Мцс̃а того́же въ і҃ дн҃ь, па́мять ст҃а́гѡ
сщ҃е́нно му́ченика тимоѳе́я, єпс̃кпа пру́­
сскагѡ, бл҃гословѝ ѻ́ч҃е.

Тимоѳе́й сщ҃енномч҃нкъ бѣ̀ при улія́нѣ
престу́пницѣ. єпс̃кпъ бѣ̀ гра́да прусі́й­
скагѡ, бл҃говѣ́ренъ, и прія̀ чюдотво́­
рныя да́ры. ѕмія́ бо превели̑ка
угнѣзди́вшася под̾ кипари́сомъ в̾ пе­
ще́рѣ, и врежа́юща скоты̀ и чл҃ки,
сегѡ̀ у́бѡ помоли́вся убѝ, вда́въ
єму̀ єрехі́й во уста̀, си́рѣчь ри́зный
пла́тъ є́же ноша́ше. и ари́ту царю̀
неду́гующу, и к̾ две́ремъ а́довымъ при­
бли́жившуся, воскресѝ ѝ. и и́на мно́­
га чюдеса̀ сотворѝ. и уче́ніемъ свои́мъ вся̀
просвѣти́въ, и мнѡ́ги ѿ невѣ́рныхъ ѡбра­
ти́въ къ бг҃у. и увѣ́давъ ѡ не́мъ
улія́нъ, посла́въ пе́рвіе всадѝ ѝ вте­
мни́цу, запрети́въ єму̀ не учи́ти
ѡ и́мени іс҃овѣ. и посе́мъ па́ки увѣ́­
давъ єго̀ бе́з̾страха уча́ща ѡ и́ме­
ни хрс̃то́вѣ, и посла̀ спеку­
ла́таря, и усѣ́кну
єго̀
;
{#л. фа҃}

Вто́йже дн҃ь ст҃у́ю му́ченику алеѯа́ндра
и антони́ны.

Ст҃ая мч҃нна антони́на, бя̑ше ѿ ве́си дри­
данскіа, чс̃тѣ и прпд̃бнѣ житіѐ провожа́ющи.
я́та бы́вши фі́стомъ, и непоко́ршися
ѿ врещи́ся хрс̃та̀, и послужи́ти бѣсовѡ́мъ
не восхотѣ̀, въ хра́мину блудни̑цъ ведена̀
бы́вши, и трѝ днѝ а́лчна пребы́въши.
и преста̀ є́й свѣ́тъ но́щію, и гро́му с̾ше́дъ­
шу, хра́минѣ врата̀ разсѣдо́шася с̾ нб҃сѝ
бы́сть гла́съ повелѣва́ющь є́й воста́ти и пи́­
щи в̾куси́ти. проси́вши же є́й и яду́щи.
и изы́де а́біе преста́ти игѣ́мону, и непо­
кори́ся пожре́ти и́долѡмъ, пята́ми сопха́­
на бы́вши, и мече́мъ сѣко́ма. та́же
во блуди́лище ведена̀ бы́вши, во вне́же
ѿкрове́ніемъ а́гг҃еловымъ, алеѯа́ндръ ю́но­
стнагѡ ра́ди во́зраста, бя́ше бо лѣ́тъ два́де­
сяти тре́хъ, мнѣ̀ въ я́кѡ надѣ́ло без̾зако́­
нно и́детъ. и потаи́въ ст҃у́ю ѿ доме́тія,
и изведѐ въскри́ліемъ свои́мъ покры̀ главу̀
єя̀. то́йже та́мѡ из̾шед̃ши. пома́лѣже
ѡбія́влену бы́вшу дѣ́лу си ѿ нѣ́кихъ во́­
и́нъ пришед̃шихъ є́же проку́дити ст҃у́ю,
и́же приведо́ша алеѯа́ндра къ игѣ́мону.

и вопроше́нъ бы́въ ѡ с̾бы́вшейся винѣ̀,
и не ѿве́ржеся. пе́рвіе мече́мъ с̾рѣ́занъ,
та́же и ст҃ѣ́й изведе́нѣ бы́вши, и пе́рсты
ручны́я и ножны́я ѿрѣ́заша ѻбои́ма.
и та́кѡ в̾ ро́въ ѻ́гненый всѐ тѣ́ло єю̀ смо­
ло́ю пома́завше в̾ри́нуша, и та́мѡ прія́ша
бл҃же́нную кончи́ну. Соверша́етъ же ся
собѡ́ръ єю̀ во ѻби́тели маѯиміа́нстѣй,
прилѣжа́щѣй къ констянти́ню гра́ду,
идѣ́же чс̃тна́я єю̀ тѣлеса̀ лежа́тъ;

Вто́йже де́нь па́мять прпд̃бнагѡ ѻц҃а на́ше­
гѡ ѳеѽ́фана, и́же во антіохі́и.

Ѳеѽ́фанъ во ст҃ы́хъ ѻц҃ъ на́шъ, бѣ̀
у́бѡ ѡ антіохі́йскагѡ гра́да, роди́ся
ѿ невѣ́рну роди́телю. и прише́дъ в̾ со­
верше́ный во́зрастъ, сочта́ся с̾ жено́ю.
то́й же уме́рши, са́м̾ся у́бѡ крс̃тѝ, и за­
твори́ся в̾ хи́жинѣ бли́зъ гра́да. и прилѣ­
жа́ше добродѣ́тели, уча̀ вся̀ приходя́щыя
кнему̀, є́же вся̀ гдс̃ни за́повѣди храни́­
ти, изря́днѣе же цѣлому́дръствовати.
увѣ́давъ же ѡ блудни́цѣ нарица́емѣи че­
стна́я, я́же мнѡ́ги погубѝ, из̾лѣ́зе ис̾
хи́жи своея̀, и ѡблече́ся в̾ ри́зы свѣ́тлыя.
и испросѝ у ѻц҃а̀ де́сять ли́тръ зла́та.
{#л. фв҃}

я́кѡ хотя̑ше поя́ти жену̀ сѝ. и ше́дъ
кне́й да́въ є́й зла́то, и умолѝ ю̀ ѿсту­
пи́ти ѿ блуда̀, и крс̃тѝ ю̀, и сотворѝ є́й
и́ну хлѣви́ну бли́зъ своея̀ хи́жи. и в̾ведѐ
ю̀ ту̀, и устро́й дх҃а ст҃а́гѡ ѻби́телище.
и та́кѡ бж҃іею бл҃года́тію ѻ́ба въ єди́нъ
де́нь преста́вистася, и воспрія́ста неста­
рѣ́ющееся прс̃носу́щее бл҃же́ньство ;

Вто́йже де́нь сло́во ѿ ісу́са сира́хова.

Не свари́ся съ чл҃комъ си́лнымъ, да не_когда̀
в̾паде́ши в̾ ру́цѣ єгѡ̀. не тяжи́ся съ
чл҃комъ бога́тымъ, да не когда̀ утяго­
ти́тъти мѣ́ру. мно́ги бо погубѝ зла́­
то, и срд̃це царє́мъ уклонѝ. не свари́ся
с̾чл҃комъ язы́чномъ, и не наклада́й на ѻ́гнь
єгѡ̀ дрѡ́въ. и не игра́й с̾ ненака́заннымъ
да не пріи́мутъ без̾че́стія прароди́тели
твоѝ. не поносѝ чл҃ку ѡбраща́ющуся ѿ грѣ­
ха̀, помянѝ я́кѡ всѝ єсмы̀ во єпитеміях̃.
не бесче́сти чл҃ка въ ста́рости єгѡ̀, и́бо и ты̀
са́мъ состарѣ́ешися. не ра́дуйся ѡ мертве­
цѣ̀, помянѝ я́кѡ всѝ умира́емъ. не пре́­
зри по́вѣсти прему́дрыхъ, и въ при́тчах̃
и́хъ живѝ. я́кѡ ѿ ни́хъ навы́кнеши
наказа́ніе, и служи́ти вельмо́жамъ

не ѿступа́й ѿ за́повѣдєй ста́рецъ, и́бо
ті́и навыко́ша ѿ ѻц҃ъ свои́хъ, я́кѡ
ѿ ни́хъ навы́кнеши ра́зума, и во вре́мя
потре́бнѡ возда́ти ѿвѣ́тъ. не воз̾гнѣща́й
у́гліе грѣ́шнику, да не изгори́ши ѻгнем̃
пла́мени єго̀. не воста́ни ѿ лица̀ досади́­
телева, да не положи́ши я́кѡ вла́яніе
во устѣ́хъ твои́хъ. в̾заи́мъ не да́й чл҃ку
крѣ́пльшу себѐ, и а́ще да́си бу́ди я́кѡ
и погуби́въ. и не поруча́ешися вы̑ше си́лы
своея̀, и а́ще поруча́ешися я́кѡ в̾дая̀
пецы́ся;

Вто́йже де́нь слово іѡ҃а́нна златоу́ста­
гѡ ѡ є́же некля́тися, я́кѡ стра́шнѡ є́сть.

Тѣ́мъже а́ще и́же солга́вшіи то́кмѡ
такова́я пострада́ху, а и́же и кля́тву
преступа́ющіи, что́ ли не постра́ждутъ
па́че же а́ще про́стѣ ре́кшая жена̀,
є́й на толи́цѣ, толи́ку подъя́тъ
ка́знь, и не ѿбѣжѐ. помы́слите кле­
ну́щіися вы̀ и клятвопреступа́ющіи,
ко́его бу́дете досто́йни муче́нія; бл҃го­
вре́меннѡ є́сть и ѿ ве́тхагѡ указа́ти
дне́сь лю́тость клятвопреступле́нія.
{#л. фг҃}

се́рпъ, речѐ, летя́щъ бѣ̀, в̾ долготу̀
лактє́й два́десять, а в̾ широту̀ лактє́й
де́сять. є́же летя́щъ, ѕѣлѡ̀ ско­
рѣ́йшее наше́ствіе томле́нія явля́етъ,
кля́твамъ вослѣ́дующее. є́же бо ла­
ктє́й мнѡ́гихъ бы́ти широтѣ́ же и
долготѣ̀, ѕѣ́лность знамену́етъ,
и вели́чество ѕлы́хъ. а є́же съ нб҃сѐ
летѣ́ти, є́же с̾ вы́шнягѡ суди́лища,
суду̀ низноси́тися. серпови́дное же,
не избѣжи́мое томле́ніе явля́етъ.
я́коже бо се́рпъ, идѣ́же а́ще в̾па­
де́тъ, не са́мъ ѡ себѣ̀ извлече́тся
то́кмѡ, но и главѣ̀ ѿсѣка́емѣй.
си̑це и ка́знь на клену́щихся находя́­
щая, стра́шна нѣ́кая є́сть, и не у́бѡ
ѿступи́ти и́мать, не пре́жде испра́­
вивши дѣ́ла своегѡ̀. а́ще же убѣ́­
гаемъ клену́щіи ся, да не дерза́емъ,
на на́ше бо ѕло̀ сіѐ быва́етъ. єлма̀
что̀ непщу́ете; коли́цы по ана́ніи и са­
пфи́рѣ, та́яжде ѻ́нѣмъ дерзну́ша,
а не та́яжде пострада́ша. и ка́кѡ речѐ,
не пострада́ша; не поне́же прости́ся им̃, но
поне́же на бо́лшее соблюда́еми су̑ть ѕло̀.

тѣ́мъ же и́же мнѡ́гая согрѣша́ющіи,
не му́чими па́че не́же ли му́чими,
боя́тися и трепета́ти до́лжни. во­
зраста́ютъ бо и́мъ томле́нія не томле́­
нія ра́ди, и долготерпѣ́нія бж҃ія.
Тѣ́мъ же у́бѡ да не сіѐ ви́димъ, я́кѡ
не му́чими єсмы̀, но а́ще не согрѣши́­
хомъ. а́ще же согрѣша́юще, не му́­
чими быва́емъ, па́че трепета́ти до́­
лжни єсмы̀. рцы́ бо ми, а́ще ко́его
раба̀ имѣ́лъ бы єсѝ, и запрѣща́лъ бы
єсѝ єму̀ то́кмѡ, и не би́лъ бы єсѝ,
когда̀ па́че бои́тся, когда́ ли бѣ́гаетъ,
когда́ ли въ бѣглеца̀ быва́етъ; не
єгда́ ли запрѣща́еши то́кмѡ, ѿню́ду
же и дру́гъ дру́га наказу́емъ не пре­
ти́ти ча́стѡ, я́кѡ да не стра́хомъ
па́че позыба́ти дш҃ю, я́кѡ да не те­
рзати ѝ, па́че не́же ли возложе́ніемъ
ра́нъ. и́нако же, и та́мѡ у́бѡ привре́­
менно бѣ̀ томле́ніе, здѣ́ же всегда́­
шнее. да не у́бѡ, а́ще никто́ же,
серпо́вная стра́ждетъ ны́нѣ, сіѐ да ви́­
диши. но ѻ́но помы́сли, а́ще такова́я
твори́тъ. єлма̀ мно́гая быва́ютъ нн҃ѣ,
{#л. фд҃}

якова́же при пото́пѣ, но пото́мъ не быва́­
етъ, гее́ною бо воспрети́ся и томле́ніемъ.
мно́зи согрѣша́ютъ яково́же содо́мляне,
но ѻ́гненый не сни́де до́ждь, ѻ́гненая бо
угото́вана є́сть рѣка̀. мно́ѕи фараѡни́­
тская дерзну́ша, но не пострада́ху я́же
фараѽ́нъ, нижѐ потопле́ни бы́ша в̾ чермном̃
мо́ри. пучи́на бо и́хъ ѡжида́етъ бе́здны,
идѣ́же не с̾нечю́вствіемъ томле́ніе, нижѐ
потопи́тися мо́щнѡ є́сть, но намно́жае
му́чимымъ, жго́мымъ, души́мымъ
не изнуря́тися. мно́ѕи въ я́же изра́иль­
тяне согрѣше́нная дерзну́ша, но не
угрыза́ху и́хъ ѕмія̀. ѡжида́етъ
бо и́хъ че́рвь не сконча́емый. Мно́ѕи
гіези́ева дерза́ху, но прокаже́ни не бы́­
ша. ѡжида́етъ бо и́хъ в̾мѣ́стѡ про­
ка́зы, є́же по́лма расте́саномъ бы́ти,
и положи́тися съ лицемѣ́ры. мно́ѕи
и кля́хуся и кля́тву преступи́ша. а́ще
же и убѣго́ша, да не дерза́емъ, ѡжи­
да́етъ бо и́хъ скре́жетъ зу́бный. но
и здѣ̀ не́гли постра́ждутъ, и не и́мутъ
убѣ́гнути, а́ще и не а́біе ту̀, но воины́хъ
грѣсѣх̃, да́же и лютѣ́йшее томле́ніе бу́дет̃.

єльма̀ и мы̀ мно́гажды вины̀ пріе́м̾ше
ѿ ма́лыхъ, и ѿ вели́кихъ ве́сь гнѣ́въ исто­
ща́емъ. Тѣ́мъже єгда̀ уви́диши что̀
тебѣ̀ слу́чьшееся, воспомянѝ грѣ́хъ тво́й
ѻ́ный. Сіе́ бо и въ сынѡ́хъ ия́кѡвлихъ
бы́сть. Помяни́те бра́тіи іѽ́сифовыхъ
и́же прода́ша бра́та. уби́ти начина́ху, па́­
че же и уби́ша єли́кѡ бѣ̀ є́же ѿ ни́хъ.
бг҃у на́шему сла́ва нн҃ѣ и прс̃нѡ и во́
вѣки вѣкѡ́мъ;

Мцс̃а тогѡ́же, въ а҃і де́нь. па́мять ст҃у́ю
апс̃лу варѳоломе́я, и варна́вы бл҃гословѝ
ѻ́ч҃е.

