Сіѐ сло́во чтѝ по каѳи́смахъ.

Мцс̃а ию́ля во к҃ дн҃ь. григо́рія мни́ха и
презви́тера, игу́мена ѻби́тели пантокра́то­
ровы, сло́во похва́льное, ст҃о́му про̃ро́ку и бг҃о­
ви́дцу иліѝ, бл҃гословѝ о́ч҃е.

Про̃ро́цы у́бѡ всѝ, воплоще́ніе єдиноро́дна­
гѡ сн҃а бж҃ія по́слани бы́ша жестокосерде́чно­
му проповѣ́дати іи҃лю; илія́ же єди́нъ не
то́кмѡ ко іи҃лю по́сланъ бы́сть, но и ко
второ́му єгѡ̀ прише́ствію предоте́ча сохра­
ненъ є́сть, зає́же проповѣ́дати, я́кѡ
у́же придве́рєхъ влд̃чніи прихо́дъ, и лука́вое
пред̃сказа́ти мечта́телное и ме́рзское ца́рь­
ство анти́христово. ѡне́мъ же ко июде́ѡм̃
гл҃аше сп҃съ, а́зъ пріидо́хъ ѡи́мени оц҃а
моегѡ̀, и не пріє́млете менѐ. а́ще же при­
и́детъ и́нъ ѡсвое́мъ и́мени, сего̀ прии́мѣ­
те с̾ ра́достію. илія̀ ви́дѣвъ бг҃а нахори́вѣ,
иногда̀ в̾ гла́сѣ хла́да то́нка, сѣ́ни служа̀
зако́на. и па́ки того̀ въ бл҃года́ти пло́ть
нося̑ща, узрѣ̀ на ѳавѡ́рьстѣй горѣ̀. и
тре́тіе ча́я ви́дѣти и усрѣ́сти єго̀ на о́бла­
цѣ съ сла́вою гряду́ща суди́ти живы́мъ и
ме́ртвым̃; илія̀ граждани́нъ горы̀ карми́ловы,
{#л. хо҃е}

за є́же єди́нъ єди́ному собесѣ́дова бг҃у.
илія̀ хотя́и бы́ти послѣ́дніи мч҃нкъ въ
про̃ро́цѣхъ, я́коже во апс̃лѣхъ стефа́нъ
пе́рвый. илія̀ аха́вовъ ѡбличи́тель,
я́коже іѡ҃а́инъ прд̃тча и́родовъ. илія̀,
ієзаве́линъ потреби́тель, я́коже крс̃ти́­
тель иродіа́динъ. и́же ключа̀ поло­
жи́вый не́бу, по ѻбы́чаю не наплоди́ти
зе́млю. и́же ѻ́гнь съ нб҃сѐ мл҃твою низ̾­
ведѐ, и сту́дныя свяще́нники студа̀
испо́лни. єгѡ́ же сло́вом̃ го́рьсть мукѝ,
саре́ѳтяныни вдови́цы неума́лися, и
ма́лый чва́нецъ ма́сла не ѡскудѣ̀. єгѡ́ же
моли́твою тоя̀ ѻ́трокъ уме́рый воскре­
сѐ, {*коевре́ѡм̃ ¬ зач̃ т҃} и воспрія́тъ жена̀ ѿ воскреше́нія
ме́ртваго своего̀, я́коже прему́дрый
речѐ паве́лъ. и а́ще восхо́щете да я́же
ѡ не́мъ в̾кра́тцѣ воспріє́мше, в́ашей
любвѝ ска́жем̃. Аха́въ ца́рь бя̑ше во іи҃ли,
и́же поя́тъ жену̀, дще́рь цр҃я̀ тѵ́рьска {*ти́рска}
и сідѡ́ньска, ієзаве́ль и́менемъ, без̃­
сту́дну нѣ́кую и хи́щетну, лука́ву
и изъ ѡбрѣта́телну ѕлы́мъ. сія̀ оте́­
ческія бѡ́ги съ собо́ю прине́сши, ѿ­
вратѝ аха́ва ѿ и́стиннагѡ бг҃а,

и о́нѣмъ покланя́тися повину̀. и па́­
че же тѵ́рскому {*и́} бо́гу, єго́ же ваа́лъ на­
рица́ху, єму́ же и хра́мъ созда̀, и
ра́й на садѝ. поста́ви же и свяще́нники,
и лже прорѡ́ки тому̀; и са́мъ ца́рь мно́ги
таковы̀ у себѐ имя́ше; и бг҃ъ у́бѡ
авраа́мовъ живы́й, бер̃см҃ртный созда́тель
и ще́дрый презира́емь бя̑ше; почита́ше­
жеся сѷдѡ́ньская ме́рзость, нѣ́міи и и­
стука́нніи и глусі́и куми́ри, и́же зрѣ́ти
и ходи́ти не мо́гутъ. и ѡсяза́еми па́че,
а неѡсяза́юще внегда̀ кова́тися, и излива́­
тися рука́ма златокузнеца̀, дыха́ніа же
лише́ни, поне́же безгла́сни. что̀ у́бѡ
и́стиннагѡ бг҃а и́стинный про̃ро́къ; ре­
вну́етъ ѡ бл҃гоче́стіи; Ви́дитъ не разу­
мѣва́ющи, и истаява́етъ. я́коже дв҃дъ
речѐ, жа́лость до́му бж҃іа снѣ́сть мя̀; {*ѱл҃ом̃ ¬ ѯ҃и}
поне́же ѻ́нъ ѡста́вленъ є́сть, и́дольскій
же воздви́женъ бы́сть, та́же всегѡ̀
ізра́иля зря̀ послѣ́дующа, царе́ви иду́щу
в̾ поги́бель. и воста́въ течѐ ко ѻ́ному
вино́вному, толи́кимъ ѕлы́мъ, аха́ву
глаго́ля, поне́же тому̀ подо́бяся, по­
дру́чное про̃рческое уче́ніе не послушаше,
{#л. хо҃ѕ}

и тому̀ пе́рвіе ка́знь возвѣща́етъ,
речѐ, жи́въ гдс̃ь, не бу́детъ дождя̀
ни росы̀ на зе́млю; ра́звѣ глаго́ломъ
у́стъ мои́хъ. Поне́же ты̀, и и́же
съ тобо́ю, ѡста́висте бг҃а созда́вшаго
ва́съ, и зе́млю и не́бо ва́съ ра́ди со
тво́ршаго, и до́ждь ра́нъ и по́зденъ
даю́щаго на бл҃гі́я и ѕлы́я, и не чело­
вѣкѡ́мъ то́кмѡ промышле́ніє творя́­
щаго, но и скотѡ́мъ. бѣ́саже чтетѐ,
человѣ́ческу поги́бель хи́трьствующа всегда̀.
гла́сомъ у́стъ мои́хъ, заключа́ю
нб҃о, я́кѡ да и земля̀ не да́стъ плода̀
своегѡ̀, я́же свы̑ше вла́ги бы́вши не
прича́стна. да навы́кнете свы̑ше ка­
зни́ми, негодова́ніе вы́шнягѡ;
И бѣ̀ сло́во про̃ро́ческо, дѣ́ло въ ско́рѣ.
и бездо́ждіє мнѡ́гими ѕлы́ми претя̑ше,
неду́ги свои́ми томи́мѡмъ человѣ́кѡмъ,
за є́же ѡ дебелѣва́ти возду́ху, и тра­
ва́мъ и цвѣтѡ́мъ, и коре́нію изъсо́­
хнути. и исто́чникѡмъ и рѣка́мъ ума­
ля́ющимся. сме́рть же ча́єма бя́ше,
не лю́дємъ про́чее то́кмѡ, но и без̾сло­
ве́снымъ. и ца́рь у́бѡ не исправля́шеся.

и про̃ро́къ къ карми́льстѣй горѣ̀ ѿхожа́ше,
бли́зъ нѣ́которагѡ пото́ка, є́же къ ю́гу
пребыва́ніе творя̀. Млс̃тивый же бг҃ъ
поне́же дово́лнѡ стѣсни́вшося ви́дѣ че­
ловѣ́ческое єстество̀, млс̃рдъствуєтъ
ще́дрый, щади́тъ ру́ку свое́ю созда́­
ніе, не терпи́тъ зрѣ́ти то̀ ѡѕлобля́­
емо. и єди́ному у́бѡ царю̀ согрѣши́­
вшу, всѣ́мъ же лю́дємъ му́чимомъ
бы́ти; и хотя́ше у́бѡ до́ждь посла́ти,
но возбраня́шеся, почита́я про̃ро́ка;
я́кѡ речѐ, жи́въ гдс̃ь, не сни́детъ
до́ждь ни роса̀ на зе́млю; ра́звѣе
глаго́ломъ у́стъ мои́хъ. млс̃тивъ
у́бѡ єсѝ ты̀ єстество́мъ речѐ влд̃ко и
кро́токъ, и бл҃гости не измѣ́римая
бе́здна, и ка́єшися ѡ ѕло́бахъ чело­
вѣ́ческихъ, и́хъже въ пра́вду пріє́­
млютъ ѿ тебѐ удаля́ющійся. но чело­
вѣ́ческое єстество̀ жестоки́ми бо́льши
быва́єтъ. я́коже речѐ дв҃дъ, {*ѱл҃ом̃ ¬ о҃з} єгда̀
убива́ше и́хъ, тогда̀ в̾зыска́ху єго̀.
но и въ преступле́ніи иногда̀ умира́ти,
ѡсудѝ первозда́нныя. си́мъ у́бѡ
тѣ́хъ бо́льшему сподобля́я врачева́нію,
{#л. хо҃з}

я́кѡ да не безсме́ртно бу́детъ ѕло́е. и
ка́ина седмію̀ ѿ мще́ніи ка́зни. тогѡ̀
у́бѡ си́ми устрая́я, про́чихъ же въ
стра́хъ влага́я. но дале́че бѣ́гати убі́й­
ственыя ме́рзости. сегѡ̀ ра́ди ѡста́ви,
да смири́вшеся ка́зньми, и навы́кнутъ,
я́кѡ всу́е упова́ша на дѣ́ла ру̑къ чело­
вѣ́чєскъ; И а́ще и́но согрѣше́ніе бы́ло бы,
нижѐ а́зъ сро́дному та́кѡ жесто́къ и не
ми́лостивъ бы́ти хотѣ́хъ; но поне́же
ключи́мыя тебѣ̀ же́ртвы и поклоне́ніе,
язы́ческимъ удосто́иша ме́рзостємъ.
та́же кто̀ возлю́бленый ізра́иль, и я́кѡ
ю́ница разъсвирѣ́пѣ єфре́мъ. и же́рто­
вникъ тво́й раскопа́ша, и про̃рки твоя̀
изби́ша, и ѡста́хъ а́зъ єди́нъ, и
и́щутъ дш҃ѝ моея̀ изя́ти. нѝ,
жи́въ гдс̃ь; ра́звѣє глаго́ломъ у́стъ
мои́хъ. а́ще ты̀ речѐ, млс̃рдовавъ,
по́слеши землѝ до́ждь, а́зъ у́бѡ и
ѻ́нино постра́жду, я́кѡ не испо́лнившуся
сло́ву, є́же проро́ческою вла́стію, на
тебѐ надѣ́явся запрети́хъ. ѻни́ же
та́кѡ ско́рѡ получи́вше разрѣше́ніе, пре­
ще́нія на́скорѣ за бу́дутъ бл҃годѣя́ніє.

сегѡ̀ ра́ди, нѝ, жи́въ гдс̃ь; ра́звѣе
гл҃омъ у́стъ мои́хъ; ре́вности и ра́зу­
ма прему́дра, испо́лнь начина́ніе про­
ро́ческое. небо̀ ино́ю ра́ни ка́знію,
я́коже мѡѷсе́й єгѵ́петъ. но єди́­
ною ѡбъє́млющею, всѣ́хъ лю́тыхъ
вели́чество, я́кѡ да съ нб҃сѐ по тогѡ̀
гл҃у, не на пая́ему ѕря̑ще зе́млю, и
себѐ въ ѕлы́хъ преспѣва́юще навы́кнутъ,
я́кѡ не пре́жде ѡста́влени бы̑ша, но
єгда̀ ѡста́виша и́стиннаго бг҃а, тогда̀
бѣ́дная усрѣто́ша. что̀ у́бѡ чл҃колюби́­
вый бг҃ъ; поне́же ви́дѣ ка́ющася царя̀,
а́ще и несоверше́но, я́кѡ вину̀ пріє́мъ,
гл҃етъ къ проро́ку, вѣ́си ли я́кѡ пока́я­
ся аха́въ, про́чеє разрѣшѝ затво́ръ.
ѽ чюдесѐ; мо́лится бг҃ъ про̃ро́ку. ца́рь
рабу̀, и ѡблада́яи ѡблада́емому.
ѽ кра́йнія бл҃гости. не то́кмо бо ра́бѡм̃
уподо́блься, и съ чл҃ки живы́й, вся́ко
бо смире́нія на́съ о́бразу уча́ше, но и
тогда̀ неви́димый ми́лости и долготерпѣ́­
нію про̃ро́ка и на́съ наказу́я, пока́яся
речѐ аха́въ. покая́ніе воспомина́етъ,
къ ми́лости хотя̀ привлещѝ про̃ро́ка.
{#л. хо҃и}

ѻ́нъ речѐ, ѡбрати́вшыяся лю́ди на ѕло̀
и па́ки пока́явшыяся, удо́бь тѣ́хъ при­
вестѝ на пе́рвое бл҃гоче́стіе; но непослу́ша
про̃ркъ. и поне́же си́це того̀ належа́ща зря̑­
ше, и не умиля́ющася, что̀ твори́тъ
бл҃гоко́зненый бг҃ъ; вра́на посыла́етъ, на
кі́йждо дн҃ь пи́щю тому̀ приноси́ти, я́кѡ
да пита́емь ѿ такова́гѡ пти̑ща, умили́­
тся, и своеплеме́нному ско́рѡ раз̃рѣши́тъ
ка́знь; є́сть бо чадоненави́стенъ се́й
пти́щъ. єгда́ бо роди́тъ я́ица, си́хъ
грѣ́етъ въ гнѣздѣ̀, до́ндеже птенцы̀
устро́ятся. єгда́ же си́хъ та́кѡ ви́­
дитъ, ѡставля́етъ тѣ́хъ беспромы́сле­
ны, я́кѡ и и́зъмрети и́мъ, и са́мъ ѿ­
луча́ется въ ина́я мѣ́ста. птенцы́ же
гла́домъ дручи́ми ѕія́ютъ, подви́жюще
умиле́но глава́ми, и гла́съ испуща́­
ютъ горѣ̀ зря̑ще; вся́кому же дыха́­
нію промышля́яи бг҃ъ, посыла́етъ ѿ
возду̑ха му́хи нѣ́кія, къ тѣ́хъ пи́щи
досто́йныя, и приходя́ще къ тѣ́мъ при­
ближа́ющеся, са́ми влѣта́ютъ в̾ тѣ́хъ
уста̀. ті́и же си̑хъ поглота́юще пита́ютъ­
ся, до́ндеже возрасту́тъ, и лѣта́ти

возмо́гутъ. и ѡ си́хъ гл҃аше про̃ркъ;
даю́щаго ското́мъ пи́щю и́хъ, и пте­
нцє́мъ в̾ра́новѡмъ призыва́ющимъ ѝ.
сегѡ ра́ди такова̀ пита́теля посыла́етъ
к̾ проро́ку, я́ко же бы глаго́лалъ кнему̀
ѡбличи́телнѣ, ви́ждь ка́кѡ се́й вра́нъ
ла́комый лука́вый, чадоненави́стный,
ди́віи не чи́стый; и́же у́бѡ спа́сшему
єгѡ̀ но́ю ѿ пото́па иногда̀ вѣ́ру не сохра­
ни́вый, ка́кѡ тебѣ̀ слу́житъ. єму́же
никто́же до́лженъ є́сть. ка́кѡ тебѣ̀
рабо́таетъ чл҃ку, не чл҃ки то́кмѡ, но
и скоты̀ и пти́цы умори́ти хотя́щему.
ка́кѡ труди́тся ѡ трапе́зѣ твое́й,
и́же своя̀ чя̑да презира́я. и та́же
а́ще ѻ́нъ своя̀ презира́етъ птенцы̀,
ѻбы́чаю слу́житъ своегѡ̀ ро́да. и є́же
ѿ ѻц҃а пострада̀, т́ожде и то́й пте­
нцє́мъ воздае́тъ ѻ́ному подо́бяся.
ты́ же у́бѡ не подо́бишися авраа́му, и
мѡѷсе́ю оц҃є́мъ свои́мъ; єгда̀ ѻ́въ
у́бѡ глаго́лаше ко мнѣ̀ ѡ содо́млянѣхъ,
не погубѝ пра́веднаго с̾ нечести́выми,
и бу́детъ пра́ведный я́кѡ нечести́въ,
ника́коже ты̀ судія̀ землѝ все́й,
{#л. хо҃ѳ}

несотвори́ши су́дъ. мѡѷсе́й же у́бѡ.
єгда̀ хотѣ́хъ на водѣ̀ прерѣка́ніа по­
треби́ти лю́ди, моля́шеся глаго́ля,
а́ще у́бѡ хо́щеши си̑хъ поми́ловати,
поми́луй. а́ще ли же; и менѐ сни́ми
потребѝ. сегѡ̀ у́бѡ ра́ди и ты̀ ѡста́ви
томле́ніе; да я́коже у́бѡ нижѐ тако­
вы́мъ ѻ́бразомъ прелага́шеся, пове­
лѣва́етъ бг҃ъ, и пото́къ и́сше, ѿ него́
же про̃ркъ пія́ше ту̀ пребыва́ніе творя̀,
и стра́жда́ше жа́ждею томи́мь. Что̀
у́бѡ бг҃ъ; послю́ ли речѐ до́ждь землѝ
сло́вомъ твои́мъ, се́ бо и ты̀ умре́ти
хо́щеши; зри́ши ли ѿ иску́са на­
вы́къ, каковы́ми стра́жетъ єстество̀.
нѝ, жи́въ гдс̃ь речѐ; то́кмѡ у́бѡ
гл҃омъ у́стъ мои́хъ; ѽ бжс̃твеныя
ре́вности; ѽ не поколеби́магѡ мудро­
ва́ніа. жи́въ гдс̃ь речѐ; бг҃ъ авраа́­
мовъ, и исаа́ковъ, и ия́ковль;
гдс̃ь бг҃ъ живы́хъ, а не ме́ртвыхъ є́сть;
и а́зъ неумру̀ ревнова́въ по тебѣ̀.
неудолѣ́етъ ску́д̾ство ма́нію твоему̀,
єгда̀ хо́щеши. но поне́же у́бѡ а́зъ
тво́й во́инъ, ѻни́ же сопроти́внагѡ.

и ті́и у́бѡ мно́зи, а́зъ же єди́нъ, ѡста́­
ви да продолжи́тся борба̀, да позна́ютъ
не́мощь, и́хъ же уповаша наня, и
посрамятся и познаютъ я́кѡ и́мя тебѣ̀
гдс̃ь. и́же нб҃о и зе́млю созда̀, и ты̀
содержи́ши и пра́виши вся̀ свое́ю ѻ́бластію;
єльма̀ нижѐ та́кѡ послу́шающа того̀
ви́дѣ, посыла́етъ єго̀ в̾саре́ѳ̾фу сѷдѡ́н̾­
скую къ вдови́цѣ женѣ̀, худо́жнѣ
того̀ къ милова́нію привлача̀, и речѐ,
воста́ни, и идѝ в̾саре́ѳ̾фу сѷдѡ́н̾скую,
и ся́ди ту̀. и сѐ заповѣ́дахъ ту̀ женѣ̀
вдови́цѣ препита́ти тя. женѣ̀ вдови́цѣ
речѐ, что̀ є́сть є́же гл҃етъ; да
ѻ́нъ слы́шавъ жену̀ вдови́цу, враска́я­
ніе пріи́детъ. и помыс́ливъ рече́тъ, коли́­
ку бѣду̀ нанесо́хъ чл҃кѡмъ, не то́кмѡ
бога́тымъ и съ дру́жнымъ, но и самы́мъ
вдова́мъ убо́гимъ, беспромы́сленымъ,
ѡби́димымъ, я́же и во ѻби́тельства
и гобзова́нія вре́мене дневны́я мно́га­
жды лиша́ются пи́щи. ко́има нога́ма
кне́й пойду̀. кі́има очи́ма во́зрю наню̀,
тма́ми иму́щу страда́нія, и лицѐ сѣ́то­
внѡ, и слеза́ми по́лнѡ ѡбнося́щю.
{#л. хп҃}

ка́коже ѿве́рзу уста̀ к̾ тако́й без̃успѣ́­
шной; ѿку́ду же ли сло́во воспріим̃ провѣща́ю
к̾ рыда́ющей, и па́че не́же вѣща́ющей;
си́хъ устыдѣ́вся, на млс̃ть преложи́тся;
но непомы́сли такова́я, нижѐ речѐ ѳезви́­
тянинъ ѻ́нъ. но упова̀ ре́кшему,
я́кѡ си́ленъ є́сть, и ту̀ с̾ча́ды пре­
пита́ти. Воста́въ пріи́де во иноплеме́нный
ѻ́нъ гра́дъ, и сѣ́де при вратѣ́хъ гра́да. и
сѐ ту̀ жена̀ вдови́ца собира́ше дрова̀, и во­
зопѝ илія̀ в̾ слѣ́дъ єя̀, и речѐ є́й, возмѝ
у́бѡ ма́лѡ воды̀ в̾ сосу́дѣ и напію́ся. и
и́де взя́ти. и па́ки возопѝ въ слѣ́дъ єя̀
илія̀, и речѐ, пріимѝ у́бѡ ми укру́хъ
хлѣ́ба в̾ руцѣ̀ твоє́й. и речѐ жена̀, жи́въ
гдс̃ь бг҃ъ тво́й, а́ще є́сть уменѐ
ѻпрѣсно́къ; но ра́звѣ єли́кѡ го́рьсть
бра́шна въ водоно́сѣ, и ма́лѡ ма́сла
въ чва́нцѣ. и сѐ собира́ю двѣ̀ полѣ́нцѣ,
и вше́дъ сотворю̀ себѣ̀, и ча́дѡмъ
свои́мъ, и снѣ́мы и у́мремъ. пря́­
мѡ у́бѡ ра́зуму бж҃ію привлача́щему къ
млс̃ти про̃рка ѿвѣщава́етъ жена̀, и
с̾ кля́твою пе́рвѣе извѣстѝ гл҃емымъ
ну́жду, жи́въ гдс̃ь бг҃ъ тво́й ре́кши;

єльма̀ ѻ́нъ гл҃аше, жи́въ гдс̃ь, не бу́детъ
дождя̀ ни росы̀ на землѝ; ра́звѣ гл҃омъ
у́стъ мои́хъ. и гл҃етъ таку́ю же кля́­
тву, жи́въ гдс̃ь; приложи́ же, и бг҃ъ
тво́й, єго́ же ты̀ про̃ро́къ єсѝ речѐ; бг҃ъ
крѣ́пкій, бг҃ъ іи҃левъ стра́шный, а не
язы́ческій ни чю́вьственый, єгѡ́ же ра́ди
ты̀ ревну́я всѣ́хъ потреби́ти хо́щеши.
я́кѡ ты̀ у́бѡ укру́хъ хлѣ̑ба про́си­
ши, умене́ же ни опрѣснока̀ нѣ́сть. но
ра́звѣ єли́кѡ го́рсть бра́шна въ водоно́­
сѣ, и ма́лѡ ма́сла въ чва́нцѣ, мнѡ́жае
нѣ́сть речѐ, поне́же ты̀ та́кѡ восхо­
тѣ̀. и сѐ собира́ю двѣ̀ полѣ́нцѣ. не
множа́є ѿ си́хъ двои́хъ полѣ́нецъ збира́ю,
поне́же пече́нія, илѝ варе́нія нѣ́сть ми.
то́кмѡ єли́кѡ довлѣ́ти къ ма́лой о́ной
го́рсти бра́шна, я́же сотво́рши себѣ́
же, и ча́дѡмъ свои́мъ, и снѣ́мы и
у́мрем̃. ничто́ же про́чее речѐ ѿ на́съ ча́етъ­
ся и́но, то́чію сме́рть прс̃нѡ послѣ́д̾ствую­
щая ску́дъству. коне́чный мнѣ̀ обѣ́дъ
и трапе́за съ ча́ды, двои́хъ си̑хъ полѣ́нъ
снѣдотворе́ніє; болѣ́зненыя души сі́и
глаго́ли. и снѣ́мы речѐ, и у́мремъ.
{#л. хп҃а}

и речѐ илія̀ кне́й, дерза́й и вни́ди и не
сотворѝ по гл҃у твоему̀, но сотворѝ мнѣ̀
ѿ ту́ду опрѣсно́къ ма́лъ, и пре́же изне­
се́ши мнѣ̀, себѣ́ же и ча́дѡмъ свои́мъ,
сотвори́ши по́слѣжде; я́кѡ та́кѡ гл҃етъ
гдс̃ь бг҃ъ іи҃левъ, водоно́съ мукѝ не ѡ­
скудѣ́етъ, и чва́нецъ ма́сла не ума́литъ­
ся до́дне, до́ндеже да́стъ гдс̃ь до́ждь
на лицѐ всея̀ землѝ; дерзнове́нія хо́щет̃
испо́лнити тоя̀ ѿ низ̃па́дшагѡ мудрова́нія,
и ѿча́янія воста́вити. дерза́й вни́ди
речѐ, ѿложѝ стра́хъ сме́ртный. сотворѝ
мнѣ̀ ѿту́ду опресно́къ ма́лъ. пре́жде
тружа́ющемуся дѣ́лателю. подоба́етъ ѿ
плода̀ вкуша́ти. я́кѡ та́кѡ гл҃етъ гдс̃ь
бг҃ъ іи҃левъ, водоно́съ мукѝ, гумно̀ да
бу́детъ тебѣ̀, и чва́нецъ, точи́ло ма́­
слено. сотворѝ, и мнѣ̀ пре́же изнесе́ши.
мнѣ̀ досто́итъ пе́рвіе нача́тки снѣ́сти,
посѣще́нія ра́ди бж҃ія посла́вша́гося мно́ю
к̾ тебѣ̀, себѣ́ же и ча́дѡмъ свои́мъ сотво­
ри́ши по́слѣжде. ты̀ гл҃еши, речѐ, єди́­
ною сотвори́ти себѣ̀, и ча́дѡм̃ свои́мъ,
и снѣ́дшимъ у́мрети. а́зъ же гл҃ю,
не сотвори́ши по глаго́лу твоему̀;

