Мцс̃а того́же въ к҃, дн҃ь. па́мять ст҃а́гѡ
про̃ро́ка само́йла, бл҃гословѝ о́ч҃е.

Се́й бя̑ше ѡ єѯармаѳе́ма си́ѳскагѡ, ѿ горы̀
єфре́мовы. сн҃ъ єлка́нинъ и а́нинъ.
єлка́на же двѣ̀ женѣ̀ имя́ше, єди́ной
и́мя а́нна, а вторѣ́й ѳена́на. ѳена́на
же ражда́ше дѣ́ти, а́ннѣ же не бя̑ше

отроча́ти. и взы́де єлка́на помоли́тися бг҃у
в̾ сѷлѡ́мѣ со а́нною, и бя̑ше та́мѡ илі́й, и
сы́нове єгѡ̀ офні́й и финеє́съ сщ҃е́нницы
гдс̃ни. гдс̃ь же затворѝ утро́бу а́ннину, и
поноша́ше є́й ненави́стница єя̀. ѻна́же
помоли́ся ко́ гдс̃у, и помяну̀ ю̀ гдс̃ь, и родѝ
сн҃а само́йла, и возложѝ єго̀ бг҃у. и въ
во́зрастъ доспѣ́въ, и бя̑ше служа̀ бг҃у, и
бы́сть въ про̃ро́ка вели́ка. илі́й же и сы́нове єгѡ̀
гнѣ́вомъ и я́ростію гдс̃нею сокруше́ни бы́вше
потреби́шася, занѐ прогнѣ́ваша бг҃а. и до­
во́льствова само́илъ во вся̀ днѝ своя̀ судя̀,
и да́ры ни ѿкогѡ̀ взя́тъ. и пома́завъ сау́ла
на цр҃ьство. та́же дв҃да. въ глубо́ку ста́­
рость доше́дъ, и дово́льными лѣ́ты бы́въ
сконча́ся. пред̾вари́въ прише́стіе хрс̃то́во
за ты́сящю и три́десять пя̑ть лѣ́тъ.
про̃ро́честовавъ лѣ́тъ четы́редесять.

Вто́йже дн҃ь стра́сть ст҃ы́хъ мч҃нкъ три́­
десяте седмѝ, и́же во фракі́и за хрс̃та̀
пострада́вшихъ.

Сєи́ръ нѣ́кто ѿ си́ды памфилі́йскія, сн҃ъ
петро́ніа нѣ́коегѡ фра́ченина, и ма́тере
мугдо́ніи. и ѡбрѣ́те ст҃ы́я три́десять
се́дмь мч҃нкъ, в̾ филипо́ли по хрс̃тѣ̀
{#л. ѿк҃е}

му́чащихъся ѿ апеліа́на прокля́тагѡ игѣ́­
мона. дер̾зну́въ бо по хрс̃тѣ̀, и стро́ганъ
бысть ѕѣлѡ̀. и посе́мъ пе́р̾стни горя́щія
прія́тъ напе́р̾сты своя̀, и на́древѣ пригво­
жде́нъ бы́въ и претре́нъ, и по́ясомъ желѣ́­
знымъ препоя́санъ бы́въ. посе́мъ главу̀
єгѡ̀ усѣ́кнуша. мемно́нъ же со́тникъ
на двою̀ столпу̀ растя́женъ бы́въ, и содра́­
ша єму̀ трѝ реме́ни ѿ главы̀ и до ногу̀. по­
се́мъ пе́щи распале́нѣ вели́цѣ, и всѣ́мъ
ру́ки и но́ги усѣче́ни бы́ша, и в̾ве́ржени
бы́ша в̾ ню̀, и та́кѡ сконча́шася, преда́вше
дш҃я своя̀ в̾ ру́цѣ гдс̃ни.

Вто́йже де́нь поуче́ніе ѿ зако́на ѡ не­
сохране́ніи язы́ка.

А́ще хо́щете до́брѣ пожи́ти в̾ жи́зни се́й,
щади́те уста̀ своя̀ ѿ мно́гаго глаго́ланія.
бл҃же́нъ му̑жь и́же не попо́лзнеться язы́­
комъ свои́мъ. не нави́дяи бо глаго́ланія,
умаля́етъ ѕло́бу, и бл҃га́я ѿ́гдс̃а науста̀
излива́ютъся молчали́вагѡ. му́дръ му́жь
лю́битъ безмо́лвіе, и молча̀ бг҃а чте́тъ.
Тѣ́мъ же ѿлага́йте ѿ у́стъ свои́хъ лука́­
вая, и не пра́вая словеса̀ ѿ себѐ ѿри́ните.
и с̾ пра́вдою ѿвѣща́йте и не постыди́теся.

и́же бо храни́тъ язы́къ, соблюде́тъ ѿ ско́­
рби свою̀ дш҃ю, сме́рть бо и живо́тъ в̾ руку̀
язы́ка є́сть. Сему́ бо ия́ковъ бра́тъ бж҃іи
учи́тъ ны̀ гл҃я, бу́ди вся́къ чл҃къ ско́ръ на
послуша́ніе, и ме́дливъ на глаго́ланіе. и́же бо
не паде́тъ язы́комь, то́й соверше́нъ є́сть,
могі́й восхласти́ти и всѐ тѣ́ло своѐ. гдс̃ь же
речѐ, є́й гл҃ю ва́мъ, я́кѡ сло́во пра́зднѡ є́же
а́ще реку́тъ чл҃цы, ѿдадя́тъ ѡ не́мъ сло́во
въ дн҃ь су́дный. ѿ словє́съ бо свои́хъ ѡправ̾­
ди́шися, и ѿ слове́съ свои́хъ ѡсу́дишися.

Вто́йже де́нь сло́во ст҃а́гѡ ни́ла.

А́ще си́це воиноческомъ жи́тельствѣ по жи­
ве́мъ, и и́стиною того̀ лю́бимъ, и за́повѣ­
ди єгѡ̀ твори́мъ, и тогда̀ ѻц҃ъ тому̀ и мт҃и
и бра́тія любо́вію быва́емъ. са́мъ бо речѐ,
вся́къ творя́и во́лю оц҃а̀ моегѡ̀, се́й бра́тъ
мнѣ̀ и сестра̀ и мт҃и є́сть; бра́тъ я́кѡ съ
цр҃ьствуя. и сестра̀, я́кѡ с̾наслѣ́дникъ.
мт҃и, я́кѡ вельмѝ любезенъ. да я́коже
мт҃и ча́до лю́битъ, та́кѡ и мы̀ хрс̃та̀ возлю́­
бимъ, тогда̀ ѻц҃ъ и сн҃ъ кна́мъ пріи́детъ, и
ѻби́тель в̾ на́съ сотвори́тъ. я́вѣ я́кѡ ст҃о́­
му дх҃у предъвсе́льшуся. тогда̀ просвѣ­
ща́етъся дш҃а, и просвѣтля́етъся у́мъ,
{#л. ѿк҃ѕ}

и ѡсщ҃а́етъся срд̃це. услажда́ется смы́слъ,
цвѣте́тъ со́вѣсть игра́ютъ по́мысли. весе­
ли́тъся дх҃ъ, ра́дуютъся вся̀ у́ды дш҃и мы́­
сленыя. ѡбновля́етъся но́вый чл҃къ, ѿбѣ­
га́етъ ве́тхіи. тогда̀ ликоству́ютъ а́гг҃ли,
прогои́ми су̑ть бѣ́сове. в̾зыграва́ютъся
пра́ведніи, рыда́етъ супоста́тъ. ра́дуютъ­
ся мч҃нцы, пла́четъ сопроти́вный. хва́лятъ­
ся прпд̃бніи, пра́зднуютъ пе́рвенецъ торже­
ства̀. восхваля́ютъ патріа́рси, сла́вятъ
про̃ро́цы, дря́хлуютъ и сокруша́ются лука́­
віи ду́си и льсти́віи. съ таково́ю дш҃е́ю ра́­
дуетъся ѻц҃ъ, весели́тъся сн҃ъ, ра́достенъ
є́сть дх҃ъ ст҃ы́й. в̾ таковѣ́й дш҃и рѣка̀ даро­
ва́ніи наводня́етъся, и исто́чникъ живо­
та̀ истека́етъ, сл҃нце пра́ведное сія́етъ,
звѣ́зды блиста́ютъ, луна̀ свѣ́титъ,
а́гг҃ли дивя́тъся, арха́гг҃ли чюдя́т̾ся; сера­
фи́ми ди́вьствомъ содержи́ми су̑ть, нача́ла
и вла́сти сла́достію ѡбъє́млютъся, и с̾ тако­
во́ю дш҃е́ю гл҃ютъ, ст҃ъ ст҃ъ ст҃ъ гдс̃ь саваѡ́ѳъ
испо́лнь нб҃о и земля̀ сла́вы єгѡ̀. и є́же
сла́ва в̾вы́шнихъ бг҃у, и на землѝ ми́ръ,
въ чл҃цѣхъ бл҃говоле́ніе. с̾ таково́ю дш҃е́ю
прс̃то́ли и гдс̃ьства восхваля́ютъ гл҃юще,

сла́ва вседержи́тельнѣй оц҃а си́лѣ, и бж҃е́стве­
нѣй сн҃а сла́вѣ, и ст҃а́гѡ дх҃а вла́сти. тогда̀
в̾ неизъгл҃аннѣй ра́дости быва́етъ такова́я
дш҃а, и вся̀ просвѣща́ется, вся̀ украша́ет̾­
ся и утвержа́етъся, смирѣва́ется и просла­
вля́етъся, похваля́ется и удивля́етъся,
утѣша́ется и велича́етъся. тогда̀ воспри­
е́млетъ возда́нія трудо́мъ и болѣ́знємъ
землены́мъ, мѣ́сто поко́йно, црс̃тво не пре­
є́мно, жи́знь бесконе́чную и непроходи́мую.
тогда̀ быва́етъ прія́тнѡ приноше́ніе, жива̀
же́ртва. тогда̀ ѡбрѣта́етъ кади́ло бл҃гово́­
нно, сла́дость прс̃нѡсу́щьну, приста́нище
бл҃гоути́шнѡ, и мѣ́сто без̾мо́л̾внѡ, просвѣ­
това́нно не рукотворе́ннѡ, вѣне́цъ безъсме́­
ртія, ра́й сладча́йшіи, цвѣ́ти бл҃гово́нны
кри́ны доброуха́нніи, ра́дость не изъгл҃а­
нну, дерзнове́ніе неконча́емѡ. тогда̀ съ
дерзнове́ніемъ къ бг҃у бесѣ́дуетъ, и свѣ́том̃
лица̀ єгѡ̀ ѡсвѣща́ется, и слове́сная смы́сла
єя̀ прозяба́нія ѡбновля́ются. тогда̀ чи́­
стое єя̀ приноше́нія кади́ло бл҃гоухава́етъ.
и неле́стная у́стъ єя̀ мл҃тва, на вы́шнем̃
же́ртвеницѣ всесожже́ніе показу́етъся.
тогда̀ м̾зду̀ многосугу́бну бдѣ́нія єя̀
{#л. ѿк҃з}

ѿ́ бг҃а пріє́млетъ. тогда̀ полу́нощныхъ
мл҃твъ, и у́треннягѡ моле́нія и славосло́­
вія, досто́йный поко́й пріє́млетъ. и кто̀
дово́ленъ исповѣ́дати. илѝ кі́й язы́къ из̾
рещѝ возмо́жетъ; илѝ кото́рый у́мъ чл҃чь
смотри́ти, ра́дость поко́й, весе́ліе, сла́ву,
прс̃носу́щьный свѣ́тъ, и́же ѿ́ бг҃а сице­
вы́мъ дае́мый. ѻ́ко бо не ви́дѣ, и у́хо не
слы́ша, и на срд̃це чл҃ку не взы́де, я́же уго­
то́ва бг҃ъ лю́бящимъ єго̀, и пра́вѣ и не лѣ́­
потнѣ ѿ всея̀ дш҃ѝ и крѣ́пости и си́лы, со
усе́рдіемъ и стра́хомъ рабо́тающимъ єму̀.
кто́же ли па́ки возмо́жетъ из̾рещѝ, илѝ
исповѣ́дати, илѝ усмотри́ти, ско́рбь бо­
лѣ́знь тѣсноту̀, сту́дъ, поноше́ніе, то­
мле́ніе, пла́чь, рыда́ніе, мучи́лища, геє́ну,
скре́жетъ зубны́й. ѻ́гненую рѣку̀, про́­
пасть а́дову, та́ртаръ, тму̀ кромѣ́шнюю,
че́рвь ядови́тый и не усыпа́ющіи. изо­
ѡщре́ныя трезу́бцы, на́глая томи́тель­
ства, и не ми́лостивыя а́ггелы, я́же угото́­
вашася не брегу́щимъ ѡ свое́мъ спасе́ніи. и
что̀ мнѡ́го гл҃ю, с̾ са́мымъ тѣ́мь дія́во­
ломь му́чими бу́дутъ, єли́цы без̃ стра́шнѣ
в̾ ны́нѣшнѣмъ вѣ́цѣ пита́ющеся, и бж҃іе

долготерпѣ́ніе преѡби́дятъ, и не хотя́тъ
пока́ятися и́скренѣ. на́съ же да пощади́тъ
гдс̃ь ѿ сегѡ̀ ѕла̀, и напра́витъ на пу́ть
спасе́нія. єму́ же сла́ва, ны́нѣ и при́снѡ
и во́вѣки вѣкѡ́мъ.
{#л. ѿк҃и}

Мцс̃а того́же въ к҃а, дн҃ь. ст҃а́гѡ апс̃ла
ѳадде́я, бл҃гословѝ о́ч҃е.

Се́й бя̑ше ѿ єде́с̾скагѡ гра́да, євреи́нъ ро́­
домъ. извѣ́давъ соверше́нѣ бж҃е́ственая
писа́нія. то́й взы́де во ієосали́мъ по­
клони́тися, во́дни іѡ҃а́нна крс̃ти́теля,
и слы́шавъ проповѣ́даніе єгѡ̀, и а́гг҃льское
житіѐ, уди́влься, крести́ся ѿнегѡ̀. по­
то́мъ ви́дѣвъ хрс̃та̀, и несвѣ́домоя ѿнегѡ̀
содѣ́ловаемая чюдеса̀, и уче́нія єгѡ̀ слы́­
шавъ, послѣ́дова єму̀, да́же и до спасе́ныя
стрс̃тѝ. и по вознесе́ніи єгѡ̀ въ сво́й гра́дъ
воз̾врати́ся, и мѣ́стнагѡ кн҃зя а́вгаря
крести́въ. и изоста́вшую ча́сть ѿ прока́зы
ѡчи́стивъ, и мно́гія и́ны крести́въ. в̾месо­
пота́мію же ше́дъ, и та́мѡ мно́гія нака­
за́въ и просвѣти́въ, и цр҃кви созда́въ. пре­
хожда́ше гра́ды сѵ́р̾скія. и прише́дъ в̾ ви­
ри́тъ гра́дъ ѳѷникі́йскій, и та́мѡ по­
учи́въ крестѝ мно́гихъ, почѝ ѡ́ гдс̃ѣ.
{#л. ѿк҃и}

Вто́йже дн҃ь ст҃ы́я мч҃нцы ва́ссы, и ча́дъ
єя̀ ѳеогні́а, ага́піа, и апи́ста.

Сія̀ мч҃нца бя̑ше примаѯиміа́нѣ царѣ̀,
въєде́сѣ гра́дѣ єлла́дьстѣмъ. сочта́в̾­
шися нѣ́коему уале́рію ієре́ю и́дольско­
му, и родѝ сни́мъ трѝ дѣ́тища, ѳеогні́а,
ага́піа, и апи́ста, и́хъже пита́ше бж҃е́стве­
ным̃ бл҃гоче́стієм̃, и́бо та̀ ѿпрароди́телєй вѣ́рна,
и хрс̃тіа́ныня бя̑ше. ѡклевета́на же бы́вши
свои́мь му́жемь, предъста̀ съ свои́ми дѣть­
мѝ вѷка́рію анѳѷпа́ту, и хрс̃тіа́ну себѐ испо­
вѣда́вши. та́же и два̀ сн҃а єя̀ в̾ темни́цу
в̾ве́ржена бы́ста. ѳеогні́й же пе́рвый сн҃ъ єя̀
повѣ́шенъ и стро́ганъ. пото́мъ же изведе́нъ
вторы́й сн҃ъ єя̀ и біе́нъ, мт҃ри предъстоя́щи
и крѣпя́щи того̀ к̾ подвигѡ́мъ и моля́щи
ѝ. посе́мъ ко́жю главну́ю ѡдра́шя, да́же
и до пе́рсей, и ничто́ же вѣща́я. посе́мъ
тре́тіи изведе́нъ, и хрс̃то́ву вѣ́ру исповѣ́­
давъ, и вся́кими искуше́нъ бы́въ му́ками.
а́біе тріѐ ку́пнѡ посѣче́ни бы̑ша. мт҃и же
и́хъ в̾ темни́цу в̾ве́ржена, идѣ́же и пи́­
щю ѿ рукѝ а́гг҃ловы пріе́мъши укрѣпи́ся.
та́же изведена̀, и повелѣ́ніемъ вѷка́ріе­
вымь в̾ македо́нію тому̀ послѣ́довавъши,

и та́мѡ пону́жена пожре́ти, и не поко́рши­
ся. пе́рвѣе в̾ во́ду в̾ве́ржена бы́сть. та́же
во ѻ́гнь. и поси́хъ ка́меніємъ біе́на, и
ѿ всѣ́хъ не вреди́ма пребы́сть. та́же ведена̀
въ це́рквище и́дольское, и ді́ево истука́нно
пріе́мъши исте́рши, и на зе́млю пове́рже
истончѝ. посе́мъ ѕвѣрє́мъ в̾дана̀ бы́сть,
и в̾ мо́ре ѿ́ суха три́десятимъ по́прищемъ
в̾ве́ржена. тогда̀ яви́ся ви́дящымъ из̾­
дале́ча бл҃голѣ́пнѣ сѣдя́щи, и сне́ю трѝ
му́жи па́че сл҃нца сія́юще. и́же и мнѣ́вше
сію̀ ку́пнѡ на прс̃то́лѣ в̾ кораблѝ в̾сади́вше.
по осми́же дні́й яви́ся во́иномъ в̾ нѣ́кото­
ромъ о́стровѣ єлеспо́нтъ нарица́емь. и сѐ
увѣ́дѣвъ в̾ македо́ніи анѳѷпа́тъ фили́пъ,
нѣ́коему тому̀ повѣ́давшу, писа̀ к̾ кунсу­
ла́рію кѷзи́нческому, єлиспо́нтскія єпа́­
рхіи є́же я́ти ю̀. и ѡбрѣ́тъ ю̀ непокоря́ю­
щуся є́же принестѝ же́ртву и́долѡмъ,
повелѣ̀ о́пакѡ ру́цѣ є́й связа́ти. та́же
удеса̀ є́й сокруши́ти, и пото́мъ главу̀
є́й ѿсѣщѝ. и тому̀ бы́вшу, в̾ ру́цѣ
бг҃у дх҃ъ сво́й
предадѐ.
{#л. ѿк҃ѳ}

Вто́й же де́нь сло́во ѿ ста́рчества.

Гл҃аше нѣ́кій ѿ ста́рецъ вели́къ, и дарова́­
ніе имѣ́я дх҃о́вное, я́кѡ в̾ нача́лѣ єгда̀
в̾ сію̀ страну̀ пріидо́хъ, въ преслову́щіи
гра́дъ антѻхі́ю в̾ше́дъ. и ѿ мно́ги вѣ́ры
подви́женъ, всели́хъ ся в̾ вы́шнихъ
стра́нахъ в̾ верте́пѣ и́же во ст҃ы́хъ іѡ҃а́нна
златоу́стагѡ, я́кѡ хотя̀ та́мѡ жи́ти.
Чл҃колюби́вый же бг҃ъ хотя́и моему̀ спасе́­
нію, во є́же убѣ́гнути собла́знъ же и
ла́янєй, показа́ ми црс̃твующее, да си́це
реку̀ дѣ́йство, и ѡдержа́ща во всѣ́хъ жи­
ву́щихъ в̾ну́трь антіохі́и, и ка́кѡ слы́­
ши. ви́дѣхъ бо ѕвѣ́ря я́кѡ ѕмія̀ вели́­
ка ѕѣлѡ̀, и всѐ тѣ́ло єгѡ̀ раждеже́но и
испо́лнено ѡкружа́я же и приплета́я ве́сь
гра́дъ антѻхі́ю. и пояда́я всѣ́хъ ѿмла́да
же до вели́ка несы́тнѣ, му́жи же и жены̀
и дѣ́ти, ієре́и же и мни́хи. и небѣ̀ убѣ­
га́яи ѿ снѣде́нія єгѡ̀. и се́й бя̑ше сласто­
лю́бія бѣ́съ, єго́же а́зъ ви́дѣвъ и убоя́въ­
ся, бѣ́гахъ внѣ̀ гра́да. и зрю̀ нѣ́коего
гл҃юща мѝ, до́брѣ твори́ши ѿ здѣ́шь­
ни́хъ бѣ́гая, и восходя̀ на́ горы. са́мъ бо
бѣ́съ здѣ̀ речѐ си́лу и́мать, а не нагора́хъ.

