъствꙋѧ́и, и҆ кнѧ́зи и҆ вс̂и лю́дїе въ всѧ̀ словеса̀ твоѧ̀·

Глв̑҇а, к҃ѳ·

Гл҃алъ же е҆сть двд̑ъ цр҃ь къ все́и цр҃кви.
соло́монъ сн҃ъ мо́и е҆го́же и҆збра̀ г҃ь е҆ще ѻ҆троча́темъ мла́дымъ.
и҆ дѣ́ло вели́ко е҆сть занѐ не бо̀ чл҃кꙋ ѹ҆гото́витсѧ ѻ҆бита́нїе.
но г҃ꙋ.
аз̑ б̂о в꙽сѣми си́лами мои́ми.
ѹ҆го́товахъ росход̑.
ра́ди до́мꙋ г҃а б҃а мое҆го.
зла́то, и҆ сребро̀.
мѣ́дь, желѣ́зо.
древа̀, ка́менїе, мармо́ръ, и҆ мно́жество ка́менїи мно́гоцѣнныхъ и҆ разли́чныхъ, и҆ в꙽сѣ́хъ чс̑҇тныхъ ка́менїи, и҆ каменїи париѹ҆совых̑ мно́го, и҆ е҆ще въ е҆́же бл҃говоли́хъ въ до́мъ гн҃ь, е҆сть ѹ҆ менѐ е҆же пригото́вахъ, зла́то, и҆ сребро̀, и҆ с̂е да́хъ въ до́мъ б҃а мое҆го въ высотꙋ̀, развѣ ѻ҆́ныхъ и҆же ѹ҆гото́вахꙋ въ хра́мъ гн҃ь, ҂г҃, тала́нтъ злата ѿ зла́та е҆сꙋфирска.
и҆ ҂з҃, тала́н꙽тъ сребра̀ и҆скꙋшенѣ́иша къ позлаще́нїю стѣнъ цр҃кви, и҆ гд̂ѣ ко́гда же дѣ́ло е҆сть зла́то ѿ зла́та, и҆ гдѣ̀ е҆гда же дѣ́ло е҆сть сребро̀ ѿ сребра̀, и҆ въ всѧ̀ дѣ́ла и҆же бꙋ́дꙋтъ под̑ рꙋ́кꙋ ѹ҆модѣ́лникомъ, и҆ а́ще кт̂о бл҃гово́ленъ, и҆спо́лнити рꙋ́кꙋ свою, дне́сь, и҆ да́сть чт̂о хо́щетъ г҃ꙋ, и҆ ѻ҆бѣща́ша нача́лницы ѻ҆би́телем̑, и҆ кн҃ѕи колѣнъ і҆и҆л҃евъ, и҆ ты́сѧщники, и҆ со́тники, и҆ нача́лницы дл̑҇ѣ, і҆ и҆коно́мы цр҃евы, да́ша же на дѣ́ла до́мꙋ гн҃ѧ зла́та тала́н꙽тъ пѧ́ть ты́сѧщъ, и҆ зла́тыхъ де́сѧтъ ты́сѧщъ, и҆ сребра̀ талантъ, і҃, ты́сѧщъ·

И҆ мѣ́ди тала́нтъ, и҃і, тысѧщъ, желѣза же р҃, ты́сѧщ꙽ тала́нтъ, и҆ населницы и҆же ѻ҆брѣтоша ка́менїе, възда́ша въ положе́нїе до́мꙋ гн҃ѧ, под̑ рꙋкꙋ і҆и҆лѧ, геѳо́нїина, възвесели́ша же сѧ лю́дїе е҆гда̀ мл҃твы во́лею ѻ҆бѣща́ша, срд̑цем̑ б̂о всѣмъ приноша́хꙋ та̀ г҃ꙋ, но и҆ дв҃дъ цр҃ь възвеселисѧ ра́достїю вели́кою, и҆ блс̑҇ви дв҃дъ цр҃ь г҃а пред̑ всѣ́мъ мно́жествомъ, и҆ рече, блс̑҇венъ е҆си г҃и б҃е і҆и҆л҃евъ ѿц҃ъ на́шъ ѿ вѣка въ вѣ́ки, твоѐ е҆сть г҃и вели́чество и҆ си́ла, и҆ сла́ва, и҆ ѻ҆долѣнїе, и҆сповѣда́нїе и҆ крѣ́пость ꙗ҆́ко т̂ы всѣмъ и҆же на́ нб҃си, и҆ на землѝ владѣ́еши, ѿ лица̀ твое҆го г҃и и҆справитсѧ в꙽сѧ́ко црс̑҇тво и҆ всѧ́къ ꙗ҆зы́къ, тебѣ̀ г҃и богат꙽ство, и҆ тебѣ црс̑҇тво, и҆ вели́чество въ всѧ̀, и҆ въ всѧ́ко начало, ѿ тебѐ богат꙽ство и҆ слава·