по мнѣ̀ пе́рвіе. та́же и ва́мъ и мнѣ̀
мно́гажды, до́ндеже лю́тая разрѣша́тся
до́ дне, єгда̀ да́стъ гдс̃ь до́ждь налицѐ
всея̀ земли. вѣ́рова бога́тая о́на вдова̀
про изволе́нієм̃, и бѣ̀ препитова́я про̃ро́ка.
ю́же и гдс̃ь во єѵг̃а́ліи помина́етъ глаго́ля,
мнѡ́ги вдови́цы во́дни иліины̀ бя́ху
въ іи҃ли, и къ ни єди́ной посла́ся, ра́звѣе
всаре́ѳфу сідѡ́н̾скую, к̾ женѣ̀ вдовѣ́й.
и мнѡ́зи прокаже́нніи во́дни єлисє́овы,
и ни кто́же ѡчи́стися; то́кмѡ неєма́нъ
кня̑ѕь асѷрі́йскій. И поне́же цр҃ь
про̃ро́ка иска́ше, я́кѡ да умо́литъ ра­
зрѣши́ти ну́жду. то́йже у вдови́цы
ѻ́ноя кры́яшеся, и к̾ ми́лости не прихо­
жда́ше. къ є́же мно́гажды того̀ бг҃ъ
ѻ́бразы и вещьмѝ привожда́ше. что̀
твори́тъ соста́вная прему́дрость бл҃га,
єди́нѣмъ дѣ́ломъ мно́га показа́ти бл҃га
промышля́я. кото́рое; сѐ умира́етъ
сн҃ъ вдови́цы. и разболѣ́ся речѐ сн҃ъ го­
спожѝ до́му, и бѣ̀ болѣ́знь єгѡ̀ крѣпка̀,
до́ндеже не ѡста̀ ду́хъ въ не́мъ. на­
пра́снѡ ѻ́трока ѡбья́тъ болѣ́знь, и не
ѡслабѣ̀, до́ньдеже повелѣ́нная сотворѝ.
{#л. хп҃в}

и бѣ̀ усрѣ́тшая бѣда̀ велича́йшая па́че
не́жели пре́жде прихо́да про̃ро́ча содержа́щая
и ча́емая. тогда́ бо ѡскудѣ́нію бы́вшу,
ма́лыя о́ныя го́рьсти. а́ще у́мрети
хотя́щи, о́б̾щу къ про́чимъ человѣ́кѡмъ
свою̀ в̾мѣни́ла бы бѣду̀. и таковы́я
сме́рти протяже́ніе, ме́ньше сотвори́ло
бы тоя̀ болѣ́знь срд̃це. ны́нѣ же по є́же
слы́шати ѿ про̃ро́ка, дерза́й. поє́же
рещѝ, я́кѡ та́кѡ глаго́летъ гдс̃ь бг҃ъ
ізра́илевъ, водоно́съ мукѝ не ѡскудѣ́єт̃
и чва́нецъ ма́сла не ума́лится; я́же вся̀
стра́ха премѣни́тельна бя́ху сме́ртнагѡ.
поє́же иску́сомъ прія́ти таковых̃ глагѡ́лъ
си́лу. поє́же про̃ро́ка в̾ до́мъ прія́ти,
и тогѡ попече́ніемъ всѣ́мъ устро́ивати.
поє́же сегѡ̀ ра́ди и ины́мъ помощѝ,
упова́ніе имѣ́ти, тогда̀ сію̀ болѣ́знь
нестерпи́ма ѡбья́тъ напра́снѡ, ѻ́троку
ме́ртву показа́вшуся. досто́яше рещѝ,
а́ще ѿ ины́хъ нѣ́кихъ и не бг҃олюбе́зныхъ
бы́ти хотя́ше глагѡ́лъ таковы́хъ ключи́­
мыхъ тоя̀ страстє́мъ, ѿси́хъ ни
єди́нъ речѐ ни провѣща̀. но что̀; себѐ
у́бѡ мно́гими ѡбремене́ну грѣхѝ,

сме́рти ѻ́трока пови́нну твори́тъ, и ни­
кому́ же ѡблича́ющу исповѣ́даніе в̾ среду̀
прино́ситъ, и речѐ, что̀ мнѣ и тебѣ̀
чл҃че бж҃іи, в̾ше́лъ єсѝ ко мнѣ̀ воспомя­
ну́ти не пра́вды моя̀, и умори́ти сн҃а
моегѡ̀. ни єди́но мнѣ̀ о́бще бя̑ше к̾ тебѣ̀
речѐ женѣ̀ грѣ́шнѣй. тебѣ̀ про̃ро́ку су́щу
бж҃ію. но поне́же пріи́де и дѣ́йствова пре­
сла́вная, мнѣ̀ недосто́йнѣ су́щи, я́кѡ
сна́ми пребыва́ти нача́тъ, и уморѝ сн҃а
моегѡ̀, ѡбличи́въ не пра́вды моя̀,
о́ногѡ сме́ртію. и речѐ илія̀, да́ждь ми
сн҃а твоегѡ̀; и взя́тъ єго̀ ѿ нѣ́дръ єя̀,
и вознесѐ єго̀ на го́рницу, в̾ не́й же са́мъ
сѣдя́ше, и положѝ єго̀ на о́дрѣ свое́мъ.
и возопѝ илія̀, и речѐ; умили́ся про̃ркъ,
и в̾ раская́ніе пріи́де. позна̀, я́кѡ о́трока
сме́рти то́й є́сть вино́венъ. стекни́­
ся ѿвну́трь ѡбличе́ніе с̾ вестѝ, ѿвнѣ́
же гл҃ы вдовы́я, и болѣ́зненѣ испустѝ
гла́съ. се́ бо є́сть, є́же гл҃етъ возопѝ;
молбу дш҃е́вную показа̀, и умиле́но про­
вѣща̀ и речѐ, увы̀ мнѣ̀ гдс̃и свидѣ́телю
вдови̑цъ, и унея́ же а́зъ живу̀. ты̀
свидѣ́тельствова речѐ, ту̀ боя́щюся тебѐ,
{#л. хп҃г}

я́кѡ и къ свое́й рабѣ̀ посла́ мя. и нн҃ѣ ю̀
ѡѕло́билъ єсѝ и менѐ сне́ю, умори́въ
сн҃а єя̀ менѐ ра́ди. и ду́ну на о́трочища
три́щи; тро̃цы та́иньство явля́етъ.
и я́кѡ кромѣ̀ и́же в̾ ту̀ исповѣ́данія,
невозмо́жно вѣ́чный получи́ти живо́тъ. и
призва̀ гдс̃а, и речѐ, гдс̃и бж҃е мо́й. {*иса́ія н҃и ¬ іѡ҃а́ннъ н҃} призва̀
ре́кшаго, и єщѐ гл҃ющу тѝ, реку̀, сѐ
приидо́хъ. призва̀ ре́кшаго, безменѐ не
мо́жете твори́ти ничесо́ же. призва̀ гдс̃а
и речѐ, гдс̃и бж҃е мо́й, да возврати́тся
у́бѡ дш҃а̀ о́трочища сегѡ̀ во́нь; сле́зно
провѣща́ніе, и моле́нія гл҃ъ. гдс̃и бж҃е
мо́й, твоя̀ во́ля да бу́детъ речѐ. поне́­
же а́зъ ра́бъ тво́й, и сн҃ъ рабы̀ твоея̀,
въи́хъ же хо́щеши свои́мъ долготерпѣ́ніем̃
промышля́ти. вся́ бо хо́щеши млс̃ти испо́­
лнити, я́кѡ єстество́мъ бл҃гъ и млс̃ти,
то́чію не пре́зри проше́ніе моѐ. а́ще и а́зъ
преслу́шахъ повелѣва́ющу тѝ, но да воз̃­
врати́тся дш҃а̀ о́трочища сегѡ̀ во́нь, да
просла́вится речѐ и́мя твоѐ, моегѡ̀ гдс̃а и
бг҃а. воскре́сшу ѻ́троку твои́мъ призва́­
ніемъ, да бу́детъ се́й ѻ́трокъ нача́ло
воскресе́нія ме́ртвым̃, во ѻ́бразъ тво́й.

поне́же и ты̀ пе́рвенецъ изъме́ртвыхъ бу́­
деши. и дапозна́ютъ всѝ, я́кѡ престу­
пле́ніе у́бѡ сме́рть исхода́таи. твоя́же
бл҃гость, воск҃рсе́ніе. утѣ́ши вдову́ю,
унея́ же а́зъ стра́ньствую. єя́же тра­
пе́зы а́зъ стыжду́ся. єя́же служе́ніа
срамля́юся. є́юже чти́мь є́смь, я́кѡ
тво́й служи́тель. да не нача́ло прихо́да
моєгѡ̀ ра́достнѡ, исхо́дъ же послѣ́днія
испо́лнь печа́ли бу́детъ. и да возвратит̃ся
дш҃а о́трочища сегѡ̀ во́нь, да бу́детъ
и ѻ́нъ проповѣ́дникъ, пре́же ла́заря
твоея̀ вла́сти, я́кѡ ѡме́ртвыхъ того̀
воск҃рсѝ. и руко́ю мое́ю, рука́мъ ѿ­
да́стъся ма́тернимъ. и бы́сть та́кѡ.
ка́кѡ; та́кѡ, я́коже речѐ про̃ро́къ.
и возопѝ речѐ; протяже́ное мл҃твы на­
знамену́етъ, и є́же изглубины̀ возды­
ха́телное. таково́ бо срд̃це печа́лующее,
и къ проше́нію в̾ пере́ное. и возопѝ, си́­
рѣчь дости́же проше́ніе єгѡ̀ во у́ши бг҃а
саваѡ́ѳа. и́бо во исхо́дѣ пи́сано є́сть.
речѐ гдс̃ь къ мѡѷсе́ю, что̀ вопіе́ши ко
мнѣ̀. та́же у́мнѣ моля́шеся, ну́жду
изъ явля́ше. си́це и здѣ̀ возопѝ речѐ,
{#л. хп҃д}

да пока́жетъ жела́ніе проше́нія. и воз̾­
врати́ся дш҃а о́трочищу в̾ну́трь, и ѡ­
живѐ. послу́ша про̃ро́ка ско́рый на ми́­
лость, и ко́сный въ гнѣ́въ, дарова̀
живо́тъ ѻ́троку, соста́вная и без̾сме́­
ртная жи́знь. ѡбличѝ похва́лное не­
послуша́ніе про̃ро́ка. послу́шавъ того̀,
бы́вый послушли́въ до сме́рти. и глаго́ла
кнему̀, а́ще ты̀ ѿ менѐ толи́жды
проше́нъ бы́въ, не пре́клоненъ пред̃яви́ся
ны́нѣ ѡ єди́ной вдовѣ̀, и ѡ тоя̀ сы́нѣ
милосе́рдова, а́зъ же не поми́луюли сво­
е́ю ру́ку созда́ніе, и толи́кихъ родѡ́въ
скѡ̑тъ и пти́цъ. и ты̀ у́бѡ сі́й то́й
возда́ти хо́щеши до́лгъ, ра́ди препи­
та́нія, сн҃а ѿ ме́ртвыхъ. а́зъ же у́бѡ
не поми́ловати ли хощу̀ всѐ человѣ́чество,
и излія́ти ѻбы́чную бл҃гость, поне́же є́смь
оц҃ъ си́рымъ а́зъ, и судія̀ вдови́цамъ.
про́чее се́й к̾тебѣ̀ сн҃ъ вдовы́я цѣ́лъ я́кѡ
и пре́жде, ты́же да́руй мнѣ̀ без̾до́ждія
разрѣше́ніє. ты̀ є́же не ѡблада́еши,
пріє́млеши ѿменѐ. а́зъже є́же в̾руку̀
держа̀, прошю̀ ѿтебѐ ме́ртвена чело­
вѣ́ка. наведѝ свобожде́ніе ѕлы́мъ,

сохрани́хъ бо себѣ̀ се́дмь ты́сящъ му­
жє́й, тебѣ̀ невѣ́дущу, и́же не пре­
клони́ша колѣ́на своя̀ предъ ваа́ломъ.
и поя́тъ илія̀ о́трока, и сведѐ єго̀
ѿ го́рницы въ до́мъ, и в̾ дадѐ єго̀ ма́­
тери єгѡ̀. и речѐ илія̀, ви́ждь,
жи́въ є́сть сн҃ъ тво́й. и речѐ жена̀,
сѐ сіѐ разумѣхъ, я́кѡ человѣ́къ бж҃іи
єсѝ ты̀, и глаго́лъ гдс̃нь во устѣ́хъ
твои́хъ и́стиненъ. и вся́кѡ исходя́щее
изоу́стъ твои́хъ неле́стно є́сть речѐ.
и́бо я́коже рече́ ми дерза́ти, не помно́зѣ
сѣ́тованіе ѿгна̀. и поне́же сложи́ся
к̾ во́ли бж҃ієи про̃ркъ, и до́ждь у́же
пролія́тися хотя̑ше, во ста́въ пріи́де
ко аха́ву. у́же ієзаве́ли сн҃овы про̃ро́ческія
из̾би́вши. и самому̀ царю̀ я́ростію ды́­
шущу. єго́же ви́дѣвъ, ты́ли єсѝ
речѐ развраща́яи іи҃ля. ты́ли єсѝ томя́и
и ѡзлобля́яи ізра́иля и умори́ти хотя́и.
что̀ у́бѡ ѻ́нъ. єда̀ убоя́ся, єда̀
умолча̀, єда̀ смире́но нѣ́что провѣща̀;
ника́коже. ѽ бл҃же́нныя и до́блественыя
дш҃и. такова̀ бя̑ше па́влова дш҃а,
въ бѣда́хъ и напа́стѣхъ твердѣ́йша.
{#л. хп҃е}

тѣ́мъ же и глаго́лаше, на кі́йждо дн҃ь
умира́я. но что̀ у́бѡ про̃ро́къ. не а́зъ
раз̾враща́ю речѐ іи҃ля; но ты̀, и дом̃ отца̀
твоего̀; но ты̀ и бра́тія твоя̀. поне́же
чюжы́я въ ве́дъ бо́ги, и́стиннаго же бг҃а
ѡста́ви. но шед̃ соберѝ вся̀ лю́ди в̾ карми́­
лову го́ру, ипро̃ро́ки твоя̀, и жены̀ твоея̀
проро́ки, и свяще́нники я́же в̾ садо́хъ,
и та́мѡ позна́еши речѐ жива́го бг҃а.
И поне́же стеко́шася всѝ, ста̀ посредѣ̀ иліа̀
и речѐ, а́ще у́бѡ и́стиннаго бг҃а єди́наго
мнитѐ, мнѣ̀ послѣ́дуйте. а́щели же
чюжы́я бѡ́ги и́стинны, и покланя́ніа
досто́йны в̾мѣня́єте, тѣ́хъ послѣ́дъ­
ствуйте проро́кѡмъ. ѻни́же молча́ху.
и речѐ илія̀, и по жро́ша во́лъ, и про­
тяго́ша кромѣ̀ ѻгня̀ верху̀ дро́въ.
и речѐ, си́мъ ѻ́бразомъ иску́симъ
и́стиннагѡ бг҃а, кто̀ є́сть. и повелѣ̀
и о́нѣмъ четы́ремъ стѡ́мъ су́щимъ чи­
сло́мъ, и сотвори́ша та́коже. и повелѣ̀
єди́ному кому́ждо и́хъ призва́ти своего̀
бг҃а, є́же въспали́ти дрова̀. и я́кѡ
уго́денъ бы́сть сі́й ра́зумъ царе́ви, и
всему̀ со́ньму. и призва̀ илія̀ проро́ки,

и повелѣ̀ тѣ́мъ поже́ршимъ пе́рвіе
и своя̀ призыва́ти бо́ги. и поне́же ни
что́же усрѣта́ше ѿ моли́твы и при­
зыва́нія о́нѣхъ, запреща́ше тѣ́мъ
илія̀, гл҃я, ве́ліимъ гла́сомъ призыва́­
ти бо́ги, илибо спя́тъ, илѝ нѣ́гдѣ
зашлѝ су̑ть, и сегѡ̀ ра́ди крѣпча́йша
гла́са потре́ба. и та́кѡ творя̑ще ѡ безгла́­
снѣвше крича́ніемъ ѕѣ́лнымъ, ѿ вре́­
мене у́тренягѡ, да́же и до ве́чера.
и поне́же ничесо́же по́льзоваху, си́мъ
у́бѡ ѿ ступи́ти повелѣ̀, са́мъ же къ
же́ртвѣ угото́вися. и взе́мъ у́бѡ,
двана́десять ка́мень, на кото́роеждо
пле́мя, и воздви́же олта́рь, и ѡ́крестъ
єгѡ̀ ископа̀ вмѣще́ніє воды̀ глубоко̀. и
сложи́въ полѣ́на на же́ртовницѣ, и верху̀
и́хъ положѝ жре́мая. та́же четы́ре
водоно́сы повелѣ̀ на по́лнити воды̀, и
излія́ти на же́ртовникъ, я́кѡ удовлѣ́­
ти єго̀, и ископа́нію на полни́ти­
ся, исто́чника возше́дша. И та́кѡ
нача́тъ моли́тися, и призыва́ти бг҃а.
єльма̀ ті́и ве́сь де́нь истощи́ша вопію́ще,
воздѣ́юще ру́ки, и небѣ̀ помога́ющаго,
{#л. хп҃ѕ}

поне́же ни послу́шаяи бя̑ше. и тру́дъ
то́кмѡ во мзды̀ мѣ́стѡ прія́ша, и умо­
лча́ти тѣ́мъ повелѣ̀. взе́млетъ же ѕи­
жда̀ же́ртовникъ, два́надесять ка́мень,
равночи́сленіи колѣ́нѡмъ, два́надеся­
тихъ патріа́рхъ. мню̀ ѻ́бразомъ си́мъ
срд̃ца̀ люде́й, къ бж҃іимъ же́ртвамъ со­
зиздава́ти, чи́стымъ и зако́ннымъ.
занѐ и дв҃ду, срд̃це чи́сто созизда­
ва́тися вне́мъ бг҃ови моля́щуся. но
и два́надесятихъ апс̃лъ таково́е назнаме­
ну́етъ число̀, и́ми же бескро́вный созда́­
ся же́ртовникъ. ископа̀ о́крс̃тъ речѐ вмѣ­
ще́ніе воды̀ глубоко̀, я́кѡ да вода̀ ѡбъ­
стои́тъ дрова̀ и же́ртвы, пресла́внѡ сотво­
ри́тъ же́ртвы та́иньство. поне́же и та́йно
нѣ́какѡ явля́ше, и кр҃ще́нія ба́ню, и
на́шю же́ртву. но и водонѡ́си апс̃ли не­
пщу́ю пред̃ска́зовати. и́бо у́тро явле́ньми
два́надесяти быва́ют̃. удво́йте бо речѐ;
и удво́иша. утро́йте; и утро́иша. и
па́ки тро̃цы трисоста́вное явля́ет̃, я́коже и
над̃ ме́ртвым̃ ѻ́трокомъ ду́нувъ тр́ищи;
Та́же инача́тъ моли́тися, и призыва́ти
бг҃а. а́біе же ѻ́гнь съ нб҃сѐ мно́жеству

зря́щу на ѻлта́рь падѐ, и же́ртву поядѐ,
я́кѡ возгорѣ́тися и водѣ̀, и ѻгни́щу у­
стро́итися мѣ́сту. Лю́діе же ви́дѣвше,
на зе́млю па́дше поклони́шася, єди́наго
вели́каго бг҃а и́стинна нари́чюще, ст҃а́гѡ
іи҃лева. что́же сту́дніи свяще́нницы;
избіє́ни бы́ша, про̃ро́ку повелѣва́ющу.
и влѣпоту̀ потребѝ ѿ́ града гдс̃ня, вся̀
дѣ́лающыя без̃зако́ніе. и царе́ви дерза́ти
речѐ, уже́ бо и до́ждь у́зритъ на́скорѣ.
разрѣши́ся бездо́ждіє. и ѿверзо́шася
хля́би нбс̃ныя. подвиго́шася вѣ́три,
и ѻ́блаки нанося́ще, я́кѡ мѣ́хи испо́лнь
воды̀, упои́ша ис̾со́хшую зе́млю.
Бы́стръ сотвори́ша и прозра́ченъ съгусти́­
вшъся возду́хъ, потеко́ша на́гло, и
ис̾со́хшіи пото́цы, и исто́чницы мно́­
жайшыя изда́ша струѝ. и цр҃ь и ве́сь
іи҃ль в̾ ра́дости бя̑ше; но лука́вая жена̀
ѿ́ гнѣва не преста́яше, пла́менемъ ды­
ха́ше я́рости, иска́ше про̃ро́ка уби́ти,
претя́ше лю́то. что̀ у́бѡ ѻ́нъ;
бѣ́гаєтъ убоя́вся в̾ пусты́ню, и у́­
мрети па́че моля́ся, не́жели жи́въ
бы́ти, по толи́цѣ пресла́внѣ чюдесѝ,
{#л. хп҃з}

поне́же ѡбрати́тися лю́дєм̃; по є́же нече́стія
потреби́тися слуга́мъ. тогда̀ поє́млетъ
мно́гимъ днє́мъ бѣ́гъство, дає́тся и
тому̀, я́кѡ и па́влу пострека́тель пло́ти,
да непревозно́сит̃ся, но даси́ла бж҃ія втогѡ̀
не́мощи соверша́єтся. и утру́ждься
поднѣ́которымъ дре́вомъ спа́ше. и во­
збуди́вшу єго̀ а́гг҃лу, и ре́кшу, воста́ни
я́жь и пі́й, я́кѡ мно́гъ тебѐ пу́ть ѡбрѣ­
та́єтъ. Воста́въ, и ѡбрѣ́тъ хлѣ́бъ
те́плъ, и корча́гъ воды̀, и я́дъ и у­
крѣ́плься, бѣ́гаєтъ не ѡсла́бивъ, да́же
до горы̀ хори́въ, и та́мѡ бг҃ови сказу́етъ
бѣ́гъства ѻ́бразъ, я́кѡ того̀ уби́ти
запретѝ ієзаве́ль, свяще́нники тоя̀ за­
кла́вша, и тебѐ речѐ бг҃а и́стиннаго про­
повѣ́дующа; и слы́шитъ бжс̃твенаго гла́са
въ пеще́рѣ, в̾зы́ти наве́рхъ горы̀. и
зри́тъ въ тру́сѣ и свѣ́тлости ѻгня̀,
гдс̃а, пріє́млетъ извѣще́ніе, я́кѡ
того̀ гони́мыя побѣди́тъ, ті́иже побѣ­
жде́ни бу́дутъ гоня́щіи. что̀ є́же
поси́хъ глаго́летъ кнему̀ бг҃ъ; єльма̀
ты̀ илія̀ человѣ́къ же́стокъ єсѝ, іи҃лю
сокруша́ющу терпѣ́ти не мо́жеши.

нижѐ чл҃ческими страстьмѝ прекланя́еши­
ся. и про́чее неключи́тся тебѣ̀ съ чело­
вѣ́ки жи́ти. но взы́ди ты̀ ко мнѣ̀,
да а́зъ къ человѣ́кѡмъ сни́ду. измѣ́­
на бу́детъ посредѣ̀ на́съ, да взы́­
детъ чл҃къ, и да сни́детъ бг҃ъ. а́зъ
бо не іи҃ля ра́ди єди́наго, но и всѣ́хъ
язы́къ непра́вды и без̾зако́нія зря̀, и
до́лго терпя̀ кра́йнія ра́ди бл҃гости, поне́же
чл҃колю́бецъ а́зъ, и грѣхѝ и́хъ понесу̀
кромѣ̀ грѣха̀, тѣ́мъ уподо́блься.
рѣ́хъ бо къ дв҃ду; а́ще ѡста́вят̃ сы́нове
твоѝ завѣ́тъ мо́й, и в̾ судба́хъ мои́хъ
не по́йдут̃. а́ще ѡправда́нія моя̀ ѡскве­
рня́тъ, и за́повѣдей мои́хъ не сохранят̃,
посѣщу̀ жеѕло́мъ без̃зако́нія и́хъ, и ра́­
нами непра́вды и́хъ, млс̃ти же моея̀ не
разорю̀ ѿни́хъ. взы́ди ты̀ с̾ пло́тію, да
а́зъ сни́ду взя́ти пло́ть беспло́тный. и
взы́ди ты̀ наколесни́цѣ ѻ́гненѣй ко мнѣ̀,
да а́зъ к̾ тебѣ̀ сни́ду, я́коже на руно̀
до́ждь. ты̀ я́кѡ въ тру́сѣ на́ небо,
а́зъ же я́кѡ втишинѣ̀ на́ землю. ты̀ горѣ̀
я́кѡ да сни́деши, а́зъ же до́лу, я́кѡ да
взы́ду ѡбожи́въ воспрія́тіе. а́зъ сни́ду,
{#л. хп҃и}

єльма̀ ты̀ немо́жеши въ бг҃оразу́мія мре́­
жахъ лю́діи удержа́ти, и вселе́нную всю̀
ѡбъ иму̀ петро́вою мре́жею, и тро́стію
іѡ҃а́нновою. взы́ди про̃ро́че, да сни́детъ
проповѣ́даємый. и не помно́ѕѣ взя́тся
илія̀ въ тру́сѣ я́кѡ на́ небо. ско́рѡ
притечѐ къ восхище́нію, гото́въ бы́сть
к̾ повелѣ́нію. услади́ся слы́шавъ дости́­
гнути, я́же ви́дѣвъ паве́лъ, впери́въ
у́мъ къ преми́рнымъ. и тѣ́ло съ восхи­
ще́но бы́сть уму̀, идѣ́же бж҃е́ственое
вѣ́сть. мы́же здѣ̀ бы́вше сла́ву во­
здади́мъ ѻ́бразы и вещьмѝ тѣ́мь пресла́­
вная содѣ́явшему сн҃у бж҃ію, гдс̃у на́­
шему іс҃у хрс̃ту̀. сни́мъ же безнача́льно­
му єгѡ̀ оц҃у сла́ва и держа́ва, и покла­
ня́ніє, съ прест҃ы́мъ и животво­
ря́щимъ дх҃омъ, ны́нѣ и при́снѡ и во́ вѣки
вѣкѡ́мъ
;

Мцс̃а того́же въ к҃ де́нь. ст҃а́гѡ сла́внагѡ
про̃ро́ка иліѝ ѳезви́тянина, бл҃гословѝ о́ч҃е.