Варѳоломе́й єди́нъ сы́й ѿ ѻбою̀ на́деся­
тихъ учени́къ, и́же во индѣ́и, нари­
ца́емѣй євдоно́ма, ст҃о́е бл҃говѣ́стіе
проповѣ́да, є́же ѿ матѳе́я ѻ́нѣмъ
єѵг̃а́ліе предадѐ, на крс̃тѣ̀ пригвожде́нъ,
въ єнарву́нѣ гра́дѣ, и́же и пресла́внѣ
сконча́ся. и во ѻловя́ную ра́ку в̾ложе́нъ,
и в̾ мо́ре в̾ве́рженъ. и бж҃іимъ промышле́­
ніемъ, да́же и досикилі́и в̾липа́ръ ѻ́стровъ
несе́нъ. и яви́ся та́мѡ и погребе́нъ бы́въ.
Варна́важе, и се́й во апс̃льскихъ писа́ніихъ
пи́шется єди́нъ сы́й ѿ седми́десятъ,
{#л. фе҃}

с̾ лико́вникъ петро́выхъ поста́вленъ бы́­
сть. толку́етъ же ся и́мя єгѡ̀, сн҃ъ
утѣше́нія, ѿ пле́мене лев̾ві́ина на­
ри́чемь. роже́нъ и воспита́нъ в̾ кѵ́прѣ {*и́}
ѻ́стровѣ. Се́й пе́рвіе во ієрс̃ли́мѣ и
в̾ ри́мѣ и во алеѯандрі́и хрс̃та̀ проповѣ́­
да́въ. и прише́дъ в̾ кѵ́пръ {*и́} ѿ июдє́й
и ѿ є́ллинъ, ка́меніемъ побіе́нъ бы́­
сть, и ѻгню̀ пре́данъ. єго́же бл҃же́­
нный апо́столъ и бл҃говѣ́стникъ поче́тъ
положи́въ въ верте́пѣ, и ѿплы̀ во
єфе́съ къ па́влу, и повѣ́да єму̀ ко­
нчи́ну варна́вину. пла́ка же поне́мъ
блаже́нный. гл҃етъ же ся погребену̀
бы́ти сни́мъ, и́же ѿтогѡ̀ напи́санно
ѿ матѳе́я ст҃о́е бл҃говѣствова́ніе, и́же
и послѣдѝ изъ ѡбрѣ́тено бы́сть со апс̃ль­
скимъ тѣлесе́мъ. є́же вѣ́рніи в̾ за­
коне́ніе пріе́мъше, не подъ кланя́тися
єпс̃кпу тогѡ̀ ѻ́строва, но ѿ своегѡ̀
єпс̃кпа поставля́тися. соверша́етъ же ся
собѡ́ръ єгѡ̀ въ пречс̃тнѣмъ апс̃льствѣ
ст҃а́гѡ и верхо́внагѡ апс̃ла петра̀, служа́­
щемъ при ст҃ѣй вели́цѣй цр҃кви;

Вто́йже дн҃ь сло́во ѿ єѵг̃а́лія є́же ѿ лукѝ
ѡ бога́тѣмъ без̾име́ннѣмъ, и ѡ убо́­
ѕѣмъ ла́зарѣ;

Бога́тіи ми́лостиви бу́дите, да не
та́же вся̀ пріи́мѣте, я́кѡ бога́тый
ѻ́нъ. и убо́зіи же хва́ляще бг҃а,
терпи́те скѡ́рби, да тѣ́хъ сподо́­
бите ся, и́хъ же и ла́зарь ни́щіи.
Бы́сть речѐ ла́зарь во ієрс̃ли́мѣ вельмѝ
ни́щь, и ѕлѣ̀ болѣ́знію ѡдержи́мь,
єго́же инѣ́мъ въ при́тчю гдс̃ь приведѐ.
Бѣ́ же у́бѡ и бога́тъ нѣ́кто в̾ багряни́цу
ѡблача́яся, и всегда̀ на трапе́зѣ мнѡ́га
бра́шна имѣ́я, и ча́ши ко́ваны,
и пи́ры по вся̀ днѝ; то̀ гдѣ̀ и́мя бога́­
тагѡ, нигдѣ́ бо в̾ писа́ніи нѣ́сть ѡбрѣ­
стѝ. но на всѣ́хъ бога́тыхъ скупы́хъ
сло́во сѐ. коли́ку имѣ̀ сла́ву и бо­
га́тьство, а ни и́мени єму̀ нѣ́сть,
я́кѡ и дре́во ли́ствено плода̀ не имы́й.
Ни́щіи же ѻ́нъ ла́зарь бо́ленъ и гно́енъ
пред̾ враты̀ бога́тагѡ лежа́ше, жела́я
крупи́цъ насы́титися я́же ѱѝ ядя́тъ,
ни цѣля́щихъ имя́ше, но ѱѝ ѡбли­
за́ху гно́й єгѡ̀. в̾ таковѣ́хъ же сы́й
{#л. фѕ҃}

бѣда́хъ ла́зарь, нижѐ поропта̀, нижѐ
поху́ли, не милосе́рдіе бога́тагѡ и безъ­
человѣ́чіе и ску́пость. и въ сконча́ніе
же у́бѡ толи́ки сподо́бися че́сти,
я́кѡ ѿ а́гг҃лъ ноше́нія въ цр҃ьство.
у́мре же и бога́тый, и поребе́нъ бы́­
сть; по и́стиннѣ бо жи́ву єму̀ су́­
щу, поко́пана бѣ̀ дш҃а єгѡ̀, я́кѡ
и гро́бъ нося́щи пло́ть. у́меръ же,
во а́дъ низво́дится. и возве́дъ ѻ́чи
своѝ во а́дѣ, сы́й в̾ му́кахъ, ви́дѣ
авраа́ма издале́ча, и ла́заря сни́мъ,
и возгласи́въ речѐ, ѻ́ч҃е авраа́ме по­
ми́луй мя, послѝ ла́заря, да язы́къ
ми усту́дитъ, кра́емъ пе́р̾ста сво­
егѡ̀, из̾гара́ю бо въ пла́мени се́мъ.
почто́ же не у ино́го ѿ пра́ведникъ, ла́за­
ря ви́дѣ, но у авраа́ма; бя̑ше бо странно­
лю́бецъ авраа́мъ, и́же ми́мѡ хо­
дя́щыя въ до́мъ сво́й влеча́ше;
се́й же и вну́трь лежа́щаго не зря́­
ше. кнему́ же авраа́мъ ѿвѣща̀,
ча́до помянѝ сѝ, я́кѡ блага́я своя̀
воспрія́лъ єсѝ въ животѣ̀ свое́мъ;

смотрѝ му́дрость пра́веднагѡ. не речѐ не­
ми́лостиве, и ѕлосе́рде. но вѣща̀,
помянѝ я́кѡ ты̀ в̾животѣ̀ за ма́лое добро̀
мнѡ́го прія̀ ѻби́ліе и сла́ву. а ла́зарь за
ма́лыя грѣхѝ ѕла́я претерпѣ̀; ны́нѣ же
утѣша́етъся, а ты̀ въ пла́мени жго́мь
єсѝ. ксему́же про́пасть межу на́ми е́сть,
и ва́ми; и явля́етъ ра́зность грѣ́шныхъ
съ пра́ведными, разли́чны бо во́ли и́хъ
бѣ́ша. и се́же вѣдомо, я́кѡ ѻби́дяи
ѻби́димаго у́зритъ в̾ ка́цѣй сла́вѣ е́сть.
Рече́ же молю́тя авраа́ме о́ч҃е, да по́слеши
въ до́мъ ѻц҃а моегѡ̀, и́мамъ бо пя̑ть
бра́тіи, да и́мъ повѣ́даетъ, да не и ті́и
в̾ му́ку пріи́дутъ; погрѣши́хъ я́же ѡ себѣ̀
бога́тый скупы́й, ѡ о́нѣхъ полага́єтъ
мольбы̀. кнему́ же авраа́мъ речѐ, и́мутъ
зако́нъ и проро́ки, и мнѡ́ги учи́тели.
Бога́тый же речѐ, нѝ о́ч҃е. поне́же бо и аз̃
са́мъ писа́нія слы́ша не вѣ́роваше, и ба́­
снемъ бы́ти глаго́лемая мня́ше; и я́кѡ
са́мъ не слу́шаше писа́нія, глаго́лаше
ѿ себѐ раз̾сужда́я. но а́ще кто̀ из̾ ме́­
ртвыхъ воскре́снетъ, вѣ́ ру и́мутъ.
тацы̀ и ны́нѣ су̑ть, и́же глаго́лютъ,
{#л. фз҃}

кто̀ вѣ́сть и́же во а́дѣ, кто́ли ѿту́ду
прише́дъ возвѣсти́лъ на́мъ; но да слы́­
шатъ авраа́мовы гл҃ы, я́кѡ а́ще писа́ніи
не послу́шаютъ уче́нія, то̀ нижѐ ѿ ме́­
ртвыхъ кто̀ пріи́детъ не́ймутъ вѣ́ры;
Се́бо я́вѣ жи́дове сотвори́ли; поне́же
писа́ніи непослу́шяху, ни мертвецы̀ у́бѡ
ви́дяще воскреша́ємы, я́ша вѣ́ры,
но и ла́заря уби́ти хотя́ху, єго́же
ѿ ме́ртвыхъ возва̀ хрс̃то́съ. и въ распя́­
тіе мнѡ́гимъ воста́вшимъ ме́ртвымъ,
ѻни́же па́че лю́тѣє творя́ху, апс̃лы бо
хрс̃та̀ имену́ющя, поби́шя. Поне́же а́ще
бы̀ сіѐ по́льза на вѣ́ру, то́ бы гдс̃ь
твори́лъ ча́стѡ. ны́нѣ же всѣ́хъ поле́­
знѣє, ѿ писа́ніи и́стинна увѣ́дати.
и а́ще бы ме́ртвымъ воста́яти, мнѡ́гихъ
бы дія́волъ прельсти́лъ мечта́ніємъ сво­
и́мъ. на́мъ же гдс̃ь писа́ніе на утверже́ніє
пре́далъ. я́кѡ свѣ́тъ просвѣща́я всѣ́хъ,
си́це и писа́ніе на́съ. ни чего́же у́бѡ
дія́волъ из̾му́дрити такова́гѡ воз̾мо́­
жетъ. писа́ніе бо вся̀ не прія́знивагѡ
ѡбнажа́етъ сѣ́ти. и того̀ слу́шающе, сп҃се́­
мся, а не иска́ти ме́ртвымъ воскрс̃нія.

идѣ́же пра́ведніи водворя́ются, во́свѣтѣ
ра́дости вѣ́чныя прс̃носу́щныя. а грѣ́­
шныхъ же ѡби́тели мно́га разстоя́нія
и́мутъ;

Вто́йже дн҃ь сло́во іѡ҃а́нна златоу́стагѡ
ѡ избира́ніи єпс̃кповъ. и я́кѡ мно́гагѡ
не удо́б̾ства испо́лненно є́сть єпкс̃пство.

Си́хъ у́бѡ и мы̀ да подража́емъ. некто­
му̀ мнѣ̀ ко всѣ́мъ сло́во, но к̾ жела́ю­
щымъ нача́льства. а́ще вѣ́руеши,
я́кѡ бж҃іе є́сть избира́ніе, да не негоду́­
еши. на о́наго бо негоду́еши, и проти́ву
ѻ́ному гнѣ́ваешися. о́нъ є́сть избра́­
вый. а́ще же то́й у́бѡ избра́лъ є́сть,
ты́же смѣ́еши насего̀ негодова́ти, то́жде
твори́ши, яково́же ка́инъ. подоба́ше бо
вопріа́ти, є́же бг҃у уго́дно бы́сть,
се́йже, занѐ предпочте́нна бы́сть же́ртва
бра́тняя, ѡскорби́вся, негодова̀, подоба́­
ше умили́тися. а́зъже не сіѐ гл҃ю,
но я́кѡ ѡ по́лзѣ вѣ́дѣ посмотре́нію стро́и­
ти бг҃ъ. мно́жицею бо, нра́вомъ у́бѡ
кротча́ишъ єсѝ ты̀, не изря́денъ же.
па́ки є́сть тебѣ̀ у́бѡ житіѐ беспоро́чно,
и нра́въ свобо́дничъ, въ цр҃кви же не тѣ́хъ
{#л. фи҃}

то́кмѡ тре́бѣ є́сть. и́накоже, и и́нъ
ко ино́му прили́чен̃ е́сть. незри́ши ли єли́кѡ
ѡ си́хъ сотвори́ло є́сть сло́во, бж҃е́ственное
писа́ніе. но да реку̀ чесѡ̀ ра́ди съпрѣ́телна
ве́щь сія̀ бы́сть. занѐ не я́кѡ на нача́­
льство и пред̃ста́тельство бра́тіи прихо́димъ,
но я́кѡ на че́сть и упокоє́ніе. а́ще бо вѣ́­
далъ бы̀ єсѝ, я́кѡ всѣ́мъ до́лженъ є́сть
бы́ти єпс̃кпъ, всѣ́хъ бремена̀ нося̀, я́кѡ
инѣ́мъ у́бѡ гнѣ́вающымъся проще́ніе
є́сть, тому́же нигдѣ́же, я́кѡ инѣ́мъ согрѣ­
ша́ющымъ извѣ́тъ є́сть мно́гіи, сему́же
не ктому̀, то̀ небы̀ потща́лъся єсѝ на нача́­
льство сіѐ, не бы̀ поте́клъ єсѝ. и́бо се́й
всѣх̃ под̃лежи́тъ устом̃, всѣ́хъ судовѡм̃, и му́­
дрых̃ и нему́дрых̃. печа́лми на ко́ждо ураня́ем̃
быва́етъ де́нь, на ку́юждо но́щь. бг҃у на́шем̃.

Мцс̃а того́же во в҃і дн҃ь, па́мять преподо́­
бнагѡ ѻц҃а на́шегѡ ону́фрія вели́кагѡ
бл҃гословѝ ѻ́ч҃е.

Се́й бя̑ше ѿ єгѵ́пта, жи́въ въ єди́номъ
общежи́тельствѣ лежа́щемъ въ пусты́­
ни, страны̀ фиве́йскія. и слы́шавъ
житіѐ иліѝ и іѡ҃а́нна прд̃те́чи, и́де
ѿ о́бщагѡ житія̀, и всели́ся въ пусты́ню,

не ви́дѣвъ ни єди́наго ѿ чл҃къ лѣ́тъ шесть­
деся́тъ. єго́ же ѡбрѣ́те вели́кій пафну́­
тій, проходя̀ во вну́тренѣи пусты́ни,
ше́дъ бл҃гослове́нія ра́ди ѿ ст҃ы́хъ мужє́й.
преше́дъ у́бѡ ѿ ни́хъ се́дмь на́десять
днє́й, и дости́гъ мѣ́ста идѣ́же бя̑ше
ст҃ы́й, присту́пль целова̀ ѝ, моля́шеся
єму̀, да изрече́тъ и́мя своѐ, и пребыва́­
ніе и жи́тельство. ѡ не́мже увѣ́давъ,
послѣдѝ повѣ́да, ка́кѡ ѡбрѣ́те и́ноки
ѿше́лники в̾ ски́тѣ, не то́кмо же того̀
бжс̃твенаго ѻну́фрія, но и и́ны и́хъ же
ѡбрѣ́те проходя̀ пусты́ню. тогда̀ ѿхо­
дя́щу преподо́бному ѻну́фрію къ гдс̃у,
ѡбрѣ́тся та́мѡ бл҃же́нный пафну́тіи,
раздѣлѝ ря́су свою̀ на́ двѣ ча́сти, єди́­
ною у́бѡ ѡбви́тъ мо́щы ст҃а́гѡ, занѐ
же бя́ху на́ги, покрыва́еми то́кмѡ бѣ́лы­
ми вла́сы. другу́ю же удержа̀ себѣ̀, да
покры́ется то́й. погреба́етъ про́чеє
ст҃ы́я мо́щы нато́мже мѣ́стѣ. и а́біе
внеза́пу паде́ся коли́ба идѣ́же ѡбита́ше
ст҃ы́й. и фи́никъ у́сше и́мже пита́ше­
ся, и вода̀ ѡскудѣ̀ я́же в̾ потре́бу
преподо́бному служа́ше. быва́етъ же
{#л. фѳ҃}

праз̃дникъ єгѡ̀ въ ст҃ѣ́йшемъ єгѡ̀ хра́мѣ,
су́щемъ во ѻби́тели ст҃а́гѡ алѵ́мпія;

Вто́йже дн҃ь па́мять прпд̃бнагѡ ѻц҃а на́ше­
гѡ петра̀, и́же во аѳѽ́н̾стѣй горѣ̀ пости́­
вшагося.

Пе́тръ и́же во бл҃же́ннѣи памяти, ѿво­
єво́дска са́на бы́въ. си́мъ же о́бразомъ
во и́ночество пріи́де. по́слану бо єму̀
бы́вшу съ вѡ́и разли́чными в̾ сѷрі́ю на́
брань, и та́мѡ єму̀ плѣне́ну бы́вшу,
и веде́ну бы́вшу во́градъ гл҃емый сама́ра,
и ту̀ всажде́нъ бы́сть в̾ темни́цу. и
уразумѣ̀ ѿ чего̀ єму̀ приключи́ся сѐ,
я́кѡ забы̀ ѡбѣща́ніе своѐ, є́же
постри́щися, и бы́ти и́нокомъ, и
мно́гѡ пла́кася. и призва̀ на́помощь
ст҃а́гѡ вели́каго чюдотво́рца нико́лу,
є́же избы́ти єму̀ ѿ у́зъ, и ѡбѣ­
ща́ся я́кѡ ктому̀ не иду̀ в̾ ми́ръ.
ст҃ы́й же нико́лае я́влься єму̀ воснѣ̀.
и повелѣ̀ приз̾ва́ти на́помощь сѝ ст҃а́гѡ
сѷмеѽ́на бгопріи́мца. ре́къ кнему̀,
се́й бо я́кѡ прс̃то́лу влд̃чню пред̾стоя̀
съ бцд̃ею и прд̃тчемъ, и вся́кѡ не
доконча́емая на́ша испра́витъ.

