Съ бг҃омъ почина́ємъ, здѣ̀ в̾ предисло́віе ¬ в̾писа́хом̑, к̾_люботрѹ́днѣ тща́тисѧ хотѧ́щим̑ ¬ къ ра́зꙋмꙋ ѹче́ніѧ граммати́ческагѡ, и ¬ про́чихъ, ꙗ́же хрс̂тіѧ́нства зако́нъ ѡбде­ржи́тъ не са́ми собо́ю;
но винѹ̀ взе́мъ ѿ ¬ мно́гихъ ст҃ыхъ оц҃ъ жи́тіи, ꙗ́кѡ и сі́и ¬ дх҃оно́сніи ст҃і́и оц҃и мно́зи, граммати́ки, ¬ и про́чихъ кни̂гъ филосо́фскагѡ ꙋче́ніѧ, ¬ люботрѹ́днѣ во_ꙋче́ніи ѹпражнѧ́хꙋсѧ, и ¬ ѿ страны̀ в̾_странѹ̀, и ѿ́ града во́ град̑, пꙋтѝ ¬ ше́ствіе ѹче́ніѧ ра́ди творѧа́хꙋ.
си́цевъ о́браз̂ ¬ любомд̑ріа и на́мъ ѡста́виша иска́ти, ꙗ́коже ¬ на предѝ писа́ніе ꙗви́тъ.

Са́мъ ѹ́бѡ гдс̑́ь речѐ, спс҃и́тель на́шъ ¬ и бг҃ъ, ꙗ́кѡ іѡа́ннъ єѵг̑ли́стъ сви­дѣ́тельствꙋетъ, испыта́йте писа́­ніѧ, ꙗ́кѡ бы̀ мнитѐ в̾_ни́хъ имѣ́ти ¬ живо́тъ вѣ́чныи.
Ксемѹ́ же ѹ́бѡ ¬ зрѝ здѣ̀ в̾_напи́саное, ꙗ́кѡ ꙋ́бѡ и соло́мон̑ ¬ речѐ , разꙋмѣ́ти премѹ́дрость и наказа́­ніе.
разꙋмѣ́ти_же словеса̀ мѹ́дрости, ¬ пріѧ́ти_же изви́тіе словє́съ, и разрѣше́ніе ¬ гада́ніа.
разꙋмѣ́ти_же пра́вдꙋ и и́стинꙋ. ¬
Нача́ло премѹ́дрости стра́хъ гдс̑нь.
ра́­зꙋмъ_же бла́гъ всѣ́мъ творѧ́щимъ ю̀. ¬
мѹ́дрость чл҃кꙋ просвѣща́етъ лицѐ єгѡ̀. ¬
словеса̀ мѹ́дрыхъ в̾_поко́и слы́шатсѧ, па́че ¬ кли́ча ѡблада́ющихъ в̾_безѹ́міи.
Нача́ло ¬ премд̑рости боѧ́тисѧ бг҃а.
Та́коже и па́велъ ¬ апс̑лъ, къ тимоѳе́ю пиша̀ гл҃ѧ, внемлѝ ¬ чте́нію, ѹтѣше́нію ѹче́нію.
Про́чее_же ¬ рцє́мъ ω аѳона́сіи вели́ком̑ ꙗ́коже ѡ_не́мъ ¬ писа́ніе ꙗвлѧ́етъ.
єгда̀ єго̀ бж҃е́ственыи ¬ алеѯа́ндръ патріа́рхъ алеѯандрійскіи по ¬ игра́ніи при́_морѣ с̾_прочими о́троки, пре­дадѐ бж҃іей цр҃кви, да бѹ́дет̾ роди́тельми ¬ єгѡ̀, речѐ та́мω пита́емъ.
наꙋченъ же ¬ бы́сть аѳана́сіи всѧ́комꙋ писа́нію.
и грамма­ти́кꙋ дово́лно навы́че и филосо́фію.
и пре́дан̑ ¬ бы́сть архієре́ю, ꙗ́коже дрꙋгі́и самѹ́илъ, ¬ и въ цр҃кви пита́емь бѣ̀.
и сіѧ̀ ѹ́бѡ ω ¬ аѳана́сіи.
Про́чее же рцє́мъ ω григо́ріи ¬ бг҃осло́вѣ, ꙗ́коже въ житіѝ єгѡ̀ пи́шетъ. ¬
Ѻте́чество ꙋ́бω єгѡ втора́ѧ каппадокі́ѧ. ¬
гра́дъ же нанзіа́нзъ.
роди́телѧ же єгѡ̀ ¬ бл҃горо́дна и пра́ведна.
ѿ_нею́^же оц҃ъ ѹ́бѡ ¬ ꙗ́коже нѣ́кіи авраа́мъ быва́етъ пресе́лникъ ¬ ко бл҃гоче́стію.
па́стырь нанзіа́нзстѣй це́­ркви ѹстро́енъ бы́въ.
єгда́ же роди́ста ¬ бл҃же́ннаго сего̀ о́трока.
о́трокъ_же во обы́­чаєхъ оте́ческих̑ пита́емь.
въ_во́зрастъ ¬ же ѹ́же прише́дъ, и словесы̀ ѡбіѧ́тъ бы́въ ¬ жела́ніемъ, в̾ кесарі́йскіи гра́дъ по́йде, ¬ и та́мѡ съ до́брѣйшими ѿ ѹчи́тєль пре­бы́въ, и ѹче́ніе не ма́ло собра́въ.
и к̾_пале­сти́нѣ ѿплы̀, ри́торскіѧ жела́ѧ добро́ты ¬ ѹче́ніѧ, а не обы́чаю сеѧ̀ нака́занъ бы́ти. ¬
ѿтѹ́дꙋ же во алеѯа́ндровъ ѿхо́дитъ ¬ къ фа́рѣ.
мно́ги же гра́ды проходѧ̀, ¬ и мно́гихъ мꙋжє́й навы́кнꙋти мꙋдрова́ніѧ ¬ жела́ѧ въ собра́ніе премд̑рости ꙗ́коже нѣ́кіи ¬ речѐ мꙋдре́цъ.
и_мно́гꙋ ѿтѹ́дꙋ себѣ̀ при­плоди́въ по́льзꙋ.
та́же ма́терь словесє́мъ ¬ аѳі́ны постиза́етъ.
и васи́ліи вели́кіи во ¬ афі́ны пріи́де ра́внагѡ ра́ди томꙋ̀ наказа́­ніѧ.
спита́телни_же и єдинохра́мни бы­ша дрѹ́гъ дрѹ́гꙋ, ре́кше обои́хъ спрѧже́­ніе и совокꙋпле́ніе.
нижѐ предста́вити ¬ ꙋдо́бь є́сть єли́кѡ коего́ждо по́льзова. ¬
єди́ныи ѹ́бѡ а́ще и_что̀ разꙋмѣ́етъ, ¬ невѣ́рꙋѧ себѣ̀, ωбхо́дитъ ища̀ с̾_ни́мъ­же извѣсти́тсѧ.
єгда́же совокꙋпѧ́тсѧ, ¬ о́ба к̾ єди́номꙋ жела́нію наказа́ніа, дрѹ́гъ ¬ дрѹ́гꙋ показѹ́ютсѧ ѹтверже́ніе.
и́хъ­же о́въ ѹ́бѡ блꙋдни́цѣ спѧ́щи с̾_ни́мъ ¬ неподви́жимъ бѣ̀, о́въ_же въма́лѣ и_не­пристѹ́пенъ и́же ѿ блꙋдни́цъ бѧ́ше. ¬
Грамматикі́ѧ ѹ́бѡ тѣ́хъ, ни^что́^же ¬ ми́мω и́де ѹтаи́всѧ.
риторікі́и же гла­го́ланіа, добро́тꙋ процвѣ́тше, лжѝ ѹкло­ни́шасѧ.
філосо́фіи_же дѣ́льныѧ, и ¬ єли́ки въ догма́тѣхъ, и землемѣ́ріѧ ¬ ре́вность, и ѕвѣзда́мъ положе́ніе же и ¬ двиза́ніе, ꙗ́коже но́выи мѽѷсе́й и да­ніи́лъ наказѹ́ютсѧ.
не ко_о́нѣмъ па́че ¬ ведѹ́щесѧ, но плѣнѹ́юще по пи́санномꙋ ¬ въ послꙋша́ніе хрс̑то́во.
И не досегѡ̀ то́­чію.
Но и ω васи́ліи вели́цѣмъ то́й же ¬ бг҃осло́въ григо́ріи в̾_нагро́бном̑ сло́вѣ своеѧ̀ ¬ кни́ги пи́шетъ, въ_стихѣ̀, к҃г мъ, ¬ Въ сѹ́щемъ;
Си́це ѹ́бѡ всѧ̀ проше́дъ ꙗ́кѡ ¬ ни^кто́^же и́нъ си́це в̾_коне́цъ ко́ждо. ¬
ꙗ́кω ѿ ины́хъ ни^кто́^же.
Кто́ же по до­бродѣ́тели єгѡ̀ причасти́сѧ ѹче́ніемъ; ¬
ко́его ли наказа́ніѧ не испыта̀ извѣ́стнѡ; ¬
та́кѡ бо истѧ́жеши єго̀, всѧ̀ ѹче́ніѧ ¬ про́йде, ꙗ́кω ни єди́нъ кто̀;
а́ще бо ¬ истѧ́жеши єго̀ ꙗ́кω виті́ю и ри́тора, мнѣ́­ти и́маши, ꙗ́кω риторикі́ю єди́нꙋ вѣ́сть. ¬
а́ще ли ꙗ́кѡ філосо́фа раз̾сꙋди́ти, па́­ки філосо́фію мнѣ́ти хо́щеши па́че и́нѣх̾ ¬ вѣ́дꙋща.
а́ще ли грамматика̀ помы́сли­ши, по то́й хи́трости сѹ́диши и изрѧ́­дна.
по_єстествѹ́ бо лѣпоты̀ ємѹ̀ и ¬ доброслѹ́тіе здѣ̀, и ѿ_произволе́ніѧ тща́­ніе, ѿ_него́^же хи́трости исправлѧ́ютсѧ ¬ и си́лꙋ и́мꙋтъ.
тѣ́мъ_же васи́ліи не ¬ тре́бова тща́ніа, довлѧ́ше бо ємѹ̀ ко ¬ исправле́нію єго́^же хотѧ́ше, прилѣжа́­ніе єди́но имѣ́ти, кромѣ̀ хвалы̀, ¬ бо́рзости єстества̀.
и хвали́мое кромѣ̀ ¬ прилѣжа́ніѧ бо́рзости стѧжа́въ.
и та́кѡ ¬ о́бое счета́въ во єди́но, прилѣжа́ніе же ¬ и бо́рзость єстества̀, и ѿ_сегѡ̀ невѣ́до­мо бы́сть ѡ_не́мъ, кото́рыѧ ѿ си́хъ въ ¬ коне́цъ мѹ́дрости не дости́же.

ѿ толкова́ніа, к҃д гѡ, стиха̀.

Є́же ѹ́бѡ виті́йствомъ дыха́ти гл҃етъ бг҃о­словъ вели́комꙋ васи́лію ꙗ́коже огне́мь, ¬ ѿ_омі́ра взе́мъ таковꙋ́ю рѣ́чь.
то́й бо ¬ во свое́мъ писа́ніи повѣ́дает̑ огне́мь дыха́­ти парі́йскомꙋ химе́рꙋ трисло́жномꙋ ѕвѣ́­рю, ємѹ́^же пре́дъ льво́въ, за́дъ_же ¬ ѕмі́евъ, среда́ же химе́рова.
бг҃ословъ^же ¬ в̾ риторікі́и сѐ покла́дает̑, ꙗ́кω и то́й в̾тро́е ¬ раздѣлѧ́емѣ, в̾_совѣ́тное, и в̾_сѹ́дное, ¬ и в̾_то́ржественое.
и гл҃етъ, кто́_бѣ та́къ ¬ в̾ виті́йских̑, и́же ды́шет̑ огне́мъ си́лы.
оба́че ¬ без̾стѹ́дніи и_без̑сра́мніи рци́те, нѣ́сть ли ¬ ри́торъ по_виті́ѧх̑;
но ни гла́са нечи́ста и ¬ скве́рна ни_ло́жна;
но ри́торъ бѣ̀ по ѡбы́чаю ¬ соверше́нъ.
та́кѡ че́стенъ и непосра́мленъ ¬ и в̾_словесѣ́хъ ра́достенъ и си́ленъ.
кто́ ¬ ли въ_виті́ѧхъ тако́въ бѣ̀, и́же ва́рва­рскіи гла́съ посѣка́ющь, побо́рникъ и по­спѣ́шникъ бы́сть єлла́дъскꙋ ꙗзы́кꙋ.
Гра­ммати́ка є́сть искѹ́съ ѿ творє́цъ и ¬ списа́тель, ꙗ́кω во мно́зѣ глаго́ле­мое, мощѝ въ ма́лѣхъ сло́гнѧхъ ска­за́ти, та́коже и_скѹ́днѣ рече́нное по­испо́лнити и ѹпространи́ти.
Кто́ же толь­ма ω філосо́фіи, є́ликѡ ви́дѣнное и ¬ дѣ́ѧнное, єли́кѡ ѡ борбѣ̀ слове́сныѧ ве́­щи и проти́вныѧ ѹка́зы, ю́же по́вѣстнꙋю ¬ хи́трость именѹ́ютъ, ю́же вели́кій васи́­ліи тольма̀ испыта̀, ꙗ́коже ни_єди́нъ ¬ кто̀ ѿ проти́вѧщихъсѧ.
Въ_кри́тѣ бѣ̀ ¬ пеще́ра именѹ́ема олависинѳо́съ много ¬ исхи́трена несказа́ннѡ раз̑ли́чными хи́трость­мѝ, ѿ_неѧ́же а́ще мо́щнѡ комꙋ̀ разли́­чныхъ исхитре́ніи сплете́ніѧ дости́гнꙋти. ¬
та́коже и словє́съ вели́кагѡ васи́ліѧ, а́ще ¬ комꙋ̀ тре́бѣ быва́ше такова́гѡ плете́ніѧ ¬ словеса̀ и бесѣ́ды разли́чны, къ_бесѣ́дꙋ­ющимъ гото́въ бѣ̀.
ты́ же ми зрѝ ω ¬ се́мъ, ꙗ́кѡ всю̀ мѹ́дрость бг҃осло́въ по­слꙋшествѹ́етъ дрѹ́гꙋ єгѡ̀ васи́ліеви. ¬
мѹ́дрость бо и родосло́віе глаго́летсѧ ви́­дѣнно, та́че и обы́чай кра́ситъ, и гла­го́летсѧ дѣ́йственно, и є́же ω словесѝ ¬ противле́ніе быва́етъ.
та̀ ѹ́бѡ всѧ̀ испра́­ви вели́кіи васи́ліи.
ѕвѣздозако́ніе же ¬ и_землемѣ́ріе и_расчита́телное, толи́кѡ ¬ воспріѧ̀.
єльма́же неза́пѧтꙋ бы́ти въ ¬ таковы́хъ ѿ філосѡ̂фъ.
из̾ли́шное же ¬ ѿве́рже, ꙗ́кѡ не потре́бно бл҃гочести́­вымъ сѹ́ще, ѕвѣ́зднаѧ плете́ніѧ, и ¬ о́брази, и́миже гꙋбѧ́тсѧ про́мысли; ¬
ро́дъ_же и рожде́ніе, и и́на такова́ѧ, ѡпле­ва̀.
а_є́же вѣ́дѣти четы́рємъ временє́мъ ¬ измѣ́ны, повелѣ́нныхъ ра́ди свѣти́лѡмъ ¬ движе́ніи и сочета́ніѧ нбс̑нымъ, и́хъ^же ¬ ра́ди и творцѹ̀ диви́тисѧ, и в̾_мѣ́рꙋ ѿ_негѡ̀ ¬ зна́меніѧ смотри́ти, дождѧ́ же и бездо́­ждіе, и дꙋхѡ́мъ движе́ніе, и и́на та­кова́ѧ не ѿве́рже, но пріѧ́тъ, на́ бг҃а ¬ возложи́въ.
А є́же ѡкрѹ́жное ѡбри́щетъ ¬ ꙗ́же и под̾_небесе́мъ подвиза́ющаѧсѧ, и ¬ безнача́ла непщева́ти ви́димаго ми́ра, и ¬ бг҃ꙋ со^присносꙋ́щна, и всѐ єли́кѡ ба́сне­но, такова́ѧ ѿложѝ и ѿве́рже.

ѿ толкова́ніа к҃е гѡ.
Та́кѡ бо дово́лно ¬ имѧ́ше ѹче́ніе вели́кіи мѹ́жъ о́нъ и вы­со́кіи.
ѡ Іѡа́ннѣ же златоꙋ́стѣ, кто̀ ¬ не_вѣ́сть, єли́ка ꙗ́же ѿ_словє́съ списа́­ніѧ єгѡ̀ ви́дѣвъ, и почюди́тсѧ, ꙗкѡ в̾_ма́­лѣ вре́мени мно́га извыче.
бѣ́ѧше бо ¬ ѕѣлѡ̀ любѧ̀ ѹче́ніе.
ѹ́мъ сво́й ѹпра­влѧ́ѧ де́нь и но́щь на кни́жное ѹче́ніе. ¬
конча́вшꙋ же ємѹ̀ кни́жнаѧ ѹче́ніѧ, при­стꙋпи́въ к̾_лива́ніеви мꙋдрецѹ̀, ѹчи́тисѧ ¬ наказа́нію філосо́фскомꙋ.
и бѧ́ше бо ѕѣлὼ ¬ хи́тръ філосо́фской премѹ́дрости.
и ꙗ́кѡ ¬ извы́че до_конца̀, и в̾_во́зрастъ мѹ́жа бывъ, ¬ и та́кѡ изы́де ѿ_антіохі́и, и пріи́де во ¬ аѳі́ны, наконча́ти хотѧ̀ недовы́чное ѹче́­ніе, да_бѹ́детъ до_конца̀ хи́тръ.
и в̾ско́­рѣ почерпѐ в_себѐ премѹ́дрость, ꙗ́коже гѹ́­ба во́дꙋ.
и аѳінѣ́йскихъ ѹчи́тель и́же ¬ пред̾_ни́мъ бы́вшихъ, бо́ліи ꙗви́сѧ.

Ѿ_тогѡ́же над̾гро́бнагѡ сло́ва, толкова́­ніа, а҃і.
Но и внѣ́шнее, є́же мно́зи ѿ ¬ хрс̑тіа́нъ ненави́дѧтъ и ѿме́щꙋтъ, ꙗ́кω ¬ па́костно и навѣ́тно, и ѿ́_бг҃а разлꙋча́ю­що;
се́_же гл҃ютъ, ѕлѣ̀ раз̾сꙋжда́юще.
и́бо ¬ поне́же нѣ́ціи ѿ внѣ́шніа премѹ́дрости повре­ди́шасѧ ѹмо́мъ, восхотѣ́вше смы́слити ¬ ѡ небесѝ и землѝ, и ѡ_про́чихъ тва́рєхъ. ¬
Мы́_же ω си́хъ до́брѣ разꙋмѣва́юще, єли́­ка потре́бнаѧ к̾_животꙋ̀ и наслажде́нію, сіѧ̀ ¬ пло́дствим̑.
