ПЄРВЫ́И КНИ́ГИ Є҆ЗДРЫ

ГЛАВА̀ А҃

Въ лѣто пр́ьвое кѷра цр҃ѧ пр́ьскаго.

въ съврьше́нїи сло́ва гн҃ѧ ѿ ѹ́стъ і҆е҆ремїиных̑.
въздви́же г҃ь дх҃ъ кѷра цр҃ѧ пр́ьскаго и҆ прострѐ гласъ въ все црс̑҇тво свое.
въкꙋпѣ по писа́нїю рекꙋщи, сїе рече кѷръ цр҃ь пр́ьскїи.
всѧ̀ црс̑҇тва земнаѧ да́лъ мнѣ̀ г҃ь б҃ъ нбс̑҇ныи.
и҆ то́и повелѣ̀ м̂и да съѕи́жд̑ꙋ е҆мꙋ до́мъ въ і҆ерс̑҇лимѣ, и҆же е҆сть въ і҆ѹ҆де́и.
а҆ще ѹ҆бо кт̂о е҆сть въ ва́съ всѣхъ лю́дехъ е҆го.
бꙋ́детъ г҃ь е҆го с ни́мъ.
да възы́идетъ въ і҆ерс̑҇лимъ и҆же е҆сть въ і҆ѹ҆де́и·

И҆ съзи́ждетъ до́мъ б҃ꙋ і҆и҆л҃евꙋ.
то́и е҆сть г҃ь и҆же ес̑҇ въ і҆ерс̑҇лимѣ.
и҆ всѧ́къ ѻ҆ста́выи ѿ всх̑ѣ гра́дъ и҆дѣж́е ѻ҆бита́етъ.
да помо́гꙋтъ е҆мꙋ мꙋж́и ѿ мѣ́ста е҆го сре́бромъ и҆ зла́томъ.
и҆ съсꙋ́ды и҆ ско́ти.
и҆ съ про́чими доброво́лными ѻ҆беща́нїи принесꙋтъ цр҃кви бж҃їи и҆же ес̑҇ въ і҆ерс̑҇лимѣ·

И҆ въста́ша кнѧ́ѕи ѿц҃ъ ѿ і҆ѹ́ды и҆ венїами́на и҆ сщ҃ен̑҇ницы и҆ левѷти, и҆ вс̂и и҆́мже въздви́гъ г҃ь б҃ъ дх҃ъ да в꙽зы́идꙋтъ къ създа́нїю цр҃кви гн҃и, и҆же бы́сть въ і҆ерс̑҇лимѣ·

И҆ вси же и҆же бѧ́хꙋ ѻ҆́крс̑҇тъ помого́ша и҆мъ въ сре́брѣ и҆ зла́тѣ.
съ ко́ньми и҆ ско́ты.
съсꙋ́ды, про́чаѧ тѣхъ и҆же доброво́лно принесо́ша.
и҆ цр҃ь же кѷръ ѿда́лъ съсꙋды цр҃кви гн҃и.
и҆же взѧ̀ наѹ҆ходоносо́ръ ѿ і҆ерс̑҇лима.
и҆ положѝ т̂а въ цр҃кви б҃а свое҆го, въздал̑҇ же т̂а кѷръ цр҃ь прь́скїи под̑ рꙋки миѳрида́тꙋ гавари́новꙋ сн҃ꙋ, и҆ пре̑ е҆го ѿда́на санаваса́рꙋ, кн҃ѕю і҆ѹ҆де́искꙋ.
и҆ тоже е҆сть число̀ и҆хъ б̂ѣ·

ѹ҆мова́лникъ зла́тыхъ, л҃. ѹ҆мова́лникъ сре́брѧныхъ.
҂а҃. кадил̑҇ниц꙽ зла́тыхъ, к҃ѳ.
фїа́лъ зла́тыхъ л҃. и҆ фїа́лъ сре́брѧны, с҃. и҆ съсꙋдов꙽ и҆́ныхъ, ҂а҃. и҆ всѧ̀ сосꙋ́ды сїѧ прине́сены зла́тыѧ и҆ сре́брѧныѧ, ҂е҃, и҆ у҃·

Вс̂ѧ взѧ̀ санаваса́ръ, е҆гда̀ въсхожа́хꙋ ѿ преселе́нїѧ ва́вѷло́ньскаго въ і҆ерс̑҇лимъ·

Глв̑҇а, в҃·

Сїи же сꙋть сн҃ове вла́стїи и҆же възыидо́ша ѿ плѣна преселе́нїѧ, и҆́хже преве́де навходоносо́ръ цр҃ь вавѷло́ньскїи въ вавѷло́нъ.
и҆ въз꙽врати́шасѧ въ і҆ерс̑҇лимъ і҆ и҆ѹ҆де́ю.
кожд̑о мꙋж́ъ въ гра́дъ свои, и҆же прїидо́ша съ зороваве́лемъ.
і҆и҆сꙋсъ, нее҆мїа, сараи҆ѧ, рее҆лїѧ, мардохе́и, валасанъ, масѳаръгꙋ́и, реѹ҆́мъ, ваа҆на̀·

Сїе число̀ мꙋжем̑ людїи і҆и҆л҃ев꙽·

Сн҃ове форо́совы, ҂в҃, р҃, о҃, и҆ в҃·

Сн҃ове сав꙽ватїевы, т҃, о҃в·

Сн҃ве а҆ре́соевы, з҃ со́тъ, о҃е·

Сн҃ове фааѳовы, моа́въ, сн҃омъ и҆ѻ҆сꙋе́вым̑, и҆ѻ҆а́въ, ҂в҃, и҃ со́т, в҃і·

Сн҃ове а҆и҆ла́мли, ҂а҃, сн҃д·

Сн҃ове заѳꙋе҆вы ѳ҃, со́тъ, м҃е·

Сн҃ве заха́иновы, з҃, со́тъ, ѯ҃·

Сн҃ове ванꙋе҆вы, ѕ҃ со́тъ, м҃в·

Сн҃ове вевае҆вы, ѕ҃ сот̑, к҃г·

Сн҃ове а҆вга́довы, ҂а҃, ск҃в·

Сн҃ове а҆доникамовы, ѕ҃, со́тъ, ѯ҃ѕ·

Сн҃ове вагꙋа́евы, ҂в҃, н҃ѕ·

Сн҃ове а҆дины, у҃. н҃д·

Сн҃ове а҆ти́ровы и҆же бѧ́хꙋ ѿ е҆зехїа, ч҃и·

Сн҃ве вассꙋе́вы, тк҃г·

Сн҃ове и҆ѻ҆ра̀вовы, рв҃і·

Сн҃ове а҆сꙋмли, ск҃г·

Сн҃ове гава́ровы, ч҃е·

Сн҃ове веѳлеѻ́мли, рк҃г·

Сн҃ы нетофа́евы, е҃, сот̑ ѕ҃·

Сн҃ы а҆ноѳо́ѳовы, рк҃и·

Сн҃ове аз̑мо́ѳовы, м҃г·

Сн҃ове карїа҆ѳїа҆римли, хафира, и҆ виро́ѳъ, з҃, сот̑, м҃г·

Сн҃ове рама́е҆вы, и҆ гава́ѧ, ѕ҃, сот̑, к҃а·

Мꙋж́їи мах꙽маа́совъ, рк҃в·

Мꙋжїи веѳи́ль и҆ хаи, у҃, к҃г·

Сн҃ове навовы, н҃в·

Сн҃ове мегевис̑҇, рн҃ѕ·

Сн҃ове и҆лама дрꙋга́го, ҂а҃, сн҃д·

Сн҃ове и҆рамли, т҃к·

Сн҃ове лидо́новы и҆ лодадини, и҆ ѻ҆но̀вы, з҃, сот̑, к҃е·

Сн҃ове и҆е҆ри́ховы, тм҃е·

Сн҃ове сенаи҆е҆вы, ҂г҃, ѕ҃, сот̑, л҃·

Сщ҃еницыж̑, Сн҃ве и҆е҆дꙋе҆вы в домꙋ̀ и҆ѻ҆сꙋе́вом̑, ѳ҃ сот̑ о҃г·

Сн҃ове е҆м꙽ми́рины, ҂а҃, н҃в·

Сн҃ове фас꙽сꙋровы, ҂а҃, см҃з·

Сн҃ове и҆ри́мли, ҂а҃, з҃і·

Левѷтиж̑, сн҃ове и҆ѻ҆сꙋе́вы, и҆ кад̑мїил̑҇·

Сн҃ове ѻ҆дꙋи҆а, о҃д·

Пѣвцыж̑ сн҃ове а҆са́фовы, рк҃и·

Сн҃ове две́рникъ, сн҃ове сел꙽лꙋмъ.
сн҃ове а҆ти́ровы.
сн҃ове телмо́новы.
сн҃ове а҆к꙽кꙋвъ.
сн҃ове а҆тита.
сн҃ове соваие҆вы, всѣх же, рл҃ѳ·

И҆ наѳине́и и҆ сн҃ове сꙋ́аа.
сн҃ове сꙋва́товы.
сн҃ове и҆а҆в꙽ваѻ́ѳь.
сн҃ове хираѻ́совы.
сн҃ове сїа́ръсы.
сн҃ове фадонины.
сн҃ове лава́новы.
сн҃ове а҆га́ва.
сн҃ове а҆къкꙋвовы·

Сн҃ове а҆га́вовы, сн҃ове селамїи́ны.
сн҃ове а҆на́новы.
сн҃ове гд̑еди́лины.
сн҃ве гаа́ровы.
сн҃ве раа҆е҆вы.
сн҃ве, расоновы.
сн҃ве, неко́довы.
сн҃ове газамли.
сн҃ове а҆зо́ковы.
сн҃ове фасїевы.
сн҃ове расїины·

Сн҃ове а҆сена́евы.
сн҃ове мꙋни́новы.
сн҃ове нефꙋси́мли.
сн҃ве ковꙋковы.
сн҃ве кꙋфи́ны.
сн҃ве а҆нꙋрины.
сн҃ве васалоѳ̑҇.
сн҃ве меи҆́дановы.
сн҃ве а҆́рсановы.
сн҃ве ва́ркосовы.
сн҃ве сиса́рины.
сн҃ве ѳема́вли сн҃ве наѳїевы.
сн҃ве а҆ти́фовы·