и сія̀ ре́къ, не ви́димъ бы́сть. ѻ́нъ
же воз̾бну́въ, и па́ки себѐ мольба́мъ
в̾да́въ, приложѝ и сѷмеѽ́на призва́­
ти. пра́ведный же сѷмеѽ́нъ предъ­
ста́въ єму̀ со ст҃ы́мъ нико́лою, и речѐ,
ты́ ли у́бѡ єсѝ речѐ, и́же бра́ту нико́лѣ
стужа́яи, свободи́ти мя ѿ темни́цы
сея̀. ѻ́нъ же ѿвѣща̀, а́зъ є́смь.
и речѐ ст҃ы́й сѷмеѽ́нъ, и́маши ли и́нокъ
бы́ти, и добродѣ́телнѡ пожи́ти. ѻ́нъ
же ѿвѣща̀ речѐ, є́й. ст҃ы́й же речѐ,
а́ще ѻбѣща́ешися си́це сотвори́ти,
изы́ди не воз̾бра́нно ѿсю́ду, и а́може
хо́щеши ше́ствуй. и прикосну́ся же­
зло́мъ и́же в̾ руку̀ єгѡ̀ желѣ́захъ,
я́же бя́ху на ногу̀ єгѡ̀, и а́біе
раста́яша я́кѡ во́скъ. и послѣ́доваше
и с̾ темни́цы за сѷмеѽ́номъ со ст҃ы́мъ
нико́лою до внѣ̀ гра́да. и прире́къ
повелѣ̀ ст҃ы́й сѷмеѽ́нъ на бдѣ́ти и
ст҃о́му нико́лѣ, и а́біе не ви́димь
бы́сть ѿ негѡ̀. ст҃ы́й же нико́ла до
прова́ди єго̀ въ свою̀ зе́млю въ гре́ки,
и ре́къ єму̀ ѿходя, вре́мя тебѣ̀ пе́­
тре ѻбѣща́нная въско́рѣ сотвори́ти.
{#л. фі҃}

ѻ́нъ же ни в̾ сво́й до́мъ ше́дъ, но ско́рѡ
єли́кѡ можа́ше, к̾ ри́му идя́ше, є́же
ѻбѣща́нная сотвори́ти. не то́чію же сѐ
ст҃ы́й нико́лае сотворѝ надни́мъ, но
па́пѣ воснѣ̀ я́влься є́же прія́ти єго̀,
и соверши́ти жела́ніе єгѡ̀. па́па же воз̾­
бну́въ, и къ верхо́внагѡ апс̃лѡмъ петра̀
къ цр҃кви прише́дъ, ви́дѣти хотя̀ ѝ.
мно́зѣмъ же собра́вшимъся, и не бя́ше
лѣ́ть позна́ти єго̀, на и́мя пригласѝ
того̀, пе́тре речѐ, и́же ѿ гре́ческія
землѝ проше́дый, не ты́ ли єсѝ єго́же
вели́кій нико́лае ѿ сама́ра у́зъ темни́чныхъ
свободѝ. сему́ же исповѣ́даху, я́кѡ
а́зъ є́смь. Па́па же пріє́мъ єго̀ усе́рднѡ
и постри́гъ ѝ. и сотвори́въ вре́мя нема́лѡ
сни́мъ, поуча́я єго̀ къ сп҃се́ному путѝ.
посе́мъ ѿлучи́ся с̾ ми́ромъ ѿ ри́ма, и
ѡбрѣ́те кора́бль, и вни́де во́нь. и до­
плы́ша нѣ́кія ве́си. и ту̀ изше́дшемъ
кора́бленикѡмъ ис̾пещѝ хлѣ́бы в̾нѣ́коей
хра́минѣ, вне́й же ѡбрѣто́ша всѣ́хъ су́­
щихъ боля́щихъ. и́хъ же ст҃ы́й всѣ́хъ
моли́твою здра́вы сотворѝ. кора́бленицы
же ви́дѣвъше сія̀, и просла́виша бг҃а

па́д̾ше в̾ку́пѣ поклони́шася єму̀.
и ѿту́ду я́шася къ пре́днему ше́ствію
путѝ. бѣ́же в̾ то̀ вре́мя пи́ща бла­
же́нному ѿ ве́чера в̾ ве́черъ ѻн̾гі́я хлѣ́­
ба, питіе́ же ѿ морскі́я воды̀, єди́на
ма́ла ча́ша. и пла́вавъше днѝ до­
во́лны. и прилучи́ся бгоно́сному
петру̀, во вре́мя ѻ́но ви́дѣти во снѣ̀
прест҃у́ю бцд̃у, с̾ нѣ́кимъ па́че мѣ́ры
испуща́ющимъ зарю̀. и вели́каго
нико́лу ра́б̾ски глаго́люща кне́й
и указу́юща на ст҃а́го, влд̃чце гдѣ̀
сему̀ пока́жеши мѣ́сто, нане́мъ же
про́чее живота̀ своегѡ̀ сконча́етъ вре́­
мя. ѻна́ же ѿвѣща̀, во аѳѽ́ньстѣй
горѣ̀ бу́детъ поко́и єгѡ̀. возъ­
бну́въ же бл҃же́нный, и мнѡ́го ѡ
се́мъ бл҃годари́въ бг҃а, и пречс̃тую єгѡ̀
мт҃рь, и вели́кагѡ ѻц҃а нико́лу. и
єгда̀ достиго́ша аѳѽ́нскія горы̀,
ста̀ внеза́пу кора́бль не посту́пнѡ,
вѣ́тру єщѐ дыха́ющу въ вѣ́трила,
и мѣ́сту глубоку̀ су́щу, и чюжда́хуся
кора́бленицы гл҃юще, что̀ сѐ є́сть.
{#л. фа҃і}

ст҃ы́й же речѐ кни́мъ, мню̀ бра́тіе я́кѡ
менѐ ра́ди зна́меніе сѐ бы́сть. и
а́ще у́бѡ намѣ́стѣ се́мъ из̾не́сше не
ѡста́вите мя, вы̀ на друго́е мѣ́сто
преитѝ не мо́жете. и та́кѡ кора́бленицы
изведо́ша єго̀ и с̾ кора́бля с̾ пла́чемъ
ве́ліимъ и с̾ рыда́ніемъ, гл҃юще, я́кѡ ве­
ли̑ка покро́ва и по́мощи лиша́емъ ся
дне́сь. и ѿплы́ша ѿ негѡ̀. ст҃ы́й же
ѿ кра́я горы̀ ѻ́ноя въ стре́мный пу́ть
по́йде. и мно́ги у́бѡ стремни́ны, и ча́­
стая древеса̀, и про́пасти проше́дъ,
и ѡбрѣ́те нѣ́гдѣ пеще́ру ѕѣлѡ̀ те́мну,
в̾ не́й же мнѡ́жество га́дѡвъ бя̑ше,
сни́ми же и бѣсѡ́въ угнѣжда́хуся
мнѡ́жество, и ту̀ всели́ся. мно́ги
же ту̀ ст҃ы́й ѿ бѣсѡ́въ напа́сти и бѣды̀
прія̀, и́хъ же нелѣ́ть є́сть из̾рещѝ.
ѿни́хъ же всѣ́хъ бл҃же́нный не вре­
ди́мь пребыва́ше, мл҃твами прс̃ты́я
влд̃чцы на́шея бцд̃ы, и прс̃нѡ дв҃ы
мр҃і́и, я́кѡ и́мъ услы́шати то́чію
и́мя прс̃ты́я бцд̃ы, в̾ призыва́ніи ѿ
ст҃а́гѡ, и а́біе бе́з̾вѣсти бы́ти. без̾­
мо́лствова же ст҃ы́й въ то́й пеще́рѣ

єди́нъ сы́й, постя́ся и мольбы̀ бг҃ови
воз̾дая̀, лѣ́тъ, пя́тьдесятъ и трѝ.
исчезо́ша же ѿ ст҃а́гѡ в̾ то̀ вре́мя и
ча́стая мечта́нія діа́воля бж҃іею по́мо­
щію. в̾ толи́цѣхъ же лѣ́тѣхъ неузрѣ̀
єстества̀ человѣ́ча. и небѣ̀ єму̀ пи́ща
и́на, то́кмѡ ма́нна посыла́ема ѿ́­
бг҃а. ни ѻде́жи, ни покро́ва, ни
и́но что̀ є́же тре́буетъ чл҃ческій ро́дъ,
но то́кмѡ нб҃о имѣ́я покро́въ, и зе́­
млю ѻ́дръ. си̑це почива́ше бл҃же́нный,
в̾ зно́й у́бѡ горя̀, в̾ зимѣ́ же поме­
рза́я. и сія̀ вся̀ терпя́ше па́че чл҃ка,
ра́ди бу́дущагѡ возда́нія. єгда́ же гдс̃ь
восхотѣ̀ того̀ яви́ти чл҃кѡмъ, смо­
тре́ніемъ сицевы́мъ, ѻ́бразъ бы́ти
устро́й. Лове́цъ нѣ́кій лу́къ сво́й,
и ту́лъ взе́мъ, изы́де лови́ти по
горѣ̀. мно́га же стре́мная мѣ́ста,
и удо́лія проше́дъ, пріи́де и на ѻ́но
мѣ́сто, идѣ́же ст҃ы́й пребыва́ше,
и ви́дѣ єле́нь стоя́щь надъ пеще́рою
єгѡ̀, и сматря́ше ка́кѡ бы я́ти
єго̀. и яви́ся єму̀ на деснѣ́й странѣ̀
єле́ня му́жь, гу́стъ брадо́ю, главны́я
{#л. фв҃і}

вла́сы да́же до чре́слъ. ловцу́ же ужа́­
сшуся и побѣ́гшу въспя́ть. ви́дѣвъ
же єго̀ бл҃же́нный бѣ́гу в̾да́вшася,
речѐ кнему̀ вели́кимъ гла́сомъ,
то̀ менѐ бои́шися бра́те, и а́зъ
человѣ́къ є́смь, я́коже и ты̀, а не
привидѣ́ніе бѣсо́вское, я́коже не пще­
ва́лъ єсѝ. но пріидѝ ко мнѣ̀, и ска­
жу́ ти вся̀ я́же ѡ мнѣ̀, насе́ бо гдс̃ь
посла́ тя здѣ̀. Лове́цъ же пріи́де
кнему̀, и сказа̀ єму̀ ст҃ы́й вся̀ по́­
дробну я́же ѡ себѣ̀. и хотя̑ше сни́мъ
ту̀ пребы́ти лове́цъ. ст҃ы́й же посла̀
єго̀ въ до́мъ сво́й. и па́ки въ гря­
ду́щее лѣ́то, повелѣ̀ єму̀ при­
итѝ. лове́цъ же у́бѡ сотворѝ та́кѡ,
я́коже повелѣ̀ єму̀ ст҃ы́й, прии́де
кнему̀ съ бра́томъ свои́мъ, и со двѣма̀
и́нокома, и ѡбрѣто́ша єго̀ ѡ́гдс̃ѣ
с̾конча́вшася. и пла́кавъше мнѡ́го
надъ честны́мъ тѣ́ломъ, я́кѡ ли­
ше́на бы́въша моли́твъ єгѡ̀, и бе­
сѣ́ды. Бѣ́же бра́тъ ловца̀ тогѡ̀ ѡде­
ржи́мь ду́хомъ нечи́стымь, и внегда̀
єму̀ прикоснутися к̾ мощємъ ст҃а́гѡ,

получѝ исцѣле́ніе. и взе́мше чс̃тно́е
єгѡ̀ тѣ̑ло, и несо́ша в̾ кора́бль сво́й,
и ѿвезо́ша є̀ в̾ нѣ́кую ве́сь наро́читу
су́щю, под̾ ѻ́бластію македо́нскою,
мнѡ́га исцѣле́нія творя́ща неду́­
жнымъ. Слы́шавъ же єпс̃кпъ гра́д̾скій,
взе́мъ ве́сь приче́тъ сво́й, с̾ канди́лы
и со свѣща́ми в̾ ве́сь пріидо́ша, идѣ́же
цѣлбоно́сное бя̑ше прпд̃бнагѡ тѣ̑ло,
и во єпс̃кпію принесо́ша, и ту̀ ѿ ра­
зли́чныхъ неду̑гъ мнѡ́зи исцѣлѣ́­
шася. та́же вомногоцѣ́нну ра́ку со
арама́ты вложи́вше, и въ цр҃квь при­
несо́ша. и трѝ днѝ и трѝ но́щи сла­
восло́вія сотво́рше, погребо́ша чс̃тнѣ.
мнѡ́га же исцѣле́нія подаю́тся ѿ че­
стны́хъ єгѡ̀ мощє́й. и до нн҃ѣ въ
сла́ву прест҃ы́я тро̃цы, ѻц҃а
и сн҃а и ст҃а́гѡ дх҃а
;
{#л. фг҃і}

Вто́йже дн҃ь сло́во ст҃а́гѡ васи́лія ѡжитіѝ
су́етнѣмъ свѣ́та сегѡ̀.

Мнѡ́га уны́нія в̾ житіѝ ми́ра сегѡ̀ по́­
лнѡ є́сть и воздыха́нія, и никому́же
беспеча́лнѡ, но по́лнѡ льстѝ и вся́кія
ѕло́бы. ѻ́вѣмъ не причта́вшимъся
бра́ку, скве́рныя по́хоти преѻдолѣ́­
ютъ. ѻ́вѣмъ же и причта́нымъ, мно́гъ
кли́чь ѡ домо́вныхъ дѣ́телєхъ хотѣ́нія.
и по прижи́тіи ча̑дъ, ѡ воскормле́ніи и́хъ
печа́ль, женѣ̀ хране́ніе, с̾ сосѣ́ды кото́ра
на суди́щихъ ѡ тя́жбѣ. и кі́йждо де́нь
приходя̀ своѐ принося̀ ѡмраче́ніе, ѿ но­
ся́щагѡ ба́гръ и вѣне́цъ, да́же и до
нося́щагѡ полотня́ныя ру́бы. в̾ нощѝ
дневны́я помышля́юще печа́ли, тѣ́ми же
и во снѣ̀ ѿ бѣсѡ́въ прельща́еми. мо́рю бо
мути́му подо́бны су̑ть чл҃ческія ве́щи,
вни́хъ же па́че воды̀ на́ сусѣ томи́мся,
и горѣ́е вѣ́тра дру́гъ дру́га порѣва́емъ.
и а́ки в̾ му́тѣ морстѣ́мъ сѣ́мѡ и
ова́мѡ прено́симся. о́вому ѡра́ти зе́­
млю довлѣ́етъ, о́вому же єго́ же нѣ́сть
да́лъ взя́ти хотя́щу, а о́въ є́же
и взя́лъ, не да́ти крѣпи́тся. о́въ же

в̾ ли́хвахъ несы́тъ є́сть. ѻ́въ же и ѡт̃
и́стины попира́емь лиша́ется, се́й же
и́же ничто́же имы́й стужа́етъ сія̀. ѻ́въ
же и ли́ше имы́й пли́щуетъ, а ни́щіи
и́же не имѣ́яи, укаря́емь є́сть. и
иму́щему сѣ́ти гото́вятся, и су́щіи
во вла́сти возно́сятся. ча́сто ра́тятся и
междоусо́біемъ убива́ютъ, несы́тствомъ
гра́бятъ, и наси́ліемъ му́чатъ. лжа̀
превозно́сится, любы̀ ѿбѣжѐ, и́стина
зе́млю ѡста́ви. ѕлохитрецы̀ и клеве­
тницы̀ че́стни су̑ть, и мытарѝ пре­
держа́тъ гра́ды. си́мъ же всѣ́мъ со́бра­
нымъ; Ѽ ка́кѡ прро̃къ гл҃аше, ѻба́че
всу́е мяте́тся вся́къ живя́и не пра́ве­
днѡ. Тѣ́мъже бра́тіе попецє́мся ѡ
свое́мъ спасе́ніи, и ми́лостива бг҃а к̾ себѣ̀
сотвори́мъ до́брыми дѣ́телми. єму́ же
сла́ва, нн҃ѣ и прс̃нѡ и во́ вѣки вѣкѡ́мъ
;

Мцс̃а того́же въ г҃і дн҃ь, па́мять ст҃ы́я
мч҃нцы акѷлі́ны, бл҃гословѝ ѻ́ч҃е.

Та̀ бя̑ше во времена̀ діоклитія́на царя̀,
ѿ́ града ви́вла палести́нскагѡ. дщѝ
нѣ́коегѡ єѵ̾толмі́я бога́та. крести́же­
ся єѵ̾те́ліемъ єпс̃кпомъ, пятію̀
лѣ́тъ су́щи. бы́вши же є́й лѣ́тъ
десятѝ, содруже́бницу свою̀ и све́ръ­
стницу къ хрс̃то́вѣ вѣ́рѣ приводя́ше,
и ѿ и́дѡлъ ѡша́ятися поучава́ше. Тѣ́мъ
и ѻбо́лгана бы́сть анѳипа́ту ѻлосія́ну
ѿ нѣ́коегѡ никоди́ма. и приведена̀ на
испыта́ніе, и исповѣ́да и́мя хрс̃то́во.
тогѡ̀ ра́ди біе́на, и рожны̀ желѣ́зны
раз̃ж̾же́ными сквозѣ̀ слу́ха єя̀ пронози́­
ша, толи́кѡ я́кѡ и кро́ви ѿ но­
здре́й єя̀ поте́кши, и все́й главѣ̀
єя̀ раз̃жжещи́ся из̾вну́трь.
Та́же пріе́мъши ме́чное
ѡсужде́ніе, и ѿсѣко́­
ша главу̀ єя̀, и
ѿи́де ко́ гдс̃у
;

Вто́йже де́нь ст҃ы́я мч҃нцы антони́ны.

Та̀ бя̑ше ѿ́града никі́йскагѡ, во времена̀
діоклитія́на и максимія́на, и приски́­
лія кня́зя. кнему́же приведена̀ бы́­
вши вѣ́ры ра́ди хрс̃то́вы, біе́на бы́сть
по сосце́ма, и въ сажена̀ въ темни́цу.
и из̾ведена̀ и повѣ́шена на́древѣ, и
ѻгне́мъ ж̾жена̀, и на раз̃жже́нѣ сковрадѣ̀
просте́рта, и рожны̀ раз̃жже́ными прожго́ша
є́й ру́цѣ, ѿ ни́хъже бл҃гоуха́ніе добро­
во́нно изы́де. и та́кѡ гле́знѣ є́й про­
жго́ша рожны̀. и посе́мъ въ темни́цу
въсажена̀ бы́сть, и за́ два лѣ́та томи́ма.
а́біе же из̃ведена̀ бы́сть, и в̾ мо́ре в̾ве́ржена,
и та́кѡ мч҃нія вѣне́цъ прія́тъ;

Вто́йже де́нь сло́во ѿ патерика̀ ѡ двою̀
пусты́ннику.