єли́ка_же врежда́ющаѧ, ѿмета́­емъ;
неподо́бѧщесѧ не^смы́сленым̑, и́же тва́рь ¬ воставлѧ́ющим̑ на творца̀, но ѿ тва́ри творца̀ ¬ разꙋмѣва́єм̑.
подо́бнѣ же о́гнь и_пи́ща и_же­лѣ́зо, и_єли́ка насредѣ̀, не_сѹ́ть_бо себѣ̀ ¬ потре́бна, нижѐ повре́дна, по_произволе́нію ¬ же пріе́млющих̑ сіѧ̀, илѝ потре́бна, илѝ по­вре́дна обрѣта́ютсѧ.
быва́ет̑ же и ѿ_плотє́й ¬ и плѣ́жꙋщих̑ ѕвѣрє́й спасе́ніе к̾_здра́вію, єхи́­дны ꙗ́дъ в̾_зе́ліе растворѧ́єм̑.
Та́кѡ ꙋ́бω и ω ¬ є́ллинских̑ ѹче́ніи, єли́кѡ є́сть испыта́телно ¬ и_зри́телно сѹ́щих̑ по єстествѹ̀, сіѧ̀ пріѧ́хом̑; ¬
єли́ка_же ле́стна и_па́гꙋбна, си́рѣчь боготворе́­ніѧ бѣсовѡм̾, и дрꙋга́ѧ подо́бнаѧ сим̑ ѿверго́­хом̑.
па́че же ѿ тѣ́хъ ѹче́ніи по́льзовахом̑ ¬ во_бл҃гоче́стіи.
Тѣ́мже неподоба́ет̑ ѹкарѧ́ти ¬ и_бесче́ствовати наказа́ніѧ, ꙗ́коже мни́тсѧ ¬ нѣ́кимъ не^искѹ́снымъ сѹ́щимъ и неимѹ́­щимъ ра́зꙋма, є́же раздѣли́ти лѹ́чшее ¬ ѿ_го́ркагѡ.
а́зъ ѹ́бо гл҃ю, ꙗ́ко и́же бесче́­ствꙋютъ наказа́ніе, ті́и са́ми не^нака́за­ни сѹ́ще, и велѧ́тъ всѣ́мъ не нака́занным̑ ¬ бы́ти, да́же ѿ нерадѣ́ніѧ ѕла́ѧ творѧ́ще, ¬ не_ѡблича́еми бѹ́дꙋтъ.
по_рече́нномꙋ, ꙗ́кѡ ¬ ѿри́нꙋша чю́в̾ство, и ѡблича́ющаго во вра­тѣ́хъ возненави́дѣша.
вси́ бо исповѣ́дꙋ­ємъ, ꙗ́кѡ честнѣ́йше є́сть ѹче́ніе в̾_на́съ ¬ и наказа́ніе сѹ́щих̑ бл҃гъ.
Кто́ же слы́шавъ ¬ не_почюди́тсѧ, превысо́кагѡ мѹ́жа ѹче́нію, ¬ и́же и плѣ́нника о́бразомъ бы́вша, свобо́­дна же ра́зꙋмомъ бл҃гоче́стіѧ, нари́чемь ¬ именова́ніем̑ козма̀, и́же и ѹчт҃лѧ бы́вша ¬ Іѡа́ннꙋ и́же из_дама́ска, и дрꙋго́мꙋ и́же ¬ и тезоимени́тъ ѹчи́телю.
что́ бо сі́й речѐ. ¬
се́_ли, ꙗ́коже добрѹ̀ не^нави́стніи зави́­стници;
ника́кѡ.
но сѐ, ꙗ́коже в̾_житіѝ ¬ ѡ_не́мъ іѡа́нна дамаски́на пи́шетъ.
се́ ¬ же мѧ єди́но ѡскорблѧ́етъ, ꙗ́кѡ всѧ́­кꙋ проидо́хъ чл҃ческꙋ премрд̑ость.
и ѡкрѹ́­жнꙋю пред̾положи́хъ ꙗ́коже ѻснова́ніе. ¬
риторікі́йскіи ꙗзы́къ ѡбъꙋчи́хъ.
бесѣ́до­вателным̑ прехожде́ніемъ и показа́ніем̑ сло­вє́съ нака́занъ бы́хъ.
обы́чнꙋю проидо́хъ, ¬ и єли́кꙋ и́же аристо́тель предадѐ.
и ꙗ́же ¬ ω єсте́ственомъ бг҃овидѣ́ніи всѧ̀ ꙗ́коже ¬ дово́лно є́сть человѣ́кꙋ, ѹзрѣ́хъ. ¬
числи́телной же словеса̀ из̾ѹчи́хъ.
земле­мѣ́р̾ствіе кра́йнее извыко́хъ.
составо­сло́віѧ же мꙋсікі́йскаѧ, и воспѧтосло́­віѧ честнолѣ́пнѣ испра́вихъ.
єли́ка ¬ ꙗ́же ѡ небе́сномъ движе́ніи, и ѡ_ѕвѣ́здном̑ ¬ ѡбноше́ніи, ника́коже ѡста́вихъ.
ѿ­сюдꙋ же и въ бг҃осло́віи преидо́хъ та́инъ­ство, и єго́^же о́троци є́ллинстіи пре­да́ша, и єго́^же и́же ѹ на́съ бг҃осло́вци ¬ изъѧви́ша не^ле́стнѣйше.
си́хъ_же ѹ́бѡ ¬ испо́лненъ бы́въ, не и єщѐ ино́мꙋ препо­да́ти доспѣ́хъ ω таковы́хъ по́льзы.
ни­жѐ ча́до роди́хъ любомꙋ́дріємъ отє́цъ ¬ подо́бнѡ.
лю́бѧтъ бо ꙗ́коже и мно́зи ¬ єсте́ственіи дѣ́ти ражда́ти, и ѿсю́дꙋ ро́да ¬ наслѣ́дію пребыва́ти тща́щесѧ;
си́це же ¬ и_и́же любомꙋ́дріє извы́кшіи ча́да ражда́­ти, ѹче́ніа ра́ди, и та́йнагѡ искѹ́са же­ла́ютъ, ꙗ́кѡ да_и́же по любомꙋ́дрію ро́дъ ¬ ѕлаты́и в̾ житіѝ да́же до_конца̀ пребѹдет̑. ¬
А и́же рожде́нію семѹ̀ чю́дномꙋ вино́вни, ¬ без̾сме́ртное наслѣ́дѧтъ бл҃гозва́ніє;
и ¬ и́накоже.
се́ бо є́сть бл҃гости сво́йстве­но, є́же преподава́ти, и ины́мъ є́же ¬ ѡбогати́тисѧ.
А и́же не си́це имѣ́ѧ, ни­жѐ си̂це хотѧ̀, и не_въ_благо́мъ пребыва́­ти, но в̾ лꙋка́вомъ, и_горды́ни и_за́ви­сти испо́лнь, ѿ_ни́хъже ѹ́бω препода́ти ¬ не восхотѣ̀ и́хже въ_прича́стіи бы́сть бла­ги́хъ, тѣ́м_же и є́же мни́тсѧ имѣ́ти, ¬ во́зметсѧ ѹ_негѡ̀, ꙗ́коже ω рабѣ̀ о́номъ ¬ не да́вшемъ то́ржникωм̑ тала́нтъ.
а́зъ же ¬ бл҃гѹ́ю ча́сть избра́хъ, ѿ_пребы́вшіѧ ми ¬ премрд̑ости, ины́мъ препода́теленъ бы́ти. ¬
єлма́же не полꙋчи́хъ жела́емое, ꙗ́кѡ ¬ да с_вѣ́рнымъ рабо́мъ о́нѣмъ сочета́нъ бѹ́­дꙋ, и́же тала́нтъ сотво́ршемь в̾ сꙋгѹ́бь­ствіи тре́бованіа ра́ди и́же ко_ины́мъ.
ни­жѐ ча́до любомꙋ́дріемь породи́хъ, и ѿ­хождꙋ̀ ꙗ́коже кто̀ рече́тъ, бесча́денъ и ¬ ѡкаѧ́нъ ꙗ́коже зри́ши слеза́ми ѡблива́ю ¬ лицѐ, и сѣ́тꙋю го́рцѣ;
и сіѧ̀ ѹ́бѡ ω ко­змѣ̀.
про́чеє ины́мъ да_храни́тсѧ.
ω ¬ ꙋченицѣ́х̾ же єгѡ̀, ω іѡа́ннѣ, и ѡ_тезо­име́нномъ ємѹ̀ сло́вомъ ѡбьѧви́мъ. ¬
Іѡа́ннъ же ꙗ́кω ѡре́лъ бѣ̀ по_воздѹ́хꙋ прелѣ­та́ѧи, и ꙗ́кѡ крилѣ̀ взе́млѧ бл҃гополꙋ́чное ¬ єстества̀ и произволе́ніѧ потща́тельное. ¬
а и́же бра́тъ єгὼ и ста́инникъ єгѡ̀ ко­зма̀, кора́бль бѣ̀ ꙗ́дрилы воскрилѧ́емь ¬ и бременмѝ ѡбноси́мь по вода́мъ дх҃а вѣ́­трꙋ дыха́ющꙋ и зефирови́днѣ ω корми́ло ¬ воздꙋва́ющꙋ.
си́це ско́ростію єстества̀ ¬ и тща́ніа трꙋдо́мъ, в̾ ма́лѣ вре́мени ¬ собра́сѧ си́ма всѐ потща́телное ѹчи́тель­ство, єли́кѡ грамматикі́йскагѡ, єли́кѡ ¬ бесѣ́довательнагѡ.
а и́же во обы́чаи лю­бомꙋ́дріа, не ѹ́мъ то́чію просвѣти́ста, ¬ ра́ди є́же все́мъ ѹче́ніа, но и дꙋше́вное ¬ ѹче́ніе спрѧ́таста.
и ѧ́коже оре́лъ остро̀ ¬ зри́тъ, си́це бѧ́хꙋ и о́на къ єсте́стве­нымъ острозри́телнѣ в̾зира́юща.
воспѧ­тосло́віа же чи́слена си́це из̾выко́ша бла­гоꙋ́мнѣ, ꙗ́коже пифаго́ре и діѡфа́­нде.
землемѣ́рномꙋ же ѹказа́нію си́­це наказа́ни бы́вше, ꙗ́кѡ єѵ̾кли́дѣ ¬ нѣ́кіѧ си́хъ мнѣ́ти.
илѝ и́ны нѣ́кіѧ ¬ таковы́ же.
ω соста́вителной же тако­вѝ показа́шасѧ, ꙗко́въ же ѹ́бѡ бѣ̀, ¬ ѿ_него́же ис̾са́ша бж҃е́ственыхъ пѣ́сней, ¬ и ꙗвле́нымъ ꙗвле́ни бы́ша.
ѡ_звѣздоче́­тіи_же, єли́кѡ въ_раз̾стоѧ́ніихъ и во­ѡбраже́ніихъ и воспѧтосло́віихъ ѿстꙋ­па́телныхъ а́ще и скѹ́днѣ произы́де ¬ ꙗ́коже ω си́хъ в̾ ма́лое невѣ́ждамъ ра­зꙋмѣ́ніе, ꙗко́въ_же бѣ̀ іѡа́ннъ ѿ_ни́хъ­же писа́ше познава́етсѧ, тако́въ же бѣ̀ ¬ и козма̀.
а є́же ω бг҃осло́віи єгὼ и ω ¬ ѡпа́сныхъ догма́тѡхъ, кто̀ не_ꙋвѣ́сть ¬ и почюди́тсѧ ѿ соста́вителныѧ єгὼ кни­ги.
Но и стефа́нова тща́ніа ко_ꙋче́нію ¬ нѣ́сть потре́ба є́же молча́ніемъ сло́во при­кры́ти и́же глаго́летсѧ и сꙋро́жꙋ епкс̑пъ. ¬
та́кѡ бо ѡ_не́мъ в̾ житіѝ єгѡ̀ пи́шетъ. ¬
Єгда̀ бы́сть седмѝ лѣ́тъ, в̾^да́ста єго̀ ¬ роди́телѧ на_ꙋче́ніе гра́мотѣ.
и в̾ ма́лѣ ¬ вре́мени то́й извы́че, ѕѣлѡ́ бо бѧ́ше лю­бѧ̀ ѹче́ніе, и жада́ѧ бо́льшаго ꙋче́ніа. ¬
єгда́же бы́сть, пѧти́надесѧте лѣ̂тъ, и ¬ ѿи́де в̾ цр҃ь грд̑а, хотѧ̀ конча́ти не^до­ꙋмѣ́нное ꙋче́ніе.
и прилѣжа́ти нача̀ ѹче́­нію ѕѣлὼ, да бѹ́детъ до конца̀ хи́тръ. ¬
бѧ́ше бо єстество́мъ, ре́кше ро́домъ, ¬ до конца̀ смы́сленъ.
мꙋ́дрость в̾ себѐ ско́­рѡ вовлечѐ, а́ки гѹ́ба во́дꙋ.
и извы́че ¬ всю̀ грамматикі́ю и філосо́фію из̾ѹ́сть, ¬ и риторикі́ю и софистикі́ю, и превзы́де ¬ всѣ́хъ ѹчи́тєль и́же во́_градѣ.
Что́_же ¬ по_си́хъ;
Но и ω андре́и і́же кри́тꙋ бы́сть ¬ єпкс̑пъ.
не хѹ́дꙋ ѹ́бѡ и се́й цр҃кви па́­мѧть ωста́ви.
та́кѡ бо ѡ_немъ в̾ житіѝ ¬ єгѡ̀ пи́шет̑.
роди́сѧ ѿ бг҃олюби́вꙋ роди́телю, ¬ гра́да дама́ска.
из̾ꙋчи́въ ме́ншаѧ пи́сме­на, и къ грамматикі́йскомꙋ хꙋдо́жествꙋ ¬ в̾да́въ себѐ.
но и аѳана́сіа і́же и аѳѡ́­нꙋ сожи́телѧ въ житіѝ єгὼ писа́ніе ѡбьѧ­влѧ́етъ ѕѣлѡ̀ многоꙋче́на, ꙗ́коже речѐ ¬ списа́тель.
Сего̀ изнесѐ вели́кіи грд̑а трапе­зо́нтъ.
возрасти́ же слове́снѣ византі́а. ¬
то́й ѡста́вль дѣ́тскаѧ всѧ̀, и бж҃іи ¬ стра́хъ возлюбѝ.
и а́біе грамматикі́и ¬ в̾ наꙋче́ніе пре́данъ.
и кни́жнагѡ ра́ди ¬ ѹче́ніа чю́денъ бѧ́ше.
Нѣ́сть бо прило́гъ ¬ къ пра́вдѣ мздовозда́ріѧ, є́же ми мо­лча́ніемъ сло́ва ѹста̀ загради́ти и ω ѳе­о́дѡрѣ, ꙗ́коже в̾ житіѝ єгѡ̀ ω_не́мъ ¬ с̾^писателъ ꙗвлѧ́етъ и́же послѣдѝ и єде́­сꙋ бы́сть єпкс̑пъ.
не ѿ роди́телю ли бѧ́­ше свари́мь, за закоснѣ́ное во_ꙋче́ніи ¬ єстества̀ и не бы́строе.
не не больма́ же ¬ и ѿ наказа́телѧ томи́мь, и ѿ дрꙋжи́­ны ѹкарѧ́емь.
и ꙗ́ко ви́дѧ себѐ в̾ тако­вы́хъ, совѣ́тъ в̾ себѣ̀ бла́гъ совѣща̀. ¬
къ_бг҃ꙋ ѹ́мъ сво́и возвы́си.
и в̾_цр҃ковь при­бѣжѐ въ_нлд̑ьныи де́нь.
и во олта́рь в̾шед̑, ¬ и под̑ ст҃о́ю трапе́зою себѐ скры̀.
и ни_єди́номꙋ­же ѿ_ієре́й ви́дѣвшꙋ єго̀.
и во́ньже бжс̑тве­ныѧ слѹ́жбы, въхо́дъ сотворѝ архієре́й ¬ с̾_кли́росомъ и́же сѹ́щим̑ с_ни́мъ, и_бжс̑тве­нꙋю соверша́аше слѹ́жбꙋ.
дѣ́тищь же ¬ ѳео́доръ сно́мъ ѹ́спе под̑ ст҃о́ю трапе́зою, ¬ и бѣ̀ та́кω и до_сконча́ніѧ литꙋргі́и. ¬
тѹ́же ѹ́бѡ сы́и, ви́дѣ лице́мь к̾ лицѹ̀ ¬ юнца̀ добро́тою кра́сна, со́томъ ме́довным̑ ¬ пита́юща ѝ, и и́ноческое повѣ́дающа ємѹ̀ ¬ житіє̀, и па́стырныи врꙋча́юща ємѹ̀ ¬ же́злъ.
дѣ́тищь же къ_видѣ́нію разгорѣ́­всѧ, и ꙗ́кѡ хрс̑тосъ гдс̑ь и_бг҃ъ є́сть разꙋ­мѣ́въ, припадѐ ко ст҃ы́ма нога́ма єгὼ. ¬
и бл҃гослове́нъ бы́сть бж҃е́ственымъ єгѡ̀ ¬ ѡсѣне́ніемъ.
возбнѹ́въ же а́біє, изы́­де ѿ бж҃е̑ственыѧ трапе́зы.
сконча́нѣ же ¬ бы́вши слѹ́жбѣ.
єго́же архієре́й ви́дѣвъ, ¬ ѕѣлѡ̀ на мно́зѣ ѹжа́сенъ бы́въ.
и вопро­шаа́ше ѝ, кто̀ совѣща̀ ємѹ̀ тѹ̀ сокрове́­ніе.
дѣ́тищь_же, просты́мъ обы́чаемь и_кро­ткимъ гла́сомъ исповѣ́да, мно́гою гла­го́лѧ не хи́тростію ѡдержи́мь, и не могі́и ¬ наꙋчи́тисѧ ст҃ы́хъ кни̂гъ.
и ꙗ́кѡ мно́ги­ми искꙋша́емь ѕлы́ми, ѿ роди́телю ѹ́бѡ ¬ и ѹчи́тель, и ничто́же ѿвсю́дꙋ полꙋчи́въ, ¬ къ_бл҃го́мꙋ прибѣго́хъ гдс̑ꙋ и_бг҃ꙋ всѣ́хъ. ¬
и_посе́мъ и стра́шное о́но видѣ́ніе исповѣ́да. ¬
Ꙗ́коже слы́шавъ архієре́й, пристра́шенъ ¬ бы́сть, и бл҃года́рственыѧ бг҃ови воздаѧ́ше ¬ пѣ́сни.
а́біє же рѹ́цѣ возложѝ на дѣ́ти­ще, четце́мь ѝ сотворѝ, и в̾ сво́й єго̀ при­чтѐ кли́росъ ѿ тогὼ часа̀.
ѿто́лѣ ѹ́бѡ ¬ любе́зенъ быва́етъ ѹчи́телемь.
любе́зен̾ же ¬ и дрꙋжи́нѣ.
