[глв̑а м҃] ПРОКІ́МЕНИ, АПО́СТОЛИ, АЛЛИЛУІА́РЄ, ЄѴГ̑ЛІЯ И ПРИЧА́СТНИ
ѻ́бщи ст҃ы̂мъ, ѝмже єгда̀ твори́мъ слу́жбу.
Слу́жба прест҃ѣ́й бцд̑ѣ.
На у́трени прокі́менъ, гла́съ ѕ҃:
Помяну̀ и́мя твоѐ во вся́комъ ро́дѣ и ро́дѣ.
Сті́хъ:
Ѿры́гну се́рдце моѐ сло́во бл҃го:
Єѵг̑ліе лукѝ, зача́ло д҃.
На літургі́и прокі́менъ, гла́съ г҃.
Пѣ́снь бцд̑ы:
Вели́читъ душа̀ моя̀ гдс̑а, и возра́довася ду́хъ мо́й ѡ бз҃ѣ сп҃сѣ мое́мъ.
Сті́хъ:
Я́кѡ призрѣ̀ на смире́ніе рабы̀ своея̀: се́ бо ѿ ны́нѣ убл҃жа́тъ мя̀ всѝ ро́ди.
Апс̑лъ къ філіпписі́ємъ, зача́ло с҃м.
Илѝ другі́й, къ євре́ємъ, зача́ло т҃к.
Аллилу́іа, гла́съ и҃:
Слы́ши дщѝ и ви́ждь, и приклонѝ у́хо твоѐ.
Сті́хъ:
Лицу̀ твоему̀ помо́лятся бога́тіи лю́дстіи:
Єѵг̑ліе лукѝ, зача́ло н҃д.
Прича́стенъ:
Ча́шу сп҃се́нія пріиму̀, и и́мя гдс̑не призову̀.
Слу́жба ст҃ы̂мъ нбс̑нымъ безплѡ́тнымъ си́ламъ.
Прокі́менъ, гла́съ д҃:
Творя́й а́гг҃лы своя̂ ду́хи, и слугѝ своя̂ пла́мень ѻ́гненный.
Сті́хъ:
Бл҃гословѝ душѐ моя̀ гдс̑а, гдс̑и бж҃е мо́й, возвели́чился єсѝ ѕѣлѡ̀.
Апс̑лъ ко євре́ємъ, зача́ло т҃є.
Аллилу́іа, гла́съ є҃:
Хвали́те гдс̑а всѝ а́гг҃ли єгѡ̀, хвали́те єго̀ вся̂ си̂лы єгѡ̀.
Сті́хъ:
Я́кѡ то́й речѐ, и бы́ша: то́й повелѣ̀, и созда́шася.
Єѵг̑ліе лукѝ, зача́ло н҃а.
Илѝ матѳе́а, зача́ло н҃в.
Прича́стенъ:
Творя́й а́гг҃лы своя̂ ду́хи, и слугѝ своя̂ пла́мень ѻ́гненный.
Слу́жба ст҃ы̂мъ про̑ро́кѡмъ ѻ́бща.
Прокі́менъ, гла́съ д҃:
Ты̀ іере́й во вѣ́къ, по чи́ну мелхіседе́кову.
Сті́хъ:
Речѐ гдс̑ь гдс̑ви моему̀, сѣдѝ ѡдесну́ю менѐ, до́ндеже положу̀ врагѝ твоя̂ подно́жіе но́гъ твои́хъ.
Апс̑лъ къ корі́нѳянѡмъ, зача́ло рн҃ѕ:
Другі́й ко євре́ємъ, зача́ло тд҃і.
Тре́тій собо́рнагѡ посла́нія іа́кѡвля, зача́ло н҃з.
Аллилу́іа, гла́съ є҃:
Мѡѷсе́й и аарѡ́нъ во іере́ехъ єгѡ̀, и самуи́лъ въ призыва́ющихъ и́мя єгѡ̀.