Се́й бя̑ше сн҃ъ сава́ковъ, ѿ ѳезви́та, ѿ
землѝ арави́тски, ѿ колѣ́на аарѡ́нова.
живы́й въ галаа́дѣ. занѐ ѳе́зви, дарова́­
ніе бя̑ше ієре́ѡмъ да́ное. и внегда̀
ражда́ше и мт҃и єгѡ̀, ви́дѣ сава́къ оц҃ъ
єгѡ̀, я́кѡ му́жіе бѣлоѡбра́зни бесѣ́дова­
ху сни́мъ. и я́кѡ ѻгне́мъ єго̀ повива́ху,
и пла́мень ѻ́гненый єму̀ дая́ху я́сти. и
прише́дъ во ієрс̃ли́мъ, повѣ́да ієре́ѡм̃. и речѐ
єму̀ прови́децъ, не убо́йся чл҃че, бу́дет̃
бо жили́ще дѣ́тищу свѣ́тъ. и сло́во єгѡ̀,
у́менъ ѿвѣ́тъ, и живо́тъ єгѡ̀ по́ гдс̃ѣ,
и ре́вность єгѡ̀ бл҃гоуго́дна гдс̃ви. и су́дит̃
іи҃леви ору́жіем̃ и ѻгне́мъ. Се́й у́бѡ прорица́­
ше, лѣ́тъ, к҃е. превари́ же прише́ствіе
хрс̃то́во, лѣ́ты ѻ́смьсѡтъ и ше́сть на́десят̃.
є́й є́сть илія̀, и́же ѻ́гнь съ нб҃сѐ три́щи
с̾ веды́й, и до́ждь язы́ком̃ свои́мъ носи́вый,
и ме́ртвыя воздвигі́й. и пятьдеся́тицу
двою̀ попали́вый. и в̾ горѣ̀ хори́вѣ, бг҃а ви́дѣ­
вый, я́коже чл҃ку мо́щнѡ бя̑ше ви́дѣти.
и іѡрда́нъ ми́лотію раздѣли́вый. и на
небеса̀ колесни́цею ѻ́гненою вознесе́ный.
{#л. хп҃ѳ}

и в̾ преѡбраже́ніи съ моѷсе́ѡмъ на ѳавѡ́рѣ
хрс̃ту̀ пред̃ста́вый. се́й и второ́му прише́­
ствію хрс̃то́ву съєнѡ́хом̃ пріитѝ, ко ѡбличе́­
нію всеконе́чнагѡ нече́стія анті́христова,
и утѣше́нію бл҃гоче́стія в̾ вѣ́ренный. єгѡ́
же мл҃твами в̾ смире́ніи глубо́цѣ, цр҃ковь
свою̀ и гра́ды х҃е бж҃е сохраня́и, и спасѝ на́съ.

Вто́йже де́нь сло́во іѡ҃а́нна златоу́стагѡ
ѡ ѕлы́хъ жена́хъ.

Ничто́же є́сть подо́бнѡ на землѝ женѣ̀ ѕло­
язы́чнѣ. никі́й же у́бѡ ѕвѣ́рь то́ченъ
є́сть женѣ̀ проны́рливѣ. что̀ лва̀ ѕлѣ́е
в̾ четвероно́гихъ; что́ ли ѕмі́я лютѣ́е въ
по́лзающих̃; нѣ́сть ничто́ же, я́коже жена̀
ѕлоязы́чна. послу́шествуетъ ми словесы̀ пре­
му́дрый соло́монъ гл҃я, лу́чши жи́ти со
лво́мъ илѝ с̾ ѕміе́мъ в̾ пусты́ни, не́жели съ
жено́ю ѕлоязы́чною и проку́дливою. да не
мни̑те про̃ро́ка безума̀ ре́кша. ѿ самѣ́хъ бо
вещє́й навы́кни ѡпа́снѣ; даніи́ла во рвѣ̀ лвы̀
устыдѣ́шася, а пра́веднаго науѳе́я ієзаве́ль
убѝ. ки́тъ іѡ́ну во́ чревѣ сохранѝ, дали́да
же му̑жа своего̀ самѱо́на ѡстри́гши инопле­
ме́нникѡм̃ предадѐ. ѕміѝ и а́спиды и кера́сти
боя́хуся іѡ҃а́нна крс̃ти́теля въ пусты́ни,

ироді́яже на ѡбѣ́дѣ усѣ́кну єго̀. вра́нове
илію̀ в̾ пусты́ни в̾ горѣ̀ кормя́ху, ієзаве́ль
же того̀ по бл҃года́ти дожде́внѣи на сме́рть
готовля́ше преда́ти. что́ бо гл҃аше;
сія̀ да сотворя́тъ ми бо́зи, и сѝ да прило­
жа́тъ ми, я́кѡ всі́й же ча́съ у́тро положю̀
дш҃у тогѡ̀, я́кѡже дш҃ю єди́нагѡ ѿси́хъ.
и убоя́вся илія̀ бѣжа̀ в̾ пусты́ню; увы̀
мнѣ̀, про̃ро́къ убоя́вся жены̀, и́же до́ждь
нося̀ на язы́цѣ вселе́ннѣй, и ѻ́гнь с̾ нб҃сѐ
с̾несѐ, и ме́ртвыя воск҃рсѝ; ѽ ѕло́е
ѻ́строе дія́воле ору́жіе. и самого̀ златоу́ста
євдоксі́я изгна̀, и во арме́ны заточѝ;
жены̀ ра́ди ада́мъ из̾рая̀ из̾гна́нъ бы́­
сть. жены̀ ра́ди дв҃дъ кро́ткій прель­
ще́нъ и іурі́ю уби́ти сотворѝ. жена́ми
дія́волъ прему́драго соло́мона въ преступле́­
ніе въве́рже; жена̀ безъсту́дна никого́
же стыди́тся, ни сщ҃е́нника чти́тъ,
ни чти́теля срамля́ется, ни про̃ро́ка бои́тъ­
ся; ѽ ѕло̀; всего̀ ѕлѣ́е ѕла́я жена̀.
а́ще є́сть убо́га, то̀ всѣ́хъ ѡсужа́етъ.
а́ще ли бога́тьство и́мать, то̀ всѣ́хъ
укоря́етъ; сугу́бо є́сть ѕло̀, и тя́­
жекъ живо́тъ; не укроти́мый ѕвѣ́рь.
{#л. хч҃}

а́зъ ви́дѣхъ а́спиды не укроти́мы укроти́­
вшася, и лво́ве и инорѡ́гове укроти́шася
и медвѣ́ди; а ѕла́я жена̀ николи́же укро­
ти́тся; лу́чши желѣ́зо вари́ти, не́же ли
ѕлу̀ жену̀ учи́ти. да вѣ́сте сія̀; я́кѡ
имѣ́яи жену̀ ѕлу̀, мзду̀ за грѣхѝ
своя̀ воспрія̀. жена́ бо ѕла̀ николи́же смири́­
тся, казни́ма бѣ́сится, кроти́ма возно́­
сится, и невѣ́сть ѡбы́чая любвѐ храни́ти.

Вто́йже де́нь сло́во ѡ покая́ніи.

Доне́лѣже живе́ши а́ще и согрѣша́еши,
в̾ послѣ́дніи де́нь на одрѣ̀ нане́мъ же
лежи́ши дш҃ю влекі́и хотя̀ изы́ти ѿ
житія̀ сегѡ̀, пока́йся. не ѡста́витъ бо
чл҃колю́біе бж҃іе; и не гл҃и ми ка́кѡ илѝ
ко́ею вино́ю, гно́я по́лнъ є́смь, и стру́пы
ѡбья́тъ, на послѣ́дніи де́нь ка́кѡ могу̀
исповѣ́датися; ѕѣлѡ̀ мо́жеши. молѝ
ѿ́ дому ми́лостыню сотвори́ти, и ѡста́ви
ни́щимъ. ты̀ она́мѡ и́деши, а до́мъ
тво́й здѣ̀ ѡста́нетъ. и не гл҃и ми ка́кѡ
спасу́ся, илѝ ка́кѡ ѡчи́щуся. єгда̀ бг҃ъ
дѣ́лаетъ, то̀ ты̀ извѣ́та не творѝ,
я́кѡ а́ще недости́глъ єсѝ речѐ сы́й жи́въ

ѡ дш҃и свое́й пещи́ся; понѐ на коне́цъ
житія̀ своегѡ̀ заповѣ́ждь свои́мъ сѝ пода́ти
убо́гим̃, и помо́щника тѝ сотвори́ти ми́ло­
стынями и приноше́ніи. на пишѝ в̾ завѣ́­
тѣ свое́мъ с̾ ча́ды свои́ми и сро́дники,
нбс̃наго влд̃ку прича́стника имѣ́нію твоему̀
бы́ти гл҃юща. убо́гія на кормѝ, и а́зъ
си́мъ съ пору́чникъ бу́ду, я́кѡ црс̃твія
нбс̃нагѡ нелише́нъ бу́деши. и па́ки, да
никто́ же лжю̀ мни́тъ, є́же по сме́рти
ми́лостыню твори́ти, но добро̀ и бл҃гоуго́­
днѡ и бл҃гопрія́тнѡ. є́сть же сѐ, а́ще
чл҃къ бл҃гочести́въ и ѡчища́яися бл҃ги́ми
дѣ́лы, и удаля́ся ѿ вся́кія не чисто­
ты̀, и́же къ концу̀ до ше́дъ, содерзнове́­
ніемъ рече́тъ ко влд̃цѣ, гото́во
срд̃це моѐ къ тебѣ̀ бж҃е. єму̀
же сла́ва, нн҃ѣ и прс̃нѡ
и во́ вѣки
вѣкѡ́мъ
;
{#л. хч҃а}

Мцс̃а тогѡ́же въ к҃а де́нь, па́мять ст҃а́гѡ
про̃ро́ка ієзекі́иля, бл҃гословѝ о́ч҃е.

Ієзекі́иль про̃ро́къ бѣ̀ ѿ сари́ра, ѿ жрє́цъ,
сн҃ъ вузі́евъ. мнѡ́го про̃ро́чествовавъ су́щым̃
въ жидо́в̾ствѣ. се́й про̃ро́къ чю̑до дадѐ
лю́дем̃, є́же внима́ти рѣцѣ̀ хова́р̾стѣ,
єгда̀ из̾ся́кнетъ, се́рпъ и́мать пріитѝ,
и запустѣ́ніе на кончи́ну землѝ. єгда́ же
наводни́тся, возвраще́ніе бу́детъ лю́дємъ
во ієрс̃ли́мъ. ту́ бо живя́ше ієзекі́иль, и
мно́зи унегѡ̀ собира́хуся. нѣ́когда же у́бѡ
мно́жеству лю́дємъ собра́вшимся к̾ нему̀,
и убоя́шася халдѣ́и жидѡ́въ, да не проти́­
вятся и́мъ, и на идо́ша наня̀ убіе́ніем̃. и со­
творѝ про̃ркъ раз̃дѣли́тися водѣ̀, да побѣ́гнут̃
на о́нъ по́лъ. и смѣ́вшіи ѿ вра́гъ гна́ти по
ни́хъ, потопле́на бы̑ша. се́й же про̃ркъ моли́­
твою пи́щю ѿ бг҃а по дадѐ лю́дємъ свои́мъ
дово́лну. я́кѡ мнѡ́гим̃ и уме́ршым̃, молѝ
бг҃а, и подадѐ и́мъ живо́тъ поги́бшим̃ лю́дєм̃ ѿ
язы́къ. пріи́де же к̾ воєво́дам̃ и зна́менія со­
творѝ съ нб҃съ, уста́ви проти́вныя, и устра­
шивъ я̀; и єгда̀ глаго́лаше ізра́ильте,
раз̾гласи́шася, поги̑бе наде́жда на́шя.
препрѣ́ же я̀ чюдесы̀ костє́й ме́ртвыхъ,

я́кѡ бу́детъ наде́жда іи҃лю. се́й въ плѣ́нѣ
сы́й, ска́зоваше лю́дємъ іи҃левѡм̃ быва́ющая
во ієрс̃ли́мѣ, и въ лю́дехъ. и та́кѡ восхи­
ще́нъ бы́сть ѿ та́мѡ, и до́йде во ієрс̃ли́мъ
в̾то́й ча́съ, и ѡблича́ше ѿступа́ющыя ѿ
бг҃а. се́й я́коже мѡѷсе́й ви́дѣ о́браз̃ цр҃ко́­
вный, и стѣ́ну широку̀, и врата̀ и́ми же
и́мать гдс̃ь вни́ти, и изы́ти; бу́дут̃ речѐ
врата̀ та̀ затворе́на, и к̾нему̀ упова́ютъ
вся̀ страны̀. се́й судѝ в̾ вавило́нѣ, колѣ́­
ну да́нову и га́дову, я́кѡ не чтя́ху гдс̃а,
и гоня́ху храня́щыя зако́нъ гдс̃нь. и сотво­
рѝ чю̑до вели́ко, я́кѡ ѕмі́еве уяда́ху
младе́нцы и́хъ, и ве́сь скѡ́тъ и́хъ, бесче́­
стія дѣ́ля и́хъ. и про́чеє я́кѡ и́хъ дѣ́ля,
не ѡбратя́тся лю́діе в̾ зе́млю свою̀, но
в̾ миді́и бу́дутъ до кончи́ны льстѝ и́хъ.
тѣ́мъ и убіе́нъ бы́сть ѿ старѣ́йшины ізра́­
ильтеска, супроти́вяшебося єму̀ во вся̀
днѝ живота̀ своегѡ̀. и погребо́ша єго̀ лю́діе
во́ гробѣ на селѣ̀ фу́рь, и́же бя̑ше арфа­
ра́ѯъ. бя̑ше же о́бразомъ до́лгъ главо́ю и
не покорли́въ, и луна́въ лице́мъ,
браду̀ раз̾соха́ту имѣ́я
и до́лгу.
{#л. хч҃в}

Вто́й же дн҃ь па́мять прпд̃бною оц҃у на́шею іѡ҃а́­
нна, и сѷмеѡ́на и́же х҃а ра́ди уро́диваго.

Сія̀ бы́ста ѿ́ града єде́са, въ црс̃тво іусти́­
на. и совѣща́стася и идо́ста во ієрс̃ли́мъ,
и поклони́стася чс̃тно́му дре́ву. и ѿто́лѣ
во своя́ си не воз̃врати́стася, но ше́дша на
іѡрда́нъ в̾ мнс̃ты́рь ст҃а́гѡ гера́сима, и бы́­
ста мни̑ха. и ѿ мнс̃тыря̀ ше́дша всели́ста­
ся в̾ пусты́ню, и пребы́ста лѣ́тъ м҃,
вся́ко поще́ніе показа́ста. Посе́мъ іѡ҃а́ннъ
въ пусты́ни ѡста̀, а сѷмеѡ́нъ возврати́­
ся во ст҃ы́й град̃, и поклони́ся ст҃ы́мъ мѣ́­
стомъ, и́де во єфе́съ, и преложи́ся во
уро́дъство, и мно́га чюдеса̀ сотворѝ во урод̃­
ствѣ. уме́ршу же єму̀ и несе́ну бы́вшу
на погребе́ніе, нѣ́кій жидови́нъ слы̑ша пѣ́­
нія а́гг҃льская мно́жайшая, и возрѣ́въ ви́­
дѣвъ то́чію два̀ нѣ́кая мо́щи єго̀ несу́ща,
и разумѣ̀ я́кѡ а́гг҃ла су̑ть пою́ща, и речѐ
бл҃же́нъ єсѝ уро́де я́кѡ не имѣ̀ человѣ́къ
провожа́ющых̃ тя, но а́гг҃лы в̾ пѣ́снех̃ пою́щая
тебѐ. Тогда́ же и по́другъ єго̀ іѡ҃а́ннъ
преста́вися. и посѣще́ніемъ нѣ́коихъ погре­
бе́нъ бы́сть в̾ то́йже пусты́ни
въ сла́ву бж҃ію;

Вто́йже дн҃ь сло́во ст҃а́гѡ аѳана́сія, я́кѡ
мно́зи пра́ведніи ѕло́ю сме́ртію умира́ютъ,
а грѣ́шніи пра́ведною.

Бя̑ше чернори́зецъ ѿхо́дникъ зна́меніи и
чюдесы̀ сія́я. и имѣ̀ учн҃ка̀ є́тера съ со­
бо́ю в̾ пусты́ни. въ єди́нъ же де́нь случи́ся
учн҃ку̀ єгѡ̀ во́ град̃ итѝ, в̾ не́мъ же бя̑ше
влады́ка сы́й ѕо́лъ, бг҃а не боя́шеся. єго́
же учн҃къ ста́рца ви́дѣ уме́рша, и
мнѡ́гъ наро́дъ поне́мъ иду́щь сосвѣща́ми и
съ ѳиміа́ном̃, и с̾ че́стію вели́кою провожда́ющь
до́ гроба. ѡбрати́вшужеся тому̀ в̾ пусты́ню,
и ѡбрѣ́те пра́вителя своего̀ чс̃тна́го ста́рца
ує́ною ѕвѣ́ремъ изъядена̀, и нача̀ жалѣ́­
ти и пла́кати по ста́рцѣ вельмѝ ѕѣлѡ̀,
и гл҃ати къ бг҃у. гдс̃и, ка́кѡ ѕлы́й ѻ́нъ
вла́стель сла́внѡ у́мре, а се́й ст҃ы́й дх҃о́­
вный ста́рецъ такову̀ прія́тъ сме́рть, ѕвѣ́­
ремъ изъяде́нъ бы́сть. и сѐ єму̀ пла́чющу­
ся и бесѣ́дующу к̾ себѣ̀, ѡбрѣ́теся унегѡ̀
а́гг҃лъ гдс̃нь, и речѐ єму̀, что̀ жалѣ́еши
по ста́рцѣ и пла́чеши по свое́мъ учт҃ли. ѻ́нъ
вла́стель ѕлы́й имя́ше дѣ́ло єди́но добро̀,
и зато̀ чс̃тнѡ погребе́ніе прія́тъ мзду̀свою̀
на землѝ, в̾ мѣ́стѡ того̀ добра̀ єди́наго.
{#л. хч҃г}

а та́мѡ и́детъ до конца̀ ѡсуже́нъ. а тво́й
прави́тель и учи́тель чс̃тны́й ста́рецъ во всем̃
угоди́лъ бг҃у, и все́ю добро́тою утворе́нъ
сы́й. имѣ́яше же и то́й я́кѡ чл҃къ ма́лу
хулу̀, и го́ркою тою̀ сме́ртію прости́ся
тогѡ̀ ху́лнаго дѣ́ла, и и́детъ ѿ житія̀ сегѡ̀
до конца̀ ве́сь ѡчи́стився. да сѐ вѣ́дуще бра́­
тіе, ѿ сегѡ̀ разумѣ́ем̃ и мы̀, я́кѡ ничто́ же
без̃ строе́нія бж҃ія и без̃ промышле́нія быва́етъ
на землѝ, но по все́й землѝ и на́ нб҃си судбы̀
бж҃ія и про́мыслы єгѡ̀ во всѣ́хъ дѣ́лєх̃ єгѡ̀.

Вто́йже де́нь сло́во ѿ ста́рчества.

Нѣ́коего ѿ ста́рецъ ѿведѐ а́гг҃лъ бж҃іи въ
мѣ́сто, и показа̀ єму̀ вели́каго арсе́­
нія ѕѣлѡ̀ въ сла́внѣ мѣ́стѣ. и бѣ̀ дш҃а
єгѡ̀ въ свѣ́тѣ не изрече́ннѣмъ и сла́­
вѣ. но́зѣ же єгѡ̀ утвержа́хуся видѣ́­
ніемъ на гни́лѣ дре́вѣ. того̀ у́бѡ ви́­
дѣвъ ста́рецъ вопроша́ше ст҃а́го, что̀ у́бѡ
є́сть сѐ но́гу без̾сла́віе. ѻ́нъ же речѐ къ
нему̀, а́зъ въ ми́рѣ бг҃у помога́ющу мѝ
всего̀ мир̾скаго премѣни́хъ ся жела́нія. по
ѡбы́чаю же ѡмыва́ти но́гу мое́ю не ѿсѣкох̃,
не брегі́и ѡ сем̃ я́кѡ ни что́ же су̑ще. и нн҃ѣ
сѐ є́сть правдосу́діе бж҃іе на мнѣ̀ соверши́ся,

и ѻба́че к̾ воз̃бране́нію єгѡ́ва ра́зума, ино́го сла́­
вна и вели́ка показа̀ єму̀. бя̑ше то́й на
ху́ждьшем̃ пе́рвагѡ мѣ́стѣ. ста́рецъ же вопро­
сѝ єго̀ гл҃я, ка́кѡ мы̀ твоѐ и́мя вели́кѡ
и́мамы, ты́ же на ху́ждьшем̃ мѣ́стѣ па́че
су́щых̃ с̾ тобо́ю пребыва́еши. и то́й речѐ кне­
му̀, да несѐ мни́ши я́кѡ ху́ждьше є́сть
на стоя́щеє мѣ́сто. но сицево̀ усмотри́лъ
є́сть бг҃ъ ви́дѣти тѝ, я́кѡ тщы́я и су́етъ­
ныя сла́вы мирскі́я ѿбѣ́гнеши. а́зъ бо мно́­
ги сла́вы ѿ чл҃къ в̾ ми́рѣ имѣ́хъ, но не ѿ
моея̀ сла́дости. и сего̀ ра́ди я́коже рече́ся,
за є́же избѣ́гнути тѝ чл҃ческія и су́етныя
сла́вы, бл҃говолѝ бг҃ъ таково́му якова́ же
ви́диши мя̀ яви́тися тебѣ̀, єльма̀ не
ху́ждьшіи є́смь ѿ и́хъ же ви́дѣлъ ѻ́нъ.
издѣ̀ у́бѡ таково́е видѣ́ніе. И па́ки в̾ нѣ́­
коемъ ста́рчествѣ пи́шетъ, я́кѡ ѿ крове́но
бы́сть иногда̀ нѣ́коему ѿ ѻц҃ъ пра́ведных̃
мѣ́сто. и ви́дѣ та́мѡ в̾ пресла́внѣ и чю́днѣ
мѣ́стѣ чл҃ка нѣ́коего, и гл҃а єму̀, что̀
бѣ̀ дѣя́ніе твоѐ в̾ ми́рѣ. ѻ́нъже кнему̀
речѐ, а́зъ на є́мникъ бѣ́хъ у ѕлодѣ́я чело­
вѣ́ка нѣ́коего. и сни́мъ претерпѣ́въ да́же
доконца̀, нижѐ м̾зды̀ ѿнегѡ̀ пріи́мъ,
{#л. хч҃д}

но па́че ѕло́е ми творя̀ не преста́яше. сконь­
ча́вшужемися принесо́ша мя на мѣ́сто сѐ.
И па́ки ви́дѣ друга́го на ѕѣлѡ̀ чю́днѣ и кра́­
снѣ мѣ́стѣ, и речѐ кнему̀, что̀ бѣ̀
дѣ́ланіе твоѐ въ ми́рѣ. ѻ́нъ же ѿвѣща̀
прокаже́нъ бѣ́хъ, и со бл҃годаре́ніемъ да́же
до конца̀ пріе́мляхъ болѣ́зни, и сконча́вся
принесо́ша сѣ́мѡ. и па́ки ви́дѣ ино́го и не
якову́ же пе́рвый имя́ше сла́ву, но ху́ждь­
шю. вопроша́ше же и того̀, ты̀ что̀ со­
твори́лъ єсѝ в̾ ми́рѣ. ѻ́нъ же речѐ, а́зъ
и́нокъ бѣ́хъ из̾нача́ла, и ѡ свое́мъ не лѣ­
ня́хся спасе́ніи. послѣди́ же рукоположе́ніем̃
єпкс̃пьства в̾руче́нъ бы́хъ, и ра́ди су́етныя
сла́вы мир̾скі́я, уме́ршу ми принесо́ша мя
въ сіѐ мѣ́сто. єльма̀ а́ще не прія́ти хо­
тѣ́хъ єпкс̃пьства, но пребы́лъ бы в̾ не́мъ
же бѣ́хъ, та́мѡ и а́зъ ѡбрѣсти́ся
хотя́хъ, идѣ́же прокаже́ный є́сть.
бг҃у на́шему сла́ва, нн҃ѣ и
при́снѡ и во́ вѣки
вѣкѡ́мъ
;

Мцс̃а тогѡ́же въ к҃в де́нь па́мять ст҃ы́я
мѷроно́сицы и равно апс̃лныя ма́ріи магдалы́­
ни, бл҃гословѝ ѻ́ч҃е.

Сія̀ ст҃а́я ма́рія, прише́дши послѣ́дова
хрс̃ту̀ бя́ше же ѿ магдалы́нскихъ гѡ́ръ
сѷрі́йских̃, стра́ждущи ѿ седмѝ бѣсѡ́въ.
и хрс̃то́вою бл҃года́тію свободи́ся ѿ ни́хъ, и
послѣ́довавши єму̀, бя̑ше служа́щи єму̀
да́же и до стрс̃ти єгѡ̀, и мѷроно́сица бы́въ­
ши. и пе́рвая воскс̃рніе ку́пнѡ съ друго́ю
мр҃і́ею бцд̃ею извѣстѝ, внегда̀ ве́черъ в̾ субо́ту
ви́дѣ а́гг҃ла. на у́трія же два̀ а́гг҃ла въ бѣ́­
лыхъ ри́захъ сѣдя́ща. и па́ки самого̀ гдс̃а,
єго́ же и вертогра́даря в̾мѣни́вши, слы̑ша
не прикаса́йся мнѣ̀. по бж҃е́ственѣмъ же и
ст҃ѣ́мъ сп҃совѣ вознесе́ніи, прише́дши въ
єфе́съ къ ст҃о́му іѡ҃а́нну бг҃осло́ву и апс̃лу,
и та́мѡ прпд̃бнѣ у́спе. и положена̀ бы́сть
ко в̾хо́ду верте́пному, идѣ́же ст҃і́и бл҃же́­
нніи се́дмь ѻ́троцы успо́ша. Пото́мъ же
прильвѣ̀ приснопомина́емѣмъ и бл҃же́ннѣмъ
цр̀ѣ, пренесено̀ бы́сть тѣ́ло єя̀ ст҃о́е, и
положено̀ бы́сть въ созда́ннѣи єгѡ̀ ѡби́тели
ст҃а́гѡ ла́заря, идѣ́же моле́бное собра́ніе єя̀
соверша́ется, въ марке́линѣ кѷрато́ріи.
{#л. хч҃е}

Вто́йже де́нь стрс̃ть ст҃а́гѡ сщ҃енно мч҃нка
фѡ́ки.

Ст҃ы́й сщ҃енномч҃нкъ фѡ́ка бѣ̀ при троа́­
нѣ царѣ̀, презви́теръ са́номъ, не поро́чен̃
житіе́мъ, и вся́кими добродѣ́тельми
сія́а. приведе́нъ же бы́сть ко аѳрика́ну
кня́зю, и вопроше́нъ бы́сть ѿ негѡ̀. ѻ́нъ
же не ѡбину́яся исповѣ́да хрс̃та̀, и уча́­
ше вѣ́ровати внего̀. Нача́ же аѳрика́нъ на
х҃а хулу̀ гл҃ати, и ст҃а́го ѡѕлобля́ти, тру́съ
бы́сть внеза́пу, и па́дъ кня̑зь с̾ во́ины и́же
с̾ни́мъ, и безду́шны лежа́ху. но того̀
самого̀ воск҃рсѝ ст҃ы́й, помоли́вшися женѣ̀
єгѡ̀. и приведе́нъ бы́сть къ троа́ну царю̀,
и проповѣ́да х҃а, повѣ́шенъ бы́сть и стро́­
ганъ. и поси́хъ пребыва́ше во исповѣ́даніи.
посем̃ въ и́звѣсть в̾ ве́ржен̃ бы́сть, и изы́де
ѿту́ду безвреда̀. та́же в̾ ба́ню ѕѣлѡ̀ раз̃­
жже́ну в̾саже́нъ бы́сть. и помоли́вся бг҃у,
и ре́къ ами́нь, и дх҃ъ бг҃ови предадѐ.