о́вы же минѹ́ѧ, о́вѣхъ же ¬ превосходѧ̀ по_всѧ́комꙋ о́бразꙋ наказа́­ніѧ.
Пе́рвѣе ѹ́бω бж҃е́ственаѧ сіѧ̀ писа́­ніѧ на́ша навы́че, доблемѹ́дренѣ и чи́­стѣ.
посе́мъ_же и ѡкрꙋ́жнеє начина́етъ ¬ наказа́ніе ѿ нѣ́коегѡ премѹ́дра, софро́­ніа нарица́емагѡ, єго́же тогда̀ о́бща ка­за́телѧ єде́с̾скіи гра́дъ имѣ́ѧше.
къ се­мѹ̀ ꙋ́бѡ вы́нꙋ в̾^хождаа́ше, граммати­кі́йское и ри́торское любомꙋ́дріе навыцаа́­ше.
сі́й любомꙋдре́цъ, дѣ́лом̾ же и сло́­вомъ ꙗвлѧ́ѧсѧ, и бл҃говѣріем̾ ѹкраша́ѧ ¬ себѐ;
до здѣ̀ ѹ́бѡ ω ѳео́дорѣ.
Но и ω_ѯе­нефо́нтовꙋ сн҃ꙋ прили́чнѡ здѣ̀ ꙗви́ти.
ви́­диши ли, ꙗ́кω со мно́зѣмъ тща́ніемъ ¬ воспита́лъ а̀ хотѧ а̀ своемѹ̀ житію̀ на­ꙋчи́ти и дѣ́ланію.
наꙋчи́въ а̀ всѧ́кой ¬ премрд̑ости бжс̑твенѣй же и человѣ́честѣй. ¬
посла́ же а̀ и в̾ вири́тскіи гра́дъ ѹчи́тисѧ ¬ кни́гамъ, и ничесо́же бо хотѧ́ше лиши́ти ¬ а̀ ѿ бж҃е́ственыхъ кни̂гъ премѹ́дрости. ¬
ꙗ́же ѹ́бѡ та́мѡ и бы́ста.
и болѣ́вшꙋ ¬ оц҃ꙋ єю̀, и к_ни́ма писа́ніе посла́вши ¬ ма́ти єю̀, ꙗ́кω да въско́рѣ до́мъ сво́й ¬ присѣти́та;
си́це же тѣ́ма и не не сотво́­ршима, и о́ч҃еє благослове́ніє воспріѧ́­ста.
и в̾ тѹ̀ но́щь слы́шаста ре́кша оц҃а ¬ к̾_ни́ма, ꙗ́кѡ присѣтѝ менѐ бг҃ъ, ¬ о́бою ва̀ да́стъ ми, и повелѣ́ ми бы́ти ¬ єщѐ в̾ се́й жи́зни.
сіѧ́ же слы́шавша сн҃а ¬ єгѡ̀ велмѝ возра́довастасѧ, и сла́вꙋ бг҃ꙋ ¬ возда́ста.
приложи́въ оц҃ъ єю̀, речѐ ¬ к̾_ни́ма, ча́дца, ше́дша, сконча́йта ¬ ѹче́ніє ва́ю.
єгда́ же сконча́ета, в̾ско́­рѣ возврати́тасѧ;
ви́дѣ ли люби́миче до́­брое жела́ніе ко ꙋче́нію оц҃а;
ви́дѣ ли и сн҃ꙋ ¬ єгѡ̀ с_раче́ніемъ послꙋша́ніе къ_любомꙋ́­дрію тща́телное.
и ѡ_сею̀ ѹ́бѡ до_здѣ̀. ¬
Что́ же к̾ си́мъ рещѝ, не не^дово́льство ¬ тща́ніе принꙋжда́етъ к̾_ра́зꙋмꙋ сло́ва, и ¬ ω і^сі́дѡрѣ воспомѧнѹ́ти къ_любомꙋ́дріа ¬ тща́тель, къ_сра́мꙋ же и в̾ затка́ніе ¬ ѹ́стъ не^бл҃гопріѧ́тныхъ и поноша́ющихъ ¬ бы́ти любомꙋ́дрію.
да посрамѧ́тсѧ ѹ́бѡ ¬ и́же не внима́ющіи во_ꙋче́ніе словесы̀ бг҃осло́­вєцъ, па́че же ѹкарѧ́ющіи сіе, и инѣ́мъ ¬ воз̾бранѧ́ющіи.
воспросла́вѧтъжесѧ и ѿ́ ¬ бг҃а, и чл҃къ, и́же то̀ проходѧ́щіи, ꙗ́коже ¬ и се́й, ѡ_не́м̾^же и здѣ̀ вина̀ сло́вꙋ на^ле­жи́тъ.
єгѵ́птѧнин̾ се́й ѹ́бѡ бѣ̀ ро́дом̑. ¬
ѿ́ града пилꙋсі́искагѡ.
сн҃ъ бл҃говѣ́рнꙋ ро­ди́телю.
ю́жики имѣ́ѧ ѳеѡ́філа и кѷри́­ла алеѯа́ндр̾скагѡ єпкс̑па.
наꙋчи́жесѧ не ¬ то́чію ст҃ы́мъ кни́гамъ, но и внѹ́тренне­мꙋ и внѣ́шнемꙋ писа́нію.
и бѣ̀ мѹ́дръ ¬ ѕѣлѡ̀.
и кни́ги писа́ше.
вселе́ннꙋю просвѣ­тѝ посла́ніи свои́ми.
всѧ́кимъ писа́ніемъ ¬ наказа́въ мно́ги.
и мно́ги добродѣ́тели ¬ сотвори́въ.
не_то́чію_бо не^вѣ́ждами на ¬ по́льзꙋ бѧ́ше ѹче́ніе єгѡ̀ и посла́ніѧ, но ¬ и цр҃є́мъ и єпкс̑мъ и кнѧзє́мъ.
и на­писа десѧть_^ты́сѧщъ посла́ніи.
И нико́лꙋ ¬ ѹ́бѡ игѹ́мена стꙋді́йскаго досто́итъ ¬ здѣ̀ в̾^спомѧнѹ́ти, ꙗ́кѡ и се́й не не^до­сти́жно ꙋче́ніе си потща́ніѧ рачи́тельством̑ ¬ сѝ притѧжа̀.
ѿ_ю́ныѧ версты̀ преда́ста ¬ єго̀ роди́телѧ ѹчи́тисѧ кни́гамъ.
по_на­ѹче́ніи же ѱалты́ри пꙋсти́ста єго̀ роди́­телѧ в̾ константи́нь гра́дъ къ стры́ю сво­емѹ̀, и́мѧнемъ ѳео́фанꙋ.
и та́мѡ ¬ ѹспѣва́ше мꙋ́дростію и во́зрастомъ, и ¬ ѿ всѣ́хъ дѣ́тскихъ нра̂въ ѿ^враща́шесѧ. ¬
бж҃е́ственымъ же свы́ше дарова́ніемъ в̾^ско́­рѣ всѧ̀ писа́ніѧ кни́жнаѧ извы́къ.
и ¬ грамматикі́ю нача́тъ ѹчи́ти, и тѹ̀ ¬ в̾^ско́рѣ извы́къ єсте́ственою острото́ю ¬ ꙋма̀ своегѡ̀.
и ѿ си́хъ до_здѣ̀.
Не не^по­до́ба же ѹ́бѡ на^лежи́тъ а́ще и па́ки ω ва­си́ліи вели́цѣм̑ писа́нію преда́ти и здѣ̀ ѡбьѧ­ви́ти, ꙗ́коже ω_нем̑ и́же и житіѐ єгѡ̀ с̾^писа́выи ¬ амфіло́хіи иконі́йскіи єпкс̑пъ речѐ.
Васи́ліи ¬ єдин̑ на землѝ.
ра́вно показа̀ словесе́мъ и ¬ житіѐ, бжс̑твеною премрд̑остію просвѣти́въ ¬ си житіѐ.
всѧ̀ хрс̑то́ви да́въ.
дш҃ю и тѣ́­ло.
сло́во ꙋче́ніѧ, и́мъ^же и є́ллинскꙋю мѹ́­дрость, ꙗ́кѡ пла́т̾ паꙋчи́ны растерза̀.
се́й ¬ седмим̑ лѣ́томъ бы́в̾, пре́дан̑ бѣ̀ ѿ ро́ждьших̑ ¬ на_ꙋче́ніе ст҃ы́мъ кни́гам̑.
ѹпраз̑дни́в̾жесѧ во ¬ ꙋче́ніи на се́дмь лѣ̂тъ, приплодѧ̀ мно́жай­шее любомрд̑остное хꙋдо́жество, кро́тостію ¬ єстества̀.
а́біе_же ѹ́бо ωста́вль оте́чество, ¬ капподокі́ѧнин̑ бо бѣ̀ ро́дом̑, постиза́ет̑ ма́терь ¬ словесем̑ аѳі́ны.
чистото́ю же и мно́зѣм̑ возде­ржа́ніемъ и целомꙋ́дріемъ ѹкра́шенъ. ¬
прихо́дитъ же къ наста́вникꙋ є́ллин̾скагѡ ¬ любомꙋ́дріа, еѵ̾вѹ́лꙋ и́менемъ.
и ¬ та́кѡ себѐ в̾^дадѐ ѹче́нію, ꙗ́кω чꙋди́­мꙋ ємѹ̀ бы́ти ѿ ѹчи́телєй.
бы́ша же ¬ семѹ̀ дрѹ́зи во_ꙋче́ніи, Григо́ріи вели́­кіи, и́же нанзіа́нзꙋ бы́въ єпкс̑пъ.
и ¬ іѹліа́нъ и́же пре́жде в̾ ма́лѣ на^рек̾^сѧ ¬ хрс̑тіѧ́нинъ.
и лѷва́ніи.
Си́це же ѿ ¬ всѣ́хъ чꙋди́мь сы́и мѹ́жь се́й.
Поло­жѝ въ срд̑ци свое́мъ, не вкꙋси́ти хлѣ́ба ¬ и вина̀, до́нде^же ѿ вы́шнѧгѡ промышле́­ніѧ разꙋмѣ́етъ бжс̑твеныѧ премд̑рости не^ ¬ изрече́нныѧ.
Пребы́сть же во_ꙋчи́лищихъ, ¬ е҃і.
лѣ́тъ.
и всю̀ є́ллин̾скꙋю мѹ́дрость ¬ прошед̑ в̾ коне́цъ.
и астрономі́ю.
и до́брѣй­шаѧ собра́въ.
И ника́ко^же ѡбрѣстѝ могі́и ¬ тѣ́ми и́же всѣ̂хъ содѣ́телѧ.
Во_єди́нꙋ ¬ же но́щь бдѧ́щꙋ ємѹ̀, бжс̑твеное нѣ́кое ¬ ωсіѧ́ніе быва́етъ ємѹ̀ гл҃ющее, пройтѝ ¬ коеѧ́ждо вѣ́ры писа́ніе.
Воста́въ ѹ́бѡ ¬ идѧ́ше во_єгѵ́петъ.
и прише́дъ къ єди́но­мꙋ ѿ архи́мандритъ порфѵ́рію и́менемъ, ¬ просѝ да́ти ємѹ̀ кни́ги сщ҃е́нныѧ къ_ра­зꙋмѣ́нію бж҃е́ственыхъ велѣ́ніи, и сего̀ ¬ полꙋчи́въ.
пребы́сть_же та́мω наслажда́­ѧсѧ поꙋче́ніемъ бж҃е́ственыхъ словє́съ. ¬
водо́ю и зе́ліемъ пита́ѧсѧ.
лѣ́тное же ¬ вре́мѧ та́мω проводи́в̾, и и́стинное сло́во ¬ вѣ́рою разсмотри́въ, просѝ ѿпꙋще́нꙋ бы́­ти ємѹ̀ во_ієрс̑ли́мъ мл҃твы ра́ди, и ꙗ́же ¬ та́мω ви́дѣти хотѧ́щꙋ ємѹ̀ чюдеса̀. ¬
о́нъ же помоли́сѧ ѡ_не́мъ, ѿпꙋстѝ ѝ. ¬
Возврати́вжесѧ идѣ́же є́ллинскомꙋ любо­мꙋ́дрію нака́зан̑ бы́сть, нача́тъ препира́ти ¬ мно́ги філосо́фы, и мно́жество є́ллинъ ¬ приводи́ти бг҃ови, показѹ́ѧ и́мъ пѹ́ть спа­се́ніѧ.
искаа́ше же своего̀ наста́вника єѵвѹ́­ла, бѣ́ бо то́й во́ждь сло́вꙋ на возда́ніє ¬ потрꙋже́нымъ ѿ_негѡ, привестѝ єго̀ к̾_не­поро́чнѣй вѣ́рѣ .
ꙗ́кω томꙋ̀ пра́вѣ текѹ́­щꙋ к_не́й, всѣ́мъ послѣ́довати ємѹ̀ ꙗ́кѡ ¬ ꙋчи́телю, и́же ѿ_любомꙋ́дріѧ своди́мымъ. ¬
по^иска́въ же и́хъ всѣ́хъ во ꙋчи́лищахъ, ¬ и ѡбрѣ́те и_єѵ̾вѹ́ла в̾ пред̑гра́діи с̾ дрꙋги́ми ¬ філосо́фы совопроша́юща слово.
ничто́ бо ¬ бѣ̀ и́мъ тщи́моє, ра́звѣ гл҃ати что̀ и слы́­шати но́вѣйшо.
бесѣ́дꙋющꙋ ѹ́бѡ ємѹ̀, ¬ зазрѣ̀ ємѹ̀ прише́дъ васи́ліи.
и нѣ́кіи ¬ ѿ_и́же с_ни́мъ речѐ, зазрѣ̀ тебѣ̀ нѣ́кто ¬ ѽ філосо́фе.
о́нъ_же речѐ, илѝ бг҃ъ, илѝ ¬ васи́лій.
позна́въ же ѹ́бѡ єго̀;
и сѹ́щих̑ ¬ с_ни́мъ всѣ́хъ ѿпꙋсти́въ.
бѣ́_же съ_васи́­ліемъ.
и трѝ днѝ бес_пи́щи пребы́ша вопро­шаа́хꙋсѧ дрѹ́гъ къ_дрѹ́гꙋ.
и вопросѝ ¬ єѵ̾вѹлъ васи́ліа, что̀ є́сть ѹста́въ любо­мꙋ́дріѧ васи́ліе.
о́нъ_же речѐ, ѹста́въ ¬ любомꙋ́дріѧ є́сть, поꙋче́ніе сме́рти. ¬
о́нъ_же почюди́всѧ речѐ, кто̀ є́сть ми́ръ; ¬
васи́ліи речѐ, и́же вы́ше ми́ра.
и сла́дка ¬ ѹ́бѡ мир̾ска́ѧ словеса̀, го́рекъ_же ми́ръ ¬ се́й ѕѣлѡ̀.
си̂це ѹ́бѡ и сѹ́щѧа и́мъ бл҃го­че́стнѣ ѹправлѧ́ше, ко_ієросали́мꙋ ѿхо­ждаа́хꙋ, ѡбраща́юще всѧ̀ къ_гдс̑ꙋ.
до­спѣ́вше_же во_антіо́ховъ гра́дъ, внидо́ша ¬ в̾ гости́нницꙋ нѣ́кꙋю.
Сы́нъ_же гости́нни­ка, ємѹ́же и́мѧ філоѯе́нъ сѣдѧ́ше пред̑ ¬ две́рми въ_ско́рби мно́зѣ, бѣ́_же и то́й ¬ ѹчени́къ лива́ніа мꙋдреца̀.
взе́мъ стихѝ ¬ ѿ негѡ̀ оми́р̾скіѧ, є́же преложи́ти и́хъ ¬ на_ри́торскіѧ, и в̾ ско́рби мно́зѣ се́й и в̾_не­доꙋмѣ́ніи пребываа́ше.
єго́же ѹзрѣ́въ ¬ васи́ліи речѐ к̾_немѹ̀, что̀ ра́ди дрѧ́хлъ ¬ єсѝ ѽ ю́ноше.
о́нъ_же, ка́ѧ_ми по́льза ¬ речѐ, а́ще рекѹ̀ тебѣ̀.
пребыва́ющꙋ же ¬ ємѹ̀ и ѡбѣщава́ющꙋсѧ ємѹ̀ по́льзова­ти, речѐ ємѹ̀ и мꙋдреца̀ и стихѝ. ¬
и ꙗ́кѡ сегѡ̀ ра́ди скорблю̀.
о́нъ_же взе́мъ ¬ ты́ѧ стихѝ, нача́тъ гл҃ати тѣ́хъ пре­ложе́ніе до_тріє́хъ преложе́ній.
ѹди́вль­жесѧ ю́ноша, и ра́достенъ бы́въ, на­пи́саны из̾ложи́ти сіѧ̀ молѧ́ше.
о́нъ_же ¬ написа̀ тѣ́хъ сказа́ніе въ_преложе́ніихъ. ¬
о́трокъ_же пріѧ́тъ и́хъ ра́дꙋѧсѧ, и_за­ꙋ́тра прихо́дитъ къ лива́нію, и_въ^дае́тъ ¬ ємѹ̀ стихѡ́въ приложе́ніе.
пріє́мъ_же ¬ лива́ніи, и ѹди́вльсѧ ω преложе́ніи речѐ, ¬ та́ко ми бж҃е́ственагѡ про́мысла, никто́­же ѿ ны́нѣшнихъ мѹ́дрыхъ таково́е ска­за́ти мо́жетъ.
ѿкѹ́дꙋ_бо си́хъ ново­содѣ́тель.
и речѐ о́трокъ, стра́ненъ ¬ нѣ́кіи прише́дъ вчера̀ в̾ гости́нницꙋ мою̀, ¬ гото́вѣйше изъѧвѝ си́мъ разрѣше́ніе. ¬
не_покоснѣ́въ ѹ́бѡ лива́ніи, теко́мъ ¬ въ_гости́нницꙋ прихо́дитъ, и ви́дѣвъ ¬ васи́ліѧ кѹ́пнѡ, съ єѵ̾вѹ́ломъ, ¬ ѹжа́сенъ бы́въ не неча́ѧннымъ прихожде́­ніѧ.
молѧ́ше же и́хъ ѡбита́ти в̾ домꙋ ¬ єгὼ.
и сего̀ понꙋ́дивъ бѣжда́ше а̀ разли́­чныѧ вкꙋси́ти пи́щи.
они́_же хлѣ́ба и_во­ды̀ насы́щьшесѧ в̾ мѣ́ру, и по_держи́момꙋ ¬ и́ми послѣ́дованію бл҃годари́ша всѣ́хъ бг҃а ¬ и_давца̀ бл҃ги́хъ.
Посе́мъ лива́ній к̾ васи́­лію речѐ, побесѣ́довати не ѿрци́сѧ и́же ¬ ѹ_менѐ и́нымъ.
васи́ліи_же в̾^ско́рѣ собра̀ ¬ ю́ныѧ.
и_ѹча́ше ѝхъ дше́внꙋю имѣ́ти ¬ чистотꙋ̀, и без̾стра́стіе тѣле́сное.
стꙋ­па́ніе кро́тко.
гла́съ ѹмѣ́ренъ.
сло́­во благочи́нно.
пи́щю и_питіѐ немѧте́­жно.
