Мцс̑ъ ию́нь и́мать дне́й, л҃. дн҃ь и́мать часо́въ є҃і. ¬ а но́щь, ѳ҃.

Мцс̑а ию́ня въ а҃ дн҃ь.¬
стра́сть ст҃а́гѡ му́ченика іусти́на фило­со́фа.
бл҃гословѝ о́ч҃е.

Іусти́нъ хрс̑то́въ му́ченикъ, бѣ̀ ѿ́_гра­да но́вагѡ сѵ́рскагѡ філосо́фъ прему́дръ ¬ ѕѣлѡ̀, и ра́зумъ имѣ́я мнѡ́гъ.¬
любля́ше же и чтя́ше хрс̑та̀, и не^нави́­дящихъ єгѡ̀ ѿвраща́шеся.
и бжс̑тве­ною ре́вностію по вся̀ днѝ разгара́шеся.¬
и тогѡ̀ ра́ди ше́дъ въ̑ ри́мъ въ црс̑тво антѡни́­на, написа̀ сви́токъ на пре́лесть и́доль­скую, побора́я по хрс̑тія́нъ̑стѣй вѣ́рѣ, ¬ и дадѐ єго̀ царю̀.
и почтѐ ѝ ца́рь, ¬ и почюди́ся му́дрости єгѡ̀.
и не то́кмѡ ¬ не убѝ ѝ, но и похвалѝ єго̀ предъ̑_всѣ́ми ¬ поне́же идолослужи́телємъ посрамля́ше ¬ лица̀, и служе́ніе и́дольское ле́стнѡ явля́­ше, а хрс̑тія́нское извѣ́стнѡ держа́ти, и ¬ утвержа́ти написа́ніи, и слове́сными пока­за́ніи.
и зави́дѣвъ єму̀ криске́нтъ ¬ філосо́фъ, и за́висти ра́ди убіе́нъ бы́сть ¬ ѿ_негѡ̀.

В_то́йже дн҃ь стра́сть ст҃ы́хъ му́ченикъ ¬ іусти́на, іу́ста, и_харито́на, и_дружи́­ны и́хъ.

Ті́и ст҃і́и живя́ху въ̑_ри́мѣ, уча́ще ѡ_и́ме­ни іс҃ъ хрс̑то́вѣ, и я́ти бы́вше ѿ єпа́рха ¬ градъ̑ска́гѡ, и затворе́ни бы̂ша в_темни́­цѣ.
и по_мно́зѣхъ днє́хъ изведе́ни ¬ бы̂ша ис_темни́цы, и предъ̑ста́ша єпа́­рху.
и вопросѝ єпа́рхъ іусти́на.¬
и по_мно́зѣхъ же ины́хъ вопро́сѣхъ ¬ глаго́ла, рцы́_ми іусти́не, а́ще убіе́нъ ¬ бу́деши и усѣ́ченъ, вся́кѡ извѣсти́лъ_ли ¬ єсѝ, я́кѡ хо́щеши взы́ти на нб҃са̀.¬
и речѐ іусти́нъ, є́й, надѣ́юся на­слѣ́дити црс̑тво нбс̑ное, а́ще претерплю̀ ¬ сію̀ му́ку успѣ́шнѡ.
єпа́рхъ речѐ, ¬ сія́_ли помышля́еши іусти́не, ¬ я́кѡ взы́деши на нб҃са̀, и пріи́меши во ¬ зда́ніе нѣ́кихъ бл҃гъ.
и речѐ іусти́нъ, ¬ не помышля́ю сегѡ̀ про́стѡ, но ѡпа́снѡ ¬ извѣсти́хъ.
тогда̀ єпа́рховымъ пове­лѣ́ніемъ съ харітѡ́номъ и со инѣ́ми главы̀ ¬ и́хъ усѣ́кнуша;

Въ̑ то́йже де́нь па́мять прпд̑бнагѡ оц҃а ¬ на́шегѡ діѡни́сія игу́мена глуши́цкаго ¬ но́ваго чюдотво́рца.

