^{[глв̑а л҃д]} Ѡ житіѝ ѻбщежи́тельнагѡ пребыва́нія.

Вкра́тцѣ и ѡ ну́жнѣйшихъ потре́бахъ, досто́итъ смотря́ти настоя́телю ѻби́тели, и разсужда́ти неизмѣ́ннѡ преда̂нія ст҃ы́хъ и бг҃оно́сныхъ ѻтє́цъ, и нача́льникѡвъ ѻ́бщагѡ житія̀, ѡ я́стіи и питіѝ, я́коже усмотри́ся: учи́ми єсмы̀ ѿ уста́ва ст҃ы́я горы̀, ѡ ма́лыхъ пра́здникахъ, я́коже глаго́лется та́мѡ, пѣ́ти Бг҃ъ гдс̑ь.
ѡ я́стіи же и питіѝ, я́коже про́чіи пра́здники не разрѣша́ютъ, нижѐ па́ки я́кѡ пѡ́стныя сія̂ ѿдава́ютъ.
Сія̂ же подоба́етъ, єгда̀ случи́тся де́нь по́стенъ, и ма́лъ пра́здникъ: влд̑чнія же сія̂ и вели̂кія слу̂жбы, ре́кше хрс̑то́ва ржс̑тва̀, и бг҃оявле́нія, и вели́кагѡ четвертка̀, и вели́кія суббѡ́ты, и́нъ ѡ́бразъ слу́жбы и́мутъ.