Повѣ́даше а́вва мака́ріи, и́же в̾ ски́тѣ
єгѵ́птянинъ. я́кѡ ше́дшу єму̀ в̾ го́ру
нитрі́йскую, глаго́лаша єму̀ ста́рцы,
рцы̀ на́мъ сло́во ѻ́ч҃е по́лзы ра́ди. и гл҃а
и́мъ, прости́те, не у́бѡ бы́хъ мни́хъ,
но ви́дѣхъ мни́хи. сѣдя́щу бо ми
нѣ́когда въ хи́жинѣ свое́й въ ски́тѣ,
{#л. фе҃і}

и ну́дяше мя помышле́ніе изы́ти во
вну́тренюю пусты́ню, да ви́жю что̀ бу́­
детъ та́мѡ. и пребы́хъ боря́ся с̾ мы́слію
гл҃я, єда̀ ка́кѡ ѿ дѣ́мона є́сть.
и я́кѡ пребы́хъ мы́сля, и поидо́хъ
въ да́льнюю пусты́ню, и ѡбрѣто́хъ бла́то
во́дно и ѻ́стровъ посредѣ̀ єгѡ̀. и при
идо́ста ѕвѣ́ріе пусты́нніи пи́ти ѿ негѡ̀,
и узрѣ́хъ посредѣ̀ и́хъ два̀ человѣ́ка
на́га, и устраш́имися тѣ́ло, мня̀ я̀
ду̑ха су̑ща. ѻна́же я́кѡ ви́дѣста мя
устра́шена, и гл҃аста ми, не бо́йся,
и мы̀ у́бѡ человѣ́ка же єсма̀. и рѣ́хъ
и́ма, ѿку́ду у́бѡ єста̀ пріидо́ста сѣ́мѡ
в̾ пусты́ню сію̀. и рѣ́ста, ѿ монастыря̀
єсма̀, и совѣща́стася, изыдо́хома в̾ пу­
сты́ню сію̀. и у́же три́десять лѣ́тъ,
и́мама здѣ̀. єди́нъ же бѣ̀ єю̀ єгѵ́птя­
нинъ, а другі́й лувѷнъ. вопроси́ста же
менѐ и та̀ гл҃юща, ка́кѡ ве́сь ми́ръ єще́ ли
и́мать гобзова́ніе своѐ. и рѣ́хъ и́ма, є́й.
и а́зъ вопроси́хъ я̀, ка́кѡ могу̀ бы́ти
мни́хъ. и гл҃аста ми, а́ще не ѿрече́тся
человѣ́къ всегѡ̀ су́щагѡ въ ми́рѣ се́мъ,
не мо́жетъ бы́ти мни́хъ. и рѣ́хъ и́ма,

а́зъ не́мощенъ є́смь, и не могу̀ я́коже вы̀.
и рѣ́ста ми, а́ще немо́жеши я́коже мы̀,
то̀ сѣдѝ в̾ хи́жи свое́й пла́чася грѣхѡ́въ
свои́хъ. и рѣ́хъ и́ма, єгда̀ быва́етъ зима̀,
нѣ́сть ли ва́ма зимы̀. и єгда̀ быва́етъ
зно́й, не гори́тали ва́ю тѣлеса̀. ѻна́же
рѣ́ста, бг҃ъ сотворѝ на́ма смотре́ніе таково̀,
да ни в̾лѣ́тѣ чю́емъ зно́я, ни зимо́ю
мра́за. сегѡ̀ ра́ди реко́хъ ва́мъ, я́кѡ не
у́бѡ бы́хъ мни́хъ, но ви́дѣхъ мни́хи;

Вто́йже дн҃ь сло́во ст҃а́гѡ про̃ро́ка и єре́міи
ѡ блудникѡ́хъ.

Слы́шите любодѣ́йцы, ѡста́висте бо за́­
повѣди гдс̃ня, и въ слѣ́дъ по́хоти идо́­
сте. в̾ домѣ́хъ блудни́цъ собира́стеся,
прелюбы̀ творя́ще. ко́ни не и́стовіи
блудни́цы бы́сте, ко́ждо на жену̀ бли́­
жнягѡ рыка́ху. не присѣщу̀ си̑хъ
бла́гомъ гл҃етъ гдс̃ь, но сотворю̀ я́кѡ седе­
кі́и и іѡаки́му, єю́же сож̾жѐ ца́рь вави­
ло́н̾скій ѻгне́мъ без̾зако́нія ра́ди,
я́же творя́ста со д̾ще́рми гра́жанъ свои́хъ.
тѣ́мъже бѣ́гайте блуда̀, да не воо́гнь
вѣ́чный ѡсуже́ни бу́дете;
{#л. фѕ҃і}

Вто́йже дн҃ь сло́во ѿ патерика̀.

Бра́тъ нѣ́кій по́сланъ бы́сть на слу́жбу
ѿ ѻц҃а, и прише́дъ на мѣ́сто нѣ́кое иму́­
шеє во́ду, и ѡбрѣ́тъ ту̀ жену̀ мы́ю­
щю платно̀. бра́нь же прія́тъ бра́тъ
наню̀, и гл҃а є́й я́кѡ да ля́жетъ с̾не́ю.
рече́ же єму̀ ѻна̀, є́же послу́шати тебѐ
ѻ́ч҃е удо́бь є́сть, но вина̀ бу́ду тебѣ̀
мнѡ́зѣй ско́рби. и гл҃а к̾ не́й, ка́кѡ сѐ.
ѿвѣща̀ она̀, по соблуже́ніи со мно́ю уя́­
звитъ тя со́вѣсть, да у́бѡ илѝ во ѿчая́­
ніе в̾па́днеши, илѝ мнѡ́га труда̀ потре́ба,
я́кѡ да в̾ мѣ́ру пріи́деши в̾ не́йже єсѝ
нн҃ѣ. молю́жеся твое́й ст҃ы́ни ѻ́ч҃е, идѝ
с̾ ми́ромъ на слу́жбу, а́може тя посла̀ ѻц҃ъ
тво́й, пре́же не прія́ти ти я́звы дш҃е́­
вныя. ѻ́нъже сѐ слы́шавъ, умили́ся и
бл҃годаря́ше бг҃а, да́вшаго ра́зумъ женѣ̀
си̑це ѿвѣща́ти єму̀. и прише́дъ ко оц҃у̀
своему̀ и повѣ́да єму̀ ве́щь, и почюди́ся
ра́зуму єя̀ ста́рецъ. и умолѝ бра́тъ
ѻц҃а своего̀ про́чеє не изы́ти из̾ мнс̃тря̀.
и си̑це пребы́сть не исхо́денъ ѿ оби́тели,
да́же досме́рти своея̀; Во антіохі́иж е вели́­
цѣй патріа́рхъ анаста́сіи повѣ́да на́мъ

нѣ́что сицево̀ подо́бнѡ пе́рвому. я́кѡ
и́нокъ речѐ нѣ́кій ѿ монастыря̀ ѻц҃а сиверіа́­
на, по́сланъ бы́сть на слу́жбу оц҃а своегѡ̀
въ страны̀ єлеѵ̾ѳеропо́льскія. я́кѡ у́бѡ
пріи́де к̾ нѣ́коему хрс̃толюби́ву му́жу, и­
му́щу дще́рь єдиноро́дну, мт҃ри бо єя̀
уме́рши пре́же. сотвори́же и́нокъ в̾ дому̀
му̑жа днѝ нѣ́кія. при́сно же не нави́дяи
ро́да чл҃чя дія́волъ, в̾ложѝ бра́ту по́мыслы
лука́вы, ра́ть блуда̀ прія́ти на отрокови́­
цу. и иска́ше вре́мя подо́бнѡ ѡсо́бь­
нѣ гдѣ̀ ѡбрѣстѝ сію̀. но ра́ть в̾ложи́­
вый дія́волъ, то́й и вре́мя подо́бнѡ со­
творѝ. оц҃у́ бо єя̀ ѿше́дшу во аско­
ло́нъ, нѣ́кія ра́ди потре́бы ну́жныя.
ви́дѣвже бра́тъ я́кѡ никто́же є́сть въ до­
му̀ и́хъ, то́чію са́мъ то́й и отрокови́ца,
прише́дъ кне́й, хотя̀ с̾ ну́ждею по вину́ти
ю̀. она́же я́кѡ ви́дѣ єгѡ̀ смуще́на,
и всего̀ ѿ стра́сти пали́ма, гл҃а єму̀, ни­
что́же смуща́йся, нижѐ нѣ́что бесчи́ннѡ
сотворѝ мнѣ̀. оц҃ъ бо мо́й нижѐ дне́сь нижѐ
зау́тра пріи́детъ, но пе́рвіе слы́ши ѿ ме­
нѐ є́же гл҃юти, вѣ́сть гдс̃ь я́кѡ и а́зъ
содерзнове́ніемъ сотворю̀ є́же хо́щеши.
{#л. фз҃і}

та́че гл҃а кнему̀ со смире́ніемъ, вои́стину
ты̀ ѻ́ч҃е и бра́те, коли́кѡ лѣ́тъ и́маши
въ монастырѝ свое́мъ. ѻ́нъже ѿвѣща̀,
се́дмь на́десять лѣ́тъ. па́ки речѐ єму̀
и́маши ли иску́съ что̀ є́сть жена̀. и речѐ,
нѝ. ѿвѣща̀ отрокови́ца и речѐ єму̀
и хо́щеши ли во єди́номъ часѣ̀ погуби́ти
труда̀ своегѡ̀ толи́цѣмъ лѣ́томъ. коли́­
жды излія́лъ єсѝ сле́зы, я́кѡ да тѣ́­
ло своѐ чи́сто и не скве́рно хрс̃ту̀ пред̾ста́ви­
ши. и ве́сь тру́дъ ѻ́нъ ма́лыя ра́ди сла́­
дости хо́щеши погуби́ти оба́че слы́ши,
а́ще бу́деши со мно́ю, и́маши ли гдѣ̀ поя́­
ти мя и пита́ти. и гл҃а бра́тъ, нѝ.
тогда̀ ѿвѣща̀ отрокови́ца, вои́стину не
лжю̀ тебѣ̀, а́ще ѡскверни́ши мя, мнѡ́­
гихъ ѕлѡ̑бъ пови́ненъ бу́деши. и гл҃а
є́й и́нокъ, почто̀; ѿвѣща̀ она̀, пе́рвіе
у́бѡ погуби́ши дш҃ю свою̀. второ́е же я́кѡ
и ѡ дш҃и мое́й истя́занъ бу́деши. но
да сіѐ вѣ́си ѻ́ч҃е ст҃ы́й, я́кѡ съ кля́твою
извѣща́ю ти, та́ко ми прише́дшаго спа­
стѝ грѣ́шники, я́кѡ а́ще ѡскве́рниши
мя, у́жемъ сама̀ себѐ удавлю̀. и ѡ­
бря́щеши ся убі́йство сотвори́въ,

и на судѣ̀ я́кѡ душеубі́йца ѡсу́дишися.
но молю́тися ѻ́ч҃е пре́же да́же не бы́ти тебѣ̀
вино́вну толи́цѣмъ ѕло́мъ, идѝ с̾ ми́ромъ
въ сво́й монасты́рь. и моли́ся въ мл҃твѣ
свое́й ѡ мнѣ̀. прише́дъ же въ себѐ бра́тъ
умили́ся, и а́біе изы́де и́з̾дому єя̀,
и и́де въ монасты́рь ко ѻц҃у̀ своему̀,
и сотворѝ мета́ніе сказа́въ єму̀ вся̀
и умолѝ ѻц҃а къ тому̀ не изы́ти изъ
монастыря̀. и сотворѝ въ монастырѝ
трѝ мцс̃ы, и ко гдс̃у ѿи́де. єму̀
же сла́ва, ны́нѣ и при́снѡ
и во вѣ́ки вѣкѡ́мъ
ами́нь
;

Мцс̃а тогѡ́же, въ д҃і де́нь. па́мять
ст҃а́гѡ про̃рка єлисе́я, бл҃гословѝ ѻ́ч҃е.

Єлисе́и сла́вный про̃ркъ бѣ̀ ѿ аделму́ѳъ,
ѿ землѝ руви́мовы, сн҃ъ асафа́товъ.
и ѡ се́мъ с̾бы́сться зна́меніе, за­
не́же внегда̀ роди́ся въ галга́лѣхъ,
злата́я ю́ница я́же бя̑ше в̾ сило́мѣ,
возгласѝ си́лнѣ, я́кѡ слы́шатися
во ієрс̃ли́мѣ. рече́ же ієре́й ра́ди зна́­
меніи, я́кѡ про̃ркъ роди́ся дне́сь во
ієрс̃ли́мѣ, и́же разруши́тъ истука́­
нныя, и сокруши́тъ си́лныя. мнѡ́­
га же зна́менія сотворѝ бг҃ъ, руко́ю
єлисе́я про̃рка. у́мре же и погребе́нъ
бы́сть в̾ самарі́и в̾ севастопо́ли. Се́й
проро́чествова ѡ прише́ствіи гдс̃ни.
и ієрихо́нскія же исцѣлѝ во́ды, я́же
бя́ху го́рки и сла́ны, ре́къ, та́кѡ
глаго́летъ гдс̃ь, исцѣля́ю во́ды сія̀,
и исцѣлѣ́ша. но и ме́ртвыя воскре­
сѝ, и ѡчи́сти ѿ прока́зы неєма́на
сѵ́р̾скаго. и гіезі́ю своего̀ слу­
гу̀, прокаже́на сотворѝ бы́ти,
за сребролю́біе єгѡ̀ и преслуша́ніе.

и ме́ртвъ сы́й, воздви́же ме́ртваго. и ра­
здѣлѝ іѡрда́н̾скія струѝ, уда́ривъ
ми́лотію иліино́ю;

Вто́йже дн҃ь па́мять и́же во ст҃ы́хъ ѻц҃а
на́шегѡ меѳо́дія патріа́рха кон̾стянти́ня гра́да.

Во ст҃ы́хъ ѻц҃ъ на́шъ меѳо́діи ѿ сикилі́и
рожде́ніе имѣ́я. ѿ ю́ности бы́сть бл҃же́­
нный мни́хъ, и ра́зными добродѣ́­
телми прев̾ше́дъ, ми́лостынею и по­
сто́мъ. до́йдеже кон̾стянти́ня гра́да,
прилѣжа́щия ра́ди бу́ри на цр҃квь.
бѣ́ бо є́ресь вели́ка в̾ то̀ вре́мя иконо­
бо́рєцъ. и на мѣ́стѣ же горы̀ нѣ́коея
созда́въ мнс̃ты́рь, и живя́ше ту̀.
ле́сть же є́реси иконобо́рецъ, му́дрыми
словесы̀ напи́саными и гл҃ы всю̀ побѣжда́­
ше. мнѡ́га же ѡѕлобле́нія ѿєрети́къ
претерпѣ̀ за поклоне́ніе ст҃ы́хъ икѡ́нъ.
єгда́же хрс̃тоненави́стный ѳео́филъ
ца́рь коне́цъ житію̀ прія́тъ, и право­
вѣ́ріе просвѣти́ся, при́званъ бы́сть
ѳео́дѡрою цари́цею, и правовѣ́рнымъ
цр҃е́мъ миха́йломъ сы́номъ єя̀.
{#л. фѳ҃і}

и по прорече́нію ани́кія чюдотво́рца, поста́­
вленъ бы́сть патріа́рхомъ в̾ констянти́нѣ
гра́дѣ. пребы́сть же во ст҃и́тельствѣ
четы́ре лѣ́та, и трѝ мцс̃ы, с̾ ми́ромъ
предадѐ ст҃у́ю свою̀ дш҃ю
гдс̃ви ;

Вто́йже де́нь ст҃а́гѡ сщ҃енному́ченика
кѷри́ла єпс̃кпа горту́ньскагѡ кри́тьскагѡ
ѻ́строва.

Се́й по́стнически и ст҃о пожи́въ. в̾ шесть­
деся́тъ во второ́е лѣ́то живота̀ своегѡ̀,
во времена̀ діоклитія́на и максимія́на
предста̀ агрипи́ну игѣ́мону, и пре­
дни́мъ хрс̃та̀ исповѣ́давъ, и ме́чное
ѡсуже́ніе пріи́мъ. и немо́гъ ходи́ти
браздо́ю за уста̀ свя́занъ. девять­
деся́тымъ лѣ́томъ сы́й, пася̀ горту́нь­
скую цр҃квь, два́десять пять лѣ̑тъ.
да внегда̀ достиго́ша мѣ́ста, глаго́лемое
ра́косъ, самохо́тно ста́ша волы̀ возя̑ще
ст҃а́гѡ, зане́же кни́мъ гла́су свы̑ше
ста́ти повелѣва́ющу, и ту̀
мече́мъ главу̀ єму̀
ѿсѣко́ша
;

Вто́йже де́нь сло́во ѿ лимони́са.

Бра́тъ али́мпіи пріи́де в̾ ла́вру ко а́ввѣ
гера́симу, бли́зъ ст҃а́гѡ іѡрда́на. и гл҃а
єму̀, а́вво, ка́кѡ сѣди́ши ѻ́стровѣ
се́мъ толи́ку зно́ю су́щу и мши́цамъ.
ста́рецъ же ѿвѣща̀ єму̀, сегѡ̀ ра́ди сѝ
стражу̀ ча́до, да су́щимъ та́мѡ муче́­
ніемъ не искуше́нъ бу́ду. терплю́ же
и мши́цы, да неусыпа́ющагѡ убѣжю̀
че́рвія. та́коже и зно́й терплю̀ ви́димый,
да ѻгня̀ вѣ́чнагѡ из̾бу́ду. се́й у́бѡ
маловре́мененъ є́сть. а ѻ́ный конца̀ не
и́мать. си́же напи́сана бы̑ша на по́льзу
слы́шащимъ;

Вто́йже де́нь сло́во ѡ купцѣ̀.