избѣ́гнувъ у́бѡ, и пріидо́хъ въ го́ру
въ єди́нъ монасты́рь. и в̾нѣ̀ у́ду того̀
ѡбрѣто́хъ ка́мень надъ кло́ньшіися, и
сѣдо́хъ. не бѣ́хъ же и єщѐ нака́занъ во
и́ночестѣмъ жи́тельствѣ, не доумѣ́яся
у́бѡ в̾ себѣ̀ что̀ творю̀. и пріи́де ми си́цевъ
по́мыслъ глаго́ля, в̾мѣнѝ ны́нѣ я́кѡ
при апс̃лѣхъ изнача́ла єсѝ и ты̀. по ищѝ
у́бѡ и ви́ждь что̀ уча́тъ, и что̀ проповѣ́­
даютъ апс̃ли ѡ спасе́ніи чл҃честѣмъ. Сія̀
у́бѡ помы́сливъ, снидо́хъ во оби́тель, и
проче́тъ четверобл҃говѣ́стникъ, избра́хъ
ѿ негѡ̀ ѡ себѣ̀ за́повѣди гдс̃ни, и ноша́хъ
в̾ себѣ̀ сія̀ непреста́ннѡ. и испе́рьва у́бѡ
соверше́ное имѣ́хъ не стяжа́ніе, я́коже
лѣ́пѡ є́сть мни́хѡмъ. пото́мъ же всѐ
соверше́ное и ѡпа́сное по́стинчество.
сія̀ у́бѡ вели́кій се́й ста́рецъ гл҃аше ѡ
пе́рвѣмъ свое́мъ жи́тельствѣ. а ѡ є́же
поси́хъ бы́вшихъ стра́шныхъ и вели́кихъ
дарова́ніи и́хъже прія́тъ, и ѿкрове́ніи, не
пода́етъ вре́мя из̾рещѝ, я́коже са́мъ
на́мъ исповѣ́да всѐ своѐ пре́жнее жи́тель­
ство. и́же и пи́щю прія́тъ ѿ рукѝ а́гг҃ловы
и друга́я стра́шна по вели́кому апс̃лу,
{#л. ѿл҃}

я́же не лѣ́ть є́сть чл҃ку глаго́лати. сіє́ же
то́чію пону́дихомъся ма́лое исповѣ́дати,
я́коже ѿ него̀ слы́шахомъ служа́ще мы̀
таково́му вели́ку ста́рцу, и в̾ такова́я
стра́шная дости́гъ дарова́нія. рече́мъ же
здѣ̀ па́ки ѡ си́хъ. се́й вели́кій ста́рецъ
я́коже глаго́лаше, пре́жде да́же ми́ру при­
бли́житися єму̀, и оби́тель соста́вити,
имя́ше с̾ собо́ю учн҃ка̀ живу́ща на єди́нѣ
в̾ коли́бѣ. са́мъже то́й ста́рецъ ѡсо́бнѣ
безмо́л̾вствуя, слы́шаше бѣ́сы вопію́ща
и глаго́люща рѣ́чію си́це, я́кѡ стужи́хомъ
сѝ ѿ си́хъ мни́хъ. и к̾ сему̀ ста́рцу я́вѣ
я́кѡ прибли́житися не мо́жемъ. ко уче­
нику́же єгѡ̀ ника́коже, занѐ разоря́етъ
и зи́ждетъ, и не ѡбрѣта́емъ єго̀ пра́здна.
сія̀ бѣсѡ́мъ глаго́лющимъ, своѐ у́бѡ
позна̀ ста́рецъ я́кѡ су́щая в̾ не́мъ ѿ́ бг҃а
бл҃года́ть бя̑ше ѿгоня́ющи и упражня́ющи
бѣ́сы, и неможа́ху єму̀ прибли́житися.
ѡ учн҃цѣ́ же недоумѣ́яше что̀ у́бѡ є́сть,
є́же разоря́етъ и зи́ждетъ. ве́черъ же ко
учн҃ку̀ прише́дъ вопроша́ше и ка́кѡ пребы­
ва́етъ. ѻ́нъже ѿвѣща́въ речѐ, до́брѣ о́ч҃е.
ста́рецъ же испытова́ше єго̀ ѡ уны́ніи.

ѻ́нъ же речѐ гл҃я пе́рстомъ показу́я ка́ме­
ніе, си́мъ ка́менієм̃ созида́ю стѣ́ны, и па́ки
разоря́ю, и сѐ творя̀ не ѡщуща́ю уны́нія.
Сія̀ слы́шавъ вели́кій ста́рецъ, позна̀
коея ра́ди вины̀ не можа́ху бѣ́си прибли́­
житися єму̀, не ѡбрѣта́юще єго̀ ни­
ка́коже пра́здна. тѣ́мъ же в̾ лѣ́поту
глаго́лаху, я́кѡ разоря́етъ и зи́ждетъ.
сія̀ свѣ́дый ста́рецъ, бл҃гоусе́рдна творя̑ше
тогда̀ учн҃ка̀ на таково́е дѣ́ланіе. на́мъ
же глаго́лаше я́кѡ вѣ́дѣ, нижѐ по́льзу
нѣ́кую, илѝ прибы́токъ тѣле́сный имя́­
ше, илѝ себѣ̀, илѝ ино́му. но за є́же
не бы́ти пра́здну, не ѡбрѣта́ху вре́мя
не чи́стіи бѣ́си содѣ́яти что̀ в̾ не́мъ.
па́ки та́коже си́це творя̑ше инѣ́мъ о́бра­
зомъ и́нъ ста́рецъ и́же во оч҃ьстѣмъ.
ка́кѡ ѡбрѣ́тъ коли́бу тро́стяну, и
сѣ́дъ плетя̑ше плѣни́цу, и в̾ мета́ше ю̀
в̾ рѣку̀. и оба́че не прибы́тка, но труда̀
ра́ди и безмо́лвія. бг҃у на́шему сла́ва,
ны́нѣ и при́снѡ и во́ вѣки вѣкѡ́мъ.
{#л. ѿл҃а}

Мцс̃а того́же въ к҃в, дн҃ь. па́мять ст҃а́гѡ
мч҃нка агаѳо́ника, и и́же сни́мъ, зоти́ка
зино́на ѳеопре́пія акинди́на, и севѷріа́на,
бл҃гословѝ о́ч҃е.

Мч҃нкъ хрс̃то́въ агаѳо́никъ, бя̑ше во време­
на̀ максимія́на царя̀. я́тъ же бы́въ коми́­
томъ євто́лміемъ, и́же ѿ никомиді́и, въ
пони́т̾скую страну̀ по́сланъ бы́ти ѿ царя̀
на убіе́ніе хрс̃тія́нѡм̃. и внегда̀ ми́мѡ ходи́ти
єму̀ с̾ корабле́мъ, дости́же мѣ́сто нарица́емое
ка́лпи, и та́мѡ ст҃а́го зо́тика со учн҃кѝ єгѡ̀
ѡбрѣ́тъ хрс̃та̀ исповѣ́дающи, сме́рти распя́­
тію ѡсудѝ и́хъ. та́же воз̃врати́ся в̾никоми­
ді́ю, и увѣ́дѣвъ я́кѡ принги́ѱъ нѣ́которым̃
агаѳо́никомъ, ѿвраща́ющему є́ллины ѿ
и́долъ, и приводя̀ къ хрс̃ту̀, вѣ́рова и то́й.
а́біе посла́въ приведѐ и ѡбои́хъ, и ст҃а́го агаѳо́­
ника би́въ вельмѝ. принги́ѱа же съ про́чими
свя́заными хрс̃тія́ны, ку́пнѡ со агаѳо́ни­
комъ во фракі́ю приведѐ, идѣ́же и царю̀ при­
ше́дъшу, и та́мѡ истяза́нію бы́вшу. при­
ше́дъ же во страну̀ гл҃емую пота́ма, убѝ
ст҃а́го зино́на и ѳеопре́пія и акинди́на. та́
же бы́въ бли́зъ халкидо́на, убѝ ст҃а́го сева­
стіа́на, дер̾знове́ннѡ хрс̃та̀ исповѣ́дающа.

в̾ византі́и же предста́вивъ ст҃а́го агаѳо́ни­
ка съ про́чими свя́заными и с̾ принки́ѱомъ,
и изведе́нъ бы́сть и́зграда біе́нъ вельмѝ.
и доше́дъше до силиврі́а, идѣ́же бя̑ше
маѯиміа́нъ, ѿ сѣко́ша главу̀ єму̀,
та́кѡ и спринки́ѱомъ и съ про́чими хрс̃тіа́­
ны, єли́кѡ и́хъ коми́дъ ѿ никомиді́и
приве́дъ. и́же и сни́ми муче́ніа вѣнцє́мъ
украси́вся. соверша́етъжеся собѡ́ръ и́хъ
во ст҃ѣ́мъ и́хъ муче́ніи, су́щемъ в̾ ново­
гра́діи, и въ муче́ніи ст҃ы́я ѳеѻдѡ́ры,
и всероке́рцѣхъ;

Вто́й же де́нь ст҃ы́я
мч҃нцы анфѵ́сы и аѳана́сіа єпкс̃па крс̃ти́вша
ю̀, и неѻфи́та, и харисѵ́ма слугу̀ єя̀.

Сія̀ бя̑ше приулеріа́нѣ царѣ̀, ѿ́ града
селевкі́йскагѡ, дщѝ антони́нова и марти́­
ріа, вельмѝ бога́тымъ. и́же и́дольско­
му прилежа́ще служе́нію. жела́юще же
кр҃ще́ніа хрс̃то́ва, и хотя́щи єпкс̃па аѳа­
на́сіа ви́дѣти, в̾ та́рсѣ килѷкі́йстѣм̃ бж҃іе
сло́во уча́ща. умолѝ мт҃рь свою̀ пода́ти
є́й двѣ̀ мъскѣ̀, на и́хъ же в̾ ше́дши к̾ пита́­
телницѣ итѝ. харисѷмаже и неофи́та по­
є́мши идя́ше путе́мъ. и а́біе єпкс̃пъ а­
ѳана́сіи а́гг҃ломъ восхище́нъ пред̾ста̀ є́й.
{#л. ѿл҃в}

єго́же ви́дѣвши я́ко то́й є́сть умолѝ
єго̀ припа́дши кнога́ма єгѡ̀, є́же зна́­
менати ю̀ ст҃ы́мъ кр҃ще́ніемъ. и не бы́вши
водѣ̀, помоли́ся єпкс̃пъ, и а́біе искипѣ̀
исто́чникъ во́дный. и два̀ та́мѡ яви́стася
а́гг҃ла, ѻ́бразомъ вои́нческимъ, бѣлы̀ оде́­
жды ст҃ѣ́й простира́юща. крс̃ти́жеся у́бѡ
сама̀, и и́же с̾не́ю ѻ́ба раба̀. и пода́вши
многоцѣ́нную и златоплете́нную свою̀ оде́­
жду єпкс̃пу, и повелѣ́вши єму̀ пода́ти
ю̀ ни́щымъ. ѻна́же ѡбле́кшися въ сми­
ре́ную и худу́ю ѻде́жду, к̾ пита́телницѣ
по́йде. ѻна́же ви́дѣвши нане́й худу́ю
ѻде́жду, ѿри́ну ю̀. и у́же к̾ мт҃ри воз̃­
врати́вшися, и ѕло́бну ѡбрѣ́тши ю̀. из̾­
ше́дши течѐ к̾ єпкс̃пу аѳана́сію, и и́ноческое
житіѐ воспріе́мъши. и во ѡде́жду влася­
ну́ю ѡбле́кшися, и крс̃тъ взе́мши в̾ пусты́­
ню изы́де. за к҃г лѣ́та соѕвѣрьмѝ водво­
ри́вшися, и сни́ми пита́ющися. и мно́ги
напа́сти ѿ бѣсѡ́въ претерпѣ́вши, сми́­
ромъ бг҃у дх҃ъ предадѐ. во ѡбрази́вши
себѐ на ка́мени, идѣ́же є́й ѻбы́чай бя̑­
ше сѣдѣти. єпкс̃пъ же аѳана́сіи я́тъ
бы́сть, и приведе́нъ къ царю̀ уалеріа́ну

и мно́гими ра́нами и же́зліемъ истя́жимъ,
ѿсѣко́шя главу̀ єму̀ мече́мъ. Та́коже
и ст҃ы́й хариси́мъ и неѻѳи́тъ скопцы̀ су̑ще,
и пе́рвіи чл҃цы бл҃же́нныя анфѵ́сы, и́же и
с̾не́ю крс̃ти́вшеся ѿ аѳана́сія єпкс̃па, и гжс̃ѝ
и́хъ ѿше́дши, єпкс̃пуже муче́ніемъ сконча́­
вшуся, пріидо́ша ко уалеріа́ну, и хрс̃тіа́ны
себѐ именова́вше, и и́долы, и тѣ́мъ покло­
ня́ющихся проклина́юще. ѻ́нъ же посла̀ и́хъ
с̾вя́заны апеліа́ну ду́ксу, и предни́мъ хрс̃та̀
исповѣ́давше, по вѣ́шени бы́ша и стро́гани
по всему̀ тѣ́лу. та́же па́лицами вельмѝ
біе́ни. пото́мъ же хрс̃та̀ ра́ди, главы̀ и́мъ
ѿсѣко́ша;

Вто́йже дн҃ь сло́во ѡ затво́­
рницѣ кле́ншемся к̾ бѣ́су.

Бѣ̀ нѣ́кто в̾ горѣ̀ єлеѡ́нстѣй затво́рникъ
ста́рецъ подви́женъ ѕѣлѡ̀, боря́жеся сни́м̾
бѣ́съ блу́дный. во єди́нъ же ѿ́ дніи нале­
жа́щу нанего̀ бѣ́су ѕѣлѡ̀, нача̀ ста́рецъ
рыда́ти, и гл҃ати к̾ бѣ́су, доко́лѣ не ѡста́­
нешися менѐ, состарѣ́лся єсѝ со мно́ю.
и яви́ся єму̀ бѣ́съ ви́дящима ѻчи́ма єгѡ̀,
и гл҃а ста́рцу, клени́мися старче, я́кѡ не по­
вѣ́дати ти никому́же є́же хощу̀ гл҃ати,
и посе́мъ не борю́ся с̾ тобо́ю. и кля́тся ста́рец̃
{#л. ѿл҃в}

єму̀ гл҃я, я́кѡ никому́ же не возвѣщю̀
та́ко ми живу́щагѡ в̾ вы́шнихъ, не реку̀ ни
кому́ же є́же повѣ́сими. и глаго́ла єму̀
бѣ́съ, не кла́няйся сему̀ ѻ́бразу, и посе́мъ
не борю́ся с̾ тобо́ю. бя̑ше бо ико́на прс̃ты́я
влд̃чцы на́шея бцд̃ы и прс̃нѡ дв҃ы мр҃і́и, роди́те­
лницы гдс̃а на́шегѡ іс҃а хрс̃та̀. И речѐ затво́­
рникъ бѣ́су ѡста́нися менѐ, да тя̀ не ви́жю.
и а́біе бѣ́съ исче́зе. на у́тріе же пріи́де затво́­
рникъ к̾ ѳео́дѡру сикеѡ́ту, исповѣ́да єму̀
вся̀ бы́вшая. Ста́рецъ же глаго́ла к̾ затво́­
рнику, вся́чески пору́ганъ єсѝ, поне́ же
кля́лъ ся єсѝ к̾ бѣ́су, то́кмѡ добрѡ̀ я́кѡ
исповѣ́далъ єсѝ. но лу́чше бы тѝ не ѡста́ви­
ти ни єди́ныя блудни́цы во́ градѣ то́мъ,
идѣ́же в̾ до́мъ в̾ни́деши, не́же ли ѿврещи́­
ся поклоня́нія ико́нѣ гдс̃а на́шегѡ іс҃а хрс̃та̀,
и пречс̃тыя єгѡ̀ мт҃ре. утверди́въ же
єго̀ и укрѣпи́въ бо́льшими словесы̀, и ѿ­
и́де в̾ своѐ мѣ́сто. Яви́жеся бѣ́съ па́­
ки затво́рнику, и глаго́ла єму̀, ка́кѡ
єсѝ калуге́ре, нѣ́силимися кля́лъ, я́кѡ
никому́ же не повѣ́дати, то̀ ка́кѡ из̾­
ре́клъ єсѝ ѻ́ному калуге́ру. и сѐ ны́нѣ
глаго́лю ти калуге́ре, я́кѡ кля́твеникъ

и́маши ѡсуже́нъ бы́ти въ де́нь су́дный.
и ѿвѣща́въ затво́рникъ глаго́ла єму̀,
вѣ́мъ я́кѡ роти́хътися и кля́хъся, но
мои́мъ влд̃кою и творце́мъ, тебе́же не
слу́шаю ѡкая́нне, и ѿбѣжа̀ ѿнегѡ̀ бѣ́съ
посра́мленъ. и ктому̀ ѡблегча̀ ѿ
бра́ни ста́рецъ. и про́чее лѣ́то
бг҃оуго́дно пожи́въ сконча́ся.
бг҃у на́шему сла́ва,
ны́нѣ и при́снѡ
и во́вѣки
вѣкѡм̃
;
{#л. ѿл҃г}

Мцс̃а того́же, въ к҃г дн҃ь. па́мять
ст҃а́гѡ мч҃нка лу́ппа, бл҃гословѝ о́ч҃е.

Сти́хъ.
Прилучи́ся лу́ппе и́же вездѣ̀ ра́бъ мечю̀.
свобо́дъ приступѝ бг҃у я́кѡ любо́венъ.

Вто́йже де́нь ст҃а́го мч҃нка ирѷне́я єпкс̃па
сармі́йскагѡ.

Се́й бя̑ше въ ца́рьство діѻклитіа́ново,
єпкс̃пъ сармі́йскій. я́тъже бы́въ симі́ем̾
и приведе́нъ въ паноні́ю. и пред̾ста̀ про́ву
игѣ́мону, и исповѣ́давъ вѣ́ру и́стинную
хрс̃та̀ бг҃а на́шегѡ. тогѡ̀ ра́ди в̾ саже́нъ
бы́въ въ темни́цу, и изведе́нъ и біе́нъ.
и поси́хъ прія́тъ ѡсужде́ніе, мече́мъ главу̀
єму̀ ѿсѣко́ша, и в̾ ве́рженъ в̾ рѣку̀ сармі́й­
скую. и та́кѡ сконча́ся муче́ніе єгѡ̀ в̾ сла́ву
бг҃а на́шегѡ.

Вто́йже де́нь па́мять и́же
во ст҃ы́хъ оц҃а̀ на́шегѡ калли́ника, патріа́рха
констянти́ня гра́да.