Вто́йже де́нь чю́до тогѡ́же ст҃а́гѡ фѡ́ки.

Повѣ́даше сѐ притіа́нъ, я́кѡ ѕинѡ́нъ крѣ́­
пкій я́тъ бы́сть ѿ срацы́нъ при масалмі́и,
и ѡко́ванъ и свя́занъ наза́дъ рука́ма,
и лежа́ше на землѝ. и помоли́ся же гл҃я,

ст҃ы́й мч҃нче фѡ́ко поми́луй мя̀ изба́ви ѿ
належа́щыя ну́жди и у́зъ, и в̾ печа́ли а́біе
усну. и ви́дѣ ст҃а́го фѡ́ку прикосну́вша­
ся, и ре́къ єму̀, проща́етъ тя іс҃ъ хс҃ъ.
а́біе же возбну́въ, и ѡбрѣ́теся разрѣше́нъ
ѿ у́зъ желѣ́зных̃, и изы́де невреже́нъ. и
прише́дъ въ до́мъ сво́й и бѣ̀ творя̀ па́мять
ст҃а́гѡ фѡ́ки. но и нн҃ѣ ст҃ы́й фѡ́ка да́ръ
и́мать ѿ бг҃а, заступа́ти вся̀ призыва́ю­
щыя єго̀ с̾ вѣ́рою в̾ напа́стѣхъ и бѣда́хъ,
на землѝ и на́ мори. прославля́етъ бо
хрс̃то́съ бг҃ъ на́шъ прославля́ющихъ єго̀.

Вто́йже де́нь стрс̃ть ст҃а́гѡ мч҃нка улія́на.

Въ црс̃тво діоклитіа́на нечести́вагѡ царя̀
бы́сть гоне́ніе на хрс̃тія́ны. и ну́дяще
вся́кѡ жре́ти и́долѡмъ. воєво́да же ма­
ркіа́нъ пріи́мъ вла́сть, и́де на восто́къ
во́ градъ ѳи́рмосъ. и повелѣ̀ всѣ́мъ
лю́дємъ куми́ры купи́ти и поставля́ти
въ домѣ́хъ. а другі́я на ни́вахъ ходя́ще
и стра́ждуще поклоня́хуся и́мъ. іуліанъ
же сы́й не послу́шаше воєво́ды. и повелѣ̀
воєво́да привестѝ єго̀, да по́жрет̃ богѡ́мъ.
и не покори́ся іуліанъ повелѣ́нію єгѡ̀,
{#л. хч҃ѕ}

и посла̀ воєво́да изби́ти мече́мъ я́же фыѡне́мъ.
іуліа́на же связа́вше приведо́ша пред̃негѡ̀ и
пону́женъ бы́сть пожре́ти куми́рѡмъ, и не
покори́ся. и повелѣ̀ би́ти и же́зліемъ. и
посе́мъ вери́ги на главу̀ єгѡ̀ возложи́ти. и
связа́вше съ за́ди ру́цѣ, и коло́ду тя́жку
на вы́ю єгѡ̀ возложи́ша, и сквозѣ̀ гра́дъ
водя́ху ѝ на устраше́ніе всѣ́мъ. ведо́мъ
же ст҃ы́й ми́мѡ пола́ту, в̾ не́й же сн҃ъ
кня̑жь уча́шеся удидаска́ла {*уучи́теля}, и ви́дѣ ст҃а́­
го ведо́ма, и речѐ, ви́жю чю́до ве́ліе, я́кѡ
ѡсу́женикъ се́й и́мать вѣне́цъ ѿ зла́та
устро́енъ, и четы́ре му́жи крила́ты ѡ́коло
єгѡ̀, и хощу̀ да с̾ни́мъ постражу̀. и сія̀
ре́къ, пове́рже себѐ и пости́же ст҃а́го. и по­
велѣ̀ кня̑зь ѻбою̀ во врещѝ в̾ темни́цу. и
ту̀ пріидо́ша кни́ма з҃ бра́тіи, со ієре́ом̃ анто́­
ніем̃, и крс̃тѝ в̾ темни́цѣ сн҃а кня́жа. и при­
ше́дши жена̀ кня́жа и научи́ся вѣ́ры хв҃ы,
и крс̃ти́ся в̾ темни́цѣ ѿ ієре́я, и всѝ изъ­
сѣ́чени бы̑ша мечѝ. понѣ́колицѣх̃же днє́хъ,
са́мъ кня̑зь в̾падѐ в̾ неду́гъ, и жи́въ червь­
мѝ изъяде́нъ бы́сть, и ѕлѣ̀ житія̀ своегѡ̀
го́нзну. ст҃ы́хъ же мо́щи собра́вше хрс̃тіа́не,
и въ нѣ́коемъ мѣ́стѣ погребо́ша та́йнѡ.

Вто́йже дн҃ь сло́во ѡ чернори́зцѣ ѿ патери­
ка̀ въ па́дшемъ въ любодѣя́ніе.

Ста́рецъ є́теръ въ ски́тѣ бѣ̀. и въ па­
дѐ въ неду́гъ вели́къ пріи́мшу слу́жбу
ѿ бра́тіи. и ви́дѣ ста́рецъ я́кѡ тружа́­
ютъся єгѡ̀ ра́ди бра́тія, и речѐ в̾ себѣ̀
да иду̀ во єгѵ́петъ, да не тружа́ются
бра́тія. и речѐ єму̀ а́вва мѡѷсе́й, не
ходѝ, в̾ па́сти и́маши въ любодѣя́ніе.
ѻ́нъже печа́ленъ бы́въ гл҃аше, у́мре ми
тѣ́ло, ѡ се́мъ ли гл҃еши. и не послу́ша
ста́рца и́де во єгипетъ. и слы́шавше чл҃цы
прихожа́ху к̾нему̀ мнѡ́зи. дѣ́ва же нѣ́кая
су́щи по вѣ́рѣ бж҃іи, пріи́де и та̀ послужи́­
ти ста́рцу. и полѣ́тѣ єди́номъ исцѣлѝ
ю̀ ста́рецъ, и падѐ с̾не́ю, и бы́сть не
пра́здна. проста́яже ча́дь гл҃аху є́й, ѿку́­
ду сѐ и́маши. она́ же речѐ, ѿ ста́рца. и не
имя́ху є́й вѣ́ры. ста́рецъ же гл҃аше,
а́зъ сотвори́хъ сѐ. но сохрани́те ѻтроча̀
ражда́ющееся. и бы́сть ѻтроча̀ роди́вшееся
ѿдоено̀. Понѣ́коем̃ же вре́мени пра́зднику
бы́вшу въ ски́тѣ, пріи́де ста́рецъ нося̀
ѻтроча̀ на ра́мѣ своем̃, и в̾ни́де въ цр҃ковь пред̃
всѣ́ми людмѝ. и ви́дѣвше ѝ вопла́кашася
{#л. хч҃з}

се́й же нося̀ гл҃аше бра́тіи, ви́дите ли
ѻтроча̀ сѐ, я́кѡ сы́нъ преслуша́нія є́сть.
храни́те у́бѡ себѐ бра́тіе, поне́же на
ста́рость сѐ сотвори́хъ, и моли́теся ѡ
мнѣ̀. ше́дъ же въ кѣ́лію, положѝ нача́­
токъ пе́рвагѡ своегѡ̀ дѣ́ла, покая́­
ніе. бг҃у на́шему сла́ва,
нн҃ѣ и при́снѡ
и во́ вѣки
вѣкѡ́­
мъ
;

Мцс̃а того́же въ к҃г дн҃ь. стра́сть ст҃ы́хъ
мч҃нкъ трѡфі́ма и ѳео́філа, и и́же
сни̑ми, бл҃гословѝ ѻ́ч҃е.

Ті́и бы́ша придіоклитіа́нѣ царѣ̀ безбо́­
жномъ мучи́тели. и зане́же неповину́­
вшеся во́ли єгѡ̀, не пожро́ша истука́­
ннымъ, и хрс̃та̀ ѿ врещи́ся не восхотѣ́ша,
повѣ́сивши пло́ть и́хъ строга́ху. и не
покори́вшеся повелѣ́нію царе́ву, ка́меніем̃ по­
бива́еми бя́ху. Посе́мъ го́лени и́хъ изби́­
вше, и во ѻ́гнь в̾верго́ша. и бг҃у по обы́­
чаю чюдодѣ́ющу без̾вреда̀ изыдо́ша ст҃і́и.
раз̃гнѣ́вавжеся мучи́тель дадѐ нани́хъ ѡсуже́­
ніе. и пое́мше и́хъ во́ини мече́мъ главы̀
и́хъ ѿсѣко́ша.

Вто́йже дн҃ь стрс̃ть ст҃а́гѡ
сщ҃е́нно мч҃нка аполина́рія єпс̃кпа ра́вен̾скаго.

Аполина́ріи во ст҃ы́хъ оц҃ъ на́шъ бы́сть
учн҃къ ст҃а́гѡ апс̃ла петра̀, и тѣ́мъ ѡ­
сщ҃енъ бы́сть на єпкс̃пство. и по́сланъ
бы́сть въ ра́веньскій гра́дъ проповѣ́дати
хрс̃та̀ сн҃а бж҃ія су̑ща. и прія́тъ бы́сть
нѣ́кимъ во́ином̃, єго́же слѣ̑па су̑ща моли́­
твою̀ позрѣ́ти сотворѝ, и пребы́сть унего̀
два̀ лѣ́та. во́инъже то́й воз̃вѣстѝ кня́ѕю
ѡ не́мъ я́кѡ жена̀ єгѡ̀ болна̀ бѣ̀ всѐ лѣ́то,
{#л. хч҃и}

и прише́дъ аполина́ріи з̾драву ю̀ сотворѝ.
кня́зь же сотворѝ єму̀ внѣ̀ гра́да цр҃ковь
ма́лу и служа́ше вне́й. и пребы́сть ту̀
два́надесять лѣ́тъ. и мно́ги научѝ вѣ́­
ровати во хрс̃та̀, и ст҃ѝ ѿ ни́хъ о́вы попы̀
а и́ны діа́коны. и увѣ́дѣвше ѡне́мъ
кумирослужи́тели я́ша ѝ, и пону́диша ѝ
пожре́ти и́долѡм̃. о́ному же не поко́ршуся,
біе́нъ бы́сть крѣ́пкѡ ѿ идолослужи́тєль.
и пове́ргъше ѝ за́ ноѕѣ у́жем̃ влеча́ху єго̀
и́з̾града є́ле жи̑ва су̑ща, и ѡста́вльше єго̀
ѿидо́ша. и ѿи́де бл҃же́нный въ нѣ́кое
село̀, и ту̀ на па́дше на́нь нечести́віи и
приведо́ша єго̀ пред̃ воєво́ду, и пону́женъ
бы́сть пожре́ти и́долѡмъ. ст҃ы́й же моли́­
твою и́долы сокрушѝ, и заточе́нъ бы́сть
в̾ нѣ́кій ѻ́стровъ. и та́мѡ та́коже пону́­
женъ бы́сть пожре́ти куми́рѡмъ, и
покори́ся, мно́ги му́ки претерпѣ́въ.
Посе́мъ заточи́ша ѝ надуна́й, и та́мѡ мно́­
га чюдеса̀ сотворѝ. и увѣ́давше ѡ не́мъ
идолослужи́тели, ну́дяще єго̀ старѣ́йши­
ною бы́ти кумирослужи́телєм̃. ст҃о́муже не
хотѣ́вшу, мно́го му́чиша єго̀, и прогна́ша
ѝ ѿ себѐ. и па́ки пріи́де в̾ ра́вен̾скій град̃,

и прія́тъ бы́сть учн҃кѝ свои́ми. и пребы́сть
два̀ лѣ́та, и мно́га чюдеса̀ сотворѝ. и
мнѡ́ги ра́ны на́ тѣлѣ свое́мъ понесѐ. во
глубо́цѣй ста́рости къ гдс̃у ѿи́де.

Вто́йже де́нь сло́во ѿ патерика̀.

Бѣ̀ нѣ́кто ста́рецъ о́бщему житію̀ оц҃ъ,
и прилучи́ся учн҃ку̀ єгѡ̀ стужи́вшу изы́­
ти из̾мнс̃тыря̀, и итѝ в̾ другі́и мнс̃ты́рь.
и ча́стѡ хѡжда́ше к̾нему̀ ста́рецъ, моля̀
ѝ, да возврати́тся. ѻ́нъ же не хотя́­
ше. и на трилѣ́та не почива́ше ходя̀
и моля̀, до́ндеже увѣща́ся бра́тъ и возъ­
врати́ся. и повелѣ̀ єму̀ єди́ному изы́ти
ста́рецъ и собра́ти тро́стіе. и сѐ єму̀
ист̾ку̀ сѝ о́ко. и сѐ увѣ́дѣвъ ста́рецъ, и
ѡскорбѣ̀ ѕѣлѡ̀, и нача́тъ утѣша́ти бра́­
та, и гл҃аше, не печа́луйся бра́те, а́зъ єсмѝ
ви́ненъ трудѡ́мъ твои́мъ, я́коже творя́хъ
ти. внегда́ же ѿхожда́ше, и прохожда́­
ше ко мнѣ̀, сѐ подъя́хъ. по вре́мени же
єди́нѣмъ ѡблегча̀ ѿ болѣ́зни стра́стныя,
и па́ки повелѣ̀ ста́рецъ изы́ти и лива́нъ
испусты́ни принести. се́ бо и́мут̃ дѣ́ло та́мѡ
су́щіи мни́си. дѣ́лавшу же єму̀, и поне­
и́стовству вра́жію, тресцѣ̀ воз̃лѣтѣ́вши,
{#л. хч҃ѳ}

погубѝ и друго́е о́ко. Пріи́де же а́біе въ
мнс̃ты́рь, и безмо́лвьствоваше въ кѣ́ліи
свое́й, ничто́ же к̾тому̀ творя̀. па́ки
оц҃ъ тужа́ше сѝ не имы́й никого́ же. по
ма́лѣ же вре́мени пріи́де єму̀ зва́ніе ѿ
бг҃а въ поко́й. нача́ша же ко́ждо гл҃ати,
почто́ ны ѡставля́еши о́ч҃е. ста́рецъ же
молча́ше, и призва́въ слѣпа́го мни̑ха, и
гл҃а єму̀ ѡ зва́ніи свое́мъ. ѻ́нъ же про­
слези́вся нача̀ гл҃ати, почто́ мя ѻ́ч҃е ѡ­
ставля́еши слѣ̑па. и гл҃а єму̀ ста́рецъ,
моли́ся бг҃у, да и́мамъ дерзнове́ніе къ
бг҃у, и упова́ю я́кѡ по мнѣ̀ в̾ нлд̃ю и́маши
сотвори́ти мл҃тву зря̀. и а́біе усо́пшу
ста́рцу, и пома́лѣхъ днє́хъ прозрѣ̀ слѣ­
пы́й, и бы́сть монасты́рю тому̀ оц҃ъ.
се́же нѣ́кто повѣ́да жи́въ сы́й єщѐ во
времена̀ ста́рца.

Вто́йже дн҃ь сло́во ѡ жена́хъ до́брыхъ ѡ
молчали́выхъ и ѡ кро́ткихъ.

Речѐ гдс̃ь къ є́взѣ, к̾ му́жеви твоему̀ воз̃вра­
ще́ніе твоѐ, и то́й тобо́ю да ѡблада́етъ.
єму́же ты̀ повини́ся в̾ молча́ніи. жена́ бо
своегѡ̀ му̑жа чс̃тна творя́щи. пе́рвое а́ще за́­
повѣдь бж҃ію сохранит̃, и блгс̃вена бу́детъ.

второ́е ѿ чл҃къ похвале́на є́сть. жена́ бо
добра̀ страдолюби́ва, и молчали́ва, вѣне́цъ
му́жеви своему̀ є́сть. ѡбрѣты́й жену̀
добру̀, изно́ситъ и́з̾дому своегѡ̀ бл҃га́я.
бл҃же́нъ є́сть таковы́я жены̀ му̑жь, и
лѣ́та своя̀ испо́лнитъ въ бла́зѣ ми́рѣ,
я́кѡ бл҃гу ча́сть ѿ́ бг҃а пріи́мъ жену̀ молча­
ли́ву. жены́ же въ цр҃кви да молча́тъ, не
вели́тъ бо и́мъ апс̃лъ въ цр҃кви гл҃ати, но
молча́ще моли́тися. А́ще ли чему̀ учи́ти­
ся хотя́тъ, в̾ домѣ́хъ мужє́й свои́хъ
да вопроша́ютъ. гну́сно бо є́сть жена́мъ
въ цр҃кви бесѣ́довати. сѐ слы́шавше жены̀,
на учи́теся молча́нію и кро́тости, и ѿ́ бг҃а
блгс̃вени бу́дете, и ѿ чл҃къ похва­
ле́ни. бг҃у на́шему сла́ва,
нн҃ѣ и при́снѡ и
во́ вѣки вѣкѡ́­
мъ
;
{#л. ѱ҃}

Мцс̃а тогѡ́же въ к҃д дн҃ь, па́мять ст҃ы́я
мч҃нцы христи́ны, бл҃гословѝ о́ч҃е.

Сія̀ бя̑ше ѿ ти́роньскагѡ гра́да, урва́на
нѣ́коегѡ стратила́та дщѝ. и́же на вы­
со́къ сто́лпъ сію̀ возведе, и своя̀ бо́ги
и́же ѿ зла́та, и ины́я ве́щи ско́ваныя
да́стъ є́й поклоня́тися, и та́мѡ то́й
пребыва́ти повелѣ̀. ст҃а́я же раз̃смотри́вши
я́кѡ сія̀ безду́шная и́же рука́ма сотворе́­
на не бѡ́зи су̑ть. в̾зира́ше же и око́нцем̃
на́ нб҃о, и ѿ сотворе́нія созда́теля позна́въ­
ши, сокрушѝ оц҃а̀ своегѡ̀ и́долы, и ни́щим̃
раздая̀. и сегѡ̀ ра́ди вся́кими му́ками
ѿотца̀ ѡблага́ется. Посе́мъ въве́ржена
въ темни́цу, и а́лчна пре бы́вши. пи́щю
же ѿ а́гг҃ла пріима́ше, и вре́ды я́звеныя
уврачева́я є́й. та́же в̾ мо́ре в̾ве́ржена, и
ѿ́ гдс̃а бжс̃твеное кр҃ще́ніе пріе́мши, и бж҃іимъ
а́гг҃ломъ на́ сухо из̾ведена̀ бы́вши. посе́мъ
уви́дѣна жива̀ су́щи, па́ки в̾ темни́цу
въсажена̀ бы́сть, отцу̀ є́й та́кѡ повелѣ́­
вшу, и́же в̾ту̀ но́щь и живота̀ лиши́ся.
діо́нъже нѣ́корый в̾мѣ́стѡ єго̀ пріи́мый
на истяза́ніе привед̃ ст҃у́ю непотре́бный. она́
же х҃а проповѣ́давши, вельмѝ дручена̀ бы́вши,

и пресла́вная соверши́вши чюдеса̀, и приведѐ
къ вѣ́рѣ мужє́й до трє́хъ ты́сящъ. поди­
о́нѣ же іулія́нъ нѣ́кто игѣ́монъство во­
спріа́тъ, и в̾ пе́щь о́гнену в̾ве́рже ст҃у́ю,
и сохране́на бы́вши невреди́ма. и осудѝ ю̀ въ­
вер́женѣ бы́ти є́й въ пресмыка́емая ядови́­
тая. к̾ си́м̾ же и ст҃ы́я сосьцы̀ єя̀ урѣ́за­
ти, из̾ ни́хъже в̾ кро́ви мѣ́стѡ млеко̀
истечѐ. та́же и язы́къ. коне́чное же ѿ
во́инъ по́ срд̃цу и по ре́брѣхъ су́лицами съ­
бодена̀, дх҃ъ бг҃у предадѐ. Соверша́етъ же
ся собѡ́ръ єя̀ во ст҃ѣ́мъ єя̀ муче́ніи, су́­
щемъ въ но́вѣй пола́тѣ, и въ вели́цѣй
нифі́и, и въ муче́ніи ст҃а́гѡ трѵ́фѡна,
бли́зъ ст҃ы́я ири́ны;

Вто́йже де́нь стрс̃ть ст҃у́ю мч҃ку вели́кую
чюдотво́рцу бори́са и глѣ́ба, нарече́нную во
ст҃о́мъ кр҃ще́ніи рома́на идв҃да.

Ст҃а́я и сла́вная мч҃нка хв҃а бори́съ и глѣ́бъ
бѣ́ста сн҃а влади́мира, крс̃ти́вшагѡ ру́сь­
скую зе́млю. мно́ги же сн҃ы имѣ̀ влади́­
миръ ѿ раз̃ли́чных̃ жє́нъ, число́мъ в҃і, и по­
сажа́я по властє́мъ. вышесла́ва в̾ новѣ̀
гра́дѣ. изясла́ва в̾ по́лоцку. святопо́лка
в̾ ту́ровѣ. яросла́ва, по сме́рти вышесла́ва
{#л. ѱа҃}

въ новѣ̀ гра́дѣ. бори́са в̾ росто́вѣ. глѣ́ба въ
в̾му́ромѣ. святосла́ва в̾ де́ревѣхъ. все́­
волода во влади́мирѣ. м̾стисла́ва в̾тмуто­
рока́ни. станисла́ва въ смоле́н̾скѣ. брячи­
сла́ва в̾ лу́цкѣ. судисла́ва во́ псковѣ. и
призва̀ влади́миръ бори́са къ кі́еву, бѣ́ бо
єму̀ милѣ́е всѣх̃ дѣте́й. пріи́де же вѣ́сть
я́кѡ печенѣ́зи и́дут̃ на ру́сь, и собра̀ вѡ́и
мно́ги, и посла̀ за дне́пръ бори́са, а са́мъ бо́лен̃
бѣ̀. тогда́ же и преста́вися. святопо́лкъ
же сѣ̑де въ кі́евѣ, на оч҃и престо́лѣ. и
испо́лнися срд̃це єгѡ̀ без̃зако́нія, и речѐ погу­
блю̀ бра́тію свою̀ всю̀, и бу́ду єдиновла́стецъ
в̾ русѝ. и ше́дъ но́щію к̾ вы́ше го́роду, со­
зва̀ к̾ себѣ̀ боля̑ре єгѡ̀, пу́тшу, и те́­
льца, єлови́ча, ля́шка, и речѐ и́мъ, ше́дше
убі́йте бра́та моегѡ̀ бори́са, и бу́дѣте
ми пра́вители. сі́и же ѡбѣща́шася єму̀.
бори́съ же не ѡбрѣ́те печенѣ́гъ, воз̃врати́­
вся ста̀ на а́лтѣ рѣцѣ̀, и ту̀ пришед̃ше по́­
сланніи убі́йцы с̾бодо́ша єго̀ ко́піи. и єщѐ
єму̀ ды́шущу, возло́жше на ко́ла и повезо́­
ша ѝ. и предадѐ дш҃ю свою̀ в̾ ру́цѣ бж҃іи. и
прія́тъ вѣне́цъ ѿ х҃а бг҃а, с̾ лиэки ст҃ых̃ мч҃нкъ
водворя́ася, и со а́гг҃лы пред̃стоя̀ ст҃ѣ́й тро̃цѣ.

тѣ́ло же єго̀ положи́ша въ вы̑ше гра́дѣ,
у ст҃а́гѡ васи́лія в̾ хра́мѣ. Посе́м̾же свято­
по́лкъ посла̀ с̾ ле́стію къ глѣ́бови глаго́ла,
пойдѝ въ бо́рзѣ с̾ ма́лою дружи́ною, ѻц҃ъ
тво́й боли́тъ. и сему̀ въ бо́рзѣ иду́­
щу. и бы́въ на во́лзѣ с̾паде́ся с̾ коня̀,
и над̃ломѝ сѝ ногу. и того̀ дѣ́льма въ сѣ̑де
в̾ наса́дъ, и поше́дъ ѿ смоле́нска, ста̀ на
смяды́нѣ, и ту̀ срѣто́ша ѝ по́сланніи на
убі́йство єгѡ̀ с̾ горясѣ́ромъ. и я́кѡ прибли́­
жишася, и я́ша наса́дъ єгѡ̀, и повелѣ̀ горя­
сѣ́ръ уби́ти глѣ́ба. и нача́ша скака́ти
въ наса́дъ єгѡ̀ со ору́жіемъ к̾нему̀. по́­
варъ же глѣ́бовъ, и́менем̃ торчи́нъ, в̾зе́мъ
но́жь закла̀ гдс̃на своего̀ ст҃а́го глѣ́ба.
и преста́вися ѿ житія̀ сегѡ̀ мцс̃а септе́врія
въ е҃ де́нь. тѣ́ло же ст҃а́гѡ поверго́ша на
смяды́нѣ между̀ двѣма̀ коло́дома. бг҃ъ
же показа̀ єго̀ сла́вна смоля́нѡмъ, я́кѡ
дре́вле іи҃льтянѡм̃ ко́сти іѡ́сифовы. и при­
ше́дше съ кресты̀ взя́ша є̀, и положи́шя
въ цр҃кви, до́ндеже побѣдѝ яросла́въ свято­
по́лка, и сѣ́де в̾ кі́евѣ, и прине́съ ст҃а́го глѣ́­
ба, положѝ у ст҃а́гѡ бори́са въ вы̑ше гра́дѣ.
и дадѐ и́ма гдс̃ь бг҃ъ чюдотво́рныя да́ры,
{#л. ѱв҃}

болѣ́зни исцѣля́ти, слѣпы́я просвѣща́­
ти, хромы́я воз̃ставля́ти, бѣ́сы изго­
ни́ти, в̾ темни́цахъ ѿ у́зъ избавля́­
ти, и кн҃зє́мъ ру́с̾скимъ, а свои́мъ
сро́дникомъ помога́ти на пога́ныя. єю́же
моли́твами и мы̀ смире́ніи с̾подоби́мъ ся
получи́ти бж҃ію млс̃ть здѣ̀ нн҃ѣ, и
въ де́нь су́дный.

Вто́йже дн҃ь сло́во ѡ млс̃тыни, я́кѡ тою̀
всея̀ напа́сти из̾бу́демъ, и црс̃тво нбс̃ное
получи́мъ.