Се́й прпд̑бный оц҃ъ на́шь діони́сій бѣ̀ ¬ ѿ́_града во́логды, по́прищъ четы́реде­сять.
бли́зъ є́зера гл҃емагѡ вели́кагѡ ¬ ку́беньскагѡ, ѿ восто́чную страну̀ ¬ со́лнечнагѡ восхо́да.
посе́мъ ѡбъ̑хожа́ше ¬ ст҃ы́й мнѡ́га мѣ́ста ѡ́кругъ предъ­^рече́ннагѡ є́зера вели́кагѡ ища̀ поко́й ¬ ѡбрѣстѝ, идѣ́же бг҃у рабо́тати.
и ¬ прии́де въ̑ ве́сь глаго́лемую лучи́цу, ¬ имѣ́я съ̑ собо́ю бра́та и́менемъ пахо́мія.¬
и поста́виста себѣ̀ пре́же на то́мъ мѣ́сте ¬ кѣ́лію.
та́же и цр҃квь созда́ша во и́мя ¬ ст҃а́гѡ нико́лы.
и ѡст҃и́ша ю̀ по благо­слове́нію григо́рія єпс̑кпа росто́въскагѡ.¬
и нача́ша бра́тія сожи́тельствовати с_ни́мъ ¬ по́льзы ра́ди.
ст҃ы́й же монасты́рь ¬ устро́ивъ на мѣ́стѣ то́мъ, и о́бще ¬ житіѐ соста́ви.
посе́мъ сщ҃е́нъ̑ства са́нъ ¬ прія́тъ сѝ, и чи́стѣ же́ртву принося̀ ¬ гдс̑ви.
та́же въ̑ то́й оби́тели идѣ́же жи­вя́ше ст҃ы́й, поста́ви настоя́теля учн҃ка̀ ¬ своегѡ̀ предирече́ннаго пахо́мія.
са́мъ же ¬ ми́ръ да́въ бра́тіи, и ѿ тогѡ̀ мѣ́ста ¬ ѿи́де въ̑да́лѣ пя̂ть^на́десять по́прищъ.¬
на_рѣку̀ глуши́цу, и ту̀ ѡбнощева̀.¬
и то́нцѣ усну́въ, и слы́шавъ ма́ніем̑ я́кѡ ¬ гла́съ звоня́щь въ̑ то́й пусты́ни, и а́біе ¬ воста́въ ра́достенъ въ̑ бо́рзѣ.
и мл҃тву со­твори́въ, и на том̑ мѣ́стѣ крс̑тъ поста́ви, ¬ и́же ноша̂ше съ̑ собо́ю.
посе́мъ же поста́ви ¬ себѣ̀ кѣ́ліицу ма́лу при_нѣ́коемъ дре́вѣ.¬
дре́во же то̀ вну́трь мнс̑тря є́сть и до_сего̀ ¬ днѐ я́годичіе и́мать черно̀, зово́мо чере́м­ха.
и нѣ́кій чл҃къ имѣ̀ зубѡм̑ болѣ́знь, ¬ и с_вѣ́рою сьядѐ я́году ѿ_того̀ дре́ва, и а́біе ¬ получѝ здра́віе.
И пото́мъ прпд̑бный оц҃ъ ¬ на́шъ діѡни́сій, въ̑да̀ себѐ воздержа́нію ¬ ѕѣ́лно́му и всено́щному бдѣ́нію, ¬ посту́ же и_мл҃твѣ.
по_ма́лѣ же вре́­мени нача́шя бра́тія къ нему̀ прихо­ди́ти на_то̀ мѣ́сто єди́нъ по_єди́ному, ¬ и число̀ учени́къ мно́жашеся.
и посе́мъ ¬ поразъ̑суди́въ ст҃ы́й, и поста́ви на_то́мъ ¬ мѣ́стѣ цр҃ковь, во́_и́мя прест҃ы́я бцд̑ы, ¬ чс̑тна́гѡ єя̀ покро́ва, и монасты́рь со­ста́ви.
и по_лѣ́тѣхъ нѣ́кихъ нача̀ мно́­житися бра́тіи, я́кѡ въ̑мѣще́ніе бѣ̀ ¬ въ̑ цр҃кви ма́лѡ.