Се́й бя̑ше пе́рвѣе сщ҃е́нникъ, и сосудохра­
ни́тель, цр҃кве прс̃ты́я бцд̃ы влахе́рнъскіа.
за премно́гую же єгѡ̀ добродѣ́тель, поста́влен̃
бы́сть архієпкс̃пъ констянти́ня гра́да.
во времена̀ и устіа́на но́ваго, в̾ну́ка
ираклі́єва. то́й мно́гіа подъє́мъ ско́рби

є́же сотвори́ти мл҃тву на разоре́ніе цр҃кви,
прс̃тыя бцд̃ы митрополи́тскія. Ст҃ый́же
ѿвѣща̀, не ѡбрѣто́хъ ни ка́кѡ мл҃тву на
разоре́ніе хра́ма, но па́че на ѻснова́ніе. на
стоя́ніе и соста́въ ми́ръ соста́вленъ бы́сть,
а не на разоре́ніе. по́сланнымъ же ну́дя­
щымъ єго̀, и крамоля́щымъ сотвори́ти
царе́во повелѣ́ніе, воз̾гласѝ бл҃же́нный, сла́­
ва хрс̃ту̀ бг҃у терпя́щему. и а́біе цр҃квь
паде́ся. царю́ же но́съ ѿрѣ́завше и в̾ ко­
рсу́нь заточе́нъ. ѿ ту́ду же бѣжа́вшу
єму̀, и ѿ бо́лгаръ крѣ́пость в̾зе́мше,
и къ стѣна́мъ констянти́ня гра́да прира­
зи́вшеся. и ле́стію пусти́въ к̾ патріа́рху
и к̾ сигкли́ту, є́же изы́ти и того̀ прія́­
ти. Та́же преступи́лъ кля́твы, є́же
ѡбѣща́лся бя̑ше. пред̃ ложе́ну су́щу чс̃тно́­
му крс̃ту̀, и всечс̃тно́му єѵг̃а́лію, и влд̃чнему
тѣ́лу и кро́ви. и а́біе по в̾ хожде́ніи сво­
е́мъ, всегѡ̀ црс̃твующаго гра́да убі́йства
на по́лни, и восхище́нъбы́въ ѿ негѡ̀ ѻру­
жено́сникъ. Бл҃же́нный калли́никъ зато­
че́нъ бы́сть в̾ ри́мъ. показа́вшу єму̀
іустиніа́ну, но́са ѡбрѣ́заніе и язы́ка.
веде́нъ же в̾ ри́мъ вели́кій бж҃іи архієре́й,
{#л. ѿл҃д}

в̾ нѣ́коемъ стѣны̀ ѡснова́ніи в̾сажде́нъ бы́въ
и из̾ вну̀ за ма́завше. та́кѡ мучи́телю
повелѣ́вшу. по четы́редесяте у́бѡ днє́хъ
с̾ па́дшу за ма́занію, и єщѐ жи́въ сы́й
ѡбрѣ́теся єщѐ дыша̀, и по четы́рехъ днє́хъ
ко́ гдс̃у ѿи́де. и положе́нъ бы́сть въ цр҃кви
ст҃ы́хъ апс̃лъ петра̀ и па́вла, я́коже тогда̀
па́пѣ ри́мскому во снѣ̀ ст҃і́и апс̃ли яви́ша­
ся. соверша́етъжеся собѡ́ръ єгѡ̀, во
ст҃ѣ́й вели́цѣи цр҃кви;

Вто́йже дн҃ь сло́во ѿ ста́рчества.

Повѣ́да на́мъ ѻц҃ъ нѣ́кій, я́кѡ бы́сть
речѐ в̾ лѣ́та на́ша ҂ѕф҃п. бра́тъ нѣ́кій
и́менемъ іѡ҃а́ннъ, єго́же зовя́хомъ кѵ́­
прянинъ, не вѣ́мъ а́ще заста́лъ єсѝ то­
го̀. кни́жевенъже бя̑ше, имѣ́яи четца̀ по­
ставле́ніе. се́й бра́тъ у́мре, и́же по нѣ́­
коемъ вре́мени явля́шеся не в̾видѣ́ніи,
но я́вѣ дх҃о́вному бра́ту кѷрса́вѣ, єго́ же
и ты̀ вѣ́си. ви́димь же бя̑ше во две́рехъ
кѣ́ліи єгѡ̀ на́гъ стоя̀ ве́сь, ѡгорѣ́лъ я́коже
главуя̀ ѿ огня̀, го́ркѡ вопія̀, и прося̀ ми́­
лостыни и проще́нія. и вину̀ муче́нія
исповѣ́дуя и гл҃я, я́кѡ со противля́хся и
пререкова́хъ зако́ну и писа́ніемъ. Таково́е

у́бѡ стра́шное видѣ́ніе зря̀ дх҃о́вный
на́шъ ѻц҃ъ, да́же не до ма́ла вре́мене,
не я́вѣ сотвори́въ ѿ ню́дъ ѡ се́мъ кому̀,
илѝ мнѣ̀ су́щему с̾ни́мъ. боя́ся я́коже
глаго́лаше по́слѣжде, да не ка́кѡ пре́лесть
бѣсо́вская є́сть. по нѣ́коемъ же вре́мени
мно́ѕѣ, я́вѣ глаго́ла єму̀, я́кѡ а́ще
не воз̃глаго́леши ѡ грѣсѣ̀ мое́мъ, истя́занъ
бу́деши. тогда̀ изречѐ мѝ вся̀. и раз̾­
смотри́вше ѡбрѣто́хомъ вину̀, я́коже и
са́мъ исповѣ́даше. и во и́стину никто́ же
и́нъ я́коже ѻ́нъ, со противля́шеся глаго́ле­
мымъ же и пи́шемымъ, ѿ закѡ́нъ бж҃іихъ
и бж҃е́ственыхъ писа́ніи. а́ще и ѿ на́съ не
досто́йныхъ, глаго́лема же и пи́шема бя́­
ху, ни бо̀ мо́щнѡ ѿня́ти, илѝ приложи́­
ти, ѿ и́хъ же ст҃ы́мъ дх҃омъ положе́ныхъ
же и уста́вленыхъ. про́клятъ бо речѐ
да бу́детъ, а́ще кто̀ к̾ си́мъ приложитъ
что̀, илѝ ѿи́метъ, да не ка́кѡ подо́бнѡ
что̀ таково̀ постра́жетъ. мы́ же сія̀ слы́­
шавше, єли́кѡ по си́лѣ на́шей сотвори́­
хомъ ѡне́мъ. бг҃у на́шему сла́ва,
ны́нѣ и при́снѡ и во́ вѣки вѣкѡ́мъ;
{#л. ѿл҃е}

Мцс̃а тогѡ́же, въ к҃д дн҃ь, ст҃а́гѡ сщ҃енно­
му́ченика и апс̃ла єѵ̾ти́хіа, ученика̀ ст҃а́гѡ
іѡ҃а́нна бг҃осло́ва, бл҃гословѝ о́ч҃е.

Ст҃ы́й єѵ̾тихі́й, ѻте́чество имѣ́яше все­
вастопо́ли. ѡста́ви же роди́теля и бли́­
жники, учени́къ бы́въ ѿ хрс̃та̀ возлю́­
бленнагѡ апс̃ла вели́кагѡ іѡ҃а́нна бг҃осло́ва,
єму́ же и послѣ́дова стопа́мъ єгѡ̀ и нра́­
вѡмъ, и житію̀ по ревнова́въ, и научи́ся
ѿ негѡ̀ бл҃года́ти бж҃іи. и ре́вности испо́­
лнився, ѡснова́нія ле́стна искоренѝ. и
ѡбрѣ́те па́вла, му́жески с̾ни́мъ ѿлучи́ся
на́ проповѣдь, и у́зы и ра́ны на мнѡ́го
вре́мя в̾ темни́цѣ пострада́въ. и хлѣ́бъ
с̾ нб҃сѐ не ви́димо пріи́мъ, и в̾ пла́мень ѻ́гне­
ный в̾ве́рженъ бы́сть. ка́плямъ дожде́­
внымъ со ше́дшимъ вели́ку су́щу дождю̀,
ѻ́гненагѡ вре́да убѣжа̀ ст҃ы́й. и посе́мъ
ѕвѣре́мъ в̾да́нъ бы́сть въ снѣ́дь, и тѣ́хъ
мл҃твою укротѝ. и ѿ без̾закѡ́нникъ
ѡсужа́емь, ѕвѣ́ря имѣ̀ с̾поспѣ́шника ве­
ли́чія бж҃ія вѣща́юща, и удивля́юща
ви́дящыя. ѿ єфе́са же во своѐ оте́чество
всевастопо́ль, с̾вя́занъ приведе́нъ ско­
нчася;

Вто́йже дн҃ь па́мять ст҃а́гѡ мч҃нка та­
тіѡ́на.

Се́й бя̑ше ѿ мантине́я, є́же под̾клавді́й­
скою митропо́лією, єпа́рхіи оноріа́дъскіа.
я́тъ же бы́въ ѿє́ллинъ за є́же вѣ́ровати
въ хрс̃та̀. предъста̀ въ клаѵ̾ді́евѣ гра́дѣ
кня́ѕю у́рвану, и вопроше́нъ бы́сть, и
христіа́на себѐ исповѣ́давъ, въ темни́цу
въсаже́нъ бы́въ. и па́ки вопроше́нъ,
и зане́же въ вѣ́рѣ хрс̃то́вѣ пребыва́я бя́ше,
біе́нъ бы́сть же́зліемъ, и стро́ганъ же­
лѣ́зы. и па́ки біе́нъ, и посредѣ̀ гра́да
влачи́мь. и доше́дъ град̾ски́хъ вра́тъ,
и назна́менавъ слы́ша гла́съ свы́ше бл҃го­
вѣству́ющь єму̀ бу́дущыхъ бл҃гъ.
и та́кѡ гдс̃ви дх҃ъ предадѐ;

Вто́йже де́нь па́мять прпд̃бнагѡ ѻц҃а̀ на́­
шегѡ и исповѣ́дника геѡ́ргіа єзе́рника.

Се́й бл҃же́нный ѿ ю́ностнагѡ во́зраста по́­
стническое житіѐ, и́же во ѻли́м̾бскихъ
гора́хъ сотвори́въ, и мно́ги по́двиги
показа́въ при львѣ̀ иса́врѣ, и́же сщ҃е́­
нныя ико́ны съсѣца́я, и ст҃ы́хъ тѣлеса̀
съ жиза́я. дерз̾ну́въже ѡ бл҃гоче́стіи,
мучи́телево ѡбличѝ нече́стіе и безбо́жіе,
{#л. ѿл҃ѕ}

и и́стинную вѣ́ру проповѣ́давъ, въ глубо́цѣ
сы́й ста́рости. и́бо гл҃ютъ того̀ бы́ти
лѣ́томъ, девятѝ десяти́мъ и пяти́мъ,
мно́го ѕлоко́зненыя му́ки претерпѣ́въ.
на послѣ́докъ же но́съ ѿрѣ́заша єму̀,
и главу̀ єму̀ ѡпали́ша, о́нъ же бл҃го­
да́рствуя и моля́ся бг҃у дх҃ъ предадѐ;

Вто́йже де́нь сло́во ѿста́рчества.

Такову̀ и́ну глави́зну исповѣ́да на́мъ бл҃же́­
нный оц҃ъ на́шъ кѵ́ръ лука̀, я́кѡ мла́дъ
сы́й речѐ єщѐ, у́мре во странѣ̀ мое́й
кн҃зь, и погребе́нъ бы́сть во гробѣ́хъ.
иду́щуже ми во учи́лище, зрю̀ воєди́­
номъ гро́бѣ стоя́ща чл҃ка ѡпалена̀ всего̀,
я́коже главню̀, и призыва́юща мя̀ и гл҃ю­
ща, я́кѡ ѡста́вихъ в̾ завѣ́тѣ напи́сано
ѡ избавле́ніи душѝ своєя̀, и не да́ша ни­
что́же, рцы̀ у́бѡ да дана̀ бу́дутъ.
єльма̀ а́ще не дана̀ бу́дутъ, та́кѡ бу́ду
я́коже мя̀ зри́ши. а́зъ же младе́нецъ
сы́й ѿ́ стра́ха бѣжа́въ, я́кѡ ѿ гру́бости
ю́ностныя ни что́же не глаго́лахъ. и ны́нѣ
толи́кими лѣ́ты суди́мь є́смь ѿсо́вѣсти
моєя̀. сія̀ гл҃аше бл҃же́нный ѻц҃ъ на́шъ
кѵ́ръ лука̀ митрополи́тъ анава́рзъскій.

подо́бнѡ сему̀ повѣ́даше, и пред̃ воспомя­
ну́тый вели́кій ста́рецъ ве́щь стра́шну, па́­
че же поле́зну. я́кѡ у́бѡ у́же собира́ше
бра́тію, ѻба́че ве́ліе и пресла́внѡ я́кѡ мнс̃трь
соста́ви. слы́шавъ бо и́же по́ плоти бра́тъ
єгѡ̀ пріи́де к̾ нему̀, и постри́гъся въ мо­
настырѝ, во мно́ѕѣ не бреже́ніи, и не вни­
ма́ніи коне́цъ житія̀ прія́тъ. ста́рецъ же
трудолюбе́знѣ попече́ся ѡне́мъ, и пребы́въ
въ мл҃твѣ, моля́шеся ѿкры́ти єму̀ ѡ бра́­
тѣ єгѡ̀. зри́тъ дш҃ю єгѡ̀ в̾ рука́хъ бѣ­
сѡ́в̾скихъ. да я́кѡ у́бѡ сѐ ви́дѣ, повелѣ̀
бра́тіямъ кѣ́лію бра́та єгѡ̀ изыска́ти ѻпа́­
снѡ. и є́же а́ще ѡбря́щутъ, да принесу́тъ
к̾ ста́рцу. тому́ же бы́вшу, ѡбрѣто́шася
про́мысломъ бж҃іимъ, внѣ̀ ни́щіи мно́ѕи и
убо́ѕіи, и то́й а́біе повелѣ̀ вся̀ тѣ́мъ да́ти
ся. да́въ вну́треннимъ бра́тіям̃ за́повѣдь,
я́кѡ да никто́же ѿ них̃ы что̀, ѿ си́хъ ѿню́дъ
во́зметъ, ѿ ма́ла да́же до вели́ка. и сему̀
сотворе́ну бы́вшу, па́ки ста́рецъ ста̀ на моли́­
твѣ, и ви́дѣ суди́ще бж҃іе, и бжс̃твеныя
а́гг҃лы де́рзость ѿ млс̃тни пріє́мша, и ѡ дш҃ѝ
не чи́стым̃ бѣсѡ́мъ со проти́вящася. стра́шно
же ѕѣлѡ̀, и мно́га испо́лнь у́жаса речем̃ здѣ̀.
{#л. ѿл҃з}

нечи́стіи у́бѡ бѣ́си, вели́кимъ гла́сомъ
вопія́ху къ бг҃у глаго́люще, пра́веденъ єсѝ,
пра́вду судѝ. сія̀ дш҃а̀ на́шя є́сть, и
на́шя дѣла̀ твори́ла є́сть. А́гг҃ли же
бж҃іи проти́ву тѣ́мъ глаго́лаху, но бы́сть
мно́га ми́лостыня ѡне́й, и избавле́ніе
му́жу своѐ єму̀ бога́тьство. па́ки
противля́хуся не чи́стіи бѣ́ сѝ глаго́люще,
то̀ єда̀ то́й да́лъ ми́лостыню, но ста́­
рецъ, и показа́ху єго̀. Вели́кій же ста́­
рецъ ѿвѣща̀ глаго́ля, во и́стину а́зъ
сотвори́хъ ми́лостыню. но у́бѡ ра́ди
сея̀ дш҃ѝ ту̀ сотвори́хъ. и сѐ ре́кшу
єму̀, а́біе бе́з̾вѣсти бы̑ша не чи́­
стіи бѣ́си. и ѡста̀ дш҃а в̾руку̀ ст҃ы́хъ
а́гг҃елъ
;

Вто́йже де́нь пренесе́ніе чс̃тны́хъ моще́й
и́же во ст҃ы́хъ оц҃а̀ на́шегѡ петра̀ митро­
поли́та моско́вскагѡ и всеа̀ русі́и чю́до­
тво́рца.

Пренесены̀ бы́шя мо́щи и́же во ст҃ы́хъ оц҃а
на́шегѡ петра̀ митрополи́та всеа̀ русі́и
чюдотво́рца, из̾ ста́рыя цр҃кве, успе́нія
прс̃ты́я бцд̃ы, ю́же са́мъ чюдотво́рец̃ созда̀,
в̾но́вую и вели́кую цр҃ковь. то́й бо ма́лѣ є́й
и ста́рѣ су́щи, по велѣ́ніемъ бл҃гочс̃ти́вагѡ
цр҃я̀ и вели́кагѡ кн҃ѕя ива́нна васи́ліевича
всеа̀ русі́и, самоде́ржца ру́с̾скія землѝ.
и бл҃гослове́ніемъ пресщ҃е́ннагѡ митрополи́та
фили́ппа, и́же тогда̀ того̀ самого̀ бл҃же́нна­
гѡ петра̀ архієре́йскій прс̃то́лъ содержа́щагѡ.
и посе́мъ разбра́ша цр҃ковь ве́тхую, и́же
вну́трь бѣ́яше вели́кія цр҃кве но́выя, у­
спе́нія прест҃ы́я бцд̃ы и прс̃нѡ дв҃ы мр҃і́и,
да́же и до са́мых̃ мѣ́стъ разбра́вше, вни́хъ
же почива́ху сщ҃е́нныя мо́щи. и ту̀ ѡ­
брѣто́ша чс̃тны́я мо́щи ст҃ы́хъ бл҃же́нныхъ
тріе́хъ єра́рхъ, того́же бг҃охрани́магѡ гра́да
москвы̀ митрополи́тов̃, кѷпріа́на и ѳѡті́я
и́же во бл҃же́ннѣи жи́зни ст҃опочи́вшихъ, и
хвала́мъ досто́йных̃, и іѡ́ны митрополи́та
{#л. ѿл҃и}

ту́же ієго̀ ѡбрѣто́ша, и́же ма́лѡ пред̾
си́ми лѣ́ты бл҃же́ннымъ сно́мъ усну́вша
в̾ вѣ́чный поко́й. єго́же по преставле́ніи
бг҃ъ на и па́че просла́ви и чюдесы̀ почтѐ,
послѣди́же и пѣ́ніе явѝ єго̀. и посе́мъ
цр҃квь вели́кая по́мощію бж҃іею и прчс̃тыа бцд̃ы
создана̀ бы́сть. и а́біе первопрс̃то́льникъ посла̀
я́же в̾ предѣ́лѣхъ єгѡ̀, по архієпкс̃пы,
я́кѡ да скорѣ́йшее къ бжс̃твеному дѣ́лу сщ҃е́­
ннагѡ пренесе́нія чс̃тных̃ моще́й ст҃а́гѡ петра̀
митрополи́та пріи́дутъ. но поне́же вре́мени
зову́щу, єпкс̃помъ раз̾стоя́нія мѣстѡ́мъ
дале́ыче су́щимъ. и а́біе приспѣ̀ сщ҃е́нный
днёь, во́нь же хотя̑ше чс̃тно́е бг҃оно́снагѡ оц҃а̀
пренесе́ніе бы́ти, тогда̀ сопрс̃то́лникъ бл҃же́­
ннагѡ петра̀ со архієпкс̃помъ и єпкс̃пы, и со
всѣ́мъ и́же ѡне́мъ сщ҃е́ннымъ собѡ́ромъ,
прише́дъ в̾ вели́кую цр҃квь идѣ́же сщ҃е́нная
слу́жба содѣ́ятися хотя́ше. ту́же при­
и́де и бл҃гочс̃ти́вый цр҃ь и вели́кій кня́зь
ива́ннъ самоде́ржецъ, и с̾ сн҃омъ свои́мъ
с̾ вели́кимъ кня́ѕемъ ива́нномъ и с̾ бра́тіею
свое́ю. Пріи́деже и бл҃гочс̃ти́вая княги́ня
марі́а. и я́кѡ у́же пріи́де ча́съ сщ҃е́нна­
гѡ пренесе́ніа, тогда̀ у́бѡ са́моде́ржецъ

рука́ма и с̾ сн҃омъ свои́мъ и с̾ бра́тією
со мно́гимъ смире́ніемъ и любо́вію сле́зы ѿ
ра́дости излива́я. и в̾зе́мъ чс̃тны́я мо́щи
ст҃ля петра̀, с̾ ни́миже кня́ѕи и боля́ре
послѣ́дующе, архієре́и же с̾ кади́лы и со свѣ­
ща́ми чс̃тнѡ пред̾ходя́ще, и наро́да мно́же­
ство послѣ́дствующе, ѿ ра́дости сле́зы
испуща́юще, и гдс̃и поми́луй в̾зыва́ху.
та́коже си́мъ чс̃тнѡ быва́ющимъ, и на
угото́ванное мѣ́сто пренесо́ша чс̃тно́е тѣ́ло,
и положи́ша в̾ но́вѣи и вели́цѣй цр҃кви успе́­
нія ст҃ы́я бцд̃ы в̾ же́ртвеницѣ, по пра́вую
страну̀, в̾ сре́бренѣ и позлаще́нѣ ковче́зѣ.
па́киже гл҃ю и сѐ. я́кѡ в̾ ве́тсѣй цр҃кви
лежа́ху чс̃тны́я мо́щи ст҃а́гѡ петра̀ чюдо­
тво́рца мнѡ́га лѣ́та. и в̾нѣ́кое вре́мя
безбо́жный ца́рь тахтамы́шь ле́стію гра́дъ
москву̀ взя́тъ, бг҃у та́кѡ попусти́вшу
грѣ́хъ ра́ди на́шихъ. ви́дяху бо безбо́жніи
ага́ряне гро́бъ ст҃а́гѡ укра́шенъ, и а́біе
ѿкры́ша гро́бъ, ча́юще в̾не́мъ нѣ́что изо­
ѡбрѣстѝ, и не ви́дими бы̑ша мо́щи єгѡ̀
безбо́жными. из̾ше́дъшеже безбо́жніи
и́зграда, и кровопроли́тіе мнѡ́го сотвори́­
ша. посе́мъ и гра́дъ зажго́ша ѡгне́мъ.
{#л. ѿл҃ѳ}

гро́бъ же чюдотво́рнагѡ оц҃а̀ ѿогня̀ згорѣ́въ
ве́сь распаде́ся. сщ҃е́нныяже мо́щи чюдо­
тво́рца петра̀, бж҃ією по́мощію сохране́ни
бы̑ша. покро́въ же и сри́зами и́же бѣ̀
верху̀ єго̀ згорѣ̀. ри́зы же и́же под̃ ст҃ы́­
ми мощьмѝ бл҃же́ннагѡ ничто́же ѿ огня̀
пострада́шя, к̾ бо́лшему извѣще́нію, да
увѣ́дятъ всѝ и разумѣ́ютъ я́кѡ гдс̃ь на́шъ
іс҃ъ хрс̃то́съ просла́вля́ющихъ єго̀ и по см҃рти
просла́вля́етъ. и́щущіи же гдс̃а пріе́млютъ
бл҃года́ть. и ѿто́лѣ уста́виша чс̃тны́й
се́й пра́здникъ пра́здновати сщ҃е́ннагѡ пре­
несе́нія моще́й єгѡ̀, мцс̃а а́вгуста,
въ к҃д дн҃ь, в̾ сла́ву вели́кагѡ бг҃а и сп҃са
на́шегѡ ис҃а хрс̃та̀, и пречс̃тыя єгѡ̀ мт҃ре,
и ст҃а́гѡ чюдотво́рца петра̀.