Бѣ̀ нѣ́кто хрс̃толю́бецъ во алеѯандрі́и сла́­
венъ чино́вникъ вели́кагѡ скорні́я воєво́­
ды, боя́ся бг҃а, и млс̃тыню вели́ку тво­
ря́ше. бя́ше бо ѻбы́чаи єму̀ подава́­
ти єди́ною на мцс̃ъ ми́лостыни уро́къ,
и бл҃гослове́ніе ѿ́ дому своегѡ̀ ста́рцєм̃ и ни́щым̃.
и та́кѡ творя̑ше по вся̀ мцс̃ы. сего́ же
дія́волъ хрс̃толю́бца не терпя̀ млс̃тыни, по­
зави́дѣ єму̀, и в̾зустѝ на́нь ѕломы́сле­
ники, и ше́дше ѡклевета́ша ѝ къ ско­
рні́ю воєво́дѣ, и раз̃гра́биша вся̀ имѣ́нія
єгѡ̀, и жены̀ и дѣте́й єгѡ̀ имѣ́ніе
те́стне. и пора́довася дія́волъ ѡ се́мъ,
да бы̀ єму̀ нѣ́чимъ млс̃тыни твори́ти.

но хрс̃толю́бецъ то́й не преста́я млс̃тыню
творя̀ во убо́жествѣ бу́дя. пи́сано бо
є́сть и зача́шю студе́ныя воды̀ м̾зду̀
прія́ти. и я́кѡ пріи́де мцс̃ъ, по ѡбы́чаю
пріидо́ша ни́щіи взя́ти ѡбы́чную млс̃тыню
и блгс̃ве́ніе ѿ дому̀ єгѡ̀. хрс̃толю́бецъ же
с̾потща́ніем̃ и ра́достною дш҃е́ю дадѐ и́мъ что̀
имѣ́яше. дія́волъ же ви́дѣвъ прилѣ́­
жную єгѡ̀ млс̃тыню къ бг҃ови, не терпя̀
исчезѐ, и я́кѡ тма̀ прогнана̀ бы́сть свѣ́­
томъ. Сотвори́ же си́це и во вторы́й мцс̃ъ
ѻбы́чную ми́лостыню. и я́коже бы́сть тре́тій
мцс̃ъ, и рѣ́ша рабу̀ хрс̃толю́бца и́же бѣ̀
нато̀ устро́енъ дая́ти ни́щимъ млс̃тыню,
рцы̀ гдс̃ну да ны̀ да́стъ млс̃тыню я́коже
єму̀ ѡбы́чаи. ра́бъ же речѐ гдс̃ну своему̀,
что̀ сі́и прихо́дятъ и взима́ютъ ма́лое
сіѐ є́же и́маши. и ѿвѣща̀ гдс̃нъ єгѡ̀
гл҃я, а́ще бо си̑це нетворя́щимъ на́мъ
пріи́детъ гнѣ́въ бж҃іи на ны̀, а́ще возъ­
брани́мъ и́мъ что̀ сотвори́мъ, не да́ли
поги́бнем̃. но доне́лѣ же и́мамы и єди́ну
ца́ту, раздѣли́мъ и ту̀ сни́ми. бг҃ъ же
ви́дѣвъ млс̃тивное єгѡ̀ срд̃це, не презрѣ̀сво­
его̀ раба̀, но вложѝ єму̀ мы́сль бл҃гу в̾ срд̃це,
{#л. ѱг҃}

речѐ, ѡклевета́нъ є́смь, и сѐ иду̀ и
припаду̀ въ де́нь недѣ́лный къ воєво́дѣ,
да мя̀ поми́луетъ. и в̾ сѣ́дъ на ко́нь
ѣ́ха к̾ воєво́дѣ, и припадѐ на лицѐ пред̃
воєво́дою гл҃я, молю́тися поми́луй мя̀
лю́бо въ живо́тъ лю́бо въ сме́рть. а́зъ
є́смь ѻ́нъ си́цевый ра́бъ тво́й, молю́тися
ѡклевета́нъ є́смь, испыта́й ѡ клевета́­
вшихъ и менѐ. и а́ще ѡбря́щеши мя̀ по­
ви́нна, то̀ по вели́ мя на у́ды раздроби́­
ти, илѝ стре́мъ гла́въ повѣ́сити. илѝ
а́ще ѡ клевета́нъ є́смь, поми́луй мя бг҃а
ра́ди. и испыта̀ воєво́да скорні́й я́кѡ ѡ­
клевета́нъ бы́сть, и повелѣ̀ єму̀ воз̃врати́­
ти в̾ спя́ть. ѡклевета́вшіи же єго̀ въ
вели́къ гнѣ́въ впадо́ша; се́же всѐ бы́сть
ми́лости єгѡ̀ ра́ди. и мы̀ у́бѡ случа́ю­
щыяся на́мъ напа́сти, терпи́мъ и не
почі́емъ моля́щеся бг҃у, и дѣ́ла
на́ша исправля́юще, ѡжида́ю­
ще ѿнегѡ̀ бога́­
тыя ми́ло­
сти
;

Вто́йже де́нь поуче́ніе ст҃а́гѡ апс̃тла па́вла
ѡ любвѝ и ѡ смире́ніи.

Молю̀ у́бѡ вы̀ бра́тіе, бу́дите соверши́тели
за́повѣди гдс̃ни. люби́те дру́гъ дру̑га.
и ѿложи́вше лжю̀, гл҃ите и́стину ко́ждо
ко и́скренему своему̀, поне́же у́дове
єсмы̀ себѣ̀ мы̀ єдиновѣ́рніи. да не за́йдет̃
со́лнце въ гнѣ́вѣ ва́шемъ, ни дади́те
в̾ себѣ̀ мѣ́ста дія́волу, путі́є бо творя́­
щихъ ѕло́бу въ срд̃цы ва́шем̃, дале́че су̑ть
ѿ́ бг҃а. и поткну́выйся вни́хъ у́мретъ,
поне́же не положѝ бг҃а помо́щника себѣ̀.
тѣ́мъ во вся́кой ѻби́дѣ не бу́ди помина́я
ѕла̀ на бли́жняго своего̀, и тогда̀ моля́щути­
ся грѣсѝ твоѝ ѿпу́стит̃ гдс̃ь; не ло́жъ бо
є́сть рекі́й, а́ще принесе́ши да́ръ тво́й ко
олтаре́ви, и ту̀ помяне́ши я́кѡ бра́тъ
тво́й и́мать нѣ́что натя̀, ѡста́ви ту̀
прино́съ сво́й, и шед̃ смири́ся сни́мъ пре́же
и пото́мъ принесѝ да́ръ тво́й, и бу́деши
сн҃ъ свѣ́та и прича́стникъ црс̃твія нбс̃нагѡ.
Бл҃же́ни бо речѐ ходя́щіи в̾ за́повѣдех̃ гдс̃них̃,
и творя́щіи во́лю єгѡ̀ во́ вѣки возра́дуютъ­
ся во бл҃ги́хъ. єму́ же сла́ва, нн҃ѣ и при́­
снѡ и во́ вѣки вѣкѡ́мъ;
{#л. ѱд҃}

Мцс̃а тогѡ́ же въ к҃е дн҃ь, успе́ніе ст҃ы́я
а́нны, мт҃ре прест҃ы́я бцд̃ы, блгс̃вѝ ѻ́ч҃е.

Сія̀ бя̑ше ба́ба гдс̃а на́шегѡ іс҃а х҃а є́же по́ пло­
ти. бя̑ше же ѿ колѣ́на леві́ина, дщѝ
матфа́на ієре́я, и ма́ріи жены̀ єгѡ̀. бя́ше
бо матфа́нъ ст҃льствуя въ црс̃тво клеопа́­
трово, и сопо́ра царя̀ пе́р̾скагѡ, пре́же
ца́рьствія и́родова, сн҃а антіпа́трова. Се́й
у́бѡ матфа́нъ имѣ́яше трѝ дще́ри, ма́рію
со́фію, а́нну. заче́нши же пе́рвая в̾ виѳлеє́­
мѣ, и родѝ єлисаве́ть. заче́нши же
втора́я, и родѝ саломі́ю. заче́нши же тре́­
тія въ землѝ галилѣ́йстѣи, и родѝ бцд̃у
мр҃і́ю. дще́ри бы́вше тріе́хъ сестре́ницъ.
Сія̀ у́бѡ ст҃а́я а́нна по є́же родити спасе́ніе
всегѡ̀ ми́ра, и по ѿдое́ніи въ цр҃кви сію̀ во­
зложи́вши, я́кѡ непоро́чный да́ръ вседержи́­
телю, посты̀ и молба́ми, и тре́бующым̃ бл҃го­
го́бзія въ про́чее вре́мя соверши́вши, и
с̾ми́ром̃ к̾ гдс̃у ѿи́де. соверша́ет̾жеся собѡ́ръ
єя̀ в̾ деѵ̾те́ріи.

Вто́йже дн҃ь па́мять
прпд̃бныя и бл҃же́нныя олѷмпіа́ды.

Сія̀ бя̑ше в̾ црс̃тво вели́кагѡ ѳеодѡ́сія,
оц҃а ано́ріа и арка́діа цр҃е́ма. дщѝ бы́въ­
ши секу́нта {*д} нѣ́коегѡ ѿ коми́тъ.

ро́да же єѵ̾ла́вія єпа́рха. невѣ́ста же бы́въ­
ши єѵ̾ре́дія є́же ѿ єпа́рхъ. жена́ же ни­
чія̀. єще́ же дв҃цѣ є́й су́щи, хотя́ще­
му бо ту́ю на́ бракъ поя́ти, ѿ землены́хъ
ѿше́дшу. сія́ же дв҃ца су́щи и вдови́­
ца пребыва́ше. соверши́вши же всѐ житіѐ
своѐ посты̀ и моли́твами. и тре́бующымъ
всѐ бога́тьство своѐ въ бл҃гоутро́біе исто­
щи́вши, и во учреже́ніе архієре́ѡмъ хрс̃то́­
вымъ. и бл҃же́ннаго іѡ҃а́нна златоу́стаго
приве́дши почтѐ, и к̾ коне́чнѣи бесѣ́дѣ
украси́вши себѐ. и́стины ра́ди прогна́ніе
непра́ведное прія́тъ, идѣ́же и житію̀
коне́цъ воспріе́мши.

Вто́йже дн҃ь па́мять прпд̃бныя єѵ̾праѯі́и.

Сія̀ бя̑ше дщѝ антиго́на нѣ́коегѡ синкли́­
тика, иєѵ̾праѯі́и мт҃ре, приѳеодѡ́сіи
цр҃ѣ, єму́ же и сро́дница ѡбрѣта́шеся.
антиго́ну же уме́ршу, мт҃и єя̀ єѵ̾праѯі́я
цр҃ю̀ ѳео́дѡсію сію̀ пред̃ста́ви є́же промы́­
слити ѡ не́й я́кѡ ѡб̾сиротѣ́вши. цр҃ьже
синькли́тику нѣ́коему сію̀ ѡбручѝ. дви́­
гшѣжеся съ мт҃рію, и до идо́стѣ в̾ фи́вы
єгѵ́петскія. и въ ше́дши въ нѣ́который
мнс̃тырь, идѣ́же бя̑ше жє́нъ число́мъ р҃д,
{#л. ѱе҃}

равно а́гг҃льное житіѐ живу́ще, и поревнова̀
добродѣ́тели и́хъ, и к̾тому̀ ѿ оби́тели не
хотя̑ше ѿступи́ти. бя́ше же тогда̀ лѣ́­
томъ двуна́десятимъ. ма́ти же єя̀ ѿ­
ту́дѣ дви́гшися, прише́дши с̾ квозѣ̀
восто́чныя ѻби́тели, мно́гая бл҃гопода́нія
тре́бующимъ пода́вши. посе́мъ разболѣ́въ­
шися возврати́вся во оби́тель, и всѐ стя­
жа́ніе своѐ бога́тьство дще́ри ѡста́вльши,
почѝ ѡ́гдс̃ѣ. дщи́ же єя̀ єѵ̾праѯі́я вся̀
ни́щымъ разда́вши, и бжс̃твеным̃ цр҃квамъ.
и по́стническое и болѣ́зненое и многотру́дное
житіѐ воспріе́мши. толи́ко же къ добродѣ́­
телємъ себѐ приве́дши, и ну́жды тѣле́­
сныя покори́вши я́кѡ четы́редесять пя́ть
дні́й и но́щій не пре́клоннѡ стоя́ти,
ру́цѣ къ бг҃у просте́рты иму́щи. и
премно́гія добродѣ́тели ра́ди, да́ры
чюдодѣ́йствію воспріе́мши. и
мно́гія разли́чныя болѣ́зни погна́вши,
къ гдс̃у ѿ­
и́де
;

Вто́йже дн҃ь сло́во ѡ дія́конѣ в̾ па́дшемъ
влюбодѣя́ніе, и па́ки въ сво́й са́нъ прише́дъ­
шѣмъ покая́ніемъ.

Дія́конъ є́теръ наро́читъ, и всѣ́мъ сла́­
венъ бѣ̀ в̾ мнс̃тырѝ во єгѵ́птѣ. и нѣ́кто
про́стъ лю́динъ гони́мь ѿќнязя, пріи́де
всѣ́мъ до́мом̃ свои́мъ в̾ мнс̃ты́рь кры́я­
ся и ѿ непрія́зненыя си́лы паде́ся съ
жено́ю єго̀ дія́конъ. и ѡбличе́нъ же бы́въ
ѡ грѣсѣ̀ єго́ же сотворѝ, и бы́сть всѣ́мъ
в̾ сту́дъ, и и́де къ є́теру ста́рцу возлю́бле­
нному ѿнегѡ̀, и исповѣ́да єму̀ сво́й
грѣ́хъ. имя́ше же ста́рецъ темни́цу внѣ̀
кѣ́ліи своея̀, и моля́ше гл҃я, погреби́ мя
здѣ̀ жи́ва, и невозвѣстѝ ѡ мнѣ̀ нико­
му́же. и влѣ́зши въ темни́цу ту̀ ка́я­
шеся. и полѣ́тѣ єди́ном̃ не бы́сть дождя̀
ѿню́дъ. и всѣ́мъ бг҃у моля́щимся и со крс̃ты̀
ходя́щимъ, явѝ бг҃ъ є́теру ѿ ст҃ы́хъ,
я́кѡ а́ще не пріи́детъ сокрове́нный дія́конъ
мни́хом̃, не бу́дет̃ ва́мъ дождя̀ на зе́млю.
и слы́шавше диви́шася и просла́виша бг҃а.
и прише́дше изведо́ша єго̀ измѣ́ста идѣ́­
же сѣдя́ше. и тогда̀ взе́мши ѻ́нъ
са́нъ сво́й помоли́ся бг҃у, и сни́де до́ждь.
{#л. ѱѕ҃}

и та́кѡ мно́зи соблазни́вшіися, и ѿча́явшіи­
ся грѣ́хъ ра́ди, по́льзу прія́ша ѡ покая́­
ніи єгѡ̀, и просла́виша бг҃а.

Вто́йже дн҃ь сло́во ст҃а́гѡ єфре́ма ѡ без̃стра́шіи.

Неимѣ́яи стра́ха бж҃ія в̾ себѣ̀, пови́ненъ
є́сть таковы́й дія́волимъ начина́ніемъ.
не имѣ́яи стра́ха бж҃ія в̾ себѣ̀, пови́ненъ
є́сть таковы́й вѣ́чному ѻгню̀. глу́митъ­
ся, не бои́тся, спи́тъ бесчисла̀ ѿ уны́­
нія, ѡ дѣ́лѣхъ свои́хъ не ради́тъ, в̾мѣ­
сти́лище похотє́мъ быва́етъ. всѐ кра́­
сное жите́йское мни́тся вне́мъ, небоитъ бо
ся прише́ствія гдс̃ня. сицевы́й кра́ситъ
стрс̃ть, поко́ю ра́дуется. ѡѕлобле́нія бѣ́­
гаетъ. смире́ніе ме́рзитъ єму̀. горды́­
ню лю́битъ. про́чеє же пріи́детъ гдс̃ь єго́
же ѡбря́щетъ во всѣ́хъ не гото́ва я́же
су̑ть уго́дная єму̀, расте́шетъ ѝ по́лма
и по́шлетъ во тму̀ кромѣ́шнюю; и кто̀
у́бѡ не ѡка́етъ такова́го. на́съ же
да сохрани́тъ гдс̃ь ѿ си́цевагѡ
ѕла̀, и напра́витъ
на спасе́ный
пу̑ть
;

Вто́йже де́нь па́мять прпд̃бнагѡ оц҃а̀ на́ше­
гѡ мака́рія желтово́дскагѡ и у́нежскагѡ
но́вагѡ чюдотво́рца.

Се́й у́бѡ прпд̃бный ѻц҃ъ на́шъ мака́ріи,
роди́ся в̾ни́жнѣм̃ новѣ̀ гра́дѣ, ѿ бл҃гоче­
сти́ву роди́телю и бл҃говѣ́рну, оц҃а̀ и́ме­
немъ ива́нна, и ма́тере ма́ріи. бы́сть
же отроча̀ сѐ ѿ сосцу̀ ма́тере своея̀ уди­
вле́нію досто́йнѡ. єгда̀ у́бѡ быва́ющу
къ цр҃кви клепа́нію бж҃е́ственагѡ пѣ́нія,
дѣ́тищъ ѕѣлѡ̀ с̾ пла́чемъ крича́ше. оц҃ъ
же єгѡ̀ и ма́ти, сегѡ̀ не разумѣ́ваху,
но то́кмѡ ѡ не́мъ тужа́ху. бы́вшу же нѣ́­
коему пра́зднику, и роди́телем̃ єгѡ̀ иду́­
щымъ въ цр҃ковь моли́тися, а о́ному же по
ѻбы́чаю пла́чющу. несо́ста же и ѻтроча̀ съ
собо́ю въ цр҃квь. о́нъ же утѣ́шися, и
ѕѣлѡ̀ нача́тъ весели́тися. и тогда̀ роди́те­
ля ст҃а́гѡ разумѣ́ша вину̀ пла́ча, и крича́­
нія єгѡ̀. и во́ время цр҃ко́внагѡ клепа́нія,
посыла́ху єго̀ с̾ рабы̀ свои́ми въ цр҃ковь, и
тогда̀ ра́дости наполня́шеся. и по́ времени
вда́ста єго̀ роди́теля внауче́ніе кни́гамъ,
и въ ско́рѣ научи́ся. и бы́сть храни́тель
за́повѣдемъ хрс̃то́вымъ. и всѣ́мъ чл҃кѡмъ
{#л. ѱз҃}

бы́сть люби́мъ смире́нія єгѡ̀ ра́ди, и
про́чихъ добродѣ́телей. любя́ше же ѕѣлѡ̀
и́ноческій чи́нъ. ѻбы́чаи же имѣ́я ча́сто
ходи́ти въ пече́рскій монасты́рь, и сомно́­
гими бесѣ́доваше ѡ спасе́ніи дш҃е́внѣмъ.
по вре́мени же ѡста́ви роди́теля своя̀, ѿ­
и́де въ пред̃рече́нный монасты́ръ, и умолѝ
па́стыря оби́тели тоя̀, архи́марита и́ме­
немъ діѡни́сія. и ѡблече́ся во и́ноческій
о́бразъ, и мака́ріи нарече́ся. и вовсе́мъ
єму̀ повину́яся. и до́брѣ подвиза́яся,
я́кѡ и всѣ́хъ и́же въ монастырѣ̀ бра́тію
превзы́де добродѣ́тельми. оц҃ъ же єгѡ̀
и ма́ти ѕѣлѡ̀ ѡне́мъ скорбя́ста, и по­
всю́ду иска́ста, и ника́ко же не ѡбрѣто́­
ста. и по тре́хъ лѣ́тѣхъ проувѣ́де ѡне́мъ
оц҃ъ єгѡ̀ ѿ нѣ́коегѡ мни́ха оби́тели пече́ръ­
скія, я́кѡ ту̀ є́сть и́ночествуетъ, и
до́брѣ подвиза́ется, ско́рѡ течѐ во оби́­
тель, и мно́го молѝ є́же яви́тися єму̀.
и не увѣща̀, то́кмѡ десну́ю ру́ку єгѡ̀
цѣлова̀ во око́нцѣ пода́въ, лица́ же сво­
егѡ̀ не явѝ. и не хотя́ше сла́вимъ бы́ти
ѿ чл҃къ, ѿи́де ѿту́ду, и пріи́де на рѣку̀
гл҃емую лу́хъ, и созда̀ себѣ̀ хи́зину,

и нача̀ ту̀ без̃мо́лствовати. и мно́зи нача́­
шя кнему̀ приходи́ти, ѻ́нъ же всѣ́хъ
с̾ра́достію пріима́ше. и поста́ви на то́мъ
мѣ́стѣ цр҃квь, во́ имя гдс̃а бг҃а и сп҃са
на́шегѡ іс҃а хрс̃та̀, ст҃а́гѡ єгѡ̀ бг҃оявле́­
нія. и устро́й монасты́рь, и собра̀
бра́тію, поста́ви и́мъ па́стыря. са́мъ
же ѿи́де во вну́тренюю пусты́ню, на
же́лтыя воды, в̾ скра́й во́лги рѣкѝ. и
та́мѡ созда̀ цр҃ковь во́ имя живонача́ль­
ныя тро̃цы, и мно́жество бра́тіи собра̀.
и та́кѡ сни́ми подвиза́ся, и мно́зи
труды̀ полага́ше, и всѝ и́же сни́мъ влю­
бвѝ пре быва́ху. Нѣ́когда же у́бѡ ино­
вѣ́рніи ра́тію прише́дше на ни́жіи но́въ
гра́дъ, и на предѣ́лы єгѡ̀, тогда̀ нападо́­
ша и на ѻби́тель прпд̃бнагѡ, и бра́тію
у́бѡ посѣко́ша мечѝ. ѻби́тель же ѻгне́мъ
пожго́шя, прпд̃бнаго же въ плѣ́нъ я́ша,
и приведо́ша єго̀ къ воєво́дѣ своему̀.
Воево́да же ви́дѣвъ прпд̃бнаго, и устыдѣ́­
ся му́жа добродѣ́тели, занѐ слы́шалъ
бѣ̀ ѡне́мъ, я́кѡ ст҃ъ житіе́мъ. и
къ приве́дшимъ єго̀ со́ гнѣвомъ речѐ,
почто̀ у́бѡ му́жа сего̀ ѡскорби́сте.
{#л. ѱи҃}

и въ дадѐ свобо́ду прпд̃бному, и съ су́щими
с̾ни́мъ плѣне́ными хрс̃тія́ны. И посе́мъ
прпд̃бный пріи́де с̾ наро́дѡмъ ѿ плѣне́нія,
ко́ гра́ду гл҃емому у́ньжѣ, и та́мѡ в̾сели́­
ся въ скра́й є́зе́ра, бли́зъ рѣкѝ у́ньжи.
и поста́ви кре́стъ, и воз̃градѝ себѣ̀ кѣ́лію,
и ту̀ подвиза́ся рабо́тая бг҃у до ста́рости.
єгда́ же пріи́де вре́мя ѿ ше́ствія ст҃а́гѡ
ко́ гдс̃у, ѡбрѣ́тшуся прпд̃бному во́ градѣ
у́ньжѣ, и ту̀ ст҃ы́й преста́вися ко́
гдс̃у. и проводи́вше тѣ́ло ст҃а́гѡ в̾пусты́­
ню, идѣ́же живя́ше, и та́мѡ по­
гребо́шя є̀ че́стнѡ. бг҃у на́ше­
му сла́ва, нн҃ѣ
и при́снѡ и
во́ вѣки вѣкѡ́­
мъ
;

Мцс̃а того́ же в̾ к҃ѕ дн҃ь, ст҃а́гѡ сщ҃енномч҃нка
єрмола́я и и́же сни́мъ, бл҃гословѝ о́ч҃е.

Ст҃ы́й єрмола́и и и́же сни́мъ му́чившіися
сщ҃енномч҃нцы, єрмі́ппъ же и єрмокра́тъ,
бы́ста ѿ при́чта никомиді́йскія ст҃ы́я
цр҃кве, изъ ѡста́вшіи ѿ сож̾же́ныхъ
ст҃ы́хъ, и́же въ цр҃кви ѿ маѯимія́на му­
чи́теля, и кры́яхуся в̾ нѣ́кое мѣ́стѣ.
єгда́ же я́тъ бы́въ ст҃ы́й пантеле́имѡнъ
ѡба́женъ нѣ́кіимъ хрс̃тіа́ниномъ вопроша́ю­
щу же маѯимія́ну ѡ єрмола́и, ст҃ы́й же
не могі́й солга́ти, сказа̀ ѡ ста́рцѣ. а́біеже
по́слани бы́ша слугѝ ѿ маѯимія́на, и при­
ведо́ша ст҃а́го єрмола́я, и и́же с̾ ни́мъ су́­
щихъ. и вопроше́ни бы́вше ст҃і́и, съ де­
рзнове́ніемъ исповѣ́даша хрс̃та̀ бг҃а и́стинна
су̑ща. скве́рнымъ же и́долѡмъ и чту́­
щимъ я̀ поруга́шася. и тогда̀ мече́мъ
главы̀ и́хъ ѿсѣко́шя.

Вто́йже дн҃ь ст҃ы́я прпд̃бномч҃нцы хрс̃то́вы
параскові́и.

Сія̀ бя̑ше в̾ ца́рство анто́нія ѿ предѣ́лъ ве́­
тхагѡ ри̑ма. хрс̃тія́ну роди́телю, дщѝ
єдиноро́дна. упраздня́шежеся в̾ сщ҃е́нных̃
писа́ніях̃. роди́телема же єя̀ сконча́вшимася,
{#л. ѱѳ҃}

сія̀ раз̃да́вши имѣ́ніе ни́щим̃, и мни́шескій
ѻ́бразъ пріе́мши, изы́де апс̃льски проповѣ́­
дающи гдс̃а, и мно́ги к̾ бг҃оразу́мію ѡбра́щъ­
ши. и ѡбо́лгана бы́сть ѿ іюде́й к̾ царю̀.
и́же престо́лу своему̀ пред̃ста́вивъ ю̀, внегда̀
нижѐ ласка́ньми нижѐ прещеньми ѿврещи́ся
х҃а восхотѣ̀, шле́мъ раждеже́нъ на главу̀ при­
е́млет̃. и в̾коно́бъ мѣ́дян̃ єле́я и пе́кла испо́­
лненъ, ѕѣлѡ̀ вря́щь в̾мѣта́ется. и пре­
сла́внѣ ѿси́хъ избы́вши, и чюдодѣ́йствовав̃­
ши, царя̀ анто́нія со и́же ѡ не́мъ к̾ хвс̃ѣ
призыва́етъ вѣ́рѣ. и ѿту́ду ѿпущена̀,
изы́де па́ки во и́ны гра́ды проповѣ́дующи х҃а.
и вше́дши в̾ нѣ́кій град̃, вне́м̾ же ца́рьствова
асклипі́й нѣ́кто, преста̀ престо́лу єгѡ̀. и́же
ви́дѣвъ не прело́жное ума̀ єя̀, посла̀ ю̀ в̾нѣ̀
гра́да къ ѡбита́ющему въ пеще́рѣ ѕѣлѡ̀
стра́шну ѕмі́ю, во є́же расте́рзанѣ бы́ти
ѿнегѡ̀. Сія́ же того̀ зна́меніем̃ крс̃тнымъ
распасти́ся на́ двое сотво́рши. ца́рь же и
су́щіи сни́мъ вѣ́роваша х҃у. и па́ки ѿпуще­
на̀ ст҃а́я, похожда́ше вся́къ град̃ и страну̀
проповѣ́дающи бл҃гочс̃тіе. И в̾ше́дши в̾ град̃
в̾ не́м̾ же црс̃твова и́нъ ца́рь и́мянем̃ тара́сіи,
предста̀ и о́ного суди́щу и х҃а в̾спроповѣ́да,

ѻ́нъ же мно́гими и лю́тыми му́ками
истяза́въ ту̀, занѐ неможа́ше ю̀ увѣща̀­
ти, є́же хрс̃та̀ ѿврещи́ся, мече́мъ чс̃тну́ю
єя̀ ѿя́тъ главу̀.