при_старѣ́йшихъ молча́ніе.
при ¬ мѹ́дрѣйшихъ послꙋша́ніе.
къ пре­имѹ́щымъ повинова́ніе.
къ ра́внымъ ¬ себѐ и_ме́ншимъ любо́вь нелицемѣ́рнꙋю. ¬
ѿ ѕлы́хъ плотьски́хъ и любопло́тныхъ, ¬ ѿ^лꙋча́тисѧ.
ма́лѡ вѣща́ти, ¬ мно́жайшаѧ разꙋмѣва́ти.
не_проде́рзова­ти сло́вомъ.
не_избы́точествовати бесѣ́­дою.
не_де́рзымъ бы́ти на смѣ́хъ, сты­дѣ́ніемъ ѹкраша́тисѧ.
жена́мъ нечи́­стымъ не_бесѣ́довати.
до́лꙋ зрѣ́ніе имѣ́­ти, горѣ́_же дѹ́шю.
бѣ́гати сꙋпротиво­сло́віѧ.
не_ꙋчи́тельскіи гони́ти са́нъ. ¬
ничто́же в̾^мѣнѧ́ти, є́же ѿ_всѣ́хъ че́­сти.
а́ще_ли кто̀ ѿ_ва́съ мо́жетъ ины́хъ ¬ по́лзовати, и си́хъ ра́ди вс̂ѣхъ, ꙗ́же ¬ ѿ́ бг҃а, мздѹ̀ ѡжида́етъ, и_вѣ́чныхъ ¬ бл҃гъ наслажде́ніе.
и сіѧ̀ ѹ́бѡ до_здѣ̀. ¬
Что́_же по си́хъ;
Не нето́чнѡ рещѝ на_си­цевы́хъ, и́же ѹче́ніѧ въ бж҃е́ственомъ ¬ хрс̑тіѧ́нскомъ зако́нѣ не глаго́лющихъ, ¬ ѿ кни́ги преподо́бнагѡ оц҃а іѽа́нна дама­ски́на ꙗ́коже гл҃етъ.
По_бж҃ію о́бразꙋ со́з̾­данномꙋ чл҃кꙋ, и сло́ва почте́нномꙋ ¬ са́номъ, сегѡ̀ ча́сти и́миже состои́тсѧ, ¬ не без̑_ѹче́ніа ѡста́вити потре́ба.
а́ще бо ¬ и_кромѣ̀ си́хъ в̾ дш҃и состои́тсѧ сло́во, ¬ ꙗ́коже ѹча́тъ бг҃оно́сніи оц҃и, но_ко_вто­ро́мꙋ рожде́нію пло́ти.
є́же ѹстна́ми и ¬ гла́сомъ из̾ѧвлѧ́емꙋ и_про́чими сегѡ орꙋ́­дми пло́ти, тогда̀ и_часте́й къ_составле́­нію тре́бꙋетъ.
кромѣ́ бо си̂хъ из̾ѧсни́­ти ω_ни́хже сло́во не́мощнѡ.
сѹ́ть_же ¬ ѹ́бѡ сло́ва часте́й о́смь, єли́ка гл҃емъ ¬ и_пи́шемъ.
внѣ̀ си̂хъ ничто́же є́сть. ¬
Сѹ́ть же сіѧ̀.
И́мѧ.
Рѣ̂чь.
Прича́стіе. ¬
Раз̑ли́чіе.
Мѣстоиме́ніе.
Пред̑ло́гъ.
Нарѣ́­чіе.
Соꙋ́зъ.
и си́хъ о́смь часте́й, нѣ́кіѧ ¬ и́мꙋтъ в̾ себѣ̀ раздѣле́ніѧ.
ꙗ́коже сѐ; ¬
И́мѧ ѹ́бѡ дѣли́тсѧ на́трое, в̾ мѹ́жеско, ¬ и же́нско, и сре́дне.
и_про́чаѧ чтѝ та́мѡ. ¬
Того́же в̾_посланіи к̾ ст҃ѣ́йшемꙋ и бг҃опо­чте́ннѣйшемꙋ, и́же во ст҃ы́хъ козмѣ̀ ¬ пресщ҃е́нномꙋ єпкс̑пꙋ маіѹ́мскомꙋ. ¬
рече́тсѧ ѹ́бѡ и́стинное, да некогда̀ сꙋ­гѹ́бъ пріимѹ̀ под̑смѣ́хъ, ненаꙋче́ніѧ в̾кѹ́­пѣ и_неразѹ́міа лю́тое.
Прости́т̾жесѧ ¬ ѹ́бѡ є́же ненаꙋче́ніѧ согрѣше́ніе, а́ще ¬ то́чію не ѿ_лѣ́ности происхо́дитъ.
А є́же ¬ с̾ ненаꙋче́ніемъ имѣ́ти ра́зꙋма киче́ніе, ¬ лю̂то є́сть и ненави́стно, и проще́ніѧ всѧ́ко­гω недосто́йнѡ.
и бо́льше да не гл҃ю, кра́й­нагѡ не^наꙋче́ніѧ зна́меніе.
Моѐ ѹ́бѡ ¬ ꙗ́коже рѣ́хъ ничто́же;
но_ꙗ́же изѧ́щнѣй­шими ѿ_ѹчи́телей потрꙋже́наѧ воеди́но со­бра́въ, єли́ка си́ла сокраще́но сло́во сотворю̀, ¬ по_всемѹ̀ ѡ_хрс̑тѣ̀ повинѹ́ѧсѧ ва́шемꙋ по­велѣ́нію.
но млс̑тиви_ми бѹ́дите бг҃омъ ¬ почте́нію, молю́сѧ ва́шимъ заповѣдє́мъ ¬ покори́вшꙋсѧ, и пріе́млющꙋ послꙋша́ніе; ¬
моли́твъ пода́ніе возда́ѧнне.
ѡ_ра́зꙋмѣ. ¬
Ничто́же ра́зꙋма є́сть честнѣ́йше;
и́бо ¬ ра́зꙋмъ свѣ́тъ є́сть дш҃и слове́сныѧ, ¬ та́коже па́ки не^разѹ́міе тма̀ є́сть. ¬
філосо́фіѧ раз̾дѣлѧ́етсѧ, в̾_зри́телное ¬ и дѣ́ѧтелное, въ єстествосло́вное, въ_бг҃о­словное, во_ꙋчи́телное, въ_градо́вное. ¬
Но ѿꙗ́ти нача́ша нѣ́ціи філосо́фію, ¬ глаго́люще не_бы́ти се́й, нижѐ ра́зꙋмъ нѣ́­кіи, илѝ постиза́ніе.
К_ни́м̾же рече́мъ, ¬ ка́кѡ рѣ́сте не_бы́ти філосо́фіи, и_ра́зꙋ­мꙋ и_постиза́нію.
разꙋмѣ́вше_ли, и пости́­гше гл҃ете;
илѝ не_разꙋмѣ́вше, и_не ¬ пости́гше.
а́ще ѹ́бѡ пости́гше, сѐ є́сть ¬ ра́зꙋмъ и постиза́ніе.
а́ще ли не разꙋмѣ́­вше, никто́же ва́мъ вѣ́рꙋ и́метъ ѡ_ве́щи ¬ стѧза́ющимсѧ, є́йже ра́зꙋмъ не пости­го́сте.
и си́це ѹ́бѡ дамаски́нъ.
Но ꙋ́бѡ ¬ и не сі́и то́чію, и́хже ст҃ы́хъ и бг҃оно́сных̑ ¬ оц҃ъ на́шихъ и ѹчи́тель здѣ̀ в̾^кра́тцѣ ¬ имена̀ помѧнѹ́хомъ къ ре́вности хотѧ́­щимъ ѹче́ніѧ и ꙋподо́битисѧ си́мъ, ¬ но и́ни мно́зи ѿ ст҃ы́хъ прпд̑бныхъ мѹ̂жь ¬ и ѹчи́тель и мѹ́ченикъ во_ꙋче́ніи бж҃е́стве­ныхъ писа́ніи ѹпражне́ніе творѧ́ще. ¬
Что́_же ѹ́бѡ к̾ си́мъ;
Не и па́че ли и́нокъ ¬ ст҃ы́ѧ горы̀ маѯі́мъ гре́къ во свое́й кни́зѣ ¬ свои́ми с̾писа́ніѧми, хѹ́лѧщихъ ѹче́ніе ¬ и не тре́бꙋющихъ сего̀, ѹкарѧ́етъ, па́че ¬ же и ѡблича́етъ, про́чеє_же и не не мо́литъ ¬ да искѹ́сни бѹ́дꙋтъ и ѹче́ни бжс̑твенымъ ¬ писа́ніѧмъ, ꙗ́коже в̾ пе́рвомъ сло́вѣ своеѧ̀ ¬ кни́ги гл҃етъ, и в̾_про́чихъ.
Поне́же ѹ́бѡ ¬ речѐ нѣ́ціи, не_вѣ́мъ что́_сѧ имъ слꙋчи́вше ¬ єретика̀ менѐ непови́нна чл҃ка называ́ти ¬ не страша́тсѧ, и врага̀ и измѣ́нника бг҃о­храни́мыѧ доржа́вы рѹ́с̾скіѧ.
ꙗви́_ми_сѧ ¬ нѹ́жнѡ и пра́веднѡ ма́лыми ω себѣ̀ ѿвѣ­ща́ти, и ꙗ́же ω себѣ̀ наꙋчи́ти ѡклевета́ю­щихъ менѐ непра́веднымъ сицевы́мъ ѡкле­вета́ніемъ;
Ꙗ́кѡ бл҃года́тію и́стиннаго ¬ бг҃а на́шегѡ іс҃а х҃а, и правовѣ́ренъ хрс̑тіа́­нинъ є́смь по_всемѹ̀, и бг҃охрани́мыѧ де­ржа́вы рѹ́с̾скіѧ доброхо́тенъ и_прилѣ́женъ ¬ бг҃омо́лецъ.
Исправле́ніемъ же не стыжю́­сѧ, нижѐ ѿ^рѣва́ю є̀, но и велмѝ жела́ю ¬ єго̀, и любе́знѣ вос̾пріимѹ̀ є̀, а́ки тве́­рдѣ наставлѧ́ющее менѐ, ко_ꙋпова́емомꙋ ¬ бл҃говѣ́рнымъ нбс̑номꙋ црс̑твію.
и про́чаѧ, ¬ въ_концѣ̀ сло́ва.
А́зъ_же а́ще и вели́къ ¬ є́смь в̾_ра́зꙋмѣ и искѹ́сствѣ бжс̑твеныхъ ¬ писа́ніи, оба́че по́сланъ є́смь здѣ̀ ѿ всеѧ̀ ¬ ст҃ы́ѧ горы̀, по проше́нію и гра́мотѣ бл҃го­вѣ́рнагѡ вели́кагѡ кн҃зѧ васи́ліѧ іѡа́нно­вича, ѹ_него́же и преиз̑обилныѧ че́сти полꙋ­чи́хъ, де́вѧть л̂ѣтъ.
єго́же повелѣ́­ніемъ повинѹ́ѧсѧ, не то́чію толкова́ніѧ ¬ ѱалты́рное д̂ѣло наро́чито и всѧ́кіѧ ¬ дх҃о́вныѧ по́лзы и сла́дости испо́лнено, пре­ведо́хъ ѿ гре́ческагѡ ꙗзы́ка на рѹс̾скіи, ¬ но и_и́ны бг҃одохнове́нныѧ кни́ги разли́чнѡ ¬ растлѣ́ны ѿ преписѹ́емыхъ ѧ̀, бл҃года́тію ¬ хрс̑то́вою, и содѣ́йствомъ ст҃а́гѡ паракли́­та, предо́брѣйше испра́вих̑, ꙗ́коже и_ва́мъ ¬ ча́ю господа́мъ мои́мъ вѣ́домо є́сть. ¬
А́ще_же нѣ́гдѣ что̀, илѝ по забве́нію, ¬ илѝ по_ино́мꙋ кото́ромꙋ ѡб̾стоѧ́нію пре­зрѣ́нѡ бы́сть мнѣ̀, и не до́брѣ преведе́но ¬ бы́вше ви́дитсѧ ва́мъ;
мно́га_бо сѹ̂ть ¬ слꙋча́ющаѧсѧ на всѧ́къ ча́съ не^соверше́но­мꙋ ѹмꙋ̀ человѣ́ческомꙋ, и́бо забы́тіе ¬ ѡмрача́етъ єго̀, и ско́рбь смꙋща́етъ. ¬
є́сть же єгда̀ и ꙗ́рость и гнѣ́въ и піѧ́н̾­ство ѡтемнѣва́етъ єго̀.
Толи́кимъ ѹ́бѡ ¬ треволне́ніи ѡбꙋрева́емомꙋ не́мощномꙋ ¬ ѹмꙋ̀ человѣ́ческомꙋ, а́ще что̀ нѣ́гдѣ ¬ презрѣ́нѡ бы́сть ємѹ̀, не подоба́етъ ¬ диви́тисѧ ни смꙋща́тисѧ, нижѐ є́ресію ¬ ѡсꙋжа́ти єго̀.
Но па́че ѹще́дрити єго̀, ¬ и пра́веднѡ є́сть, и ꙗ́же хрс̑топодо́бныѧ лю­бвѐ показа́ти к_немѹ̀.
и ꙗ́же ѿ_негѡ̀ пре­зрѣ́ннаѧ, лѝ по_забве́нію, илѝ по_нѣ́кото­ромꙋ и^но́мꙋ ѡбстоѧ́нію, пра́вити в̾^кѹ́­пѣ с_ни́мъ;
Поне́же никт́оже в̾ чл҃цѣхъ ¬ соверше́нство когда̀ полꙋчи́лъ є́сть.
Вси́ ¬ бо забве́нію и невѣ́дѣнію подлежи́мъ, ¬ о́ви ѹ́бѡ ме́нше, о́ви_же бо́льше.
вси́_же ¬ дрѹ́гъ дрѹ́га тре́бꙋемъ совѣ́та и_по́мощи. ¬
ѿ десѧ́тагѡ сло́ва, є́же на афродитіа́на ¬ пе́рсѧнина.
А́ще же не_по_всемѹ̀ согла­сѹ́ютъ съ бг҃одохнове́нными писа́ніи, ꙗ́же ¬ ѿ_нѣ́кихъ писѹ́емыѧ кни́ги, ѿри́нꙋти ¬ и гнꙋша́тисѧ и́хъ подоба́етъ, а́ки хѹ́­лныхъ и скве́рныхъ, и_бг҃а на́съ ѿлꙋча́ю­щихъ.
єльма́_же к̾_про́чимъ мно́гим̑ єрети́­ческим̑ спи́санным̑ но́ситсѧ, и нѣ́кое блѧ́диво ¬ с̾писа́ніе афродитіа́на нѣ́коегѡ пе́рсѧнина, ¬ ѡ_вочл҃ченіи гдс̑а и_сп҃са_на́шегѡ іс҃а хрс̑та̀, ¬ ѹ_нѣ́кихъ правосла́вныхъ не_наказа́ніемъ ¬ недѹ́гꙋющыхъ ѡпа́снагѡ ра́зꙋма бг҃одх҃но­ве́нныхъ писа́ніи честно́е и прелюби́мо. ¬
Принесѝ ѹ́бѡ и истѧзѹ́емъ є прилѣ́­жныхъ искѹ́сствомъ и́стиннагѡ ра́зꙋ­ма бг҃дохнове́нныхъ писа́ніи, а́ще ¬ ѹ́бω по_всемѹ̀ согласѹ́етъ и́мъ, илѝ ¬ нѝ.
Подоба́ет̾ же вѣ́дати, ꙗ́кω всѧ́ко пи­са́ніе тре́ми нѣ́кими сво́йствы изрѧ́днѣ ¬ достовѣ́рное и́мать.
Пе́рвое, а́ще ¬ ѹ́бѡ ѿ_бл҃говѣ́рнагѡ и собо́рнѣи цр҃кви ¬ зна́ема и зна́меніи тако́гѡ списа́телѧ ¬ сложе́но бы́сть.
Второ́е, а́ще по_всемѹ̀ ¬ согласѹ́ютъ ꙗ́коже пред̑^рече́сѧ догма́томъ ¬ и преда́ніємъ.
Тре́тіе, а́ще кто̀ са́мо ¬ к̾ себѣ̀ повсемѹ̀ соласѹ́етъ, а нигдѣ́­же разликѹ́етъ.
Посмо́тримъ ѹ́бѡ ¬ а́ще списа́ніе сіѐ тве́рдо є́сть повсемѹ̀ ¬ предрече́нными тре́ми сво́йствы, илѝ нѝ. ¬
А ꙗ́кѡ списа́вшагѡ є̀, афродитіа́ново_же ¬ и́мѧ и са́нъ, невѣ́дома сѹ̂ть ѿню́дъ со­бо́рнѣй цр҃кви, и ни_в_кото́рыхъ цр҃ко́вныхъ ¬ повѣсте́хъ слы́шитсѧ, проѧвле́но є́сть ¬ всѧ́кѡ и самѣ́мъ посе́лѧномъ.
Тогож̑. ¬
Кто̀ ꙋ́бѡ ѿню́дъ в̾не́млетъ ємѹ̀, ¬ па́че_же кто̀ бл҃говѣ́ренъ сы́и не_гнꙋша́етсѧ ¬ сегѡ̀, и огню̀ не_преда́стъ є̀ а́ки пле́велъ ¬ лꙋка́вагѡ бѣ́са ѕлоко́зненагѡ в̾сѣ́ѧна ¬ посредѣ̀ чи́стагѡ пшеницено́снагѡ села̀ ¬ бл҃говѣ́рію.
А́ще ѹ́бѡ кто̀ в̾ прочеє ¬ пріи́метъ сіѧ̀ а́ки бл҃говѣ́рна и че́стна ¬ мни́тъ, да вѣ́сть ꙗ́кѡ дале́че ѿпадѐ ¬ бл҃говѣ́ріа, и подо́бнѣ ємѹ мѹ́дръ­ствꙋетъ и глаго́летъ на и́стинꙋ, ѿню́дꙋ­же и тѣ́мъ же ємѹ̀ истѧза́ніемъ бѹ́­детъ пови́ненъ по гл҃ющемꙋ ѹста́вꙋ собо́­рныѧ цр҃кве, єрети́къ є́сть, и пови́­ненъ зако́номъ ꙗ́же на єретикѝ. ¬
Ни́же.
Да внима́емъ себѣ̀ прилѣ́жнѡ ¬ гдс̑а ра́ди, и не_без̾_искѹ́са вѣ́рꙋемъ всѧ́ко­мꙋ дѹ́хꙋ ѹче́ніа, но да искꙋша́емъ ¬ прилѣ́жнω писа́ніа, а́ще повсемѹ̀ согла­сѹ́ютъ апс̑льскимъ и про̑ро́ческимъ преда́­ніѡмъ и ѹче́ніѡмъ.
А́ше бо по_нѣ́че­сомꙋ разликѹ́ютъ, илѝ са́ми к̾ себѣ̀ не со­гласѹ́ютъ, да непріи́мемъ ѧ̀, но да ѿ­ве́ржемъ ѿ себѐ, а́ки лꙋка́вагѡ бѣ́са пле́­вєлъ сѣ́ѧныхъ посредѣ̀ чтс̑ыѧ пшени́цы ¬ бл҃говѣ́ріѧ, на прельще́ніе и поги́бель дꙋ­шѧ́мъ на́шимъ.