бра́тія же моли́ша ст҃а́го ¬ да и́ну цр҃ковь воздви́гнетъ бо́льши сея̀.¬
ст҃ы́й же поста́ви цр҃квь ве́лію бо́льши ¬ пе́рвыя, и украсѝ ю̀ чю́днѡ ико́нами ¬ и кни́гами.
и безъ лѣ́ности уча́ше ¬ бра́тію є́же ѡ по́лзѣ дш҃е́внѣй.
посе́мъ ¬ же иду́щу ст҃о́му въ цр҃квь на мл҃тву, ¬ и нападо́ша на ст҃а́гѡ мнѡ́жество бѣсѡ́въ ¬ зубы̀ съ̑кре́гчюще, и би́ша ѝ.
и взня́ша ¬ мо́стъ, положи́ша ст҃а́гѡ та́мѡ.
и глаго́ла­ша єму̀, изы́ди ѿ_мѣ́ста тогѡ̀, я́кѡ да ¬ не ѕлѣ̀ у́мреши.
ст҃ы́й же моли́твою ¬ побѣдѝ и́хъ не крѣ́пкую си́лу, и а́біе ¬ исчезо́ша.
бра́тія же прише́дъ̑ше въ̑ кѣ́лію ¬ ст҃а́гѡ, и ви́дѣша ст҃а́го утѣсня́ема, ¬ и въ̑зня́ша мо́стъ.
о́нъ же глаго́лаше, ¬ бра́тіе ви́дите вра́гъ на́шихъ боре́нія, ¬ и не устраши́мъся и́хъ.
и посе́мъ изы́­де ст҃ы́й изъ ѻби́тели въ та́й бра́тіи, ¬ и пріи́де въ̑ пусты́ню на_полу́денную стра­ну̀, ѿ больші́я ла́вры, по́прища четы́ре на ¬ кра́й бре́га, на то́йже рѣцѣ̀ глуши́цѣ, ¬ зово́мо сосно́вецъ мѣ́сто то̀.
и ту̀ ¬ цр҃ковь поста́ви во и́мя іѡ҃а́нна крести́­теля.
и кѣ́ліи устро́ивъ преподо́бный ¬ оц҃ъ, и нѣ́коихъ ѿ бра́тіи устро́ивъ ¬ та́мѡ жи́ти.
и речѐ бра́тіи я́кѡ все́й ¬ пусты́ни положено̀ бу́детъ тѣ́ло моѐ.¬
заповѣ́да и́мъ вся́кое тре́бованіе при­има́ти ѿ бо́льшія ла́вры.
Посе́мъ у́бѡ ¬ бл҃же́нный оц҃ъ на́шъ діѡни́сій, иско­па̀ себѣ̀ гро́бъ за се́дмь лѣ́тъ пре́же ¬ своегѡ̀ преставле́нія въ̑ то́йже во ѿхо́днѣй ¬ пусты́ни, помина́я на_вся́къ де́нь, я́кѡ ¬ всели́тися та́мѡ.
и больма̀ нача̀ подви­за́тися къ̑ бг҃у посто́мъ и мл҃твами и бдѣ́­ніемъ.
мно́гащи же всю̀ но́щь стоя́ше ¬ на_мра́зѣ удруча́я тѣ́ло своѐ.
и мно́га ¬ чюдеса̀ сотвори́въ ѡ хрс̑тѣ̀.
и на исхо́дъ ¬ дш҃ѝ своея̀ причасти́ся пречс̑тагѡ тѣ́ла ¬ и кро́ве, и преста́вися въ̑ вѣ́чный поко́й.¬
Бѣ́_же видѣ́ніем̑ ст҃ы́й ма́лъ тѣ́лом̑, и сух̑ ¬ излиш̑ пло́тію.
главу̀ имѣ̀ нема́лу, бро́­ви ѡкруже́ни.
лицѐ до́лго влу́щенѣ скра́ніи++.¬
ти́хи имѣ́я о́чи.
браду̀ имѣ́я до ¬ пе́рсей гу́сту, вла́сы свѣ́тлы ру́сы въ̑_полъ ¬ сѣди́ны.