Вто́йже дн҃ь сло́во
ст҃а́гѡ іѡа́нна дама́скина ѡ усо́пшых̃.

Є́же у́бѡ рещѝ, я́кѡ ты̀ воз̃да́си кому́ждо
по дѣ́лом̃ єгѡ̀, и по́жнет̃ вся́къ кто̀ є́же
всѣ́я, и я́же си́мъ послѣ́дующая; ѡпри­
ше́ствіи зижди́телевѣ вся́кѡ и є́же
тогда̀ стра́шнагѡ ѿвѣ́та рече́на бы́шя,
и ми́ра сегѡ̀ ѡ сконча́ніи. тогда̀ у́бѡ
ѿню́дъ по́мощи не бу́детъ вре́мя, но вся́­
ка молба̀ бездѣ́лна. торжеству́ бо раз̾сы́па­
вшуся, нѣ́сть ку́пли купова́нія. гдѣ́
бо ни́щіи тогда̀. гдѣ̀ слу́жбы. гдѣ̀
пѣ́нія. гдѣ̀ бл҃готворе́нія; тѣ́мъ пре́­
же часа̀ о́ногѡ дру́гъ дру́гу помо́жемъ.
нѣ́сть бо не пра́веденъ бг҃ъ забы́ти дѣ́ла
по бж҃ественному апс̃лу. аѳана́сій же ве­
ли́кій є́же ѡ усо́пшыхъ, въ бл҃госочета́­
ннѣмъ єгѡ̀ сло́вѣ, си́це речѐ. я́кѡ а́ще
и на возду́хъ и́же въ бл҃гоче́стіи сконча́­
выйся положе́нь бу́детъ, не ѿрица́йся
хрс̃та̀ бг҃а призва́въ, ма́сло и свѣщу̀ на́
гробѣ за пали́ти; прія́тна бо сія̀ бг҃ови,
{#л. ѱі҃}

и мнѡ́го ѿнегѡ̀ принося́ща воздая́нія.
ма́сло бо и свѣща̀, всѐ сож̾же́ніе и бескро́вная
же́ртва ѡчище́нія. к̾ни́щым̃ же бл҃готворе́ніе
приложеніе быва́етъ вся́когѡ бл҃га́гѡ воздая́­
нія. сѐ у́бѡ смотрѝ вся́къ кто̀ и́мъ рече́­
ннымъ не вѣ́руяи, я́кѡ ко́йждо ѿ чл҃къ
и́же добродѣ́тели ква́съ стяжа́въ, не до­
спѣ́въ же то́й хлѣ́бъ сотвори́ти, но восхо­
тѣ́въ у́бѡ, не воз̃мо́гъ же сѐ, илѝ лѣ́ности
ра́ди, илѝ не радѣ́нія, илѝ не му́жества
ра́ди, и є́же на де́нь ѿ днѝ ѿлага́нія, пости́­
женъ же и пожа́тъ бы́въ па́че наде́жди, се́й
не забве́нъ бу́детъ ѿ пра́веднаго судіѝ; но
воз̃дви́гнет̃ по сме́рти своя̀ єму̀, и тѣ́хъ
совѣ́ты напра́витъ, и срд̃ца̀ привлече́тъ, и
дш҃я прекло́нитъ, и ми́лованію и по́мощи
єгѡ̀ потща́тся подви́гшіися. тѣ́мъ же
и прикосну́вшуся влд̃цѣ срд̃цамъ и́хъ, и­
спо́лнятъ уме́ршагѡ лише́нія. Житіе́ же
всѐ лука́во имѣ́яи, и раз̃мѣше́но те́рніемъ,
и по́лно су́що ти́ны нече́стія, и́же никогда́
же въ со́вѣсть пріи́де, но бе́зъстраха и без̃
зазо́ра въ стра́стныхъ лежа́вый въ смра́­
дѣхъ, дѣ́я вся̀ плотьска́я жела́нія, и ни
ка́ко же ѿню́дъ ѡ дш҃ѝ попече́ніе имѣ́яй,

имѣ́яже мудрова́ніе плотьско́е всѐ; и та́кѡ
пости́женъ бы́въ изы́детъ ѿ житія̀, тому̀
ѿню́дъ никто́ же пода́етъ ру́ку; но си́це
вся̀ я́же ѡне́мъ содѣ́ются, я́кѡ нижѐ ѿ
супру́жницы, илѝ ча́дъ, илѝ бра́тіи, илѝ
сро́дникъ, илѝ другѡ́въ по́мощь ѡбрѣстѝ
с̾про́ста, я́кѡ нижѐ и́мать єго̀ бг҃ъ в̾ число̀,
до́брѣйше и бг҃оуго́днѡ. и ѡвсем̃ бл҃гопрія́тнѡ,
є́же вся́кому чл҃ку бл҃гочести́ву и хрс̃толюби́ву,
ѡчища́ти себѐ бл҃годѣя́ніем̃ вся́цѣмъ, ѡгреба́ю­
щуся ѿвся́кія не чистоты̀. держа́щужеся
бж҃іихъ свѣ́тлых̃ повелѣ́ніи, я́кѡ да к̾ концу̀
приспѣ́въ, содерзнове́ніемъ рече́тъ ко влд̃цѣ,
гото́во срд̃це моѐ бж҃е, гото́во срд̃це моѐ. и
та́кѡ сла́дцѣ усря́щетъ гряду́щыя кнему̀
а́гг҃лы; но сѐ у́бѡ ма́ліи ма́лижды по влд̃чне­
му гла́су, я́кѡ ма́лѡ є́сть речѐ спаса́ющихся.
Та́же и сѐ не про́стѡ речѐ, и́же всѣ̑хъ прему́­
дрость, но я́коже кто̀ рече́тъ чюдя́щися, я́кѡ
ма́ли спаса́еми. сѐ про́чеє свѣ́дуще, я́кѡ тру́­
днѡ є́сть ѕѣлѡ̀ ѡбрѣсти́ся кому̀ пе́рвыя ча́­
сти, пону́жди приведе́мъ втору́ю, апс̃льским̃
же и дѣ́лным̃ послѣ́дующе рече́ніемъ. а́ще ли
кто̀ глаго́летъ ѡ стра́нныхъ и ни́щихъ,
и́же ѡни́хъ подвиза́ющихся не и́мутъ,
{#л. ѱа҃і}

нижѐ слу́жбы, илѝ раздая́нія ѡдѣле́ніе
ѡста́вити могу́щих̃. что̀ у́бѡ речѐ сі́й. єда̀
у́бѡ за є́же не имѣ́ти и́мъ, и стра́нномъ
бы́ти и ненамѣне́ном̃, и съ трудя́щихся не
имѣ́ти, погрѣша́ти спасе́нія; не пра́веденъ
ли у́бѡ бг҃ъ, я́кѡ да иму́щему да́стъ,
не иму́щему же ничто́же пода́стъ. ѿве́рзи
сѐ вся́къ кто̀ ѿ себѐ, и́бо пра́веденъ бг҃ъ.
илѝ па́че и́стиннѣе рещѝ, то́й є́сть пра́вда
и прему́дрость и бл҃гость, и си́ла всесоста́­
вная. я́кѡ у́бѡ пра́веденъ, возмѣ́ритъ
не имѣ́нному бога́тая. я́коже прему́дръ
лише́ніем̃ замѣне́ніе съ дѣ́ловаетъ. я́кѡ си́­
ленъ крѣ́пкое прело́митъ, и не́мощное укрѣ­
пи́тъ. я́кѡ бл҃гъ свои́хъ ру́къ спасе́тъ соз̃да́­
ніе. а́ще не кто̀ є́сть ѿ проявле́ннѣ зазо́­
рныхъ, и ѿ пра́выя вѣ́ры ѿве́рженыхъ,
єму́ же лѣ́вая страна̀ на мно́зѣ претя́­
гнетъ. гл҃ютъ бо просвѣ́щъшіися ѿ́ бг҃а
му́жіе, я́коже в̾ мѣ́рилѣ на послѣ́днѣмъ
издыха́ніи человѣ́ческая дѣя́нія искуша́­
ются. и а́ще у́бѡ десна́я страна̀, ѿ
другі́я превзя́та бу́детъ. я́вѣ я́кѡ
десны́мъ а́гг҃лѡмъ умира́яи ѿхо́дитъ
а́ще ли же ра́внѣ су̑ть о́бѣ странѣ̀,

побѣжда́етъ вся́кѡ чл҃колю́біе бж҃іе. но я́кѡ
же гл҃ютъ бг҃оглаго́ливі́и, а́ще и ма́лѡ мѣ́ри­
ло лѣ́вое преклони́тся, и тогда̀ бж҃ія ми́­
лость на полня́етъ всѐ.

Вто́йже де́нь поуче́ніе ѿ при́тчей ѡ ка́знехъ
ча̑дъ.

Ка́зни сн҃а своего̀ ѿю́ности єгѡ̀, и поко́­
итъ тя̀ на ста́рость твою̀, и да́стъ тѝ
красоту̀ дш҃ѝ твое́й. и не ѡслабля́й бія̀
младе́нца. а́ще бо жеѕло́мъ біе́ши єго̀,
то̀ не у́мретъ, но здра́вѣе бу́детъ.
ты̀ бо бія̀ єго̀ по тѣ́лу, а дш҃ю єгѡ̀ из̾­
бавля́еши ѿ сме́рти. дще́рь ли и́маши,
положѝ наню̀ гро́зу свою̀, и ублюде́ши ю̀
въ тѣле́сных̃, да непосрами́ши лица̀ своего̀.
А́ще бо ѿда́си дще́рь беспоро́ка, то̀ а́ки
вели́ко дѣ̑ло соверши́лъ бу́деши, и посредѝ
собѡ́ра по хва́лишися, и при кончи́нѣ не посто́­
неши наню̀. любя́ же сн҃а своего̀, уча́щай єму̀
ра́ны, да послѣдѝ ѡ не́мъ возвесели́шися.
накажѝ єго̀ ѿ ю́ности, и пора́дуешися ѡне́мъ
в̾ му́жествѣ, и посредѝ зна́емых̃ похва́лиши­
ся ѡне́мъ, и за́висть пріи́мет̃ вра́гъ тво́й.
воспита́й дѣ́тище въ наказа́ніи съ преще́­
ніемъ, и ѡбря́щеши поко́й и бл҃гослове́ніе.
{#л. ѱв҃і}

не смѣ́йся игры̀ творя̀ кнему̀, в̾ ма́лѣ
бо ся ѡсла́биши, а ѡ вели́цѣ поболи́ши
скорбя̀, и послѣдѝ я́кѡ ѡско́мины дш҃и
твое́й сотвори́ши. не да́ждь єму̀ вла́сти
въ ю́ности єгѡ̀, но сокруша́й єму̀ ре́бра
доне́лѣ же расте́тъ, єда̀ когда̀ ѡ жесто­
ча́въ не повине́тъ тися, и бу́детъ тѝ
ѿнегѡ̀ досажде́ніе ѕло̀ и болѣ́знь дш҃и.
тщета̀ до́му, и погиэбель имѣ́нію, и
укори́зна ѿ сосѣ́дъ, и посмѣ́хъ предъ
врагѝ, и пред̃ вла́стели тя̑жа, и паде́жь
и доса́да ѕла̀. И па́ки, вся̀ прежерече́­
нная ѡ не́мъ сотворѝ, да во́ вѣки
возра́дуешися. бг҃у на́шему
сла́ва, нн҃ѣ и при́­
снѡ и во́ вѣ­
ки вѣкѡ́­
мъ
;

Мцс̃а тогѡ́ же в̾ к҃з дн҃ь, ст҃а́гѡ великомч҃нка
и цѣле́бника пантеле́ймона, блгс̃вѝ о́ч҃е.

Се́й бя̑ше при маѯиміа́нѣ царѣ̀, ѿѓрада ни­
комиді́йскагѡ. оц҃а у́бѡ єѵ̾сто́ргія нѣ́ко­
єгѡ є́ллина, послѣди́ же хрс̃тія́нина бы́вша
сн҃о́внимъ наказа́ніем̃, ѿ прароди́телєй х҃а
чту́ща. науче́нъ у́бѡ бы́сть врачевско́­
му худо́жеству ѿєѵ̾фроси́на, мт҃ре же
єѵ̾ву́лы, и сла́ву превели́кую иму́ща.
у́же имя́ше я́кѡ доше́лъ бѣ̀ конца̀ хи́­
трости. а я́же по хрс̃тѣ̀ враче́бнѣй хи́­
троти и вѣ́рѣ, ѿ єрмола́я презви́тера
научи́ся. є́ю же ѻ́трочища нѣ́коего ѕми­
е́ю уя́звлена ме́ртва лежа́ща припутѝ
воскр҃сѝ, призва́въ хрс̃та̀. кр҃ще́нъ у́бѡ
бы́сть єрмола́емъ презви́теромъ, и при­
веде́нъ к̾ хрс̃то́вѣ вѣ́рѣ. о́бразъ же муче́­
нія єгѡ̀ си́це бѣ̀. слѣпе́цъ у́бѡ нѣ́кто при­
ше́дъ к̾нему̀ и получѝ исцѣле́ніе ѿнегѡ̀.
вопрошен̃ же бы́сть слѣпе́цъ ѿ царя̀, кто̀
єму̀ исцѣле́нія бя̑ше вино́вен̃. о́нъ же речѐ,
пантеле́ѡнъ, се́бо єму̀ пре́жднее и́мя, при­
зва́въ х҃а, во́нь же и себѐ речѐ вѣ́ровати. но
о́нъ у́бѡ а́біе в̾ главу̀ усѣ́чен̃ бы́сть. пон̾теле́­
ѡнъ же приведе́нъ бы́сть к̾ царю̀, и вопрошен̃,
{#л. ѱг҃і}

и нижѐ ѡбѣща́ніи нижѐ преще́ньми ѿ я́же
въ хрс̃та̀ вѣ́ры подви́гся, біе́нъ бы́сть
лю́тѣ, и свѣща́ми жго́мъ. яви́в̾жеся
єму̀ гдс̃ь, въ ѻ́бразѣ єрмола́я презви́те­
ра, дерза́ти повелѣ̀. и во вря́щемъ о́ло­
вѣ, идѣ́же ст҃ы́й въ ве́рженъ бы́сть,
и въ мо́ри, в̾не́же въве́ржеся, мня́шеся
с̾низ̾ходи́ти с̾ни́мъ. пребы́въ же ѿ
всѣ́хъ не вреди́мъ, и ѕвѣ́рємъ предае́тся,
ѿ ни́хъ же не прикоснове́нъ сохране́нъ. при­
вя́занъ же бы́сть к̾ колесѝ нагвожде́ну ножь­
мѝ, и низ̾пуще́ну с̾ высоты̀ ни́цъ. та́же
пріе́мъ ме́чную ка́знь, моля́шеся, и гла́съ
с̾ высоты̀ принесе́ся єму̀. соверше́ннѣ же
мл҃твѣ, и в̾ мѣ́стѡ пантеле́ѡна нари́чющи
пантеле́ймѡна. и внегда̀ хотя̑ше в̾ вы́ю
усѣ́ченъ бы́ти, просте́ршу спекула́тарю
ру́ку, прегну́ся желѣ́зо и иста́я я́кѡ
во́скъ. ѡ се́м̾ же чюдесѝ вѣ́роваша вѡ́ини
въ х҃а. тогда̀ ст҃ы́й мч҃нкъ, во́лею вы́ю
протя́гъ, и усѣ́ченъ бы́сть въ главу̀.
гл҃етъ жеся я́кѡ въ мѣ́стѡ кро́ве млеко̀
истечѐ. и дре́во ма́слинно на не́мже привя́зан̃
бы́сть, внеза́пу плод̃ израстѝ. чс̃тны́я же
мо́щи єгѡ̀ вѣ́рніи в̾зе́мше погребо́ша чс̃тнѡ,

творя́ще пресла́вная чюдеса̀ и досего̀ днѐ,
въ славу хрс̃ту̀ бг҃у и въ по́льзу вѣ́рным̃.
соверша́ет̾жеся собѡ́ръ єгѡ̀ въ наро́читѣй
єгѡ̀ це́ркви. єго́же мл҃твами хрс̃тѐ бж҃е
поми́луй и спасѝ на́съ;

Вто́й же дн҃ь прпд̃бныя ма́тере на́шея ан̾ѳѵ́сы
игу́меніи и девяти́десяти се́стръ єя̀.

Та̀ бѣ̀ приконстянти́нѣ гноете́зномъ,
дщѝ нѣ́коего страти́га, и ма́тере ѳе­
ѵ̾ро́ніи. ѡста́вльши же ми́ръ, и добро­
дѣ́телнымъ раче́ніемъ въ гора́хъ и въ
пеще́рахъ пребыва́ше. мни́ху же нѣ́­
коему презвѵ́теру су́щу, в̾манті́евы
страны̀ проходя́щу, в̾того̀ подо́біе
бл҃же́нная устро́ивши себѐ. тольми́ же
на добродѣ́тель превзы́де, я́кѡ в̾ пе́щь
горя́щю въве́ржена, ника́коже вреже́нѣ
бы́ти. Посе́мъ постри́же ю̀ во ст҃ы́й о́браз̃,
и въ о́стровъ є́зера ведена̀ бы́вши и съ
девятію́десять сє́стръ учинена̀ бы́вши
в̾ни́хъ старѣ́йшиною. нѣ́когда же пришед̃­
ши къ ст҃о́му сисѷні́ю, цр҃квь прест҃ы́я
бцд̃ы воздви́гнути моля́щися, є́же и
бы́сть. и мно́гихъ чюдє́съ сподо́бися,
{#л. ѱд҃і}

и приведена̀ бы́сть ко гноете́зному царю̀,
и пону́жена бы́сть ѿврещи́ся поклоне́нія
ст҃ы́хъ икѡ́нъ, и непокори́ся, біе́на бы́сть
жи́лами. и ст҃ы́я ико́ны раз̃горѣ́вшыяся
на главу̀ прія́тъ. пото́мъ заточена̀ бы́сть
въ малеѡ́нъ о́стровъ, и та́мѡ в̾ глубо́цѣи
ста́рости к̾ гдс̃у ѿи́де.

Вто́йже дн҃ь сло́во
ст҃а́гѡ васи́лія ѡ пія́ньствѣ.

Бѣжи́мъ бра́тіе пія́ньства о́бщагѡ блуда̀
без̃сту́дству отца̀, и́же на вся́къ бесчи́­
нный ви́дъ приво́дит̃. не у́бѡ быва́етъ
что̀ бл҃го пія́ньством̃ ѡскверня́емѣ дш҃и.
пія́ньство самово́лный бѣ́съ, ѿ сла́сти
въ дш҃яхъ ража́ет̾ся. пія́ньство ѕло́бѣ
ма́ти, а добродѣ́тели супротивле́ніе. крѣ́­
пкаго, страшли́ва пока́жет̃. цѣлому́дренаго,
блудника̀. пра́вды невѣ́сть, смы́слъ ѿ­
є́млет̃. я́коже вода̀ супроти́вна є́сть ѻгню̀,
та́кѡ и без̃мѣ́рное питіѐ смы́слъ погаша́етъ.
бѣся́щагося всѝ ка́ютъ, а упива́ющемуся
всѝ смѣю́тся, и то́же стра́жет̃. но ниоми́­
лованія досто́инъ є́сть пія́ница. стѣ́нь
преска́чютъ мно́гажды, упива́ющійся я́кѡ
де́брь, я́кѡ пото́ки, и шу́мъ же
тѣ́мъ и кло́котъ я́кѡ мо́рю мяту́щуся.

и наполня́етъ землѝ теку́щи с̾ гора́ми
круго́мъ. влага́етъ у́бѡ сіѐ в̾ болѣ́зни тя́­
жки. глава́ же не могу́щи пра́вѡ пребыва́ти
вра́мѣ, но сѣ́мѡ и ѡва́мѡ прекланя́ется.
сно́ве тя́жцы и злѝ быва́ютъ, главу̀ ѡ­
тягча́ютъ учи́телем̃ же ѿ всю́ду к̾на́мъ вопи­
ю́щым̃ и гл҃ющым̃, не упива́йтеся вино́мъ,
в̾не́м̾же нѣ́сть сп҃се́нія. доко́лѣ пи́вомъ
в̾ па́даеши въ бѣду̀. не и́стина бѣ̀ пред̃
чл҃ки, не до́бръ позо́ръ хрс̃тіа́нъскима
ѡчи́ма зря̑щь. му̑жь а́ще ю́нъ бы́въ
версто́ю и красу́яися тѣ́ломъ, и въ во́инь­
скихъ са́нѣхъ лѣпу́яся, напа́сть ѿтогѡ̀
пріе́млетъ, не могі́й упра́витися ни сво­
и́ма нога́ма пра́вѡ ходи́ти. му́жь а́ще
и стра́шенъ бы́въ ра́тным̃, смѣ́хъ быва́етъ
нато́ржищи дѣ́тємъ, занѐ хме́лемъ
без̾желѣ́за вреже́нъ, безра́тныхъ убіе́нъ
бы́въ. му̑жь а́ще и са́мыя версты̀ нося̀
цвѣ́тъ, корчма̀ бы́сть єму̀ разруше́ніе,
и гото́въ пострада́ти ѿ вра́гъ єли́ко же хо́­
щетъ. пія́ньство є́сть па́губа єму̀,
и смы́слу єгѡ̀ и крѣ́пости тля̀, житію̀
пору́ха, и вѣ́чная сме́рть. ѿ сего́ же
на́съ да изба́витъ бг҃ъ.
{#л. ѱе҃і}

Вто́йже де́нь сло́во ст҃а́гѡ ни́ла ѡ ѻсми́хъ
по́мыслѣхъ.

Потщи́ся ча́до, да бу́деши всегда̀ про́стъ
и без̃зло́бивъ. и неимѣ́й ина́я въ срд̃цы
свое́мъ, а ина́я воустѣ́хъ, се́бо лука́вь­
ство є́сть и ле́сть. бу́ди и́стиненъ, а не
ло́жь; зане́же лжа̀ ѿ лука́вагѡ є́сть.
не возда́йже николи́же ѕла̀ за ѕло̀; но
а́ще ти кто̀ ѕло̀ сотвори́тъ колѝ, простѝ
єго̀, да и тебѐ прости́тъ бг҃ъ. а́ще тя
бо́ретъ ѕломнѣ́ніе, моли́ся ѿ всея̀ дш҃и
ѡ бра́тѣ о́номъ, и ѿбѣ́гнетъ ѕлопомнѣ́­
ніе ѿ тебѐ. зрѝ, да непріи́меши стра́хъ
за́висти, да тя̀ не по́жрет̃ дія́волъ жи̑ва.
но па́че исповѣ́дуй ве́щи, и моли́ся бг҃ови,
да тя̀ изба́витъ ѿ таковы́я бѣды̀. а́ще
ви́диши кого̀ согрѣша́юща, да не рече́ши
нижѐ ѡсу́диши єго̀, нижѐ возненавиди́­
ши єго̀, да не в̾паде́ши и ты̀ в̾то́йже
грѣ́хъ. па́чеже гл҃и, я́кѡ ху́ждьшіи є́смь.
и я́кѡ дне́сь о́нъ, и у́трѣ а́зъ. вѣ́ждь
я́кѡ боя́тся бѣ́сове и́ноческагѡ поста̀, бдѣ́­
нія, воз̃держа́нія, смире́нія мл҃твы, слє́зъ,
и про́чих̃ добродѣ́телей. а́ще хо́щеши да́ти да́­
руетъ бг҃ъ сле́зы и умиле́ніе и без̃стра́стіе,

воспомина́й сме́рть всегда̀, и гро́бъ сво́й,
и пріи́деши в̾ сія̀. а́ще ѿ дія́вола прель­
ще́нъ бу́деши и в̾ падеэши въ ма́лѡ, илѝ
вели́кѡ согрѣше́ніе, не пріидѝ во ѿча́яніе,
да непоги́бнеши; но притецы̀ ко исповѣ́да­
нію и покая́нію, и положѝ па́ки нача́ло, и
бг҃ъ прости́тъ тѝ, и не ѿврати́тся ѿ
тебѐ. воздержа́ніе язы́ка є́сть; є́же не
ѿвѣща́вати, є́же не скверносло́вити, є́же
не укаря́ти, є́же не ѡсужда́ти, є́же не
проклина́ти, є́же не лга́ти, є́же не ѡклеве­
това́ти, є́же не ѡболгова́ти кого̀, нижѐ
ѡхужда́ти. воздержа́ніе о́чію є́сть,
є́же не взира́ти без̃сту́днѣ на чюже́е лицѐ,
нижѐ сматря́ти лицѐ краснѡ̀ и бл҃гоѡбра́­
знѡ. воздержа́ніє по́мысла є́сть, єгда̀
пріи́детъ ѕлы́й без̃сту́дный по́мыслъ, не
сприста́неши, нижѐ бесѣ́дуеши єму̀,
нижѐ сложи́шися сни́мъ, нижѐ пріи́меши
єго̀; но па́че ѡ печа́лися и ѿ врати́ся
єго̀. бі́й лицѐ своѐ и пе́рси, и съ возды­
ха́ніем̃ и слеза́ми возопѝ ко влд̃цѣ х҃у, и гл҃и,
поми́луй мя гдс̃и, и неда́ждь поги́бнути мѝ.
поми́луй мя гдс̃и я́кѡ не́мощен̃ є́смь. посра­
мѝ гдс̃и мо́й, борю́щаго мя бѣ́са упова́нія.
{#л. ѱѕ҃і}

ѡсѣнѝ над̃ главо́ю мое́ю свое́ю бл҃года́тію,
въ де́нь бра́ни бѣсо́вскія. борю́щаго мя
врага̀ поборѝ гдс̃и. ѡбурева́ющіи мя по́­
мыслъ, укротѝ твое́ю тишино́ю сло́ве
бж҃іи. воздержа́ніе утро́бы є́сть, да
не насыща́еши чре́во своѐ, нижѐ ѿ бра́­
шенъ, нижѐ ѿ питія̀, нижѐ да жела́е­
ши ни да и́щеши браше́нъ сла́дкихъ и
многоцѣ́нныхъ. а́ще хо́щеши спасти́­
ся, бу́ди возде́ржникъ бди́теленъ,
смиреному́дръ долготерпѣли́въ, послу­
шли́въ, и никогда́ же ѿ ча́йся покая́нія.
а́ще хо́щеши да пред̃спѣ́еши ско́рѡ, мл҃тву
и воздержа́ніе и любо́вь воспріимѝ, и
та́кѡ спасе́ши дш҃ю свою̀ ѿ
всѣ́хъ навѣ́тъ вра́жіихъ.
бг҃у на́шему сла́ва,
нн҃ѣ и при́снѡ
и во́ вѣки
вѣкѡ́­
мъ
;

Мцс̃а тогѡ́же въ к҃и дн҃ь, па́мять ст҃ы́хъ
про́хора и никоно́ра, ті́мона и па­
рме́на, бл҃гословѝ о́ч҃е.