Такова̀ ѹ́бѡ и настоѧ́­щаѧ по́вѣсть.
Но єли́кѡ ꙋ́бѡ мо́щно ¬ бѣ̀ на́мъ, из̾ѡбличи́хомъ лжи́вꙋю афро­дитіа́новꙋ по́вѣсть, бл҃года́тію ст҃а́гѡ ¬ дх҃а спосо́бствꙋеми, и ѡ_про́чих̑ чтѝ та́мѡ. ¬
ѿ, а҃і, сло́ва.
Бг҃ъ и́же всѣ́хъ содѣ́тель ¬ и гдс̑ь, свидѣ́тель ва́мъ бл҃говѣ́рнѣйшимъ ¬ ѿ_менѐ недосто́йнагѡ и́нока маѯі́ма, ¬ ꙗ́кѡ ничто́же по лицемѣ́рію, илѝ чре́зъ ¬ ѹста́въ бг҃одх҃нове́нныхъ оц҃ъ, нижѐ ¬ пишю̀, нижѐ вѣща́ю къ_ва́шемꙋ бл҃говѣ́­рію.
нижѐ ласка́ѧ ва́мъ, а́ки жела́ѧ ¬ полꙋчи́ти сла́вꙋ нѣ́кꙋю привре́меннꙋю, ¬ и_ѿра́дꙋ ѿ лю́тыхъ в_ни́хъже ѡдержи́мь ¬ є́смь лю́тѣ ѹ́же о́смь на́десѧть лѣ́тъ. ¬
Но ꙋ́бѡ бж҃е́ственою ре́вностію жего́мъ, ¬ ѡ_не́мъже воз̾бране́нъ є́смь нѣ́кими слꙋ­жи́ти бг҃ꙋ_же и ва́мъ, в_ни́хъже си́ленъ ¬ є́смь бл҃года́тію хрс̑то́вою, гл҃ю_же въ_пре­во́дѣ и исправле́ніи кни́жнѣмъ, о́во_же ¬ и_ѡха́племь не ма́лѡ [ѡ_не́мъже нѣ́ціи] ¬ не_вѣ́мъ что́_сѧ слꙋчи́вше и́мъ, враже́бнѣ ¬ ко_мнѣ̀ имѹ́щымсѧ, єретика̀ менѐ назы­ва́ютъ, и_бг҃одохнове́нныѧ кни́ги растлѣ­ва́юща, а_не_пра́вѧща;
и́же и сло́во воз̾­дадѧ́тъ гдс̑ви.
ꙗ́кѡ не то́чію воз̾бра­нѧ́ютъ таково́мꙋ бг҃оꙋго́дномꙋ дѣ́лꙋ; ¬
но занѐ къ семѹ̀ и менѐ бѣ́днаго непови́­нна сѹ́ща клеве́щꙋтъ и не^нави́дѧтъ а́ки ¬ єретика̀, и чре́зъ всѧ́кагѡ зако́на хрс̑тіѧ́н̾­скаго ѿ^лꙋча́ютъ пречс̑тыхъ даро́въ хрс̑то́­выхъ.
Но ѡ_сꙋ́щемъ ѹ́бѡ во_мнѣ̀ и ¬ соблюда́ємомъ исповѣ́даніи правосла́вныѧ ¬ вѣ́ры, дово́лна ва́мъ во_ꙋвѣ́реніе пи́са­ннаѧ мно́ю в̾ кни́зѣ моегὼ ѿвѣ́та. ¬
А ꙗ́кω не_по́рчю сщ҃е́нныѧ кни́ги, ꙗ́коже ¬ клеве́щꙋтъ мѧ враждѹ́ющіи в̾сѹе, но при­лѣ́жнѣ и всѧ́ким̑ внима́ніемъ, и бж҃іимъ ¬ стра́хомъ, и пра́вымъ ра́зꙋмомъ и_спра́­вливаю и́хъ, в̾_ни́хъже растлѣ́шасѧ, ¬ о́во ꙋ́бѡ ѿ преписѹ́ющихъ и́хъ не наꙋче́­ныхъ сѹ́щихъ и не^искѹ́сныхъ в̾_ра́зꙋмѣ ¬ и хи́трости грамматикі́истѣй.
о́во_же и ¬ ѿ самѣ́хъ испе́рва сотво́ршихъ кни́жныи ¬ прево́дъ, приснопа́мѧтныхъ мꙋжє́й. ¬
Рече́тъ_бо_сѧ и́стина;
є́сть нѣ́гдѣ непо́лнѡ ¬ разꙋмѣ́вшихъ си́лꙋ є́ллинскихъ рѣчє́й, и ¬ сегѡ̀ ра́ди дале́че и́стины ѿпадо́ша.
є́ллин̾­ска_бо бесѣ́да, мно́го и неꙋдо́бь разсꙋжда́е­мо и́мать разли́чіе то́лка рече́ніи.
И а́ще ¬ кто̀ недово́льнѣ и соверше́ннѣ наꙋчи́лъсѧ ¬ бѹ́детъ ꙗ́же грамматикі́и и піитикі́и и_ри­торикі́и, и са́мыѧ філосо́фіи, не_мо́жетъ ¬ прѧ́мѡ и соверше́нѡ, нижѐ разꙋмѣ́ти ¬ писѹ́емаѧ, нижѐ преложи́ти ѧ̀ на и́нъ ¬ ꙗзы́къ;
Ꙗ́кω ѹ́бѡ прѧ́мω и_бл҃гоꙋхи́­трено исправлѧ́ю презрѣ́ннаѧ и́ми.
и сѐ ¬ и́стое сказа́ти ва́шемꙋ бл҃говѣ́рію, со_всѧ́­кою и́стиною, а́ки предъ_самѣ́мъ бг҃омъ по­тщꙋ́сѧ;
начнѹ́_же си́це;
Взе́мъ на_рꙋ­ка́хъ сщ҃е́ннꙋю кни́гꙋ тріо́днꙋю, ѡбрѣто́хъ ¬ в̾ девѧ́той пѣ́сни кано́на вели́кагѡ четвер̾­тка;
Сѹ́щаго єстество́мъ со́здана сн҃а ¬ и сло́ва пребезнача́льнаго, оц҃а не_сѹ́ща ¬ єстество́мъ не_+со́здана, воспѣва́ема;
и ¬ не_стерпѣ́въ сицевѹ́ю хꙋлѹ̀, испра́вихъ ¬ сицево́е хѹ́льное, ꙗ́коже са́мъ ст҃ы́и па­ракли́тъ свы́ше пре́далъ єсть на́мъ бл҃же́­ннымъ козмо́ю в̾_на́шихъ кни́гахъ;
Ѹ ¬ на́съ_бо сло́во не_+созда́нно єстество́мъ сла́­витъсѧ в̾_мѣ́стѣ се́мъ, и вездѣ̀.
Не ¬ со́зданъ_бо сы́и ражда́ѧи присносꙋ́щнѣ єго̀ ¬ ѻц҃ъ;
Та́кожде не_+со́зданъ єстество́мъ ¬ є́сть и_ражда́емыи ѿ_негѡ̀ бг҃ъ сло́во.
и ¬ ѡ_про́чихъ чтѝ та́мѡ, а здѣ̀ в̾_+кратцѣ. ¬
Се́й ѹ́бѡ и сицевы́и ра́зꙋмъ сщ҃енномꙋ ¬ пѣсносло́вію.
А ꙗ́же ѹ_ва́съ сщ҃е́нныѧ ¬ тріо́ди, о́ва ѹ́бѡ сло́ва то́чію про́ста ¬ глаго́лютъ єго̀, а не_и_несо́зданна, о́ва ¬ же и_ꙗ́же сло́ва єстество́мъ глаго́лютъ ¬ єго̀.
не_вѣ́мъ кто̀ вино́венъ сицевы́ѧ хꙋ­лы̀, бг҃ъ вѣ́сть, иже и_сѹ́дитъ ємѹ̀ ¬ идѣ́же а́ще ни_бѹ́ди.
Мнѣ́_же каково̀ ¬ ѿсю́дꙋ ωсꙋже́ніе илѝ ꙋкоре́ніе пра́ведно си­цева̀ хѹ́льнаѧ исправлѧ́ющꙋ въ_сла́вꙋ єдино­ро́днагѡ и_не_+созда́ннагѡ бг҃а сло́ва, и во ¬ спасе́ніе всѣ́мъ_правосла́внымъ.
Та́кожде ¬ в̾_то́мъже кано́нѣ и в̾_то́йже пѣ́сни в̾ послѣ́­днемъ стихѣ̀, дре́вніи прево́дникъ, въ^ ¬ мѣ́стѡ є́же, хрс̑та̀ єди́наго тѣ́мъже мѧ ¬ позна́йте, хрс́та єди́наго два̀ менѐ по­зна́йте, преведѐ, не_внѧ́тъ писа́нію рече́­ніѧ, нижѐ дости́гъ ра́зꙋмъ стиха̀ тогѡ̀; ¬
и_про́чаѧ;
Та́кожде и в̾_кано́нѣ недѣ́ли ¬ ѳомины̀, в̾_тре́тіей пѣ́сни, сицево̀ нѣ́что ¬ неподо́бнѡ, да не_глаго́лю хѹ́льно мѹ́др̾­ствꙋтъ нѣ́ціи не_наꙋче́ніи извѣ́стномꙋ ¬ бг҃осло́вію;
Бл҃же́нныи іѽа́ннъ дама­ски́нъ, и́же всѧ́кіѧ філосо́фіи и_бг҃осло́віѧ ¬ ве́рхъ дости́же, и́же и_кано́нъ се́й сотво­ри́лъ єсть вѣ́дыи до́брѣ, єди́но бж҃ество̀ ¬ несозда́нно не^из̾вратно_же и непремѣ́нно. ¬
сегѡ̀ ра́ди и неѡписѹ́емо єди́но и непристѹ́­пно, зда́ніѧ_же всѧ̀ ѡписѹ́ема и_из̾вра́тна. ¬
По_словесѝ ѹ́бѡ семѹ̀ вѣ́дыи гдс̑а на́шего іс҃а ¬ хрс̑та неωписѹ́ема, поєли́кꙋ бг҃ъ є́сть и́сти­ненъ;
а поєли́кꙋ па́ки чл҃къ, ѡписѹ́емь пло́­тію.
Си́це сотвори́лъ є́сть в̾ стихѣ̀ тре́тіѧ ¬ пѣ́сни.
Во́ гробѣ затворе́нъ бы́въ ѡписѹ́е­мою пло́тію свое́ю неѡпи́санныи бж҃ествомъ. ¬
Нѣ́ціи_же ѿ ны́нѣшнихъ сꙋемѹ́дреныхъ ¬ а́ки негодꙋ́юще къ_блж҃е́ннагѡ о́ногѡ оц҃а ¬ и ѹчт҃лѧ бг҃осло́вію, в̾_+мѣ́стω ωписѹ́емою ¬ пло́тію свое́ю, не^ѡписѹ́емѡ ѕѣлὼ де́рзо­стнω и ненака́заннѡ пи́шꙋтъ въ тріѡ́­дѣхъ, по́мыслы свои́ми сѹ́етными да не ¬ глаго́лю хѹ́льными прельща́еми;

Того́же и́нока маѯи́ма, ѿ_вторагѡна́де­сѧть сло́ва, ѡ_кни́жномъ исправле́ніи. ¬
Свидѣ́телѧ ва́мъ господа́мъ мои́мъ пред̾ла ¬ га́ю на́_дш҃ю и_со́вѣсть_мою̀ самого̀ хрс̑та̀ бг҃а, ¬ ꙗ́кѡ ничто́же по_рве́нію ни_по_ꙋпрѧ́мствꙋ, ни ¬ по_ино́мꙋ кото́ромꙋ проны́рьствꙋ, ни_глаго́­лалъ_є́смь илѝ преведо́хъ илѝ испра́вих̑, до ¬ сегѡ̀ ва́мъ господа́мъ мои́мъ;
но со_всѧ́кою ¬ и́стиною и_пра́вдою, извѣ́стным̑ ра́зꙋмом̑ є́ллин̾­скагѡ ѹче́ніѧ, си́рѣчь, гре́ческагѡ.
а кни́­жным̑ ра́зꙋмом̑ гре́ческагѡ ꙋче́ніѧ, єли́кѡ ¬ всѣ́хъ в̾кѹ́пѣ бл҃ги́хъ пода́тель всест҃ы́и ¬ паракли́тъ сподо́билъ_мѧ є́сть, нело́женъ ¬ є́смь сказа́тель и прево́дник̑ ва́мъ господа́мъ ¬ мои́мъ.
о́но ꙋ́бѡ да_вѣ́домо є́сть ва́мъ, ¬ ꙗ́кѡ є́ллинскіи ѧзы́къ, си́рѣчь, гре́ческіи, ¬ ѕѣлѡ̀ є́сть хи́трѣйшіи, не_всѧ́къ си̂це ѹдо́бь ¬ может̑ дости́гнꙋти си́лы єгѡ̀ до_конца̀, а́ще не ¬ мно́га лѣ́та просидѣ́лъ кто̀ бѹ́дет̑ ѹ наро́чи­тых̑ ѹчи́телєй, и то́й а́ще бѹ́дет̑ гре́къ ро́дом̑, и ¬ ѹмо́мъ о́стръ, єще́_же и охо́чь;
а то́чію не ¬ тако́въ, ѹчи́тсѧ ѹ́бѡ ѿ_ча́сти, а в̾_соверше́ніе ¬ егѡ̀ не_дошо́лъ, ꙗ́коже ѡбрѣта́ю слѹ́чьшеесѧ ¬ и_приснопа́мѧтныхъ прево́дникѡв̑ ст҃ы́хъ писа́нєй ¬ ѿ_гре́ческагѡ ѧзы́ка на_рѹ́сскіи во_мно́гих̑ посло́­вицах̑.
ѿ_ни́хъже трѝ илѝ четы́ре преложи́въ ¬ ва́мъ, извѣ́стнѡ ѹразꙋмѣ́ете и́стинꙋ всю̀ ¬ словє́съ мои́хъ.
Посло́вица ѹ на́съ є́сть ¬ такова̀, и_си́це писѹ́ема;
ѵѱіло́съ, и_толко­ва́ніе, сѐ є́сть, высо́къ.
А_дрꙋга́ѧ ма́лымъ ¬ чи́мъ разликѹ́ющи по_пи́сменѣх̑, такова̀, ѱі­ло́съ;
то́лкъ_же єѧ̀, на́гъ, любо го́лъ.
Сію́ ¬ бо посло́вицꙋ, ѱіло́с̾, вездѣ̀ глаго́лемꙋю ¬ ѿ_бг҃осло́вцѡвъ проти́вѧщихъсѧ єретикѡ́мъ ¬ и хѹ́лѧщымъ на хрс̑та̀, и_глаго́лющым̑, ꙗ́кѡ ¬ чл҃къ то́чію, а не и_бг҃ъ бѣ̀ хрс̑то́съ.
Ст҃і́и бг҃о­сло́вци гл҃ютъ, ꙗ́кѡ хрс̑то́съ не_ψіло́с̾ чл҃къ ¬ є́сть, си́рѣчь, на́гъ илѝ го́лъ, илѝ єди́нъ ¬ то́чію, но и_бг҃ъ и́стиненъ и соверше́нъ. ¬
На́га же и го́ла разꙋмѣ́й, не_ри́зами, но бж҃е­ство́мъ.
хрс̑то́съ_же не на́гъ є́сть чл҃къ, си́­рѣчь, кромѣ̀ бж҃ества̀, но_бг҃ъ и́стиненъ. ¬
а преподо́бніи прево́дници не_догода́вшесѧ раз̾­ли́чнꙋю си́лꙋ посло́вицъ си́хъ, ѵѱіло́с̾, ¬ да_ѱіло́с̾, в̾мѣ́стѡ є́же рещѝ, на́гъ, илѝ ¬ го́лъ, лѝ єди́нъ.
лѝ то́чію, онѝ высо́ка ¬ чл҃ка преведо́ша ва́мъ хрс̑та, ѡмекнѹ́вше­сѧ в̾_томъ.
ѵѱіло́с̾, да ѱіло́с̾;
ѵѱіло́с̾, ¬ высо́къ;
а_ѱіло́с̾, на́гъ, лѝ го́лъ, лѝ ¬ єди́нъ.
да_вездѣ̀ высо́къ проповѣ́дꙋемь ¬ є́сть и́ми хрс̑то́съ, є́же є́сть ло́жно и ¬ несхо́днѡ к̾_ра́зꙋмꙋ бг҃осло́вцѡвъ.
Не ¬ ѡ_высотѣ́_бо илѝ толстотѣ̀ во́зраста тѣ́ла ¬ хрс̑то́ва, єретикѝ стѧза́ютъсѧ съ_правосла́­вными, но_ѡ_бжс̑твѣ̀ єгѡ̀ и чл҃чествѣ про­ти́вѧщесѧ.
на́мъ о́боѧ исповѣ́дающымъ ¬ ω хрс̑тѣ̀;
но ω_се́мъ ѹ́бѡ толи́ка. ¬
Дрꙋгі́ѧ_же посло́вицѣ двѣ̀ без̾ма́ла подо­бнѣ сѹ́щѣ межѝ себѐ;
о́ва ѹ́бѡ, єк̾кли­сі́а, и_внима́й прилѣ́жнѣ пи́сменемъ и́ми­же пи́шꙋтъсѧ, толкѹ́етъ_же_сѧ цр҃ковь. ¬
а_дрꙋга́ѧ, єк̾клі́се, є́же є́сть в̾нѣ̀ цр҃кве ¬ кого̀ затвори́ти, и́стѣе_же рещѝ ѿлꙋчи́ти. ¬
Пи́сано_же є́сть в̾_посла́ніи ст҃агѡ аптс̑ла па́­вла, є́же к̾_гала́тѡм̑.
ревнѹ́ютъ ва́мъ не_до́­брѣ, но_ѿлꙋчи́ти ва́съ хотѧ́тъ.
прево́дни­ци_же ста́ріи, ѡмекнѹ́вшесѧ подо́біемъ ¬ посло́вицъ, в̾мѣстѡ є́же ѿлꙋчи́ти ва́съ ¬ хотѧ́тъ, цр҃кви ва́съ_хотѧ́тъ.
преведо́ша ¬ ва́мъ наꙋда́чю, не_раз̾смотри́вше ни_си́лꙋ ¬ ра́зꙋма, апс̑льскагѡ, ни разли́чіѧ пи́смєнъ. ¬
ра́зꙋмъ_бо аптс̑льскіи то́й є́сть, ревнѹют̑ ¬ ω_ва́съ не_до́брѣ глаго́лющіи ва́мъ ѡбрѣ́зати­сѧ;
ре́кше, не ко_спасе́нію ва́шемꙋ, но на_по­ги́бель.
ревнѹ́ютъ ва́мъ, и ѿлꙋчи́ти хрс̑та ¬ хотѧ́ще ва́съ, такова́ѧ совѣ́тꙋютъ ва́мъ. ¬
а́ще_бо ѡбрѣ́заетесѧ, хрс̑тосъ ничто́же по́ль­зꙋетъ васъ.