Сн҃ове слꙋ́гъ соло́моновыхъ.
сн҃ове сота́евы.
сн҃ве сефи́рины.
сн҃ве и҆е҆а́лае҆вы.
сн҃ве керконовы.
сн҃ове геѳ̑҇ди́лины сн҃ове сафатїѧ.
сн҃ове а҆тти́левы.
сн҃ове фахера́ѳовы, и҆же бѣхꙋ ѿ а҆севоваи҆на.
сн҃ве им̑ме́ины всѣ̀.
и҆ наѳа́неины.
и҆ сн҃ове слꙋ́гъ соло́моновых̑, тч҃в·

И҆ сїѝ и҆же сꙋть въсхожда́хꙋ ѿ ѳелмелеха, ѳелари́са, херꙋ́въ, и҆да́нъ, и҆м꙽ме́ръ.
и҆ не мого́ша сказа́ти до́мꙋ ѿц҃а свое҆го и҆ сѣмени, ѿ і҆и҆л҃ѧ л̂и бы́ша.
сн҃ове далагїѧ.
сн҃ове товїѹ́евы.
сн҃овъ негода̀, х҃, н҃в·

И҆ ѿ сн҃въ сщ҃енических̑.
сн҃ове і҆ѻ҆вїавли.
и҆ сн҃ве ак꙽косовы.
сн҃ве мерзела́евы, и҆же прїѧлъ ѿ дще́реи верзел꙽ла́и галаа҆дитина же́ны.
и҆ наречено е҆сть и҆ме́ны их̑.
тїи же и҆ска́ша писа́нїѧ ро́дꙋ свое҆мꙋ и҆ не ѻ҆брѣтоша·

І҆ и҆згна́ни сꙋть ѿ сщ҃ен꙽ства и҆ рече а҆ѳерсалаим̑ да не ꙗ҆дѧт̑ ѿ ст҃аѧ ст҃ыхъ.
до́ндеже воста́нетъ сщ҃е́нникъ ѹ҆че́нъ и҆ съвръше́нъ·

И҆ вс̂е мно́жество б̂ѣ ꙗ҆́ко е҆ді́н꙽, д҃, тм̂ы, и҆ ҂в҃, и҆ ѯ҃. развѣ рабъ их̑ и҆ рабынь иже бѧ́хꙋ и҆мъ. ҂з҃, тл҃з.
и҆ сїи пѣвцы, и҆ пѣвни́цы, с҃. конїи и҆хъ, х҃, л҃ѕ.
м꙽сковъ и҆х꙽, см҃е.
велблю́дов̑҇ ихъ, у҃, л҃е.
ѻ҆словъ и҆хъ, ҂ѕ҃, з҃ сот̑ и҆ к҃·

И ѿ кнѧѕїи ѿч҃ьскихъ.
е҆гда въхожда́хꙋ въ цр҃ьковь гн҃ю и҆же е҆сть въ і҆ерс̑҇ли́мѣ.
бл҃гово́лно принесо́ша въ до́мъ бж҃їи на строе́нїе е҆го в мѣсто е҆го.
поста́вити по си́лѣ свое́и, да́ша в꙽ росход̑ дѣ́лꙋ.
зла́тых̑ драгмъ, ҂ѯ҃. и҆ ҂а҃. и҆ сребра̀ мна́съ, ҂е҃. и҆ ѻдѣаніи сщ҃е́ннических̑, р҃·

Ѡ҆бита́шаж̑ сщ҃е́нницы и҆ левѷти.
и҆ ѿ лю́дїи и пѣвцевъ и҆ две́рницы и҆ а҆наѳи́нїи҆м꙽ въ гра́дѣхъ свои҆хъ.
ве́сь же і҆и҆л҃ь въ гра́дѣхъ свои҆хъ·

Глв̑҇а, г҃·

Приходѧ́щꙋ же мс̑҇цꙋ сед̑момꙋ, и҆ бѧхꙋ сн҃ове і҆и҆л҃еви въ́ градѣхъ свои҆х꙽.
собра́нъ е҆сть полкъ ꙗ҆ко чл҃къ е҆ді́нъ въ і҆ерс̑҇ли́мѣ·

И҆ воста̀ і҆ѻ҆сꙋ́е сн҃ъ і҆ѻ҆седе́ковъ и҆ бра́тїа е҆го сщ҃е́нници, и҆ зороваве́ль, сн҃ъ салаѳїилевъ и҆ бра́тїѧ е҆го.
и҆ созда́ша ѻ́лтарь б҃ꙋ і҆и҆л҃евꙋ, да принесꙋть в нем꙽ вс̂есож꙽женїе.
ꙗ҆́ко пи́санно е҆сть въ зако́нѣ моѷсїѻвѣ чл҃ка бж҃їа·

И҆ ѹ҆гото́ваша ѻ́лтарь бж҃їи на ѹ҆гото́ванїи е҆го ꙗ҆́ко разоренїе б̂ѣ их̑ по ѻ́крс̑҇тъ ѿ лю́дїи земныхъ·

И҆ възда́ша на то́мъ вс̂есожженїе гв҃и, и҆ ѹ́трѣ и҆ ве́черъ.
и҆ сътвори́ша празнд̑енїе жили́щемъ ꙗ҆́ко пи́сано е҆сть.
и҆ вс̂есож̑же́нїе дн҃їи всѣхъ.
по числꙋ̀ и҆ по повеленїю дѣ́ло бж҃їе въ дн҃ь свои·

И҆ посе́мъ вс̂есож꙽женїе при́снаго, и҆ в꙽ но́вомѣсѧчїа, и҆ пра́зницѣхъ гн҃ихъ и҆же бѣхꙋ просщ҃е́ни.
и҆ всѧ́комꙋ бл҃гово́лномꙋ съ ѹ҆сердїемъ да́ти гв҃и.
ѿ пр́ьваго дн҃и мс̑҇ца сед̑маго нача́ша воздава́ти жрътвꙋ гв҃и·

И҆ цр҃квь бж҃їѧ не б̂ѣ е҆щѐ ѻ҆сно́вана.
възда́ша же лю́дїе пѣнѧѕи плин꙽ѳникомъ, и҆ дре́водѣлѧм̑.
ꙗ҆́ствꙋ же и҆ пи́тїе, и҆ е҆ле́и, сидо́номъ, и҆ ти́ромъ да принесꙋть дре́ва ке́дрова ѿ лива́на къ морю и҆ѻ҆пенъ.
ꙗ҆́кож̑ повелѣ кѷръ цр҃ь прьскїи.
и҆ въ лѣто вто́рое вънегда прїити им̑ къ цр҃кви бж҃їи въ і҆ерс̑҇ли́мъ.
мс̑҇ца, вто́раго нача̀ зороваве́ль сн҃ъ салаѳїи҆левъ.
и҆ ѻ҆сꙋѧ сн҃ъ и҆ѻ҆седековъ, и҆ про́чїи ѿ бра́тїѧ и҆хъ сщ҃е́нници и҆ левѷти, и҆ вс̂и и҆же прїидо́ша ѿ плѣненїѧ въ і҆ерс̑҇ли́мъ·

И҆ поста́виша левѷты ѿ к҃, лѣтъ и҆ вы́шше.
да настоѧт̑ дѣ́лꙋ бж҃їю въ хра́мѣ гн҃и·

И҆ ста́в же і҆ѻ҆сꙋа, и҆ сн҃ве е҆го и҆ бра́тїа е҆го.
кадои҆лъ, и҆ сн҃ове е҆го ꙗ҆́ко мꙋж́ъ е҆ді́нъ, ꙗ҆́ко дабы настоѧ́ли на нихъ и҆же строѧ́хꙋ дѣ́ло въ цр҃кви бж҃їи.
сн҃ове надавовы, и҆ сн҃ове их̑, и҆ бра́тїа и҆хъ левѷти, и҆ ѻ҆сно́ваша б̂о ѿ дѣ́латель цр҃кви гн҃ѧ·

И҆ ста́ша же сщ҃е́нницы въ ѹ҆краше́нїи свое҆мъ съ трꙋбники и҆ левѷти.
сн҃ове а҆саѳовы въ кимъва́лѣхъ да хва́лѧтъ г҃а.
под̑ рꙋ́кою зако́на, дв҃да цр҃ѧ і҆и҆л҃ева·

И҆ въпїа́хꙋ въ пѣснехъ і҆ и҆сповѣ́данїигн҃и ꙗ҆́ко бл҃гъ, ꙗ҆ко въ вѣки млс̑҇ть е҆го на і҆и҆л҃ѧ·

И҆ вс̂и лю́дїе возгл҃ша́хꙋ гла́сомъ вели́комъ въ хвале́нїи г҃ꙋ.
сего ра́ди и҆же ѻ҆сно́вана бы́сть цр҃ьковь гн҃ѧ·

Мно́ѕи е҆щѐ ѿ сщ҃е́никовъ и҆ левѷтъ, и҆ кнѧѕе́и ѿч҃еств꙽ и҆ ста́рцеи, ви́дѣша цр҃ковь пре́жнюю на ѻ҆снова́нїи еѧ̀·

И҆ сїю цр҃квь пла́кахꙋ гла́сомъ ве́лїимъ.
и҆ мно́ѕи воз꙽глаша́юще въ весе́лїи възъвыша́хꙋ гла́съ.
и҆ не мого́ша никто́же позна́ти глас̑҇ въпѣнїѧ веселѧ́щисѧ ѿ глас̑҇ пла́ча плъко́внаго.
смѣше́нъ б̂о полъкъ глаоова́ше гла́сомъ вели́кимъ и҆ глас̑҇ вели́къ слы́шашесѧ далече·

Глв̑҇а, д҃·

Ѹслы́шаша же вра́ѕи і҆ѹ́дины и҆ венїами́ни, и҆же сн҃ове плѣненїѧ соѕида́ютъ цр҃ков̑҇ г҃ꙋ б҃ꙋ і҆и҆л҃евꙋ·

И҆ пристꙋпи́ша къ зорова́велю, и҆ къ кнѧ́ѕемъ ѿч҃ествъ, и҆ реко́ша им̑.
съдѣлаем̑ съ ва́ми.
понеже та́ко ꙗ҆́ко и҆ в̂ы и҆́щемъ б҃а вашего, и҆ е҆мꙋ пожрем̑ жрътвꙋ ѿ дн҃їи а҆сꙋра́нъда цр҃ѧ а҆сꙋр꙽ска, и҆же и҆зведе́ ны т̂ꙋ·