Сі́и дія́кони и апс̃ли, с̾ первомч҃нком̃ и архи­
дія́коном̃ стефа́ном̃, поє́же непоро́чнѣ пре­
ста́ти ѿ слу́жбы. апс̃лъ же про́хоръ напе́­
рстнику и бг҃осло́ву іѡ҃а́нну в̾ пу́ть ше́­
ствоваше, ѡбходя̀ о́стровы и мѣ́ста кня́­
жія, и въ бл҃говѣ́стіи трудя́ся сни́мъ и пи­
ша̀, и ника́кѡ въ напа́стѣхъ ѿ ступа́я ѿ
учт҃ля. по преставле́ніи же бг҃осло́влѣ, пе́рвый
єпкс̃пъ никомиді́йскій поста́влен̃ бы́сть. и всѣх̃
и́же та́мѡ су́щих̃ сличи́въ воуста́въ лу́чшіи.
раз̃суди́телное достоя́ніе прилѣ́жнѣ поучи́въ,
я́кѡ не снисходи́ти лу́чшему под̃ у́ньшим̃.
и та́кѡ узаконѣва́я ѿ житія̀ пре́йде. та́ко
же и никоно́ръ в̾ то́й дн҃ь внегда̀ ка́меніемъ
первомч҃нкъ стефа́нъ побіе́нъ бы́сть, ку́пнѡ
дх҃и в̾ ру́цѣ бг҃у преда́ша. и́х̾же бо бя́ху бра́т̾­
ская мудрова́нія, бы̑ша и равни со ст҃ы́ми
концы̀. па́рмена же апс̃лѡм̃ служа̀ сконча́ся, и
ѿ о́нѣх̃ самѣ́хъ погребе́нъ бы́сть, и попла́канъ
бы́сть смире́нѣ. пла́чем̃ же и мы̀ умерщве́ныя
на́шя ду́ши грѣхмѝ, рыда́ем̃ доне́лѣже вре́мя
є́сть, да во́ время воз̃дая́нія возра́дуемся.
{#л. ѱз҃і}

Вто́йже дн҃ь ст҃а́гѡ мч҃нка єѵ̾ста́ѳія.

Єѵ̾ста́ѳіи хрс̃то́въ мч҃нкъ во́инъ бѣ̀, хрс̃ти­
я́нъ же сы́й. и приведе́нъ бы́сть к̾ корни́­
лію игѣ́мону ан̾кѵ́рскому, и вопроше́нъ
бы́сть, содерзнове́ніемъ хрс̃та̀ исповѣ́­
да́въ, тѣ́мъ біе́нъ бы́сть неща́днѡ.
Посе́мъ пя́тѣ провертѣ́ша єму̀, и у́жемъ
ѡбя́зан̃ и влачи́мь бы́сть ѿ́града ан̾кѵ́рскаго,
и влеко́ша до друга́го гра́да досага́рска, въ
слѣ́дующу и зря́щу игѣ́мону. и та́мѡ въ
ко́рсту вложе́нъ бы́въ, и въ ве́рженъ бы́сть
в̾ рѣку̀. и по изволе́нію бж҃ію прише́дъ
бж҃е́ственный а́гг҃лъ, изнесѐ ко́рсту на́
сухо, и ѡбрѣ́теся в̾ не́й ст҃ы́й жи́въ,
поя̀, живы́й в̾ по́мощи вы́шнягѡ, и про́­
чая. увѣ́дѣвъ же сѐ игѣ́мон̃, посрами́ся,
и извле́кши но́жь убѝ себѐ. ст҃ы́й же
мч҃нкъ помоли́вся бг҃у, и причасти́вся бж҃е́­
ственыхъ та́инъ, по́сланныхъ кнему̀ с̾нб҃сѐ
го́лубем̃, и рука́ма я́вльшася а́гг҃ла, и тогда̀
предадѐ дх҃ъ сво́й в̾ ру́цѣ гдс̃ни.
и положе́нъ бы́сть в̾то́мъ
же гра́дѣ ан̾кѵ́ръ­
стѣмъ
;

Вто́йже де́нь ст҃а́гѡ мч҃нка ака́кія.

Ака́кій хрс̃то́въ мч҃нкъ бѣ̀ въ ца́рство лики­
ні́ево, єму́ же и пред̃ста́въ х҃а исповѣ́да.
и повѣ́шенъ бы́въ и строга́нъ. Посе́мъ
преданъ бы́сть тере́нтію єпа́рху. ѿнего́
же въ коно́бъ въ ве́рженъ бы́сть пе́кла
и ло́я испо́лненъ, и ника́ко же ѡѕло́бленъ
бы́сть. иду́щу же єпа́рху во апамі́ю и во
аполо́нію, и пону́женъ бы́сть въ слѣ́довати
єму̀. и та́мѡ веде́нъ бы́сть въ хра́мъ
и́дольскій, и мл҃твою сокрушѝ вся̀ истука́­
нныя. поси́хъ три́уну пре́данъ бы́сть, и
біе́нъ велмѝ, и соѕвѣрмѝ бра́ся. И посе́мъ
в̾ве́рженъ въ пе́щь и без̾вреда̀ пребы́сть. и
мнѣ́въ трі́унъ бы́ти студенѣ̀ пе́щи, и
прибли́жився ви́дѣти хотя̀, са́мъ у́бѡ
с̾ горѣ̀ и въ пра́хъ бы́сть. Ака́кій же пре́­
данъ бы́сть посѷдо́нію, и возложи́вше на
него̀ желѣ́за тя́жка, ведо́ша єго̀ въ
мили́тъ, и та́мѡ и́долы сокруши́въ. и
усѣ́кнуша главу̀ єгѡ̀, и кро́ви и мле́ку
исте́кшу изъя́звы. леѻ́нтіи же нѣ́кто
презвѵ́теръ положѝ мо́щи ст҃а́гѡ во́
градѣ сѷна́дъстѣмъ;
{#л. ѱи҃і}

Вто́йже дн҃ь сло́во ѿ патерика̀, ѡ послуша́ніи.

Бя̑ше нѣ́кто ста́рецъ, в̾ кѣ́ліях̃ пребыва́я
нарица́емыхъ ути́шенныя, внѣ̀ алеѯа­
дрі́и. и бя̑ше ста́рецъ ѕѣлѡ̀ ѻстро­
же́лченъ, и малодуш́енъ. слы́шавъ же
ѡ не́мъ бра́тъ нѣ́кто ю́нъ, завѣща̀
сло́во пред̃ бг҃омъ гл҃я, гдс̃и ѿвсѣ́хъ
ѕѡ́лъ є́же сотвори́хъ, иду̀ и пребыва́ю съ
ста́рцем̃ о́нѣмъ и терплю̀ и рабо́таю єму̀.
досажда́ше же єму̀ ста́рецъ я́кѡ псу̀ на
вся́къ де́нь. зря́ же бг҃ъ терпѣ́ніе
бра́та. по шести́хъ лѣ́тѣхъ живу́щу
єму̀ съ старце́мъ, ви́дѣ воснѣ̀ нѣ́коего
стра́шна нося̑ща сви́токъ ве́ліи, и по­
каза̀ єму̀ под̃пи́санъ, и речѐ єму̀, сѐ
у́бѡ пол̾ до́лга твоегѡ̀ поте́рлъ є́сть влд̃ка.
подви́гнися у́бѡ и ѡ про́чихъ. Бя́ше же
другі́й ста́рецъ дх҃о́венъ прине́мъ пребы­
ва́я, и слы́ша всегда̀ ка́кѡ малоду́шь­
ствует̃ ста́рецъ, и скорби́тъ бра́та, и ка́кѡ
о́нъ творя́ше мета́ніе, ста́рецъ же не про­
ща́ше єго̀. и єгда̀ срѣта́ше бра́та дх҃о́вный
ста́рецъ вопроша́ше єго̀, что̀ є́сть ча́до,
ка́кѡ дне́шніи дн҃ь ми́мѡ и́де, єда̀ до бы́­
хом̃ что̀, єда̀ потро́хомъ что̀ ѿ сви́тка.

вѣ́дяше же бра́тъ я́кѡ ста́рецъ дх҃о́ве є́сть,
не скрыва́ше ничто́же ѿнегѡ̀; но ѿвѣща́ва­
ше гл҃я, є́й ѻ́ч҃е потруди́хомся ма́лѡ.
а́ще ли же нѣ́когда поко́емъ пре́йде дн҃ь,
илѝ недосажде́нъ бы́въ, илѝ незаплева́ем̃.
илѝ не біенъ, илѝ не изгна́нъ, хожда́ше
к̾ бли́жнему ста́рцу к̾ ве́черу пла́ча и гл҃я,
го́ре а́вво, ѕо́лъ бы́сть днешніи де́нь, не
добы́хом̃ ничто́ же, но поко́емъ преидо́хом̃.
помимоше́ствіихъ же други́хъ шести́хъ лѣ́­
тѣхъ, преста́вися бра́тъ. и повѣ́да дх҃о́­
вный ста́рецъ, я́кѡ ви́дѣх̃ єго̀ съ мч҃нки
су̑ща, и содерзнове́ніем̃ мно́гимъ ѡ ста́рцѣ
свое́мъ бг҃у моля́щася и гл҃юща. гдс̃и,
я́коже менѐ поми́ловалъ єсѝ о́ого ра́ди,
поми́луй о́ного щедрѡ́тъ ра́ди твои́хъ,
и менѐ ра́ди раба̀ твоегѡ̀. и почеты́редеся­
ти́хъ днє́хъ взя́тъ к̾ себѣ̀ и ста́рца въ
мѣ́стѡ поко́йно. сѐ у́бѡ каково̀ дерзнове́­
ніе и́мутъ къ бг҃у, и́же єгѡ̀ ра́ди ско́рби
терпя́тъ. испыта́й у́бѡ бра́те себѐ по
вся̀ днѝ, поразумѣ́вая срд̃це своѐ,
что̀ є́сть вне́мъ пред̃ бг҃омъ. єда̀ уни­
чиже́ніе къ бра́ту, илѝ не́нависть, илѝ
поноше́ніе, илѝ за́висть, илѝ зазо́ръ.
{#л. ѱѳ҃і}

гл҃еши я́кѡ не мо́жеши сѐ вня́ти, раз̃­
драже́ніе бо є́сть, я́кѡ сѣ́янъ бу́детъ
я́дъ се́й въ срд̃цы̀ твое́мъ. помянѝ ре́къ­
шаго, а́ще не ѡста́витъ ко́ждо бра́ту
своему̀ ѿ всегѡ̀ срд̃ца, и́же бои́тся не
ѿитѝ в̾ геє́ну, вся́ко лука́вство ѿме­
та́етъ ѿ́срд̃ца̀ своегѡ̀, да не совѣ́тъ се́й
лука́вства пріи́детъ на́нь. внемлѝ у́бѡ,
да некако́е па́губно ѿри́нетъ тя̀ ѿ любвѐ
бж҃ія, илѝ зла́то илѝ жили́ща, илѝ
сла́дость.

Вто́йже де́нь поуче́ніе ст҃а́го оц҃а̀ ѳео́дѡ­
ра студі́йскагѡ ѡ послуша́ніи и́же съ вѣ́­
рою во всѣ́хъ слу́жбахъ.

Бра́тія и оц҃ы̀ бо́йтеся лѣни́ваго раба̀
ѡсуже́нія скры́вшаго тала́нтъ. кне­
му́ же гл҃етъ гдс̃ь, ра́бе лука́вый,
подоба́ше ти да́ти сребро̀ моѐ торжни­
кѡ́мъ, и а́зъ прише́дъ взя́лъ бы́хъ
своѐ съ ли́хвою. со слеза́ми гл҃ю а́зъ
словеса̀ сія̀ ва́мъ го́ркая до́брымъ то́ръ­
жникѡмъ въ дѣ́ло привестѝ гл҃емая.
и́же бл҃года́тію бж҃іею прія́ли єстѐ,
твори́те є̀ съ до́брымъ по́двигомъ.

но су̑ть в̾на́съ нѣ́цыи и́же не то́чію да́нна­
го предлага́ютъ, но и́же и нѣ́что ма́лѡ
и́мутъ и то̀ погубля́ютъ. и кто́ же су̑ть
сі́и, скажу̀ ва́мъ ча́да; и́же ѡбѣща́ша­
ся служи́ти бг҃у, в̾ небреже́ніи же быва́ютъ
во вся̀ днѝ живота̀ своегѡ̀, и удаля́ю­
тся ѿ за́повѣдей бж҃іих̃. что̀ сѐ твори́ши
бра́те, до сме́рти ѡбѣща́лся єсѝ послу­
шли́въ бы́ти, и нн҃ѣ пре́зриши служе́­
ніе своѐ. по что̀ с̾ покоре́ніемъ не твори́­
ши служе́нія того̀. убоя́лся єсѝ стра́­
ха, идѣ́же нѣ́сть стра́ха. а́ще бы
упова́лъ на послуша́ніе, то̀ уподо́билъбы
ся єсѝ о́ному поко́рнику, и́же за́повѣдь
о́ч҃ю пріи́мъ и не усумнѣ́ся о́ноя стра́­
шныя рѣ́ки преитѝ, я́коже диви́ти­
ся всѣ́мъ ви́дящимъ. послуша́ніе бо
и лю́тыя ѕвѣ́ри укроти́ти мо́жетъ;
свидѣ́тель бо словесѝ сему̀, и́же о́чю
за́повѣдь пріи́мъ связа̀ ує́ну. послуша́­
ніе и ме́ртвыя чюдотвори́ти показу́етъ;
и сѐ я́вѣ є́сть, ѿ́гроба возгласи́въ
ака́кій. и са́мъ у́бѡ сн҃ъ бж҃іи послушли́въ
бы́сть до сме́рти, є́юже ми́ру содѣя сп҃се́­
ніе. си́це ти су̑ть послуша́ніе исправле́нія,
{#л. ѱк҃}

ѿнего́же вѣ́чная жи́знь дае́тся. хо́щеши
ли разумѣ́ти согрѣши́вшыя во ѡслуша́­
ніи, помы́сли ада́ма пе́рвое, и́же ѡслу́ша­
ся бг҃а, и сме́рть на ве́сь ми́ръ на ведѐ.
помы́сли сау́ла, и́же ѡслу́шався про̃рка саму́­
ила, и црс̃тва с̾ живото́мъ лише́нъ бы́сть.
и про̃ро́ка и́же прельщен̃ лжи́вым̃, проро́комъ ѡслу­
ша́нія ра́ди, в̾ грѣ́хъ в̾падѐ, и льву̀ на снѣде́­
ніе в̾да́нъ бы́сть. что́ же пе́тръ апс̃лъ, не
моля́шелися не умовенъ бы́ти ѿ́ бг҃а говѣ́­
нія ра́ди, и слы́ша, а́ще не умы́ю тебѐ,
не и́маши ча́сти со мно́ю. и что̀ во ст҃о́мъ
єѵѳи́міи ѡ не послуша́ніи вину̀ прелага́етъ,
на исхожде́ніе ѕло́бу. тако́въ су́дъ преступа́ю­
щи за́повѣди, и в̾прекѝ гл҃ющи. гдс̃ь же
а́гг҃ла не млс̃тива посыла́етъ на таковы́я.
тѣ́м̾же испо́лните въ ва́съ ко́ждо поруче́­
нную слу́жбу, в̾ покоре́ніи послуша́ніемъ,
да воспріи́мѣте м̾зду̀ ѿ́ бг҃а, и не у́мремъ
грѣхо́мъ но жи́ви бу́демъ пра́вдою,
и получи́мъ, нбс̃ное црс̃твіе. бг҃у на́­
шему сла́ва, нн҃ѣ и при́­
снѡ и во́ вѣки вѣкѡ́мъ;

Мцс̃а того́ же въ к҃ѳ дн҃ь, стра́сть ст҃а́гѡ
мч҃нка калли́ника, бл҃гословѝ о́ч҃е.

Калли́никъ хрс̃то́въ мч҃нкъ, бѣ̀ ѿ страны̀
кіликі́йскія. хрс̃тія́нъ же сы́й, и вся̀
уча́ше сло́ву бж҃ію и удаля́тися ѿ су́е­
тныхъ и́дѡлъ, творца́ же хрс̃та̀ позна́­
ти вся́ческимъ. тѣ́мъ я́тъ бы́сть
и приведе́нъ ко игѣ́мону, и ѿ того̀
во мно́ги му́ки вложе́нъ бы́сть. и
в̾ сапогѝ желѣ́зны с̾ гвоздмѝ ѻ́стрыми ѡбу­
ве́нъ и пону́женъ бы́сть тещѝ пред̃ ко́ньми
до акрага́ньска гра́да, ѿ стоя́щь ве́рстъ
ѻ́смьдесять. тече́ же ст҃ы́й, ѯ҃ ве́рстъ,
и ви́дѣ веду́щыя єго̀ во́ины жа́ждею
исчеза́ющя, и помоли́ся бг҃у, и во́ду изъ
землѝ изведѐ, и напоѝ всѣ́хъ. и
прише́дъ во́ градъ акрага́ньскій, и ту̀ въ
пе́щь ѻ́гнену въ ве́рженъ бы́сть. и по­
моли́ся бг҃ови, и дх҃ъ сво́й предадѐ.

Вто́йже де́нь сло́во я́кѡ вла́стелємъ подо­
ба́етъ покаря́тися и че́сть воздая́ти и́мъ,
и во все́мъ послу́шати и́хъ.

Бра́тіе во все́мъ повину́йтеся кня́ѕємъ,
да безбѣды̀ про́чая лѣ́та по живетѐ.
пи́сано бо є́сть, кня́ѕю не рцы̀ ѕла̀,
{#л. ѱк҃а}

да ѕло̀ тебѐ не пости́гнетъ. нече́стіе бо
є́сть, и́же кн҃зю без̃зако́ннуетъ, и пови́ненъ
є́сть суду̀. не устыди́шилися лица̀ кня́­
жа, не бу́детъ добра̀ в̾ срд̃цы твое́мъ. на
кн҃зя не помы́сли, и вло́жницы свое́й не
кленѝ єго̀, єда̀ пти́ца донесе́тъ гла́съ
тво́й донегѡ̀, и гото́въ бу́деши пострада́­
ти ѕла́я. сло́во кня̑же хранѝ и ѿ лица̀
єгѡ̀ не скры́йся ни ѿвраща́йся, я́кѡ всѐ
є́же хо́щетъ и твори́тъ. вла́стелєм̃ покло­
ня́й главу̀ свою̀, и зва́нія и́хъ не бу́ди
преслу́шатися. и прише́дъ к̾нему̀ не тво­
ри́ся єму̀ ра́венъ. проти́ву судіѝ не ѿвѣ­
ща́й, а́ще и проны́рливи су̑ть, но ѿб́г҃а дана̀
и́мъ держа́ва. тѣ́мъ же боя́тися подо­
ба́етъ, не ѕло́бы и́хъ дѣ́ля, но бж҃ія
ра́ди повелѣ́нія.

Вто́йже дн҃ь ст҃ы́я мч҃нцы ѳеодѡ́тіи.

Ѳеодѡ́тія хв҃а мч҃нца бѣ̀ ѿ никомиді́й­
скагѡ гра́да, бл҃гочс̃ти́ва и боя́щися бг҃а,
и за́повѣдємъ єгѡ̀ прилѣжа́ше, и ча́да
своя̀ со бл҃горазу́міем̃ воспитова́ше. бѣ́ же
в̾ лѣ́та в̾ня́же анаста́сія мч҃нца страда̀.
и я́та бы́сть и та̀ ле́ѵ̾кіемъ кня́ѕемъ,
и́же хотѣ̀ ю̀ на совокупле́ніи бра́ка привестѝ.

и не утоли́въ єя̀, предадѐ ю̀ никитіа́ну
кня́зю ѳѵ́ническому. ѿнего́ же ку́пнѡ
с̾ тремѝ ча́ды свои́ми в̾ пе́щъ ѻ́гнену въ ве́­
ржена бы́сть, и бг҃у дх҃ъ сво́й предадѐ.

Вто́йже де́нь сло́во петра̀ и́нока, ѡ у́мном̃
трезвѣ́ніи, си́рѣчь ѡ мл҃твѣ, ѿ поуче́­
ніи златоу́стовѣхъ.

Люби́те смиреному́дріе, є́же па́че вѣ́сть
хрс̃то́съ, смири́вый себѐ до сме́рти, сме́­
рти же и распя́тія, да и мы̀ подража́­
теле єгѡ̀ бу́демъ, и си́це побѣди́мъ
горды́ню дія́волю смире́ною му́дростію.
гдс̃ь речѐ, хотя́и въ ва́съ бы́ти вели́къ,
да бу́детъ всѣ́мъ ра́бъ, и всѣ́мъ слуга̀.
вознося́йся смири́т̾ся, и смиря́яися воз̃­
несе́тся. смире́ный бо не и́мать ниѿку́­
ду па́сти, под̃ всѣ́ми лежа̀. вознося́иже­
ся низ̃но́сится с̾ высоты̀ въ бе́здну ѻ́гненую.
молю̀ вы̀ у́бѡ, пла́читеся до́ндеже вре́мя
и́мате, да не та́мѡ воспла́чем̃, идѣ́же є́сть
с̾ кре́жет̃ зу́бный, идѣ́же че́рвь не усыпа́емый
и николи́ же преста́ет̃. идѣ́же ѻ́гнь не гаси́мый
я́коже рѣка̀ тече́тъ. идѣ́же не милосе́рдіи
и неми́лостивіи а́ггели, и не и́мут̃ ми́лости
поми́ловаи кого̀, илѝ усрами́тися ста́рца,
{#л. ѱк҃в}

илѝ пощади́ти кого̀, илѝ почестѝ царя̀
но ко́ждо му́ченъ бу́детъ подѣ́лом̃ свои́мъ.
сегѡ̀ ра́ди молю̀, пону́дитеся умо́мъ до
сме́рти. мно́гу бо ну́жду тре́буетъ дѣ́ло
сѐ, я́кѡ тѣ́сный и приско́рбный є́сть пу́ть
ѿводя́и в̾ жи́зненая врата̀. и ну́­
дящіися въ хо́дятъ вня̀. ну́жно бо є́сть
црс̃тво нбс̃ное гл҃етъ гдс̃ь. бѣ́гайте же ѿ́ дх҃а
тщесла́внагѡ, и чл҃коуго́днагѡ бѣ́са, и́же
па́че ѿлуча́етъ ѿ́ бг҃а. раз̃сы́плетъ бо бг҃ъ
ко́сти чл҃коуго́дникѡм̃ постыдѣ́шася, я́кѡ
бг҃ъ уничижѝ и́хъ; илѝ здѣ̀ и́мамы просла́ви­
тися, и ѿ стои́мъ м̾зды̀ своея̀; илѝ та́мѡ
в̾ вѣ́ки вѣкѡ́мъ; илѝ здѣ̀ и́мамы ѡбесче́сти­
тися, и до́лгъ ѿ да́ти, илѝ геє́ну о́гненую
наслѣ́дити в̾ бесконе́чныя вѣ́ки. люби́те
у́бѡ и́же ѡ́ бз҃ѣ ско́рбь, па́че ра́дости вѣ́ка
сегѡ̀. пла́чь па́че смѣ́ха. бл҃же́ни бо су̑ть
пла́чющіи речѐ гдс̃ь, я́кѡ ті́и утѣ́шатъ­
ся. и го́ре ва́мъ смѣю́щимся я́кѡ воспла́­
четеся. навы́кните мно́гѡ моли́тися и
пла́кати, укрѣпля́ютъ бо у́мъ, и пи­
та́ютъ дш҃ю. возненави́дите же бесѣ́ды
мно́гія, и по́ плоти сро́дники, и не
возврати́теся къ любвѝ роди́тельской,

илѝ ча́дъ илѝ други́хъ нѣ́кіихъ. но дх҃о́­
внѡ зри́т̾ и́хъ я́коже и про́чих̃. умро́сте бо
ми́рови, и ни єди́ну же ве́щь и́мате с̾ ми́ром̃
си́мъ гл҃етъ гдс̃ь во єѵг̃а́ліи. внегда́ же
пріи́де мт҃и єгѡ̀ и бра́тія єгѡ̀, ви́дѣти
єго̀, и просте́ръ ру́ку свою̀ на учн҃кѝ
своя̀ речѐ, сѐ су̑ть мт҃и моя̀ и бра́тія
моя̀ творя́щіи во́лю оц҃а̀ моегѡ. и про́чая
єли́ка гл҃етъ гдс̃ь. сія́ же напи́сана бы́шя
на науче́ніе на́ше. хотя́и же угоди́ти
бг҃ови, и во́лю єгѡ̀ твори́ти, двѣма̀ госпо­
ди́нома не рабо́таетъ, ни лю́бит̃ ино́го когѡ̀
па́че гдс̃а. молю́ вы у́бѡ ничто́ же пред̃почи­
та́йте па́че гдс̃а, ни дш҃ю свою̀. ка́я бо є́сть
по́лза чл҃ку, а́ще ве́сь ми́ръ приѡбря́щет̃,
и дш҃ю свою̀ погуби́тъ гл҃етъ гдс̃ь. илѝ что̀
да́стъ измѣ́ну на дш҃ѝ свое́й. ничто́же бо
в̾несо́хо въ ми́ръ се́й, я́вѣ ни изнестѝ что̀
мо́жем̃, но на́зи и́мамы воскре́снути, то́чію
в̾ дѣя́нія и дѣла̀ ѡдѣ́яни, илѝ ѕла̀, илѝ
добра̀, я́коже в̾ ри́зу. и не то́кмѡ в̾ дѣла̀
ѡдѣ́яни, но и въ гл҃ы и въ по́мыслы. и
та́кѡ на стра́шнѣм̃ о́номъ ста́нейм̃ суди́щи. но
ко́ждо про́чее тру́дъ свои́хъ прія́ти и́мать,
по пра́ведному гдс̃ню ѿ рече́нію. илѝ в̾ поко́й,
{#л. ѱк҃г}

илѝ въ му́ку вѣ́ка вѣкѡ́мъ. и бл҃же́ни
пла́чющіи слеза́ми болѣ́знеными ѿ́ срд̃ца,
я́кѡ возра́дуются. бл҃же́ни лю́бящіи бг҃а
и и́скреняго, я́кѡ ті́и поми́ловани бу́дут̃
любя́и бо бг҃а и бра́та своегѡ̀, себѐ лю́бит̃.
въ бра́тѣ бо лежи́тъ наслѣ́діе вѣ́чныхъ
бл҃гъ;

Вто́йже дн҃ь сло́во ѿ патерика̀ ѡ одолѣ́въ­
шѣмъ врагу̀, и вѣнца̀ ѿ́ бг҃а пріи́мшѣм̃.