Вто́йже де́нь сло́во ѡ жени́твѣ и ѡ любо­
дѣя́ніи.

Пріидѣ́те у́мніи и смы́сленіи, слу́хъ
разве́ргъше, послу́шайте худа́гѡ моегѡ̀
словесѐ ва́мъ на по́льзу гл҃ющаго ѡ жени́твѣ
и ѡ посяга́ніи и ѡ пребыва́ніи вѣ́рныхъ жи­
тія̀. гл҃ющу бо апс̃лу па́влу, че́стенъ бра́къ
и ло́же нескве́рненѡ. Се́же бра́тіе слы́ша­
ще во́н̾мем̃ в̾ срд̃цы гл҃анная на́мъ напо́льзу.

я́коже па́ки то́й же апс̃лъ гл҃ет̾, немогі́й уде­
ржа́тися да же́нится и посяга́етъ. у́не бо
є́сть жени́тися, не́же прелюбы̀ твори́ти.
любодѣ́емъ бо и прелюбодѣ́емъ су́дитъ бг҃ъ.
да а́ще толи́къ су́дъ повѣ́даетъ апс̃лъ согрѣ­
ша́ющымъ до жени́твы, ипокая́нія не тво­
ря́щымъ, кольмѝ па́че ѡставля́ющи жены̀
своя̀, и ко инѣ́мъ приходя́щимъ. да а́ще
вси́хъ грѣсѣ́хъ уловле́ни бу́демъ дія́волом̃,
то̀ у́же ктому̀ ѡста́немся та́цѣхъ дѣ́лъ,
и поревну́емъ до́брыхъ му́жь житію̀, ка́­
кѡ ті́и зако́ннѡ пожи́ша, и зако́ннѡ умро́­
ша. авраа́мъ не бѣ́ ли жена́тъ и ісаа́къ и
ія́ковъ, и ині́и мнѡ́зи, и́хъ же мы̀ нн҃ѣ
бл҃жи́мъ и чте́мъ. но ѻнѝ в̾ зако́нѣ пожи́ша
и не приступи́ша ѿ жє́нъ свои́хъ ко ины́мъ,
ни взыска́ша блудни́цъ, ни в̾ прелюбодѣ́й­
ствѣ пребы́ша. илѝ не вѣ́сте я́кѡ мнѡ́зи
су̑ть в̾ ве́тсѣмъ зако́нѣ и в̾ но́вѣмъ погуби́­
вше м̾зду̀ свою̀, мнѡ́гих̃ ра́ди жє́нъ въ блу­
дѣ̀ пребы́вше. соло́мѡнъ о, не ѿ мно́гихъ
ли жє́нъ поги́бе. дв҃дъ же ѻц҃ъ єгѡ̀ вели́кій
про̃ркъ и цр҃ь, я́кѡ и ст҃о́му дх҃у почива́ющу
нане́мъ, не тѣ́мъ ли грѣхо́мъ бѣ̀ па́л̾ся,
и́же с̾ вирсаві́ею согрѣшѝ, и му́жа єя̀ убѝ.
{#л. ѿм҃}

но а́ще и согрѣшѝ ско́рѡ, скорѣ́е и покая́ніе
принесѐ, не жестоки́ми усты̀, но из̾ глу­
бины̀ серде́чныя, я́кѡ к̾ тому̀ не сотвори́ти
тѣ́хъ и пла́катися. та́коже и вы̀ не мози́­
те ѡставля́я жє́нъ свои́хъ, ко инѣ́мъ при­
ходи́ти. Гл҃ю же къ цр҃є́мъ и кн҃ѕє́мъ и всѣм̃
вла́стелємъ, не мози́тє ѿ има́ти жє́нъ
у муже́й, и прилѣпля́тися и́мъ, я́кѡ
тѣ́м̾же зако́номъ и бра́комъ совокупи́шася,
и на то́м̾же судѣ̀ ста́ти и́мутъ. ни дще́рєй
наси́ліемъ ѿ има́ти убо́гихъ, ни уничижа́­
ти, ни дѣ́въ срамля́ти. возопию́тъ бо ті́и
къ бг҃у, и услы́шитъ и́хъ бг҃ъ, и по́слетъ
гнѣ́въ сво́й на вы̀. я́коже гл҃етъ іѡ҃а́ннъ ве­
ли́кій бг҃осло́въ, я́кѡ* {*апокале­ѱѷсъ д҃і} се́рпъ паля̀ и пожина́я
грѣ́шники ѿ землѝ, да здѣ̀ житія̀ го́нь­
знемъ ѕлѣ̀, а ѡна́мѡ му́читися и́мамы.
да кі́й ѿвѣ́тъ и́мамы возда́ти на стра́шномъ
то́мъ суди́щи. убои́мся бра́тіе судіѝ того̀
си́лнагѡ, не на лицѐ зря̀ судя́щагѡ. ѡста́­
немся такова́гѡ сластолю́бія, и ѕла́гѡ хотѣ́­
нія, и сотвори́мъ и́стинное покая́ніе, и ми́­
лостынею ѡчи́стимся. и та́кѡ по вся̀ днѝ
творя́ще получи́мъ црс̃тво нбс̃ное. бг҃у на
шему сла́ва, нн҃ѣ и прс̃нѡ и во́вѣки вѣкѡм̃;

Мцс̃а того́же, въ к҃е дн҃ь. воз̾враще́ніе
моще́мъ ст҃а́гѡ апс̃ла варѳоломѣ́я
бл҃гословѝ ѻ́ч҃е.

Я́кѡ ди́венъ бг҃ъ во ст҃ы́хъ свои́хъ,
бл҃говре́меннѡ є́сть мнѣ̀ ны́нѣ возопи́­
ти, повѣ́дати прежерече́нная, и и­
зря́дное нѣ́кое чюдодѣ́йствіе. и́бо
ст҃ы́й апс̃лъ варѳоломѣ́й в̾ разли́чныхъ
мѣ́стѣхъ гдс̃не и́мя чл҃кѡмъ проповѣ́­
давъ, ра́спятъ бы́сть во алфені́йстѣмъ
гра́дѣ, в̾ вели́цѣй армені́и восто́чнѣй.
и того̀ положи́ша в̾ ра́цѣ ка́меннѣй, и́же
при кончи́нѣ єгѡ̀ вѣ́рніи ѡбрѣ́тшіися,
во алва́нѣ вели́ких̃ ра́менъ. да я́кѡ не преста́­
ннѡ ст҃а́я ѻ́на ра́ка бя́ше цѣльбы̀ точа́щи
притека́ху лю́діе и преименова́хуся ѿ стра­
стє́й стра́ждущихъ. такова́я у́бѡ зря́­
ще дія́воли слугѝ, гнѣ́вахуся на о́ну
бж҃е́ственую ра́ку, исобра́вшеся нѣ́когда
пове́ргше ю̀, иму́щю ст҃а́гѡ апс̃ла тѣ́ло,
со инѣ́ми четы́рми тѣлесы̀ и ра́ками ст҃ы́х̾
мч҃нкъ. Се́же всѐ бы́сть, да и тако­
вое мо́ре и́мъже про́йде, ѡ ст҃и́тъся и́хъ
ра́ди. и мѣ́ста, а́може коєго́ждо бжс̃твеная
бл҃года́ть раздѣлѝ, да бл҃гослови́тся.
{#л. ѿм҃а}

в̾ вели́кія нѣ́дра пучи́ны ѿплы́въ апс̃лъ,
и въ тѣ́сная єлиспо́нтскихъ ми́мѡ те́къ
глуби́нъ. єгеа́тъскую же и адріа́тскую до­
сти́гъ пучи́ну. и сикелі́йскій сла́вный же и ве­
ли́кій ѻ́стровъ ѡшу́ю ѡста́вивъ, имѣ́я
послѣ́д̾ствующихъ є́же в̾ про́чихъ ра́кахъ
добропобѣ́дныя мч҃нки, папіа́на, лукі́ана,
григо́ріа ака́кіа. и во ѻ́стровъ нарица́емый
лѷпа́рь устреми́ся. я́кѡ чю́дна дѣла̀
твоя̀ гдс̃и, и ко́е сло́во дово́льнѡ є́сть
к̾ пѣ́снємъ чюдє́съ твои́хъ. и́бо добропобѣ́­
дніи мч҃нцы я́кѡ нѣ́кая црс̃твіа идѣ́же
то̀ изво́ли почивати, вели́каго ѡста́вль­
ше апс̃ла, а́біе раздѣли́шася, идѣ́же
коего́ждо бжс̃твеное повелѣ́ніе бл҃гоизво́ли
всели́ти. папіа́на во ами́лу гра́да сѷкелі́й­
скагѡ. лукі́ана же в̾ месилі́й. григо́ріа в̾ ко­
лимні́ю гра́да калаврі́йскагѡ. ака́кіа же
во асха́лскій гра́дъ, є́же єпкс̃пствовати
в̾ липа́рѣхъ пра́вити бжс̃твеный того̀ посла̀
апс̃лъ. и а́біе єпкс̃пъ потща́вся, я́кѡ
ви́дѣ вели́кое и стра́шное дѣ́йствіе у́жаса
испо́лнься нача́тъ вѣща́ти, ѿку́ду тебѣ̀
ѽ лѷпа́ре таково́е и мно́гое до́йде бога́ть­
ство. во и́стину воз̾вели́чилъся єсѝ,

па́че просла́вился єсѝ. лику́й в̾зыгра́й при­
имѝ свои́ма рука́ма, и возопі́й к̾нему̀,
до́брѣ пріи́де гдс̃нь апс̃ле. сицева́я и и́на
не ма́ла єпкс̃пъ изре́къ и похвали́въ апс̃ла, и
ѻ́стровъ сло́вомъ ѡбогати́въ. да я́кѡ подо­
ба́ше бжс̃твеную ра́ку поста́вити на наро́читѣ
мѣ́стѣ, идѣ́же и бжс̃твеная цр҃квь прилѣ­
жа́ше бы́ти, въ сла́ву всѐ хва́лнагѡ апс̃ла.
и ѻвнѝ мнѡ́зи влеку̑ще, и ника́ко же и
слу́шая бя̑ше, до́нде же ѿкрове́ніемь бж҃е́­
ственымь бл҃же́нный агаѳо́нъ супру́гъ при­
ведѐ ю́нчіи, и тонки́ми ю́жи ѡб̾ви́въ всеве­
ли́кую ра́ку. и си́лою и́же в̾ не́й су́щагѡ удо́­
бнѡ повезѐ, идѣ́же бя̑ше во́ля апс̃лу. чюде­
си́ же чю̑до пребыва́ше велича́йшее, и мно́гое
с̾равне́ніе ѿ не навы́кшихъ ѿ бжс̃твеныхъ чю­
додѣ́ліи невѣ́рующихъ. ѻ́стровецъ бо пи­
хра́нь нари́чемый, имѣ́я исто́чникъ кипя́щь
дні́ю и но́щію. да я́кѡ апс̃лово прише́ствіе
ѻщутѝ, и в̾нѐ приближе́ніемъ липа́рскому
дости́ же, бжс̃твеною си́лою воспяти́ся, и
се́дмь по́ прищь дале́че нача́тъ тещѝ. я́ко­
же тече́нію тоя̀ рѣкѝ да́же и до дне́сь, чю́до
проповѣ́дающи. Ѽле пресла́вному чюдесѝ,
гдѣ̀ такова́я по всему̀ под̃сл҃нечію повѣ́дати.
{#л. ѿм҃в}

єгда́ же воз̃дви́же єпкс̃пъ прекрасну̀ цр҃квь
апс̃лу, и в̾ не́й я́кѡ многоцѣ́нное сокро́вище,
бжс̃твеное ѻ́но и всечс̃тно́е тѣ́ло, съ бжс̃твеною
ра́кою положѝ. кто́же изрещѝ мо́жет̾, я́же
и до дне́сь быва́емая чюдеса̀, ѿ мнѡ́гих̃ у́бѡ
мимоше́дшихъ послѣ́днихъ времє́нъ. Во́
дни ѳео́фила фригі́и царя̀, идѣ́же ст҃ы́й
апс̃лъ лежа́ше, за є́же умно́житися без̃за­
ко́ніем̃ на́шымъ, ѿ ага́рянъ всему̀ лѷпа́рь­
скому ѻ́строву плѣне́ну, кн҃зь гра́да мене́­
вда, апс̃льская чюдеса̀ увѣ́дѣвъ, вѣ́рою
те́плою ко ст҃о́му подви́гся, ѿ амафли́нъ­
скагѡ гра́да му́жи нѣ́кіа пловцы̀ при зва́въ,
и си́мъ имѣ́нія дово́лпая да́ти ѡбѣща́вся,
и умоли́въ и́хъ итѝ, и многоцѣ́нное ѻ́но
сокро́вище к̾нему̀ принестѝ, є́же и съ бы́сть­
ся. кн҃зь же увѣ́дѣвъ прише́ствіе ст҃а́­
гѡ, мѣ́ста же тогѡ̀ єпкс̃па, и мнѡ́жество
кли́рикъ, и лю́дьскій собѡ́ръ подви́гъ кора­
бльмѝ по́ морю, изыдо́ша на стрѣ́теніе
апс̃льскагѡ тѣлесѐ. и́же во́ градъ мене́вдъ
в̾не́съ, въ чс̃тнѣ́мъ мѣ́стѣ положѝ, идѣ́­
же мно́ги цѣльбы̀ творя̀ апс̃лъ вели́кій,
всѣ́мъ к̾нему̀ притека́ющымъ въ сла́ву
хрс̃та̀ бг҃а на́шегѡ;

Вто́й же дн҃ь па́мять ст҃а́гѡ апс̃ла ти́та
єпкс̃па горту́нскагѡ, ученика̀ ст҃а́гѡ апс̃ла
па́вла.

Ти́тъ бл҃же́нный мино́на цр҃я̀ бя̑ше кри́тъ­
скагѡ сро́дникъ, я́коже гл҃ютъ. зинами­
ни́къ же, и житіѐ єгѡ̀ с̾писа́вый, єго́ же
воспомина́етъ ст҃ы́й апс̃лъ па́вел̃. Се́й у́бѡ
бл҃же́нный изнача́ла житія̀, мно́гу по­
каза́въ тщету̀, и́же въ є́ллинѣхъ на ди­
вія́щееся наказа́ніе. и у́же два́десятим̃
лѣ́томъ бы́въ, слы́шавъ глс̃а с̾ нб҃сѐ зову́щь,
ти̑те подоба́ет̃ тѝ ѿ здѣ̀ ѿ итѝ, и дш҃ю свою̀
спастѝ. и́бо не довлѣ́етъ тѝ наказа́ніе та­
ково́е. єще́ же слы́ша такова́гѡ гла́са, хотя́
бо є́же ѿ трє́бъ гла́сы преле́стныя исходя́­
щихъ не пріима́ти. прижи́въ же єдина́че
єди́но лѣ́то, повелѣ́но єму̀ бы́сть сн҃омъ
євре́йскую кни́гу прочестѝ. и пріе́мъ кни́гу
иса́іи проро́ка, и на пре́къ раз̾гну́въ ѡбрѣ́­
те, ѡб̾новля́йтеся ко мнѣ̀ ѻ́строви дре́вніи,
и спасе́нъ бы́сть гдс̃емъ, спасе́ніемъ вѣ́чнымъ
и про́чая. анѳѷпа́т̾же кри́тскій, слы̑ша
влд̃ки хрс̃та̀ спасе́ное рожде́ніе, и чюдодѣя́­
нія, я́же творя́ше во ієрс̃ли́мѣ, и во ины́хъ
мѣ́стѣхъ, совѣ́ты нра́ву въ кри́тѣ сотворь.
{#л. ѿм҃г}

посла̀ ти́та во ієрс̃ли́мъ я́кѡ дово́лна, по­
слу́шати же и рещѝ, и повѣ́дати слы́шае­
мая. то́й же ше́дъ, и ви́дѣвъ и поклони́­
ся влд̃цѣ хрс̃ту̀. пре бы́сть во ієрлс̃и́мѣ,
и чюдесє́мъ сп҃совымъ ви́децъ бы́въ. ви́дя­
ше и спасе́ныя єгѡ̀ стрс̃ти, и погребе́ніе и
воскрс̃ніе, и бжс̃твеное вознесе́ніе, и всѐ
ст҃а́гѡ дх҃а на ст҃ы́я апс̃лы прише́ствіе же, и
на ко́єгождо сѣдѣ́ніе, и вѣ́ровавъ, при­
чта́ся и то́й двана́десятимъ вѣ́ровавшимъ
гдс̃ви, поуче́ніемъ верхо́внагѡ апс̃лѡмъ пе­
тра̀. та́же сщ҃е́нъ бы́въ, и по́сланъ с̾ па́­
вломъ учи́ти же и ѡсщ҃а́ти. прише́дъ
с̾ни́мъ во антиохі́ю писиді́йскую, и во ико­
ні́ю, и во ѻни́сифоровъ до́мъ. та́же в̾ ли́­
стру и де́рвь. и по вся́кихъ мѣ́стѣхъ со
апо́столомъ па́вломъ, бж҃іе сло́во проповѣ́­
дая. рости́лу же сестру̀ водя́щу ти́ту съ со­
бо́ю, є́йже во второ́е лѣ́то ше́дши в̾ кри́тъ­
скую ѻ́бласть, идѣ́же бя̑ше паве́лъ и
ти́тъ. и изыдо́ша ѿ кри́та, пре идо́ша
во асі́ю. и ѿту́дѣ ѡб̾ ше́дше с̾ па́вломъ,
да́же и до ри́ма. и убіе́нъ бы́сть паве́лъ неро́­
номъ. ти́тъ же воз̃врати́вся в̾ кри́тъ, и та́­
мѡ єпи́скѡпы и попы̀ поста́вль почѝ ѡ гдс̃ѣ.

бя̑ше бо лѣ́тѡмъ два́десятимъ. внегда̀
ѡк̃ри́та до́йде во ієрс̃ли́мъ, и до вознесе́нія
совершѝ лѣ́то єди́но. пото́мъ походи́въ,
де́сять лѣ́тъ, поста́вленъ бы́сть апс̃лъ
ѿ верхо́вныхъ учн҃къ хрс̃то́вых̃. пре́йде про­
повѣ́дая єѵг̃а́ліе за ѻ́смь на́десять лѣ́тъ.
и в̾ кри́тѣ и в̾ про́чихъ ѻ́стровѣхъ, ше́сть
лѣ́тъ. и во ѻч҃ествіи, три́десять ше́сть.
всѣ́хъ же лѣ́тъ єгѡ̀ житіа̀, ч҃д. соверша́ет̃­
жеся собѡ́ръ єгѡ̀ во ст҃ѣ́й вели́цѣй цр҃кви.