прево́дници же ста́ріи не_раз̑смо­три́вше си́лꙋ ра́зꙋма аптс̑льскагѡ, ни_разли́­чіѧ пи́смєнъ гре́ческихъ преведо́ша ва́мъ, ¬ ко цр҃кви ва́съ хотѧ́т̾, є́же нѣ́сть и́стинно. ¬
Не цр҃кви_бо твори́ти и́хъ, но ѿлꙋчи́ти хрс̑та̀ ¬ хотѧ́ще и́хъ, ѡбрѣ́затисѧ и́мъ велѧ́хꙋ ¬ по_зако́нꙋ моѵсе́овꙋ, и про́чаѧ зако́ннаѧ ¬ ѡбы́чнаѧ блюстѝ.
толи́коже и_ω_се́мъ; ¬
Та́коже и во_осмо́й пѣ́сни кано́на ржс̑тва̀ ¬ хрс̑това, во_второ́мъ стихѣ̀;
єго́же нача́­ло, орга́ни ѹклони́шасѧ;
такова̀ нѣ́каѧ ¬ ѕѣлὼ не^искѹ́сна ѡ́пись є́сть;
посло́вицѣ ¬ ѹ_на́съ та́кожде и́нѣ двѣ̀ подо́бнѣ к̾_себѣ̀ ¬ по́_гласꙋ, а_по_пи́смени и_ра́зꙋмꙋ, мно́го ¬ ѕѣлѡ̀ раз̾ликѹ́юще.
смо́тримъ_же си́це ¬ прилѣ́жнѣ, ѵга́рь идо́нъ.
пе́рвомꙋ ѹ́бѡ ¬ пи́санꙋ сѹ́щꙋ и́жицею ма́лою.
то́лкъ є́сть, ¬ не_вѣ́дѣша.
а_дрꙋго́мꙋ пи́санꙋ сѹ́щꙋ, ¬ и́жем̑ больши́мъ;
то́лкъ є́сть, не_пѣва́хꙋ. ¬
Прево́дникъ_же ста́рыи не_разсмотри́въ при­лѣ́жнѡ, ни_разли́чіѧ пи́смене, ни_си́лꙋ ра́­зꙋма стихо́внагѡ, та́кѡ про́стω преведѐ, ¬ не_ви́дѣша в̾ любодѣѧ́ніихъ, є́же є́сть не ¬ то́кмо по́_чинꙋ пи́сменых̑ ло́жно, но и єщѐ ¬ и_по_си́лѣ ра́зꙋма стихо́внагѡ.
ра́зꙋмъ ¬ бо стиха̀ сегѡ̀ тако́въ є́сть.
Ѻрга́ни, си́­рѣчь, мꙋсикі́йскіѧ сосꙋ́ды, ꙗкова́же ¬ сѹ̂ть, гѹ́сли, ѱалты́ри, смыкѝ, и подо́­бнаѧ си́мъ.
плаче́вныѧ_же именѹ́етъ си́хъ ¬ творе́цъ кано́нꙋ, зане́же лю́ди ве́доми в̾_ва­вило́нъ, плѣне́ни нав̾ходоносо́ром̑ царе́мъ, ¬ въ_ско́рби и пла́чи пребыва́ахꙋ, ѹклони́шасѧ ¬ речѐ пѣ́сни, си́рѣчь, ѿверго́шасѧ преподо́бніи ¬ о́троци пѣ́ти в̾_ни́хъ пѣ́снєй сіо́нскихъ, во­проша́еми ѿ_ведѹ́щих̑ в̾ плѣне́ніе, и глаго́лю­щих̑, воспо́йте на́мъ ѿ_пѣ́снєй сіо́нских̑.
и ¬ ѿвѣщаваа́хꙋ и́мъ, ка́кѡ воспоє́мъ пѣ́снь ¬ гдс̑ню в̾ землѝ чюжде́й, ꙗ́коже є́сть пи́сано. ¬
во рл҃ѕ_мъ, ѱалмѣ̀.
Прево́дникъ_же не_раз̑­смотривъ ни_чи́нъ пи́смене, ни_си́лꙋ ра́зꙋма ¬ стихо́внагѡ, в̾мѣ́стѡ рещѝ не_пѣва́ахꙋ, ¬ та́кѡ наꙋда́чю преведѐ, не_ви́дѣша в̾ любо­дѣѧ́ніихъ.
Ка́ково не_ви́дѣша бл҃же́нніи ¬ о́ни тріє̀ о́троци, и про́чіи сщ҃е́нници и леви́­ти.
не_слѣ́пи_бо бы́ли, и́же за_предо́брꙋю кра­сотꙋ̀ свою̀ взѧ́ты бы́ша в̾ пола́тꙋ царе́вꙋ. ¬
Но и та̀ посло́вица, в̾ любодѣѧ́ніихъ, не по ¬ сꙋществѹ̀ преведе́сѧ и́мъ.
ѹ на́съ_бо не ¬ та́къ_сѧ разꙋмѣ́етъ, но ꙗ́коже є́сть пи́сано ¬ дх҃омъ ст҃ы́мъ и про̑ро́комъ дв҃домъ, в̾_чю­жде́й землѝ.
а́ще и творе́цъ, ма́лымъ ¬ чи́мъ премѣни́въ рѣ́чь, в̾ чюжи́хъ, а не ¬ въ любодѣѧ́ніихъ глаго́ла, нѹ́жди ра́ди ¬ ірмоса̀, да_бы̀ пришло̀ к̾ согла́сномꙋ пѣ́нію. ¬
ѿ_си́хъ и сицевы́хъ ωписє́й, ꙗвле́ни сѹ̂ть ¬ ста́ріи прево́дници, несоверше́ннѡ ѹвѣ́да­вше є́ллинскіи ꙗзы́къ.
лѝ па́ки и́ни нѣ́­ціи малоꙋ́мніи по́слѣ и́хъ хотѧ́ще ꙗ́кобы ¬ испра́вити, и на^ибо́льше испо́ртили.
Та́ко­же погрѣши́ша ста́ріи прево́дници и_в̾_то́мъ, ¬ є́же є́сть пи́сано в̾ дѣѧ́ніих̑ ст҃ы́мъ аптс̑ломъ ¬ лꙋко́ю, в̾_ни́хъже ꙗвлѧ́етъ ст҃а́го па́вла ¬ аптс̑ла стоѧ́ща на а́ріевѣ па́гѣ, анеле́дѣ, ¬ и глаго́люща, ѽ мѹ́жіе аѳінѣ́йстіи по ¬ премно́гꙋ ви́жю ва́съ хꙋдо́жнѣйшихъ, и ¬ про́чаѧ вѣ́дома.
А́ще ѹ́бѡ прево́дникъ ¬ по_сꙋществѹ̀ вѣ́далъ_бы кни́жное є́ллинское ¬ ѹче́ніе, ꙗ́коже и ст҃ы́и аплс̑ъ лꙋка̀ вѣ́далъ, ¬ преве́лъ_бы не_та́къ;
но_бѣсобоѧ́знѣйших̾, ¬ ꙗ́коже и лꙋка̀ пре́далъ є́сть ст҃ѣй бж҃іей ¬ цр҃кви.
о́нъ_бо, дисидѣмонесте́рꙋ, с̾пи­са́лъ є́сть, є́же є́сть, бѣсобоѧ́знѣйших̑. ¬
Дисись_бо, боѧ́знь.
а дѣ́мони, бѣ́си тол̾­кꙋ́ютсѧ.
а_не_писа́лъ єписти́монас̾, є́же ¬ є́сть хꙋдо́гих̑;
ни_техникꙋс̾, є́же єсть хи́­трых̑;
ни_софꙋс̾, є́же є́сть премѹ́дрых̑;
ни ¬ гностикꙋс̾, є́же є́сть разѹ́мных̑;
и_ѡ_си́хъ ¬ до_здѣ̀;
Того́же.
Хотѣ́лъ єщѐ и ины́ми ¬ мно́гими сицевы́ми о́писи дре́вних̑ прево́дникъ ¬ тре́бꙋющим̑ прилѣ́жнагѡ исправле́ніѧ из̾вѣсти́­ти твоѐ ст҃олѣ́пное прпд̑бьство, ꙗ́кѡ и́стиненъ ¬ є́смь сказа́тель кни́жныи ва́мъ господа́мъ ¬ мои́мъ, но да_не_до́лго просте́рто сло́во докꙋ́­читъ ст҃и́тельским̑ слꙋ́хомъ твои́м̾, здѣ̀ ѹ­ста́влю є̀.
Сіѧ́_же писа́хъ не_да̀_ꙗвлю́сѧ ѡдо­лѣва́ѧ, не_бѹ́ди_ми таки́мъ когда̀ не^и́стов̾­ством̑ не^и́стовствовати, но себѐ ѡчи́щю, всѧ́­каго непра́веднаго мнѣ́ніѧ нѣ́которых̑ небрато­лю́бцєвъ, и́хъже бг̑ъ да_прости́тъ.
и_да_не­пови́ненъ ѡбрѧ́щꙋсѧ пра́ведномꙋ ѡсꙋже́нію ¬ с̾кры́вшагѡ в̾ землѝ тала́нтъ гдс̑на своегѡ̀. ¬
Тала́нтъ_же разꙋмѣва́ємъ ѽ ст҃ы́и влд̑ко, ¬ дае́мое дх̑о́вное дарова́ніе коемꙋ́ждо ѿ_бж҃е́­ственагѡ паракли́та, в̾ сла́вꙋ пре́жде самого̀ ¬ да́вшагѡ бг҃а, та́же на_по́льзꙋ пріе́мшагѡ є̀, ¬ и и́мъ всѣ́мъ вѣ́рнымъ.
Зе́млю_же в̾_не́йже ¬ сицевы́и тала́нтъ с̾крываетъсѧ разꙋмѣва́єм̑, ¬ зави́стливое и_самолю́биво и лѣни́во изволе́ніе, ¬ и нра́въ ѕлы́и пріе́мшаго таково́е дарова́ніе, ¬ не хотѧ́щагѡ ины́хъ по́льзовати тѣ́мъ; ¬
Что̀ ꙋ́бѡ к̾_си́мъ рещѝ и́мꙋтъ, и́же не_до́брѣ ¬ ни_искѹ́снѣ клеве́щꙋщіи менѐ и_растлѣва́ю­ща ст҃ы́хъ писа́ніи проти́вѧщагосѧ и́мъ гла­го́лющіи;
єда̀ и в̾_тѣ́хъ растлѣва́ѧ и́хъ и ¬ раз̾враща́ѧ ꙗвлю́сѧ и́мъ.
а́ще_же до́брѣ и ¬ пра́вѣ пра́влю не ст҃а́ѧ писа́ніѧ, но в̾сѣ́ѧнных̑ ¬ в̾_нихъ непохва́льных̑ описе́й;
о́выхъ ѹ́бѡ не­доꙋмѣ́ніѧ илѝ презрѣ́ніѧ илѝ забве́ніѧ дре́­вних̑ приснопа́мѧтных̑ прево́дникѡв̑;
о́вѣхъ ѿ ¬ премно́гіѧ грꙋ́бости и_небреже́ніѧ преписѹ́ющих̑ ¬ и́хъ.
да преста́нꙋтъ про́чеє ѕлосло́вити не­пра́веднѡ бли́жнѧго своего̀, въ сла́вꙋ и_прѧ́­мѡ хвалѹ̀ бж҃ію, и на_по́льзꙋ всѧ́комꙋ ¬ бл҃горазꙋ́мномꙋ трꙋжа́ющагѧ;
толи́ка и ¬ ѡ_се́мъ.
Но не́гли нѣ́ціи проти́вѧщесѧ ¬ рекѹ́тъ к̾ си́мъ, ве́лію ѽ человѣ́че доса́­дꙋ тѣ́мъ дѣ́ломъ прилага́еши восіѧ́вшимъ ¬ в̾ на́шей землѝ преподо́бнѣйшим̑ чюдотво́рцєм̑. ¬
они́_бо сицевы́ми сщ҃е́нными кни́гами бл҃гоꙋго­ди́ша бг҃ови, и живѹ́ще и по_преставле́ніих̑ ѿ ¬ негѡ̀ просла́вишасѧ ст҃ы́нею и_всѧ́ческих̑ чюдє́съ ¬ дѣ́йством̑.
к̾ си́мъ_же не_а́зъ, но са́мъ бл҃же­нныи па́велъ да ѿвѣща́етъ и́мъ, да наꙋчи́т̾ ¬ и́хъ ст҃ымъ дх҃омъ си́це нѣ́какѡ глаго́лѧ. ¬
Ко́емꙋждо_же дае́тсѧ ꙗвле́ніе дх҃а на_по́ль­зꙋ;
о́вомꙋ_бо дх҃омь дае́тсѧ сло́во премꙋ́­дрости;
о́вомꙋ_же сло́во ра́зꙋма в̾_то́мъже ¬ дс҃ѣ.
дрꙋго́мꙋ_же вѣ́ра тѣ́мъже дх҃омъ. ¬
ино́мꙋ_же дарова́ніѧ исцѣле́ніи в̾_то́мъже ¬ дс҃ѣ.
дрꙋго́мꙋ_же дѣ́йствіѧ си́лам̑.
ино́­мꙋ_же про̑ро́чество.
дрꙋго́мꙋ_же раз̑сꙋжде́­ніѧ дх҃овѡ́мъ.
ино́мꙋ_же ро́ди ѧзы́кѡм̑. ¬
всѧ́ же сіѧ̀ дѣ́йствꙋетъ єди́нъ и то́йжде ¬ дх҃ъ, раз̑дѣлѧ́ѧ вла́стію ко́емꙋждо ꙗ́коже ¬ хо́щетъ.
ω_си́хъ ѹбѡ ꙗвле́но ꙗ́кѡ не_всѧ́ко­мꙋ всѧ в̾^кѹ́пѣ дх҃о́внаѧ дарова́ніѧ даю́т̾­сѧ.
А ꙗ́кω ѹ́бѡ ст҃іи чюдотво́рци рѹ́сстіи ¬ по_дарова́нію да́нномꙋ и́мъ с̾вы́ше восіѧ́ша ¬ в̾ бг҃овѣ́рнѣй землѝ рѹ́сстіи бг҃оно́сніи оц҃и ¬ и_бы́ша, и сѹ́ть, и а́зъ исповѣ́даю и покла­нѧ́юсѧ и́мъ а́ки вѣ́рнымъ бж҃іимъ ѹго́дни­кѡмъ;
но нижѐ и ро́ди ѧзы́комъ и_ска­за́ніе и́хъ припріѧ́ша с̾вы́ше.
Сегѡ̀ ра́ди ¬ не_досто́итъ диви́тисѧ, а́ще ѹтаи́сѧ и́хъ ¬ таковы́хъ сѹ́щихъ исправле́ніе, є́же ны́нѣ ¬ мно́ю исправлѧ́емыхъ ѡписе́й.
о́нѣмъ ¬ ѹ́бѡ аптс̑лодержа́тельнагѡ ра́ди и́хъ сми­реномѹ́дріѧ и кро́тости и_житіѧ̀ ст҃олѣ́пна­гѡ, даде́сѧ дарова́ніе исцѣле́ніи чюдє́съ ¬ преди́вныхъ.
Ино́мꙋ_же, а́ще и грѣ́шенъ ¬ є́сть па́че всѣ́хъ земноро́дныхъ, дарова́сѧ ¬ ѧзы́комъ ра́зꙋмъ и сказа́ніе.
и диви́­тисѧ ѡ_то́мъ не_подоба́етъ.
Єльма́же ¬ и скоти́на безъслове́сна бы́вши, в̾разꙋ­мле́на бж҃іимъ манове́ніемъ, возмо́же ¬ ѹцѣломꙋ́дрити ста́рца многоразѹ́мна. ¬
мно́го же разликѹ́етъ скота̀ неразѹ́мна­гω чл҃къ, по о́бразꙋ бж҃ію и по_подо́бію, ¬ бж҃іею рꙋко́ю со́зданъ бы́въ.
Что́_же и ¬ преди́вныи о́нъ бж҃іи ѹго́дникъ, не_до́­брымъ_ли совѣ́томъ іѽфо́ровымъ, мѹ­жа кꙋмирослꙋжи́телѧ иноплеме́нника испра́­вилъ ꙗ́же ω_себѣ̀ и лю́дєхъ бж҃іихъ; ¬
Что́_же бл҃же́нныи єфре́мъ, помоли́выисѧ ¬ бг҃ови, да_бы̀ с̾ таковы́мъ человѣ́комъ слꙋ­чи́лъсѧ и́мъже_бы по́льзовалъсѧ, не_блꙋ­дни́цею_ли поꙋче́нъ бы́въ на́_землю всегда̀ ¬ зрѣ́ти, из̾_неѧ́же взѧ́тъ бы́сть и созда́­сѧ, и со_всѧ́кимъ смиреномꙋ́дріемъ и ¬ бл҃годаре́ніемъ къ_бг҃ꙋ, пріѧ́тъ поꙋче́ніе; ¬
Что́_же пречю́дныи мака́ріи помоли́выисѧ ¬ подо́бнѣ єфре́мꙋ, не єди́ным ли о́тро­комъ волы̀ пасѹ́щемъ та́кожде поꙋче́нъ ¬ бы́сть, ка́кѡ подоба́етъ ꙗ́ди причаща́ти­сѧ, да и єщѐ и поноше́нъ бы́въ и́мъ ¬ ре́кшемъ ємѹ̀, илѝ па́ки осе́лъ єсѝ а́вво. ¬
Таковѝ сѹ́ть всѝ нело́жніи бж҃іи ѹго́дни­ци, со_всѧ́кимъ смиреномꙋ́дріемъ и бл҃го­даре́ніемъ къ_бг҃ꙋ и́щꙋтъ и_пріе́млютъ ис­правле́ніе ѿ_всѧ́когѡ человѣ́ка могꙋ́щагω ¬ по́льзовати и́хъ, повинѹ́ющесѧ бж҃іеи за́­повѣди глаго́лющей;
вопросѝ отца̀ тво­его̀, и_возвѣсти́тъ тебѣ̀, старѣ́йшихъ ¬ твои́хъ, и_рекѹ́тъ_ти.
Что́_же честны́и ¬ презвѵ́теръ о́нъ, и́же ве́ліѧ ра́ди своегѡ̀ ¬ без̾ѕло́біѧ и_чи́стагѡ житіѧ̀, сподо́бивыи­сѧ ѿ_бж҃е́ственыѧ бл҃года́ти а́нг҃ла вы́нꙋ зрѣ́­ти, ѡдеснѹ́ю олтарѧ̀ стоѧ́ща, и слꙋжа́ща ¬ ємѹ̀, не єди́нымъ ли діа́кономъ прише́­дшимъ к̾_немѹ̀ ѿ_контани́нѧ гра́да и ¬ слꙋжа́щемъ ємѹ̀, исправле́ніе пріѧ́тъ, ¬ ѡ_не́мъже толи́ка лѣ́та ѿ_невѣ́дѣніѧ со­грѣша́ше, рѣ́чи нѣ́кіѧ северіа́нскіѧ є́ре­си приглаша́ѧ надъ_бж҃е́ствеными та́йны. ¬
и́же и_предъстоѧ́щемꙋ бжс̑твеномꙋ а́нг҃лꙋ, ¬ а́ки стѧза́ѧсѧ, ω_не́мъже толи́ка лѣ́та ¬ пред̑стоѧ̀, и с_ни́мъ слꙋжа̀ бжс̑твенаѧ, за­молча́въ ємѹ̀ таково́е согрѣше́ніе, проти́­вꙋ слы́шалъ, та́кѡ бг҃ъ є́сть ѡправда́лъ, ¬ ꙗ́кѡ чл҃кѡмъ ѿ_чл҃къ па́ки исправлѧ́тисѧ. ¬
Ни єди́на ѹ́бѡ ѿсю́дꙋ доса́да прибѹ́детъ, ¬ преподо́бнымъ чюдотво́рцѡмъ рѹ́сскимъ, ¬ исправле́ніемъ кни́жнымъ.