И҆ рече и҆мъ зорова́вель і҆ ѻ҆сꙋе и҆ про́чїи кнѧ́ѕи ѿч҃ьствъ і҆и҆л҃евыхъ·

Нѣ́сть на́мъ и҆ ва́мъ созда́ти до́мъ б҃а на́шего, н̂о мы̀ са́ми съѕидаем̑ г҃ꙋ б҃ꙋ на́шемꙋ ꙗ҆́ко повелѣ намъ кѷръ цр҃ь пр́ьскїи.
сего ради стоворено бысть, и҆же лю́дїе земнїи помѣшива́ютъ рꙋ́ки лю́дїи і҆ѹ҆де́искихъ·

И҆ въздръжа́хꙋ и҆хъ въ соѕида́нїи, и҆зведо́ша же на нихъ совѣтницы да разорѧ́тъ совѣтъ их̑ вс̂ѧ дн҃и кѷра цр҃ѧ пр́ьскаго.
и҆ да́же до црс̑҇тва да́рїѧ цр҃ѧ пр́ьскаго·

Въ црс̑҇тво же а҆сꙋера и҆же е҆сть а҆ртаѯерѯес̑҇ въ нача́лѣ црс̑҇тва е҆го, напи́са сви́ток̑҇ на і҆ѹ҆де́и живꙋщаѧ въ і҆ерс̑҇лимѣ.
и҆ и҆ въ дн҃и а҆ртаѯерѯовы, и҆ писа́ша въ ми́рѣ михрида́тъ, и҆ тавеи́ль, и҆ съ про́чїими и҆же бѣхꙋ въ совѣтѣ их̑ къ а́ртаѯерѯꙋ цр҃ю пр́ьскомꙋ написа кні́гочїи посла́нїе сѷрскім̑ ꙗ҆зыком̑.
реѹм̑ валтарам̑, и҆ сам̑ѱа кні́гочїи написаша посла́нїе е҆ді́но іерс̑҇лима ради а҆ртаѯер̑҇ѯꙋ цр҃ю сїѧ си́це сꙋдъ·

Реѹ́мъ, валтара́мъ, и҆ са́мѱа̀ кни́гочїи, и҆ прочїѝ совѣтницы на́ши.
дине́искїѧ, и҆ а҆фарсаѳахе́и, и҆ тарфале́и, и҆ а҆рфасе́и.
а҆рхїей вавѷло́нѧне, и҆ сꙋсанахе́не, савѧне·

И҆ прочїѝ ѿ ꙗ҆зык̑҇ и҆́хже преведе а҆с꙽сенафаръ вели́кїи преславныи.
и҆ всели и҆хъ въ́ градѣхъ ѻ҆морьскихъ.
и҆ въ про́чихъ странах̑ чрез рѣкꙋ·

Сїе е҆сть сказа́нїе посланїи ꙗ҆́же посла́ша к немꙋ̀·

А҆ртаѯерѯꙋ цр҃ю рабѝ твоѝ мꙋж́и и҆же сꙋть за рѣкою.
вѣдомо да бꙋдет̑ т̂и цр҃ю, ꙗ҆́ко і҆ѹ҆де́е е҆же възыидо́ша ѿ тебѐ къ на́мъ прїидо́ша въ і҆ерс̑҇лимъ град̑ ѿмѣтны и҆ лꙋка́вы, е҆гоже соѕидают̑ строѧ́ще стѣ́ны и҆хъ, и҆ крѣпле́нїе слага́ющи въ высотꙋ̀·

Нн҃ѣ ѹ҆бо вѣдомо да бꙋдет̑ ти цр҃ю.
ꙗ҆́ко а́ще град̑ се́й со́зданъ бꙋ́детъ, и҆ стѣны е҆го воста́влены бꙋ́дꙋтъ.
да́нь и҆ вожделе́нїе и҆ лѣтнѧго възда́нїа не дадꙋт꙽ т̂и.
и҆ сїе цр҃емъ ѕл̂о тво́ритъ.
и҆ посрамощенїе твое цр҃ю, не подобае҆т꙽ намъ вѣ́дѣти·

Сего ради посла́хом̑ да възвѣстим̑ т̂и цр҃ю да раз꙽смо́триш̑҇ въ кни́ги па́мѧтопи́сныхъ ѿц҃евъ твои҆х꙽.
и҆ ѻ҆брѧ́щеши пи́сано въ преложенїихъ.
и҆ позна́еши ꙗ҆́ко град̑ ѻ́нъ ѿмѣтенъ е҆сть·

И҆ ѻ҆би́дѧщи цр҃еи и҆ вла́стеи ѹ҆бѣ́жище слꙋгъ быва́ет꙽ среди е҆го, ѿ дн҃їи дре́внихъ.
сего рад̑и̑ и҆ град̑ то́й разоренъ е҆сть·

Знано ѹ҆бо тво́римъ т̂и цр҃ю.
ꙗ҆ко а́ще град̑ то́й со́зданъ бꙋ́детъ, и҆ стѣны е҆го ѹ҆твръдѧ́тъ и҆ не бꙋ́дет т̂и ми́ра·

И҆ посла̀ цр҃ь ко а҆реѹ́мꙋ, и҆ вал̑҇тара́мꙋ и самѱа́ю кни́гочїю.
и҆ къ прочїи҆м꙽ и҆же бѧхꙋ въ совѣте их̑.
ѻ҆бита́ющим̑ въ самарїи и҆ прочїимъ за рѣко́ю гл҃ющи ми́ръ·

И҆ рече да́ньныи возима́тель е҆гоже посла́сте к на́мъ.
ꙗ҆вле́но же ес̑҇ предо мно́ю.
но и҆ ѿ менѐ повелѣно е҆сть·

И҆ съгледахом̑ и҆ ѻ҆брѣто́хомъ ꙗ҆́ко град̑ то́и ѿ дн҃їи дре́вних̑ на сꙋпротивле́нїе цр҃е́мъ под̑но́ситсѧ ѿмѣта́нїе и҆ бѣга́нїа быва́ют̑.
и҆ цр҃и крипки въ і҆ерс̑҇лимѣ, и҆же г҃ьствова́ли сꙋть всѧ́кою стра́ною ꙗ҆́же за рѣкою е҆сть.
да́ни же мно́ги и҆ ча́сть дава́шесѧ и҆мъ·

И҆ нн҃ѣ ѹ҆бо положите вѣ́данїе.
и҆ не повели́те мꙋжемъ ѻ҆́нѣмъ да селенїа того не соѕида́ют꙽ ктомꙋ̀.
да ѿ воли их̑ ѹ҆дръжатсѧ и҆ да ѻ҆ста́вѧтъ твори́ти сїе.
е҆́же б̂ы когда̀ не ѹ҆мно́жиласѧ зги́бель нѣ́каѧ на ѕло̀ цр҃ю·

Тогда̀ кни́гочїи а҆ртеѯерѯа цр҃ѧ прочте сви́токъ пред̑ реѹ҆момъ валтара́момъ а҆самѱаем̑, кни́гочїемъ, и҆ совѣтники и҆хъ·

І҆ и҆до́ша тща́телно въ і҆ерс̑҇лимъ къ іѹ҆деѻ́мъ.
и҆ въздръжаша и҆хъ мы́шцею си́лною·

Тогда̀ преста́ло е҆сть дѣ́ло до́мꙋ гн҃ѧ въ і҆ерс̑҇ли́мѣ.
и҆ не сътворѧ́шесѧ да́же до лѣта вто́раго, црс̑҇тва да́рїѧ цр҃ѧ̀ пр́ьскаго·

Глв̑҇а, е҃·

Прро̑҇кова́ша же, а҆г꙽ге́и про̑҇ркъ и҆ заха́рїѧ сн҃ъ ад̑дов꙽·

Прорица́ющи къ і҆ѹ҆де́ѻмъ иже бѧхꙋ въ і҆ѹ҆де́и і҆ и҆ерс̑҇лимѣ въ и҆мѧ б҃а і҆и҆л҃ева·

Тогд̑а воста́ша зороваве́ль сн҃ъ салафїилев̑҇, и҆ ѻ҆сꙋе сн҃ъ і҆ѻ҆седе́ковъ·

И҆ нача́ша зда́ти цр҃квь гн҃ю и҆же въ і҆ерс̑҇лі́мѣ и҆ с ни́ми про̑҇рцы бж҃їи помага́ющи им̑·

В то́ же вре́мѧ прїиде к ним̑ ѳаѳана́и иже бы́сть кнѧѕь за рѣко́ю, и҆ саѳа́рьвꙋзана́и и҆ совѣтницы и҆хъ·

Такоже гл҃а и҆мъ, кт̂о да́лъ вамъ совѣтъ.
да до́мъ той съзи́ждете и҆ стѣ́ны е҆го въста́вите·

Тогда̀ сїѧ реко́ша и҆мъ, ꙗ҆́кова̀ и҆мена̀ мꙋжїи тѣхъ и҆же съзида́ютъ гра́дъ се́и·

И҆ ѻ́чи бж҃їи на плѣне́нїѧ і҆ѹ́дина, и҆ не възбрани́ша им̑ до повеле́нїѧ да́рїева, дондеже ѿне́сено бꙋдетъ посланїе·

И҆ тогда̀ посла̀ да́нино́сца, сего ра́ди и҆ възвѣще́нїѧ съ псанїемъ ꙗ҆́же посла̀ кн҃ѕь ѿ ѻ҆бо́нꙋ страны̀ рѣкѝ·

Сказа́нїеж̑ посла́нїѧ си́це·

Саѳарвꙋза́нъ и҆ совѣтницы е҆го а҆ѳарсаѳе́и, и҆же бѧ́хꙋ за рѣко́ю, да́рїю цр҃ю ми́ръ всѧ́къ·

Вѣдомо да бꙋдетъ цр҃ю ꙗ҆́ко ходи́хом̑ въ і҆ѹ҆де́искꙋю странꙋ̀ къ до́мꙋ бж҃їю вели́комꙋ и҆же съзида́етсѧ ка́менїем̑ ѹ҆краше́н꙽нымъ и҆ дре́во ста́витсѧ въ стѣна́хъ.
дѣло же т̂о съ т꙽ща́нїемъ строитсѧ.
и҆ поспѣша́етсѧ въ рꙋка́хъ и҆хъ.
въспроси́хомъ б̂о ста́рецъ тѣхъ, и҆ та́ко рекохомъ и҆мъ·

Кт̂о да́лъ ва́мъ ѻ҆́бласть да до́мъ тои съзи́ждете, и҆ стѣны тїи въста́вите.
н̂о і҆ и҆мена и҆хъ и҆ска́хомъ ѿ нихъ да възвѣсти́мъ тебѣ.
ꙗ҆́ко да пи́шемъ и҆мена их̑ мꙋжемъ и҆же сꙋть нача́лницы в них̑.