Вто́йже дн҃ь па́мять прпд̃бнагѡ ѻц҃а̀ на́ше­
гѡ ми́ны архиєпкс̃па царя̀ гра́да.

То́й во ст҃ы́хъ оц҃ъ на́шъ ми̑на, бы́сть
у́бѡ въ црс̃тво іустіа́не, презвѵ́теръ
констянти́ня гра́да ст҃ы́я цр҃кве. и
добродѣ́тели єгѡ̀ ра́ди поста́вленъ бы́сть
патріа́рхомь царя̀ гра́да, ѿ агапи́та
па́пы ри́м̾скагѡ, прише́дшу у́бѡ єму̀
тогда̀ ѿ ри́ма в̾ цр҃ь гра́дъ ѡ исправле́ніихъ
нѣ́кихъ цр҃ко́вныхъ в̾зыска́ніихъ, и про­
кле́ншу анѳі́ма єретика̀, и ѿ прс̃то́ла ѿ­
гна́вшу. и па́ки тому̀ воз̾врати́въшуся
в̾ ри́мъ. и пома́лѣ поста́вленъ бы́сть и́нъ
па́па. и по нѣ́коемъ вре́мени и то́й пріи́де
в̾ констянти́нь гра́дъ, и чс̃тнѡ пріят̃ бы́сть,
{#л. ѿм҃д}

и мудролю́бнѡ ѿ царя̀ и патріа́рха почте́нъ
и возвы́сився ѿ горды́ни, дадѐ єпитемію̀
ст҃о́му ми́нѣ не служи́ти. и то́й у́бѡ
ра́дуяся прія̀ єпитемію̀, ре́кше запреще́ніе
я́кѡ бж҃іи ст҃ль. ца́рь же раз̾гнѣ́вався,
ис̾ поруга́ніемъ ѿпустѝ па́пу в̾ ри́мъ. и по
си́хъ ст҃ы́й ми̑на до́брѣ упа́съ ста́до своѐ
къ гдс̃у ѿи́де.

Вто́йже дн҃ь стрс̃ть ст҃ы́хъ
мч҃нкъ. три́десяти и седмѝ, и́же
въ ѳилипѡпо́лѣ пострада́вшихъ.

Сі́и пострада́ша приуліа́нѣ царѣ̀. се́й ца́рь
нечести́вый іуліа́нъ, повелѣ̀ єпа́рху
хрс̃тія́нъ из̾сѣщѝ мечѝ, идѣ́же на́ поле
ходя́ще служа́ху бг҃ови, бѣ́ бо затво­
ри́лъ цр҃кви хрс̃то́вы. єпа́рхъ же щадя̀
хрс̃тія́ны, и ста̀ увра́тъ гра́дныхъ веля̑­
ше изы́ти хрс̃тіа́нѡмъ, да ѕло́ю сме́ртію
не у́мрутъ. и ви́дѣ єпа́рхъ нѣ́кую жену̀
ра́нѡ исходя́щу и́з̾дому своегѡ̀, я́кѡ
и две́ріи до́му стону́щи не затворѝ, ни
в̾ ри́зу лѣпоѡбр́азну не ѡблече́ся, нося́ше
же с̾ собо́ю и ѻтроча̀ мла́до, я́рѡ ры́щущи,
и ми́мѡ по́лкъ єпа́рховъ со тща́ніемъ мино­
ва́вши. єпа́рхъже є́мъши повелѣ̀ при­
вестѝ ю̀. и речѐ є́й, убо́гая же́но,

гдѣ̀ то́ль ра́нѡ тщи́шися и тече́ши ско́рѡ.
ѻна́ же речѐ, на́ поле, идѣ́же собѡ́ръ хрс̃тія́нъ­
скій собира́ется. глаго́ла є́й єпа́рхъ, до
не слы́шала ли єсѝ, я́кѡ єпа́рхъ та́мѡ при­
и́дет̾, и всѣ́хъ убіе́тъ мече́мъ єли́кѡ ѡбря́­
щетъ. ѻна́ же ѿвѣща́вши речѐ єму̀, слы́­
шала є́смь, и сегѡ̀ ра́ди тщу́ся, да с̾ни́­
ми умру̀ хрс̃та̀ ра́ди. рече́ же є́й, да по­
что̀ ѻтроча̀ сіѐ влече́ши с̾ собо́ю. ѻна́ же
ѿвѣща́вши речѐ, и сѐ ѻтроча̀ муче́нія да
сподо́бится. и сѐ слы́шавъ єпа́рхъ, и
лѣ во́инѡмъ свои́мъ воз̾врати́тися. и
ше́дъ къ царю̀ глаго́ла, а́ще вели́ши ми
у́мрети, то̀ гото́въ є́смь. дѣ́ло же
є́же повелѣ́лъ ми єсѝ соверши́ти, немо­
гу̀. и всѐ ѡ женѣ̀ то́й исповѣ́да ца­
рю̀. и та́кѡ уста́вивъ царе́въ со­
вѣ́тъ, не убива́ти хри­
стіянъ
{#л. ѿм҃е}

Вто́й же дн҃ь сло́во, я́кѡ не подоба́етъ
ѡсужа́ти попа̀.

Послу́шайте па́ки ѡ се́й дш҃еполе́знѣй по́­
вѣсти, бы́вшей при арка́діи архієпкс̃пѣ
царя̀ гра́да, пре́жде пяти́десяти лѣ́тъ.
ве́сь є́сть и́менемъ трахіадь, пя́ть на́де­
сять по́прищъ ѿ констянти́ня гра́да.
в̾ то́й ве́си по́пъ бы́сть чародѣ́й и зелѡ̀ не­
чи́стъ, я́кѡ со блудникѝ и со блудни́цами
ѿ дѣ́йства не прія́знена прельще́нъ бы́сть,
и въ чс̃тны́хъ ст҃ы́хъ сосу́дѣхъ я́сти и пи́­
ти со блудни́цами. и увѣ́данъ бы́сть
и я́тъ и с̾ вя́занъ. и єго̀ при­
ста́вникъ кня́зя во истяза́ніи гл҃я, рцы́ ми
ѻкая́нне вся́когѡ чл҃колю́бія не досто́йне, сѐ
у́бѡ стра́шное суди́ще преѡби́дѣлъ єсѝ,
ка́кѡ не устраши́лся єсѝ стра́шнагѡ вхо́да
ѻ́ногѡ ѻлта́рнагѡ, єгда̀ єсѝ в̾носи́лъ стра́­
шную ѻ́ну и бес̾ кро́вную же́ртву, не помы­
шля́а єгда̀ с̾ни́дет̃ ѻ́гнь с̾нб҃сѐ и со́жжет̾тя.
чародѣ́й же ѿвѣща̀ глаго́ля к̾нему̀, та́кѡ
бг҃а му́чащагомя нн҃ѣ рука́ми ва́шими, и
хотя́щаго мя̀ та́мѡ му́чити свои́ма рука́­
ма, я́кѡ не приноша́хъ ни раздая́хъ лю́дєм̃,
ѿне́ле же ѿступи́хъ ѿ́ бг҃а и бы́хъ чародѣ́й,

но а́ггелъ бж҃іи при хожда́ше принося̀ и
здая́ше лю́дємъ. а а́зъ в̾ то̀ вре́мя
съ вя́занъ лежа́хъ за ст҃о́ю трапе́зою.
И єгда̀ рече́тъ а́гг҃лъ, с̾ ми́ромъ изы́де,
тогда̀ разрѣша́ше мя̀, и исхожда́хъ.
Та́йны же тоя̀ никто́ же ѿ люде́й ви́дяше
то́кмѡ а́зъ єди́нъ. лю́діє же мня́ху
я́кѡ а́зъ є́смь принося̀ и разда­
ва́я и́мъ. бг҃у на́шему
сла́ва, ны́нѣ и при́снѡ
и вѡ́вѣки вѣ­
кѡ́мъ
;

Мцс̃а того́же, въ к҃ѕ де́нь. па́мять
ст҃ы́хъ мч҃нкъ андреа́на и ната́ліи, и дру­
жи́ны и́хъ.

Мч҃нкъ андре́анъ и ната́лія жена̀ єгѡ̀,
бя̑ше ѿ́ града никомиді́йскагѡ. во
ѡбхоже́ніе второе макси́міа́ново, я́ти
бы́ша му́жи хрс̃тіа́не число́мъ, к҃г.
и́же кры́яхуся в̾ верте́пѣхъ, и мно́ги­
ми томле́ньми му́чени бы̑ша. и́хъ же
и пре́же муче́ніа ст҃ы́й андре́анъ,
в̾ ску́ю пріє́млете не постоя́нныя сіа̀ и та­
ковы́я му́ки. ѻ́нѣмъже ѿвѣща́в̾шым̃,
да воспріи́мемъ ѿ́ бг҃а угото́ванныхъ бл҃гъ,
є́же за негѡ̀ стра́ждущимъ, быва́етъ ни
слу́хъ в̾мѣсти́ти мо́жетъ, нижѐ у́мъ
ни сло́во из̾гл҃ати. а́біе бл҃же́нный андре́анъ
бжс̃твеною бл҃года́тію прекло́нься, скоропи́сцем̃
речѐ, учини́те и менѐ съ хрс̃тіа́ны, хощю̀ бо
речѐ сни́ми умре́ти. ѻ́нѣмъже написа́­
вшымъ єгѡ̀, и желѣ́зы ѡкова́ша єгѡ̀.
Такова́я же увѣ́дѣвши ната́ліа, бы́вши
съ жа́лостію ра́да. свѣ́тлою ѻде́ждею и
мони́сты себѐ украси́въши, ко узи́­
лницы потща́вшися до́йде. и в̾ше́дши
ѡб̾лобыза̀ желѣ́за и ѡко́вы андре́ановы,

и того̀ жалостолю́бно ублажа́ше, и не по­
колеби́ма к̾ наше́ствію му́камъ терпѣ́­
ти кротя̑ше. и є́же сни́мъ ст҃ы́я моля́­
ше мл҃твовати ѡне́мъ. и поутѣше́ніи
возврати́ся ната́лія в̾ домъ сво́й. Пома́­
лѣ же слы́ша ѿ стра́жникъ андре́анъ
я́кѡ хо́щетъ мучи́тель известѝ и́хъ на
испы́тное истяза́ніе, дадѐ стра́жникѡмъ
обѣща́ніе, и всѣ́мъ су́щымъ сни́мъ
въ темни́цѣ ст҃ы́мъ, по́йде повѣ́дати
ната́ліи, да преста́нетъ кончи́нѣ єгѡ̀.
ѻна́ же мнѣ́вши я́кѡ ѿре́клъся іс҃а х҃а,
убоя́ся му́ки, и изы́де ѿ у́зъ, за­
творѝ врата̀ ѿнегѡ̀, поноша́ше єму̀ ѿве­
рже́ніе за х҃а, и дш҃елю́бца и страшли́ва
того̀ нари́чющи, и стра́шнаго преще́нія
тому̀ воспомина́ющи. и́же хрс̃то́съ того̀
мета́ющихся запретѝ, и себѐ стра́стну
имену́ющи, я́кѡ не сподо́бихъ ся речѐ
мч҃нкова жена̀ нарещи́ся. но наде́жду бл҃же́­
нную неза́пнѡ погрѣши́ти ми. ѿку́ду речѐ
прія́лъ єсѝ таково́е без̃сла́віе. ѻ́нъ же гласѝ
є́й изы́ти и поитѝ сни́мъ намуче́ніе.
ѻна́ же с̾ ра́достію врата̀ ѿве́рз̾ши, и
на́нь на па́дши ве́село ѡблобыза́ше.
{#л. ѿм҃з}

и а́біе сни́мъ к̾ мучи́телю ше́ствіе творя́­
ше. и внегда̀ у́бѡ достиго́ша идѣ́же по­
доба́ше єму̀ поитѝ, в̾ведо́ша єго̀ къ
царю̀. біе́нъ бы́сть же́зліемъ пребыва́я
во исповѣ́даніи. и па́ки ѡбраще́нъ и біе́нъ
по́ чреву, я́кѡ яви́тися в̾ну́треним̃ єгѡ̀.
бя̑ше же внегда̀ такова́я стражда̀ лѣ́тъ,
к҃и. та́же по велѣ̀ ѿсѣщѝ єму̀ ру́цѣ и
но́зѣ, та́кѡ и с̾ про́чими всѣ́ми мч҃нки,
пе́рвѣе андре́анъ под̃я́тъ сѣче́ніе. ната́ліи
полага́ющи по руцѣ̀ и по нозѣ̀ на на́ковальнѣ,
и сѣчца̀ моля́щи вельмѝ сѣки́ру над̃ носи́ти,
да не устраши́вся преме́тнется хрс̃то́ва
ра́ди страда́нія. в̾ си́х̾ же сконча́вшуся
ст҃о́му и бл҃же́нному андре́ану, взе́мши
ната́лія удеса̀ єгѡ̀, и чс̃тнѣ с̾ пря́тавши
со инѣ́ми жена́ми послѣ́д̾ствующим̃ єму̀,
и ма́жущим̃ себѐ ѿтеку́щія и́хъ кро́ве.
єѵ̾се́віи же нѣ́кто вѣ́ренъ сы́й, взе́мъ
тѣлеса̀ ст҃ы́хъ мч҃нкъ, и погребѐ и́хъ въ
чс̃тнѣ и наро́читѣ мѣ́стѣ. соверша́етъ
же ся собѡ́ръ и́хъ въ ст҃ѣ́мъ и́хъ
муче́ніи ѡбо́нъ по́лъ
аргиропо́ля;

Вто́йже дн҃ь пра́зднуемъ срѣ́тенію ико́ны
прс̃ты́я бцд̃ы, нарица́емыя влади́мир̾скія.

Бы́сть у́бѡ сіѐ пресла́вное чю́до в̾ лѣ́то
҂ѕцг҃е, во днѝ бл҃говѣ́рнагѡ и хрс̃толюби́­
вагѡ вели́кагѡ кн҃ѕя васи́лія сн҃а дми́­
тріева самоде́ръжца ру́с̾скія землѝ, вну́­
ка вели́кагѡ кн҃ѕя ива́нна, пра́внука же
бл҃говѣ́рнагѡ и хрс̃толюби́вагѡ самоде́ржца и
собра́теля ру́с̾скія землѝ, вели́кагѡ кн҃ѕя
ива́нна сн҃а вели́кагѡ кн҃ѕя дани́ла. при бг҃о­
люби́вом̃ архієпкс̃пѣ кипріа́нѣ и́же и митропо­
ли́тъ бы́въ кі́еѵ̾скій и всея̀ русі́и. въ е҃і
лѣ́то цр҃ьства тактамы́шева. в̾ седмо́е же
лѣ́то княже́нія вели́кагѡ кн҃ѕя васи́лія.
ин̾ди́кта в̾ г҃. бы́сть смяте́ніе вели́ко во
ѻрдѣ̀. Пріи́де нѣ́который ца́рь и́менемъ
теми́рьаѯак̃, с̾ восто́чныя страны̀, ѿ си́нія
орды̀, ѿ самахи́рскія землѝ, ѿ за́ецких̃
тата́ръ, и вели́ку бра́нь сотворѝ. и мнѡ́гъ
мяте́жь воздви́же во ѻрдѣ̀ и в̾ русѝ свои́мъ
прихо́дом̃. ѡсе́мъ теми́рьаѯа́цѣ нѣ́цыи
повѣ́дают̃, я́кѡ не ца́рь бѣ̀ ро́дом̃ ни кня́ѕь,
ни боля́рска ро́да, но ѿ худы́хъ люде́й
ѿ за́ецких̃ тата́ръ, ѿ самахи́рскія землѝ ѿ
си́нія орды̀, и́же бѣ̀ за желѣ́зными враты̀.
{#л. ѿм҃и}

ремество́ же єгѡ̀ бя̑ше, кова́чь желѣ́зу,
и всѣ́мъ ѕлы́мъ дѣ́лѡм̃ бя̑ше нача́лникъ.
и па́ки рабо́таше унѣ́коегѡ гдс̃на, и ѕлонра́­
вія ра́ди єгѡ̀ ѿве́ржеся гдс̃нъ єго̀, би́въ
ѿсла̀ єго̀ ѿ себѐ. ѻ́нъже нача̀ кра́сти,
и унѣ́коегѡ украдѐ о́вцу. ѻни́ же а́біе
ѡщути́ша єго̀ и я́ша, и би́ша ѝ неми́лости­
вно. и преби́вше єму̀ но́гу и бе́дру на́полы,
и поверго́ша єго̀ на землѝ я́кѡ ме́ртва псѡм̃
на снѣде́ніе и ѿ идо́ша. и посе́мъ єдва̀ у­
здра́вися, и прекова̀ себѣ̀ но́гу желѣ́зом̃ и
храмля́ше. и тогѡ̀ ра́ди про́званъ бы́сть
теми́рьаѯакъ. и посе́мъ нача́ша кнему̀ ѕлі́и
человѣ́цы соѡбща́тися. и я́кѡ бы́сть и́хъ
сто̀, и нареко́ша єго̀ старѣ́йшнною раз̃бо́й­
никѡм̃. и па́ки бы́сть и́хъ до ты́сящи, и
прозва́ху єго̀ кня́ѕем̃. и єгда̀ бы́сть бо́лѣ,
тогда̀ и царе́мь именова́ша єго̀ у себѐ. Се́й
же ѡкая́нный теми́рьаѯакъ ца́рь, мно́гія
зе́мли по плѣнѝ, и мно́гія гра́ды и стра­
ны̀ и црс̃тва по́ималъ бѣ̀ под̃ себя̀, и да́ни
и ѡбро́ки стѣ́хъ градо́въ и съ црс̃твъ има́­
ше. и посе́мъ безбо́жный теми́рьаѯакъ
пріи́де на ру́с̾скую зе́млю, и помышля́ше
разори́ти хрс̃тіа́нство, и гра́дъ москву̀,

и вся̀ гра́ды ру́с̾скія под̾ся̀ покори́ти.
и сѐ слы́шавъ вели́кій кн҃ѕь васи́ліи сн҃ъ
дми́тріевъ, собра́въ своя̀ во́я мно́ги,
и по́йде с̾ москвы̀ къ коло́мнѣ, проти́ву
безбо́жнаго. и прише́дъ съ ра́тію ста̀ на
брегу̀ окѝ рѣкѝ. теми́рьаѯаку же стоя́­
щу на єди́номъ мѣ́стѣ, е҃і днє́й. кн҃ѕь
же вели́кій васи́лій, и всѐ хрс̃толюби́вое во́инь­
ство слы́шавше безбо́жнаго ва́рвара помы­
шле́ніе, и всѝ воздѣ́вше ру́цѣ на нб҃о,
и нача́ша со слеза́ми моли́тися бг҃у, и
пречс̃тѣй бцд̃ѣ ѡ избавле́ніи свое́мъ ѿ
безбо́жнагѡ царя̀. и посе́мъ вели́кій
кн҃ѕь посла̀ къ москвѣ̀ ко оц҃у своему̀
дх҃о́вному кѷпріа́ну митрополи́ту, да
наро́ду по вели́тъ прія́ти по́стъ и моли́­
тву со слеза́ми. и повелѣ̀ взя́ти ико́ну
бж҃ія мт҃ре из̾ влади́миря. Ст҃и́тель же
повелѣ̀ наро́ду пости́тися, и всему̀ ѡ сщ҃е́­
нному собѡ́ру. та́коже и са́мъ сотворѝ.
и мно́га моле́бная пѣ́нія сотворѝ. и посла̀
по ико́ну бж҃ія мт҃ре, ю́же лука̀ апс̃лъ
написа̀. и принесо́ша из̾ влади́миря с̾ вели́­
кою чс̃тію во́ градъ москву̀. и стрѣто́ша ю̀
со крс̃ты̀ за́ градомъ со мно́жеством̃ наро́да.
{#л. ѿм҃ѳ}

и всѝ наро́ди нача́ша пла́катися пречс̃тѣй
бцд̃ѣ со слеза́ми ѡ избавле́ніи свое́мъ.
принесена́ же бы́сть чс̃тна́я ико́на из̾ влади́­
миря мцс̃а а́ѵ̾густа въ е҃і дн҃ь, на
са́мый пра́здникъ чс̃тна́гѡ єя̀ успе́нія.
и та́кѡ бж҃іею бл҃года́тію и мл҃твами ст҃ы́я
бцд̃ы, и и́хъ уго́дника и чюдотво́рца петра̀
митрополи́та ру́с̾ская земля̀ сохранена̀
бы́сть ѿ безбо́жнагѡ ва́рвара. и а́біе ико́на
в̾то́й де́нь єгда̀ принесена̀ прс̃ты́я бцд̃ы
из̾ влади́миря в̾ москву̀, тогда̀ теми́рь­
аѯакъ без̾бо́жный убоя́ся и с̾мути́ся,
гони́мъ гнѣ́вомъ бж҃іимъ, и по бѣжа̀
въ спя́ть в̾ свою̀ зе́млю, не получи́въ жела́­
нія своегѡ̀ ѕлы́й, и та́кѡ исчезѐ мл҃тва­
ми и по́мощію ст҃ы́я бцд̃ы. єя́ же
мл҃твами хрс̃тѐ бж҃е поми́луй
на́съ нн҃ѣ и при́снѡ
и во́ вѣки
вѣкѡ́­
мъ
;

Мцс̃а того́же въ к҃з дн҃ь. па́мять прпд̃бна­
гѡ оц҃а̀ на́шегѡ пи́мина вели́кагѡ бл҃го­
словѝ о́ч҃е.