Сті́хъ:
Свѣ́тъ возсія̀ првд̑нику, и пра̂вымъ се́рдцемъ весе́ліе.
Єѵг̑ліе матѳе́а, зача́ло ч҃ѕ.
И лукѝ, зача́ло ѯ҃в.
Прича́стенъ:
Въ па́мять вѣ́чную бу́детъ првд̑никъ:
Слу́жба ст҃ы̂мъ апс̑лѡмъ ѻ́бща.
Прокі́менъ, гла́съ и҃:
Во всю̀ зе́млю изы́де вѣща́ніе и́хъ, и въ концы̀ вселе́нныя глаго́лы и́хъ.
Сті́хъ:
Нб҃са̀ повѣ́даютъ сла́ву бж҃ію, творе́ніе же руку̀ єгѡ̀ возвѣща́етъ тве́рдь.
Апс̑лъ къ корі́нѳянѡмъ, зача́ло рл҃а.
Аллилу́іа, гла́съ а҃:
Исповѣ́дятъ нб҃са̀ чудеса̀ твоя̂ гдс̑и:
Сті́хъ:
Бг҃ъ прославля́емь въ совѣ́тѣ ст҃ы́хъ.
Єѵг̑ліе апс̑лу єди́ному, матѳе́а, зача́ло л҃д.
Апс̑лѡмъ ѻ́бще.
Єѵг̑ліе лукѝ, зача́ло н҃, илѝ н҃а.
Прича́стенъ:
Во всю̀ зе́млю изы́де вѣща́ніе и́хъ, и въ концы̀ вселе́нныя глаго́лы и́хъ.
Слу́жба ст҃и́телю.
Прокі́менъ, гла́съ а҃:
Уста̀ моя̂ возглаго́лютъ прему́дрость, и поуче́ніе се́рдца моегѡ̀ ра́зумъ.
Сті́хъ:
Услы́шите сія̂ всѝ язы́цы, внуши́те всѝ живу́щіи по вселе́ннѣй.
Апс̑лъ ко євре́ємъ, зача́ло ти҃і.
Аллилу́іа, гла́съ в҃:
Уста̀ првд̑нагѡ поуча́тся прему́дрости, и язы́къ єгѡ̀ возглаго́летъ су́дъ.
Сті́хъ:
Зако́нъ бг҃а єгѡ̀ въ се́рдцѣ єгѡ̀, и не за́пнутся стѡпы̀ єгѡ̀.
Єѵг̑ліе іѡа́нна, зача́ло л҃ѕ.
Прича́стенъ:
Въ па́мять вѣ́чную бу́детъ првд̑никъ:
Слу́жба ст҃и́телей ѻ́бща.
Прокі́менъ, гла́съ з҃:
Чтс̑на̀ предъ̑ гдс̑емъ сме́рть прпд̑бныхъ єгѡ̀.
Сті́хъ:
Что̀ возда́мъ гдс̑ви ѡ всѣ́хъ, я̀же воздаде́ ми;
Апс̑лъ ко євре́ємъ, зача́ло тл҃є.
Аллилу́іа, гла́съ в҃:
Сщ҃е́нницы твоѝ ѡблеку́тся въ пра́вду, и прпд̑бніи твоѝ возра́дуются.
Єѵг̑ліе матѳе́а, зача́ло а҃і.
И іѡа́нна, зача́ло л҃є: ѿ полу̀.
Прича́стенъ:
Въ па́мять вѣ́чную бу́детъ првд̑никъ:
Слу́жба прпд̑бныхъ и хрс̑та̀ ра́ди юро́дивыхъ ѻ́бща.
Прокі́менъ, гла́съ з҃:
Чтс̑на̀ предъ̑ гдс̑емъ сме́рть прпд̑бныхъ єгѡ̀.
Сті́хъ:
Что̀ возда́мъ гдс̑ви ѡ всѣ́хъ, я̀же воздаде́ ми;
Апс̑лъ къ гала́тѡмъ, зача́ло сг҃і.