Ты всѣ́хъ нача́ло, г҃и, начало всѧ́кого нача́ла, и҆ вла́сть, и҆ в рꙋ́кꙋ твое҆ю вели́чество, и҆ црс̑҇тво всѣ́хъ, и҆ въ рꙋ́кꙋ твою млс̑҇ть, и҆ вседръжи́тельство възвели́чити, и҆ възрасти́ти вс̂ѧ, нн҃ѣ ѹ҆бо г҃и нашъ, и҆сповѣдае҆мсѧ тебѣ̀, и҆ хва́лимъ и҆мѧ твоѐ пресла́вное, кто а҆́зъ е҆смь, и҆ кт̂о лю́дїе твои, ꙗ҆́ко възмого́хомъ сїѧ тебѣ вс̂ѧ бл҃гово́лне ѻ҆бѣщати, твоѧ̀ б̂о сꙋть вс̂ѧ, і҆ и́же ѿ рꙋ́кꙋ твое́ю прїѧ́хомъ, дахомъ тебѣ, пꙋтницы бо е҆смы̀ пред̑ тобо́ю, и҆ прише́л꙽цы, ꙗ҆́ко вс̂и ѿцы наши, дн҃їе наши ꙗ҆́ко сѣнь на землѝ, и҆ нѣ́сть тръпѣнїѧ, г҃и б҃е нашъ, къ всемꙋ̀ мно́жествꙋ семꙋ̀ и҆́же ѹ҆гото́вахомъ да съзи́ждетсѧ до́мъ и҆́мени ст҃омꙋ твое҆мꙋ, ѿ рꙋ́кꙋ твое́ю е҆сть, и҆ твоѧ̀ сꙋть вс̂ѧ, вѣ́мъ б̂о г҃и мо́и, ꙗ҆́ко т̂ы е҆си и҆спытꙋа срд̑ца и҆ прав꙽дꙋ лю́биши.
въ правости б̂о срд̑ца мое҆го прои҆зво́лих̑ сїа всѧ̀, и҆ нн҃ѣ и҆ людїе твои и҆же зд̂ѣ, ѻ҆брѣто́шасѧ ви́дѣхъ съ вели́кою радостїю тебѣ̀ прои҆зво́лиша въздати да́ры.
г҃и б҃е а҆враа́мов̑҇, і҆саа́ковъ, і҆и҆л҃ѧ ѿц҃ъ на́шихъ съхранѝ въ вѣ́ки сею̀ во́лею срд̑ца и҆хъ.
і҆ и҆спра́ви срд̑ца их̑ к тебѣ̀, соло́монꙋ же сн҃ꙋ мое҆мꙋ да́и срд̑це съвръше́но да храни́тъ за́повд̑и̑ѣ твоѧ̀, и҆ свѣдѣ́нїѧ твоѧ̀, и҆ повеле́нїѧ твоѧ̀, и҆ къ съвръше́нїю привестѝ зда́нїе до́мꙋ твое҆го.
и҆ повелѣ же дв҃дъ всемꙋ̀ собо́рꙋ людїи·

Блс̑҇вите г҃ꙋ б҃ꙋ на́шемꙋ.
и҆ блс̑҇вите ве́сь собо́ръ г҃ꙋ б҃ꙋ ѿц҃ъ свои҆хъ.
и҆ преклони́ша колѣ́на и҆ поклони́шасѧ г҃ꙋ, и҆ па́ки цр҃ю.
и҆ пожрѐ дв҃дъ жрътвꙋ г҃҃ꙋ.
и҆ възнесѐ вс̂есъж꙽женїѧ б҃ꙋ на ѹ́трїи пръваго дн҃и теле́цъ, ты́сѧщꙋ, ѻ҆́вновъ ты́сѧщꙋ·

А҆гнецъ ты́сѧща.
и҆ възлїанїѧ и҆хъ.
и҆ жр́ътвы мно́жества в꙽сего і҆и҆л҃ева.
и҆ ꙗ҆до́ша и҆ пи́ша пред̑ гм҃ъ въ дн҃ь то́и, съ вели́кимъ весе́лїемъ·

И҆ поста́виша цр҃емъ, в꙽торо́е соло́мона сн҃а двд̑ва.
и҆ пома́заша е҆го г҃ꙋ въ цр҃ѧ.
и҆ садо́ка въ а҆рхїере́ѧ.
сѣ́де же соло́монъ на прс̑҇тлѣ гн҃и въ цр҃ѧ в꙽ мѣ́сто дв҃да ѿц҃а свое҆го, и҆ ѹ҆годи́сѧ и҆ покори́сѧ е҆мꙋ ве́сь і҆и҆л҃ь.
кн҃ѕи и҆ си́лнїи, и҆ вс̂и сн҃ове цр҃ѧ двд̑а ѿц҃а е҆го, послꙋшаша е҆го·

И възвели́чи ѹ҆бо г҃ь соло́мона над̑ всм̑ѣ і҆и҆л҃емъ.
и҆ да́сть е҆мꙋ сла́вꙋ црс̑҇тва, е҆ѧ́же ни е҆ді́нъ и҆мѣ̀ пре́же е҆го.
того ра́ди и҆ дв҃дъ сн҃ъ и҆ѻ҆сїевъ црс̑҇твова̀ над̑ всѣмъ і҆и҆л҃емъ, м҃, лѣтъ.
въ хевро́нѣ црс̑҇твова̀, з҃, лѣтъ.
и҆ въ і҆ерс̑҇ли́мѣ, лѣтъ, л҃г·

И҆ ѹ́мре въ ста́рости бла́ѕѣ.
и҆спо́лнь дн҃їи въ бога́т꙽ствѣ и҆ сла́вѣ.
и҆ црс̑҇твова̀ соло́монъ сн҃ъ е҆го в него мѣ́сто.
про́чїи же словеса̀ цр҃ѧ дв҃да, пе́рвїи и҆ послд̑ѣнїи, напи́саны сꙋть.
въ словеса́хъ самои́ла ви́дѧщаго.
и҆ въ кни́зѣ наѳа́на прро̑҇ка.
и҆ въ словесе́хъ да видѧщаго.
ѻ҆ все́мъ црс̑҇твѣ е҆го.
крѣпости е҆го, и҆ вре́мена и҆же проидо́ша под ни́мъ, и҆ли въ і҆и҆л҃и.
и҆л̂и въ всѣхъ црс̑҇твахъ зе́мных̑·

Коне́цъ пе́рвыхъ кни́гъ паралипоме́нонъ.
и҆́мать в себѣ, глв̑҇а, к҃ѳ·