И҆ си́цевы словеса̀ ѿвѣща́ша намъ гл҃ющи·

Мы̀ е҆сми рабѝ б҃а нб҃си и҆ землѝ.
и҆ съзида́емъ цр҃ковь и҆же бы́сть ѹ҆стро́ена пре́жде тѣхъ лт̑ѣ мно́гихъ.
и҆ цр҃ь і҆и҆л҃евъ вели́кїи създа́лъ ю҆̀ и҆ сътвори́лъ, и҆ разорѝ ю҆̀ и҆хъ ра́ди·

Поне́же въ ꙗ҆́рости прогнѣвахꙋ ѿц҃ы на́ши б҃а нбс̑҇наго и҆ преда́лъ ихъ в рꙋки нав꙽ходоносо́рꙋ цр҃ю вавѷло́ньскомꙋ и҆ халде́искомꙋ, и҆ дом̑ тои разори́лъ, и҆ лю́ди преве́лъ въ вавѷлонъ·

Но лѣта, а҃ го кѷра цр҃ѧ.
кѷръ цр҃ь вавѷло́ньскїи поста́вилъ повеле́нїе, да до́мъ бж҃їи съзи́ждетсѧ.
и҆ сосꙋды цр҃кви бж҃їѧ зла́тыѧ и҆ сре́бреныѧ и҆хже навходоносо́ръ взѧ́лъ ѿ цр҃кви и҆же бы́сть въ і҆ерс̑҇лимѣ.
и҆ ѿнеслъ ѧ҆̀ въ цр҃ковь вавѷло́ньскꙋю.
в꙽зѧ́лъ кѷръ цр҃ь ѿ цр҃кви вавѷло́ньскїѧ и҆ да̀ и҆хъ санаваса́рꙋ храни́телю, и҆же над̑ сокро́вищем̑ рече же е҆мꙋ сїи сосꙋди вс̂и възмѝ и҆ поидѝ.
и҆ поста́ви и҆хъ въ цр҃кви и҆же е҆сть въ і҆ерс̑҇лимѣ въ мѣсте и҆хъ·

Тогда саванаса́ръ тои прїиде, и҆ поста́вилъ ѻ҆снованїе цр҃кви бж҃їи въ і҆ерс̑҇лимѣ.
и҆ ѿ того вре́мени даже и҆ до нн҃ѣ съзидает̑сѧ, и҆ нѝ е҆щѐ съвръше́на е҆сть.
и҆ нн҃ѣ зи́ждетсѧ и҆ не совръши́сѧ·

И҆ нн҃ѣ ѹ҆бо а҆ще ви́дит̑сѧ цр҃ю бл҃го.
раз꙽смотрѝ въ книгохрани́телницы цр҃евѣ, и҆же е҆сть въ вавѷло́нѣ ꙗ҆́ко да ѹ҆вѣси ꙗ҆́ко ѿ кѷра цр҃ѧ сѝ повелѣно бы́сть да съзида́е҆тсѧ до́мъ бж҃їи въ і҆ерс̑҇лимѣ.
и҆ ѹ҆вѣдѣвъ цр҃ю ѻ҆ семъ послѝ к намъ·

Глв̑҇а, ѕ҃·

Тогда̀ да́рїи цр҃ь повелѣ̀ расмотрѣти въ книгохранителницы и҆же бы́сть поста́влена въ вавѷло́нѣ·

И҆ ѻ҆брѣте́но е҆сть·

ѻ҆брѣте же сѧ въ а҆ма́ѳꙋ гра́дѣ тѧ́жкомъ мидїискомъ, тетрать е҆ді́на·

И҆ сїе пи́сано бы́сть в неи на па́мѧть.
въ лѣто, а҃ е.
кѷра цр҃ѧ.
кѷръ цр҃ь повелѣ̀ да до́мъ бж҃їи съзида́етсѧ и҆же е҆сть въ і҆ерс̑҇лимѣ, и҆ мѣсто гдѣ̀ пожрꙋтъ приноше́нїе, и҆ положѝ мѣрꙋ възносѧ́щи высотꙋ̀ лакот̑, ѯ҃, и҆ ширинꙋ̀ лакотъ, ѯ҃·

и҆ стѣны ѿ ка́менїѧ тол꙽стаго трїего, и҆ кров̑҇ ѿ дре́въ е҆ді́нъ.
ѻ҆бро́к же ѿ до́мꙋ цр҃ева да да́стьсѧ·

И҆ сосꙋди цр҃кви бж҃їи зла́тїи и҆ сре́брѧнїи, и҆хже навходоносо́ръ взѧ̀ ѿ цр҃кви, иже въ і҆ерс̑҇лимѣ и҆ принесѐ и҆хъ во вавѷло́нъ.
въздаю́тсѧ и҆ в꙽несꙋтсѧ въ цр҃ковь въ і҆ерс̑҇ли́мъ в мѣсто и҆же и҆ поста́влены сꙋть въ цр҃кви бж҃їи·

Нн҃ѣ ѹ҆́бо да́ите кнѧ́земъ и҆же сꙋть за рѣко́ю и҆ сꙋщимъ дале́че заѳарвꙋзана́ю, и҆ совѣтникомъ и҆хъ а҆ѳарсахе́и и҆же е҆сть за рѣко́ю далече ѿи҆дете ѿ тѣхъ.
и҆ ѿпꙋ́стите сътвори́ти цр҃ковь бж҃їю кн҃ѕи, і҆ѹ҆де́искїа и҆ ста́рцы и҆хъ, да до́мъ бж҃їи той съзида́етсѧ въ мѣстѣ свое҆мъ·

Но и҆ ѿ менѐ повелѣно ес̑҇·

да ничт̂о не сътвори́те никогда̀ презви́теромъ жидо́вскимъ и҆же съзида́ютъ до́мъ б҃а ѻ҆́ного.
и҆ ѿ тх̑ѣ цр҃еи и҆же ѻ҆бо́нꙋ страны̀ рѣкѝ дают̑ да́нь.
приле́жно на росхо́дъ, да дае́тсѧ мꙋжемъ тѣмъ е҆же бы неѹ҆медлѣло дѣ́ло т̂о и҆ е́же а҆́ще ѻ҆скꙋдѣвает̑, вс̂е да дае҆те та́коже и҆ те́лцы и҆ а́гнецы и҆ ѻ́вны въ всѐсъж꙽же́нїе б҃ꙋ нбс̑҇номꙋ.
п꙽шени́ца, со́ль, вино̀ и҆ е҆ле́и.
по ѻ҆бы́чаю сщ҃ен꙽номꙋ и҆же сꙋть въ і҆ерс̑҇лі́мѣ дае́тсѧ и҆мъ по всѧ̀ дн҃ѝ.
да бꙋдт̑ꙋ приносѧ́ще възноше́нїе б҃ꙋ нбс̑҇номꙋ.
и҆ да мо́лѧтсѧ за живо́тъ цр҃евъ и҆ сн҃овъ е҆го.
и҆ ѿ менѐ б̂о поставлено ес̑҇ повеле́нїе·

да в꙽сѧкъ чл҃къ и҆же т̂о престꙋ́питъ повелѣнїе, во́змет̑сѧ дре́во ѿ до́мꙋ е҆го.
и҆ въздви́гсѧ и҆ да ѻ҆бѣ́ситсѧ на не́м꙽, и҆ до́мъ е҆го мн̂ѣ да бꙋдетъ взѧ́тъ.
и҆ б҃ъ и҆дѣже ѻ҆битает̑ и҆́мѧ е҆го т̂ꙋ, да ѻ҆братит̑ всѧ̀ црс̑҇тва, и҆ лю́ди и҆же прострꙋт꙽ рꙋкꙋ свою, и҆ възбранѧ́тъ и҆ разорѧт̑ до́мъ бж҃їи, ѻ҆́нъ, и҆же е҆сть въ і҆ерс̑҇лі́мѣ·

А҆́зъ да́рїи поста́вихъ повелѣнїе, да дѣло сїе съ прилежа́нїем꙽ да бꙋдетъ·

Тогда̀ ѳаѳа́нїи кн҃ѕь страны̀ зарѣчныа, и҆ саѳарвꙋзана́и и҆ совѣтницы е҆го, къ ꙗ҆́же посла̀ да́рїи цр҃ь та́ко сътвори́ша т꙽ща́тельно.