Се́й прпд̃бный бя̑ше ро́дом̃ єгѵ́птянинъ,
и́же пріє́мъ свою̀ бра́тію, и ѿше́дъ
бы́сть сни́ми мни́хъ. по мнѡ́гихъ же
лѣ́тѣхъ мт҃и и́хъ любо́внымъ жела́ніем̃
к̾ни́мъ по́йде, хотя́щи ви́дѣти и́хъ.
се́же не утаи́ся и́хъ. и поте́кше ско́рѡ
въ кѣ́лію заключи́ша врата̀. ѻна́ же изъ
вну̀ стоя́щи зва́ше пла́чющи со умиле́ніем̃.
слы́шавъ же а́вва ану́въ, вни̑де ко а́ввѣ
пі́мнну гл҃я, что̀ и́мамы сотвори́ти
ста́рицѣ се́й. тогда̀ въста́въ оц҃ъ пі́минъ
до́йде ко врато́мъ, и слы́ша ю̀ пла́чющу­
ся речѐ, что́ся пла́чеши ста́рице. ѻна́
же слы́шавши гла́съ єгѡ̀, небо̀ ви́дяше
єго̀, затворе́нымъ бо су́щымъ врато́мъ,
речѐ хощу̀ да ви́жю ва́съ ча́до, не а́зъ ли
мт҃и ва́ю. не сосце́ма ли на пои́хъ ва́съ,
не воспита́хъ ли ва́съ, нѣ́смь ли у́же въ
послѣ́дней ста́рости. и речѐ кне́й пі́мин̃,
здѣ́ ли хо́щеши ви́дѣти на́съ, илѝ на
ѻ́номъ вѣ́цѣ. ѻна́же внуши́вши гл҃емым̃,
съ ра́достію ѿи́де. восхотѣ̀ нѣ́когда кн҃ѕь
{#л. ѿн҃}

страны̀ тоя̀ ви́дѣти оц҃а̀ пі́мина, є́мъ
я́кѡ ѕлодѣ́я сн҃а сестры̀ єгѡ̀, и в̾те­
мни́цу в̾садѝ. и не восхотѣ̀ ста́рецъ ви́дѣ­
ти єго̀, до́йде же кнему̀ сестра̀ єгѡ̀ ко вра­
то́мъ, и не дадѐ є́й ѿвѣ́та. ѻна́ же на­
па́дши нанего̀ гл҃аше, не милосе́рде не сердо­
бо́ле, поми́луй мя, я́кѡ єдиноро́денъ ми
є́сть. ѻ́нъ же посла̀ к̾не́й речѐ, ѿ идѝ
ѿздѣ̀, пі́минъ ча́да не и́мать. и кн҃ѕь
речѐ, а́ще и сло́вомъ по вели́тъ ѿ пущу̀
єго̀. ста́рецъ же речѐ, испыта́й я́же
ѡне́мъ на єди́нѣ. да а́ще достои́нъ є́сть
сме́рти, да у́мрет̃. а́ще ли ни ка́кѡ во́ли­
ши, творѝ. слы́шавъ же кн҃ѕь, и преуди́­
влься, ѿпустѝ єго̀. Вопроси́ же нѣ́кто
а́ввы пі́мина гл҃я, а́ще ви́жю прегрѣше́­
ніе бра́та моегѡ̀ да ли покры́ю єго̀. ѻ́нъ
же речѐ єму̀, а́ще покры́емъ прегрѣше́­
нія бра́тня, и бг҃ъ покры́етъ на́ша.
Сі́й бл҃же́нный пі́минъ, вся́кую добродѣ́­
тель извы́къ, я́кѡ всѣ́мъ ста́рцємъ
и́же во єгѵ́птѣ, и фиваи́дѣ оц҃а̀ того̀
имѣ́ти, и ѿ тогѡ̀ наказа́ніе пріима́ти.
сконча́жеся ста́рецъ де́ньми сы́й
испо́лненъ;

Вто́й же дн҃ь па́мять прпд̃бнагѡ оц҃а̀ на́ше­
гѡ и исповѣ́дника ливе́рія архієпкс̃па ри́мъ­
скагѡ.

Се́й бя̑ше во времена̀ констян̾ти́на цр҃я.
и́же вели́каго аѳана́сія и па́вла исповѣ́­
дника, в̾ ри́мѣ бы́вшихъ воспрія́тъ,
и содѣ́ла своя̀ престо́лы воспрія́ти. тогѡ̀
ра́ди цр҃ь кон̾стянті́й, посконча́ніи ко́нъ­
сты бра́та своєго̀, преселѝ єго̀ ѿ
ри́ма, зане́же нача́тъ прети́ти єгѡ̀,
к̾ приѡбще́нію аѳана́сіеву, и ниѕложе́нію
єгѡ̀ присуди́ти, и не возмо́гъ, заточѝ
єго̀ во фракі́ю. и посе́мъ в̾ ри́мѣ бы́въ
и ѿ гра́жанъ пону́женъ, на па́дающимъ
нанего̀ всѣ́мъ, и моля́щымъ бл҃же́ннаго
ливе́рія. повелѣ́но бы́сть єму̀
прія́ти сво́й прс̃то́лъ. в̾не́мъ
же бы́въ, и про́чее
житія̀ своєгѡ̀
до́брѣ, по­
жи́въ почѝ
ѡ́гдс̃ѣ
;
{#л. ѿн҃а}

Вто́йже дн҃ь прпд̃бнагѡ оц҃а̀ на́шегѡ осі́я
єпкс̃па кѷдуврі́йскагѡ, є́же во испа́ніи.

Се́й бл҃же́нный в̾ постѣ̀ пе́рвѣе пожи́въ,
и вся́кихъ сластє́й ѡша́явся. на
прс̃то́лъ єпкс̃пьства кѷдуврі́йскагѡ гра́да
поста́вленъ бы́сть. ре́вность же ѡ право­
сла́внѣй вѣ́рѣ имѣ́я, и в̾ вели́кій
собѡ́ръ прише́дъ на аря́нъскаго пи́тора,
ѡблича́я и ѿрѣва́я. и пе́рвѣе тогда̀ со­
бра́вшимся то́й бя̑ше стужа́яи тому̀ и
ины́мъ мно́гимъ, и бг҃оно́снымъ єпкс̃пѡм̃ ѿ
констян̾ти́на ѿ свои́хъ прс̃то́лъ изгна́ным̃,
зане́же не примѣша́тися вели́кагѡ аѳана́­
сія изгна́нію. и зане́же не приѡбща́­
тися а́ріеву ѕлосла́вію, на за­
точе́ніе по́сланъ бы́сть.
и та́мѡ мнѡ́го прете­
рпѣ́въ, коне́цъ
житію̀ при­
я́тъ
;

Вто́йже де́нь сло́во ѿ ста́рчества.

Си́це и́нъ ра́зум̃ со прив̾хо́дитъ и ѡ пти́цѣ
се́й, ѿ є́же бо бы́ти є́й пти́цѣ. пти́­
чеє житіє̀ на зна́менует̃, имѣ́ти на́мъ
не стяжате́лное и беспеча́лное. а є́же не
имѣ́ти є́й крилу̀, и по́лъ єя̀. о́во бо
є́же не высо́ко мы́слити, но смире́ными со
ѿводи́тися. мно́жицею бо живу́щым̃ на́мъ
в̾ ми́рѣ и тишинѣ̀, мни́мся ско́рѡ и высо́кѡ
лѣтя́ще я́коже и ѻре́лъ въ под̃ нбс̃ная. єгда́
же су̑ть смире́нѣ и ѡкон̾ча́нѣ крилѣ̀ єгѡ̀,
тогда̀ ни́зу пари́тъ. си́це и наны̀ бг҃у попу­
сти́вшу ско́рби и напа́сти, ни́зкѡ и смире́но
быва́етъ на́ше мудрова́ніе. ско́рѡ бо ходя́­
щіи, претыка́ютъ ѡ ка́мень но́гу свою̀.
ѻ́во же є́же не двоемы́слену бы́ти, но ­
єди́ну мы́сль имѣ́ти горѣ̀ къ бг҃у, а не
я́кѡ ѕмія̀ по́лзати по землѝ. єдиномы́­
сленыя бо в̾во́дитъ въ до́мъ гдс̃ь, и
да не присту́пиши кнему̀ во двою̀ путю̀.
крилѣ́ же єста̀ дѣя́ніе и ви́дѣніе, и́ми же
восхо́димъ къ бг҃у. ѡнею́ же и дв҃дъ моля́­
шеся, илѝ чистота̀ и ми́лостыня. я́же
бу́яа дѣ́вы єди́но крило̀ имѣ́ша, сегѡ̀
ра́ди ѿпадо́шя; илѝ по́стъ и моли́тва,
{#л. ѿн҃в}

мо́жета бо и ѿ сме́рти изба́вити чл҃ка.
илѝ послуша́ніе и пра́вость срд̃ца, я́же
врага̀ єста̀ и ра́тника презо́рству. и си́мъ
подо́бная. дре́во же крс̃тъ ѡбразу́етъ,
є́же є́сть умерщве́ніе ми́ра, и всѣ́хъ
ско́рбныхъ терпѣ́ніе, є́же содѣ́ловаютъ
хрс̃то́вы учн҃цы̀ во ѿве́рженіи свои́хъ
вѡ́ль. ми́ръ у́бѡ стра́сти су̑ть. тогда́
бо возмо́жемъ воспѣ́ти пѣ́снь сла́дку
гдс̃ви. ка́кѡ бо возмо́жем̃ пѣ́ти на землѝ
чюже́й, є́же є́сть стра́стнѣй. мно́гажды
бо таковы́я ве́щи ѿ на́съ мн́имы ничто́ же
поле́зно иму́ща. мно́га же смире́ному­
дрія и умиле́нія вино́вна пріє́млющымъ
та̀ быва́ютъ, съ ра́зумомъ пра́вымъ и
бл҃ги́мъ произволе́ніемъ. о́ко бо пра́во не
зритъ лука́вая. сопроти́вное же проявле́­
нно. я́коже и бы́лія нѣ́кая не разъсу́­
днѣ пріє́млющымъ, смертоно́сна ѡбрѣ­
та́ются. а и́же умѣ́реннѣ и бл҃говре́­
меннѣ, целбѣ̀ хода́тайствена. си̑це и
ору́жія на врагѝ пріє́млющіи, неразумѣ́ю­
щымъ та̀ до́брѣ упра́вити, въ срд̃ца̀
своя̀ водружа́ютъ. я́коже ѡси́хъ вели́­
кій учи́тель простра́ннѣе из̾ложѝ.

нѣ́сть бо на́ша бра́нь къ кро́ви и пло́ти
по мо́лим̾ же ся гдс̃еви я́кѡ да да́руетъ
на́мъ умиле́ніе, да слеза́ми ѿмы́вше
грѣхѝ на́ша, чи́сти ѡбря́щемся на
стра́шнѣмъ суди́щи о́номъ, и сподо́­
бимся услы́шати бл҃же́нный гла́съ,
зову́щь бл҃гослове́ныя въ црс̃твіе. єго́
же бу́ди всѣ́мъ на́мъ получи́ти, бл҃го­
да́тію и чл҃колю́біемъ гдс̃а на́шегѡ іс҃а
хрс̃та̀. с̾ни́м̾же оц҃у сла́ва
ку́пнѡ со ст҃ы́мъ дх҃омъ
нн҃ѣ и при́снѡ и
во́ вѣки
вѣкѡ́­
мъ
;
{#л. ѿн҃г}

Мцс̃а тогѡ́ же въ к҃и дн҃ь, па́мять
прпд̃бнагѡ оц҃а̀ на́шегѡ мѡѷсе́а му́рина
бл҃голови ѻ́ч҃е.

Се́й бл҃же́нный бя̑ше ро́домъ му́ринъ,
ви́домъ же че́рнъ, извѣ́стный ра́бъ
нѣ́коегѡ гра́жданина. єгѡ́ же ра́ди
мно́гагѡ ѕлонра́вія, и разбо́йническія
вины̀ ѿри́ну ѿ себѐ, я́кѡ мужеубі́й­
цу. то́й па́стыря нѣ́коего замсти́въ,
запя́вшаго и ве́щію нѣ́коєю, єго́ же
уби́ти помы́сли. увѣ́дѣ я́кѡ ѡбо́нъ
по́лъ рѣкѝ ни́ла є́сть, в̾ни̑де в̾ во́ду,
и зубы̀ ме́чь преха́пивъ, и усты̀ того̀
держа̀, и ри́зу на главу̀ возло́жь
пре плы́въ рѣку̀. увѣ́дѣвъ же па́стырь
прише́ствіе єгѡ̀, бѣ́гъству приста̀.
ѻ́нъ же иско́маго погрѣши́въ, четы́ре
овны̀ из̾бра́нны закла́въ, и связа́въ
у́жемъ, пре плы́въ ни́лъ рѣку̀, и овны̀
привлечѐ, и́х̾ же ѡ дра́въ и мяса̀ из̾ѣ́дъ,
и ко́жи на винѣ̀ испи́въ, до́йде к̾ дру­
гѡ́мъ свои́мъ. Сія̀ повѣ́дах̃, да покажу̀,
я́кѡ мо́щно є́сть хотя́щым̃, покая́ніем̃ спа­
сти́ся, я́кѡ се́й разбо́йникъ сы́й нѣ́ко­
гда умили́ся вся́ческимъ навѣ́тіємъ,

и́де в̾ монасты́рь, и та́кѡ пріи́де къ пока­
я́нію, я́кѡ вся̀ дру́ги приведѐ в̾ ра́­
зумъ хрс̃то́въ. сѣдя́щу у́бѡ єму̀ нѣ́­
когда в̾ кѣ́ліи, разбо́йницы невѣ́дѣвше
мѡѷсе́а того̀ бы́ти, на падо́ша на́нь
и́хъже бл҃же́нный связа́въ у́жемъ,
я́коже вре́тище пле́въ, и на своѐ ра́мо
возло́жь, к̾ кѷріаку̀ и́де. и речѐ кнему̀,
бра́те, поне́же не досто́итъ ми не пра́ве­
дна твори́ти, си́хъ ѡбрѣто́хъ на мя̀ на­
па́дшихъ, ка́кѡ вели́ши ѡ си́хъ. ѻни́
же позна́вше того̀, я́кѡ мѡѷсе́й є́сть
наро́читый разбо́йникъ, исповѣ́дашася
бг҃у и онѝ, и покори́шася покая́ніемъ,
и бы́ша мни́си иску́сни. се́й бл҃же́нный
чс̃тны́й ста́рецъ, бг҃оуго́днѣ пожи́въ во
по́стничествѣ, и сщ҃е́нникъ бы́въ. сконча́­
ся лѣ́томъ сы́й, седми́десяти
и пятѝ. ѡста́вль,
се́дмьдесятъ,
учени́­
къ
;
{#л. ѿн҃д}

Вто́йже дн҃ь сло́во ѡ ѳео́дѡрѣ жидови́нѣ
єго́же бо́лна су̑ща крс̃ти́ша песко́мъ на
путѝ, и бы́сть здра́въ.

Нѣ́кто жидови́нъ и́менемъ ѳео́дѡръ и́де
съ хрс̃тія́ны на путѝ ѿ алеѯан̾дрі́и въ сѷ­
рі́ю. и в̾ше́дшымъ и́мъ въ пусты́ню
сѵ́рскую, и разболѣ́ся жидови́нъ, я́кѡ
немощѝ єму̀ ни дви́гнутися. совѣ́тъ
же сотвори́ша хрс̃тія́не є́же ѡста́вити
єго̀, и ѿитѝ въ пу́ть сво́й, да са́ми
не поги́бнутъ безво́діемъ. и́х̾ же ви́дѣвъ
жидови́нъ хотя́ща ѿитѝ ѿ себѐ, и нача̀
с̾ пла́чемъ гл҃ати, заклина́ю вы̀ бг҃омъ со­
тво́ршим̃ нб҃о и зе́млю, и соше́дшим̃ с̾ нб҃съ
на спасе́ніе чл҃кѡмъ, не ѡста́вите менѐ
у́мрети жидови́ном̃, но крс̃ти́те мя, и
та́кѡ ѿи́дѣте ѿ менѐ. они́ же рѣ́ша
нѣ́сть на́мъ лзѣ̀ сотвори́ти сего̀ простьце́мъ
су́щим̃ ієре́йскагѡ чи́на не иму́щим̃, но и воды̀
нѣ́сть здѣ̀ я́коже и ты̀ вѣ́даеши. о́нъже
па́че моля́шеся, тѣ́ми же кля́твами ѡсу­
жа́я я̀. вомно́зѣ же недоумѣ́ніи бы́вши
и́мъ. и єди́нъ ѿни́хъ къ про́чимъ речѐ,
взе́мше совлецы́те ѝ, и сомно́гимъ тру­
до́мъ поста́виша ѝ совле́кше снего̀ ѡде́жю

ѻ́нъже в̾зе́мши рука́ма пѣска̀, в̾сы́па на
главу̀ жидови́ну три́жды гл҃я, кр҃ща́етъ ся
ра́бъ бж҃іи ѳео́дѡръ гл҃я, во́ имя оц҃а̀ и сн҃а
и ст҃а́гѡ дх҃а. а про́чим̃ ре́кшим̃, ами́нь, и
а́біе здра́въ бы́сть жидови́нъ, и и́де сни́ми
в̾ пу́ть. и прише́дше во алеѯандрі́ю, и по­
вѣ́даша єпкс̃пу діѡнѵ́сію. ѻ́нъже призва́въ
кли́росъ ве́сь, и сказа̀ и́мъ ве́щь сію̀, а́ще
в̾мѣни́тся жидови́ну кр҃ще́ніе пѣсо́чное во сп҃се́­
ніе илѝ нѝ. и о́віи гл҃аху, в̾мѣни́тся, я́кѡ
свидѣ́тельствующу ско́рому посѣще́нію.
о́віи же не пріима́ху, гдс̃у ре́кшу к̾ никоди́­
му, а́ще не роди́тся кто̀ водо́ю и дх҃омъ,
не и́мать вни́ти въ црс̃тво нбс̃ное. діѡни́­
сіи же посла́въ крс̃ти́ти ѝ во іорда́нѣ. крс̃ти́­
вшужеся єму̀ и поста́ви и дія́коном̃, досто́й­
ну бо єму̀ су́щу. Гдѣ̀ у́бѡ су̑ть гл҃ю­
щіи, простьце́мъ у́же на́мъ принапа́сти не́­
мощно крс̃ти́ти несу́щу ту̀ ієре́ю. добро̀
извѣ́стнѡ григо́рію пя̑ть кр҃ще́ніи свидѣ́­
тельствующу; пе́рвое крс̃тѝ мѡѷсе́й в̾ мо́ри.
и па́ки то́йже во ѻ́блацѣ. крс̃тѝ іѡ҃а́ннъ
в̾водѣ̀ покая́ніем̃. кр҃ща́етъ хрс̃то́съ дх҃омъ
ст҃ы́мъ. кр҃ща́ются кро́вію мч҃нія.
пя́тое кр҃ще́ніе слеза́ми;
{#л. ѿн҃е}

Вто́йже дн҃ь по́вѣсть ѿ ста́рчества.