В_то́йже де́нь сло́во іѡ҃а́нна златоу́стагѡ, ¬ ка́кѡ подоба́етъ чти́ти попа̀.

Слы́шите па́вла гл҃юща, бра́тіе покаря́йте­ся старѣ́йшинам̑ ва́шимъ, ті́и бо бдя́тъ ¬ ѡ дш҃я́хъ ва́ших̑, я́кѡ сло́во возда́ти ¬ и́мъ въ̑ де́нь су́дный ѡ ва́съ.
и сегѡ̀ ра́ди ¬ и́злиха чти́те и́хъ.
ты́ бо ѡ свои́хъ ¬ то́чію пече́шися, а́ще устро́иши житіѐ ¬ своѐ до́брѣ, ѡ ино́мъ же не ради́ши.¬
а ієре́й а́ще устро́итъ свою̀ жи́знь, ¬ а ѡ_тебѣ̀ неради́тъ и недо́брѣ упра́витъ, ¬ то̀ со ѕлы́ми ѡсу́дится.
а́ще зако́нъ ¬ и́мать не пра́въ, то̀ не слу́шай єго̀.¬
а́ще ли пра́во учи́тъ, не житія̀ єгѡ̀ смо­трѝ, но словє́съ єгѡ̀ слу́шай.
и не гл҃и, ¬ ка́кѡ мнѣ̀ глаго́летъ, а са́мъ того̀ не ¬ твори́тъ.
но то̀ є́сть єму̀ дѣ́ло не ¬ лѣни́тися, но глаго́лати ко всѣ́мъ.¬
а не глаго́лавшу єму̀, су́дъ прія́ти.¬
да а́ще не послу́шаеши того̀, ѡсу́дишися.¬
я́коже гл҃етъ гдс̑ь, слу́шаяй ва́съ, менѐ ¬ слу́шаетъ.
а ѿмета́яйся ва́съ, ¬ менѐ ѿмета́ется.
а и́же вы̀ ху́литъ ¬ то̀ менѐ ху́литъ.
нѝ бра́тіе, не подо­ба́етъ ѻвца́мъ па́стыря ху́лити.
се́й бо ¬ по вся̀ днѝ за_тя̀ и за твою̀ бра́тію и за ¬ вся̀ слу́жбу прино́ситъ, за у́тра и ¬ ве́черъ бг҃а мо́литъ, въ цр҃кви и внѣ̀ ¬ цр҃кве, крс̑ты̀ нося̀, и ту̀ за тя̀ мл҃тва ¬ є́сть.
да та̀ вся̀ помы́сливше, вся́­чески до́брѣ снабди́мъ єго̀ я́кѡ оц҃а.¬
а́ще_ли єщѐ глаго́леши, скве́рненъ є́сть ¬ и ѕо́лъ, то̀ что̀ є́сть тебѣ̀.
а́ще ¬ и до́брый за_тя̀ бг҃а мо́литъ, то̀ что̀ ¬ успѣ́етъ, а́ще ты̀ єсѝ не вѣ́ренъ.¬
а́ще ли и скве́рненъ, то̀ тебе скве́рна ¬ єгѡ̀ не_вреди́тъ, а́ще ты̀ вѣ́ренъ.¬
зане́же вся̀ бл҃года́ть ѿ́ бг҃а є́сть.
ієре́й ¬ бо то́чію уста̀ своя̀ ѿверза́етъ, а всѐ ¬ бг҃ъ твори́тъ.
єму́ же сла́ва ¬ нн҃ѣ и прс̑нѡ ¬ и во́ вѣки ¬ вѣкѡ́мъ ¬ ;