Ста́рцы же і҆ѹ҆де́истїи созида́хꙋ, и҆ левѷти по про̑҇рчествꙋ а҆г꙽ге́ѧ про̑҇рка, и҆ заха́рїи сн҃а ад̑дова.
и҆ съзидаша и҆ стро́иша велѧ́щи, б҃ꙋ і҆и҆л҃евꙋ, и҆ велѧ́щꙋ кѷрꙋ, и҆ да́рїю, и҆ а҆ртаѯе́рѯꙋ цр҃емъ пе́ръскимъ·

И҆ съвершиша домъ бж҃їи, да́же до дн҃е тре́тїаго мс̑҇ца а҆до́ра, и҆же е҆сть в лѣто, ѕ҃ е, црс̑҇тва да́рїѧ цр҃ѧ·

Сътвори́ша же сн҃ове і҆и҆л҃евы, сщ҃енницы и҆ левѷти и҆ про́чїи сн҃овъ преселенїѧ ѻ҆бновле́нїе домꙋ бж҃їѧ въ ра́дости·

И҆ принесо́ша въ ѻ҆бновле́нїе бж҃їѧ до́мꙋ, те́лецъ, р҃, и҆ ѻ́венъ, с҃, а҆́гнецъ, у҃, козло́въ ѿ ко́зъ за грѣхивсего̀ і҆и҆л҃ѧ, в҃і, по числꙋ̀ колѣнъ і҆и҆л҃евъ·

И҆ ста́ша сщ҃ен꙽ницы в чи́нѣхъ свои҆хъ, и҆ левѷти въ ча́стехъ своих̑ на дѣлѣ бж҃їѧ до́мꙋ и҆же въ і҆ерс̑҇лимѣ.
ꙗ҆́ко пи́сано е҆сть въ кни́зѣ моѷсїѻвѣ·

Сътворишаж̑ сн҃ове преселе́нїѧ па́схꙋ.
д҃і, дн҃ѧ прь́ваго мс̑҇ца·

ѻ҆чище́ни б̂о бѧ́хꙋ сщ҃ен꙽ницы и҆ левѷти даже до е҆ді́наго, вси чи́сти на пожре́нїе па́схи, всѣм꙽ сн҃овомъ, преселе́нїѧ и҆ братїи и҆хъ сщ҃ен꙽никомъ и҆ себѐ·

И҆ ꙗ҆до́ша сн҃ве і҆и҆л҃еви и҆же ѻ҆браще́ни бѧ́хꙋ ѿ преселе́нїа, и҆ всѣ и҆же разлꙋчи́шасѧ ѿ скверне́нїѧ ꙗ҆зы́комъ землѝ, съ ни́ми да помо́лѧтъ г҃а б҃а і҆и҆л҃ева·

И҆ сътвори́ша пра́здникъ ѻ҆прѣсночныи з҃, дн҃їи въ весе́лїи, ꙗ҆́ко возвесели их̑ г҃ь.
и҆ съвратѝ срд̑це цр҃ѧ а҆сѷра к ним̑.
да пособлѧ́етъ и҆мъ ѹ҆крѣплѧ́ѧ рꙋки и҆хъ в дѣло г҃ꙋ б҃ꙋ і҆и҆л҃евꙋ·

Глв̑҇а, з҃·

По си́х же словесѣхъ въ црс̑҇тво а҆ртаѯе́рѯа цр҃ѧ пе́рскаго, възыиде ездра сн҃ъ сарѣев̑҇.
сн҃а а҆за́рїева, сн҃а хелки́е҆ва, сн҃а сел꙽лꙋмлѧ, сн҃а садокова, сн҃а а҆хи́товлѧ, сн҃а самарїева, сн҃а е҆ѯараи҆влѧ сн҃а е҆зїи́ева сн҃а вък꙽кїева, сн҃а а҆висꙋ́ева, сн҃а финее́сова, сн҃а е҆леа҆за́рова·

Сн҃ве а҆а҆ро́на сщ҃ен꙽ника прь́ваго.
се́и е҆здра съвоз꙽шелъ ѿ вавѷло́на, и҆ се́и писец̑҇ ско́ръ въ зако́нѣ моѷсїѻ҆вѣ, е҆гоже г҃ь б҃ъ далъ і҆и҆л҃ю·

И҆ да́лъ е҆мꙋ цр҃ь ꙗ҆ко рꙋка̀ г҃а б҃а е҆го бл҃га на нем̑ б̂ѣ, въ всемъ въ не́м꙽же в꙽зыска̀ ѻ҆́нъ·

И҆ възыидо́ша ѿ сн҃овъ і҆и҆л҃евъ, и҆ ѿ сн҃овъ сщ҃ен꙽ническихъ и҆ ѿ сн҃овъ левѷт꙽скихъ, и҆ ѿ пѣвце́въ, и҆ ѿ придве́рникъ, и҆ ст҃ыхъ, слꙋжи́тели въ і҆ерс̑҇лимъ·

Въ лѣто з҃ е, а҆ртаксе́рѯа цр҃ѧ, и҆ прїидо́ша въ і҆ерс̑҇лимъ мс̑҇ца, е҃ го, сѐ е҆сть лѣто седмо́е цр҃ево.
и҆же въ прь́выи дн҃ь мс̑҇ца прь́ваго нача̀ въсходи́ти ѿ вавѷло́на·

И҆ въ прь́выи дн҃ь мс̑҇ца пѧ́таго прїиде въ і҆ерс̑҇лимъ, ꙗ҆ко рꙋка̀ б҃а е҆го бл҃га на нем̑ б̂ѣ·

Є҆́здра б̂о ѹ҆гото́ва срд̑це свое, да възы́щетъ зако́на гн҃ѧ, и҆ сътвори́тъ и҆ ѹ҆чи́тъ въ і҆и҆л҃и повелѣнїе и҆ сꙋдъ·

И҆ сїе е҆сть сказа́нїе посла́нїѧ, ю҆́же да́лъ цр҃ь а҆ртаѯе́рѯъ е҆́здре сщ҃ен꙽никꙋ писцꙋ̀ наѹ҆ченꙋ въ словесх̑ѣ и҆ повеленїихъ гн҃их̑, въ кни́ѕе зако́на и҆ повелѣнїи е҆го въ і҆и҆л҃и·

А҆ртаѯерѯъ цр҃ь цр҃емъ, е҆́здре сщ҃енникꙋ писцꙋ зако́на бг҃а нбс̑҇наго, съвръшити сло́во и҆ ѿвт̑ѣ, ѿ менѐ повелѣно е҆сть да кождо и҆же и҆́мать ѹ҆сердїе бл҃го ѿ людїи і҆и҆левых̑ въ црс̑҇твѣ мое҆м꙽, и҆ ѿ сщ҃енниковъ е҆го и҆ ѿ левѷтовъ пои҆ти въ і҆ерс̑҇лим̑ с тобо́ю да и́детъ·

ѿ лица б̂о цр҃ева и҆ сед̑ми совѣтниковъ е҆го по́сланъ е҆си да посѣти́шъ і҆ѹ҆де́ю і҆ерс̑҇лима въ зако́нѣ б҃а твое҆го и҆же е҆сть въ рꙋ́кꙋ твою·

И҆ да несеши сребро̀ и҆ зла́то, чт̂о цр҃ь и совѣтницы е҆го съ ѹ҆се́рдїемъ да́ша б҃ꙋ і҆и҆л҃евꙋ, и҆же въ і҆ерс̑҇лимѣ ѻ҆битает̑ и҆ вс̂е зла́то і҆ сребро̀ кое а́ще наи҆дешї въ все́и ѻ́бласти вавѷлоньстеи съ во́лею люд̑скою и҆ сщ҃енник̑҇, и҆же во́лею принесо́ша до́мꙋ б҃а свое҆го и҆же е҆сть въ і҆ерс̑҇лимѣ.
и҆ вс̂ѧ и҆же до расходꙋ того̀ заповѣдахъ въ пи́санїи том̑ да дают̑ телцы, и҆ ѻ́вны, и҆ а́гньцы.
и҆ пожренїѧ и҆хъ и҆ възлїѧнїѧ и҆хъ.
и҆ принесѝ т̂а на ѻ́лтарь цр҃кви б҃ꙋ ва́шемꙋ, и҆же е҆сть въ і҆ерс̑҇лимѣ·

Но а́ще чт̂о тебѣ и҆ бра́тїи твоей въсхощет̑сѧ, и҆ ѿ прочаго сребра̀ и҆ зла́та.
е҆же по во́ли б҃ꙋ ва́шемꙋ твори́ти, да съворите.
и҆ съ сосꙋды и҆же да́ны тебѣ̀ въ слꙋжбꙋ до́мꙋ б҃а твое҆го да́и пред̑ бм҃ъ въ і҆ерс̑҇лимѣ·

Но и҆ прочїѝ потребы въ до́мꙋ б҃а твое҆го коли́кож̑ потребно е҆сть да разда́си.
даси́ же ѿ съкро́вища и҆ ѿ съкро́вища цр҃ева и҆ ѿ менѐ.
а҆́зъ а҆ртаѯерѯъ цр҃ь поста́вихъ и҆ повелѣхъ всѣмъ стра́жемъ съкро́вищъ и҆же сꙋть за рѣко́ю.
да чт̂о е҆ли́коже въспро́ситъ ѿ вас̑҇ е҆́зрд̑а сщ҃е́нникъ пи́сецъ зако́нꙋ б҃а нбс̑҇наго без̑ стоа́нїѧ дава́ите, р҃, тала́нтъ сребра̀, та́коже и҆ пшени́цы, до р҃, мѣръ.
та́коже и҆ вина̀, до р҃, бочек̑҇ та́коже и҆ е҆ле́ѧ, до р҃, чва́новъ.
и҆ соли безъ мѣры, вс̂е чт̂о къ ѻ҆бы́чаю б҃ꙋ нбс̑҇номꙋ достои҆тъ да възда́етьсѧ·

Вон꙽мѣте да́ никт̂о зазлитъ до́мꙋ б҃а нбс̑҇наго и҆же бы̀ не был̑҇ когда̀ гнѣ́въ на црс̑҇тво цр҃ево и҆ сн҃въ е҆го и҆ вам̑ же зна́емо твори́мъ.
всѣмъ сщ҃ен꙽никомъ и҆ левѷтомъ пѣв꙽цемъ и҆ дверникомъ наѳинеѻ҆мъ слꙋга́мъ до́мꙋ бж҃їѧ, с̂е да е҆сть т̂и вѣ́домо да́ни не бери́те ниже и҆мѣите ѻ́бласти наста́влѧти нани́хъ чт̂о·

Ты́ же е҆́здра по премꙋдрости б҃а твое҆го и҆же е҆сть въ рꙋ́кꙋ твое́ю·

Поста́ви книж̑ники и҆ сꙋдїѧ̀ и҆ намѣстницы да сꙋ́дѧт̑ вс̂ѧ лю́ди, и҆же е҆сть за рѣко́ю.
всм̑ѣ и҆же зна́ютъ зако́нъ б҃а твое҆го.
и҆ не вѣдаю҆щемꙋ вѣдати сътвори́те·

И всѧк̑҇ и҆же не сътворит̑ зако́на б҃а твое҆го и҆ закона цр҃ева тъщно.
сд̑ꙋ да бꙋдет̑ сотворен̑҇ ѻ҆ него, а҆́ще же въ смр҃ть, и҆ли въ наказа́нїе, и҆ли въ ѻ҆тщетенїе живота̀, и҆ли въ темни́цꙋ·