Реко́хомъ мно́жицею ѡ вышевоспомяну́­
томъ вели́комъ ста́рцѣ, и́же дарова́­
ніе имѣ́я дх҃о́вное, єго́же и́мя во́­
лею ми́мѡ иду̀. здѣ̀ па́ки в̾ но́­
симъ, ка́кѡ в̾ разли́чныхъ образѣ́хъ,
бж҃іи пра́ведный су́дъ є́сть. гл҃аше бо
се́й, я́кѡ ми́мѡ ходя̀ в̾ нѣ́коемъ мѣ́­
стѣ, слы́шахъ ѡ нѣ́коемъ по́стницѣ
сѣдя́щем̃ в̾ горѣ̀. и я́кѡ та́мѡ в̾зыдо́хъ,
ѡбрѣто́хъ мни̑ха; и я́кѡ ви́дѣ єго̀, по
ви́димому у́бѡ о́бразу похва́лно имя́ше
житіѐ, и смотри́въ, сѣдо́хъ с̾ни́мъ въ
ма́лѡ дні́й. зрѣхъ же того̀ та́мѡ сѣдя́­
ща, и ѡпа́с̾ство єли́кѡ мо́щно проходя́ща
и́ноческагѡ жи́тельства. мнѡ́ги же поуча́е­
мыя держа̀, во вселе́нную с̾хожа́ше к̾ни́мъ,
и и́же в̾ горѣ̀ стяжа́лъ бѣ̀ жи́тельство,
разрѣша́ше въ снѣ́дєхъ же и питіи́хъ.
скрыва́я я́коже свою̀ добродѣ́тель, и я́кѡ
ѿ любвѐ и послуша́нія подвиза́ємъ, є́же
бѣ̀ пре́лесть бѣсо́в̾ская, и своегѡ̀ плоть­
ска́гѡ мудрова́нія. та́кѡ у́бѡ мни́ху пре­
быва́ющу, ма́лѡ посредѣ̀ пре́йде и житіѐ вре́­
мени настоя́щеє. мнѣ́ же я́коже подоба́ше

недоумѣ́ющу. что̀ є́сть бу́дущее во
двои́хъ си́хъ житіи́хъ. моле́ніе творя́хъ
къ бг҃у, я́кѡ да пока́жетъми ка́кѡ при­
я́то бы́сть мни́ха дѣ́ланіе. и зрю̀ того̀
стре́мъ гла́въ повѣ́шена, го́рняя до́лу,
и до́лняя горѣ̀. ви́дѣвъ у́бѡ а́зъ тако­
во́е та́йньство, въ печа́ль я́коже лѣ́по
є́сть ѡбрати́хся. и сѐ другі́й нѣ́кій
гл҃а ми, что̀ я́кѡ ѡпеча́лися ѡ си́хъ.
бг҃ъ бо услы́ша моле́ніе твоѐ. и сѐ показа̀
тебѣ̀ ста́рца дѣ́ланіе. но́зѣ бо за є́же
бы́ти єму̀ не ѻбуве́ну, нбс̃ное имѣ́яху
мудрова́ніе, тѣ́м̾ же и на́ нб҃о зря́тъ.
уму́ же єгѡ̀ и прѡ́чая, земно́е и плоть­
ско́е иму́ще мудрова́ніе; ѡ се́мъ зрятъ
на́ землю; То́йже па́ки ста́рецъ моля̑­
ше бг҃а, показа́ти єму̀ ѡ уме́ршихъ
єгѡ̀ учн҃цѣ́хъ. и ви́дѣ нѣ́кая два̀ ѿ
ни́хъ на ѕѣлѡ̀ стра́шнѣ мѣ́стѣ, и
си́хъ вопроша́я. єди́нъ у́бѡ ѿвѣща̀
глаго́ля, я́кѡ погуби́ мя чревоѡбьяде́­
ніе. другі́й же глаго́лаше, я́кѡ по́мы­
слы имѣ́хъ не исповѣ́данны. и сегѡ̀
ра́ди уме́ршу ми, принесо́ша мя сѣ́мѡ.
и ѡсе́мъ у́бѡ и́же въ чревоѡбьяда́ніи,
{#л. ѿн҃ѕ}

нѣ́цыи ѿ дре́внихъ ста́рєцъ глаго́лаху,
я́кѡ ѕѣлѡ̀ бѣ̀ изда́лъ себѐ без̾вре́меннѣ
въ чревобѣше́нія стра́сть; и сія̀ у́бѡ
да́же до здѣ̀. па́ки гл҃аше се́й ста́рецъ,
я́кѡ имѣ́хъ два̀ учн҃ка̀ ше́ствующа
со мно́ю, и не согласу́юща моему̀ ра́зу­
му, смуща́ху мя ча́стѡ. и ѡсе́мъ за­
бавле́ніе ми бы́ста, къ є́же по́ бз҃ѣ упра­
жне́нію. суди́хъ у́бѡ ѡста́вити єго̀,
и во о́бщее житіѐ я́кѡ новонача́лный и
стра́ненъ в̾ни́ти. и ѿ не по пече́нія ѡбрѣ­
стѝ упражне́ніе въ бж҃іи ра́зумъ, є́же
и сотвори́хъ. сотвори́хъ у́бѡ въ мнс̃тырѝ
трѝ недѣ́ли, ничто́же у́бѡ ѿню́дъ ѡ
себѣ̀ творя́хъ, но то́чію заповѣ́дуемая
мнѣ̀, и вя́щ̾ше ничто́же, за є́же упра­
жня́тимися въ бж҃іи ра́зумъ. по трє́хъ же
нлд̃яхъ ви́дѣх̃ нѣ́коего бѣлоно́сна прише́дша
ко мнѣ̀, иму́ща с̾ собо́ю сосу́да два̀.
подая́шеже ми єди́нъ пра́зденъ, ѿ дру­
га́гѡ же иму́ща ма́сло, вълія̀ ма́лѡ
в̾него́ же даде́ ми пра́здна. и глаго́лахъ
єму̀, да́ждь ми и друго́е ма́слѡ.
ѻ́нъ же ѿвѣща̀ мнѣ̀, нѝ, но єли́­
кѡ дѣ́лалъ єсѝ, толи́кѡ и прія́лъ.

рече́ же сѐ, с̾верше́нагѡ ра́ди повинове́­
нія, и послуша́нія бл҃госло́внагѡ.
и глаго́лаше ста́рецъ, я́кѡ є́же а́ще
сотвори́тъ чл҃къ и ма́ло, а́ще є́сть
пра́веднѡ, воздая́ніє ѿ́ бг҃а пріє́млетъ.
то́чію по извѣ́стію, и я́коже
лѣ́пѡ є́сть, да быва́етъ.
бг҃у на́шему сла́ва
нн҃ѣ и прс̃нѡ и
во́ вѣки
вѣкѡ́­
мъ
;
{#л. ѿн҃з}

Мцс̃а того́же въ к҃ѳ дн҃ь. усѣкнове́ніе
чс̃тны́я главы̀, ст҃а́гѡ сла́внагѡ про̃ро́ка и
прд̃тчи, крс̃тля гдс̃ня іѡ҃а́нна, блгс̃вѝ о́ч҃е.

И́же в̾ рожде́нныхъ жена́ми, свидѣ́тель­
ствуєтся бо́ліи всѣ́хъ бы́ти ѿ хрс̃та̀,
и про̃ро́ка превы́шьши. и́же пред̃игравъ во́
чревѣ, и су́щимъ на землѝ, и во а́дѣ х҃а
провѣ́давъ. Се́й бя̑ше сн҃ъ заха́рія
архієре́я, и єлисаве́ѳи, ѿ обѣща́нія
гавріи́лова рожде́нъ. по сѣ́ченъже бы́сть
въ чс̃тну́ю главу̀ ѿ и́рода, без̃зако́ннагѡ
ра́ди смѣше́нія иродіа́дина. се́й ѿ са́мыя
утро́бы ст҃ы́нею ѡбложе́нъ, чистотѣ̀
насе́лникъ бы́въ, цѣлому́дріе ѡблобы­
за́въ, не яде́нію ѡбучи́вся, и вся́ка­
гѡ чл҃ческагѡ смѣше́нія ѿда́ленъ.
и въ пусты́ни я́коже во́ градѣ ѡбита́въ,
со ѕвѣрмѝ живы́й. велбу́жди вла́сы
ѡдѣ́янъ. усмя́нымъ по́ясомъ препоя́­
санъ, и ра́вну пти́цамъ пи́щи стяжа́въ
при ѡбрѣ́теніе. поуче́ніе же не преста́­
нное, бж҃ія зако́на творя́й. мня́ху­
ся того́ва храни́лу и ѡпа́с̾ству, вся̀
вто́ра и не крѣпка̀. и́же предѣ́лы пре­
ше́дъ єстества̀. и чи́стѡ и непоро́чнѡ

и вся́кагѡ превы́ше єстества̀ крести́въ
хрс̃та̀. Тогда̀ мнѡ́гіи въ не чистотѣ̀
и́рѡдъ, июде́йскія землѝ четверовла́­
стникъ, бра́та своего̀ філи́ппа жену̀,
къ бра́ку при ведѐ. бж҃е́ственою у́бѡ по­
дви́женъ ре́вностію про̃ркъ, и и́стинным̃
ору́жіемъ ѡгражде́нъ, глаго́лаше къ
мучи́телю, не досто́итъ ти имѣ́ти
жены̀ філи́ппа бра́та твоегѡ̀. а́біе
темни́ца и у́зы ѡбъя́ша ст҃а́го, не
и́стовѣй жени́щи къ сему̀ рачи́теля
пону́дивъшеи. ѿню́ду же рожеству̀ со­
творя́ему, и пія́нству дово́льну и сла­
столюби́ву, къ изъ умле́нію привле́къшу
пія́ницу, пляса́ніе блудни́чины дще́­
рища, и м̾зда̀, проро́чо убі́йство.
а́біе у́бѡ принесе́ся на блю́дѣ, пра́ве­
днагѡ глава̀, и дана̀ бы́сть блудни́­
цѣ и прелюбодѣ́йцѣ женѣ̀, єщѐ кро́­
ви ка́плющи, и та́яжде вѣща́ющи.
Бы́ша же сія̀ въ сева́стѣ гра́дѣ, ѿ сто­
я́щемъ ѿ ієрс̃ли́ма днѐ пу̑ть. и и́же
поне́мъ нача́льствовавъ четверовла́сть­
никъ, ца́рьскія со оружѝ дѡ́мы. и
про̃ркоубі́йственный соверши́ся пи́ръ.
{#л. ѿн҃и}

та́мѡ и про̃рческое ѻ́но и ст҃о́е ѡбви́то ѿсво­
и́хъ єму̀ ученикѡ́въ, сокрове́нно бы́сть
тѣ́ло. тогѡ̀ мл҃твами бж҃е поми́луй
и спасѝ на́съ, я́кѡ бл҃гъ
и чл҃колю́бецъ;

Вто́й же де́нь сло́во ѿ ста́рчества.

Ѡбесче́стенъ бы́сть иногда̀ бра́тъ нѣ́­
кій ѿ подви́жныхъ, и па́че же пѣ́нію
и мл҃твѣ прилѣжа̀ бя̑ше. ѻ́нъ же
ѡбесче́стіи и́хъ уха́пленъ бы́въ, тя́­
жцѣ и болѣ́зненѣ сѐ прія́тъ, и всѣ́ми
ѻбразы̀ потща́ся угоньзну́ти я́же ѡсе́мъ
запреще́нія. є́же и бы́сть. ино́му во­
спріє́мшу ѡне́мъ є́же къ па́стырю ѿвѣ́тъ
и попече́ніе. но́щь же ту̀ по ѡбы́чнѣмъ
пѣ́ніи и мл҃твѣ усну́вшу єму̀, ѕри́тъ
во снѣ̀ пти́цу нѣ́кую, я́же плѣжа́ше
по землѝ, зане́же крилу̀ не имѣ́яше
бѣ̀ по́лъ єя̀. та́же в̾зы̑де нѣ́какѡ
на́ древо нѣ́кое пречю́днѡ ѕѣлѡ̀, и нача́тъ
пѣ́ти пѣ́сни сла́дки вельмѝ, вся́къ
у́мъ удивля́ющь. ѻ́нъ же услади́ся
пѣ́ніемъ єя̀, и почюди́вся видѣ́нію, прилѣ́­
жнѣе смотря́ше на ню̀. и сѐ небѣ̀ по́лъ єя̀,

и по́лъ главы̀, то́кмѡ єди́нъ но́съ цѣ́лъ
и́мже поя́ше. и єя́же утвержа́стѣся
но́зѣ на́ древѣ о́номъ. ѻ́нъ же уди́влься
речѐ в̾ себѣ̀, а́ще пти́ца сѝ ѕлоѡбра́зна
є́сть, но у́бѡ пѣ́сни єя̀ сла́дки су̑ть
ѕѣлѡ̀. та́же воз̾бну́въ ѿсна̀, и ѿ сла́дости
о́ногѡ пѣ́нія ѡбрѣ́те срд̃це своѐ вся́кія ра́­
дости и умиле́ніа испо́лнь. ку́пнѡ же
стра́хомъ и тре́петомъ ѡбъя́тъ бы́въ ѡви́­
дѣнныхъ, печа́луя и скорбя̀ пла́каше го́­
рцѣ гл҃я в̾ себѣ̀, я́кѡ пти́ца сія̀ ѻ́бразъ
є́сть моегѡ̀ лише́нія. я́ко же и и́ндѣ
рече́ся, я́кѡ по́лъ и́хъ изы́де и́змира,
по́лъ же и́хъ в̾ миру̀ ѡста̀, си́рѣчь в̾ мир̾­
ско́мъ и плотско́мъ мудрова́ніи. не вся́къ
гл҃яи ми гдс̃и гдс̃и, и про́чаа. не се́ли
бѣ̀, єгда̀ моля́хся, гдс̃и, да́ждь ми сми­
ре́ніе. и сѐ гдс̃ь посла̀ исцѣли́ти тщесла́­
вную мою̀ ду́шю. а́зъ же не пригото́ванъ
и не терпѣли́въ къ ско́рбемъ ѡбрѣто́хся.
и испо́лнися на мнѣ̀ про̃рчество гл҃ющее, цѣ­
ли́хомъ вавѷлѡ́на, и не исцѣлѣ̀. и си́це
укаря́а себѐ пла́кашеся. Подо́бнѡ сему̀,
я́коже и о́нъ бра́тъ и́же мнѡ́жицею зря̑ше
себѐ во снѣ̀ на́га вся́чески, не имѣ̀ я̀ ѿню́дъ
{#л. ѿн҃ѳ}

прикрове́ніе нѣ́кое. иногда́ же изли́шія
утро́бная во́нъ ѿ утро́бы излага́я.
и ѿ є́же у́бѡ измета́ти изли́шія утро́­
бная, скве́рно житіѐ имѣ́ти себѣ̀.
разумѣ́хъ речѐ, и рабо́тающа пло́ти.
а є́же па́ки ви́дѣтися на́гу, помы­
шля́хъ я́кѡ ѡбнажи́хся черто́га и бра́ка,
и бж҃е́ственыя ѻде́жди. и я́кѡ не потре́­
бенъ ра́бъ свя́занъ рука́ма и нога́ма,
и в̾ве́рженъ во тму̀ кромѣ́шнюю, ту̀
бу́детъ пла́чь и скре́жетъ зубѡ́мъ,
я́коже гл҃етъ ст҃о́е єѵг̃а́ліе. и во мнѡ́зѣ
печа́ли и ско́рби бѣ́хъ, рыда́я го́рцѣ.
єгда́ же прочто́хъ кни́гу снораз̾суди́тель­
ную, ѡбрѣто́хъ я́кѡ є́же испромета́ти
утро́бѣ изли́шная, є́же є́сть ми́ръ
ѿ мета́ти и мирска́я ѿ себѐ. а є́же на́гу
бы́ти, то́жде па́ки є́сть, є́же ѡбна­
жи́тися вся́чески ми́ра сверше́нымъ не­
стяжате́льствомъ. и сія̀ си̑це
ѡбрѣ́тъ, премѣни́хъся
пе́рвыя печа́ли
съ бг҃омъ
;

Вто́йже дн҃ь поуче́ніе ст҃а́гѡ григо́рія
ѡ́гнѣвѣ.

Не дади́те бра́тіе мѣ́ста гнѣ́ву в̾ себѣ̀,
зане́же му̑жь гнѣвли́въ, бл҃года́ти бж҃ія
не пріи́метъ. гнѣ́вомъ свои́мъ с̾ высоты̀
терпѣ́нія, в̾ ро́въ па́губныя я́рости въ­
па́даетъ. кото́рый ѕвѣ́рь лю́тъ
та́кѡ, и не укроти́мъ; я́коже гнѣ­
вли́въ му̑жь, и не удержа́яи я́рости.
что́ бо є́сть горѣ́е гнѣвли́ваго; то́бо не
и́стова твори́тъ чл҃ка, без̃ѡбра́зна и не бл҃га.
не прихо́дит̃ бо дх҃ъ бж҃іи на гнѣвли́ваго.
помы́сли у́бѡ, я́кѡ гнѣ́въ держа́щіи
са́мъ собо́ю не владѣ́етъ. не по́мнит̾бося
ѿ гнѣ́ва, но я́кѡ пія́нъ є́сть ѿ я́рости.
не зна́ет̾бо добро̀ творя́щихъ єму̀, но
а́ки в̾ но́щь ра́тну, всѣ́хъ хвата́етъ.
всѣ́мъ бесчи́ніе вѣща́етъ, ме́ньшимъ и
то́чнымъ себѣ̀, и старѣ́йшину ху́литъ.
прети́тъ, велерѣ́чьствуетъ ѕѣлѡ̀, клене́тъ
и біе́тъ, ни вче́м̾ же не покори́тся, и не при­
є́млетъ словє́съ утѣша́ющихъ єго̀. но
я́коже у́бѡ в̾ по́лзающих̃ гадѣ́хъ я́дъ, та́кѡ
и гнѣвли́вагѡ я́рость. воз̾бѣси́въся
гнѣ́вомъ, я́кѡ пе́съ ла́етъ на всѣ́хъ,
{#л. ѿѯ҃}

и а́ки скорпі́я усѣка́етъ, и а́ки ѕмія̀ ха́­
плетъ. бѣ́гайте бра́тіе такова́го ѕла̀.
занѐ, ни са́нъ бо гнѣвли́вагѡ че́стенъ, ни
сѣди́ны поле́зны, ни бл҃гопрія́тна такова́­
гѡ же́ртва, ни мо́жет̾бося ѡправда́ти.
но глаго́ли, терпя̀ по терпѣ́хъ гдс̃а,
и вня́тми. ѿженѝ я́рость, и гнѣ́въ
ѿ́ срд̃ца. я́коже гдс̃ви ре́кшу, я́кѡ вся́къ гнѣ́­
ваяися на бра́та своего̀ в̾су́е, пови́ненъ
є́сть суду̀. гнѣ́въ же бу́ди ти то́чію
на єди́наго дія́вола, тѣ́мъ бо и с̾ поро́ды
испадо́хомъ. то́йжде и нн҃ѣ кого́ждо
на́съ лови́тъ прельсти́ти, и в̾ неугаса́ю­
щемъ потопи́ти пла́мени, єго́ же
и са́мъ сатана̀ ѕлѣ̀ трепе́щетъ. тѣ́мъ
же преста́ни ѿ гнѣ́ва, и ѡста́ви я́рость,
да не со и́родіею ѡсу́дишися. ѻна́ бо
гнѣ́вашеся ѕелѡ̀ на хотя́щаго ю̀ спастѝ
іѡ҃а́нна крести́теля, и слы́шащи ѿнегѡ̀
быва́емая чюдеса̀, и я́кѡ а́спида глу­
ха́я затыка́ющи у́ши своѝ, до́нде­
же подо́бнѡ вре́мя ѡбрѣ́те, и та́кѡ
іѡ҃а́нна усѣ́кну, себе́ же ѿ четы́­
рєхъ конє́цъ прокля́тъ. годи́тъ
бо дія́волъ свои́мъ уго́дникѡмъ,

да бы́ша с̾верши́ли гнѣ́вную ѕло́бу, и
здѣ̀ по хвали́лися ѡ грѣсѣ̀, и беспокая́нія
ѿшлѝ въ му́ку. что́ бо сотворѝ гнѣ́въ
и́родіи усѣ́кну іѡ҃а́нна, ѻ́ного посла̀ въ
црс̃тво, себе́ же въ бесконе́чную му́ку.
єя́же боя́щеся не мо́жемъ гнѣ́ва
держа́ти между̀ собо́ю. бг҃у
на́шему сла́ва, нн҃ѣ
и при́снѡ и во́ вѣ­
ки вѣкѡ́­
мъ
;
{#л. ѿѯ҃а}

Мцс̃а того́же въ л҃ де́нь, па́мять ст҃ы́хъ
оц҃ъ на́шихъ, и прс̃нѡ воспомина́емыхъ
патріа́рхъ констянти́ня гра́да, алеѯа́ндра
и іѡ҃а́нна, и па́вла но́вагѡ. сти́хъ.