єльма̀ нижѐ ¬ бы́вшим̑ во_времена́хъ, гоне́ніих̑ ст҃ѣйшимъ бж҃и­имъ архієре́ѡмъ, и мчн҃кѡмъ, ни єди́нъ ¬ поно́съ илѝ досажде́ніе прибы́сть, ѿ_бы́въ­шихъ по́слѣ и́хъ разли́чныхъ исправле́ніи, ¬ ст҃агѡ писа́ніѧ, ве́тхагѡ завѣ́та, сѷм̾­ма́хомъ, и ѳеодотіо́номъ, и акѵ́лою, и ¬ лꙋкіа́номъ_презвѵ́теромъ антіохі́йскимъ. ¬
коемꙋ́ждо исполнѧ́ющꙋ презрѣ́ннаѧ пре́жде ¬ єгὼ бы́вшим̑ прево́дником̑.
но и ω_се́мъ ѹ́бѡ ¬ толи́ка довлѣ́ютъ, по^єли́кѡ пред̑пра́веднымъ ¬ и_бг҃ораз̾сѹ́дным̑ архієре́омъ вы́шнѧгѡ стѧ­за́юсѧ словесы̀ проти́вꙋ клеве́щꙋщихъ мѧ ¬ напра́снѡ;
Єще́_же и ω_ѹченицѣ̀ сегѡ̀ ¬ и́нока маѯі́ма гре́ка, нѣ́сть пра́веднѡ, є́же ¬ рече́ннаѧ словє́съ трꙋдѡ́въ єгѡ̀ и тща́ніѧ ¬ молча́нію преда́ти;
ника́кѡ.
но ꙗ́кѡ ѹчи́­тель егѡ̀ и́нокъ маѯі́мъ ѹче́ніе бж҃е́стве­нымъ писа́ніємъ похвалѧ́етъ, си̂це и се́й ¬ ста́рецъ сілꙋа́нъ, и́же и ѹчени́къ єгѡ̀ ¬ бы́въ, и до́брѣ извы́къ гре́ческомꙋ ꙗзы́кꙋ ¬ и_грамматикі́и, и се́й написа̀ въ_предисло́­віи матѳе́а єѵг̑али́ста, зане́же о́нъ сіѧ̀ ¬ кни́ги бѣ̀ преводѧ̀, ѿ_гре́ческагѡ ꙗзы́ка ¬ на_слове́н̾скіи;
и се́й си̑це речѐ.
и да ¬ помышлѧ́етъ, ꙗ́кѡ и а́зъ человѣ́къ ¬ нѣ́смь гре́къ и ѿтѹ́дꙋ, но здѣ́шніѧ ¬ пе́рсти и рѹ́синъ, ꙗ́коже и про́чіи ненака́­занніи.
вѣ́мъ_бо вѣ́мъ мно́гихъ ѿ_тще­сла́віѧ в̾ таково̀ безѹ́міе прише́дшихъ, ¬ ꙗ́кω не вѣ́дѣти ничесого̀ граммати́чнагѡ ¬ ѹстрое́ніѧ, нижѐ родѡ́въ, нижѐ времє́нъ, ¬ нижѐ ѡконча́нєй, и про́чихъ таковы́хъ, ¬ ꙗ́же изложи́ша премѹ́дрѣйшіи ѹчи́тели. ¬
та́же с̾_таковы́мъ неразѹ́міемъ шата́ющих̑­сѧ, прелага́ти неѹдо́бь разѹ́мнаѧ и испра­влѧ́ти, да не_рекѹ̀ сопроти́внаѧ твори́ти, ¬ и́хъже бѣдѹ̀ вѣ́сте всѝ и́же писа́ніе про­чита́ющіи.
а́ще_ли кто̀ ѿ ѹче́ныхъ ωбрѧ́­щетъ ра́зꙋмъ ра́зꙋмꙋ не согласѹ́ющь, ¬ то́й да_в̾рꙋчи́тъ первоѡбра́знꙋю о́нꙋ бг҃о­дохнове́ннꙋю исторі́ю є́ллинскꙋю, самѹ́ю ¬ тѹ̀ ма́терь сеѧ̀, и та́кѡ ѿ_тоѧ̀ сꙋмнѣ́ніе ¬ своѐ, и ины́хъ мно́гихъ да разрѣша́етъ, ¬ и не^испра́вленое исправлѧ́етъ без̾_сомнѣ́ніѧ ¬ всѧ́когѡ;
сіѧ̀ и на́мъ пріѧ́тна, и ѕѣлѡ̀ ¬ жела́тельна.
кромѣ́_же сеѧ̀, да не_прель­сти́тъсѧ почини́ти, да не_рекѹ̀ испо́ртити. ¬
нѣ́сть_бо нѣ́сть лѣ́пѡ пои́стинѣ, всѧ́че­ски премѹ́дрѣйшемꙋ о́номꙋ послѣ́довати ¬ ꙗзы́кꙋ.
поне́же ѡбрѧ́щетсѧ сопроти́внѡ, ¬ нижѐ бо ро́ды, нижѐ времена̀, нижѐ око­нча́ніѧ подо́бна_сѧ имѣ́ютъ, но всѧ̀ пре­мѣне́на.
сегѡ̀ ра́ди ра́зꙋма па́че все­гѡ̀ иска́ти подоба́етъ, по дамаски́новꙋ ¬ сло́вꙋ, єго́же ничто́же честнѣ́йше. ¬
Про́чеє_же ѹ́бѡ ѿ списа́ніѧ вели́кагѡ во ¬ ст҃ы́хъ оц҃а оц҃є́мъ, и́же и па́влова и ¬ хрс̑то́ва ѹста̀ нарица́ющасѧ, іѽа́нна зла­тоꙋ́стагѡ въпи́шемъ, не нака́занныхъ ¬ совѣ́ты и бѹ́естнꙋю и́хъ го́рдость, и ¬ не^внима́ніе бж҃е́ственыхъ словє́съ в̾ поꙋче́­ніе и ра́зꙋмы не въ_бл҃го́е приклонѧ́ющихъ, ¬ нижѐ сеѧ̀ слы́шати хотѧ́щихъ, ѿрѣва́ю­ще.
Си́це ѹ́бѡ глаго́лютъ такові́и, ¬ и́же в̾ писа́ніихъ бж҃е́ственыхъ словє́съ ра́­зꙋмꙋ не прилѣжа́ще, па́че_же и мно́зи, ¬ ꙗ́кω нѣ́сть нѹ́жда є́же испы́товати писа́­ніѧ и_ѹче́ніѧ мно́га.
Что́_же к̾_си́мъ злато­ꙋ́стыи ѿвѣщава́етъ;
но то́чію ѹкарѧ́етъ, ¬ па́че_же ѿхꙋжда́етъ таковы́ѧ и́хъ глаго́­лы.
Достоѧ́ше на́мъ речѐ бж҃е́ственыи се́й ¬ златоꙋ́стъ не_тре́бовати ꙗ́же ѿ_писа́ніѧ по́­мощи, но_та́кѡ житіѐ чи́сто имѣ́ти, ¬ ꙗ́кѡ ст҃а́гѡ дх҃а бл҃года́ть, в̾ кни̂гъ мѣ́стѡ ¬ бы́ти на́шимъ дꙋшѧ́мъ.
и ꙗ́коже пи́смена ¬ черни́ломъ, си̂це сердца̀ на́ша дх҃омъ ст҃ы́мъ ¬ напи́сана бы́ти.
єльма́же ѿ себѐ сію̀ ѿра­зи́хомъ бл҃года́ть, понѐ к̾ семѹ̀ написа́­нію второ́мꙋ пріи́демъ;
но пе́рвое ѹ́бѡ ¬ бо́льшеє бѧ́ше.
и ѡ и́хъже глаго́ла, и ¬ ω и́хъже сотворѝ, ꙗви́лъ є́сть бг҃ъ.
и́бо но́е­ви и авраа́мꙋ, и ча́дѡмъ єгѡ̀, и і́ѽвꙋ ¬ же и моѷсе́ю, не_писа́ніемъ бесѣ́доваше, но ¬ са́мъ ω себѣ̀ чи́стꙋ ѡбрѣта́ѧ мы́сль и́хъ. ¬
и_поне́же в̾_тѹ̀ самѹ́ю ѕло́бы про́пасть в̾падѐ ¬ всѐ єѵ̾ре́йское мно́жество, тогда̀ про́чеє ¬ пи́смена и скрижа́ли, и є́же си́хъ ра́ди ¬ вос̾помина́ніе бы́сть.
и сѐ и не_в̾_дре́внихъ ¬ ст҃ы́хъ, но и в̾_но́вомъ прилѹ́чшеєсѧ ви́­дѣти и́маши.
ни аптс̑лѡмъ_бо дадѐ что̀ ¬ напи́сано бг҃ъ, но в̾мѣ́стω пи́смене, ¬ дх҃а ст҃агѡ бл҃года́ть ѡбѣща́сѧ да́ти, ¬ о́нъ бо воспомѧ́нетъ всѧ̀ речѐ.
и да на­вы́кнеши, ꙗ́кω сѐ мно́жае и бо́льшеє ¬ бѣ̀.
слы́ши что̀ глаго́летъ про̑ро́комъ ¬ бг҃ъ.
завѣща́ю и́мъ завѣ́тъ но́въ. ¬
и_даю̀ зако́нъ мо́й в̾ мы́сли и́хъ, и_въ ¬ сердца̀ и́хъ напишѹ̀ ѝ, и бѹ́дꙋтъ ¬ всѝ наꙋче́ни бг҃омъ.
и па́велъ_же єго̀ ¬ показѹ́ѧ преимѣ́ніѧ глаго́лѧ.
пріѧ́тꙋ ¬ бы́ти зако́нꙋ, не въ_скрижа́лѣхъ ка́ме­нныхъ, но в̾_скрижа́лѣхъ сердє́цъ пло́­тѧнъ.
єльма́же мно́гꙋ вре́мени минѹ́­вшꙋ, ѹстреми́шасѧ, о́ви ѹбω ѹче́ніѧ ¬ ра́ди, о́ви_же житіѧ̀, и нра́вомъ, по­тре́ба па́ки бы́сть є́же ѿ_пи́смєнъ воспоми­на́нію.
разꙋмѣ́й ѹ́бѡ, коли́кѡ є́сть ¬ ѕло̀, не_тре́бовати пи́смєнъ.
разꙋмѣ́й, ¬ коли́ко_же и бл҃го.
Си̂це до́лжнѡмъ сѹ́­щимъ чи́стѣ жи́тельствовати є́же пи́смєнъ ¬ не_тре́бовати, но_в̾мѣстω пи́смєнъ сердца̀ ¬ гладка̀ подаѧ́ти дх҃ꙋ ст҃о́мꙋ, и_не_ѹ_лиши́­тисѧ самоꙋче́ніѧ бж҃іѧ премѹ́дрости.
єль­ма́же по́честь о́нꙋ погꙋби́хомъ, и в̾_сихъ ¬ потре́бахъ ѹстрани́хомъсѧ, понѐ да не ¬ вторꙋ́ю ка́знь пріи́мемъ па́ки на́ страхъ. ¬
а́ще_бо грѣ́хъ бѣ̀ є́же писа́ніѧ тре́бовати, ¬ но дх҃а ст҃а́гѡ бл҃года́ть пріѧ́ти, смотрѝ ¬ коли́кѡ є́сть ѡсꙋжде́ніе, є́же ни с̾_по́­мощію се́ю хотѣ́ти по́льзоватисѧ, но ¬ в̾тѹ́не и в̾сѹ́е писа́ніѧ положе́наѧ прези­ра́ти, и бо́льшагѡ мꙋче́ніѧ пріѧ́ти;
є́же ¬ да не_бѹ́детъ.
Но в̾нима́емъ со_ωпа́с̾­ствомъ пи́саннымъ.
и сіѧ̀ ѹ́бѡ до_здѣ̀. ¬
Па́ки и́ндѣ то́йже глаго́летъ.
слы́ши ¬ аптс̑ла глаго́люща, гото́ви быва́йте во ѿвѣ́т̾ ¬ всѧ́комꙋ просѧ́щемꙋ ва́мъ сло́во ω ꙋпова́­ніи ва́шемъ.
и всѣ́мъ ѹ́бѡ та́же про­повѣ́дꙋетъ глаго́лѧ, сло́во хрс̑то́во да ¬ в̾селѧ́етъсѧ в̾ ва́съ бога́тнѡ.
Подо́бнѡ ¬ семѹ̀ и ники́та ираклі́йскіи в̾ толкова́ніи ¬ четве́ртомъ на́десѧть, въ_кни́зѣ бг҃осло́­вовѣ речѐ, две́рь глаго́летъсѧ всѧ́ко бж҃е́­ственое писа́ніе, тѣ́ми_бо писа́ніи къ_вѣ́рѣ ¬ прихо́димъ.
Глаго́лютъ к̾_си́мъ безѹ́­мніи и лѣни́вѣйшіи, всѧ́ка дꙋша̀ проста̀ ¬ бл҃гослове́на є́сть, и_ходѧ́и про́стѡ, хо́дит̑ ¬ во_ꙋпова́ніи;
сѐ ѹ́бѡ всѣ́мъ ѕло́бамъ вина̀ ¬ є́сть, ꙗ́кѡ нижѐ свидѣ́тельства писа́­ніемъ к̾ потре́бѣ вѣ́дѧтъ мно́зи приводи́­ти;
Не_неразѹ́мнагѡ_бо здѣ̀ глаго́летъ ¬ всѧ́ка дꙋша̀ проста̀ бл҃гослове́на, нижѐ ¬ па́ки не_вѣ́дѧщагѡ что̀;
но нелꙋка́вагѡ, ¬ не ѕлодѣ́ѧ и_разѹ́мнагѡ.
єльма̀ а́ще ¬ ѹ́бѡ си́це_бы бы́ло, и́злиха бѣ̀ є́же гла­го́лати, бѹ́дите мѹ́дри ꙗ́кѡ зміѧ̀, и ¬ цѣ́ли ꙗ́кω го́лꙋби.
си́це ѹ́бѡ злато­ꙋ́стъ, дх҃омъ ст҃ы́мъ на́съ наказѹ́етъ, ¬ и принꙋжда́етъ люботрѹ́днѣ испы́товати, ¬ бжс̑твенаѧ писа́ніѧ.
ꙗ́коже и и́ндѣ стра́­шнѣе глаго́лъ се́й приво́дитъ гл҃ѧ, нѣ́сть ¬ речѐ спасти́сѧ никомꙋ́же, а́ще не ча́стѡ ¬ прочита́ніѧ дх҃о́внагѡ наслажда́етсѧ.
по­ви́немсѧ ѹ́бѡ вели́комꙋ семѹ̀ ꙋчи́телю, ¬ ꙗ́кѡ да ѿбѣ́гнемъ лжеимени́тагѡ и вре́дъ­нагѡ ра́зꙋма и_мꙋдрова́ніѧ.
и присво́имъ­сѧ и́стиннѣй и_поле́знѣй и почерпа́ющей из̾ ¬ неѧ водѣ̀ жи́вѣ, могꙋ́щей прохлади́ти ¬ раз̾жига́ющіѧ стра́сти на́шѧ, и_наста́ви­ти на́съ на всѧ́кꙋ и́стинꙋ.
И па́ки ѹ́бѡ ¬ то́йже златоꙋ́стыи речѐ, ничто́же и́но ¬ на́съ на_сѐ то́нкостемъ си́мъ наꙋчи́тъ, ¬ ꙗкѡ и́же с̾ бж҃іею по́мощію бж҃е́ственыхъ ¬ писа́ніи сокрꙋше́номъ се́рдцемъ не^тщесла́­вное испыта́ніе, ꙗ́кѡ и вы́ше сло́во наꙋчи́ло ¬ є́сть.
в̾ни́кнемъ ѹ́бѡ и поꙋчи́мсѧ всѣ́хъ ¬ бж҃е́ственыхъ писа́ніи в̾ сію̀ кни́гꙋ де́нь и ¬ но́щь молѧ́сѧ.
и а́ще мо́щно є́сть, наѹ́сть ¬ пре́ймемъ, ꙗ́кѡ да_го́н̾знемъ ѕломѹ́дре­ныхъ мꙋжє́й прельще́ныхъ ѹче́ніи, и при­лѣпи́мсѧ пꙋтѝ бг҃оно́сныхъ оц҃ъ, в̾^водѧ­щемꙋ в̾_живо́тъ вѣ́чныи.
ꙗ́коже и вели́­кіи васи́ліи въ_по́стническихъ словесѣ́хъ ¬ свои́хъ в̾_нача́лѣ приходѧ́щемꙋ в̾ повинова­ніе, сщ҃е́ннымъ пи́сменємъ ѹчи́тисѧ пове­лѣва́етъ.
Глаго́летъ_бо си̂це, ꙗ́кѡ є́же ¬ на_потре́бꙋ бы́ти, комꙋ́ждо навыца́ти ѿ ¬ бг҃одохнове́нныхъ писа́ніи подо́бно є́сть и ¬ потре́бно на извѣще́ніе бг҃оче́стіѧ, и є́же ¬ не навы́кнꙋти человѣ́ческихъ преда́ніи. ¬
вели́кіи ѹ́бѡ васи́ліи си̂це ре́клъ є́сть. ¬
Вели́кіи_же анаста́сіи сина́йскіи па́ки гла­го́летъ, ꙗ́кω хрс̑тосъ бг҃ъ на́шъ ѹчи́тъ ¬ ны глаго́лѧ, испыта́йте писа́ніѧ, и в̾_ни́хъ ¬ ѡбрѧ́щете живо́тъ вѣ́чныи.
и́стинно ¬ є́сть глаго́лемое.
всѧ́ко ꙋ́бѡ писа́ніе ¬ бг҃одохнове́нно и поле́зно є́сть.
Сегѡ̀ ¬ ра́ди до́лжни єсмы̀ во_всѣ́хъ и́хъже гла­го́лемъ и твори́мъ, имѣ́ти показа́ніе ¬ ѿ бж҃е́ственыхъ писа́ніи, да не_человѣ́­ческими помышле́ньми прельща́еми ис̾па́­днемъ пра́вагѡ пꙋтѝ, и в̾па́днемъ въ ¬ про́пасть поги́бели.
за́повѣдь_бо гдс̑нѧ ¬ свѣтла̀ просвѣща́ющи о́чи.
