Мл҃тва ѡ ми́рѣ во ст҃ѣ́й землѝ

Гдс̑и, бж҃е вседержи́телю, єди́не ст҃е и всемлс̑тиве, єди́не бл҃же и чл҃вѣколю́бче!
тебѐ про́симъ и тебѣ̀ мо́лимся изъ̑ глубины̀ серде́цъ на́шихъ ѡ ми́рѣ во гра́дѣ іерусали́ме.

Гдс̑и, бж҃е на́шъ, сладча́йшій іи҃се!
къ тебѣ̀ возводи́мъ ѻ́чи на́ши и мо́лимся ѡ святѣ́й землѝ, та́мѡ бо протечѐ твоѐ земно́е житіѐ, та́мѡ соверши́ся ст҃о́е бл҃говѣ́щеніе, та́мѡ бы́сть твоѐ воплоще́ніе, та́мѡ принесѐ тя̀ пречс̑тая дв҃а бцд̑а въ іерс̑ли́мскій хра́мъ, та́мѡ ты̀ кр҃сти́ся во іѻрда́нѣ рѣцѣ̀, та́мѡ ты̀ сотворѝ мнѡ́гая чудеса̀ и исцѣлѝ больны̂я и немощны́я, та́мѡ ты̀ просвѣща́ше заблу́дшыя и возставля́ше па́дшыя, та́мѡ тебѐ преда́ша на распя́тіе, та́мѡ тобо́ю побѣжде́на бы́сть см҃рть, та́мѡ бы́сть твоѐ воскрс̑ніе, ѿту́ду ты̀ вознесе́ся къ прс̑то́лу нбс̑нагѡ ѻц҃а̀, сю́ду по́сланъ бы́сть во утѣше́ніе на́мъ дх҃ъ ст҃ы́й.

Гдс̑и, іи҃се хрс̑тѐ, спасѝ и сохранѝ ст҃у́ю землю̀, ви́дѣвшую твоя̂ страда̂нія и ѡбагре́нную кро́вію пе́рвыхъ мч҃нкъ.
здѣ̀ поживѐ твоя̀ пречс̑тая мт҃и, дв҃а мр҃і́я, здѣ̀ ты̀ яви́ся въ сла́вное єя̀ успе́ніе и взя́тъ ю̀ съ собо́ю къ прс̑то́лу вседержи́теля.
ѿсю́ду, ше́дше на про́повѣдь твоя̂ ученицы̀, нача́ша просвѣща́ти и ѡсщ҃а́ти мі́ръ ст҃ы́мъ єѵг̑ліемъ.

Гдс̑и, ты̀ вѣ́си, ка́кѡ стра́ждутъ лю́діе на ст҃ѣ́й землѝ и кі̂я раздо́ры и бра̂ни, ѡскверня́юще, безче́стятъ ст҃о́е мѣ́сто сіѐ.
се́ бо, идѣ́же подоба́ше возноси́тися мл҃твѣ ѡ ми́рѣ всегѡ̀ мі́ра, здѣ̀ нн҃ѣ разруше́ніе и сле́зы, ѻба́че не ра́дости, но страда́нія.

Гдс̑и, вѣ́мы, я́кѡ грѣхѡ́въ ра́ди на́шихъ досто́йны єсмы̀ наказа́нія съ нбс̑ѐ, ѻба́че мо́лимъ тя̀: судѝ не по ѕло́бѣ на́шей, но ра́ди неизрече́ннагѡ твоегѡ̀ млс̑рдія ѡбратѝ сво́й гнѣ́въ, пра́веднѡ дви́жимый на на́съ, въ млс̑ть.
ты̀ связа́лъ єсѝ сою́зомъ любвѐ апс̑лы, свяжѝ любо́вію и на̂ша жестѡ́кая сердца̀ и да́ждь на́мъ вкуси́ти єя̀ бла̂га, умирѝ ѕло́бу вражду́ющихъ, разрушѝ си̂лы ѕла̀, пода́ждь ми́ръ всему̀ мі́ру, наипа́че же гра́ду іерс̑ли́му.

Вку́пѣ съ ѱалмопѣ́вцемъ дв҃домъ простира́емъ и мы̀ къ тебѣ̀ своя̂ ѡсла́бленніи ру́цѣ и уми́льнѡ вопіе́мъ: не при́зри на́шегѡ моле́нія, гдс̑и!
да не во ѕло̀ ѡбрати́мъ дарова̂нная на́мъ бла̂га житія̀, укрѣпѝ на́съ по́мощію ст҃ы́хъ а́гг҃лъ и арха̂гг҃лъ и всегѡ̀ нб҃е́снагѡ во́инства, да сподо́бимся ста́ти ѡдесну́ю тебѣ̀, велика́гѡ судіѝ и бг҃а на́шегѡ, и со всѣ́ми ст҃ы́ми наслѣ́дуемъ бла̂га нб҃е́снагѡ іерс̑ли́ма, сла́вяще всест҃у́ю тро̑цу ѻц҃а̀, и сн҃а, и ст҃а́гѡ дх҃а нн҃ѣ и прс̑нѡ и во вѣ́ки вѣкѡ́въ.
ами́нь.