Повѣ́да на́мъ нѣ́кій ѿ ѻц҃ъ, я́кѡ ше́дшу
ми речѐ во асколо́нъ, посѣти́ти нѣ́кія
ѿ ѻц҃ъ, и повѣ́да на́мъ оц҃ъ єѵ̾се́віи гл҃я.
купе́цъ речѐ нѣ́кій ѿ́ града на́шегѡ,
пла́ваніе сотворѝ корабле́мъ свои́мъ во аѳри­
кію, и во истопле́ніе в̾па́дъ, погуби́въ вся̀
имѣ́нія, своя́же и чюжа́я, то́чію са́мъ
єди́нъ спасе́нъ бы́сть. прише́дъ же в̾ до́мъ
сво́й, и я́тъ бы́сть ѿ заимода́вшихъ
єму̀, и в̾ве́рженъ бы́сть въ темни́цу.
{#л. фк҃}

и расхище́номъ бы́вшимъ дома́шнимъ
єму̀, и не ѡста́виша єму̀ ничто́же,
то́чію ри́зы я́же ноша́ше то́й и жена̀
єгѡ̀. ѻна́ же ѿ мно́гагѡ не имѣ́нія
по́ граду ходя̀ рабо́таше, да понѐ хлѣ́бъ
снѣда́етъ, и прино́ситъ и му́жу сво­
ему̀. єди́ною же сѣдя́щи є́й и яду́щи
с̾ му́жемъ свои́мъ в̾ темни́цѣ, вни̑де
нѣ́кій велмо́жа да́ти млс̃тыню су́щимъ
в̾ темни́цѣ, и узрѣ̀ ю̀ сѣдя́щю при́
мужѣ єя̀, и уязви́ся срд̃цемъ ви́дѣвъ
красоту̀ єя̀. бѣ́ бо по и́стинѣ красна̀ ѕѣ­
лѡ̀. и возвѣстѝ є́й, посла́въ нѣ́коегѡ
стра́нника. ѻна́же ско́рѡ исте́къши
во́нъ, мнѣ́вши є́й млс̃тыню взя́ти.
ѻ́нъ же поя́тъ ю̀ ѡсо́бь, и глаго́ла кне́й,
что̀ є́сть вина̀ єя́же ра́ди сѣди́ши
в̾ темни́цѣ се́й. ѻна́же сказа̀ єму̀
вся̀. ѻ́нъ же речѐ кне́й, а́ще искуплю̀
ве́сь до́лгъ ва́шъ, спи́ши ли сомно́ю
но́щь сію̀. ѻна́же я́кѡ красна̀ дш҃е́ю
и цѣлому́дрена, речѐ кнему̀, слы́шалъ
ли єсѝ гдс̃не мо́й апс̃ла глаго́люща, я́кѡ
жена̀ не владѣ́етъ тѣ́ломъ свои́мъ, но
му̑жь. иду́ бо и вопрошу̀ му̑жа моего̀.

и прише́дъ повѣ́да му́жу своему̀ глаго́лы
вельмо́жи нечи́стагѡ. ѻ́нъже ра́зума
испо́лнь сы́й, и вѣ́ренъ къ своє́й женѣ̀,
не вос̾хотѣ̀ блу́днымъ имѣ́ніемъ свободи́­
тися ѿ темни́цы, но вельмѝ воз̾дохну́въ
прослези́ся. и речѐ къ своє́й женѣ̀, ше́дъ
речѐ сестро̀ и ѿвѣща́й к̾ вельмо́жѣ, мы̀
го́споди такова́гѡ свобожде́нія блуда̀ ра́ди
не хо́щема нипонѐ слу́шати. но и́мама
бг҃а ре́кшагѡ прро̃комъ дв҃домъ, не надѣ́й­
теся на́ князя речѐ на́ сыны человѣ́ческія,
в̾ни́хъже нѣ́сть спасе́нія. но поне́ же бг҃ъ
е́сть и́же на херуви́мѣхъ сѣдя́й, и ви́дяй
бе́здны, то́й зри́тъ и на сѣдя́щыхъ
в̾ темни́цѣ се́й. и и́миже судба́ми вѣ́сть
изба́витъ на́съ, ты́же идѝ с̾ ми́ромъ.
и воста́вши жена̀, и ше́дъ к̾ вельмо́жѣ,
и речѐ єму̀, я́коже нака́зана бы́сть
му́жемъ свои́мъ. В̾ты́яже днѝ за­
творе́нъ бѣ̀ в̾ темни́цѣ сни́ми нѣ́кій раз̾­
бо́йникъ, и сматря́ше слы́ша вся̀ я́же
ѿни́хъ гл҃емая и твори́мая. и воз̾дыха́я
въ себѣ̀ гл҃аше, сѐ въ коли́цѣ тѣснотѣ̀
пребыва́ютъ въ темни́цѣ се́й человѣ́ка сія̀
и цѣлому́дріе своѐ нехотѣ́ста ѡскве́рнити,
{#л. фк҃а}

я́кѡ да ис̾темни́цы изба́витася. но
па́че бога́тьства чистотѣ̀ свое́й восхо­
тѣ́ста. и я́же в̾ житіѝ се́мъ вся̀ пре­
ѻби́дѣста, да бг҃ови то́чію уго́дна
бу́дута. а́зъ же ѻкая́нный что̀ со­
творю̀, и́же никогда̀ понѐ воумѣ̀ помы́­
сливъ я́кѡ є́сть бг҃ъ. тогѡ̀ ра́ди
и убі́йству мнѡ́гу пови́ненъ бы́хъ.
и призва́въ єю̀ к̾ себѣ̀ ѻко́нцемъ,
идѣ́же бѣ̀ вве́рженъ, и речѐ и́ма,
да вѣ̀ста я́кѡ а́зъ разбо́йникъ бѣ́хъ,
мнѡ́га ѕла̀ и убі́йства сотвори́хъ.
и вѣ́мъ до́брѣ, я́кѡ во́ньже ча́съ
игѣ́монъ пріи́детъ изведе́тъ мя ис̾те­
мни́цы, и главу̀ мою̀ ѿсѣче́тъ. и
у́бѡ ви́дя ва́ше цѣлому́дріе, уми­
ли́хъся к̾ ва́ма. и молю̀ ва́ю я́кѡ да
посме́рти мое́й, ше́дша на мѣсто и́мя
ре́къ и́ма, в̾ зида́ніи гра́днѣмъ,
раскопа́вша возми́та ѕла́то єли́кѡ
ѡбря́щета, и имѣ́йта сіѐ во ѿда́ніе
до́лга ва́шегѡ, и въ про́чюю потре́бу
ва́шю. и моли́те бг҃а ѡ мнѣ̀, я́кѡ
да и а́зъ получю̀ млс̃ть ѿ бг҃а. пома́лѣхъ
же дне́хъ пріи́де во́ градъ игѣ́монъ,

и повелѣ̀ разбо́йника известѝ ис̾темни́­
цы, и главу̀ єгѡ̀ ѿсѣщѝ. по́дни же єди́­
номъ, речѐ жена̀ к̾ му́жу своему̀, пове­
ли́ ми го́споди мо́й, да иду̀ идѣ́же
показа̀ на́мъ разбо́йникъ сокро́вище своѐ,
а́ще и́стину повѣ́да на́мъ. ѻ́нъже речѐ
идѝ. ѻна́же вече́ру бы́вшу, в̾зе́мши
моты́ку, и прише́дъ на пока́занное є́й
мѣ́сто, и нача́тъ копа́ти, и ѡбрѣ́те
скуде́лникъ насы́панъ златникѝ, и с̾ра́­
зумомъ взе́мъ, и пома́лу ѿдадѐ ве́сь
до́лгъ сво́й, и творя́шеся я́кѡ ѿ и­
ны́хъ зае́мля. и си́це творя́ща свобо­
ди́стася ѿтемни́цы и до́лга.
гл҃ашеже сказа́вый на́мъ сія̀
сѐ, я́коже сохрани́ста за́­
повѣдь бж҃ію, си̑це
и гдс̃ь возвели́чи
млс̃ть свою̀
нани́хъ
;
{#л. фк҃в}

Мцс̃а того́же, въ е҃і дн҃ь, па́мять ст҃а́гѡ
про̃ро́ка амо́са, бл҃гословѝ ѻ́ч҃е.

Се́й бя̑ше ѻц҃ъ иса́іи про̃ро́ка. роди́ся
въ ѳеку́е, вземлѝ за уло́н̾стѣй.
про̃ро́чествова лѣ́тъ, е҃і. амесі́я же ца́рь
ча́сто тогѡ̀ бія́ше, зави́дяшебо єму̀ и
злосло́вяше єгѡ̀. наконе́цъже убѝ єго̀
сн҃ъ амесі́евъ, па́лицею побровма̀ того̀
уда́ривъ, зане́же ѡблича́ше єго̀ про̃ро́къ
ѡліа́ніи златы́хъ ю́ницъ. до́йдеже єщѐ
ды́ша взе́млю свою̀. амо́съ же толку́ется
терпѣли́въ вѣ́ренъ ви́децъ. ви́домъ бѣ̀
ста́ръ плѣши́въ гу́сту имѣ́я браду̀ ма́лу
подобе́нъ іѡ҃а́нну бг҃осло́ву ;

Вто́йже дн҃ь стра́сть ст҃а́го му́ченика ду́лы
єпа́рха.

То́й бѣ̀ єпа́рхъ киликі́йскій, покланя́нія
же ра́ди, и вѣ́рованія во хрс̃та̀, приведе́нъ
бы́сть къ игѣ́мону маѯи́му, и не уто­
ле́нъ бы́въ пожре́ти и́долѡмъ, біе́нъ
бы́сть же́зліемъ. ѡбличи́же куми́ры
аполо́на и адафі́я, и па́ки біє́нъ
бы́сть же́зліемъ по́чреву, и насковра­
дѣ̀ раз̃ж̾же́нѣ простре́нъ бы́сть,

пома́заша главу̀ єгѡ̀ ма́сломъ, и жера́­
ткомъ посы́панъ бы́сть. и въ лія́ша
сина́пъ в̾ но́здри єгѡ̀ и желѣ́зы ѻ́стры­
ми стро́ганъ бы́сть по плеще́ма. и че́лю­
сти, и го́лени єгѡ̀ сокруши́ша. и во­
проше́нъ бы́сть ѡ хрс̃тѣ̀, ка́кѡ въпло́ти
бы́въ бг҃ъ мни́тся, и въ ско́рѣ сказа̀,
є́же по на́съ смотре́ніемъ сотворѝ. посе́мъ
повѣ́шенъ бы́въ, и стро́ганъ бы́сть. и
изгна́нъ бы́въ два́десять ве́рстъ, бг҃ови
дх҃ъ сво́й предадѐ;

Вто́йже де́нь сло́во ст҃а́гѡ ѳеодори́та
ѡ расмотре́ніи вся́кагѡ дѣ́ла.

Вѣ́домо бу́ди смотря́щимъ дѣ́лъ чело­
вѣ́ческихъ бл҃ги́хъ же и ѕлы́хъ. раз̾­
суди́тъ же ся си̑це. я́коже бо бра́къ
ѿ прелюбодѣ́йства разлуча́ется. ѻ́во
у́бѡ бл҃гослови́тся зако́ннѡ, ѻ́воже чрез̃
зако́нъ ѡсу́дится. я́коже и приубі́йствѣ
погуби́тъ му̑жь убі́йца, погуби́тъ же
и судія̀. но ѻ́нъ у́бѡ позако́ну ѡсу́дитъ
у́мрети, ѻ́въ же чре́зъ зако́нъ. и́бо
єди́но дѣ́ло, смотре́ніе же ра́знитъ.
{#л. фк҃г}

но да я́вьственнѣ ѿ писа́нія
научи́мся
смо́тримъ си̑це. Уби́въ ка́инъ а́веля
за́вистію испо́лнися. уби́ же и фінее́съ,
поревнова́въ по бл҃гоче́стіи, и по зако́нѣ
побо́рая; но ѻ́нъ у́бѡ про́клятъ, а се́й
бл҃гоуго́денъ. дѣ́ло у́бѡ єди́но, но
ра́зумъ проти́венъ. Укра́де ия́ковъ бл҃го­
слове́ніе, укра́де же и нахо́ръ ѕла́то; но
ѻ́нъ у́бѡ превзы́де, се́й же ка́меніемъ
побіе́нъ бы́сть. Пости́ся илія̀ и нб҃о за­
твори́ся. пости́шажеся самаря́не, науфѣ́а ­
уби́ша; но ѻ́нъ у́бѡ бл҃гоче́стія ра́ди
се́й же клеветы̀ ра́ди убі́йства. Пощадѣ̀
и поми́лова сау́лъ ага́га чре́зъ зако́нъ
ѡбнажи́ся цр҃ьства. зарѣ́за само́илъ
ага́га, бж҃іи зако́нъ испо́лни; безраз̾смо­
тре́нія никто̀ в̾пра́вду су́дъ твори́тъ
ѡсуди́ша у́мрети суса́нѣ без̾ испыта́нія.
и та̀ возопѝ вели́кимь гла́сомь, б҃же вѣ́­
чный с̾вѣ́дый та́йная, ты̀ вѣси, во лжю̀
намя̀ послу́шествоваша, и сѐ умира́ю
напра́снѡ, ничто́же ѕла̀ сотво́рши. и
услы́ша бг҃ъ гла́съ єя̀, у́же ведо́мѣ є́й
на убіе́ніе, воздви́же бг҃ъ ю́на ѻ́трока
даніи́ла, чи́стъ є́смь ѿ́ крове сея̀ речѐ,

поне́же не испыта́сте ста́рцу ра́знѡ и́хъ
разве́дше. и разведе́на бы́вша ста́рца,
сол̾га́ста ѻ́ба. и ве́сь наро́дъ бл҃гослови́ша
бг҃а сп҃са́ющаго вся̀ упова́ющыя на́нь. тѣ́мже
нераз̃смотри́вше, никого́же не ѡсужда́йте.

Вто́йже де́нь сло́во іѡ҃а́нна златоу́стагѡ
пучи́телно.

Сѐ у́бѡ а́зъ люби́міи, ча́стѡ уче́ніе
творя̀, надѣ́яся возбрани́ти пія́нь­
ства на у́къ ѕлы́й, но и нн҃ѣ супроти́въ
ви́жю. тогѡ̀ ра́ди болѣ́зную, я́кѡ
во тщѐ поуче́ніе быва́етъ. и ра́тай бо
а́ще в̾ сѣ́етъ, земля́же а́ще неда́стъ
плода̀, то̀ велмѝ печа́луетъ. а́зже болмѝ
скор̾блю̀. того́бо ѡ тѣле́сныхъ тру́дъ,
а здѣ̀ ѡ дш҃е́вныхъ. єли́ко бо є́сть бо́ль­
ши тѣ́ла дш҃а, та́коже и сія̀ ско́рбь бо́­
льши ѻ́ноя є́сть. всѣ́хъ бо на́съ тѣ́ло
є́сть мертво̀, а дш҃а без̾сме́ртна. тогѡ̀
дѣ́ля ѡне́й печа́ловати бо́лши. а то́й
окая́ненъ є́сть и про́клятъ, и́же пло́ть
вя́щше дш҃ѝ лю́битъ, и ми́ръ се́й па́че
бг҃а. крѣ́пость бо укоего́ждо чл҃ка в̾ чре́­
слѣхъ живе́тъ, а мы́сль до́брая въ срд̃чь­
ную у́шію пребыва́етъ. да єгда̀
{#л. фк҃д}

мнѡ́го ѡбъя́стъся чл҃къ, и на́чнетъ
ѡбъясти́вая утро́ба срд̃це прогнѣта́ти
къ ребрѡ́мъ, и до́брая мы́сль избѣ́гнетъ,
тѣсноты̀ не терпя́щи, а ѕла́я в̾сели́тся
в̾тоя̀ мѣ́стѡ. и а́ще єя̀ посто́мъ не ѿже­
не́те, то̀ до́брая мы́сль не возврати́тся
ктому̀ на своѐ мѣ́сто, и бу́дутъ послѣ́­
дняя чл҃ку тому̀ го́рша пе́рвыхъ. у́мъ
же въ чл҃цѣ пребыва́етъ въ главно́мъ
версѣ̀, межу̀ мо́згомъ и тѣ́менемъ,
занѐ цр҃ь є́сть тѣ́лу всему̀ и само́й дш҃и.
у́мъ бо до́бръ и дш҃ю спасе́тъ, а безу́міе
па́губа дш҃ѝ и тѣ́лу. я́коже и въ при́тчахъ
гл҃етъ, бл҃же́нъ чл҃къ и́же му́дрость
ѡбрѣ́тъ, и до ста́рости удержи́тъ ра́зумъ
до́бръ. и дв҃дъ речѐ, в̾ разуми́мя и жи́въ
бу́ду. и и́но мнѡ́го писа́ніе ѡ то́мъ
гл҃етъ. да єгда́же запива́тися на́чнетъ
чл҃къ кото́рый, то̀ питіѐ єму̀ въ чре́во
и́детъ, а воня̀ єгѡ̀ въ главу̀. тогда̀
у́бѡ у́мъ во́ни ѕлы́я не терпя̀, избѣ́­
гнетъ во́нъ, и не воз̾врати́тся на мѣ́сто
своѐ, доко́лѣ истрезвѣ́етъ запо́йчивый.
а́ще ли не на́чнетъ исходи́ти изнегѡ̀
смра́дъ пія́ньственый, ктому̀ до́брый

у́мъ не воз̾врати́тся в̾него̀, но ѕлы́й
в̾сели́тся в̾ тогѡ̀ мѣ́стѡ, и ѕлѣ̀ погубит̃
чл҃ка того̀, и сотвори́тъ єго̀ ѻкая́нна,
и го́рша и́дола. и́доли бо не мо́гутъ ни до­
бра̀ ни ѕла̀ дѣ́яти, а пія́ница всѐ ѕло́е
твори́тъ. и а́ще таковы́й нелиши́тся
запо́йства ѕла́гѡ, то̀ со идослуже́бники
ѡсу́дится. не лиши́лъ бо є́сть бг҃ъ
я́сти и пи́ти в̾ зако́нъ, а не в̾ пія́нство.
а́ще бо запо́йчивый что̀ сотвори́тъ ѕло̀
и не вѣ́сть что̀ сотво́рь. а тре́звый а́ще
сотвори́тъ грѣ́хъ, ка́ется ѡ то́мъ.
гл҃етъ бо писа́ніє, пія́ницы и любодѣ́и
црс̃твія бж҃ія не наслѣ́дятъ. мнѡ́гоє
питіє̀, ма́лѡ дае́тъ с̾ мы́слити. в̾ пія́нъ­
ствѣ вся́ка ѕло́ба соверша́ется. а и́же
в̾ мѣ́ру питіѐ, здра́віе твори́тъ, а бе­
з̾мѣ́ры, дш҃ѝ па́губу твори́тъ. ѿ сего́
же да изба́витъ на́съ гдс̃ь свое́ю бл҃го­
датію и чл҃колю́біемъ всегда̀
и нн҃ѣ и прс̃нѡ и во́ вѣки
вѣкѡ́мъ;
{#л. фк҃є}

Мцс̃а того́же въ ѕ҃і де́нь, и́же во ст҃ы́хъ
ѻц҃а на́шегѡ тѵ́хѡна чюдотво́рца, єпс̃кпа
амаѳу́нтскагѡ, бл҃гословѝ ѻ́ч҃е.