бесѣ́ды же ¬ ѕлы̀ растлѣва́ютъ обы́чаи бла́ги.
подо­ба́етъ на́мъ со́_страхомъ и любо́вію бж҃е́стве­номꙋ писа́нію поꙋчава́тисѧ, и воз̾двиза́ти ¬ себѐ, и дрѹ́гъ дрѹ́га, воспомина́ньми ¬ ст҃ы́хъ писа́ніи и_бж҃іими заповѣдьмѝ. ¬
сі́и ѹ́бѡ всѝ, не_про́стѡ прочита́ти бж҃е́­ственаѧ писа́ніѧ наказѹ́ютъ, но и ѕѣ­лѡ̀ люботрꙋ́днѣ в̾_си́хъ ѹпражнѧ́тисѧ. ¬
мы́_же ко́его поми́лованіѧ имѣ́ти хо́­щемъ, небрегѹ́ще ѡ_си́хъ, но_ѕломꙋ́дре­ныхъ мꙋжє́й прельще́ннымъ ѹче́ніемъ вни­ма́юще па́че, и на́шимъ плотьски́мъ помы­слѡ́мъ.
Ѹпраздни́мсѧ ѹ́бѡ со смире́ни­емъ на_бжс̑твенаѧ.
А́ще_ли же нѣ́гдѣ нѣ́­каѧ ѿ_пи́санныхъ, неꙋдо́бь разѹ́мна ¬ на́мъ ꙗвлѧ́ютсѧ, къ_могꙋ́щемꙋ сіѧ̀ на́мъ ¬ ꙗ́вѣ сказа́ти, съ_бг҃омъ по́йдемъ.
ꙗ́ко­же и_бж҃е́ственыи іѽаннъ златоꙋ́стъ на­казѹ́етъ.
гл҃етъ_бо в̾ при́тчи ла́заревѣ. ¬
ꙗ́кѡ лꙋка́вьство сѐ є́сть и непщева́ніе, и ¬ лѣ́ности прикрове́ніе, є́же не разꙋмѣ́еши ¬ в̾_ни́хъ лежа́щаѧ.
ка́кѡ ѹ́бω мо́жеши ¬ разꙋмѣ́ти когда̀, нижѐ про́стѡ в̾ни́кнꙋ­ти хотѧ̀;
пріимѝ в̾_рѹ́цѣ кни́гꙋ, ¬ и_прочтѝ с̾писа́ніе всѐ, и разꙋмѣва́емаѧ ¬ ѹдержѝ, безвѣ́стнаѧ_же и недовѣ́домаѧ ¬ мно́гажды прочтѝ.
и_а́ще не_возмо́жеши ¬ ча́стымъ прочита́ніемъ разꙋмѣ́ти глаго́­лемое, ше́ствꙋй к̾ премѹ́дрѣйшемꙋ ѹчи́те­лю и вопросѝ глаго́лемыхъ, и мно́го по­кажѝ потща́ніе.
и а́ще ви́дитъ_тѧ бг҃ъ ¬ толи́ко ꙋсе́рдіе имѹ́ща, не_презритъ ти ¬ бдѣ́ніи попече́ніѧ.
но а́ще и человѣ́къ не ¬ наꙋчи́тъ_тѧ иско́маго, то́й ѿкры́етъ ти ¬ всѧ́кѡ.
и сіѧ̀ ѹ́бѡ здѣ̀ глаго́летъ.
И ¬ па́ки то́йже во є́же ѿ_матѳе́а.
вели́ко ¬ ѹ́бѡ ѕло̀ є́же не_вѣ́дѣти писа́ніѧ.
и ¬ ꙗ́коже ско́тъ без̾слове́сенъ ѡбно́ситъсѧ. ¬
и́бо ѿ сегѡ̀ бес̾чи́сленаѧ ѕла̀ ражда́ютъ­сѧ ѿ невѣ́дѣніѧ писа́ніи.
ѿ сегѡ̀ лю́­тыи єрети́ческіи возрастѐ недѹ́гъ.
ѿ ¬ сегѡ небрего́маѧ и_неиспра́вленаѧ житіѧ̀. ¬
бес̾_прибытка трꙋдѝ.
помраче́ніе дꙋшѝ. ¬
діѧ́волѧ пре́лесть.
ꙗ́коже ѹ́бѡ и́же свѣ́­та сегѡ̀ лише́ніи не пра́вѣ хо́дѧтъ, си̂це ¬ и́же и_бж҃е́ственыхъ писа́ніи лише́ніи, и ¬ к̾_лꙋча́мъ си́хъ не_взира́юще, мно́го по­тыка́ютъсѧ, и понꙋжда́ютъсѧ ча́стѡ со­грѣша́ти.
ꙗ́кω во_тмѣ̀ лю́тѣ ходѧ́ще. ¬
И сегѡ̀ ра́ди наказѹ́ѧ аптс̑лъ тимоѳе́ѧ ¬ глаго́лаше, в̾нима́й прочита́нію, ѹтѣ­ше́нію, ѹче́нію.
ви́дѣсте_ли люби́мици, ¬ ꙗ́кѡ повсю́дꙋ ѹчи́тъ бж҃е́ственое писа́­ніе, сщ҃е́ннымъ пи́сменємъ ѹчи́тисѧ. ¬
и в̾_сицевы́хъ ѹпражнѧ́тисѧ, а не_в̾_лꙋка́­выхъ обы́чаєхъ на́шихъ;
и ω_си́хъ ѹ́бѡ ¬ до_здѣ̀;
имѹ́щимъ ра́зꙋмъ, и сіѧ̀ до­влѣ́ютъ.
про́чеє здѣ̀ ω_си́хъ сло́во с̾кра­ти́мъ, и к̾_нача́лꙋ граммати́ки в̾_трꙋдолю́­бное потща́тельства єстество̀ своѐ понꙋ́­димъ, на́_бг҃а ꙋпова́ніе возлага́ѧ, и ст҃ы́хъ ¬ о́нѣхъ и́же во_ꙋче́ніи ѹпражнѧ́ющихъсѧ ¬ въ по́мощь призыва́ѧ.
и́хъже мл҃твами ¬ и пода́стъ на́мъ гдс̑ь бл҃га́ѧ о́нѣхъ во­спріѧ́ти бл҃года́тію свое́ю и чл҃колю́біемъ.

Про́чеє же к̾ си́мъ, и похва́льнаѧ словеса̀ ¬ сеѧ̀ бл҃же́нныѧ и ст҃ы́ѧ кни́ги грамматі́ки ¬ да не не_рекѹ́тсѧ, ꙗ́кω бы̀ ѿ лица̀ єѧ̀ ¬ бы́ти рече́ннымъ.

Чтѹ́щаго мѧ ꙗ́ко_бы речѐ почтѹ̀, и_лю́­бѧщаго воз̾люблю̀, а ѹничижа́ющаго не ¬ поношю̀, и прите́кающаго ко мнѣ̀ не ѿже­нѹ̀, но па́че по_єстествѹ̀ слꙋчи́тисѧ то­мꙋ̀ бл҃говолю̀, Зане́же бж҃іє дарова́ніє ¬ нарица́тисѧ хощꙋ̀.
Подоба́ет̾_бо лю́бѧщим̑ ¬ себѐ, и_и́щꙋщим̑ менѐ, чс̑тнѹю наѹ́кꙋ, ¬ мѹ́дрꙋю Грамматі́кꙋ съ_прилѣжа́ніемъ ¬ внима́ти;
Поне́же бо младе́нцємъ є́смь, ¬ ꙗ́кѡ пита́телница, нача́ломъ мои́мъ ¬ в̾ нача́лѣ своегѡ̀ бытіѧ̀, то́нкимъ сво­и́мъ и_о́стрым̑ гла́сом̑, воздѹ́хъ предира́етъ ¬ є́же во а́зъ воскли́коваетъ, и тѣ́мъ пи́­щю себѣ̀ испроша́етъ.
дѣ́тищамъ же ¬ ꙗ́ко храни́телница, ꙗ́кѡ на воспріѧ́тіє ¬ своегѡ̀ бытіѧ̀ пѣ́стꙋны призыва́етъ.
отро­чѧ́тѡмъ_же ꙗ́кѡ быстрозри́телнаѧ наста́­вница, ꙗ́кω всѧ̀ ка́чества и коли́че­ства не_премолчава́етъ, но всѧ́ко вопро­ша́етъ, и вѣ́датисѧ понꙋжда́етъ;
Ю́но­шѧмъ, ꙗ́кѡ цѣломꙋ́дрію ѹчи́телница. ¬
Мꙋжє́мъ, ꙗ́кѡ люби́маѧ сожи́телница. ¬
И преста́рѣющимсꙗ, ꙗ́кω всечестна́ꙗ со­бесѣ́дница.
Кѹ́пно же всѣ́мъ без_раз̾­сꙋжде́ніѧ ра́ста, ꙗ́кω второроди́телни­ца, є́же къ_пло́ти ѹче́ніемъ сло́ва, ¬ и къ_сло́вꙋ зрѣ́ніемъ смы́сла, и_къ_смы́­слꙋ происхожде́ніемь дѣ́йства.
дѣ́йство ¬ же всѧ́когѡ ка́чества раз̾сѣца́етъ четы̀. ¬
и составлѧ́етъ вины̀, и быва́етъ цвѣ́тъ ¬ добропло́днагѡ ꙋма̀, и пото́мъ вели́кіи ¬ бл҃горазѹ́міа пло́дъ, и́же всѣ́мъ в̾ препо­лне́ніе и в̾ насыще́ніе, и в̾ наслажде́ніе из̾­ѡби́лнѡ излива́єтъ и простира́етъ, и ¬ пода́етъ а́ки нѣ́кое сокро́вище стѧжа́выи. ¬
ємѹ́же клю́чь в̾ рꙋцѣ̀ имѹ́щь, и тѣ́мъ ¬ две́рь разꙋмѣ́ніѧ ѿверза́етъ, ѿ^онꙋ́дꙋ­же всечс̑тныѧ ба́гра, и многобога́тныхъ ¬ маргари́тѡвъ добро́ты воспріє́млетъ, ¬ и про́чимъ подае́тъ всѣ́мъ и́же на_то̀ ¬ тща́щимсѧ и жела́ющимъ.
Сегѡ̀ ра́ди ¬ ни́кто^же во_ꙋмѣ̀ свое́мъ бла́го что̀ ѡбрѧ́­щетъ, а́ще не позна́въ и не ꙋразꙋмѣ́въ ¬ менѐ.
А́зъ_бо всѐ ѹдо́бнѡ и разꙋ́мнѡ ¬ глаго́лати и писа́ти наꙋча́ю, и быстрозри́­тельнагѡ ра́зꙋма пости́гнꙋти ѹмꙋдрѧ́ю, ¬ и всѧ̀ по́мыслы раз̾сꙋжа́ти ѹмышлѧ́ю. ¬
И ѿ лъжѝ и́стинствовати наставлѧ́ю, ¬ и глꙋбокобы́тное та́инство ѿкрыва́ю, ¬ и высокопари́вое сло́во соверша́ю, и нра́въ ¬ мѹ́дростію ѹкраша́ю, и всѐ сꙋщество̀ ¬ тогѡ̀ прославлѧ́ю и просвѣща́ю.
Поне́­же не^разꙋ́міе разрѣша́ю, и забве́ніе ¬ воспомина́ю.
Настоѧ́щее предлага́ю, и ¬ бѹ́дꙋщее возвѣща́ю, дрꙋголю́біе соче­та́ю.
И тѣ́мъ ре́кше мно́ю, всѝ мѹ́­дріи виті́и, ри́тори же рекѹ̀ и філосо́­фи, досто́йныѧ сла́вы, и вели́кіѧ по́че­сти себѣ̀ постиза́ютъ.
Ꙗ́коже дре́вніи ¬ приами́дъ.
и и́же дре́внихъ лѣтъ слѹ́­чшаѧсѧ ѡбрѣ́те мѹ́дрыи промеѳеꙋ́съ, ¬ с_ни́ма^же и коми́дъ.
Сі́и бо начерта́ни­ємъ мѧ̀ во_є́ллинохъ соста́виша, и тро́­стію назна́менаша, и пи́смена, ре́кше ¬ бѹ́квицꙋ собра́ша, и разли́чными подо́­біи ѹмы́шленаѧ имена̀, коємѹ́ждо осо́­бнѡ на^реко́ша, ꙗ́коже рещѝ а б в, и ¬ про́чаѧ по́_рѧдꙋ всѧ̀.
И таковы́ми пи́­смены, сло́ги счини́ти ѹмы́слиша, ¬ ꙗ́коже рещѝ, по, илѝ, до, илѝ, ¬ ба.
и таковы́мъ по согла́сію соꙋдаре́­ніємъ сне́мшимсѧ, гл҃ъ ꙗвлѧ́ютъ, ¬ ꙗ́коже рещѝ, подоба́ше.
илѝ нѣ́кꙋю ѿ ¬ осмѝ єди́нꙋ ча́сть ѡбьѧвлѧ́єтъ, и чѧ­стє́мъ по_ра́зꙋмꙋ съше́дшимсѧ, ѹста́­вно сло́во составлѧ́етъ.
Ꙗ́коже рещѝ, ¬ бо́льши всѣ́хъ є́сть добродѣ́телєй лю­бо́вь.
И та́кѡ мно́ю составлѧ́хꙋсѧ всѧ̀ ¬ чино́вныѧ статіѝ, и_съплета́емыѧ сти­хѝ, и начина́ємыѧ главы̀, и нако­нчава́ємыѧ сви́тки, и всѧ̀ прочита́­ємыѧ книги.
И таковы́ѧ ра́ди вины̀ ¬ граммати́кꙋ мѧ нареко́ша.
тѣ́мъ ¬ діале́ктикꙋ же, и рито́рикꙋ мѝ сочета́­ша и содрꙋжи́ша, и ꙗ́ко чино́вницꙋ мѧ ¬ во_ꙋста́вѣхъ, и хитрогла́сницꙋ на­реко́ша.
и ті́ѧ же са́ми в̾ свои́хъ ¬ словесѣ́хъ да рекѹ́тсѧ.
а́зъ же ω себѣ̀ ¬ здѣ̀ ꙗвлю̀.
Не то́кмѡ ꙋ́бѡ менѐ дре́­вніи філосо́фи возлюби́ша.
но и в̾_но́вой ¬ бл҃года́ти, всѝ и́же во_ꙋче́ніихъ бж҃е́стве­ныхъ писа́ніи, и про́чихъ філосо́фъскихъ ¬ наказа́ніи ѹпражнѧ́ющіисѧ, ни єди́нъ ¬ кто̀ ѿ и́же в̾ си́хъ пребы́въ менѐ не не^при­ча́стенъ бы́въ, ꙗ́коже и сло́вомъ ωбьѧ­ви́ти.
Аѳана́сіи вели́каѧ сла́ва, и́же ¬ не то́чію алеѯандрі́и, но и все́й вселе́ннѣй ¬ похвала̀.
Григо́ріи бг҃осло́въ.
Васи́ліи вели́­кіи.
Іѽа́ннъ златоꙋ́стыи.
Козма̀ асѷг̾­кри́тъ.
дамаски́нскіи іѽа́ннъ съ_тезоиме́­нным̑ томꙋ̀, ω_не́мже пред̑вари́въ рѣ́хъ, и ¬ инѣ́хъ мно́жество, ꙗ́коже в̾ житіѧх̑ и́хъ ¬ с̾^писа́теліе ꙗвлѧ́ютъ.
вси́_бо сі́и ѿ ю́ности ¬ и́хъ, и во всѧ̀ днѝ житіѧ̀ своегѡ̀ менѐ ¬ возлюби́ша, и собесѣ́дницꙋ себѣ̀ сочета́ша. ¬
Про́чее же па́ки ми хвала́мъ досто́йнаѧ ¬ ω_себѣ̀ досто́итъ не_не_изъѧви́ти;
Є́смь_бо ¬ ѿ седмѝ нача́лнаѧ и свобо́днаѧ мѹ́дрость ¬ грамматі́ка.
Є́же до́мъ ми є́сть по­ко́ѧ моегѡ̀ всѐ слове́сноє жи́вство, ¬ всѧ́къ человѣ́къ.
Сла́вою бо честна̀, ¬ и ѹче́ніемъ красови́та, во_ꙋстѣ́хъ ¬ сладка̀, и на́ сердцы чюдна̀, и на ѧзы́­цѣ свѣтла̀.
Сегѡ̀ ра́ди всѝ і́же ра­згиба́ющіи кни́ги, и развива́ющіи сви́­тки, мно́ю прочита́юще и себѐ наꙋча́юще, ¬ и_премѹ́дростно_сѧ исполнѧ́юще, и дрѹ́гъ ¬ дрѹ́га ѹдивлѧ́юще, и всепѣ́тꙋю сла́вꙋ ¬ бг҃ꙋ воз̾сыла́юще.
и всѐ є́же ѹдо́бнѡ ¬ и_лѣ́ть человѣ́кꙋ глаго́лати, то̀ всѐ ¬ мно́ю глаго́летъ.
и кто́ что пи́шетъ, ¬ илѝ кни́жнаѧ пи́смена ѹстраѧ́етъ, илѝ ¬ стихѝ соплета́етъ, илѝ по́вѣсти изъ­ꙗвлѧ́етъ, илѝ посла́ніѧ посыла́етъ, илѝ ¬ что̀ таковы́хъ соствлѧ́етъ, то̀ всѐ ¬ мно́ю Грамматі́кою сниска́етъ,
Поне́­же на времена̀ розвожю̀, и на_чи́сла розо­чтꙋ̀, и на_ли́ца роз̾скажѹ̀, и на паде́­ніѧ ѹклоню̀, и на_сꙋпрѹ́жьства сведѹ̀, ¬ степе́ни раз̾сꙋжю̀, и_ро́ды разберѹ̀, и ¬ всѧ̀ въ_пи́сменахъ про́чаѧ ѹстроє́ніѧ, ¬ ѹдо́бнѡ и разѹ́мнѡ со_всѣ́ми просо́діѧ­ми, и_съ то́чками и з̾_запи́нками, ста́­тнѡ и_внѧ́тнѡ ꙋчиню̀.
и не є́сть без̾ ¬ менѐ ни єди́ныѧ черты̀ ꙗ́же тро́стію по­лага́емаѧ, илѝ писмо̀ илѝ сло́гъ, илѝ ¬ ча́сть илѝ рѣ́чь, илѝ сло́во, илѝ ста­тіѧ̀, илѝ сти́хъ, илѝ глава̀, илѝ нача́­ло илѝ коне́цъ, илѝ чемѹ̀ то́чка, илѝ ¬ ѡ че́мъ запи́нка, то̀ всѐ моѐ ꙋче́ніє, ¬ и ѹмѣ́ніє и разꙋмѣ́ніє, и ѹмышле́ніє ¬ и_ѹложе́ніє и_положе́ніє, и всѧ́ко въ_пи́­сменахъ строе́ніє и составле́ніє, моє̀ ¬ граммати́ческоє проразꙋмѣ́ніє.
Такова̀ ¬ є́смь ѹста́вомъ и поста́вомъ и соста́­вомъ, и всѣ́мъ єстество́мъ ¬ Грамматі́ка име­нѹ́юсѧ; ¬