Повѣ́даху бо бра́тія, я́кѡ идя́ху пуще́­
ни въ ве́сь єди́ну, и бѣ́съ боря́шеся со
старѣ́йшим̃ пя́ть кра́тъ, да согрѣши́тъ.
и подвиза́вся часы̀ творя́ше и мл҃твы.
возврати́жеся ко оц҃у своему̀, и бѣ̀
лицѐ єгѡ̀ смуще́но, и сотворѝ колѣ́но­
ма поклоня́ше гл҃я, помоли́ся замя̀ ѻ́ч҃е
я́кѡ в̾падо́хъ въ блу́дъ, и повѣ́да ка́кѡ
бра́ся у́мъ єгѡ̀. бѣ́же ста́рецъ прозо­
рли́въ ѻц҃ъ єгѡ̀, и ви́дяше на главѣ̀ єгѡ̀
пя́ть вѣне́цъ, и речѐ єму̀, дерза́й ча́до,
я́коже пріи́де, и ви́дѣ вѣне́цъ на тебѣ̀.
не побѣжде́нъ бо бы́сть, но па́че ѡдолѣ́лъ
єсѝ, поне́же не сконча́лъ єсѝ дѣя́нія.
вели́къ бо по́двигъ є́сть єгда̀ чл҃къ пра́зднь
пріи́мъ воз̃держи́тся, вели́ку м̾зду̀ пріи́мет̃,

я́кѡ крѣ́пльши и лу́чши є́сть бра́ни вра́­
жія, и удо́бь убѣжа́ти є́сть сѣте́й. что́
бо не помя́неши ѡ бл҃же́ннѣмъ іѡ́сифѣ.
я́кѡ и не про́сту бы́ти ве́щь помышля́й,
но я́кѡ на позо́рищехъ бѣ̀ ве́щь быва́ема,
я́кѡ бг҃ъ и а́гг҃ли єгѡ̀ зря̑ще подвиза́юща­
ся, и дія́волъ и бѣ́си зря́ху жену̀. и
єгда̀ побѣдѝ страда́лецъ, всѝ а́гг҃ли вели́ким̃
гла́сомъ возда́ша сла́ву бг҃у гл҃юще,
ѡдолѣ̀ стра́стную побѣ́ду, страда́лецъ
бра́вся, и возмо́гъ побѣдѝ ѝ. и посрами́­
вся дія́волъ побѣжде́нъ, и посра́млен̃ бысть,
и си́ла єгѡ̀ не возмо́гши ѕлы́ми вина́ми.
добро̀ є́же и помышле́ніемъ не твори́ти
ѕла̀. а́ще ли иску́съ є́сть, то̀
подвиза́тися я́кѡ не побѣжде́­
ну бы́ти. бг҃у на́шему
слава, нн҃ѣ и при́­
снѡ и во́ вѣ­
ки вѣкѡ́­
мъ
;
{#л. ѱк҃д}

Мцс̃а тогѡ́же въ л҃ де́нь, ст҃ы́хъ апс̃лъ
сѵ́лы и силуа́на, и и́же сни́ма.

Сі́и бя́ху ѿ седми́десяти апс̃лъ. и́же
сѵ́ла потруди́ся съ бл҃же́нным̃ па́ѵ̾ломъ.
и́же въ про́чихъ потруди́вшемъся во
бл҃говѣ́стіи, терпя̀ въ напа́стѣхъ.
по́ времени же не ма́лѣ въ кори́нфѣ
єпкс̃помь поста́вленъ бы́сть. посла́нія єгѡ̀
извѣсту́я и к̾ лу́чшему направля́я ви­
та́телники. мно́га же зна́менія сотво­
ри́въ, и всѣ́хъ къ хрс̃то́вѣ вѣ́рѣ потве­
рди́въ, къ гдс̃у ѿи́де. Сілуа́нъ же
єпкс̃пъ селу́нскій поста́влненъ бы́сть, и́же
и мно́ги побѣ́ды подъя́въ по́двига
ра́ди ѡ вѣ́рѣ. связа́въ бо сло́во селу́ня­
номъ въ совраще́ніихъ. и та́кѡ
до́брѣ подвиза́вся, къ жела́е­
мому изы́де.

Втѡ́й же де́нь па́мять ст҃а́гѡ іѡ҃а́нна
во́ин̾ственика.

Се́й ст҃ы́й іѡ҃а́ннъ, пріулія́нѣ престу́­
пницѣ во́иньствуя. по́сланъ же бы́сть
со инѣ́ми во́ины на убіе́ніе хрс̃тія́нь­
ское. бѣ́же у́бѡ ви́дящым̃ я́кѡ гони́тель,

посо́бствова же не ма́лѡ та́й хрс̃тія́нѡмъ,
о́вѣмъ пре́же у́бѡ я́тія возвѣща́я бѣжа́­
ти, о́вѣм̾ же поя́тіи ѿпуще́ніе на свобо́­
ду дава́ше. не то́чію же млс̃рдіе своѐ к̾ си­
цевы́мъ явля́ше, но и тре́бующим̃ дава́ше
потре́бная мл҃твами и поще́ніем̃ упражня́яся
и посѣще́ніемъ не́мощных̃, и къ скорбя́щим̃
утѣше́ніем̃ житіѐ своѐ украша́ше, и на
чистоту̀ управля́шеся. и та́кѡ бг҃оуго́дно
пожи́въ, к̾ гдс̃у ѿи́де. и погребе́нъ бы́сть
на мѣ́стѣ идѣ́же полага́хуся стра́нніи. по­
слѣди́ же с̾каза̀ нѣ́коей женѣ̀ ѿкрове́ніем̃ всѐ
дѣя́ніе и́же в̾ житіѝ сотворѝ, и и́мъ же
нарица́шеся и́мянем̃ возвѣстѝ. гл҃ютъ же
ст҃а́го того̀ и и́на чюдеса̀ сотво́рша, изря́дне
є́же рабо́мъ уго́дства удержа́ет̃, и татьбы̀
извѣща́ет̃, и улуче́ніе я́вѣ твори́тъ. добро­
дѣ́телнаго бо єгѡ̀ ра́ди житія̀ таково́ю ѿ́ бг҃а
ѡбога́тися дѣ́телію чюдотворе́нія.

Вто́йже де́нь сло́во ст҃а́гѡ ѳеѡ́дора
студи́та.

Єльма̀ смире́ный срд̃цемъ, по подража́нію
гдс̃ню кро́токъ и молчали́въ, не прерѣка́я
ни вопія̀. но и а́ще прилучи́тся, до
сажа́емь є́сть па́че, а недосажа́етъ.
{#л. ѱк҃е}

біе́мь є́сть, а не біе́тъ. а́ще ли ѡни́х̾ же
сло́во, не то́чію съ я́ростію досажа́ютъ, но
и би́ти начина́ютъ. та́же и бра́тіи єдино­
ѡбра́зны. пото́мъ же поноша́еми ѡ про­
дерза́ніи, ѿвѣща́ютъ, не по пра́виломъ
я́томъ бы́ти, поне́же речѐ не собо́ю, но
инѣ́ми би́хомъ. со гл҃аніе стра́сти, є́же
в̾ лѣ́ствицѣ принося́ще сло́во. не вѣ́дяще
я́кѡ сло́во о́но прину́жено є́сть, не имѣ́я
в̾ законе́нія. и явля́етъ то́й са́мъ оц҃ъ
воспомина́я апс̃льское, и си́це гл҃етъ,
ѡб̾личѝ, запретѝ, умолѝ, а небі́й. а́ще
у́бѡ не речѐ би́ти, кто̀ смѣ́яи приложи́­
ти, илѝ ѿя́ти, ѿ и́же апс̃льских̃ преда́ніих̃.
и ника́коже а́ще є́же не собо́ю, но инѣ́мъ
би́ти ѡставля́етъ. ѿ согрѣше́нія, да ѡста́­
влени бу́дутъ ѿ убі́йственагѡ грѣха̀, и
всѝ мучи́тели я́кѡ не собо́ю, но и слуга́ми
свои́ми уби́ша, про̃ро́ки же и мч҃нки. и
да никто́ же гл҃етъ, я́кѡ ѻ́нъ и́мя ре́къ
му́чи сего̀ и сего̀. но да и́щетъ по и́мени
гл҃ати слугу́ющая, є́же є́сть не согла́сно не
содру́жно. ка́коже и апс̃льское прозрѣ́но бу́­
детъ гл҃ющеє. єпкс̃па илѝ презви́тера,
илѝ дія́кона бію́ща вѣ́рныя согрѣша́юща,

илѝ не вѣ́рныя не пра́вдовавшя, из̾вре­
щѝ повелѣва́емъ. у́бѡ єда̀ ка́кѡ утаи́­
ся дх҃у ст҃о́му воспомяну́ти є́же инѣ́ми
би́ти но да не бу́детъ бля́дь сія̀. да при́­
точествует̾ жеся, и ѡ и́же на зла́тѣ по­
ста́вленыхъ, у́бѡ я́кѡ не собо́ю, но и­
но́ю руко́ю, илѝ прія́ша, илѝ да́шя,
внѣ̀ су̑ть пра́вилнаго изве́рженія. ни
у́бѡ ника́коже. то́жде у́бѡ и здѣ̀ да
мни́мъ, да вмѣня́емъ я́рости ѿ ро́ды
бы́ти, и убива́емъ я́коже и ѕлу́ю по́хоть
ѿ дш҃и, и ни на́десно ни на́лѣво, но
путе́мъ црс̃кимъ, си́рѣчь єѵг̃а́льскимъ,
и апс̃льскимъ законоположе́ніем̃ да хо́димъ.
та́кѡ бо по стопа́мъ ходя̑ще ст҃ы́хъ, до­
сти́гнемъ сни́ми въ живо́тъ вѣ́чный.

Вто́йже де́нь сло́во іѡ҃а́нна златоу́стагѡ
ѡ мяте́жи сея̀ жи́зни и покая́ніи.

Разумѣ́йте бра́тіе свѣ́та сегѡ̀ мятежь и
чл҃ческагѡ житія̀. мяте́тся чл҃къ, и ко­
не́цъ єгѡ̀ в̾ ско́рѣ погиба́етъ. мяте́тся
вы́ся себѐ, и па́ки бе́звѣсти быва́етъ,
я́кѡ ѻ́блакъ распростира́ется, и я́кѡ сѣ́но
изъсыха́етъ, и я́кѡ го́воръ водны́й
надыма́яися, и а́ки и́скра угаса́етъ.
{#л. ѱк҃ѕ}

мяте́тся и собра́нію бога́тьства и́щєтъ,
и ничто́ же воспріи́мъ ѿхо́дитъ; тому̀
грѣсѝ, а бога́тьство инѣ́мъ ѡста́нется.
тому̀ болѣ́знь, а инѣмъ пи̑ща. тому̀
печа́ль и грабле́нія, а инѣ́мъ сла́дость и на­
сыще́ніе. тому̀ кля́твы, и натого̀ воз̃дыха́­
ніе, а инѣ́мъ изъ ѡби́ліе. на того̀ сле́зы,
а инѣ́мъ имѣ́ніе. то́й во а́дѣ му́чимь
є́сть, а ині́и в̾ дому̀ єгѡ̀ кормя́щеся воспѣ­
ва́ютъ; во и́стинну мяте́тся вся́къ чл҃къ
живы́й. ма́лѡ здѣ̀ пожи́въ, а во́ вѣки
в̾ сме́рти. многохи́тривый здѣ̀ в̾ непра́вдѣ
гото́въ, и на лихоима́ніе тщали́въ. велича́­
вагѡ го́рдость, удо́бь уловля́емая де́рзо­
сть, и развѣва́емый пе́пелъ, и бо́рзѡ поги­
ба́ющіи пла́мень, и ско́рѡ увяда́ющая трава̀,
и умерщвля́ющая пучи́на. дне́сь претя̀, а
у́трѣ скончава́яся. дне́сь в̾ бога́тьствѣ, а
у́трѣ с̾ пла́чемъ и ко́ гробу. дне́сь
в̾ порѳи́ру ѡблача́ется, а у́трѣ ме́ртвъ изъ­
но́сится. и́же нн҃ѣ грози́тся, а у́трѣ ѡ пла́­
кан̃. и́же во имѣ́ніи из̃ ѡби́лен̃, ѿ него́же ско́рѡ
ѿлуча́емь, и ѡ себѣ̀ несвѣ́дый, вы́шних̃ пы­
та́ет̃, и́же єстеством̃ сме́ртен̃, а воз̃ноше́ніем̃ твори́­
тся вѣ́чен̃. ѽ коли́ка житія̀ на́шегѡ суета̀.

коли́къ чл҃ческія не́мощи ука́зъ; и сія̀
вся̀ изре́къ, ничто́ же ключи́ма изо­
ѡбрѣто́хъ, ра́звѣ про̃ро́ческагѡ словесѐ,
є́же речѐ, въ пу́стошь мяте́тся вся́къ
чл҃къ. да сѐ вѣ́дуще бра́тіе, по пеце́мъ­
ся ѡ дш҃а́хъ на́шихъ. в̾ на́съ бо
є́сть живо́тъ и сме́рть. само­
вла́стны бо ны сотвори́лъ
є́сть гдс̃ь. єму́ же
сла́ва, нн҃ѣ и
при́снѡ и
во́ вѣки
вѣкѡ́­
мъ
;
{#л. ѱк҃з}

Мцс̃а того́же въ л҃а дн҃ь. пред̃пра́зднество
чс̃тна́гѡ и животворя́щагѡ крс̃та̀ гдс̃ня. и
ст҃а́гѡ пра́веднаго єѵ̾доки́ма, бл҃гословѝ о́ч҃е.

То́й прпд̃бный и бл҃же́нный оц҃ъ на́шъ єѵ̾до­
кі́мъ, бѣ̀ въ црс̃тво ѳео́фила хрс̃тонена­
ви́стнаго царя̀. єго́же роди́теліє в̾житі́й­
стѣй сла́вѣ патрикі́е бя́ху и правосла́­
вніи, васи́ліи и́менемъ и єѵ̾докі́я,
кап̾падокі́яне ро́домъ. тѣ́мъ подви́гся
до́брѣ и́ми на добродѣ́тель єѵ̾доки́мъ
канди́тъ ѳео́филомъ почте́нъ бы́въ, и
стратопеда́рхъ учине́нъ. пе́рвѣе въ кап̾па­
докі́и, посе́мъ в̾ харсіа́нѣхъ, купо́на нѣ́­
кая пра́вя сы́й и пра́вая пра́виломъ вся́кая
хра́нь. и мно́ги творя́ше ми́лостыни
всегда̀, и цр҃кви до́брѣ содѣ́ловаше.
в̾дови́цам̾ же и сирота́мъ помога́ше. и
спро́ста рещѝ, вся́къ добродѣ́тели о́бразъ
проходя̀. и та́кѡ ѡ бз҃ѣ по живѐ житіѐ
своѐ. Посе́мъ неду́гомъ я́тъ бы́въ, и
дх҃ъ сво́й къ бг҃у предадѐ. Погребе́нъ же
бы́сть по повелѣ́нію єгѡ̀ во ѻдѣя́ніи и
в̾ сапозѣ́хъ. принесе́ны же бы́ша мо́щи
єгѡ̀ въ византі́ю по́ времени;

Вто́йже дн҃ь стрс̃ть ст҃ы́я мч҃нцы ули́ты.

Ули́та хрс̃то́ва мч҃нца бѣ̀ ѿ кесарі́и кап̾падо­
кі́йскія, єя́же и васи́ліи вели́кій похвала́­
ми почтѐ. прю́ же иму́щи к̾ нѣ́коему
лихои́мцу му́жу ѡби́дливу, и́же зе́млю
єя̀ ѿя́тъ, и се́ла єя̀ и рабы̀, и всѐ жи­
те́йское строе́ніе єя̀ к̾ себѣ̀ приста́ви. пре­
ѡби́дѣвъ пра́вое, и бг҃а не убоя́вся, кле­
ветникѝ и л̾жи́выми по́слухи, и су́дящи­
ми по м̾здѣ̀. преста́вши же судя́щему,
и наче́нши каза́ти ю̀ му́жу ну́жно. и
ѡ клевета́на бы́сть я́кѡ хрс̃тія́на є́сть. и
ничто́ же є́й в̾мѣни́вши, но вся̀ имѣ́­
нія своя̀ преѡби́дѣвши речѐ, да во́змет̾­
ся житіѐ то̀ и сла́ва єгѡ̀, а́зъ бо не ѿ­
ве́ргуся содѣ́теля всѣ́хъ хрс̃та̀ и творца̀.
и тогда̀ не пра́ведный судія̀ ѻгне́ви ю̀ пре­
дадѐ. пе́щь же ѡбъе́мши ст҃ы́я тѣ́ло,
я́кѡ нѣ́кій черто́гъ свѣ́телъ, дш҃ю у́бѡ
на небе́сный кру́гъ посла̀. чс̃тно́е же
тѣ́ло єя̀ соблюде́ся цѣ́ло и не
прикоснове́ннѡ ѻгню̀, и по­
гребе́но бы́сть
вѣ́рными
ту̀
;
{#л. ѱк҃и}

Вто́йже дн҃ь поуче́ніе ст҃а́гѡ васи́лія, клѣ­
ни́вымъ и не хотя́щимъ дѣ́лати свои́ма
рука́ма и похвала̀ к̾ дѣ́лателемъ ко всѣ́мъ
до́брымъ.

Не хотѣ́вшу ми бра́тіе ѡ си́хъ гл҃ати къ
ва́мъ, но бою́ся ре́кшаго, я́кѡ речѐ,
убужа́йте спя́щыя, и надѣ́ло понужа́й­
те лѣни́выя. а́ще ли бѣ́гаете земны́я
страды̀, то̀ не у́зрите бл҃ги́хъ, я́кѡ
бг҃ъ дѣ́лателємъ ѡбѣща́лъ є́сть ѿ стра­
ды̀ здра́віе, а ѿ труда̀ сп҃се́ніе. лѣни́вый
по апс̃лу, и не дѣ́лаяи да не я́стъ. земны́й
дѣ́латель ра́венъ є́сть и́нокихъ по́стному
житію̀ и труду̀, поне́же ѿтря́сши со́нъ,
и на дѣ́ло земно́е гряде́тъ, и па́че до́му
пусты́ню лю́битъ. зно́ю же и зимѣ̀ тру́­
днымъ тѣ́лом̃ супротивля́яся. тѣ́м̾ же
я́стъ таковы́й трудѡ́въ свои́хъ плоды̀, со
бира́я потре́бныя сла́дости тѣ́лу. ѿтѣ́хъ
бо ни́щыя насыща́ет̃, па́че же самого̀ х҃а,
и́же во́сто умножа́етъ сѣ́ющагѡ плод̃, по­
дава́я до́ждь ра́нъ и по́зденъ. дѣ́лаяи же
зе́млю, насы́тится хлѣ̑ба, и ру́цѣ єгѡ̀
ѡбога́тѣют̃, поне́же вы́сит̃ сто́гъ гумна̀ своегѡ̀.
и хваля́ися свои́мъ трудо́мъ блгс̃венъ бг҃омъ,

а лѣни́вый сла́бя себѐ про́клятъ. А́ще бо
бы пе́клъся бг҃ъ лѣни́выми, то́ бы бы́лію
повелѣ́лъ жи̑то ража́ти, а лѣ́су вся́кій
ѻво́щь. Го́ре ва́мъ празнолю́бцы имѣ́ю­
щим̃ вся̀ у́ды цѣ́лы, и тѣ́ло здра́во, и не
тре́бующо дѣ́лати. да ку́ю м̾зду̀ ѿ́ бг҃а
пріи́мете, и что̀ бг҃у принесетѐ ѿ своегѡ̀
труда̀; я́кѡ не тре́буетъ бг҃ъ ѿ лихоима́­
нія же́ртвы, но а́ки пса̀ закала́ема гну­
ша́етъся. не спя́щимъ бо ѡбѣща̀ жи́знь
вѣ́чную, ни лжю́щимъ ни клеве́щущимъ,
ни кра́дущимъ ни лихои́м̾цємъ, но тру­
жа́ющимъся с̾вѣ́рою во вся́комъ дѣ́лѣ.
ѻ́ви прилѣжа́ще польски́хъ ѕла́цѣхъ скоты̀
и ко́ни пасу́тъ, и ѿ тѣ́хъ десяти́ну даю́­
ще бг҃ови, спаса́ютъся. Друзі́иже сѣ̑но
сѣку́ще, а́гнята ко́рмятъ, и ѿтѣ́хъ
ни́щыя ѡдѣ́юще, воспріи́мутъ бл҃госло­
ве́ніе гдс̃не. Ині́и же по́ морю пла́вающе
и по землѝ, гостьбы̀ дѣ́юще бога́тьство
собира́юще, дади́те у́бѡ ча́сть дш҃е́вную
цр҃квамъ и ни́щимъ, и ѿсю́ду по ѿше́ствіи
ва́шемъ воспріи́мѣте сохранену̀ на́ нб҃сѣхъ.
и вся́кая рукодѣ́ланія иму́щіи, по дади́те
ми́лостыню, да тою̀ ми́лостынею ѡбря́щете
{#л. ѱк҃ѳ}

пра́вду судя́щагѡ бг҃а. Жены̀ утвержа́йте
ла́кти своя̀ на дѣ́ло, ипротира́йте ру́цѣ
своѝ на вретено̀, и разумѣ́йте я́кѡ добро̀
є́сть дѣ́лати. Ни кто́же бо бес̾труда̀
вѣнча́нъ бу́детъ; кому́ждо бо подѣ́лѡмъ
речѐ гдс̃ь сужу̀, и ко́ждо подѣ́лѡмъ
свои́мъ воспріи́метъ.

Вто́й же де́нь сло́во ѡ чернори́зцѣ ѿ
патерика̀ да́вшемъ ри́зу свою̀ ни́щему,
и я́кѡ самому̀ хрс̃ту̀ в̾дадѐ.

Чернори́зецъ нѣ́кій имѣ́яше двѣ̀ ри́зѣ
єди́ну но́ву, а другу́ю ве́тху. и пріи́­
де к̾нему̀ нѣ́кто ни́щь в̾зи́му, порти́­
ща прося̀ унегѡ̀. ѻ́нъже принесѐ єму̀
глаго́ля, ничто́же не и́мамъ ли́ше сего̀.
Убо́гіи же пребыва́ше пла́чася глаго́ля,
поми́луй мя я́кѡ не и́мамъ что̀ носи́ти.
милосе́рдовавъ же чернори́зецъ влѣ́зъши
въ клѣ́ть свою̀, ѡблече́ся в̾ но́вѣйшую ри́­
зу, и дадѐ єму̀ ветша́нѣйшую. и по
ѿда́ніи єму̀ помы́сли сѝ гл҃я, не сотво­
ри́лъ єсѝ соверше́ныя любвѐ, удержа́въ
до́брую, и пода́въ єму̀ ве́тхую, не хрс̃та̀
ли ра́ди проша́хъ уменѐ. то̀ ка́кѡ а́зъ
хрс̃ту̀ да́лъ є́смь ху́ждьшее, а хрс̃то́съ

вс̑ѣхъ лу́чши, а у себѐ удержа́въ лу́ч̾­
шую. и призва́въ ни́щаго глаго́ля, ѿ­
да́ждь ми ри́зу ю́же ти в̾да́хъ, и пода́мъ
ти ину́ю. и взе́мъ унегѡ̀ и ѡблече́ся
вню̀, и дадѐ єму̀ добрѣ́йшую. и взе́мъ
ни́щіи ри́зу, и продадѐ во гра́дѣ. и
до́йде ри́за та̀ въ ру́цѣ єди́ныя жены̀.
Вни́де же черне́цъ во́ градъ продая́ти руко­
дѣ́лія своегѡ̀, и ви́дѣ ри́зу свою̀ жено́ю
носи́му. и пріи́де єди́ною и второ́е жена̀
мѣ́ сту тому̀, идѣ́же сѣдя́ше черне́цъ
продая̀ рукодѣ́ліе своѐ, и позна̀ черне́цъ
я́кѡ єгѡ̀ бѣ̀ ри́за ю́же да́лъ ни́щему.
печа́ленъ же бѣ̀ ѡ се́мъ вельмѝ черне́цъ, и
пріи́де в̾кѣ́лію свою̀ пла́чася глаго́ля, ни
сѐ са́мое є́же сотвори́хъ а́зъ добро̀ є́сть и при­
я́тнѡ бг҃у, но лу́чши бы бы́ло не да́ти.
спя́щу же єму̀ и печа́лну бы́вшу, и сѐ ви́­
дѣ во снѣ̀ нося́ща ри́зу єгѡ̀ іс҃а. и по
человѣколю́бію ты́кавша въ ре́бра єгѡ̀ и
глаго́люща, бра́те, бра́те. и воз̾бну́въ
речѐ єму̀, кто̀ єсѝ ты̀ гдс̃и. и гл҃а,
а́зъ є́смь іс҃, возрѝ на мя̀. ѻ́нъ же
возрѣ́въ, ви́дѣ іс҃а нося́ща ри́зу о́ну
ю́же бѣ̀ да́лъ ни́щему, и свѣ́тъ бы́сть
{#л. ѱл҃}

въ хра́минѣ, и гл҃а єму̀ зна́еши ли
сію̀. ѻ́нъже речѐ, є́й гдс̃и, моя̀ є́сть.
и гл҃а єму̀ хрс̃то́съ, не печа́луи ни тужѝ,
єгда̀ у́бѡ бра́ту тому̀ ѿда́лъ єсѝ ри́зу
свою̀, то̀ а́зъ є́смь прія́лъ ю̀.
и пора́довася мни́хъ ѡсмотре́ніи
бж҃іи. єму́же сла́ва,
нн҃ѣ и при́снѡ и во́ вѣки
вѣкѡ́мъ.