Се́й бл҃гочести́ву, и хрс̃толюби́ву роди́телю
имя́ше. и́же и бг҃у того̀ возло́ж̾ша,
и сщ҃е́ннымъ кни́гамъ научи́вша,
писмена̀ дово́льнѡ навы́къ. пе́рвіе же
прочита́ти лю́дємъ бжс̃твеная словеса̀
учини́ся. та́же вся́когѡ ра́ди наро́чь­
ства, и чс̃тагѡ ра́ди житія̀, мни­
міемь ст҃ы́мь єпс̃кпомь амафу́нтъ­
скимъ, поста́вленъ бы́сть дія́кономь.
ѻ́ному же ѿ житія̀ ѿше́дшу, то́й
на єпс̃кпьскій возведе́нъ бы́сть прс̃то́лъ,
вели́кимь єпифа́ніемь. ѡбрати́въ же
мнѡ́ги ѿ и́дольскія пре́лести и су́етъ­
ства, къ вѣ́рѣ хрс̃та̀ бг҃а на́шегѡ.
и мнѡ́гія це́ркви и́дольскія разорѝ.
и поруши́въ и́же вни́хъ и́долы, къ гдс̃у
ѿи́де. чюдодѣ́йства мно́гая, єщѐ
сы́й въ животѣ̀ творя̀, та́же и посме́­
рти, и́же на ѻ́бое явле́ніе добродѣ́те­
ли му̑жа ѕло̀ жи́ти не досто́йна

єще́ бо в̾ нача́лѣ житія̀ свои́мъ ѻц҃е́мъ
поста́вленъ бы́въ хлѣ́бы продава́ти.
ѻ́нъ же ни́щимъ тѣ́хъ подая́ше. ѻц҃у
єгѡ̀ сѐ ѻщути́вшу и дря́хлующу.
и́бо бя̑ше єму̀ ѿтакова́гѡ содѣ́лованія
житію̀ имѣ́ніе. бг҃у речѐ взаи́мъ хлѣ́бы
дая́ти, и за́пись полага́ти и́же ѿнегѡ̀
возмѣ́здію. и а́біе съ сло́вомъ бы́сть
єму̀ без̾замедле́нія ѡбьявле́ніе
хлѣ́бѡмъ из̾ ѻби́лнымъ ѡбрѣ́тшимся,
па́че же внегда̀ продая́ніе ни́щимъ творя́­
шеся. толи́ко бо бя̑ше из̾ѻби́ліемъ
кипя̀, бг҃у у́бѡ пшени́цу мѣ́ряющу и
въ жи́тницу къ нему̀ въ сыпа́ющу
и́же бы́сть и я́влено въ сла́ву єгѡ̀.
Па́ки же ст҃о́му су́ху ло́зу въ зе́млю
всади́вшу, на у́тріе дня̀, а́біе въ ко­
рени́вшися, и прозя́бши и созрѣ́вши.
и́бо и пре́же вре́мене, въ ѕ҃і ію́ня
мцс̃а, внегда̀ па́мять ст҃а́гѡ твори́­
тся, зрѣ́лъ гро́здъ во́время бж҃е́­
ственыя же́ртвы прино́сится, зрѣло̀
плодоноше́ніе къ комка́нію на бл҃годареніе
бг҃у, и навоспомина́ніе ст҃а́гѡ;
{#л. фк҃ѕ}

Вто́йже де́нь сло́во ѿ патерика̀.

Повѣ́даше а́вва мака́ріи єгѵ́птянинъ и́же
в̾ ски́тѣ, я́кѡ ше́дшу єму̀ въ го́ру
нитрі́йскую, и гла҃ша єму̀ ста́рцы,
на́мъ сло́во ѻ́ч҃е и бра́те по́льзы
ра́ди. и гл҃а и́мъ, прости́те мя, не у́бѡ
бых̃ мни́хъ, но ви́дѣхъ мни́хи. сѣдя́щу
ми нѣ́когда в̾ски́тѣ в̾ хи́жѣ, ну́дяше
мя̀ помышле́ніе изы́ти во в̾ну́тренюю
пусты́ню, да ви́жю что̀ та́мѡ, и пре­
бы́хъ боря́ся с̾ мы́слію мня̀, єда̀ ка́кѡ ѿ
бѣсѡ́въ е́сть. и я́кѡ пребы́сть мы́сль
идо́хъ в̾ да́льнюю пусты́ню, и ѡбрѣто́хъ
бла́то во́дяно, и о́стровъ посредѣ̀ єгѡ̀.
и пріидо́ша ѕвѣ́ріе пусты́нніи пи́ти ѿ
негѡ̀. и узрѣ́хъ посредѣ̀ и́хъ дв҃а чл҃ка
на́га, и устраши́мися тѣ́ло, и мнѣ́хъ
я́кѡ ду̑ха єста̀. ѻна́же я́кѡ ви́дѣста
мя̀ устра́шена, и гла҃ста мѝ не бо́йся,
и мы̀ у́бѡ єсма̀ человѣ́ка. и рѣ́хъ и́ма,
ѿку́ду пріидо́ста в̾ пусты́ню сію̀. рѣ́ста
ми, ѿ монастыря̀ єсма̀, совѣща́вшася
изыдо́хома сѣ́мо. и у́же три́десять лѣ́тъ
и́мама. єди́нъ же єю̀ єгѵ́птянинъ бѣ̀,

а другі́й ливи́къ. и вопроси́ста мя̀ и та̀
гл҃юща, ка́кѡ ве́сь ми́ръ, єще́ли и́мать
гобзе́ніе своѐ. и рѣ́хъ и́ма, є́й. и
а́зъ вопроси́хъ я̀, ка́кѡ могу̀ бы́ти
мни́хъ. и гл҃аста мѝ
а́ще не ѿве́ржется
чл҃къ всегѡ̀ су́щагѡ вовсе́мъ ми́рѣ
не мо́жетъ бы́ти мни́хъ. и рѣ́хъ и́ма,
не́мощенъ є́смь, и немогу̀ бы́ти я́коже
ва̀. и рѣ́ста ми, а́ще немо́жеши бы́ти
я́коже мы̀ єсма̀, сѣдѝ в̾кѣ́ліи и пла́чися
грѣхѡ́въ свои́хъ. и рѣ́хъ и́ма, єгда̀
быва́етъ зима̀, нѣ́сть ли ва́ма зимы̀
єгда̀ быва́етъ зно́й, не гори́тали ва́ю
тѣлеса̀. ѻна́же рѣ́ста, бг҃ъ сотворѝ
на́ма строе́ніе сѐ, данив̾зимѣ̀ чю́е­
ма зимы̀, нивлѣ́тѣ зно́я.
сегѡ̀ ра́ди реко́хъ ва́ма,
не у́бѡ бѣ́хъ мни́хъ
но ви́дѣхъ мни́хи.
{#л. фк҃з}

Вто́йже дн҃ь сло́во ст҃а́гѡ іѡ҃а́нна златоу́­
стагѡ, и́же гл҃ютъ я́кѡ нѣ́сть му́ки
грѣ́шникѡмъ.

Кацѣ́хъ му̑къ не су̑ть досто́йни гл҃ю­
щіи, я́кѡ нѣ́сть муче́нія согрѣша́ю­
щымъ, я́коже нѣ́цыи невѣ́гласи вѣ­
ща́шя, чл҃колю́бецъ є́сть бг҃ъ, и не
хо́щетъ му́чити согрѣша́ющихъ. да
а́ще у́бѡ не му́читъ, то̀ ѡбря́щется
тебѣ̀ въ тщету̀ чл҃колю́бецъ. рцы́же
ми, не подостоя́нію ли пріи́меши му́ку
а́ще согрѣша́я не пока́ешися. что́ бо
на́мъ не сотворѝ бг҃ъ, да бы́хомъ за́­
повѣди єгѡ̀ храни́ли и спасе́ни бы́ли.
не попрети́ли, не тма́ми ли содѣ́я на­
шегѡ ра́ди спасе́нія чюдеса̀ и ка́зни.
да а́ще у́бѡ ѕлі́и не му́чатся, и ка́кѡ
рещѝ блазі́и вѣнча́ются. рци́ми,
не црс̃твіяли ра́ди нбс̃нагѡ труди́шася
ст҃і́и в̾ ми́рѣ се́мъ; то̀ гдѣ̀ є́сть
правосу́діе бж҃іе. но у́бѡ не льсти́те
себѐ человѣ́цы послу́шающе дія́вола, то­
го̀ бо су̑ть такові́и по́мыслы и глаго́лы.

слы́шахъ речѐ нѣ́кія грѣхолю́бцы глаго́лю­
щя, я́кѡ на́ страхъ чл҃кѡмъ прети́тъ бг҃ъ
му́кою, ноне бу́ди то̀. а́ще и чл҃колю́бецъ
бг҃ъ сы́й, но му́чит̃ согрѣша́ющих̃ и па́че зна́ю­
щих̃ єго̀. рцы́ ми у́бѡ, и́же лже́ю бг҃а нари­
ца́ющіи, и́же согрѣша́ющих̃ не му́чит̃; кто̀
всю̀ вселе́нную прино́и потопѝ, и лю́тую бѣ­
ду̀ наведѐ всему̀ ро́ду на́шему; кто́ ли
ка́меніе ѻ́но горя́щее и пла́мень посла̀ на со­
до́м̾скую зе́млю; кто̀ єгѵ́птяны в̾ мо́ри
потопѝ; кто̀ іи҃лтьтяны в̾ пусты́ни препи­
та̀; кто̀ со́нмъ авиро́нь пож̾жѐ; кто̀ при
корре́и и дафа́нѣ зи́нути землѝ повелѣ̀,
и жи́вы пожре́ти сотворѝ; кто̀ се́дмьдесят̃
ты́сящъ при дв҃дѣ ѿя́тъ; кто̀ сто̀
и ѻ́смьдеся́тъ и пя́ть ты́сящъ въ єди́­
ну но́щь при иса́іи уморѝ. и нн҃ѣ по вся̀
днѝ бѣды̀ пріе́млємъ согрѣша́юще. ка́­
кѡ у́бѡ пріе́млеши сло́во, ѻ́вѣхъ му́­
читъ, и ѻ́вѣхъ не му́читъ. и́бо а́ще
є́сть не ѡби́дливъ бг҃ъ, то̀ вся́кѡ
и ты̀ согрѣша́я в̾ му́ку ѡсуже́нъ бу́де­
ши. да а́ще чл҃колю́бецъ є́сть бг҃ъ и не
му́читъ, си́мъ подоба́етъ му́читися,
но ѻба́че си́хъ ра́ди словє́съ вѣ́руй,
{#л. фк҃и}

я́кѡ мно́ги здѣ̀ му́чилъ бг҃ъ, та́ко же
и та́мѡ му́чит̃ го́ркѡ. да єгда̀ рече́ннымъ
тѝ невѣ́руеши преще́нію, понѐ ве́щємъ
вѣ́руй и муче́нію, я́кѡ хрс̃то́съ са́мъ пре­
ти́тъ му́кою, а не ты́ бы имѣ́лъ сіѐ
сло́во гл҃ати не бы́ти му́цѣ. но потщи́­
теся ис̾пра́вити за́повѣди, я́кѡ бг҃ъ
согрѣша́ющыя му́читъ, а пра́вдою
живу́щыя вѣнча́етъ. єму́
же сла́ва, ны́нѣ
и прс̃нѡ и во́вѣки
вѣкѡ́мъ
;

Мцс̃а тогѡ́же, въ з҃і де́нь. ст҃ы́хъ
мч҃нкъ ману́ила саве́лія и исмаи́ла,
бл҃гословѝ ѻ́ч҃е.

Сі́и ст҃і́и мч҃нцы бя́ху ѿ перси́ды, само­
бра́тія су̑ще. по́слани бы́вше валта́номъ
царе́мъ пе́рсскимъ, є́же к̾ смире́нію хода́­
тайствовати, во времена̀ іулія́на престу́­
пника. єго́же ви́дѣвше в̾ халкидо́нѣ
жру́ща и́долѡмъ. и мно́гимъ пре́лести
єгѡ̀ покаря́ющимся. сі́и же христія́не
су̑ще и служа́ще хрс̃то́ви, и моля́щеся
єму̀, є́же сохрани́тися и́мъ в̾ свое́й вѣ́рѣ,
и не при ѡб̾щи́тися идолослуже́бнѣй пре́­
лести. увѣ́дани же бы́вше и ска́зани ѕло­
чести́вому іулія́ну, біє́ни бы́вше,
и гвоздьмѝ гле́зна и́хъ проньзо́ша,
и свѣща́ми горя́щими мы́шцы и́хъ
ѡпали́ша. пото́м̾ же ласка́ньми и утѣ́ха­
ми ст҃ы́й ману́илъ ѿ скве́рнагѡ іулія́на
вопроси́мь, не повину́ся же́ртвы при­
нестѝ и́долѡм̃, пригвозди́ша главу̀ єму̀
гвоздьмѝ. и ѻ́бои єму̀ плещѝ тростьмѝ
ѡб̾ви́вше, стяго́ша и велмѝ, и инѣ́мъ
тро́стіемъ ѡ́стрымъ с̾боде́нъ бы́въ.
и та́мѡ ку́пнѡ со ѻбѣ́ма бра́тома єгѡ̀
{#л. фк҃ѳ}

съ саве́ліемъ и исмаи́ломъ ко ѳракі́йстѣй
странѣ̀ гл҃емѣй констянті́и, на мѣсто
брегови́то веде́ни бы̑шя, и ту̀ и́мъ
главы̀ ѿсѣко́шя. Престу́пнику же
повелѣ́вшу съжещѝ тѣлеса̀ ст҃ы́хъ. и
а́біе раз̾ся́деся земля̀, и прія́тъ тѣлеса̀
ст҃ы́хъ. мно́зи же ѡ таково́мъ чюдесѝ
вѣ́роваша въ хрс̃та. поси́хъ же бл҃гочести́­
вымъ нѣ́кимъ, я́влени бы́ша іс҃ хрс̃то́мъ
бг҃омъ на́шимъ мо́щи и́хъ и ѿкрове́ни,
и погребе́ни бы́ша тѣлеса̀ и́хъ ст҃а́я со бл҃го­
уха́ньми и ѳѷмія́ны. без̾зако́нный
же іулія́нъ тогда̀ воз̾враща́яся ѿра́ти
пе́рсскія, пораже́нъ бы́сть я́звою нбс̃ною,
и вѣ́чному ѻгню̀ предаде́ся. соверша́етъ
же ся собѡ́ръ и́хъ въ ст҃ѣ́мъ и́хъ
муче́ніи, су́щемъ бли́зъ
ст҃а́гѡ пррк̃а
иліѝ
;

Вто́йже дн҃ь сло́во ѡ некреще́нѣмъ дѣ́ти­
щи, и ѡ вла́сти иєре́йстѣй.

Лаодикі́я гра́дъ ма́лъ є́сть к̾ горѣ̀ є́ле­
ѡ́ньстѣи, пря́мѡ лисіо́ну. во́нь же
а́зъ прише́дъ пре́же пятѝ лѣ́тъ досто́й­
ну па́мяти слы́шахъ ве́щь ѿту̀ су́щыхъ
ста́рєцъ. рѣ́ша бо, я́кѡ по́пъ бѣ̀ нѣ́­
кто здѣ̀ пре́же двою̀ лѣ́ту с̾конча́вся.
тому̀ во єди́ну но́щь пріи́де старѣ́йшина
мѣ́ста, понужа́я єго̀ воста́ти и крс̃ти́ти
ча̑до єгѡ̀, мла̑до су̑що и у́же хотя̑що
у́мрети. воста́въ у́бѡ ѿ ло́жа по́пъ,
и нача̀ гл҃ати мл҃твы кр҃ще́нія. да я́ко­
же устро́й во́ду и ст҃о́е ма́сло, и межу̀
тѣ́мъ сконча́ся дѣ́тище пре́же креще́­
нія. и взе́мъ єго̀ положѝ пре́дъкре­
сти́лищемъ, и речѐ, тебѣ̀ с̾ рабо́тни­
ку моему̀ а́гг҃лу бж҃ію гл҃ю, тою̀ вла́­
стію, ю́же да́лъ є́сть учи́телємъ хрс̃то́съ
вяза́ти и рѣши́ти наземлѝ и на́ нб҃сѝ,
возвратѝ дш҃ю дѣ́тища въ тѣ́ло,
до́ндеже крс̃ти́тся. не повелѣ́нобо ти
є́сть не креще́ны взя́ти єя̀. вѣ́сть
бо влд̃ка мо́й и тво́й, я́кѡ не небре­
го́хъ. но я́коже воспряну́хъ,
{#л. фл҃}

и а́біе нача́хъ мл҃твы просвѣще́нія. сія̀
попу̀ ко а́гг҃лу ре́кшу, воста̀ дѣ́тище и
кр҃ще́но бы́сть. тогда̀ па́ки ѡ́гдс̃ѣ у́спе.
да а́ще ко а́гг҃ломъ мо́жетъ сло́во изо­
у́стъ учт҃ля, колмѝ па́че къ чл҃комъ;

Вто́йже дн҃ь сло́во ѡ непокаря́ющыхъся
мни́сѣхъ игу́мену и бра́тіи.