Блс̑҇венъ г҃ь б҃ъ ѿц҃ъ на́шихъ и҆же дал̑҇ си́це въ срд̑це цр҃еви да прославит̑ дом̑ гн҃ь и҆же е҆сть въ і҆ерс̑҇лимѣ.
и҆ въ мѧ ѹ҆клони́лъ млс̑҇рдїе свое пред̑ цр҃емъ, и҆ совѣтникъ е҆го и҆ всѣхъ кнѧѕе́и цр҃евыхъ и҆ силныхъ.
и҆ а́зъ ѹ҆крѣпленъ рꙋкою г҃а б҃а мое҆го и҆же бысть на мнѣ̀, и҆ собрахъ ѿ і҆и҆л҃ѧ кнѧ́ѕїи възыити со мно́ю·

Глв̑҇а, и҃·

И тїи сꙋть кн҃ѕи ѿч҃ьствъ гꙋме́ни.
и҆же взыидо́ша со мно́ю въ црс̑҇тво а҆ртаксеръѯа цр҃ѧ вавѷло́ньска.
ѿ сн҃ов̑҇ ѳинее́съ, гирсо́нъ·

ѿ сн҃ов꙽ и҆ѳама́ръ дани́лъ.
ѿ сн҃овъ дввд̑ыхъ а҆т꙽тꙋ́съ.
ѿ сн҃овъ саха́нїа.
и҆ ѿ сн҃ов̑҇ фаре́совыхъ заха́рїѧ.
и҆ с ни́мъ съчте́ни сꙋть мꙋжїи, р҃н·

ѿ сн҃овъ фаа́ѳъ моа́ва, е҆лїа҆е́на, сн҃ъ сараїев̑҇ и҆ с ни́мъ, с҃, мꙋжїи·

А҆ ѿ сн҃овъ заѳои҆совыхъ е҆хенїѧ, сн҃ъ а҆зїи́левъ, и҆ с ни́мъ, т҃, мꙋжїи·

ѿ сн҃овъ а҆д꙽динь.
ѻ҆ви́нъ, сн҃ъ и҆ѻ҆наѳа́новъ, и҆ с ни́мъ, н҃, мꙋжїи·

ѿ сн҃овъ е҆дам̑ і҆е҆се́ѧ сн҃ъ а҆ѳелїа, и҆ с ни́мъ, о҃, мꙋжїи·

ѿ сн҃овъ сафатїевъ, зав꙽дїа сн҃ъ миха́иловъ, и҆ с ни́мъ, п҃, мꙋжїи·

ѿ сн҃овъ і҆ѻ҆а́въ, а҆вдїѧ сн҃ъ и҆е҆і҆и́ль, и҆ с ни́мъ, си҃і, мꙋжїи·

И҆ ѿ сн҃овъ ваа҆нѝ селоми́ѳъ, сн҃ъ и҆ѻ҆сефїѧ, и҆ с ни́мъ, р҃ѯ, мꙋжїи.
ѿ сн҃овъ вавизаѧ, заха́рїѧ сн҃ъ вавѣев̑҇ и҆ с ни́мъ, к҃и, мꙋжїи·

И҆ ѿ сн҃овъ а҆з꙽га́довыхъ, и҆ѻ҆на́нъ сн҃ъ и҆ката́новъ, и҆ с ни́мъ, р҃і, мꙋжїи·

ѿ сн҃овъ ад̑доникама, и҆же бѧ́хꙋ послд̑ѣнїи.
и҆ сїѧ и҆мена̀ и҆хъ, е҆дфала́ѳ꙽.
и҆е҆и́ль, и҆ сама́иѧ, и҆ с ними, ѯ҃, мꙋжїи.
ѿ сн҃овъ вагꙋа҆и́левыхъ.
ѹ҆ѳа́и, и҆ заꙋ́дъ, и҆ с ни́ми, о҃, мꙋжїи·

Събра́х꙽ же и҆хъ к рѣцѣ̀ и҆же бли́зъ е҆вїѧ.
и҆ пребыхомъ т̂ꙋ тр̂и дн҃и, и҆ска́х꙽ же въ лю́дехъ и҆ въ сщ҃енницѣхъ ѿ сн҃овъ левѷи҆нъ и҆ не ѻ҆брто́хъ т̂ꙋ·

Сего ра́ди ѿдѣлих̑ е҆лиза́ръ, и҆ а҆рїе́лмъ и҆ семеѧ и҆ маа҆на наи҆е҆ри́ва и҆ е҆лнаѳа́ма и҆ наѳа́на, и҆ заха́рїю, и҆ мес꙽сала́ма.
і҆ и҆ѻ҆а҆ри́ма и҆ е҆лнаѳа́на премꙋ́дрыи·

И҆зведо́хъ и҆хъ и҆ поста́вихъ нача́лниками въ мѣ́стѣ сре́бренѣ·

И҆ заповѣ́дахъ въ ѹ҆ста̀ и҆мъ словеса̀ гл҃ати къ бра́тїи и҆хъ ст҃ослꙋжи́телемъ, и҆же въ сре́бренѣ мѣ́стѣ·

Привестѝ нам̑ пою́щихъ, въ до́мъ бж҃їи.
и҆ прїидо́ша къ намъ.
поне́же б̂о рꙋка̀ бж҃їа б̂ѣ бл҃га на на́съ·

ѿ сн҃овъ моѻ҆се́вь сн҃ъ лїеви, сн҃овъ і҆и҆л҃евъ и҆ саравїѧ, и҆ сн҃ве е҆го и҆ бра́тїа е҆го, и҃і.
и҆ а҆савїа и҆ с ни́мъ и҆са́їа ѿ сн҃овъ мера́ри.
бра́тїѧ же е҆го и҆ сн҃ове е҆го, к҃. и҆ ѿ саѳинеи́мъ и҆́х꙽же да́лъ дв҃дъ.
и҆ кн҃ѕи къ слꙋж́бѣ левѷтомъ.
наѳине́и, с҃к, и҆ вс̂и тїи свои҆мъ и҆мене́мъ нарица́хꙋсѧ·

И҆ проповѣ́дахъ т̂ꙋ говѣнїе бли́зъ рѣкѝ а҆ѳꙋра е҆же пока́ѧтисѧ пред̑ гм҃ъ бм҃ъ нашимъ, и҆ проси́ти ѿ него пꙋть пра́выи на́мъ и҆ сн҃овомъ на́шимъ, и҆ всемꙋ̀ сꙋществꙋ на́шемꙋ·

Посрамих̑ бо сѧ и҆спроси́ти ѿ цр҃ѧ по́мощи и҆ ко́нникъ и҆же ѹ҆щитѧ́тъ нас̑҇ ѿ вра́гъ на пꙋтѝ.
ꙗ҆́ко гл҃ахомъ цр҃ю рекꙋщи·

Рꙋка̀ б҃а на́шего е҆сть на всѣ́хъ и҆же и҆́щꙋтъ е҆го въ блгс̑҇ти.
и҆ крѣ́пость е҆го и҆ ꙗ҆́рость е҆го на всѣхъ и҆же ѻ҆ставлѧ́ютъ е҆го·

Говѣ́хом̑ же и҆ моли́хомсѧ б҃ꙋ на́шемꙋ·

Того рад̑и̑ и҆ прїидетъ на́мъ преспѣва́ющи и҆ ѿлꙋчи́хъ ѿ кн҃ѕе́́и сщ҃ен꙽ническихъ, в҃і.
сирїю и҆ а҆савїѧ с ни́ми ѿ бра́тїи и҆хъ, і҃·

Възвѣсил꙽ же и҆мъ сребро̀ и҆ зла́то и҆ сосꙋ́ды сщ҃енныхъ до́мꙋ б҃а на́шего, и҆же въздава́ше цр҃ь и҆ совѣтницы е҆го, и҆ кн҃ѕи е҆го·

И҆ да́хъ въ рꙋ́ки и҆хъ сребро̀, тала́нтовъ, ѕ҃, сот̑, н҃. и҆ съсꙋ́довъ сре́брѧных̑.
р҃. и҆ зла́та, р҃, тала́нтъ·

И҆ съсꙋди зла́тїи, к҃. и҆же и҆мѧ́хꙋ сребреник̑҇ по ты́сѧщи·

И҆ съсꙋдовъ мѣди пресвѣтлыѧ предо́брыѧ, ҂в҃. кра́сно ꙗ҆́ко зла́то.
и҆ реко́хъ и҆мъ·

Вы̀ ст҃и г҃ꙋ б҃ꙋ, и҆ съсꙋ́ди ст҃їи.
и҆ сре́бро и҆ зла́то, чт̂о во́лею въда́но е҆сть г҃ꙋ б҃ꙋ ѿц҃ъ на́шихъ·

Бди́те и҆ стрежи́те до́ндеже въздади́те пред̑ кн҃ѕи сщ҃ен꙽никовъ и҆ левѷтовъ, и҆ кн҃ѕевъ ѻ҆би́телныхъ і҆и҆л҃евыхъ въ і҆ерс̑҇лимѣ, въ сокро́вищи до́мꙋ гн҃ѧ·

И҆ въспрїѧ́ша же сщ҃енницы и҆ левѷти бре́мѧ сре́бра, и҆ зла́та, и҆ съсꙋ́довъ да възнесꙋтъ въ і҆ерс̑҇лимъ, въ до́мъ б҃а на́шего·

Въздвиго́хомсѧ ѿ рѣкѝ даѹ҆́си, въ в҃і, дн҃ь.
мцс̑҇а, а҃ го.
да и҆́демъ въ і҆ерс̑҇лимъ·

И҆ рꙋка̀ б҃а на́шего бы́сть на на́съ, і҆ и҆зба́вилъ насъ ѿ рꙋ́къ вра́жїи҆хъ и҆ лаа́теле́и пꙋтныхъ.
и҆ прїидохомъ въ і҆ерс̑҇лим̑ и҆ пребы́хомъ т̂ꙋ, г҃, дн҃и·

дн҃и же д҃ го, поста́вихомъ сребро̀ и҆ зла́то, и҆ съсꙋ́ди въ домꙋ̀ б҃а на́шего под̑ рꙋ́кꙋ маримо́ѳа, сн҃а ѹ҆рїи҆на сщ҃енника, и҆ с ни́мъ е҆лїаза́ръ сн҃ъ финее҆совъ.
и҆ с ни́мъ и҆ѻ҆зава́дъ сн҃ъ і҆и҆сꙋевъ и҆ ноа҆дїѧ сн҃ъ ванаке́въ и҆ левѷты, по числꙋ̀.
и҆ бре́мѧ всѣмъ ѻ҆пи́сано е҆сть вс̂е по мѣ́рѣ въ вре́мѧ т̂о·