Аллилу́іа, гла́съ ѕ҃:
Бл҃же́нъ му́жъ боя́йся гдс̑а, въ за́повѣдехъ єгѡ̀ восхо́щетъ ѕѣлѡ̀.
Сті́хъ:
Си́льно на землѝ бу́детъ сѣ́мя єгѡ̀.
Єѵг̑ліе матѳе́а, зача́ло м҃г.
И лукѝ, зача́ло к҃д.
Прича́стенъ:
Въ па́мять вѣ́чную бу́детъ првд̑никъ:
Слу́жба мч҃нка.
Прокі́менъ, гла́съ з҃:
Возвесели́тся првд̑никъ ѡ гдс̑ѣ и упова́етъ на него̀.
Сті́хъ:
Услы́ши бж҃е гла́съ мо́й, внегда̀ моли́ти ми ся къ тебѣ̀.
Апс̑лъ къ тімоѳе́ю, зача́ло сч҃в.
Аллилу́іа, гла́съ д҃:
Првд̑никъ я́кѡ фі́ніѯъ процвѣте́тъ:
Єѵг̑ліе лукѝ, зача́ло ѯ҃г.
И іѡа́нна, зача́ло н҃в.
Прича́стенъ:
Въ па́мять вѣ́чную бу́детъ првд̑никъ:
Слу́жба мч҃нкѡвъ ѻ́бща.
Прокі́менъ, гла́съ д҃:
Ст҃ы̂мъ, ѝже су́ть на землѝ єгѡ̀, удивѝ гдс̑ь вся̂ хотѣ̂нія своя̂ въ ни́хъ.
Сті́хъ:
Предзрѣ́хъ гдс̑а предо мно́ю вы́ну, я́кѡ ѡдесну́ю менѐ є́сть, да не подви́жуся.
Апс̑лъ къ ри́млянѡмъ, зача́ло ч҃ѳ.
Илѝ ко євре́ємъ, зача́ло т҃л.
Аллилу́іа, гла́съ д҃:
Воззва́ша првд̑ніи и гдс̑ь услы́ша ѝхъ, и ѿ всѣ́хъ скорбе́й и́хъ изба́ви ѝхъ.
Сті́хъ:
Мнѡ́ги скѡ́рби првд̑нымъ, и ѿ всѣ́хъ и́хъ изба́витъ я̀ гдс̑ь.
Єѵг̑ліе матѳе́а, зача́ло л҃ѕ.
Илѝ лукѝ, зача́ло р҃ѕ.
Прича́стенъ:
Ра́дуйтеся првд̑ніи ѡ гдс̑ѣ:
Слу́жба сщ҃енномч҃нка.
Прокі́менъ, гла́съ з҃:
Восхва́лятся прпд̑бніи во сла́вѣ, и возра́дуются на ло́жахъ свои́хъ.
Сті́хъ:
Воспо́йте гдс̑ви пѣ́снь но́ву, хвале́ніе єгѡ̀ въ цр҃кви прпд̑бныхъ.
Апс̑лъ ко євре́ємъ, зача́ло тл҃д.
Аллилу́іа, гла́съ в҃:
Сщ҃е́нницы твоѝ ѡблеку́тся въ пра́вду:
Єѵг̑ліе лукѝ, зача́ло ѯ҃з.
Прича́стенъ:
Въ па́мять вѣ́чную бу́детъ првд̑никъ:
Слу́жба сщ҃енномч҃нкѡвъ ѻ́бща.
Прокі́менъ, гла́съ з҃:
Чс̑тна̀ предъ̑ гдс̑емъ сме́рть прпд̑бныхъ єгѡ̀.
Сті́хъ:
Что̀ возда́мъ гдс̑ви ѡ всѣ́хъ я̀же воздадѐ мѝ;
Апс̑лъ ко євре́ємъ, зача́ло та҃і, ѿ полу̀.