А́ще у́бѡ бра́тъ пріи́детъ ко́ею вино́ю
в̾ монасты́рь, а́ще не воспря́нетъ на пра́­
снѡ, а́біе поглоти́тъ єго̀ дія́волъ,
на́чнетъ бо лю́тая єму̀ влага́ти по́мы­
слы, глаго́ля, что̀ хо́щеши тружа́тися
добродѣ́тели, и труды̀ пріима́ти и
изнемощѝ, возда́нію не су́щу, єда̀ свое́ю
во́лею прише́лъ єсѝ в̾ монасты́рь, а́ще
небы̀ тѝ приключи́лася та́кѡ ве́щь,
и пону́женъ бы́сть мни́хъ бы́ти. а николи́
же бы и ты̀ бы́лъ мни́хъ. и вос̾хо́щеши
у́бѡ ны́нѣ изнемога́ти. и́бо не и́мать
бл҃годать да́ти ѡ се́мъ бг҃ъ. и сія̀ вла­
га́етъ бра́ту вра́гъ, хотя̀ воврещѝ ѝ
въ глубину̀ не ча́янія. тогда̀ на́чнетъ
бра́тъ про́чеє в̾ небреже́ніе пребыва́ти и бе­
стра́шіи. проти́ву же гл҃ати ма́лымъ и ве­
ли́кимъ, и несы́тна сн҃а пріима́ти.

а́ще что̀ сотвори́тъ бл҃го, тогда̀ ка́е­
тся, и я́кѡ тщету̀ себѣ̀ сотво́рша
мни́тъ и ча́стѡ ро́пщетъ, и раз̃жиза́етъ
себѐ. и єди́ною себѐ па́губѣ преда́стъ,
в̾не́же мѣ́сто хотя̑ше из̾ше́дъ тружа́­
тися в̾ добродѣ́телєхъ, проти́вная на́­
чнетъ твори́ти, и неразсужа́я себѣ̀
въ бл҃годарова́ніяхъ хрс̃то́выхъ. и зане́
же бы вмѣ́стѡ глаго́лати, дш҃е моя̀
коли́кѡ бл҃го сотворѝ тебѣ̀ гдс̃ь, и́же
мно́гагѡ ра́ди поста̀ и млс̃тыни, сподо́­
бишася сіѐ житіѐ прія́ти, и неле́стну
и немяте́жну житію̀ сподо́блена бы́вша
ѿ́гдс̃а бг҃а на́шегѡ іс҃а хрс̃та̀. тѣ́мъ же
дш҃е имы̀ потщи́мася досто́йна покая́нію
не ле́стна дѣ́ла твори́ти, да не водвою̀
му́ку ѡбря́щемася, я́коже бл҃года́ти
бж҃іи ѿве́ргшіися, и бл҃ги́хъ
єгѡ̀ не помя­
ну́вшіи
;
{#л. фл҃а}

Вто́йже дн҃ь сло́во почита́ніи кни́жномъ
я́кѡ поле́знѣе всѣ́хъ кни́гъ ѱалты́рь
прочита́ти.

Речѐ ста́рецъ, вѣ́ру ими́те ми ча́да,
ничто́ же та́кѡ смуща́етъ и ѡскорбля́етъ
и стру́пъ твори́тъ и погуби́тъ и ѡпеча́­
литъ бѣ́сы, и самого̀ того̀ ѕлѣ́йшаго
сатану̀, я́кѡ поуча́тися на́мъ ѱалмѡм̃,
и почита́ти прилѣ́жнѡ ѱалты́рь.
вся́ бо на́мъ кни́ги на по́льзу су̑ть,
и печа́ль не ма́лу творя́тъ бѣсѡ́мъ, но
не та́кѡ я́коже ѱалты́рь. тогѡ̀ ра́ди
да не неради́мъ ѡне́й. и́бо поуча́ющимся
на́мъ ѱалмѡ́мъ, ѻ́во ѡ себѣ̀ мо́лимъ,
ѻ́во бѣ́сы кленє́мъ. я́коже сѐ, єгда̀ гла­
го́лемъ, поми́луй мя бж҃е повели́цѣй млс̃ти
твое́й. ѻчи́сти без̾зако́нія моя̀. не
ѿве́рзи менѐ во́время ста́рости, внегда̀
изнемощѝ крѣ́пости мое́й, не ѡста́ви ме­
нѐ, ту̀ ѡ себѣ̀ мо́лимъ. ѻ́во же бѣ́сы
кленє́мъ. єгда̀ гл҃емъ, да воскрс̃нетъ бг҃ъ
и разы́дутся вразѝ єгѡ̀. и да бѣжа́тъ
ѿ лица̀ єгѡ̀ всѝ ненави́дящіи єго̀. и
па́ки, раз̾женѝ язы́ки хотя́щыя
бра́нємъ и любодѣя́нію. и ви́дѣхъ

нечести́ваго превознося́щася и вы́сящася
я́кѡ ке́дры лива́нскія, и ми́мѡ идо́хъ,
и сего̀ не бѣ̀, и взыска́хъ єго̀, и не
ѡбрѣ́теся мѣ́сто єгѡ̀. и па́ки, ору́­
жіе и́хъ вни́детъ въ срд̃ца и́хъ, и лу́цы
и́хъ сокруша́тся. ро́въ изры̀ и ископа̀
ѝ, в̾паде́тся в̾ я́му ю́же сотворѝ,
ѡбрати́тся болѣ́знь єгѡ̀ на главу̀
єгѡ̀, и на ве́рхъ непра́вда єгѡ̀
сни́детъ. таковы́ми бо гл҃ы
бѣ́сы клене́мъ. бг҃у на́ше­
му сла́ва нн҃ѣ и при́снѡ
и во́вѣки вѣ­
кѡ́мъ
;
{#л. фл҃в}

Мцс̃а того́же въ и҃і дн҃ь, па́мять ст҃а́гѡ
му́ченика лео́нтіа, бл҃гословѝ ѻ́ч҃е.

Се́й рожде́ніе имѣ́яше ѿєлла́ды. ве­
ликотѣле́сенъ сы́й во́зрастомъ, си́ленъ
же и крѣ́покъ в̾ вои́ньствѣхъ и со слове́­
сіихъ показа́ся. внегда́же ра́товати­
ся и с̾ сопроти́вными соплета́тися, хра́бръ
явля́шеся, и мнѡ́ги побѣ́ды пока­
завъ. главу́же разу́мну имѣ́я, и
мы́сль му́дру в̾ вои́н̾стѣмъ собо́рѣ. и́же
и в̾ бли́жнихъ соприше́дъ, ходя̀ в̾ трипо́ли
аѳрикі́йстѣмъ, купу́я жи̑то, и цѣлому́­
дрено подава́ше ни́щимъ, и прс̃нѡ служа́­
ше хрс̃то́ви и́стиннѡ. ѡне́мъ же увѣ́давъ
ан̾дреа́нъ игѣ́монъ финикі́йскій, и́же
бя̑ше во времена̀ єѵ̾пасіа́нова, посла̀ кнему̀
ѵпа́та и трі́уна, со инѣ́ма двѣма̀ во́ины,
и́же єди́нъ нарица́шеся ѳеоду́лъ. и вне­
гда̀ итѝ ѵпа́ту, огни́цею съдержи́мь
бы́въ, и свы́ше гла́съ наше́д̾шъ слы́шавъ,
а́гг҃лу я́вльшуся єму̀ и ре́кшу три́жды,
а́ще хо́щеши неду́га тогѡ̀ изба́витися,
призовѝ леѽ́нтіева бг҃а на́ помощь. тако­
вому гла́су дости́гшу, прише́дъ ѳео­
ду́лъ, и у́же цѣлбу̀ получи́вшу трі́уну.

и єгда̀ дости́же до ст҃а́гѡ ку́пнѡ с̾ су́щими
сни́мъ, и́же испе́рва невѣ́дѣ я́кѡ кто̀
є́сть си́мъ прія́тъ бы́въ. Пото́мъ же
ища̀ леѽ́нтія своего̀ лю́бленика. при́тчею
и бг҃а призыва́я. и себѐ повѣ́да ст҃ы́й, а́зъ
є́смь речѐ леѽ́нтіи ра́бъ хрс̃то́въ иско́мый
ва́ми, и́же ѿ гл҃емыхъ бѡ́гъ ѿвраща́юся
и мерзя́тъ мѝ. слы́шавъже сія̀ трі́унъ
и ѳеоду́лъ, припадо́ста къ ст҃о́му, помо­
ли́вшася є́же бы и́мъ испроси́ти у хрс̃та̀ и
получи́ти ѻби́тель. помо́л̾шужеся ст҃о́­
му ѡ ни́хъ, сни̑де снб҃сѐ ѻ́блакъ водны́й
и просвѣтѝ и́хъ, и бѣ́лыми ѻде́ждами
ѡдѣ́явъ. и́мъже невѣ́рніи прогнѣ́вавше­
ся, и за́вистію немогу́ще терпѣ́ти, ска­
за́ша ѡ ни́хъ андреа́ну игѣ́мону. ѻ́нъ же
посла́въ пони́хъ, и пред̾собо́ю поста́вивъ я̀,
моля́ше и́хъ ѡступи́ти ѿ вѣ́ры хрс̃то́вы,
и не увѣща̀. и повелѣ̀ ст҃а́го ѵпа́тія
повѣ́сити и строга́ти. а ст҃а́го ѳеоду́ла
рѣ́зати мече́мъ, и та́кѡ главы̀ и́мъ ѿсѣ­
щѝ. ст҃а́го же великомч҃нка леѽ́нтія, пе́рвое
па́лицами би́въ. Пото́мъ тѣ́шенія и ласка́­
нія мучи́телева не вня́тъ, но посмѣя́­
ся єму̀, біє́нъ бы́сть па́ки велмѝ.
{#л. фл҃г}

та́же повѣ́шенъ, и на мнѡ́зѣ стро́ганъ.
и ка́мень тя́жекъ на ші́ю єгѡ̀ навяза́вше,
и в̾ темни́цу в̾сади́ша. и изведе́нъ и на
четы́ре колы̀ растя́женъ, и привя́занъ
біе́нъ бы́сть, до́ндеже бг҃у дх҃ъ предадѐ.
соверша́етъ же ся собѡ́ръ єгѡ̀ ѡбо́нъ по́лъ
в̾ камариді́и в̾ созда́ннѣмъ до́му єгѡ̀
су́щемъ бли́зъ по́рты пигі́йскія;

Вто́йже дн҃ь сло́во ѡнѣ́коемъ презви́терѣ
дх҃овнѣмъ, и́же ви́дѣвъ бѣ́сы укѣ́­
ліи лѣни́вагѡ мни́ха, и пону́ди єгѡ̀
внощѝ моли́тися, и прогна̀ бѣ́сы.

Презвѵ́теръ нѣ́кто прозорли́въ сы́й и́де
соверши́ти слу́жбу, и ви́дѣ у єди́ныя
кѣ́ліи бра́тіи мнѡ́жество бѣсѡ́въ.
ѻ́выя преѡбража́ющяся въжены̀ и
неподо́бная вѣща́ющя. а другі́я въ ю́но­
ши и руга́ющася. ины́я же лику́ющя
про́чія же во ины́я ѻ́бразы премѣня́юща­
ся. презвѵ́теръ же воздохну́въ и ре­
чѐ, ѽ ка́кѡ бра́тъ в̾лѣ́ности се́й
пребыва́етъ, и сегѡ̀ ра́ди лука́віи бѣ́си
ѡб̾хо́дятъ ѝ. соверши́вже слу́жбу,
пріи́де в̾кѣ́лію бра́тню, и гл҃а єму̀, ско­
рблю̀ бра́те, и вѣ́рою к̾ тебѣ̀ пріидо́хъ,

я́кѡ соверши́ши а́ще мл҃тву ѡ мнѣ̀ сотво­
ри́ши, всю̀ ско́рбь ѡблегчи́тъ ми ѿ срд̃ца.
и умили́вся бра́тъ и речѐ, ѻ́ч҃е нѣ́смь до­
сто́инъ мл҃твы сотвори́ти ѡ тебѣ̀. по́пъ
же неѿсту́пнѡ моля́ше и гл҃я, неѿсту­
плю̀ ѿтебѐ до́ндеже да́си ми сло́во, даєди́­
ну мл҃тву сотвори́ши ѡ мнѣ̀ по вся̀ но́щи.
послу́ша же бра́тъ повелѣ́нія презви́терова.
Се́же сотворѝ по́пъ, хотя̀ ѻ́бразъ преда́ти
єму̀ мл҃твы, є́же сотвори́ти но́щію. и со­
творѝ мл҃тву ѡ презви́терѣ бра́тѣ, и уми­
ли́ся речѐ, ѽ ѻкая́нная дш҃е, мл҃тву ѡ
ієре́и твори́ши, а ѡ себѣ̀ не мо́лишися.
сотвори́же и зася̀ єди́ну мл҃тву. и та́кѡ
пребы́сть во всю̀ нлд̃ю, творя̑ше повся̀
но́щи двѣ̀ мл҃твѣ, єди́ну зася̀, а дру­
гу́ю за попа̀. и в̾ другу́ю нлд̃ю иды́й по́пъ
въ цр҃квь, и ви́дѣ дѣ́моны дря́хлы стоя́­
ща внѣ̀ кѣ́ліи бра́тни. разумѣ́ же по́пъ,
я́кѡ мл҃твою бра́тнею дря́хли бы́ша
бѣ́си, и ра́дъ бы́въ вни́де къ бра́ту, и
гл҃а єму̀, бра́те сотворѝ любо́вь, приложѝ
и другу́ю мл҃тву ѡ мнѣ̀. и в̾ше́дъ в̾ кѣ́́­
лію и научѝ ѝ нелѣни́тися. дѣ́мони же
ви́дѣвше єго̀ пребыва́юща в̾ мл҃твахъ,
{#л. фл҃д҃}

и тружа́ющася къ бг҃у, и ѿбѣго́ша
ѿнегѡ̀ бл҃года́тію бж҃іею.

Вто́йже де́нь пуче́ніе ѡ любвѝ.

Возлю́бленне а́ще скѣ́мъ стя́жеши любо́вь
и из̾вѣсти́ши я́кѡ пои́стинѣ бои́тся
бг҃а, я́коже речѐ бг҃ъ, ѿ плѡ́дъ и́хъ
я̀, да не и́маши ѡ не́мъ мы́сли
ѕлы̀. а и́же трезви́шися на вся́ко вре́мя
а́ще хо́щетъ имѣ́ти любо́вь лжу́ю, и дер̾­
зпове́ніе къ бг҃у не уго́днѡ, ѿ такова́гѡ
соблюдѝ себѐ ѕѣлѡ̀, и ника́коже дерзнове́­
нія имѣ̀ и кнему̀. а́ще на́чнетъ явля́ти
кры́емую єгѡ̀ стра́сть въ себѣ̀, ласка́ніемъ
илѝ смѣхомъ лицемѣ́рующи в̾ послуша́ніи
и хо́щетъ запя́ти, непосла́би мы́сли свое́й
ко ѻ́ногѡ безу́мію. и возрѝ на́нь лю́тымъ
ѻ́комъ, я́кѡ да увѣ́сть лежа́щее в̾ тебѣ̀
бл҃го́е ѡснова́ніе, и ѡ се́мъ, лѝ премѣни́тъ
ѕлы́й сво́й ра́зумъ, илѝ ѿсту́питъ ѿ
тебѐ. ни что́же бо та́кѡ раздража́етъ
дш҃ю, и приво́дитъ ко спасе́нію, и ю́ноше­
ски къ трудо́мъ поставля́етъ, я́коже
ѡбрѣстѝ учи́теля до́брымъ дѣлѡ́мъ на­
казу́юща по гл҃ющему. я́кѡ вся́кѡ смире́­
ніе пока́зовати пре́дъбгомъ и человѣ́ки.

а́ще же ключи́тся наказу́ющему сло́вомъ,
добродѣ́тель у́бѡ проповѣ́дати, дѣ́лъ же
небрещѝ, да нетогѡ̀ ра́ди да́мы мѣ́сто
на́шей дш҃и раз̾враще́ніе;

Вто́йже дн҃ь сло́во ѡт ста́рчества.

Бл҃га́я словеса̀ ѿ бл҃га́гѡ сокро́вища срд̃ца
своегѡ̀ изно́ситъ чл҃къ. а́ще же кто̀
не ѡчи́ститъ срд̃ца своегѡ̀ ѿ ѕлослове́сія,
то̀ добра̀ бесѣ́довати не мо́жетъ. а́ще бо
мни́тся гл҃ати послу́шникѡмъ, не прія́­
тна су̑ть словеса̀ єгѡ̀, но ѿме́тна, и не и­
му́ща бл҃года́ти ст҃а́гѡ дх҃а. хотя́й у́бѡ
по́льзовати кого̀ в̾словесѣ́хъ, да про́ситъ
у бг҃а сло́ва на ѿверзе́ніе у́стъ свои́хъ.
я́коже и иса́ія гл҃етъ. гдс̃ь даде́ми язы́къ
науче́нія, вѣ́дати внегда̀ подоба́етъ
ре́щи сло́во. и гл҃етъ послу́шайте менѐ,
да поживе́тъ во бл҃ги́хъ дш҃а ва́шя. при́­
точникъ же речѐ, со́тове ме́двеніи словеса̀
добра, сла́дость же и́хъ исцѣле́ніе дш҃ѝ.
єли́ко бо кто̀ на спасе́ніе гл҃етъ, ис̾цѣ­
ле́ніе твори́тъ дш҃и, и разу́мный в̾ ве́­
щехъ ѡбрѣта́етъ бл҃года́ть. возлюби́те
уста̀ гл҃ющая словеса̀ добра̀. усты́ бо
гла́дки покрыва́ютъ срд̃це печа́лно.
{#л. фл҃е}

и па́ки сло́во же́стоко воз̾двиза́етъ гнѣ́въ,
язы́къ же му́дрыхъ до́брая гл҃етъ.
и па́ки изоу́стъ пра́ведныхъ каплетъ
прему́дрость, уста́же смире́ныхъ то́чатъ
бл҃года́ть. и па́ки, ѿ плода̀ у́стъ дш҃а̀
му́жю насы́тится бл҃гъ. по возда́нію
у́стъ єгѡ̀ возда́стъ ся єму̀. устны́
бо и́стинны исправля́ютъ свидѣ́тельство
єгѡ̀, и хотя́щіи смире́ни бы́ти возве­
селя́тся. дв҃дъ же гл҃етъ, ѿ ры́гну
срд̃це мое сло́во бл҃го. гл҃ъ да́стъ гдс̃ь
бл҃говѣству́ющымъ си́лу мнѡ́гу.
гдс̃и устнѣ̀ моѝ ѿве́рзеши, и уста̀
моя̀ возвѣстя́тъ хвалу̀ твою̀.
приглаша́етъ же и па́велъ гл҃я. сло́во
ва́ше всегда̀ въ бл҃года́ти быва́етъ со́лію
растворено̀, вѣ́дѣти ка́кѡ подоба́етъ
кому́ждо ва́съ ѿвѣща́вати. и кри́мля­
нѡмъ, возлюби́хъ бо речѐ ви́дѣти вы̀,
да є́теро пода́мъ вы̀ дарова́ніе дх҃о́вно,
утверди́тися ва́мъ и утѣ́шитися вѣ́­
рою ѻ́б̾щею. И па́ки, молю̀ у́бѡ
кого́ждо ва́съ єди́ного бра́тіе, утѣша́я
ва́съ, да хо́дите досто́йнѣ бг҃у. и́же бо
чю́ется пріи́мъ да́ръ утѣ́шительства,

да бесѣ́дуетъ смире́ною му́дростію,
да и́ны созида́етъ, да не са́мъ ѡсуже́нъ
бу́детъ, я́коже и скры́вый тала́нтъ.
а не пріє́мый такова́го да́ра ѿ бг҃а, да
молчи́тъ, и да не изно́ситъ глаго́лъ пра́­
зденъ ѿ срд̃ца своегѡ̀. єда̀ услы́шитъ,
грѣ́шнику же речѐ бг҃ъ, вску́ю ты̀ по­
вѣ́даеши ѡпра́вданія моя̀, и воспри­
є́млеши завѣ́тъ мо́й усты̀ твои́ми.
ты́ же возненави́дѣ наказа́ніе, и ѿве́рже
словеса̀ моя̀ в̾ спя̑ть. до́брый бо чл҃къ
речѐ гдс̃ь ѿ до́брагѡ сокро́вища срд̃ца сво­
егѡ̀, си́рѣчь бл҃года́ть ст҃а́гѡ дх҃а
изно́ситъ бл҃го́е, ѡ хрс̃тѣ̀ бѕ҃ѣ на́­
шемъ. ѿ него́ же и мы̀ вся̀ бл҃га́я
пріе́млемъ. єму́ же сла́ва нн҃ѣ
и прс̃нѡ и во́ вѣки
вѣкѡ́мъ;
{#л. фл҃ѕ}

Мцс̃а тогѡ́ же, въ ѳ҃і де́нь. па́мять
ст҃а́гѡ апс̃ла ию́ды, бра́та гдс̃ня по́плоти
бл҃гословѝ ѻ́ч҃е.

То́й у́бѡ ѿ лукѝ ию́да имену́ется,
ѿ матѳе́я же и ѿ ма́рка, ѳад̾де́й
и келеве́й, бра́тъ же по́плоти гдс̃а на́шегѡ
іс҃а хрс̃та̀, сн҃ъ іѽ́сифовъ. то́й же ию́да
по́сланъ бы́сть самѣ́мъ хрс̃то́мъ на про­
повѣ́даніе, и разгорѣ́вся ре́вностію,
я́кѡ у́гль, всю̀ ле́сть попалѝ и не­
вѣ́рныя просвѣтѝ. се́й же и въ междо­
рѣ́чіи проповѣ́да єѵг̃а́ліе, и ту̀ су́щыя
лю́ди уча̀ сло́ву бж҃ію. и во єде́с̾скій
гра́дъ по́сланъ ко а́ѵ̾гарю мѣ́стному кн҃ѕю
на исцѣле́ніе єгѡ̀, и прише́дъ ис̾цѣлѝ
єгѡ̀ ѿ неду́га. По вознесе́ніи же гдс̃а
на́шегѡ іс҃а хрс̃та̀, ре́вность бж҃ественую
пріи́мъ, прохожда́ше вся̀ страны̀ и гра́ды,
проповѣ́дая велегла́снѡ хрс̃та̀, и из̾ме́ртвых̃
воскресе́ніе єгѡ̀ возвѣща́я всѣ́мъ, и
явля́я єго̀ судію̀ живы́мъ и ме́ртвымъ.
и ка́кѡ спасе́нія ра́ди на́шегѡ сн҃ъ сло́в
бг҃а ѻц҃а смири́въ себѐ, сни̑де на
зе́млю, и воплоти́ся ѿ ст҃а́гѡ дх҃а,
и ѿ при́снѡ дв҃ы мр҃і́и вочеловѣ́чився,

всего̀ ада́ма поне́съ, ра́звѣе грѣха̀.
искуше́нъ же бы́въ и пору́ганъ и поноше́нъ
и зауше́нъ бы́сть ѿ рукѝ ю́же созда̀,
и на коне́цъ на крс̃тѣ̀ ра́спятъ бы́сть,
и воскр҃се в̾ тре́тіи дн҃ь. и яви́ся апс̃лѡмъ,
пред̾ни́ми же ивознесе́ся, и сѣ́де ѡде­
сну́ю бг҃а ѻц҃а на́ нб҃сѣхъ, и па́ки пріи́детъ
суди́ти живы́мъ ме́ртвымъ. си̑це
учи́въ, и мнѡ́ги ѿ невѣ́рныхъ крс̃ти́въ.
послѣдѝ ѿи́де во ара́тскій ѻ́стровъ,
и ѿ невѣ́рныхъ повѣ́шенъ и раз̃стрѣ́лянъ
бы́сть. и та́мѡ бг҃у дх҃ъ сво́й пре­
дадѐ;

В то́й же дѣ́нь ст҃а́гѡ мч҃нка зоси́мы.

Се́й бя̑ше во́инъ при троа́нѣ царѣ̀, ѿ
аполоніа́ды созонопо́льскія. ѡбладаю́щу
же в̾ писиді́и антіѡхі́йстѣй доментіа́ну.
пове́ргъ своя̀ ѻру́жія, и прибѣ́гъ къ
бжс̃твенѣй цр҃кви, и сподо́бися хрс̃то́ву
кр҃ще́нію. тѣ́мъ приведе́нъ бы́сть
къ игѣ́мону, и себѐ хрс̃тія́на исповѣ́да,
повѣ́шенъ бы́въ и стро́ганъ. и посе́мъ
біе́нъ бы́сть четы́рьми во́ины. та́же
на ѻдрѣ̀ мѣ́дянѣ раз̾жже́ннѣ поло­
же́нъ, и прело́жшуся ѻгню̀ въ ро́су.
{#л. фл҃з}

мно́зи же ѿ пред̾стоя́щихъ удиви́шася
сему̀ чюдесѝ, и приступи́ша къ хрс̃ту̀
посе́мъ ст҃ы́й зоси́ма къ степе́немъ при­
гвожде́нъ, и к̾ ко́немъ неуче́нымъ привя́­
занъ бы́сть, и пону́женъ бы́въ игѣ́­
мономъ на мно́зѣ тещѝ сни́ми.
и по трѝ днѝ гладомъ томи́мь. и свы́ше
два̀ ѻ́трочища я́вльшася єму̀,
єди́ному хлѣ́бъ держа́щу в̾ руцѣ̀,
а друго́му в̾ сосу́дѣ во́ду, и бл҃года́рь­
ствивъ бг҃а в̾кусѝ. и па́ки приведе́нъ
бы́въ на испыта́ніе, и мнѡ́го му́ченъ,
и на коне́цъ усѣ́ченъ бы́сть. и та́кѡ
муче́нію вѣне́цъ воспрія́тъ;

В то́й же де́нь па́мять прпд̃бнагѡ ѻц҃а
на́шегѡ іѡ҃а́нна ѿше́лника.

Іѡ҃а́ннъ прпд̃бный ѻц҃ъ на́шъ, ѡста́вль
ми́ръ, и бы́сть мни́хъ. имѣ́яше
ре́вность бж҃ію, и вни́де в̾ пеще́ру,
и сѣдя́ше въ страна́хъ сеху́ста села̀,
по́прища ма́ла ѿ ієрс̃ли́ма. ико́ну же
имѣ́яше в̾ пеще́рѣ свое́й пречс̃тыя и ст҃ы́я
влд̃чцы на́шея бцд̃ы и прс̃нѡ дв҃ы мр҃і́и,
в̾руку̀ иму́щю хрс̃та̀ бг҃а на́шегѡ. єгда́ же
хотя́ше ка́мѡ итѝ, лѝ в̾пусты́ню дале́че,

илѝ во ієрс̃ли́мъ цѣлова́ти чс̃тна́го крс̃та̀,
и ст҃ы́хъ мѣ́стъ, илѝ в̾ сина́йскую го́ру
помоли́тися, къ ст҃ы́мъ мч҃нкѡмъ
ѿстоя́щимъ ѿ ієрс̃ли́ма. бѣ́ бо любя̀
ста́рецъ ст҃ы́мъ чс̃ть воздая́ти. и сѐ єгда̀
идя́ше къ ст҃о́му ѳео́дѡру въ єѵ̾хаи́ты,
и къ ст҃ѣ́й ѳе́клѣ в̾ саврі́ю, и в̾ селеѵ̾кі́ю
къ ст҃о́му се́ргію, и в̾ ласафа́съ, ко всѣ́мъ
ст҃ы́мъ ѿходя̀ устроя́ше кади́ло, и в̾жи­
га́ше, я́коже ѻбы́чаи имѣ́яше. и на
млт҃вѣ ста́въ моля́шеся бг҃у, да упраз­
днитъ пу̑ть єгѡ̀. и зря̀ ко ико́нѣ
пречс̃тыя бцд̃ы гл҃аше, поне́же на пу̑ть
хощу̀ дале́че итѝ мнѡ́гимъ днє́мъ нарече́­
ніе иму́щи, и ты̀ кади́ло своѐ сохранѝ
и не угаса́емо пред̾ложе́ніе сіѐ соблюдѝ.
а́зъ бо твою̀ по́мощь с̾пу́тницу имѣ́я
ѿхожю̀. и сія̀ ре́къ ко ико́нѣ, ѿхо­
жда́ше в̾ пред̾ложе́ный пу̑ть, и сотвори́въ
въ путѝ ѻвогда̀ мцс̃ъ, и ѡбраща́шеся. ѻво­
гда̀ два̀ и трѝ, ѻвогда̀ пя́ть и ше́сть,
и ѡбрѣта́ше кади́ло по́лно горя́що я́коже
на пу̑ть идя́ше ѡста́ви, и николи́же
ѡбрѣ́те є̀ уга́сшо. и та́кѡ пребы́въ
преста́вися къ бг҃у;
{#л. фл҃и}

В то́йже дн҃ь сло́во ѡ че́сти иєре́йстѣй.

Хо́щете ли увѣ́дати коли́ка че́сть и си́ла
ієре́йская. помы́сли кр҃ще́ніе, и́м̾ же ѡмы­
ва́етъ всѣ́хъ грѣхѝ, и въ сн҃отворе́ніе приво́­
дитъ. ѿ тѣ́хъбося породи́хомъ покая́­
ніемъ. и зрѝ, коли́ка нани́хъ бж҃ія
че́сть, и мнѡ́гая бл҃года́ть, я́кѡ положе́­
ніемъ ру̑къ и́хъ наны̀, бл҃гослове́ніе прихо́­
дитъ. тѣ́мъ же и зався̀ мл҃тву тво­
ря́тъ, и завсѣ́хъ сло́во и́мъ ѿвѣща́ти.
да сѐ помышля́юще бра́тіе, ни в̾че́мъ не пре­
рѣка́йте ієре́ѡмъ, бж҃іи бо су̑ть слугѝ, и
предъста́тели, но досто́йную че́сть твори̑те
и́мъ. и поза́повѣдємъ тѣ̑хъ пра́вдою
не укло́ннѡ хо́димъ, да спасе́ніе полу­
чи́мъ, и нбс̃ныхъ бл҃гъ наслѣ́дницы бу́демъ;

В то́йже дн҃ь сло́во ѿ патерика̀.

Презви́теръ нѣ́кій ѿсвоегѡ̀ єпс̃кпа ѿлу­
че́нъ бы́сть, є́же не твори́ти бжс̃твеныя
литоргі́и. и бы́сть ѿитѝ єму̀ в̾ ве́сь
нѣ́кую ѡ нѣ́коей потре́бѣ. по ѿше́ствіи
же єгѡ̀ прилучи́ся єпс̃кпу сконча́тися.
презви́теръ же я́кѡ пребы́сть во ѿлуче́ніи,
в̾ ско́рби и пренемога́ніи вели́цѣ бы́сть,

и недоумѣ́яше что̀ сотвори́ти, в̾зы́де
в̾ констянти́нь гра́дъ. и пріи́де ко архи­
єпс̃кпу нѣ́коему чл҃ку бж҃ію, и испо­
вѣ́да єму̀ ѡ ве́щи. ѻ́нъ же речѐ єму̀,
скажи́ ми согрѣше́ніе своѐ, а́ще у́бѡ
чре́зъ зако́нъ ѿлучи́ тя єпс̃кпъ тво́й,
пода́мъ ти разрѣше́ніе запреще́нію. ѻ́н̾же
к̾нему̀ речѐ, на потре́бу нѣ́кую посыла́ше
мя влд̃ко, и не бѣ̀ проти́ву мое́й си́лѣ
да совершю̀ я̀, разгнѣ́вався ѿлучи́ мя.
архієпс̃кпъ же речѐ, прегрѣше́ніе твоѐ ча́до
я́коже гл҃еши, ничто́же є́сть, и чре́зъ
зако́нъ єпс̃кпъ тво́й ѿлучи́лъ тя є́сть.
но а́ще и си́це є́сть ве́щь я́коже мню̀,
нѣ́сть досто́йнѡ, да и́нъ вя́жетъ, а дру­
гі́й разрѣша́етъ. ѻба́че я́коже хо́щетъ
гдс̃ь, си́це да сотвори́тъ ѡ тебѣ̀. поє́м̾же
архієпс̃кпъ презвѵ́тера, и и́де въєди́нъ
ѿ мнс̃тырє́и. и речѐ ко игу́мену и к̾ бра́­
тіямъ, сія̀ и сицева̀ прилучи́шася пре­
звѵ́теру сему̀, молю́ вы ѻц҃ы̀ ст҃і́и,
гдс̃а ра́ди потруди́теся недѣ́лю сію̀,
бдѣ́ніемъ и посто́мъ и мл҃твою, и бг҃ъ
мл҃твъ ра́ди ва́шихъ поми́луетъ презвѵ́­
тера сего̀, и́же беспра́вды ѿлуче́наго.
{#л. ф҃лѳ}

ѻни́ же рѣ́ша, повелѣ́лъ єсѝ влд̃ко, и со­
творимъ твоея̀ ра́ди ст҃ы́ни. пребы́вшу
же єпс̃кпу с̾ презви́теромъ та́мѡ, и
бдѣ́ніемъ и мл҃твами постя́щимся в̾ со­
круше́ніи срд̃ца. с̾ конча́вшижеся нлд̃и
в̾ нау́тренѣмъ славосло́віи, яви́ся єпс̃кпъ
ѿлучи́вый презви́тера посредѝ ѻц҃ъ стоя̀
и поя̀ сни́ми. узрѣ́въже єго̀ архієпс̃кпъ
гл҃а презви́теру, познава́еши ли стоя́­
щаго сна́ми. ѻ́нъ же речѐ, є́й влд̃ко,
єпс̃кпъ мо́й є́сть. и гл҃а єму̀, ше́дъ
поклони́ся єму̀, я́кѡ да пріи́меши
проще́ніе. ше́дъ у́бѡ презвѵ́теръ па́дъ
на́ ногу єго̀ гл҃я, прости́ мя влд̃ко гдс̃а
ра́ди. ѻ́нъ же ѿвѣща́въ три́щи, бг҃ъ
ча́до прости́тъ тя̀. и сія̀ ре́къ, не ви́­
димъ бы́сть. ви́дѣвъ же архієпс̃кпъ
со игу́меномъ и бра́тіями бы́вшее зна́ме­
ніе, просла́виша бг҃а творя́щаго
ди́вная и не изслѣди́мая
чюдеса̀
;