Но́вагѡ ри́ма патріа́рси и учт҃ліе, ве́тхагѡ
ри́ма учт҃лє бл҃ги́мъ подража́ша. въ л҃ тріѐ
патріа́рси ѿ житія̀ к̾ жи́зни въ зыдо́ша.

Вто́йже де́нь па́мять прпд̃бнагѡ оц҃а на́ше­
гѡ фанти́на чюдотво́рца.

Се́й бя̑ше ро́домъ ѿ страны̀ калаврі́йскія,
вріе́ны рожде́ніе. ѿ самы́хъ пеле́нъ бг҃у воз̃­
ло́жься, и в̾ монасты́рь нѣ́который в̾да́нъ
бы́сть, и вла́сы постри́гъ вся́кагѡ добродѣ́­
телнагѡ ви́да проше́дъ. бы́въ дѣ́латель
иску́сенъ за́повѣдей бж҃іихъ. и бж҃е́ственым̃
вели́кимъ ѿкрове́ніемъ сподо́бився. по пу­
сты́няхъ бо и погора́хъ ходя̀ за два́десят̃ дні́й
а́лченъ пребы́въ. и на́гъ зачеты́ре лѣ́та
пре́йде. и мно́гими ѡб̾стоя́ньми срацы́нь­
скими бра́вся, за ѯ҃, лѣ́тъ дово́льствовавъ.
вита́лія и ники́фора своя̀ учн҃кѝ пое́мъ къ пе­
лопони́су ѿи́де. и к̾ кори́нѳу ча́стѡ приходя̀
мно́гимъ хода́тай спасе́нію бы́сть. та́же
во аѳѵ́нъ ше́дъ, и ст҃о́му бг҃оро́дичну
гро́бу поклони́ся. до́йде въ селу́нь,

ѡбше́дъ вели́каго дими́трія чюдеса̀. за
се́дмь лѣ́тъ ѡбы́чнагѡ воздержа́нія пра́вило
ѡбходя̀, въ ста́рости до́брѣ житіѐ изъ­
ѡста́ви;

Вто́йже дн҃ь сло́во ѡ житіѝ и ѡ трудѣ́хъ
прпд̃бнагѡ оц҃а на́шегѡ христофѡ́ра.

Повѣ́даше ѻц҃ъ на́шь ѳеодулъ ѡ се́мъ
прпд̃бнѣм̃ му́жѣ, а́зъ речѐ постриго́хъся
въ мнс̃тырѝ ст҃а́гѡ ѳеодѡ́сія, и ѡбрѣ­
то́хъ ту̀ ста́рца вели́ка и́менем̃ христофѡ́­
ра ри́млянина ро́дом̃. во єди́нъ же ѿ дні́й
поклони́хся єму̀ гл҃я, сотворѝ любо́вь
о́ч҃е, повѣ́ждь ми ѿ ю́ности дѣ́ла своя̀. и ра­
зумѣ́въ ста́рецъ я́кѡ по́лзы ра́ди вопроша́ет̃,
и повѣ́да ми гл҃я, а́зъ ча́до ѿверго́хся
ми́ра, и єгда̀ бы́сть мни́хъ здѣ̀, в̾ де́нь
упражня́хся на слу́жбу, а в̾ но́щь ѿ
ходя̀ въ пеще́ру мл҃твы ра́ди, идѣ́же бѣ̀
ст҃ы́й ѳеодѡ́сіи, и про́чіи ст҃і́и оц҃ы̀. и низ̃­
ла́зя на ко́емждо степе́ни поклоня́хся бг҃у,
сто̀ покло́нѡвъ полага́хъ. є́сть же степе́ній
всѣ́хъ число́мъ, и҃і. и єгда̀ вну́трь в̾ла́зя
кла́няхся, и мл҃твы творя̀. и єгда̀ воскле­
пава́ху у́тренюю, тогда̀ исхожа́хъ на слу́жбу
свою. к̾ сему́ же и по́стъ мно́гъ стяжа́хъ.
{#л. ѿѯ҃в}

и сѐ творя̀ лѣ́тъ де́сять и єдино, въ во­
здержа́ніи и внесниска́ніи и послуша́ніи и въ
трудѣ̀ тѣле́снѣмъ. єди́ною же хотя́щу ми
вни́ти в̾ пеще́ру, и бы́хъ в̾ восто́рзѣ, и ви́­
дѣхъ пеще́ру по́лну кади́лъ, и о́вы горя́ху а
ины́я не горя́ху. и ви́дѣх̃ же два̀ му́жа бѣло­
ѡбра́зна ходя̑ща и пострая́юща кади́ла, а́зъ же
рѣ́хъ, что̀ пострая́ета кади́ла сія̀, не дади́­
ста ми в̾ лѣ́сти помоли́тися. и рѣ́ста ми
чернори́зче, сія̀ су̑ть кади́ла тружа́ющихся
бг҃у. и гл҃ахъ, почто̀ о́вы горя́тъ, а о́вы не го­
ря́тъ. и ѿвѣща́ша ми, до́брѣ рабо́тающих̃ бг҃у
горя́тъ, а лѣня́щих̃ся не горят̃. и рѣ́хъ, моѐ
кади́ло гори́тъ ли илѝ нѝ. и гл҃аста мѝ, тру­
жа́йся в̾ мл҃твах̃ к̾ бг҃у и воз̃же́ма є̀. и ѿвѣщах̃,
а є́же досе́лѣ моли́хся, что̀ сотвори́хъ. и ѡсем̃
диви́ся словесѝ, и ѡбрати́хся никого́же ви́дѣх̃.
и тогда̀ рѣ́хъ всебѣ̀, ѽ христофѡ́ре, бо́ліи
тру́дъ тре́бѣ ти є́сть. и зау́тра идо́хъ в̾ си­
на́йскую го́ру, ничто́же взе́мъ, то́кмѡ вне́же­
ся ѡдѣ́нъ. и сотво́ршу ми та́мѡ н҃ лѣ́тъ. и
пріи́деми гла́съ гл҃я, христофѡ́ре идѝ во о́бщее
житіѐ идѣ́жеся до́брѣ потруди́лъ, да та́мѡ пое́­
ши со оц҃ы̀ свои́ми. и сія̀ сказав̃ мнѣ̀ предадѐ
гдс̃ви дх҃ъ сво́й, и ту̀ положе́нъ бы́сть в̾пеще́рѣ.

Мцс̃а того́же въ л҃а дн҃ь, воспомина́ніе
положе́нія чс̃тна́гѡ по́яса прс̃ты́я бцд̃ы въ
пречс̃тнѣ́мъ єя̀ хра́мѣ, су́щемъ въ халко­
пра́тіи принесе́номъ ѿ єпкс̃піи ѕи́лы, при
устиніа́нѣ цр҃ѣ, бл҃гословѝ о́ч҃е.

Єгда̀ пресла́вная влд̃чца на́шя дв҃ая и
мр҃і́я къ є́же ѿ нея̀ ро́ждьшемуся гдс̃у
хотя̑ше ѿитѝ, повелѣ̀ є́же да́тися
обои́мъ єя̀ ри́замъ, двѣма̀ жена́ма
в̾дови́цама и ни́щема. по преставле́ніи же
єя̀ взе́мшѣ о́нѣ о́бѣ женѣ̀ ри́зѣ, храня́­
щѣ ку́юждо усебѐ с̾ че́стію, предава́ющѣ
по́роду ины́мъ в̾дови́цамъ та́й. и́же и
єди́на взе́мши по́ясъ, имѣ́яше в̾ че́сти.
Но промышле́ніемъ бж҃іимъ ри́за ѿ каперна­
у́ма принесена̀ бы́сть, галві́емъ и канди́­
домъ, въ црс̃тво льва̀ вели́кагѡ, и поло­
жена̀ бы́сть въ влахе́рнѣ. По́ясъ же ѿ
єпкс̃піи ѕи́лы, та́мѡ ѡбрѣ́тенъ принесе́нъ
бы́сть въ црс̃тво іустиніа́ново, и положе́нъ
в̾ халкопра́тіи. в̾ дана̀ бы́шя ку́пнѡ я́кѡ
бж҃е́ственіи да́рове, тве́рдая ѡгра­
жде́нія лежи́мому гра́ду
бг҃оро́дичну;
{#л. ѿѯ҃г}

Вто́йже дн҃ь воспомина́ніе бы́вшему чюдесѝ,
положе́ніе чс̃тна́го пояса прс̃ты́я бцд̃ы на цр҃цу
зо́ю супру́жницу льва̀ цр҃я.

Вели́кагѡ ѳеодѡ́сія сн҃ъ арка́діи, во́дни
црс̃твія своегѡ̀, чс̃тна́гѡ по́яса прс̃ты́я
бцд̃ы ѿ ієрс̃ли́ма изне́съ, и в̾ констя­
нти́нь гра́дъ прине́съ, положѝ єго̀ въ
ма́лъ ковче́гъ и чс̃тнъ. єго́ же собра́ніе на­
речѐ. По арка́діи же цр҃ѣ да́же и до льва̀
сн҃а васи́лія цр҃я̀, лѣ́томъ мимоше́дшим̃,
четы́рем̃ сто́мъ и десяти́мъ, ле́въ цр҃ь ѿве́рзе
ковче́гъ ст҃ы́й, зо́и ра́ди супру́жницы сво­
ея̀. зане́же бя̑ше ви́дѣла видѣ́ніе, є́же
получи́ти є́й цѣлбу̀ и свобо́ду ѿстра́жуща­
гѡ єя̀ неду́га, ду́ха не чи́стагѡ. и́же
и показа́вся бжс̃твеный по́ясъ я́кѡ и но́во
тка́нъ свѣтя́щься. и печа́ть я́кѡ и
спря́жю зла́ту имѣ́я, и коне́чникъ по­
всю́ду сія́ющь. єго́ же изе́мъ цр҃ь и
цѣлова́въ дадѐ єго̀ тогда̀ су́щему патри­
а́рху. єго́ же патріа́рхъ свои́ма рука́ма
верху̀ цр҃цы просте́ръ, и а́біе свободи́ся ѿ
неду́га не чи́стагѡ ду́ха. прогна́ну же ѿ
ту́ду не чи́стому ду́ху, всѝ просла́ви­
ша сп҃са и бг҃а, и всечс̃тну́ю єгѡ̀ ма́терь.

пѣ́сни блода́рьственыя возда́вше, поло­
жи́вше ст҃ы́й по́ясъ въ ст҃ѣ́мъ ковче́зѣ,
идѣ́же пе́рвѣе бя̑ше въ сла́ву бг҃у.

Вто́йже де́нь сло́во ѡ ми́лостивомъ созо́мо­
нѣ, я́кѡ дая́и ни́щему ми́лостыню,
бг҃у в̾зае́мъ дае́тъ, и стори́цею пріи́метъ.

Бѣ̀ нѣ́кто чл҃къ во ієрс̃ли́мѣ созо́мѡнъ
и́менемъ. и́же идя́ше сквозѣ̀ гра́дъ,
и усрѣ́те ни́ща скорбя́ща, и совле́къ
съ негѡ̀ ѡдѣя́ніе єгѡ̀, и дадѐ єму̀ своѐ,
и и́де в̾ пу̑ть сво́й. бѣ́ же в̾ де́нь жа́твы.
и преклони́лся у́же дн҃ь к̾ ве́черу, и ма́лѡ
усну́въ, бы́въ въ восто́рзѣ, и ѡбрѣ́теся
в̾ нѣ́коемъ дому̀ чю́днѣ, в̾ не́м̾же бя̑ше
свѣ́тъ пречс̃тъ, и сады̀ вся́цы, и разли́­
чны, ѻвощѝ иму́щи бл҃гово́нны, и
вѣ́тви до землѝ преклоня́ющася. и пти́­
цы многообра́зпи поя́ху в̾ ве́рсѣхъ тѣ́хъ
прекра́сныя пѣ́сни, и молча́нія не иму́ще,
я́кѡ слы́шану бы́ти гла́су и́хъ ѿ землѝ и
до нб҃сѐ. садо́віе же колеба́хуся в̾ сла́вѣ вели́­
цѣ. Се́же єму̀ ви́дящу, пріи́де к̾нему̀
ка́женикъ нѣ́кто, и гл҃а єму̀, идѝ въ
слѣ́дъ менѐ. и пріидо́ста к̾ столпу̀ зла́том̃
покрове́ну, и с̾ква́жнею узрѣ̀ и́ны две́ри,
{#л. ѿѯ҃д}

пола́ты ѕѣлѡ̀ пресла́вны, и многоцѣ́нны
и би́серы утворены̀; и зря́щу созо́мѡ­
ну та́мѡ, и сѐ изыдо́ша му́жи крила́ти
ѿ пола́тъ тѣ́хъ, свѣтя́щеся я́кѡ сл҃нце,
нося̑ще ковче́ги четы́ре. єгда́ же чю́дныя
ты́я две́ри минова́ху а́гг҃ли, и разумѣ̀
созо́мѡнъ я́кѡ кнему̀ иду́ще бя́ху, и
проти́ву єму̀ ста́вше поста́виша ларцы̀
ты́я, и жда́ху нѣ́коего велмо́жи пріитѝ
к̾ни́мъ. и ви́дѣ созо́мѡнъ, и сѐ му́жь
кра́сенъ изы́де ѿ пола́тъ тѣ̑хъ, и пріи́де
ко а́гг҃лѡмъ держа́щим̃ ларцы̀ ты̀, и речѐ
и́мъ, покажи́те чл҃ку сему̀, что́ ся єму̀
храни́тъ сви̑та, поне́же поми́лова ни́ща­
го. и ѿкры́ша єди́нъ ѿ златы́хъ ларцѡ́въ,
и нача́ша излага́ти срачи́цы, и сви́ты цр҃ь­
скія, и простира́ху ѝ глаго́люще, гдс̃не
созо́мѡне, уго́дно ли тѝ су̑ть пред̃ ѻчи́ма
твои́ма сія̀. ѻ́нъ же речѐ, не достои́нъ
є́смь и на стѣ́нь и́хъ возрѣ́ти. и пока­
за́ша єму̀ пе́стрыя и златы́я, и ины́я
многоцѣ́нныя разли́чными лѣ́потами,
и бы́сть и́хъ я́кѡ и до ты́сящи число́мъ.
и гл҃аше єму̀, дая́и ни́щему, стори́цею
пріи́метъ, и живо́тъ вѣ́чный наслѣ́дуетъ.

гл҃а єму̀ повелѣва́яи а́гг҃лѡмъ, тебѣ̀ гл҃ю
созо́мѡне, сели́ко тѝ угото́вах̃ бл҃ги́хъ
за єди́ну сви́ту єю́же мя ѡдѣ̀ на́га су́ща
ви́дѣвъ. идѝ у́бѡ и творѝ та́ко же, и
возда́стътися стори́цею. и ѿвѣща̀ созо́­
мѡнъ со́ страхом̃, и ра́достію ѡдержи́мь,
гдс̃и мо́й та́ко ли є́сть и́же творя́тъ ми́ло­
стыню ни́щимъ. и речѐ, є́й. вся́къ
бо творя́й ми́лостыню, стори́цею пріи́­
метъ, и жи́знь вѣ́чную наслѣ́дитъ
се́же ти гл҃ю, не раска́йся ѡ млс̃тыни,
ни поносѝ ни́щему я́кѡ да́въ єму̀ что̀,
єда́ бо во м̾зды̀ мѣ́стѡ сугу́бу тщету̀
пріи́меши. и сѐ слы́шавъ созо́мѡнъ,
воспряну́въ ѿ сна̀, и дивля́шеся в̾ себѣ̀
видѣ́нію бы́вшему стра́шному. и воста́въ
ѿ́ ложа, и речѐ, а́ще та́кѡ ми гл҃а гдс̃ь
мо́й, то̀ и другу́ю сви́ту да́мъ ни́ще­
му. и в̾ другу́ю но́щь то́й же со́нъ ви́­
дѣвъ. и у́трѣ воста́въ раздая̀
имѣ́ніе своѐ ни́щымъ, и ѡв̃е́­
ржеся ми́ра, и бы́сть
чернори́зецъ
чю́де­
нъ
;
{#л. ѿѯ҃е}

Вто́йже дн҃ь сло́во ѿ лимони́са ѡ разбо́й­
ницѣ киріа́цѣ изба́вльшемъ ѿ разбо́йникъ
из̾би́тія жє́нъ и дѣте́й, и тогѡ̀ ра́ди
изба́ви єго̀ бг҃ъ ѿ сме́рти.

Повѣ́даше нѣ́кто хрс̃толю́бецъ ѡ кѷріа́цѣ
разбо́йницѣ, я́кѡ разбо́й творя́ше въ
стра́нахъ єм̾мау́са, идѣ́же є́сть град̃
никопо́ль. и тако́въ бѣ̀ лю́тъ ѕѣлѡ̀,
я́кѡ и во́лкомъ зва́ху єго̀. имѣ́яше
же съ собо́ю и другі́я разбо́йники, я́кѡ
не то́кмѡ хрс̃тія́ны, но и жи́ды и са­
маря́ны. єди́но же ше́д̾шимъ лю́дємъ
ѿ никопо́ля из̾домѡ́въ свои́хъ во ст҃ы́й
гра́дъ ієрс̃ли́мъ въ вели́кую недѣ́лю, на
просвѣще́ніе чя̑дъ свои́хъ, и я́же про­
свѣти́вше ѡбраща́хуся на се́ла своя̀, да
творя́тъ ст҃ы́й воскс̃рнія де́нь. и усрѣ­
то́ша и́хъ разбо́йницы, не су́щу ту̀
старѣ́йшинѣ разбо́йникѡмъ, му́жи же
бѣжа́ша, жены́ же є́мше, новопросвѣще́­
нныя же младе́нцы поверго́ша на землѝ.
жи́дове же и самаря́не бы́ша сни́ми. и
я́кѡ му́жіе бѣжа́ша, и срѣ́те я̀ разъ­
бо́йникѡмъ старѣ́йшина, и вопросѝ я̀,
что̀ бѣ́гаете. ѻни́ же повѣ́даша єму̀

прилучи́вшеєся. и поє́мъ и́хъ кѷріа́къ
старѣ́йшина разбо́йникѡмъ, и приведѐ
къ дружи́нѣ своє́й, и ѡбрѣ́те дѣ́ти
пове́ржены на землѝ, и увѣ́дѣвъ я́ко
же сотвори́ша онѝ, и а́біе усѣ́кну со­
тво́ршаго скве́рну. и повелѣ̀ мужє́мъ
взя́ти дѣ́ти, и не ѿлуча́тися ѿ жє́нъ
свои́хъ, прикоснове́нія ра́ди скве́рнагѡ.
проводи́въ же и́хъ и до села̀ своегѡ̀.
ма́лѡ же поме́дливъ, я́тъ бы́сть и
са́мъ старѣ́йшина разбо́йникѡмъ, и
пребы́въ въ темни́цѣ десятьлѣ́тъ,
и никто́ же ѿ кня́ѕь убѝ єго̀. По­
слѣди́ же испуще́нъ бы́сть истемни́­
цы, и ска́зоваше са́мъ ѡ себѣ̀ на по́ль­
зу слы́шащымъ, я́кѡ дѣтє́й о́нѣхъ
ра́ди, я́же изба́вихъ го́ркія сме́рти изъ­
бѣжа́хъ. ви́дѣхъ бо я̀ мно́гащи гл҃ющя
мѝ, не бо́йся, у́же мы̀ за тя̀ ѿвѣща́­
емъ. Бесѣ́довахъ же речѐ а́зъ сни́мъ
а́вва іѡ҃а́ннъ по́пъ о́бщагѡ житія̀, и
сія̀ на́мъ повѣ́даше, сла́вя бг҃а ѡ
всѣ́хъ быва́ющихъ ѿнегѡ̀ пресла́вныхъ,
я́кѡ не забве́нны су̑ть добродѣ́тели вся́­
кагѡ чл҃ка предъ бг҃омъ. и́хъ же ра́ди
{#л. ѿѯ҃ѕ}

изба́вленъ бы́сть ѿ у́зъ и темни́цы и
ѿ го́ркія сме́рти и сі́й разбо́йникъ
кѷріа́къ, ѡ хрс̃тѣ̀ іс҃ѣ гдс̃ѣ на́­
шемъ. єму́ же сла́ва че́сть
и держа́ва, со оц҃е́мъ и
со ст҃ы́мъ дх҃омъ,
нн҃ѣ и при́снѡ и
во́ вѣки вѣкѡ́­
мъ
;
; ;
;