І҆ и́же прїидо́ша ѿ плѣне́нїа сн҃ове преселе́нїа принесо́ша вс̂есъж꙽же́нїе б҃ꙋ і҆и҆л҃евꙋ, телецъ, в҃і.
за всх̑ѣ люде́и і҆и҆л҃евых̑.
ѻ҆́венъ, ч҃ѕ.
а҆́гнецъ, о҃з.
козло́въ за грѣхѝ, в҃і.
вс̂ѧ въ всѐсъж꙽же́нїе гн҃е·

И҆ да́ша же повеле́нїе цр҃ево си́л꙽нымъ, и҆же бѧ́хꙋ ѿ пред̑стоѧ́щихъ цр҃еви, и҆ кн҃ѕемъ и҆же за рѣко́ю.
и҆ въздви́гнꙋша лю́дїе до́мъ бж҃їи·

Глв̑҇а, ѳ҃·

И ꙗ҆́ко съвръше́на сꙋть сїѧ.
пристꙋпи́ша къ мнѣ̀ кн҃ѕи гл҃юще.
нѣсть ѿлꙋче́ни людїе і҆и҆л҃евы и҆ сщ҃еницы и҆ левѷти ѿ людїи зе́мныхъ, н̂о съ нечистота́ми и҆хъ бѧ́хꙋ.
и҆же е҆сть ханане́и, и҆ е҆в꙽ве́и, и҆ ферезе́и, и҆ е҆вꙋсеи.
и҆ съ а҆мони́тѧны, и҆ моа҆ви́тѧны, и҆ а҆мореа҆ны, и҆же прїѧ́ша ѿ дще́реи и҆хъ себѣ и҆ сн҃омъ свои҆мъ·

И҆ смѣси́ша сѣ́мѧ ст҃ое съ люд̑ми зе́м꙽ными·

И҆ рꙋки же кн҃ѕїи мно́жае быша въ престꙋпле́нїи.
с̂е а҆зъ е҆гдаже слы́шахъ словеса̀ т̂а.
раздрах̑ ри́зы своѧ̀ и҆ рида́хъ, терза́хъ вла́сы главы̀ мое́ѧ и҆ брадꙋ.
и҆ сѣдох̑ тꙋжа̀·

И҆ събра́шасѧ къ мнѣ̀ вс̂и боѧ́щисѧ сло́ва б҃а і҆и҆л҃ева за престꙋпле́нїе и҆же ѿ плѣне́нїа прїидо́ша·

И҆ а́зъ сѣдѧх̑ приско́рбенъ да́же до жрьтвы вече́рнѧа и҆ в жрьтвꙋ вече́рнюю въстах̑ ѿ покаѧ́нїа, и҆ вънегда̀ раздра́хъ ри́зы своа̀ и҆ пла́кахсѧ преклоних̑ колѣнѣ моѝ и҆ простро́хъ рꙋцѣ моѝ къ г҃ꙋ б҃ꙋ мое҆мꙋ и реко́хъ·

Бж҃е мои стыжд̑ꙋсѧ и҆ срамлю́сѧ въздви́гнꙋти лицѐ моѐ к тебѣ.
ꙗ҆́ко безако́нїѧ на́ша ѹ҆мно́жена сꙋть на главах̑ на́шихъ.
и҆ безако́нїѧ на́ша възрасто́ша да́же до нб҃си ѿ дн҃їи ѿц҃ъ на́шихъ.
въ престꙋпле́нїи на́шемъ е҆смы да́же до дн҃и сего·

И҆ въ безако́нїи на́ших̑ преда́ни е҆смы̀.
и цр҃и на́ши и҆ сщ҃енницы на́ши въ рꙋ́кꙋ цр҃емъ земли, и҆ въ ме́чь и҆ въ плѣне́нїе и҆ въ расхище́нїе и҆ въ ѻ҆стыдѣ́нїе лица̀ ꙗ҆ко и҆ въ дн҃ь то́и·

И҆ нн҃ѣ ꙗ҆́ко въ ма́лѣ м꙽гнове́нїи сътворе́но е҆сть моле́нїе на́ше къ г҃ꙋ б҃ꙋ на́шемꙋ.
да сѧ ѻ҆ста́вѧтъ нам̑ ѻ҆ста́н꙽ки.
и҆ да сѧ да́сть намъ ми́ръ въ мѣ́стѣ ст҃емъ е҆го.
и҆ да просвѣти́тъ ѻ҆́чи на́ши б҃ъ наш̑҇·

И҆ да сѧ да́сть намъ живо́тъ ма́лъ въ рабо́тѣ на́шеи.
ꙗ҆́ко рабѝ е҆смы̀ и҆ къ работѣ̀ на́шеи не ѻ҆ста́ви насъ б҃ъ на́шъ·

И҆ ѹ҆клонѝ на нас̑҇ млрс̑҇дїе пред̑ цр҃емъ прьскимъ да да́сть намъ животъ, въздви́гнꙋти до́мъ б҃ꙋ на́шемꙋ и҆ ѹ҆стро́ити пꙋсты́нѧ е҆го.
и҆ дадѐ на́мъ ѹ҆пова́нїе въ і҆ѹ҆де́и і҆ и҆ерс̑҇лимѣ·

И҆ нн҃ѣ речемъ г҃и б҃е на́шъ въ сїе, и҆же ѻ҆ставихомъ повеле́нїѧ твоѧ̀.
и҆же повелѣлъ е҆си рꙋко́ю рабъ твои҆хъ прро̑҇къ гл҃ющи.
землѧ̀ на ню́же в̂ы взы́идете да въздержи́те е҆ѧ̀, землѧ̀ нечи́ста е҆сть по нечистотѣ̀ людїи про́чихъ землѝ, въ ноше́нїи и҆хъ, и҆же и҆спо́лниша ю҆̀ ѿ ѹ́стъ даже до у́стъ скверне́нїе их̑·

нн҃ѣ ѹ҆бо дще́ри ва́ши не да́ите сн҃омъ и҆хъ, и҆ дще́ри их̑ не прїемли́те сн҃овом̑ вашимъ, и҆ не и҆́щѣте ми́ра и҆хъ, и҆ бл҃гаѧ и҆хъ, да́же до́ вѣка, да́же ѹ҆крѣпи́тесѧ и҆ ꙗ҆ди́те, и҆же бл҃га сꙋть землѝ.
и҆ наслѣ́дїе и҆мѣю҆тъ сн҃ове ва́ши да́же до́ вѣка·

И҆ по всх̑ѣ и҆же прїидо́ша на насъ в дѣ́лехъ на́ших̑ строп꙽ти́выхъ.
и҆ грѣсѣ на́шемъ вели́ком꙽.
ꙗ҆́ко нѣ́сть и҆нъ ꙗ҆́ко б҃ъ наш̑҇ и҆же и҆зба́ви нас̑҇ ѿ безако́нїи на́ших̑·

И҆ да́лъ е҆сть на́мъ спс̑҇нїе, мы же ѻ҆брати́хомсѧ разори́ти за́повѣди твоа̀.
и҆ съженѧ́емсѧ съ люд̑ми зе́мными·

Не прогнѣва́еши ли сѧ на на́съ да́же до сконча́нїѧ.
ниже ѻ҆ста́виши л̂и намъ ѻ҆ста́нокъ на спс̑҇нїе·

Ги҃ б҃е і҆и҆л҃евъ пра́веденъ е҆си т̂ы.
ꙗ҆́ко ѻ҆ста́вихомъ спс̑҇нїе, ꙗ҆́ко и҆ въ дн҃ь сїи·

с̂е м̂ы пред̑ тобо́ю е҆смы̀ вс̂и въ безако́нїи на́шемъ.
ни бо̀ ста́ти мо́жемъ пред̑ тобо́ю се́го ра́ди·

Глв̑҇а, і҃·

И ꙗ҆́ко молѧ́шесѧ е҆́здра.
въпроша́ющи б҃а и҆ пла́чющи лежа́ше пред̑ цр҃ковїю бж҃їею·

И҆ собра́но е҆сть к немꙋ ѿ і҆и҆л҃ѧ собранїе ве́лїе ѕѣ́ло, мꙋж́и и҆ же́ны и҆ ѻ́троки.
и҆ ꙗ҆́ко пла́кахꙋсѧ лю́дїе, и҆ възнесе́сѧ пла́чъ·

И҆ ѿвѣща̀ сехенїѧ сн҃ъ и҆е҆и́левъ ѿ сн҃овъ и҆л꙽ла́мъ.
и҆ рече е҆здре·

Мы престꙋпи́хомъ пред̑ бг҃омъ на́шимъ.
и҆ поꙗ҆хом꙽ же́ны чюждїа ѿ людїи землѝ.
и҆ нн҃ѣ да е҆сть долготерпе́нїе въ і҆и҆л҃и·

Сего ра́ди и҆ завѣща́емъ завѣтъ съ гм҃ъ бг҃омъ на́шимъ.
да ѿве́ржемъ вс̂и же́ны, и҆ тѣ́хъ и҆же ѿ тѣ́хъ рожде́ны сꙋть.
ꙗ҆́ко хо́щеши, въста́ни и҆ ѹ҆стро́иши повеле́нїе г҃а б҃а на́шего.
и҆ по зако́нꙋ да бꙋ́детъ.
въста́ни, поне́же на тебѣ е҆сть гл҃ъ.
мы же бꙋ́демъ с тобо́ю.
ѹ҆крѣпи́сѧ и҆ сътворѝ·

И҆ въста́въ ѹ҆бо е҆́здра и҆ заклѧ̀ кн҃ѕи сщ҃ен꙽ническїѧ и҆ левѷты, и҆ всего і҆и҆л҃ѧ.
да сътво́рѧтъ по сло́вꙋ томꙋ̀, и҆ клѧ́шасѧ·

И҆ воста̀ е҆́здра ѿ лица̀ до́мꙋ бж҃їѧ, і҆ и́де въ сокро́вищныи до́мъ.
и҆а҆н꙽на́нъ сн҃ъ е҆лисꙋѻ́въ и҆ а҆зи́въ.
и҆ преста̀ т̂ꙋ.
хлѣ́ба не ꙗ҆́сть и҆ воды̀ не пи́тъ, тꙋжа́ше б̂о престꙋпле́нїѧ и҆хъ, и҆же прїидо́ша ѿ плѣне́нїѧ·

И҆ послано е҆сть сло́во въ і҆ѹ҆де́ю и҆ въ і҆ерс̑҇лимъ, всѣ́мъ сн҃овомъ преселе́нїѧ, да съберꙋтсѧ въ і҆ерс̑҇лимъ·

И҆ всѧ́къ и҆же не прїидетъ въ тр̂и дн҃и по совѣтꙋ кн҃ѕїи и҆ ста́рцевъ.
во́зметсѧ вс̂е и҆мѣ́нїе е҆го.
и҆ то́и ѿлꙋче́нъ бꙋ́детъ ѿ соньмища преселе́нїѧ·

И҆ събра́шасѧ вс̂и лю́дїе і҆ѹ҆дины и҆ венїами́ни въ і҆ерс̑҇лимъ.
тре́ми дн҃ьми.
и҆же е҆сть мцс̑҇ъ, ѳ҃. к҃ го дн҃ѧ мцс̑҇а.
и҆ сѣдо́ша вс̂и лю́дїе на пред̑ домом̑ бж҃їим̑ ѻ҆ дрожа́нїѧ всѧ́къ и҆же не прїидетъ въ тр̂и дн҃и по совѣтꙋ кн҃ѕїи и҆ ста́рцевъ.
во́зметсѧ вс̂е и҆мѣ́нїе е҆го.
и҆ то́и ѿлꙋче́нъ бꙋ́детъ ѿ соньмища преселе́нїѧ·

И҆ събра́шасѧ вс̂и лю́дїе і҆ѹ҆дины и҆ венїами́ни въ і҆ерс̑҇лимъ.
тре́ми дн҃ьми.
и҆же е҆сть мцс̑҇ъ, ѳ҃. к҃ го дн҃ѧ мцс̑҇а.
и҆ сѣдо́ша вс̂и лю́дїена пред̑ домом̑ бж҃їим̑ ѻ҆ дрожа́нїѧ за грѣ́хъ и҆ съ зимо́ю·

И҆ въста̀ е҆́здра сщ҃енникъ и҆ рече к ним̑, вы престꙋпи́сте и҆ взѧ́сте же́ны и҆ноплеме́н꙽нически.
да не приложи́те на грѣхъ і҆и҃л҃ю·

И҆ нн҃ѣ дади́те хвалꙋ г҃ꙋ б҃ꙋ ѿц҃ъ ваших̑.
и҆ сътворите ѹ҆год̑ное пред̑ ни́мъ.
и҆ ѿлꙋчи́тесѧ ѿ людїи землѝ.
и҆ ѿ же́нъ и҆ноплеме́н꙽ническъ·

И҆ ѿвѣща́ша вс̂е мно́жество рекꙋщи гла́сомъ вели́кимъ.
по сло́вꙋ твое҆мꙋ к на́мъ та́ко бꙋ́ди·

ѻ҆ба́че лю́дїе мно́ѕи сꙋть, и҆ вре́мѧ снѣж́но.
и҆ нѣ́сть мо́щно стоѧ́ти внѣ̀.
и҆ дѣ́ло нѣ́сть дн҃и е҆ді́наго и҆ли двꙋ̀.
ѕѣ́ло б̂о съгрѣши́хомъ въ словесѝ се́мъ.
да ста́нꙋтъ кн҃ѕи на́ши въ все́мъ мно́жествѣ, и҆ вс̂и и҆же въ гра́дехъ на́шихъ и҆же въведо́ша же́ны и҆ноплеме́нничи, да прїидетъ вре́мѧ повеле́н꙽ное.
и҆ с ни́ми ста́рцы ѿ град̑, и҆ сꙋдїи ѿ град̑.
е҆́же ѻ҆братити ꙗ҆́рость б҃а на́шего ѿ насъ грѣха̀ ра́ди сего·

Сего ра́ди і҆ и҆ѻа҆наѳа́нъ сн҃ъ а҆са́їи҆нъ.
и҆ а҆саїѧ сн҃ъ ѳекꙋе́въ съ мно́ю ста́ша и҆ мосол꙽ла́мъ и҆ севеха́и левѷти помога́ша и҆мъ.
сътвори́ша та́ко сн҃ове преселе́нїѧ·

И҆ ѿлꙋчѝ е҆́здра сщ҃енъникъ и҆ мꙋж́и, кн҃ѕи ѻ҆би́телни въ домы̀ ѿц҃ъ свои҆х꙽, и҆ вс̂и по и҆менехъ свои҆хъ.
ꙗ҆́ко ѻбрати́шасѧ въ дн҃ь пе́рвыи, мцс̑҇а, і҃ го.
да взы́щꙋтъ гл҃а·

И҆ сконча́ша вс̂и мꙋж́и, и҆же въведо́ша же́ны и҆ноплемен̑҇ничи да́же до дн҃е, а҃ го, мцс̑҇а, а҃ го.
и҆ ѻ҆брѣте́ни сꙋть ѿ сн҃овъ сщ҃ен꙽нических̑ и҆же въведо́ша же́ны и҆ноплеме́нничи, ѿ сн҃овъ і҆и҆ѻ҆сꙋе́, сн҃а и҆ѻ҆седе́кова и҆ бра́тїѧ е҆го маа҆сїѧ, и҆ е҆лїезе́ръ и҆ ꙗ҆рим̑, и҆ гада́лїѧ.
и҆ да́ша рꙋ́цѣ себѣ, да и҆зго́нѧтъ же́ны своѧ.
престꙋпле́нїѧ ра́ди свое҆го.
ѻ҆́вны ѿ ѻ҆ве́цъ да принесꙋтъ·

И҆ ѿ сн҃овъ е҆м꙽миа́ръ.
а҆н꙽нагнїи и҆ завдїѧ.
и҆ ѿ сн҃овъ и҆рам̑.
маа҆сїѧ и҆ е҆л꙽лїѧ, и҆ самїа і҆ и҆ѻ҆и́ль и҆ ѻ҆зїѧ.
и҆ ѿ сн҃овъ фассꙋ́ръ, е҆лїѻ҆е́на, и҆ маа҆сїѧ, и҆зма́иль, наѳанае́ль, и҆ѻ҆нада́дъ і҆ и҆ла́са.
и҆ ѿ сн҃овъ левѷтовъ, и҆ѻ҆навад̑ и҆ ѳамꙋ́и, и҆ коле́а.
то́и е҆сть коли́тъ и҆ феѳїѧ, і҆ и҆ѹ҆да і҆ е҆лїе҆зе́ръ·

И҆ ѿ пѣвцо́въ, е҆лїа҆зꙋв꙽, и҆ ѿ две́рникъ, солминъ и҆ телми́нъ и҆ ѻ҆дꙋѧ.
и҆ ѿ і҆и҆л҃ѧ ѿ сн҃овъ форе́съ раме́їѧ и҆ а҆зїѧ и҆ мелхїѧ.
и҆ мельми́нь и҆ е҆лїа҆зе́ръ, и҆ а҆са́вїѧ, и҆ ване́ѧ.
ѿ сн҃овъ и҆ла́мовыхъмаѳ꙽ѳа́нїѧ, ѿ сн҃овъ и҆ла́мовыхъ маѳ꙽ѳа́нїѧ, заха́рїѧ, і҆ и҆и́ль, и҆ а҆вдїи, и҆ е҆римоѳъ, і҆ и҆лїа·

И҆ ѿ сн҃ов꙽ заѳꙋа, е҆лїѻ҆мина́и е҆лїа҆сꙋв꙽ маѳа́нїа, и҆ а҆рмꙋѳ, и҆ завад̑ и҆ ѻ҆зи́ва·

И҆ ѿ сн҃овъ вавїа, и҆ѻ҆ннан̑҇, а҆нанїѧ, и҆ зав꙽вꙋи и҆ ѳаллѝ·

И҆ ѿ сн҃ов̑҇ вани мосолам꙽, и҆л꙽лꙋхъ, и҆ а҆д꙽да́їѧ, и҆ а҆сꙋвъ, и҆ а҆саа́лъ, и҆ римоѳ̑҇·

И҆ ѿ сн҃ов̑҇ фаа́ѳовыхъ, моа́въ, е҆дъне́ѧ, и҆ хал꙽лилъ, и҆ вана́їѧ, и҆ маа́сїѧ, мас̑҇ѳа́нїѧ, и҆ веселеи́лъ, ванꙋ́и, и҆ манасе́и·

И҆ ѿ сн҃овъ и҆ра́мовыхъ, е҆лїезеръ, и҆е҆сꙋїѧ, мельхїѧ, саме́и҆ѧ симеѻ́нъ, венїаминъ, малꙋхъ, сама́рїѧ,·

И҆ ѿ сн҃овъ а҆си́мъ, меѳ̑҇ѳанаїѧ, меѳа́ѳа, а҆завадъ, е҆лифа́лѳъ, и҆е҆римїа и҆ манасѐ семе́и·

И҆ ѿ сн҃овъ ва́ни, дїѧ, а҆мра́мъ, и҆ ѹ҆и́ль, ванаїѧ, и҆ ваѳ꙽даїѧ, хелїѧ нꙋнꙋа҆нънїѧ, меримꙋѳъ, и҆е҆лїасив̑҇ маѳъѳанїѧ·

И҆ сътвори́ша сн҃ове ванꙋие҆вы, и҆ сн҃ове семе́и, и҆ са́лемїа, и҆ наѳа́нъ, и҆ а҆да́їѧ, минада, а҆вꙋсесѝ, а҆рꙋ е҆среи́ли, и҆ сама́рїѧ.
селлм̑ꙋ а҆марїѧ, и҆ѻ҆си́фъ·

ѿ сн҃овъ вꙋ́и, а҆і҆и́ль, маѳа́ѳїѧ, зава́дъ, ѯевена́и, и҆ѻ҆да́и, і҆и҆ль.
вс̂и тїѝ прїѧ́ша жены̀ и҆ноплеме́нически.
и҆ роди́ша ѿ ни́хъ сыны̀·

Конецъ пр́ьвымъ кни́гамъ е҆́здрьнымъ.
и҆мать в себѣ̀, глв̑҇а, і҃·