Илѝ къ філіпписі́ємъ, зача́ло см҃з.
Аллилу́іа, гла́съ в҃:
Сщ҃е́нницы твоѝ ѡблеку́тся въ пра́вду:
Єѵг̑ліе лукѝ, зача́ло к҃д, и н҃в, и ѻ҃з.
Прича́стенъ:
Ра́дуйтеся првд̑ніи ѡ гдс̑ѣ:
Слу́жба прпд̑бномч҃нкѡвъ ѻ́бща.
Прокі́менъ, гла́съ з҃:
Восхва́лятся прпд̑бніи во сла́вѣ и возра́дуются на ло́жахъ свои́хъ.
Сті́хъ:
Воспо́йте гдс̑ви пѣ́снь но́ву:
Апс̑лъ прпд̑бномч҃нка єди́нагѡ, къ тімоѳе́ю, зача́ло сч҃а.
Прпд̑бномч҃нкѡмъ, апс̑лъ къ ри́млянѡмъ, зача́ло ч҃ѳ.
Аллилу́іа, гла́съ ѕ҃:
Бл҃же́нъ му́жъ боя́йся гдс̑а:
Сті́хъ:
Си́льно на землѝ бу́детъ сѣ́мя єгѡ̀.
Єѵг̑ліе прпд̑бномч҃нку єди́ному, ма́рка, зача́ло л҃з.
Прпд̑бномч҃нкѡмъ, єѵг̑ліе матѳе́а, зача́ло л҃и.
И лукѝ, зача́ло ѯ҃д.
Прича́стенъ:
Ра́дуйтеся првд̑ніи ѡ гдс̑ѣ:
Слу́жба ст҃ы́хъ мч҃нцъ ѻ́бща.
Прокі́менъ, гла́съ д҃:
Ди́венъ бг҃ъ во ст҃ы́хъ свои́хъ, бг҃ъ іи҃левъ.
Сті́хъ:
Въ цр҃квахъ бл҃гослови́те бг҃а, гдс̑а ѿ истѡ́чникъ іи҃левыхъ.
Апс̑лъ къ корі́нѳянѡмъ, зача́ло рп҃а.
Другі́й къ гала́тѡмъ, зача́ло с҃и.
Аллилу́іа, гла́съ а҃:
Терпя̀ потерпѣ́хъ гдс̑а, и вня́тъ мѝ, и услы́ша мл҃тву мою̀.
Єѵг̑ліе матѳе́а, зача́ло ѯ҃в.
И ма́рка, зача́ло к҃а.
Прича́стенъ:
Ра́дуйтеся првд̑ніи ѡ гдс̑ѣ:
Слу́жба прпд̑бныхъ же́нъ ѻ́бща.
Прокі́менъ, и аллилу́іа, пи́саны мч҃нцамъ.
Апс̑лъ къ гала́тѡмъ, зача́ло с҃и.
Єѵг̑ліе матѳе́а, зача́ло р҃д.
И лукѝ, зача́ло л҃г.
Прича́стенъ:
Въ па́мять вѣ́чную бу́детъ првд̑никъ:
Слу́жба исповѣ́дникѡвъ.
Прокі́менъ, аллилу́іа, и прича́стенъ пи́саны прпд̑бномч҃нкѡмъ.
Апс̑лъ ко єфесе́ємъ, зача́ло сл҃г.
Єѵг̑ліе лукѝ, зача́ло ѯ҃д.
Слу́жба безме́здникѡвъ.
Прокі́менъ, пи́санъ мч҃нкѡмъ.
Апс̑лъ къ корі́нѳянѡмъ, зача́ло рн҃г.
Аллилу́іа, гла́съ в҃:
Сѐ что̀ добро̀, илѝ что̀ красно̀, но є́же жи́ти бра́тіи вку́пѣ:
Єѵг̑ліе матѳе́а, зача́ло л҃д.
Прича́стенъ:
Ра́дуйтеся првд̑ніи ѡ гдс̑ѣ: