СОБО́РНОЄ ПОСЛАНІЄ І҆Ѡ҆А́ННОВО г҃ѐ.

Глв̑҇а, а҃·

зач̑҇, о҃ѕ·

Ста́рецъ, га́і҆е҆ви възлю́бленномꙋ, е҆гоже а҆зъ люблю̀ въи҆́стинꙋ·

Възлю́бленне, па́че всх̑ѣ молю́сѧ ѻ҆ тебѣ, спѣѧ҆ти, и҆ здравъствовати, ꙗ҆́коже спѣ́етъ ти сѧ дш҃а.
радовасѧ ѕѣло, грѧдꙋщимъ братїѧм̑, и҆ свѣдѣтельствꙋю҆щимъ твою и҆́сти́нꙋ, ꙗ҆́коже т̂ы въ и҆́стинѣ хо́диши.
бо́лша сеа̀ не и҆́мамъ радости, да слы́шꙋ моѧ чада въ и҆́стинѣ хо́дѧща·

Възлю́блене, вѣ́рно твориши, е҆же аще дѣ́лаеши въ братїю и҆ въ стра́н꙽ныхъ, и҆же свѣдѣтельствоваша твое́й любвѝ пред̑ цр҃ковїю, и҆хже до́брѣ твориши пред̑посла́въ достоино бг҃ꙋ.
ѻ҆ и҆́мени б̂о е҆го и҆зыдо́ша, ничтоже прїе҆млюще ѿ ꙗ҆́зы́къ.
м̂ы ѹ҆бо до́л꙽жни е҆смы прїи҆мати таковы́хъ, да поспѣшницы бꙋ́демъ и҆́стинѣ·

писах̑ цр҃кви, н̂о первьстволю́бецъ их̑, диѻ҆трефесъ не прїе҆млетъ насъ.
сего ради а҆ще прїидꙋ, въспомѧн̀ꙋ е҆мꙋ дѣ́ла ꙗ҆́же творитъ, словесы̀ лꙋка́выми ѹ҆карѧ́ѧ насъ.
и҆ недово́ленъ бываѧ ѻ҆ сихъ.
ни са́мъ прїе́млетъ братїю, и҆ хотѧ́щимъ възбранѧет̑.
и҆ ѿ цр҃кви изго́нитъ·

Възлю́блене, не ѹ҆подоблѧисѧ ѕло́мꙋ, н̂о бл҃го́мꙋ.
бл҃готворѧ́ѝ, ѿ бг҃а е҆сть.
а҆ зло́е творѧѝ, не видѣ̀ бг҃а.
дими́трїе҆ви свѣдѣтельствовасѧ ѿ всх̑ѣ, и҆ ѿ са́мыѧ и҆́стины, и҆ м̂ы же свѣдѣтельствꙋе҆мъ·

И҆ вѣ́сте ꙗ҆ко свѣдѣтельство на́ше и҆́стинно е҆сть·

Мно́га и҆мѣх꙽ писа́ти н̂о не хощꙋ черни́лом̑ и҆ тростїю тебѣ̀ писа́ти.
ѹ҆пова́ю же а҆́бїе ви́дѣти т̂ѧ, и҆ ѹ҆сты̀ къ ѹ҆сто́мъ гл҃ати.
ми́ръ тебѣ.
цѣлꙋ́ютъ т̂ѧ дрꙋ́зи.
цѣлꙋ́и дрꙋги по́ и҆мени а҆ми́нь·

Конец̑҇ посла́нїю і҆ѻ҆а́нновꙋ тре́тїемꙋ.

А҆ и҆́мать в себѣ, глв̑҇а, а҃. а҆ цр҃ковное зач̑҇, а҃·